Pateeley mei ghusa muh liye Vineet aur Karan ne ghar sar pe utha liya.

Kishori ji, Mishra ji aur Shukla ji ne kaafi koshish ki par na nikla. Har ek upar apnaya par koi faida na hua, aab wo bhi nirash ho gaye aur gussa!! Uska toh kya hi kehna agar jo sar pateeley mei na hota toh maar maar ke sar phod diya jaata dono ka.

Apne dard ko maarta hua Birju bhi aa pahucha tha aur samajh chuka tha pateeley ke piche ka raaj par kuch kar na sakta tha kyunki uske badh mahool aur bigad jata.

Aurtein kaafi ghabra gayi hui thi. Vineet ki maa ne toh jaane kitne mannat mang liya itne hi der mei, bechari karti bhi kya ek toh eklauta beta uspe bhi muh mei pateela phasha liya.

''Arey chup karo apna muh tum, tabse bole hi jaa rahi ho. Itni hi chinta hai apne bete ki toh sambhalti kyun nahi isko, awara kutton sa kyun chod rakha hai aise.'' Shukla ji apni patni pe barse jo kabse chinta mei naa jaane kya kya bole hi jaa rahi hai aur aab Shukla ji pareshan ho chuke the.

''Hum chup ho jaayenge par aap kuch kijiye toh sahi, bechare bacche tabse phashe hue hai.'' Karan ki maa boli.

''Koshish toh kar hi rahe hai tabse, aab jaane inko kya shauk tha pateela mei muh ghushane ka, nikal hi nahi raha. Mujhe toh lagta hai kissi doctor ko bulana padega.'' Sharma ji ne vicharte hue kaha.

''Toh bulao na, kaahe tabse natak kar rahe ho jaa ke bula lao kissi doctor ko.'' Sasi maa ne fatkaara.

Sharma ji ne unhe ghoora par bina kuch kahe chale gaye.

Birju khada khada soch raha tha ki jaane aur kya kya dekhna padega unhe. Ladki ka chakkar sach mei bahut danger hota hai. Dekho na Vineet ke saath jiss se milne gaye wahan koi chhat se gira toh kissi ko andha kar diya gaya aur usse toh khair chaku hi maar diya. Haath paon toh teeno ke toote par ladki na milli. Aur aaj toh khair uske saath WWF wali fight hui hai,uske pita ne usse dauda dauda ke peeta hai aur itna peeta hai ki doctor bulwana padd gaya.

Unn toh dard usse abb bhi jordaar hai par dosto ka moh bhi kahan chut sakta hai, issliye apne dard ko sehen karta hua aa gaya bahar.

Kuch waqt beet gaya, Sharma ji pass ke ek doctor ko bula laaye.

''Aye, Muniya jara dekho toh kaise atak gaya hai ye pateela.'' Sasu maa ne doctor se kaha jiska muh utar gaya.

''Mata ji hamara naam Munshi Prasad Tiwari hai Muniya nahi.'' Doctor bole par Sasu maa kahan dhyan dene wali thi uspe, dant diya unhe.

Doctor apna sa muh leke reh gaye aur pateeley ko nikalne mei jut gaye. Unhone kaafi aasani se nikal diya pateela, sab khush ho gaye par dono ladkon ka chehra laal ho chuka tha, paseene mei tar badar ho gaye the dono, saasein phool rahi thi.

Varsha ne jhat se pani aur tauliya laa ke diya. Doctor ne jara check kar liya ki kahin jyada dikkat toh na ho rahi par sab thik malum pada, unhone dono ko ek dawai di aur uth khade hue.

Sharma ji ne unko vida kar diya aur aab sabki najar dono pe tik gayi.

Jo ki aab pateela nikal chuka hai toh ye bhi janna jaruri hi tha ki wo akhir atka kaise.

Pehla sawal Kishori ji ne daaga,''ye pateela phash kaise gaya, kar kya rahe the uske saath tum dono?''

Sawal sunte hi dono ke chehre ka rang fir udd gaya, kya jawab de aab? Vichar vimas ho uthe, sach bata nahi sakte aur koi jhooth mil na raha tha, bole toh kya bole.

Abhi pehle sawal se ubhar hi rahe the ki Shukla ji ne dusra sawal puch liya,''bolo bhi, aisa kya hua ki pateela mei muh chupane lage dono?'' Shukla ji ka saal kuch jyada hi teer sa chubha kyunki sabke samne aisa sawal unhe apmaan janak laga, unki maayein bhi wahan hai jinki najar mei wo abhi tak sareer bache hai aur yahan Shukla ji toh unke kapde nochne pe tule hue hai.

Vineet ne Karan ki aur dekha, aankhon hi aankhon mei dono ne kuch ishaare kar liye, kuch karna toh jaruri tha nahi toh sawaalon ke jawab dene padenge jo wo de na sakte.

Gehri saans bharte hue dono ne Birju ko dekha jo unka saara plan ek jhatke mei samajh gaya, usne sar hilla ke apna yogadan swikar kiya aur uske dusre hi pal dono ladke dono taraf ludak gaye.

Saare gharwaale bhoot se khade reh gaye,unhe samajh hi na aaya ki hua kya achanak bas dono ladkon ko dekhe hi jaa rahe the, jab tak Birju chikhna na suru hua.

''Arey doctor ko bulao koi!!!! Koi jaldi se doctor ko bulao, ye dono behosh ho gaye!!! Jaldi karo!!!'' Birju jor jor se chikhne laga aur langdaate hue, bhagta apne saathiyon ke pass pahucha.

Karan aur Vineet ki maa bhag ke apne beton ke pass gayi, Mishra jii aur Shukla ji bahar ko daude, Varsha jhat se pani lai, Kishori ji ne dono ladkon ko aache se letaya, Birju ki jhat se chadar le aai aur Sasu maa ke toh haath paon thande pad gaye.

Na toh Sasu maa ke betiyon ko na hi unke kissi bete ko koi ladka hai, Vineet ek matra ladka hai unke bade se khandaan mei, agar usse bhi kuch ho gaya toh saara ghar barbad ho jaayega. Yahi soch soch ke unka badan thanda hua jaa raha hai.

Doctor Munshi Prasad ka ek bar fir aagaman hua ghar mei, Sarma ji aur Shukla ji pareshani se ghire hue the. Saare ghar mei darr sa mahol chah gaya, sab ka dara hua chehra dekh Birju ko toh hanshi si aa rahi thi par wo agar hansh deta toh uske saath baki dono ko bhi jo maar parti ki sach mei behosh kar diye jaate teeno.

Apni hanshi ko andar hi dabate hue Birju jara baju ho gaya. Doctor ne dono ka janch suru kiya aur Sasu maa ne prathana!

....

To be continued..