"Najam Bhai khrante mt lein!"

Aik toh kabhi kbaar lgta hy k kuxh log na paidaishi or mutmaeen begairat hoty hyn. Jysy aik misaal hmaare haseen o jameel Najam Bhai.

Hila lia, jhula lia lekin in nwaab shb k khrante hi nhi ruk rhy. Lahore se go inki khraaton ki steam engine shuru hui hy abhi tk station hi nhi aya inki train ka.

"Najam ko koi chup krwa de koi, mera sarr phatt rha hy!" Ammi tangg aa kr bolein.

"Koi bachy toh hyn nhi woh. Har tareeka azma liya hy chup hi nhi ho rhy," Namra kehny lgy.

"Haan haan! Mera shona kaka! Gugglu mugglu chup ho jao! Candy khao gy? Na, pyaare bachy nhi roty," Meine kaha or Taemoor ne mujhy taali di.

"Najam Bhai! O Najam Bhai!" Laraib cheekhi lekin wohi na. Hm jysa dheet toh koi paida hi nhi hua.

Ab toh meri bhi bas ho chuki thi...tyaar ho jaein Najam Bhai. Apki train ko station pe mein puhnchaun gi.

"Jameel yaar apne bag mein se tael (oil) ki bottle dena," Mein ne kaha. "Kia krna hy?" "Do toh sahi yaar. Aik toh swaal bht puchty ho tum."

Dhakkan khola or tael seedha Najam Bhai k naak k andar. Ab araam se jee bhar k khraante lena.

"O MERA TAEL!" Jameel cheekha. "Maar kha le ga mujh se. Aahista bola kr," Abbu gussy se boly. "Mein toh kehti hun k kootein iss ko aap," Riza ne kaha.

Or hmare yeh Laila Majnu abhi bhi aesy lrr rhy hyn jysy puraane waqton mein do mulk k raja aik dusre se lrte thy or aakhir mein seedha Ailaan e Janng.

"Tumhe kia masla ho rha hy?" Jameel ne pucha. "Baat nhi ki tumse!" Riza ne foran jwaab diya. "Aik toh tumse baat krna fazool hy." "Baat kr hi kon rha hy tumse huh?"

"Pehly Najam ka shorr ab tum dono shuru ho gai ho? Thori si...sharam krlo," Shehzad Bhai boly.

Or phir hm yeh dekhte hyn k Najam Bhai zorr zorr se khasne lgte hyn. "Paani...pilao..mujhe!" Najam Bhai ne kaha.

Paani pi kr Najam Bhai ki jaan mein jaan ai.

"Yeh kis anny bewakoof ki harkat thi?" "Y/N Aapaa ki," Taemoor bola. "Y/N!!!!" "Jee bolein?" Meine kaha. "Kis khushi mein yeh harkat ki hy?" Najam Bhai ne pucha.

"Apk khraanton ki khushi mein." "Mein toh nhi leta khraante," Najam Bhai ne saaf inkaar kr diya.

"Toh or kiya? Hmare toh kaan bajj rhy hyn na," Maryam boli. "Qasam se yaar! Mein khrante nhi leta," Najam Bhai ne phir apni sfaai di.

"Kisi din apko apk khauf naak khraante record kr ky sunaon gi," Mein ne dhamki di. "Acha jao sony do mujhy ab," Najam Bhai ne kaha.

Mtlb....akheer hi koi dheet insaan hyn.

"Chai peeni hy kisi ne?" Yonus Bhai ne pucha. "Meine meine meine!!" Musa pur josh ho kr naare lgai.

"Y/N phir aik achi se chai bna lo," Abbu ne kaha. "Abbu mein thak gai hun..." "Kiya kia hy tumne tb se?" Junaid Bhai aagy se bole.

"Ap sirf aesy iss lia bol rhy hyn kiun k apne bhi chai k chasky lene hy," Mein munh phula kr boli.

"Please meri pyaari behn chai bna do na~" Hassan Bhai ne kaha.

"Mein na chai ki daegg charha deti hun, aik dhaba khol leti hun. Kia khiyaal hy?" Mein ne pucha.

"Paison ki bari zaroorat hy apko, khol lein aik dhaba," Taemoor bola or Jahangeer bhi uss k saath hanss para.

