مي ما ردت عليه وكملت ركض ..

راكان ~ ياربي انا اش سويت ؟! .. ما اقدر ألحقها أخاف احد يشوفني معها ويفهمون غلط .. رح اشرح لها موقفي بالواتس وخلاص .. اخخ بس للحظه حسيت اني الريم .. كان شعور حلو .. متى بس ارجع لاهلي مليييت !!

وهي تركض وقفت بزاوية احد اركان البيت بالتحديد قريب من غرفة ليان .. كانت تتنفس بصعوبه تحاول تلتقط انفاسها .. منحرجه جدا .. وسعيده لدرجه هي مو مستوعبتها كل الاحلام الورديه انرسمت في مخيلتها ..

صحت ليان لما ما شافت مي بالغرفه طلعت برا تدورها .. ولقتها بوضع غريب قرب الغرفه ....

ليان باستغراب : بسم الله خير اش فيك قاعده كذا ومفهيه و متشققه وناسه .. اش صاير ؟

مي ابدا مو حولها ما ردت ...

ليان قربت منها حطت يدها ع كتفها تهزها : يا بنت ؟ّ! خير اش فيك ؟!

مي رفعت عيونها وناظرتها نظرات مليانه حب .. قامت فجأه و وضمتها: ليوووووووووووني يا عمرررررررري احبك اموووووت فيك ..

ليان تفاجئت : اش فييييييييه بعدي عني خييييييير !؟

مي مرره هايمه : اهه احس اني ببكي من كثر السعاده ..

ليان تنرفزت : بتعلميني وش صار معك ولا اشلون ؟

مي بدت تستوعب : هااااه ؟! اييييييه ما صار شي ههههه اش بيصير يعني ..

ليان : اي صدقتك انا اللحين ..

مي : يا عمري مبسوطه عشاني في بيتكم اش ممكن يكون !؟

ليان : بسوي نفسي صدقت ..

مي : هههههههههه انتي حــره .. امشي بس خلينا ننام ..

ليان : ايه زين ...

انتهى اليوم وابتدا يومن جديد .. راكان صحى بدري قبل كل اهل البيت طبعا عرف من الشغاله ان مي باتت عندهم .. عشان كذا عدل المنبه حتى يصحى بدري و يشوف طريقه يكلم فيها مي .. كلم الشغاله تجي غرفته اول ما صحى ..

راكان : مي صحت ؟

الشغاله : نو ..

راكان : اول ما تصحى قولي لها ماما تبغاها بالحديقه مفهوم ؟

الشغاله : يس سير ..

راكان : انا بعد بطلع الحديقه جيبي لي فطوري هناك ..

الشغاله : اوكيه ..

راكان ~ ان شاء الله ما تصير مشكله انا في غنى عنها .. واكلمها و افهمها اني غلطت و مو قصدي .. مابي اجرحها و في نفس الوقت هالكائن اللي انا عايشه بجسده ما ادري اذا كان يحبها او لا .. اووووف الموضوع معقد .. المهم بحاول اني ابعد عنها و بس ما ابيها تتأمل فيني بعدين تنجرح ...

طلع الحديقه ينتظر على ما تصحى مي .. اثناء ما هو منتظر جته زياره من شخص غير متوقع ......

راكان : خالد ؟! وش جابك من الصبح ؟!

خالد : كنت انتظرك قبل حتى يطلع ضو الشمس .. كويس اني شفتك بالحديقه كنت بنتظرك برى لين تطلع للدوام ..

راكان باستغراب : وليه الانتظار ذا كله ..؟ تعال تعال اجلس قدامي اشوف ..

خالد : لا العفو مرتاح كذا ..

راكان : اش فيك لا تستحي تعال .. حسيت اني امون عليك .. ولو اني مره زعلان منك ومتضايق .. بس ما ابي اتسرع وأتهمك بشي زي ما قلت لك احساسي يقولي انك كويس .. و اتمنى ظني ما يخيب ..

خالد ابتسم براحه : مشكور طال عمرك ..

جت الخدامه و جابت الفطور معها ....

راكان : تفضل معي خل نفطر و نتكلم ..

خالد : زاد فضلك وبالعافيه عليك انا افطرت ..

راكان : اشك في انك افطرت بما انك منتظرني قبل حتى تطلع الشمس .. تعال اقعد بس و سم بالرحمن ..

خالد : اعتذر والله ما اقدر ..انت افطر بالعافيه ..

