Prabha: Vish! Vish! Kahan ho?

Vishakha who was enjoying her skincare regime on her balcony, got annoyed hearing her sister-in-law's voice.

Vishakha (to herself): Aagayi mera chain chinhne. Pata nahi kya sochke maine iss item ko apne gale bandha tha.

Prabha: Balcony mein ho kya Vish?

Vishakha quickly hid her face mask bowl and the ingredients, as Prabha has always kept an eye on what she is using and what not. And then Prabha would either buy the same products or borrow from her, to never return.

Prabha: Lo! Tum yahan baithi ho! Aur wow! Face mask! Naya lag raha hai. Kounsa hai?

Vishakha: Batati hun baad mein. Pehle batao ki aayi kyun ho? Meri beauty time kharab karne?

Prabha: Main kyun kharab karungi? Main toh ek good news dene aayi hun.

Vishakha: Tum aur bhaiya wapas chawl jaane ki soch rahe ho kya? Muskil hoga wahan rehna par tum dono ki jo marzi hai. Main koun hun rokne wali. Kab jaane ka plan kar rahe ho? Main driver ko kehkar tumhe drop karwa dungi.

Prabha: Vish! Ja hum nahi, woh budhiya rahi hai. Thodi der pehle maine Jaiprakash Maheshwari ko apne agent se baat karte suna! Woh budhiya ki ticket karwa raha hai. Iss weekend ki. Vivek Maheshwari kal shaam ko hi kahin chala gaya hai. Aur jitna main Jaiprakash ka schedule samjhi hun, Sameer aur Vivek ki absence woh office jayega.
Humare paas mauka hi mauka hai Poonam ko yahan se bhej ne ka plan execute karne ko.

Vishakha: Hmm, news good toh hai. Waise Sameer aur Naina ko aane mein time hai na?

Prabha: Probably yes. Mujhe pata nahi hai kab aane wale hai woh dono.

Vishakha: Toh pata lagao! Aath din hogaye hai unhe gaye. Jitne zyada din saath rahenge,utna humare aur humare plan ke liye bura hai. Kuch aissa karna padega jisse ki jitni bhi bonding dono mein huyi hogi, woh ek jhatke mein toot ke bikhar jaaye!

Prabha: Vish, ek baat bolun?

Vishakha: Bolo!

Prabha: Sameer aur Naina ko alag karke kya milega hume? Humare maksad ke liye unka alag hona zaroori toh nahi hai.

Vishakha: Aaj kal tumhe aur mere useless bhai ko uss Sameer par kuch zyada taras nahi aa raha hai?

Prabha: Baat taras aane ya na aane ki nahi hai Vishakha. Humari dushmani Maheshwari family se zaroor hai par Sameer ka koi dosh nahi hai. Hum beekar mein uss begunah ko sazza denge.

Vishakha: Uska kasoor hai! Tum bhul rahi ho shayad ki aaj iss ghar mein agar woh Poonam ab bhi hai toh woh sirf aur sirf Sameer ke wajah se. Agar tum Poonam ko zyada torture nahi kar pa rahi ho, woh bhi uss Sameer ke wajah se hi hai!

Prabha: Vish! Main maanti hun ki Sameer ke wajah se Poonam aaj zinda hai aur iss ghar mein hai. Accha chalo uski galti hai. Par Naina? Naina ki kya galti hai? Usse aaye huye bas ek hafta hua hai. Aur woh iss ghar mein sirf kuch ghante ruki hai. Usko kyun nukshan pahunchana hai?

Vishakha: Ho kya gaya hai tumhe? Kya khake aayi ho? Tumhe Naina ki aur Sameer ki itni parwah kyun hone lagi?

Prabha: Vishakha! Tum itne saal jo karti aayi ho maine aur Kamlesh ne tumhara saath diya hai. Haan mujhe Poonam par gussa hai kyunki uske wajah se Devang mujhse dur chala gaya hai. Sameer par bhi thoda thoda gussa hai kyunki woh meri nafrat ke beech aa jaata hai. Hum iss ghar mein Sameer ki life barbaad karne nahi aaye the. Hum bas apna badla lene aaye hai jiska taluk na Sameer ki zindagi barbaad karne se hai aur na uski aur Naina ki shaadi todne se hai.
Dekho, mujhe pata hai apne bete se dur hone ka dukh, aur main nahi chahti Vivek iss dukh ko sehen kare. Usse uski biwi already dur hogayi hai. Ab beta nahi dur karna.