"Yaar meri jooti kahan hy? Riza yaar apni pakra do." "Iski na lo jooti, chunna sa pair hy iska," Jameel bola.

"Ufff tum na ziada mere munh na lgo," Riza gussy se boli. "Hmm yeh munh is qaabil bhi nhi hy," Jameel ne kaha.

"Khair hy? Aj meri or Maryam wali rooh aa gai hy ap dono mein," Jahangeer bola.

"Shaadi shuda mian biwi ki trhan lrr rhy hyn dono," Faiqa Aapaa ne kaha. "Yaar in ky toh roly nhi mukk rhy, Y/N chai dedo," Huzaifa Bhai boly.

Chai k toh charsi hmare ghar mein be- tahasha hyn. Aik se chai ka pucho puri qaum ko chai yaad aa jati hy.

Chai pi kr sb ne sakoon ka saans lia. Jameel or Riza ka bhi thora gussa thanda hua....lekin! Dushmani abhi bhi puri puri hy.

"Abbu ab hm kahan jaa rhy hyn?" Jahangeer ne pucha. "Hm jaein gy Peshawar, tumhari Phuppo se milne or unk haan aik do din rukein gy or phir Kashmir," Abbu boly.

"Abbu yeh woh wali phuppo nhi hyn jinki Behrin mein shaadi hui thi or woh Peshawar aa gaein?" Junaid Bhai ne pucha.

"Jee bilkul wohi waali hyn." "Lekin kabhi mily nhi hm unse," Taemoor ne kaha.

"Shaadi pe hi mily thy phir woh Behrin chali gaein...ab Allhamdulillah unki do betiyan bhi hyn," Abbu ne btaya.

"Hain waqai?" Shehzad Bhai boly. "Hmein toh kabhi nhi btaya apne Abbu?" Najam Bhai ne kaha.

"Apko bara janoon swaar ho rha hy unki betiyon k baare mein sun kr...taya abba mujhy Najam Bhai k iraade sahi nhi lg rhy," Maryam boli.

"Allah ka shukkar hy paanch waqt ka Namazi hun mein," Najam Bhai ne kaha.

"Acha yaar bas kro! Jb se lari jaa rhy ho," Laraib tangg aa kr boli.

"Y/N Aapaa," Jameel bola. "Bolo." "Neend aa rhi hy." "So jao phir," Meine kaha. "Apki gaud mein sarr rkh lun?

"Bachy nhi ho tum." "Haan bachy nhi ho tum," Riza boli. "Yaar konsi tumhaari gaud udhar mein maangi hy? Apni behn se keh rha hun."

"Or behn ki taraf se bhi saaf inkaar hy." "Bhai meri gaud mein sarr rkhlo," Jahangeer hanss kr bola. "Jao mein dekh lunga kia krna hy...ap sb se baat krna bekaar hy."

Baatein suna kr yeh choocha phir so jata hy.

Chalein time paas krne k lia apko aik waaqia btati hun.

Once upon a time...oho sorry sorry...aik daffa ka zikr hy k Taemoor or Jameel choty choty thy, Chachu k saath Zoo chale gai.

Zoo toh chale gai lekin chachu ko kia pta k Jameel or Taemoor kb or kahan bandy ko beizzat krwa dete thy. Or itny swaal puchty thy ufff tobah.

(Flashbackeu...)

"Chachu hm ticket kiun lete hyn andar jaane k lia?" 5 saal k Taemoor ne pucha.

"Beta ticket lein gy toh andar jaein gy na. Warna jaane nhi dein gy woh hmein," Chachu boly. "Lekin hm free mein bhi toh jaa skty hyn," 7 saal k Jameel ne kaha.

"Jameel dekho, yeh government ne bnaya hy zoo toh...agar government ki bnai hui cheez istmaal krte hyn toh usk paisy dete hyn."

"Lekin teacher ne btaya tha k sb kuxh Allah Taalah ne bnaya hy," Jameel bola.

"Jee chachu sb kuxh Allah Taalah ne bnaya hy toh zoo bhi Allah Taalah ne bnaya hy," Taemoor confirmation de kr kehny lga.

"Acha bhai andar toh chalo."

Phir sb se pehle inho ne dekhy bandar. "Chachu kia bandar rozy rkhty hyn?" Taemoor ne pucha. "Nhi beta janwar rozy nhi rkhty."