راكان : اوك على راحتك .. ممكن ان احساسي يقولي انك شخص زين .. بس بعد كلامك امس عني وقدام شلتك فقدت الثقه فيك .. انا ما اعرف اذا انت شخص كويس او لا .. ما اقدر اعتمد على احساسي وحده .. انت لازم تثبت لي بأي طريقه انك كويس وانك معي حتى اقدر اثق فيك ..

خالد نزل راسه للارض : انا اسف ما اقدر اقولك شي ..

راكان : دام كذا ما ودي عاد اشوفك .. ابو الوجهين ما يناسبني امشي معه .. و لا رح اقدر اثق فيك و لا رح ارتاح بوجودك .. مافي شي يخليني ممكن اصدقك ..

خالد : انا اسف بس الموقف كان يتطلب كذا .. لازم ما يعرفون اني انا و انت كويسين مع بعض .. لازم نقنعهم ان احنا اعداء ..

راكان : انت فهمني كل شي .. ليش لازم نتصرف كذا ..؟ ابي اعرف ..

خالد : صدقني لو كان الموضوع في صالحك كنت علمتك كل شي ..

راكان تنهد بتعب : هففف انا مو فاهم شي ... طيب اللحين وش بغيت مني ؟

خالد : كلامي اللي امس ! لا تاخذه بجديه .. ما قصدته بس كان لازم اقوله .. ارجوك ارجوك لازم يقتنعون ان احنا اعداء ..

راكان : انت تطلب مني اشياء اسويها وانا مو فاهمها .. انا ما اقدر اكذب ..

خالد ناظره باستغراب شديد ....

راكان (حست بخجل من نظراته) : وش فيك تناظرني كذا ..؟

خالد بسرعه ابعد نظره : اسف .. لكن منصدم من شخصيتك وطريقه كلامك معي ..

راكان : ليه كيف كنت ؟ ع الاقل اشرح لي عن نفسي !! ما اعتقد بيضرك في شي ..

خالد : ايه ممكن .. بس ماني عارف وش اقول !

راكان : كيف كنت اعاملك ..؟ جاوبني بصراحه ..

خالد : كنت شديد وصارم تكره اني اقعد معك تحب اكون واقف قدامك .. تكره اني احط عيني بعينك لما اتكلم .. دايما تحب تاكل لحالك بدوني وبدون اي احد من الشله .. ما تحب الاخطاء .. اي خطأ بسيط بالنسبه لك كارثه ..

راكان ~ يا الله اش الشخصيه هذي حسيته وقح ! : شكلك كنت تعاني معي ؟!

خالد ابتسم بدون رد ..

راكان : ايه واضح المعاناه عادي قول خلك صريح معي ما رح اذبحك ترا ..

خالد : ههههه انت ما تذبح بس تسوي اشياء تذبح ..

راكان : اوف لهالدرجه .. والله بديت اخاف من نفسي .. انا دامني كذا انت ليه قاعد معي ومخاويني !!؟ حسيت اني ما استاهل ..

خالد : لا بالعكس انا انولدت عشان اكون معك و احميك .. عائلتي كلهم فدا لكم ..

راكان : ههه كلامك عجيب .. وراك قصه لازم يوما ما اعرفها ..

خالد : ان شاء الله رح تتذكر كل شي ..

جت الخدامه .. واول ما شافها راكان من بعيد وقف ......

راكان : اسمع لااااا تروح ما خلصت منك .. انتظرني بالسياره .. عندي شغله بسيطه ثم بعدها ابدل واجيك ..

خالد : ان شاء الله .. >> وطبعا طلع خالد ينتظره ..

توجهه صوب الخدامه ......

راكان : ايييه وينها ..؟

الخدامه : رح تجي وراي ...

راكان : زين خلاص روحي داخل .. و ياااا ويلك تعلمين احد عن طلبي هذا ..

الخدامه : اوكيه SIR..

كانت مي تدور على عمتها بالحديقه ......

مي ~ هالشغاله التبن تقول عمتي تبيني هنا !! وينها ماني شايفتها ؟!.. بعدين عمتي وش تبي فيني ..؟! يااا ويلي لا يكوووون شافتني امس عند راكان ... لا لا الله يستر !

وهي تفكر داهمها من وراها راكان ....

راكان : ميييي !

مي انجلللللللطت حتى ما لفت عليه من الحيا : را .. راكان ! >> كانت حاطه شيلتها ع راسها بسرعه غطت فيها وجهها ..

راكان : مي انا اسف ع اللي صار بالليل .. لا تفهميني غلط ترا والله مو قصدي شي .. كنت احلم ما كنت اقصدك انتي .. اختلط علي الحلم بالواقع ..

