*Asalam o Alaikum dear readers 😊

*How are you all? ☺️

*New chapter is here enjoy! 😃

_________________________________

Lahore,
Pakistan.

Kiran POV.

"Ap kuch khane k liye nahi lein gi?" He asked.

"Nahi actually I am full. Mein ne bohat heavy nashta kar liya tha Aaj isliye bhook nahi lagi ha abhi" I replied and I could see his shocked and surprised expressions.

Shaqal daikho aise bnayi hui ha jaise mene danda utha k sarr pe maar diya ho. Kiran bhooki bhi hogi tabb bhi tumhare sath lunch nahi kare gi itna Free nahi karwaya hua har aire gaire ko.

"Koi coffee ya chai wagera?" He asked after 5 minutes pause.

"Nahi Nahi shukriya Apka" I replied with a fake smile.

"Aik mineral water bottle or do glass le ayein" He ordered and the waiter left.

Haww Hayee isne to muhalley ki Rasheeda Khala ki tarha mu hi bana liya ha. Chalo mujhe kiya dafa karo bana ha mu to bana rahe.... Huh!

"Apki hobbies kiya hn?" He asked with a smile composing himself within seconds.

"Kuch khas nahi hn. Mera profession teaching ha isliye ziyada time nahi milta baki kabhi time miley to Rishtedaaro'n ko or apne dushmano'n ko stalk kr k Hasb-e-zaroorat or Hasb-e-toufeeq lanatein daal deti hn" I replied with a smirk. His Expression was worth seeing. I controlled my laugh.

Ab daikhti hn ye Rishta kaise hota ha.

"Aap kafi funny hn" He said and laughed forcefully.

"Han wo to hn lekin mene ye joke nahi mara ha" I replied and he laughed again.

Han han kabhi kabhi bisti cover karne k liye hansna zaroori hota ha.

Soon the waiter arrived with the mineral water bottle and two Glasses. I poured water into the glass and start taking its sips with the loud slurp shurrr shurrr and His eyes were out of the sockets.

"Hum desi log hn pani ho ya chai, lassi ho ya koi juice chuskiyan le le k peete hn" I replied and He didn't even bother to laugh or smile, not for even formality. He cleared his throat.

"Aapko pata to chal gaya hoga k Mujhe Aap Farwa ki shadi mein daikhte hi pasand agyin thin" He replied and I spilled my water out of my mouth.

"Kiyaaaaa? Nahi mujhe to nahi pata tha" I lied.

Please koi meri acting daikh k mujhe kisi Drama me role dilwa do ya phir koi "Best actress" Award k liye mujhe nominate hi kar lo.

"Wo Apko kisi ne nahi bataya?" He asked, and I shook my head in 'No'. He took a deep breath.

Waisey kamal ka sabar ha is bande mein koi or hota to meri in Harkato'n pe ye glass hi utha k mere sarr mein de marta. Ye glass to mein Asad k sarr pe de maru gi itni badtameeziyan meine kabhi nahi kin kisi k sath. Aik la-hasil khwahish mujhe itna zaleel kar rahi ha, Insan to yeh waqei hi bohat acha ha, khasa Good looking or well mannered bhi ha, high qualified bhi ha lekin..... Lekin mera dil to kahi or ha mein kaise is Bichare k sath na-insafi karu or khud apne sath bhi? Mein kaise ikathi do do zindagiyo'n ko barbaad kar sakti hn?

"Nahi to?" I replied.

"Chalein mein bata deta hn k Aap mujhe pasand agyin hn meine kafi time apke barey mein socha ha isliye Apke ghar proposal bhijwaya ha" He explained softly.

"Zabardasti shadi karwane se gunnah milta ha" I replied.

"Aap...Aap per kisi ne koi zabardasti ki ha?" He asked and I took a deep breath.

"Daikhein Ismail. Aap mein koi burayi nahi ha Aap har lehaz se achay insan hn or mere pas apko reject karne ki koi solid reason bhi nahi ha agar aap peeche na hatey to ye Rishta ho to jayega lekin aik Compromise or usse barh k aik tarha ki zabardasti hogi mujhpe. Ab mein aap se milna nahi chahti thi lekin phir bhi mere Ghar walo'n ki zid pe mein agyi or kal ko Ghar walo'n ki zid pe hi Do bol bhi bol du gi, magar kiya hoga? Mein takleef se guzru gi or Aap mujhse ziyada." I stated clearly and he was quiet.