Vishakha: Tumhe woh dard pata hai! Isiliye woh dard Vivek ko dena zaroori hai! Uske bete ke wajah se tumhara beta dur gaya hai! Ab usse bhi apne bete se dur hona hoga! Aur ab woh Naina uski beti ban gayi hai! Toh usse uski beti se bhi dur hona hoga!
Aur! Tumhara dil pighal raha hai toh usko roko pighalne se. Jo jaisa chal raha hai waise chalne do!

With this said, Vishakha went to wash off her face pack. But Prabha couldn't get to work on her anxiety. She never wanted to spoil Sameer's life. Yes, she wanted the revenge of her husband and his family's loss. But not the way Vishakha wanted it to happen. Yes, she is angry and has hatred for Poonam but not to the point of killing her. She never wanted Poonam to lose her life, but Vishakha persuaded her and she got blinded by her statements that she couldn't stop Vishakha that day. But luckily Jaiprakash came and he saved her. Yes she wants Poonam to get out of her life, but not out of the world.

Prabha: Badla lene ka jo junoon sawar hai Vishakha par, kahin woh kuch anhoni na kar de. Maine 18 saal bina kuch bole iski baat maani hai. Par ab aur nahi. Main usse Sameer aur Naina ki zindagi kharab karne nahi de sakti. Mujhe Sameer se ya phir kisi se baat karni hogi.

Prabha hurriedly went out of Vishakha's room. She was walking towards her room, when she bumped into Poonam was carrying a bowl of coconut oil, and it fell on her foot. Poonam trembled like a dry leaf at her place, and with shivering hand and quivering lips, started apologizing her mother in-law.

Poonam: M...mm....maa ji......I.... I... I am... Ss... Sssoo... Sorry. Mai.... Maine aa... Aapko.... Ddd....ddeee.....dekha nahi......abb...aa...abhi sss...ss...ssaa....saaf kkk...kar d...ddd...deti......hh....hh....hun

Prabha (to herself): Maine kitna darake rakha isse. Kaise kamp rahi hai. 10 saal se isko galli aur zillat ke alawa kuch aur nahi de rahi. Andar Naina ke khilaf kuch na karne ka bol rahi thi. Jab ki maine iske saath kitna galat kiya hai!
Par iske wajah se mera beta mujhse dur hogaya. Iske badle main jo kar rahi hun woh kam hi hai! Haan! Prabha! Be strong. Aur isse ek do din mein yahan se rawana kar hi lena hai.

Prabha: Dekhke nahi chal sakti thi! Accha hua tel garam nahi tha! Warna kya hota! Ja! Jaldi jaake kapda la aur yeh saaf kar! Aur haan! Saaf karne ke baad, aake mere room se meri yeh saree aur sandal saaf karne le jaana!

Poonam nodded her head and swiftly went away. Prabha went to her room and changed into fresh clothes. She had just finished taking out the clothes that needed to be washed, when Poonam knocked her door.

Poonam: Maaji, aapko Dadiji ne upar chatt par bulaya hai.

Prabha: Kyun?

Poonam: Pata nahi . Bas itna kaha ki main aapko bata dun.

Prabha: Pata nahi ab iss budhiya ko kya baat karni hai mujhse!

Prabha went out after giving Poonam her oil stained saree to wash. Prabha was rigorously thinking what could be the matter that Jaya wanted to talk to her about, but couldn't think of anything.

Prabha: Bua ji! Apne mujhe bulaya?

Jaya: Hmm, aa baith yahan.

After sitting on the chairs kept, Jaya looked at Prabha for a minute and then started speaking.

Jaya: 18 saal pehle jab Vaishali bahu guzri aur usne Vivek se Vishakha se shaadi karne aur usko ek parivaar dene ka vaada liya, tab main, Vivek, aur bhaiya teeno khush the. Kyunki tab Vishakha ka asli chehra humne nahi dekha tha. Jab Vishakha ne kaha ki woh apne saath tujhe aur Kamlesh ko la rahi hai, tab bhi hum khush the. Yeh soch kar ki ghar mein ek saath teen naye log aa rahe hai. Ghar ka mahaul badlega. Jo ki badla bhi. Par acche ke liye nahi, bure ke liye.

Uss din se leke aaj tak, maine bas tujhe kharikhoti sunayi hai, tanne maare hai, tujhse dhang se baat nahi ki. Par Prabha! Meri tujhse koi dushmani nahi hai. Bhala 18 saal se tune khushi nahi di hai hume koi, par hai toh ghar ka hissa hi na. Isiliye ek baat kehna chahti hun. Keh sakti hun!?

