Ek lafz humare liye,
nahi aata tha unki zubaan par..
Humari halat to kuchh yu thi,
Unki aankhen dekh hum kahani likh baithte!

Fer ungliyan apni zulfon mein,
Jab vo muskurate...
Hume dil khol ke hasta dekh,
Ye duniya wale hume pagal batlate!

Nafrat hai unhe humse!

Kabhi nahi ho sakta kuchh humare beech,
Ye unke lafz thhe...
Hume to mohabbat hi unki nafrat se hai,
Unke ek deedaar ke liye aaj bhi hum taraste hain!

Mohabbat mein unki, ye nacheez dil-o-jaan haar baithi!
Ek jhalak ke liye jiski ye nayan machalte,
Ho gaye vo uske jisko mile vo yuhi raah chalte!

Duniya zalim nahi samajhti iss deewani ka deewanapan!
Hume to mohabbat hi unki nafrat se hai...
Ab chahe ishq kaho ya pagalpan!

Koshish par to duniya kayam hai! Hnn!
Dil unka pighlane ko jatan to bade kare...
Lekin shayad kami usne puri kardi, jiski aur tere kadam yuhi badhe chale!

Chubhti hogi teri narazgi kisi aur ko...
Hume to mohabbat hi unki nafrat se hai,
Unke ek deedaar ke liye aaj bhi hum taraste hain!

Roz nazre tikaye baithte hum teri chaukhat par...
Iss aas mein ki ek suraj aisa bhi hoga jab ye dil pighlega!
Tera aana aur nazarandaaz karke chale jaana...
Kise pata tha, hum daude chale aayenge teri ek pukar par!

Unki awaaz aur usme chhupi khankaar,
Seham uthta dil jab bhi tu le pukaar!
Humari aur dekhna bhi paap hai unke liye..
Aur uska kya jo taraste hum bus teri ek nazar ke liye?!

Parvaah nahi..maan liya!
Pyaar nahi...maan liya!
Dosti nahi...chalo vo bhi maan liya!
Magar bus ek baar in tarsi nigaahon mein jhaank kar to dekh, jab milengi humari nazrein...
Fir kehna, pyaar hai...lo maan liya!

Ladti hai tumse, kosti bhi hai...
Ek mauka diya hota to aaj tumhe mauka ruthne ka na dete!
Hume to mohabbat hi unki nafrat se hai,
Unke ek deedaar ke liye aaj bhi hum taraste hain!

Tum apni nafrat rakhlo, main apna Ishq!
Manzoor sab hai, teri ek baat jaise pathhar ki lakeer!
Jab beetengen baras, yaad rakhna meri baat...
Ek aansu to iss deewani ke liye tum bhi bahaoge, banke Ishq ke fakeer!

Ek lafz humare liye,
nahi aata tha unki zubaan par..
Humari halat to kuchh yu thi,
Unki aankhen dekh hum kahani likh baithte!!✨

-----------------------------------------------------------------------------

Thank you for reading my first poetry!❤️

Hope you liked it & as I'm no professional poet, this may have a lot of random mistakes. Still, do give your reviews.