"Mein Apko pasand karta hn Kiran mein aapko khush rakh sakta hn" He said softly.

"Shukar karein Ismail! Mamla pasand takk hi ha, Ishq ne apke dil me jaga nahi banayi, ja k Shukaraney k Nawafil parhein, Aap bach gaye! Pasandeedgi se dastbardaar ho sakte hn Ishq se nahi! Or rahi khush rehne ki baat to yaqeenan Aap mujhe khush rakhein ge lekin mein hi khush nahi ho pau gi kabhi phir?" I replied.

"Pasand Kab Ishq mein badal jaye Pata nahi chalta" He replied right looking into my eyes. I was Speechless.

"Aap khul k bateyin mujhe, Aap pasand karte hn mujhe ya kuch or?" I asked in a low voice.

"Hahahaha Kiran agar mein kahu k mein Apko pasand se barh k kuch karta hn tabb?" He encountered a question.

"I...I am sorry! Aab bhi or Tabb bhi mein apki madad nahi kar sakti hn" I replied.

"Aap kisi or ko pasand karti hn?" He asked and my heartbeat skips but I didn't change my expressions. I  Controlled myself and normalized my posture.

Sabse mushkil Apne Aap pe Kaboo rakhna us waqt hota ha jab Apka Bhanda phoot jane ka khatra ho or Apke raaz Khulne ka darr ho, Kehte hn Ashiq pehchana jata ha, Ishq apke chehre se Aya ho jata ha or Mohr-e-Ishq pehle waar par hi Apke Chehre pe laga di jati ha. Sahi kehte hn Ishq or Mushq chapaye nahi chupti lekin-

La-hasil Ishq chupana hum larkiyo'n k liye bohat zaroori hota ha, warna humare sath sath hmare Qareebi rishtey bhi is aag me jal k bhasm hojate hn. Banda Apne Maa baap se us cheez ki khwahish kare jo Mil jani ho, Jo cheez mil hi na sakey? Wo? Hume to wo khwahish azziyat deti hi deti ha lekin hmare sath sath hmare Qareebi rishto'n ko bhi dene lagti ha. Isliye behtar yehi hota ha k Apni lgayi hui aag mein khud hi jala jaye.

"Nahi bikul bhi nahi. Shayad yehi Mera sabse bara masla ha k Kabhi kisi ko pasand nahi kiya ya yun kahu k karna hi nahi chaha warna shadi ho chuki hoti meri ab tak" I replied.

"Ismail! Mein shadi Karna hi nahi chahti mere peeche bhagne ka koi faida nahi ha" I replied with a smile.

"Kabhi to karein gi tabb-" He was cut by me.

"Shayad na hi karu or mein Apko kisi intizar ki sooli pe latkana nahi chahti k Jab mein mentally prepare hongi tabb karlein ge, tab tak aap mera intizar kar lein wagera wagera" I replied.

"To kiya kabhi bhi nahi karein gi?" He asked.

"Han, lekin Agar kisi se muhabbat hojaye to wo alag baat ha" I replied with a smile.

"I am so sorry Ismail. Mujhe pata ha kisi ka dil torna bikul bhi achi baat nahi ha lekin meine apko apni situation bata di ha k mein Aap k sath kisi kisam ki commitment ki position mein nahi hn. Mein nahi chahti k mein apko poori zindagi dukh du, kiu k iske ilawa shayad hi mein kuch apko de saku. Na mein khush rahu gi na apko rakh saku gi." I clearly said and he took a deep breath and smile.

"Or Agar mein kahu k apne abhi bhi mera dil tora ha to?" He said.

"Sari zindagi bar bar dil tor'ne se behtar ha k mein apka pehle hi aik baar mein dil tor du. Kabhi Kabhi Bohat choti takleef bohat bari takleef se bachati ha." I replied.

"Well thik ha Kiran! I understand. Mujhe acha laga ha k apne apne khiyalat ka izhar kiya ha mujhse zahir ha Hum apne Aap ko kisi pe bilkul bhi thopp nahi sakte hn. Zabardasti k rishto'n ka anjaam bohat bura hota ha. Khair isse mein 'Ba-izzat rejection' keh sakta hn?" He said with a smile.

Kiran Iss bichare ka dil torr diya tumne. Aik La-hasil Khwahish k peeche bhagte bhagte itni takleef or sakht imtehan mein hn k kisi naye rishte ko apne sath jorr kar usse bhi kisi takleef or imtehan se guzarna nahi chahti.