Prabha: Bilkul Bua ji!

Jaya: Prabha, tu bhi byah ke Kamlesh ke ghar gayi thi, saas sasur ke saath rahi thi, pati ke saath rehti hai, tujhse behtar shaadishuda jeevan ko koun samjh sakta hai. Hai ki nahi? Toh tu yeh bhi janti hogi ki jab yeh jeevan khushi ke alawa dukh de. Dard de. Toh kaisa lagega. Wahi tu deti aayi hai Poonam ko. Maana Devang ghar chodke gaya. Par ismein Poonam ki kya galti hai? Usne bhi ek raat mein iss ghar mein aur iss duniya mein rehne ki ek lauti wajah khoyi hai. Tere paas jeene ke liye Kamlesh hai. Par uske paas? Na apna keh sake jisse wala parivaar, na pati aur na hi ek baccha. Hai toh bas saas sasur ke taane, unke zulm aur usse judi takleef. Tune itne saal Poonam ko Devang ke chod ke jaane ki wajah ke roop mein dekha, ek baar tune yeh nahi socha ki woh aaj tak tere aur Kamlesh ki baatein kyun sunti hai. Isliye nahi ki woh apni galti maanti hai ya kamzor hai. Nahi, uske mann mein tum dono ke liye pyaar aur izzat hai. Isliye. Warna woh ussi din chali jaati yeh ghar chodke jiss din Devang ne tujhe aur Kamlesh ko peeche chodke, yeh ghar aur iss parivaar se dur chala gaya tha.

Prabha: Buaji! Main chahte huye bhi Poonam ko maaf nahi kar sakti. Aap jo kahiye, mere nazar mein woh gunehagaar hai. 10 saal se main har din iss intezaar mein rehti hun ki Devang ab wapas aayega. Uska phone ab aayega. Par aissa kuch hua nahi. Jiss din Devang ne uss ladki ko yahan laya hai, sirf gham ke badal mandarate huye nazar aaye hai mujhe.

Jaya: Ek waqt tha jab tujhe Poonam acchi lagti thi. Maine pehli baar tujhe Devang ke alawa kisi aur ki taraf pyaar se dekhte huye dekha tha. Phir kya hogaya Prabha?

Prabha didn't say anything and kept looking at the neighborhood houses and their gardens. Jaya went closer to her, and caressed her head.

Jaya: Prabha! Maana maine itne saal tujhe bahut kuch sunaya hai, bahut baar taane kashe hai. Par ek raaz ki baat bataun. Vishakha se zyada main tujhe pasand karti hun. Kyunki tu meri baat sunti hai aur maanti hai. Tune kabhi bhi mere saamne mera apmaan nahi kiya. Mera humesha adar kiya hai. Mere peeth peeche jo chahe bol. Mujhe koi taklif nahi. Kyunki bahu ka kaam hota hai saas ke peeth peeche bolna. Isliye, mujhe apni Maa jaise samjhkar bol. Aissa kya hogaya ki tu Poonam ko wapas pyaar se dekhna nahi chahti.

Prabha: Buaji, mujhe accha laga jaan kar ki aap mujhse nafrat nahi karti par. Aur aaj itne saal baad mujhse shanti se aur pyaar se baat kar rahi hai. Main aapki bahu nahi hun, phir bhi aap apne aap ko meri saas samjh rahi hai. Honestly mere mann mein aapko leke koi gil sikhwa nahi tha aur na hi hai.
Aur jahan tak rahi Poonam ke saath mere ravaiye ki baat. Toh Buaji, bahut baar main na chahte huye bhi Poonam ke saath badsalukhi kar deti hun. Usse dekhte hi mujhe Devang ka woh letter yaad aata hai. Mujhe iss ghar mein mehsoos ho rahe sunepan ki yaad aati hai. Main usse na chahte huye bhi apne saamne bardaasht nahi kar pati. Woh iss ghar mein bas aapke, Jaiprakash ji, aur Vivek ke wajah se hai. Haan, main usse kabhi jaan se maarna nahi chahti hun. Uss din jo kuch hua tha, woh.....woh uss din kuch zyada gussa aagaya tha Kamlesh ko. Aur unhone bas Poonam ko yahan se rawana karne ka socha tha. Uss aadmi ki mansa kuch aur thi. Yeh hume nahi pata tha.

