Vineet aur Sikha apni pyari pyari baaton mei dube hue hai. Vineet Sikha ko channe ke jhar pe chadha raha hai aur Sikha chadh rahi hai.

Dono apni baaton mei itna uljhe hue hai ki aas pass ki koi sudh hi nahi hai dono ko ki tabhi ek jor ki awaj aai aur dono phat se alag ho gaye, najar ghuma ke dekha toh Ruhana darwaje pe khadi dono ko ghur rahi hai, chehra kuch gusse se aur kuch sharm se laal ho rakha tha, Vineet aur Sikha ko chipke baithe hue dekh uski chikh nikal gayi thi.

Sikha sharm se kuch laal ho gai aur Vineet, uska chehra toh jaise khil sa gaya Ruhana ko dekh ke aakhir usse ye pata jo chal gaya ki Ruhana yaha hi padhti hai. Dusri taraf Karan jo khidki se sab dekh raha tha samajh gaya ki Vineet saatwe aasman pe pahuch chuka hoga.

Ruhana jaldi jaldi apni bag ki aur badhi aur apna bag utha liya lekin jaise hi wo mudi jaane ke liye Sikha ne rok liya,

''Roo, tum jaisa soch rahi ho waisa kuch nahi hai'' khudko bachati hui Sikha boli.

''Sikha mujhe koi baat na karni ''Sikha ko ghurte hue Ruhana boli, usne aapni dost se ye sab umeed na ki thi aur ye ladka luccha, awara, dhokhebaaz kaise yahan chipak ke baitha hai ek taraf badi badi jhoothi baat karta hai, College ke notice board pe logon ki photos nikal khudki lagata hai aur aab yahan baith chipak raha hai ladkiyon se, besharm!!

Ruhana ki nigahein khudpe dekh Vineet apne baalon ko sametta hua khada hua jo Sikha ne bigad diye the, Ruhana ko gussa chadha abhi abhi ye banda uski saheli sang laga pada tha aur aab uske samne style jhad hai. Ruhana ka mann toh kiya do char thappad maar de isko idhar hi. 

Sahi kaha tha Mishra ji ne lucche hai ye, jaane kaise unhone iss ladke ki madad karne ki sochi,huh!! 

Sikha ne Ruhana ka haath pakad liya aur boli, ''Ruhana please gussa maat ho, Vinu bas mera bahut aacha dost hai tu please ye baat mere ghar pe maat batana kissi ko''Vintipurwak Sikha boli, Ruhana ne apna haath jhatak uske haath se chuda liya.

''Jab sirf aacha dost hai toh ghar walon ko kuch pata chalne se bhi kya fark padega Sikha. Meine kabhi nahi socha tha tu kissi ke behkawe mei aa ke uske assignment bhi karegi, like really? Itna time waste kiya tune''apni dost pe Ruhana barsi. Waise toh usne dono ki baatein na suni thi lekin aab samajh jaroor gayi ki Vineet ka assignment ussi ne kiya hai wo bhi Ruhana se hi puch ke, usse se correction karwa ke. Ye sab soch ke Ruhana ko bahut gussa aa raha hai. Wo sabki madad karti hai lekin iska ye matlab nahi ki koi aur kissi aur ke liye madad maangane aaye.

Iss se pehle Sikha kuch aur kehti Ruhana wahan se chali gayi, Sikha sar pakad bench pe baith gayi ye sochte hue ki agar Ruhana ne uske ghar pe kuch bhi bata diya tab toh wo gayi. Aur Vineet, wo Ruhana ke piche bhaga uss se uska phone number maangane.

..

Ruhana apni scooter pe baith college se nikal gayi aur uske piche piche nikle Vineet aur Karan.

Vineet toh jaise such budh gawaye motorcycle chala raha hai aur Karan ko heart attack aa raha hai kyunki motorcycle hil rahi hai.

''Arey bhaii ye kaise chala rahe ho aap, jara dhang se chalao na nahi toh hum dono upar pahuch jaayenge'' Karan bola

''Kuch nahi hoga rey, wo dekh teri bhabhi ka duppata kaisa lehra raha hai hawa mei''bolte hue Vineet bhi lehraya jis se bike ka balance aur bigad gaya, Karan toh girte girte bacha.

''Unke duppate se focus hata ke road pe lagao bhaiii, duppata aap kabhi bhi dekh sakte ho wo aapke ghar hi jana hai duppata aur duppata wali dono''Bike ka handle pakadne ki koshish karta hua Karan bola, ye sunke Vineet phoole na samaya. Usne handle chod dil pe haath rakh liya,

''Haaye kab wo din aayega''sapno ki duniya mei goote lagate hue Vineet bola, Karan ne jor ka ek ghusna uske pith pe de mara aab wo karta bhi kya tabse usse bike dhang se challane ko bol raha hai wo toh Nawabzyade kar nahi rahe upar se uspe chadhe jaa rahe hai.  

Dard ka jhatka laagne pe Vineet jhat se seedhe baith gaya aur handle pakad liya tabhi aachanak se dono ki najar Ruhana pe padi jo samne khadi thi. Vineet ne jhatke se break lagaya jis wajah se Karan udta hua Ruhana ke kadmo mei girra.

Pehle karam dard se karraya fir sar upar utha ke dekha toh Ruhana ko paya, ek pyari si muskan chehre pe laate hue haaton ko jorte hue bola,

''Namaste Bhabhi''

Aab ye sunke Ruhana ka deemag thanka, bag aab tak haath mei hi tha khich ke maara karan ke pith pe, akhir uski himmat kaise hui usse bhabhi kehne ki. Karan dard se karraya aur Vineet ki aur muda jo ki phati phati aankhon se dono ko dekh raha tha, usne ye umeed hi na ki thi ki Ruhana Karan ko peet degi, lekin aab wo peet chuka hai.

Ruhana Vineet ki aur badhi, Vineet ka toh jaise gala hi sukh gaya lekin usse pata hai kuch ladkiyan pehle sakhti dikhati hai fir phisal hi jaati hai issliye apne darr ko dabate hue usne apni battishi dikha di.

Ruhana gurrai, ''mera picha kyun kar rahe ho tabse''tivra bhari swar se usne pucha.

''Picha aur main, nahi nahi!! Main toh bas tumhare iss duppate ke piche lehrata hua aa gaya, bade pyar se ye mujhe bula rahi thi apne pass toh socha chalta chalu ''bade hi pyar se Vineet ne Ruhana ko rijhaane ki koshish ki lekin afsos naakaam raha.

''Jyada bano maat samjhe, aache se jaanti hoon tum jaiso ko main'' Ruhana chillaai.

''Aacha ji, mujhe toh laga tha ghao ek tarfa hai lekin lagta hai dono taraf barabar ka dard utha hai''kehte hue Vineet ne aankh maar di. Aab Ruhana koi bachchi toh hai nahi ki uski baaton ko na samjhe, gusse se laal pila ho gayi aur wahin pe uske ghao ko aache se hara bhara kar diya, karan toh darr se chupa baitha raha aur Vineet aache se maar khata raha.

….

To be continued..