Palken khul nahi paati hain
Fir bhi ungliyan scroll karti jaati hain
Gardan jhuk jhuk kar seene se lag gayee
Fir bhi reels per reels aati jaati hain

Uski nayee pics per likes ke saath saath
Mere dil ki dhadkan badhti jaati hai
Apni si lagti hai wo thodi jaani pehchaani si
Per wo blue tick se, anjaani ban jaati hai

Message box main uska mesaage dekhe arsa ho gaya
Fir bhi lagta hai wo bas abhi online aane waali hai
Ab to finger prints bhi ghis gaye hain
Yakeen fir bhi ki haathon ki lakeer badalne waali hai

~TallGuy