"Acha toh phir Hajj krte hongy?" Jameel ne pucha ab. "Nhi beta~" "Agar no so chuhy kha kr billi Hajj ko jaa skti hy toh bandar bhi phir no so kaily (banana) kha kr Hajj ko jaa skty hyn," Taemoor bola ab.

"Woh aik muhaawra hy bas...chalo ab koi or janwar dekhty hyn." Yeh keh kr Chachu Taemoor or Jameel ko dusri taraf le jaate hyn.

"Chachu haathi ki swaari krein please?" Taemoor ne kaha. "Chalo bhai phir."

Yeh teeno phir chale jaate hyn Suzy ki swaari krne.

(Agar ap Lahore Zoo gai hyn or Suzy ne apni soondh se apk haath mein se paisy lia hyn so ap waqai khush naseeb hyn. Suzy the elephant is now no more woh Allah ko pyaari ho gai thi nearly....5 years ago)

"Chachu meine Suzy ko paisy dene hyn," Jameel ne kaha.

"Dekh k Jameel Bhai...ap ko hi na utha le woh apni soondh se," Taemoor hanss kr bola. "Taemoor beta tum nhi do gy paisy?" Chachu ne pucha.

"Nhi mujhy thora darr lgta hy," Taemoor bola. "Darr phok Taemoor," Jameel zubaan chrha kr bola.

Paise de kr Jameel yunh khush ho rha jysy apne se choty kisi ko Eidi de rha ho.

Phir Allah Allah kr ke Taemoor ko Suzy ki swaari k lia mnaya. Dono ne Suzy ki tyaari ki or phir shaer dekhny chale gai.

"Yaar Jameel Bhai...shaer tahajjud parhty hongy?" Taemoor ne Jameel se pucha.

"Pta nhi...chachu se puchty hyn. Chachu! Shaer Tahajjud parhty hongy?"

"Nhi beta!" "Acha phir Isha'a parh kr soty hongy theek hy theek hy," Jameel sarr hila kr bola.

Zoo toh unho ne ghoom lia lekin chachu ne haath jorr lia k aainda k baad in dono ko zoo nhi lekr aaein gy...

Zoo kia kahein bhi lekr nhi jaaein gy.

----

Haan toh yeh tha aik mazedar qissa or issi k saath hm Peshawar puhanch chuky thy.

"Jahangeer, Yonus Bhai, Namra uth jao!" Laraib boli. "Jameel, Taemoor, Shehzad Bhai uthein!!" Musa cheekhny lga.

Hm log Peshawar Cantt mein puhanch gai thy or yeh hm phuppo k ghar puhanch gai.

"Taemoor yaar bell bajao!" Abbu ne kaha or Taemoor bhai shb ne jo bell bjana shuru ki ruka hi nhi.

"ZA RAAHIM! ZA RAAHIM!" Koi bola...i mean boli andar se.
(means "aa rhi hun" in pashto)

Darwaza khula or khola bhi kisi larki ne. Taemoor shb toh hosh o hwaas hi kho bethy thy.

"Ho? (Jee/Yes?)" Woh larki boli. "Jee apko Urdu nhi ati?" Taemoor ne pucha. "Ati hy...kia kaam hy tumhe?"

"Mera naam Taemoor hy or mein or meri family apni phuppo k ghar ai hyn."

"Tum Bhatti maamu k bety ho?" Uss larki ne pucha. "Haan yaar!"

"Danna Rahi'i (Andar aa jao)" "Urdu bolo yaar" "Keh rhi hun k andar aa jao" "Aa jao saare!" Taemoor bola or hm sb aa gai.

"Acha wysy tumhara naam kia hy?" Taemoor ne pucha. "Zama nom Zoya di'i," Uss ne kaha.

"Urdu mein please?" "Mera naam Zoya hy."

----

HEYOO IM BACK WITH A NEW CHAPTER

COMMENT AND VOTE

THIS CHAPTER IS FOR THREE SPECIAL PPL.

jizarimin
jang_man_weol
coconniena

YEHLO ZOYA TUMHAAI KHUAHISH PURI KRDI. JEE LO APNE TAEMOOR K SAATH.
💞💞💞💞

---