From: @sixth_numero
To: @HoneybeedelSol
Sent: Sun, 04/26/2020, 09:01
Subject: To the girl whose pinches even got me addicted...

Hon,

I am writing this email to you with a date in a café. Just me and a cup of espresso. Oo. Espresso. 'Yong laging inaagaw mo sa'kin kahit na vanilla latte ang na sa'yo tuwing pumupunta tayo sa paborito nating café sa Cebu.

But this espresso now tastes different without you. O baka dahil mas gusto ko ang lasa nito noon dahil sa pag-inom mo. Siguro huling beses ko na 'tong oorderin. Hindi ko na pala gusto.
How's your week? I had a hectic one. MBA and work stuff. Sa mga ganitong bagay lang naman kasalukuyang umiikot ang mundo ko.

"You done with your essay on our Managerial Econ?" tanong sa'kin ni Lira sa araw na Lunes. Nasa classroom kami. May kinse minutos pa kaming bakante bago ang susunod na subject. Halos lahat abala sa kare-review ng essays nila.

"Yeah. You?"

"Tapos na rin. Gosh, Prof. Colton is strict. Teacher namin siya sa Econ no'ng college. Graduate ng NYU."

"Terror ba?" I got curious. Naka-krus ang braso ko habang nakasandal sa upuan.

Napasulyap siya at ngumisi sa nakaupo sa tabi niyang si Jemuel. He's busy reading his paper.

"Jem! Terror ba raw si Prof. Colton?"

Hindi man lang nag-angat ng tingin si Jemuel mula sa binabasa niya. Pero sumenyas siya gamit ang hintuturo na pinalandas niya sa kanyang leeg. He made a choking sound at the back of his throat.

Natawa si Lira at bumaling ng tingin sa'kin. "Palagi kasi 'yang nasasabon ni Prof. noon!"

I nodded and grinned. "I'm used to terror teachers back in college."

"You're originally from Cebu, right?"

"Australia, actually. Well, I was born in Australia. Pero bumalik din kami ng Cebu no'ng ten years old ako at doon na naninirahan." Medyo napangiti pa ako ng konti habang sinasabi 'to. Naalala ko na naman kasi ang una nating pagkikita, Hon.

Napaawang ang labi niya. "Wait! Are you half Australian? Is it your Mom kasi Numero apelyido ng Papa mo e?"

"One fourth lang siguro. My Mom's the half-Australian. It's my grandfather who's pure Australian while my grandmother's pure Filipino."

Tumango-tango siya. "Oh. Kaya pala tisoy ka. So your middle name is?"

"Wilson."

"Oh." Akala ko doon na nagtatapos ang usapan. Pero muli siyang nagsalita.

"Duty ka na naman mamaya sa Hilara Mall? Sa'n ka ba na-assign?"

"Uh...Finance Department." Medyo nag-aalangan pa akong sagutin ang tanong niya at baka mabisto pa ang cover ko. Iilan lang naman talaga ang may alam na pamilya ko ang may-ari ng isa sa pinakamalaking mall sa bansa.
Mabuti na lang at hindi na nasundan ang tanong niya dahil dumating na si Prof.Colton.

Matapos ang klase sa Managerial Econ ay nagpunta na kami sa resto na malapit lang sa eskwelahan. Jemuel suggested it and was seconded by Lira. Palagi raw kasi sila rito at talagang masarap ang pagkain.

The ambiance was also nice. Kinda homey. Gawa sa matitibay na kahoy ang istruktura nito. Wala masyadong mga estudyante dahil nga summer break pa.

We ordered seafoods. Crabs, shrimps, and some clams. Nakalagay lahat sa malaking bilao. Masasabi ko namang maykaya lahat ang mga classmates ko. Some of them are sons and daughters of the country's finest businessmen.

Tulad na lang nina Jemuel at Lira na parehong mga anak ng may-ari ng mga sikat na restobar sa Maynila. Hindi naman nila itinatago ang reputasyon ng pamilya nila. Ako lang siguro. It's my decision and I want to stand by it. Ayokong magsinungaling pero ayoko rin namang ipangalandakan ang pagkatao ko.

"And I was investing on it expecting a fifty percent return. Damn. It was all a scam," pagpapatuloy ni Dan. Napunta na kasi tungkol sa investments ang usapan namin sa kalagitnaan ng pag-kain.

"You should've checked if it's legit in the first place!" sabad naman ni Kelsy. 'Yong babae na kasama ni Jemuel sa Revel no'ng nakaraan. I didn't ask if they're together. Hindi naman ako chismoso. And frankly, I didn't care. Buhay nila 'yon.

"Yeah. Wrong move, man," si Jemuel.

"Nadali nga ako. Everyone was pretty in it. I was just really swayed. So I thought, why not try?" depensa naman ni Dan. And then he turned to me. "Ikaw, Sixth. Nakapag-invest ka na?"

I nodded and leaned on the backrest of my seat. Tapos ng kumain. "Yeah. I've invested to some."

He wiggled his eyebrows suggestively. "So...any returns?"

"Seventy percent," kalmado kong sinabi.

