Main Raakshas hun Shaitaan hun main
Pashu pravatti haiwaan hun main
Per Brahm nahi Brahm Raakshas hun
Tam hun main Yamraj bhi hun main

Vikraal Yudh ka vidhwans hun main
Raavan, Duryodhan aur Kans hun main
Bhookh ki hahakaar hun main
Aur laalach ki lalkaar hun main

Astitva mitaane aaya hun
Wo Kalki ka avtaar hun main
Tumhe raah bhulaane aaya hun
Wo maayavi sanhaar hun main

Ab bolo bach kar kahan jaaoge
Kya is andhkaar se  nikal paaoge
Yatra tatra sarvatra hun main
Apne andar bhi mujhko paaoge

~TallGuy