Jaya: Prabha! Maine kuch socha hai. Poonam ke baare mein aur tere aur Kamlesh ke baare mein.

Prabha: Kya Buaji?

Jaya: Dekh, jaisa tune kaha ki Poonam ko apne saamne nahi dekhna chahti. Tu chahti hai ki woh tujhse dur ho jaaye. Toh main soch rahi thi ki main Poonam ko apne saath Bhopal le jaun. Tujhse isliye puch rahi hun kyunki akhir mein woh teri bahu hai. Agar tera mann hai uske saath rehne ka. Uske paas rehne ka. Toh main usse zabardasti toh nahi le sakti. Aur wahan woh inn sab cheezon se dur apni zindagi par concentrate kar payegi. Yahan, tere gusse ke wajah aaye din, usko purane jakham yaad aate rahenge.

Prabha: Jaisa aap sahi samjhe Buaji!

Jaya: Tu ek baar Kamlesh se bhi baat kar le. Tum dono soch vichar karke mujhe kal subah tak batao. Ek baar Sameer aur Naina bahu aa jaaye. Phir main Poonam ko leke chali jaungi.

Prabha: Thik hai Buaji.

Prabha went from there, towards her room. On her way, she spotted Poonam carrying a bucket of washed clothes that Prabha had given her to wash. She suddenly got a flashback of how Poonam looked when she had stepped into this house for the first time, and how she looks right now. How confident she was in life 10 years back, she knew she wants to and would spend the following decades with Devang, she knew she wants to be a part of Devang's small family. But now! Now all she has got in her life is mental and emotional torture. An emptiness in her life and no one to be called as her own.

Prabha (to herself) : Poonam ko Buaji ke saath bhejna hi sahi rahega. Ab main bhi aur issi torture nahi kar sakti. Aur na hi torture hote huye dekh sakti hun. Mujhe Kamlesh se baat karni hogi aur agar woh nahi maane toh unhone manana hoga. Par Vishakha? Usko manana muskil hoga. Kamlesh toh jaise ussi ke ishaaron par chalte hai. Woh kehti hai toh uthte hai woh kehti hai toh baithte hai. Mujhe kuch na kuch karna hoga.

Determined to convince Kamlesh about sending Poonam off, Prabha walked towards their room. She waited for Kamlesh to come home and was thinking about ways to convince him without much effort and no arguments.

Kamlesh: Prabha! Yeh lo bank slip. Isko sambhal kar file mein punch kar dena. Shaam ko jab Varun aayega tab usko dena hai. Tally karega woh company account.

Prabha: Company ghatte mein hone ke bawajud profit kaise hota rehta hai tumhara?

Kamlesh: Maheshwari naam ka kamal hai Prabha. Tum nahi samjhogi.

Prabha: Tum dono bhai behen kab kya karne ki sochte ho, mujhe kuch samjh nahi aata. Anyway! Mujhe tumse kuch baat karni hai.

Kamlesh: Bolo kya baat hai. Uss budhiya ne aaj phir se kuch keh weh diya hai kya?

Prabha: Nahi. Aaj mujhe sach ka pata laga hai. Unhe tumse ya mujhse koi problem nahi hai. Woh toh bas....Vishakha ke wajah se berukhi se baat karti hai. Aaj unhone kaha mujhse ki woh mujhe apni bahu jaise maanti hai. Aur unhone kabhi kabhi mujhse nafrat nahi ki hai.

Kamlesh: Accha. Good for her and you. Yeh hi batana tha?

Prabha: Nahi! Actually aaj Bua ji ne mujhe ek offer diya hai.

Kamlesh: Offer? Kaisa offer?

Prabha: Woh chahti hai ki woh apne saath Poonam ko Bhopal leke jaaye.

Kamlesh: Kya? Par kyun? Poonam ne kuch kaha hai kya unse?

Prabha: Nahi! Poonam ne kuch kaha nahi hai. Yeh sab Vishakha ke uss bhadde plan ke wajah se hai. Par isme burai kya hai?

Kamlesh: Prabha! Uss ladki ke wajah se humara Devang humare paas nahi hai! Uss ladki ke wajah se hum itne majboor hai. She deserves more torture.

