Chaahat bas itni si hai
Ki tere itne kareeb aa jaun
Tu jahan dekhe main dikhun
Main jahan jaaun bas tujhe paaun

Meri saanson ki garam hawa
Tere roen khade kar de
Aur tere badan ki khushbu
Mere armaan bade kar de

Main tere itne kareeb rahun
Ki hawayen beech se na nikal paayen
Duuri itni kam ho do jismo ki
Ki zamana sharm se badal le raahein

Hothon ko honth chuyen
Aur haath pakad len haathon ko
Din main deewaron ki tek mile
Aur jism se jism jakad len raaton ko

Main besharm hun pehle se
Kaash tu bhi behaya ho jaaye
Tere itne kareeb aaun main ki
Lafzon ke bina ye ishq bayan ho jaaye

~TallGuy