There were a series of groans on the table. Obviously, lahat sila namangha sa sinabi ko. Maingat naman talaga ako kapag investments ang pinag-uusapan. Hindi nagkulang sa pangangaral si Dad nito sa'kin.

"Pa'no 'yon?" si Dan na halatang interesado na ngayon. Pansin ko rin na nakikinig na ang iba ko pang kasamahan.

"I let someone hold my money and invest it for me. Using his name."

"Wow. Wais mo! I'm sure you're gonna be one hell of a shark in the business world one day. Invest ako sa kompanya mo ah."

I chuckled. "Sure, Dan."

Nagpatuloy naman ang usapan at nalihis na ito sa ibang paksa. And of course, it was love. Orchestrated by the women in our group.

"Kayo na nga ni Kelsy, Jem? Share naman kayo!" pang-aasar ni Lira.

Ngumisi lang si Jemuel at binalingan ng tingin ang katabing si Kelsy. Siya naman ang sumagot. "Nasa getting to know each other stage pa kami."

"Ganern? Nagse-sex na kayo pero getting-to-know each other stage pa? Ano 'yan?! Kinikilala niyo pa ang katawan ng isa't-isa?" walang prenong sabi ni Franzie. At first I thought it was Lira who's the most direct woman in the group. Mali pala ako.

Namula naman na parang kamatis ang pisngi ni Kelsy samantalang nakangisi lang si Jemuel na parang wala lang sa kanya ang panunukso ng kaibigan. They started teasing the two of them. I was just observing them silently with a small smile while sipping on my drink.

"Naku. Kayo talagang mga lalaki. Sex lang palagi habol niyo sa'min," one of the girls stated.

"Hindi ah. Grabe. 'Wag mo naman kaming nilalahat, Jen," si Jemuel sabay sulyap sa'kin at sa iba pang mga lalaki sa grupo. Halatang naghahanap ng kakampi.

"Asus. Mag-iingat ka, Kelsy! Mukha pa namang gago 'tong si Jemuel. Mabuti pa 'tong si Sixth Numero. Mukhang loyal!"

Nasamid ako sa iniinom na pineapple juice dahilan para mapaubo ng kaunti. Inilapag ko ang baso sa mesa. Mahina namang hinampas ni Lira ang likod ko gamit ang isang kamay niya. "Okay ka lang?"

I cleared my throat and licked my lips. "Yes. I'm... fine."

"Loyal talaga 'tong si Sixth. Sa sobrang pagka-loyal, hindi pa nakaka-move on sa ex!" anunsiyo ni Lira sa lahat sabay kindat sa'kin. Now, they were looking at me closely.

"Baka naman sobrang ganda ni ex! That's why he hasn't moved on yet."

"Malamang! Ang pogi kaya ni Sixth. Dapat lang na maganda si ex-girlfriend!"

Hindi ko na talaga alam kung bakit biglang napunta sa'kin ang atensyon. I only smirked and shook my head with what they were saying. Hindi na ako nagkomento at baka mapahaba pa ang usapan. Truthfully, I was expecting them to move on to the next topic.

"Ilang taon na ba simula no'ng maghiwalay kayo?"

Napalunok ako bago sumagot. Mukhang maiinterview 'ata ako ah. "Mahigit isang taon na."

Nanlaki ang mata ni Franzie. Parang 'di makapaniwala sa naging sagot ko. "Wow! Ang tagal na pala! Hindi ka pa nakaka-move on?!"

Palihim siyang siniko ni Lira. Nasa gawing kanan niya kasi siya nakaupo.

"Mahal ko lang," I simply said.

"Anyways! Sino ba talaga ang mas madaling mag-move on? Kayo bang mga lalaki?" tanong ni Lira. I was thankful though. I was pretty sure she did it to sway the attention away from me. Feeling ko kasi nasa hot seat ako kanina.

Kaya napunta na naman sa pagmo-move on ang usapan. Napangiwi ako. Gano'n pala 'pag may mga babaeng kasama. Hindi nauubusan ng pag-uusapan. Sanay kasi ako na sina Eghart lang ang palaging nakakasama. Puro lalaki lang. Well, except those instances that you were with us, Hon. Those instances were my favorite.

Ikaw naman kasi ang nagpapa-balanse sa tropa. We usually seek for your opinions and respect them. Not just because you're older or wiser but also because you understood us more than anybody else. Heck, even more than we understood ourselves.

Kapag nagiging gago na si Ricker, sinasabihan mo. Kapag nasobrahan na sa pagbibiro si Eg sinasaway mo. Kapag masyado ng tamad si Anthony, binibigyan mo ng trabaho. Kay Aki ka lang walang problema. At sa'kin, kapag naiinis ka na, kinukurot mo ang tagiliran ko. Ang dami ko ngang pasa sa katawan dahil sa'yo.

Pero kahit isang beses, hindi ako nag reklamo. Mas lumalapad pa nga ngisi ko 'di ba? Mas inaasar pa nga kita. Gano'n ako kabaliw sa'yo. Na kahit kurot mo, gustong-gusto ko.

-Sixth-