Prabha: Kamlesh! Humne 10 saal jitna kiya hai uske saath utna kaafi nahi hai kya? Usko aur uske Maa Baap ko jhooth bola hai ek dusre ke maut ke baare mein. Usko roz 10 baatein sunate hai. Uske upar haath uthate hai. Usko ek naukarani jaisa dekhte hai. Aur kya badtar kar sakte hai hum? Kamlesh! Hum yeh fact jitna chahe nazarandaaz kare, par galat humare bete ne kiya hai. Usne apni biwi aur uske aane wale bacche ko galati kaha aur unko chodke chala gaya. Hum jitna chahe Poonam ko galat bole, par galat toh hum aur humari parvarish hi hai na.
Aur main ab aur torture nahi kar sakti uss ladki ko. Dekha hai usse tumne! Kya thi woh 10 pehle aur kya ban gayi hai ab woh.

Kamlesh: Tumko daya aa rahi hai uss par matlab!?

Prabha: Daya nahi Kamlesh! Bas ab aur paap nahi lagana mujhe apne sar par. Already Vishakha ke kehne par humne bahut kuch galat kiya hai. We have enough in our plate. Mujhe aur add nahi karna. Agar hum Sameer ki zindagi barbad na karne ki soch sakte hai. Toh Poonam ki na karne ke baare mein kyun na soche?

Kamlesh: Prabha! Par hum Poonam aisse kaise chod sakte hai? Woh humari bahu hai.

Prabha: Par humne usse bahu maana kab hai? Bas pehle 5-6 din. Uske baad? Sab badal gaya tha na. Kamlesh, hum pichle 10 saal se apne aap ki jo image banake rakhe hai, woh sach thodi hai! Iss ghar mein tumhe aur mujhe torturer jaisa dekha jaata hai. Villian ban gaye hai hum.

Kamlesh: Prabha! Tum....

Prabha: Nahi Kamlesh! Ab main kuch nahi sunne wali. Kuch din ki baat hai. Sameer aur Naina ke aane ke baad Poonam aur Buaji ja rahe hai. Main jaake Buaji ko haan kehne wali hun. Ab waqt aagaya hai ki hum dono apne baare mein soche! Apne parivaar ke bhale ke baare mein soche. Aur apne parivaar ka bhala hum kisi ka bura na karke bhi kar sakte hai. Tum apni behen se bahut pyaar karte ho. Mujhe pata hai. Par tumhari behen pichle 10 saal se galat kar rahi hai aur humse karwa rahi hai. Ab tumhe aur mujhe uski jee hazuri karna bandh karna hoga! Main karne wali hun! And I hope tum bhi karna bandh kar doge.

With this, Prabha walked out of the room. Leaving Kamlesh with his thoughts. Kamlesh sat on the rocking chair and unlocked his phone.

Kamlesh: Chahta main bhi hun ki meri Poonam bahu khush rahe. Par Vishakha ke wajah se sab kuch tehes nehes hogaya hai. Par jaisa Prabha ne kaha, mujhe bhi waise hi dhatke khade rehna hoga. Apne parivaar ke liye. Main ek baar phir Vishakha ko mere parivaar ki khushi barbaad nahi karne dunga.

After hearing Devang's whole story, Vivek sat on the sofa with a thud and kept his palm on top of his head.

Vivek: Vishakha ne yeh saara drama racha hai! Hey bhagwaan! Woh auraat kitne neeche gir sakti hai. Aur tu! Devang! Tujhe jab usne yeh kaha ki Poonam khush nahi hai, tab tune Poonam se directly kyun baat nahi ki! Pyaar kiya tha na tune usse. Toh bharosa kyun nahi tha tujhe uss par! Aur iss kadam ko uthane se pehle ek baar mujhse hi baat kar leta.

Devang: Main uss waqt Bua ke baaton mein aissa phas gaya tha ki mujhe kuch sujh hi nahi raha tha. Bua ne meri aur Poonam ki situation ka aissa fayda uthaya ki, Poonam, main aur aap sab, ek teer se nishane par lag gaye.

Vivek: Itne saal hum sabne tujhe galat samjha. Maine aur Papa ne na jaane kitne baar tujhe kosa hai. Poonam ne itne saal itna sab kuch saha hai. Yeh sab hua toh sirf aur sirf Vishakha ke wajah se. Par ab aur nahi.

Sameer: Papa hume jald se jald Mumbai jaakar, sach ko saamne laana hoga. Bhaiya! Ab toh Papa ko bhi aap par bharosa hai. Kya ab bhi aap humare saath nahi chaloge?