"Ahahahaha keh sakte hn. Or Ismail wo Apne shuru k behavior k liye sorry mein thora gusse mein thi isliye, warna mein itni badtameez nahi hn" I said and He laughs loud.

"Hahahahaha Kiran koi baat nahi. I understand." He said between in his laugh.

"Ab humari taraf se is rishte se inkaar samjhein" He said with an ear to ear smile and I was feeling so embarrassed.

"Thank you" I replied and only I could say this at this time.

"Ab agar Aap mind na karein to coffee mangwa lein? Daikhein line nahi maar raha actually Aaj meine coffee nahi pi or bohat shadeed talab bhi ho rahi ha, ab itni door ana or coffee k bagair wapis jana, mujhe thora sa Na Munasib lag raha ha chalo Aaj hmari akhri mulakaat ki khushi mein pi leite hn" He replied with a smile.

"Ok Aap mangwa lein" I said.

"Waisey Aap ko kaise yaqeen ha ye hmari Akhri Mulaqaat hogi?" i asked.

"Umm mein Wapis Spain jaraha hn jaha se aya tha, Wohi par Business ha mera or wohi pr settled hn mein" He replied and meanwhile he ordered coffee.

"Oh! Again I am sorry and Best of luck for your future" I said.

"Thank you! Apke liye bhi best wishes, I hope apki sari Uljhanein sulajh jayein or Allah kare k Apko Apka Mr. Perfect bhi mil jaye" He said with a lethal smile.

"You're welcome! And Thanks to you too" I replied with a smile.

São Paulo,
Brazil.

Abbiya POV.

After Lunch, they all went to the living room and The living room was echoed with laughter. I was in the kitchen beating coffee.

"Abbiya Aap ajayein idhr hmare sath Mrs. Juliana Ko kehdein coffee ka" Aqib Called me from living room.

"Aqib mein bs arahi hn mujhe ziyada time nahi lage ga mein khud hi bana k le kr au gi coffee" I replied and start beating again.

"Abbiya!" Aqib was in the kitchen now.

"Aap phir agaye kitchen mein?" I said raising my eyebrows.

"Mein bas apko bulane aya hn, sab bahir hn Aap bhi ajayein batein karein hmare sath or tension na lein koi help nahi karu ga Apki." He said with a smirk and I rolled my eyes.

"Mein arahi hn bas aap chalein Coffee bhi bas ready hi ha" I said.

"Ok boss aap jaldi ayein coffee le k" He said and I take out the milk from Fridge.

"To tum Yaha ho Apni biwi k pass" I was surprised with Minal's sudden entry into the kitchen.

"Han Apni biwi ko hi bulane aya tha" Aqib replied.

"Ooo to Janab ka dil nahi lag raha tha bahir Apni biwi k bagair " Minal tease him.

"Han yehi samjho... waisey chalo mera to bahir dil nahi lag raha tha Apni biwi k bagair, mujhe ye btao tum k kis khushi me tashreef layi ho yaha?" Aqib teases her back.

"Kabab mein haddi ban'ne or tumhara romance kharab karne." She replied and they both laughed meanwhile I took out the mugs and placed them in the tray and turn on the burner of the cooking range.

"Arey Aqal k dushman mein yaha Abbiya ki help karwane ayin hun tum jao Asad k pas baitho" Minal said.

"Nahi koi baat nahi Minal Aap baith jayein bahir" I replied.

"Arey koi baat nahi me food trolley mein mugs or cake rakh detin hn" Minal insisted.

"Tum to jayo bahir" Minal said to Aqib.

"Han jaraha hn ab Aap khuwateen jaldi Ajaye ga bahir pata chale bato'n mein hum logo ko bhool bhaal gyi hn" Aqib said.

"Nahi bhoolte " Minal said and Aqib left. Minal turned off the gas of the cooking range with a swift motion.

"Minal abhi doodh boil nahi hua ha thik se" I said.

"Usko choro pehle Meri baat to sun lo, Wo sabse ziyada zaroori ha" Minal said with a deep smirk.

To be continued....

_______________________________

*So guys How was the chapter?😁

* Also Ignore my Mistakes and Grammatical Errors😂🙏🏻

*Do give me your precious feedback and also Don't Forget to vote, comment and share❤️

#Thanks

Tehreem Iftikhar ✨