مي بخجل : أ أ أدري ..

راكان : عشان كذا لا تتأملين فيني .. مابي اجرحك ..

مي لفت عليه : اش قصدك لا اتأمل ...!

راكان : ما اعتقد اني رح احبك بس مابي اجرحك ..

مي اجهشت بكي : انت .. انت حقير .. اكرهك .. اكرهك .. >> راحت ركض لداخل ...

راكان : ميييي اسف والله ....

مي ~ حقير حقير مارح يحبني ما يبيني !!!

راكان ~ اووف هذا اللي كان ناقصني ! .. مادري اذا اللي سويته صح او لا لكن ما ابيها تتأمل فيني ع الفاضي ثم اجرحها و اخيب املها .. سامحيني يا مي انا مو راكان !

كان خالد ينتظره بالسياره ...
راكان : اسف تأخرت عليك؟
خالد ابتسم : لا ابد انت تاخذ راحتك ..
راكان : ايه ما ودك تعلمني عن شي ما اعرفه !؟
خالد : مافي شي ينقال .. لكن ابيك تستمر على ما انت عليه .. اعتبرني عدوك قدامهم ..
راكان : ما اضمن لك اني رح اقدر اكذب ..
خالد : انت مجبور لازم تسوي كذا ..
راكان : مليييت .. الى متى بتتكلم معي ب الألغاز ؟!
خالد : اسف ..
راكان : هذا اللي الله قدرك عليه اسف وبس ..
خالد نزل وجهه للارض .. ماله حيله ..
راكان : تدري شلون؟! انا بوريك اللحين وش اسوي معهم.. مارح اهرب رح اواجههم واللي بخاطره شي يقولي ونحل الموضوع ..
خالد مصدوم : وش بتسوي؟
راكان : بعتذر منهم على اخطائي اللي انا ما اعرفها ..
خالد : وانت تتوقع بعد كل اللي سويته فيهم بيقبلون اعتذارك؟! وحتى ان قبلوا اعتذارك رح يستغلوك ثم يتخلصون منك .. هذي كانت خطتهم من البدايه ولما انت كشفتهم دخلتهم بمشاكل واهنتهم عشان تثبت قوتك ونجحت الخطه كانوا يهابونك ما يتجرأون يوقفون قدامك .. تبي تهدم ذا كله وترجع لنقطة الصفر؟!
راكان : اهااا يعني القصه كذا .. كانوا يبون يستغلوني بس اشوف ان تصرفي معهم غلط .. بالكلام والاسلوب الزين نقدر نحل كل شي..
خالد منجلط من كلامه مو مستوعب : انا ما اصدق ان هذا راكان اللي يقول هالكلام .. الناس هذول مب سهلين حتى تقدر تتفاهم معهم باسلوب وكلام ..
راكان : جربت طيب ؟؟!
خالد بعد تفكير : لاااا ..
راكان : اجل خلني اجرب ما رح نخسر شي .. حركات اني امثل عداوتي لك واقعد اكذب واهين الناس ما اعرف اسوي كذا .. بتصرف ع طبيعتي ..
خالد : بس هذا عكس طبيعتك !!!
راكان : يمكن انجح لما اتصرف عكس طبيعتي ما تدري ..
خالد : ماني مرتاح للي بتسويه ..
راكان : وش بيصير؟ مب كأنهم بيذبحوني!!
خالد ~ يسووونها .. المشكله انك ما تدري الخطر اللي انت فيه والمشكله الاكبر ما اقدر اقولك وانت مو على طبيعتك ولا تذكر .. واذا قلت لك ودروا اني قلت لك رح احطك بخطر اكبر !! يا الله وش اسوي؟ كيف اتصرف ؟!
راكان : تقريبا وصلنا ...
خالد : لحظه لحظه وقف هنا ..
السواق وقف السياره ...
راكان باستغراب : ليييش؟!
خالد : لازم ما يشوفوني معك ولا يدرون اني قريب منك ..
راكان : لا حول ولا قوة الا بالله .. يعني الى متى؟!
خالد : معليه تحمل هالفتره ..
راكان : طيب يصير خير يالله روح ..
نزل من السياره وكمل مشي لحاله .. يفكر طول الطريق بطريقه يحمي فيها راكان ....