Devang: Phuphaji! Sameer! Inn 10 saalon mein bahut kuch badal gaya hai. Meri zindagi mein bhi aur aap sab ki zindagi mein bhi. Aur khaskar Poonam ki zindagi mein. Poonam ne bewajah torture saha hai. Uske atmasamman ko baar baar kuchla hai mere parents ne. Hum saath ho bhi jaaye, par iss baat ka darr humesha laga rahega ki kab inn 10 saalon ka reference hoke baat bigad jaaye humare beech.

Sameer: Bhaiya, main samjh raha hun aap jo keh rahe hai. Par kya yeh aapki duty nahi hai ki aap iss darr ko mita do. Agar aissi koi situation aayegi aapko lag raha hai, toh aissi situation na aaye aissa aap ensure karo kuch actions aur efforts se.
Bhaiya! Inn 10 saalon ka sabse bada asar Bhabhi maa pe pada hai. Hum log bas umar mein bade huye, tazurba badha humara, par unki zindagi ne hi 180° degree turn le li. Unki awaaz daba li gayi, unka confidence daba liya gaya, unki respect nahi ki gayi. Unko haq hai ki unka pati unko wapas unke purane roop se mulakaat karwaye.

Naina: Meer sahi keh rahe hai Bhaiya!

Naina stood near the door, and when the three men's attention was drawn towards her, she walked in.

Devang: Pari?

Naina: Meri dost, Akshara ke saath children's ward mein hai. Khel rahi hai bacchon ke saath.

Devang nodded.

Naina: Bhaiya! Main bhi ek auraat hun. Samjh sakti hun Bhabhi ke andar kya beet rahi hai. Jitna maine inse suna hai situation ke baare mein. Utne se itna keh sakti hun ki unke mann mein bahut se sawal hai, unka haq hai unka jawab aapse lene ka, unka pura pura haq hai, aapke saath rehne ka. Apne saath kya hua hai aapko baatane ka. Aapke pyaar aur parwah se thik hone ka. Agar main unke jagah hoti, toh pakka apne pati ki baat sunti. Apne sawaalon ka jawab leti. Apne pati ke pyaar ko apne tak pahunchne deti. Har auraat ka haq hai, apne pati ke saath ek khushal zindagi bitane ka.

Sameer: Bhaiya! Pari abhi badi ho rahi hai. Usse ek Maa ki zaroorat hai. Aur Poonam bhabhi se behtar Maa usse mil hi nahi sakti. Aur kya pata Poonam bhabhi ko Pari mein unka khoya hua baccha mil jaaye.

Vivek: Aur tere saath hum sab hai. Tu humare hote huye kabhi bhi apne aapko akela nahi payega.

Devang looked at the hopeful faces of his family. The determination they showed and the hope they imbibed in him, didn't let his strong resolve live for longer. Devang exhaled loudly. And looked at each one of them.

Devang: Fine! Main aaj Pari ke school mein enquiry karunga, beech session mein chodne ka procedure. Mujhe Mumbai mein bhi school dhundhna hoga jo usse beech session admission de de. Mere office mein bhi notice dena hoga, ki main wahan se resign kar raha hun.

This brought a wide and bright smile on Vivek, Sameer, and Naina's face. Vivek hugged Devang tightly, and Sameer adored them from his bed with Naina adoring the three of them.

Devang: Amm, main chahta hun ki main aap sabse mil chuka hun yeh baat secret rahe. Main Mumbai directly jaake Mummy, Papa, Dadaji aur Poonam ko surprise dena chahta hun.

Vivek: Jaisa tu bole! Main iss baat se khush hun ki ek hi mahine mein humare ghar par do do laxmi ka aagaman hogaya. Humare ghar ki betiyon ke roop mein. Bhagwaan apni kripa aisse hi banaye rakhe hum sab par.

Naina: Ab bas Bhagwaan ke daya se inka jaldi se discharge ho jaaye. Aur yeh phataphat thik ho jaaye!

Sameer: Naina! Main thik hi hun. Bas kuch choti moti chot hai. Main medicine le raha hun na, toh woh bhi sahi ho jayenge. Issi bahane mujhe rest mil ja raha hai na.

Naina: Jo bhi ho! Aap bas jaldi thik ho jayiye. Aapko plaster aur bandage mein dekhke accha nahi lag raha hai.

Abhimanyu: Yeh plaster aur bandage zyada din nahi dekhna padega aapko Naina!

Naina: Abhimanyu!

Abhimanyu: Sameer ki progress unke hosh mein aane ke baad se kaafi acchi hai. Plus maine inki reports jin neurologist ko bheja tha, unhone bhi confirmation diya hai ki everything is fine. Ghabrane ki koi baat nahi hai.

Naina: Thank you so much Abhimanyu! Really! Agar aap nahi hote toh shayad yeh itni jaldi thik nahi ho paate. Aap bahut hi acche doctor hai! Seriously!

Abhimanyu: Naina! Ek patient ke thik hone mein jitna doctor ka haath hota hai usse kahin zyada patient aur unke family ka haath hota hai. Sameer ke paas jaldi thik hone ki wajah hai, jo aap hai. Unka parivaar hai. Maine aur meri team ne bas medicines diye hai.

Vivek: Hum isse humare saath Mumbai le sakte hai na 3-4 din baad?

Abhimanyu: Haan haan! Travel par koi restrictions nahi hai. Bas mobility cautiously karna hoga. Inke bandage aur plaster ek hafte baad aaram se nikal sakte hai aap. Discharge ke waqt mein recommendation mein likh lunga, so that Mumbai mein koi bhi doctor isko remove kar de.

Naina: Thank you once again Abhimanyu!

Abhimanyu: Thank you kis baat ka Naina! Aap meri Akshu ki dost hai, aur Sameer mere. Dosti mein log jaan de dete hai, maine toh bas apne dost ki haddiyan jodi hai.

Vivek: Beta, tumhe ab rest karna chahiye. Manish ji bata rahe the aaj engagement hai ghar par. Tumhe kaam honge wahan.

Abhimanyu: Bas ja hi raha hun Uncle. Aap log engagement mein involve hote toh accha lagta par Sameer ki health bhi important. Kal discharge ke baad toh mehendi, sangeet mein aap log rahenge hi.

With a smile, Abhimanyu left, and Devang followed him with the pretext of Pari's parent teacher meeting. He promised to visit Sameer tomorrow.

Sameer: Papa! Aap Dadu ko bolke kya aaye ho?

Vivek: Maine kaha hai ki Udaipur wale workshop mein kuch kaam hai. Usse khatam karna hai, aur tum dono ke saath lautunga.

Naina: Unhone saath aane ko bola nahi?

Vivek: Bola toh tha, par maine maana kar diya. Kaha ki wahan bhi kisiko hona chahiye na, aur Poonam ko akele chodna sahi hai. Upar se unki tabiyat bigad jayegi immediate travelling se.

Sameer: Papa! Aapko aane ki zaroorat nahi thi waise.

Vivek: Kyun nahi thi! Mere dono bacche taklif mein the, aur main nahi aata! Baap hun main tum dono ka, kaise wahan millon dur chain se baith paata.

Naina: Thik hai ab aa gaye hai, toh apna khayal rakhna hai aapko. Main ya yeh dekh nahi rahe toh manmaani nahi karni aapko.

Vivek: Haan haan meri Maa! Baap main hun, lekin raub tum dono jhadh rahe ho.

Naina: Jo bolna hai bol lijiye! Ab se aap! Aapke bete! Aapke Papa! Aur mere Papa! Sab par ab meri nazar hai. Kuch idhar udhar kiya aap logon ne, toh dekh lijiyega! Aapki pyaari beti Naina, kaisa gussa karegi.

Sameer: Arre baap re! Papa! Dekho toh! Aapke saamne hum sabka kamchumbar banane ki baat kar rahi hai! Sambhal lo apni bahu ko Papa! Beti beti bolke isko aap sar par chadha rahe ho. Aur yeh aapko hi.......

Naina: Hawww! Dekhiye Papaji! Thoda thik huye ki nahi! Aapke aur mere beech jhagda karane mein lag gaye!

Vivek: Oh ho! Tum dono ladho maat! Sameer tu aaram kar! Naina, beta tum bhi thodi der aaram karlo. Main zara Udaipur wala workshop dekh aata hun.
Aur Naina, beta tum raat ko Akshara ke ghar chali jaana. Kal raat tum soyi nahi thi. Aaj aaram kar lo. Kal se Sameer humare saath rahega, toh tum uski sewa mein lag jaogi. Phir aaram karne ka mauka nahi milega.

Naina: Par Papaji......

Vivek: Nahi beta. Tum jaake aaram kar lena. Main yahan ruk jaunga. Kal subah aa jaana Sameer ko le jaane.

Naina: Thik hai Papaji!

After Vivek left, Naina was placing the soiled plates near the doorstep and Sameer was adoring her.

Sameer: Naina! Aaram karo! Aao yahan aao! Mere paas aake let jao.

Naina: Nahi aap aaram se rest kijiye. Main yahan sofa pe let jaungi.

Sameer: Sofa pe kyun? Subah bhi toh mere bagal mein leti thi na tum. Toh abhi kyun nahi?

Naina: Meer, main impulsively aapke bagal mein let gayi thi. Par abhi aapke bagal mein let kar mujhe aapke haath par pressure nahi dalna! Bas aaj ki hi baat hai na.

Sameer: Par Naina.....

Naina: Par war kuch nahi! Bas aaj hi ki baat hai. Kal subah aapka discharge ho jayega. Phir aap jab bhi aaram karenge main aapke paas hungi.

Sameer: Naina! At least mere side mein baitho toh! Jab tak mujhe neend nahi aati, tum mere paas baith sakti ho na.

Naina: Haan! Woh main kar sakti hun.

After wiping her hands, Naina sat next to Sameer. He smiled at her and held her palm in his.

Sameer: Naina! Agar sab kuch sahi raha toh humari ek badi aur happy family hogi!

Naina: Sab sahi hi hoga. Aap zyada maat sochiye. In fact iss baare mein abhi sochiye hi maat. Abhi aapko bas aaram karna hai. Thik hoke ghar chalenge tabhi toh sab kuch sahi kar payenge.

Sameer: Mujhe bas tum saath mein chahiye ho. Tum saath hogi toh har muskil asan hogi. Saare jung jeet jayenge hum.

Naina: Main humesha hun aapke saath.

Sameer: Pakka na?

Naina: Sau takka!

Sameer: Accha tum yeh batao ki tumne lunch mein kya khaya? Aur tumne acche se aaram kiya tha na?

Naina: Lunch nahi kiya hai maine. I mean subah unke ghar par itna saara kha liya hai ki lunch ke liye jagah nahi hai. Shaam ko hi kuch khaungi.
Aur maine aate hi kaha tha na ki main sahi se rest karke aayi hun. Baar baar puchne se mera jawab badal toh nahi jayega na Meer!

Sameer: Main toh check kar raha tha! Kahin tumne mujhse jhooth toh nahi kaha.

Naina: Haww! Main aapse jhooth kyun bolungi bhala?

Sameer held her hand and kept it on top of his chest where the heart lies beneath.
He looked at her and with a small smile replied.

Sameer: Taki isse dard na ho! Aur....

He kept her palm on top of his head, and again spoke.

Sameer: Aur yahan chinta na ho tumhari.
Par Sameer ki jaan, mera dimaag humesha tumhari hi chinta karta hai. Aur mera dil toh tumhare liye dhadakta hai na. Agar tum taklif mein ho, toh dard toh hoga na isse!

Naina: Meer! Aap yeh pyaari pyaari baatein laate kahan se hai?

Sameer: Tumhare Meer ko apni pyaari biwi ko dekh kar aissi pyaari baatein apne aap aa jaati hai.

Naina: Aap mujhse itna pyaar karte ho, kabhi kabhi darr lagta hai ki kahin agar kisi wajah se main aapke saath kuch galat kar dun jaane anjaane mein toh aap toot jaoge. Aur main aapka toota hua haath nahi dekh sakti, toh aapko toote huye kaise dekhungi!

Sameer: Naina! Pehli baat, tum kabhi bhi jaan bujhkar kuch galat nahi karogi. Aur dusri baat, main tumhe itna toh janta aur samjhta hun Naina ki tumhare uthaye kisi bhi kadam ke peeche koi wajah zaroor hogi. Shayad mujhe bura lage, par main aur mera pyaar itna bhi kamzor nahi hai ki toot jayega itne asaani se.

Aur tum negative kyun soch rahi ho? Finally hum ek normal in love couple apne hai. Romance ke jagah tum tragedy la rahi ho!

Naina: Accha thik hai! Nahi laati tragedy!

Sameer: Good!

Naina: Ab aap aankhein bandh karke sone ki koshish kijiye. Aaram kariye. Kal Goenka House jayenge, Kairav bhaiya ki shaadi ke rasmon mein hissa lenge, uske liye energy chahiye na!

Sameer: Tum kahan ja rahi ho?

Naina: Kahin nahi! Yahin hun. Aapke bagal mein baithi hun. Papaji ke aane se hi jaungi yahan se. Aur woh bhi aapko bata ke, nahi toh aap bawal khade kar denge.