بالمدرسه كانوا مجتمعين بفصلهم .....
سعود : مب كننا جايين بدري؟!
عبدالعزيز : احسن عشان يمدي نخطط .. ولو ان خطتك انت وبدر ما بلعتها ..
سعود : انت لو تسمع كلامنا مره وحده بس! .. ولا يا بدر؟
بدر كان شارد الذهن ....
سعود : هيه بدر نكلمك!!
بدر ألتفت له : هااه وش قلت؟!
سعود : والله ذا بعالم ثاني ..
بدر : اسف اسف كنت افكر بشغله ..
عبدالعزيز : ايه فكر فكر انا رايح صوب عبدالله انتظر حبيبنا راكان معه ..
ارسلوا عبدالله عند البوابه يراقبها في حال جا راكان .....
سعود : وانت.. وش تفكر فيه ؟!
بدر تنهد بتعب : شفتها يا سعود وانا طالع ..
سعود : وانت كل ما تشوفها بالغلط هذي حالتك ؟!
بدر : وش اسوي ياخي مب بيدي .. لو اقدر اتواصل معها بس وافهم ليه تركتني ؟!!!
سعود : بديناها لعبه وكنا نبي شرف البنت !! وانت شكلك حبيتها من جد!!
بدر تنهد : اييييييه الظاهر .. م اقدر اتحكم بقلبي .. ياليت لو اكلمها بس .. ما ادري ليه سحبت علي فجأه !؟
سعود : انا عجزت افهمك ان راكان له دخل بالموضوع ..
بدر : وانا عجزت اقولك لو راكان درى عن علاقتي باخته ما بيسكت لي حتى ما لمح بشي .. وغير كذا هذا راكان دخل المستشفى سنه كامله ما فكرت تتواصل معي لو صدق راكان له دخل كانت كلمتني بغيابه ..
سعود : تصدمني بغباءك صراحه .. وانت تفكر راكان يوم انه درى بيجي ويحاسبك وجهاً لوجه؟! .. ما تذكر الشباب اللي قابلناهم ع البحر السنه اللي راحت وسووا لنا جلد جماعي بدون سبب .. وسبحان الله بالصدفه راكان ما كان معنا وكان مريض ليلتها .. واذا على انها ما كلمتك وهو بالمستشفى بعد ارجع واقولك بسبب راكان مسوي شي لها احنا م نعرفه ..
بدر : شوف هذيك الليله بالبحر مهما انكر انا متأكد انه هو وراها .. بس مستحيل يكون هذا عقابه لي .. وبعدين انتوا ما كان لكم دخل ليه تعاقبتوا معي ؟ ما اقتنعت بتبريرك ..
سعود : والله ياحبيبي قلت لك وقتها وارجع اقولها لك مره ثانيه .. راكان كشفنا .. وعرف اننا نشتغل ضد عايلتهم واننا نبي ندمرهم .. عاقبنا مره وحده وانت تذكر ما اكتفى بكذا بعدها اباءنا جتهم خساير وديون .. اذا مو راكان وراها ما يكون اسمي سعود ..
بدر : ما اصدق .. مب معقول انه ذكي لهالدرجه !!
سعود : انت ولد جيرانهم ولا تعرفه زين .. مشكله والله ..
بدر : المهم ما علينا وش الخطه اللحين ؟!
سعود : مثل ما قلت لعزوز نبي نستغله .. نكون معه كويسين وناخذ منه اللي نبي .. دامه ما يذكر شي وضعنا بالسليم ..
بدر : اوكيه نجرب هالخطه ونشوف .. متى نبدا وكيف؟!
سعود : اللحين اذا قابلناه اعزمه ع بيتكم الليله خله يجي و نفاتحه بالموضوع ..
بدر : واذا رفض يجي؟
سعود : راكان القديم بيرفض اكيد .. بس راكان الحالي ممكن بكلمتين حلوه يقبل .. جرب حظك منت خسران شي ..
بدر : المهم اذا وافق كلكم تجون ..
سعود : اكيد ما عليك .. يالله امش معي خل نشوف اكيد انه وصل اللحين ..
بدر : يالله مشينا ..

في مدرسة البنات ... وصلت سمر مع مي بما انهم بنفس الباص .. طول الطريق مي كانت ساكته مهما تكلمت معها سمر ما ترد .. واول ما دخلت المدرسه .....
سمر مسكتها من ذراعه : يا بنت اش فيك ؟! بديت اقلق مو طبيعيه !!
مي ما تحملت انفجرت بكي ....
سمر م عرفت اش تسوي حاولت تهديها شوي شوي .. لغاية ما هديت .. وبدت تتكلم ....
مي : بقولك كل شي صار معي ..
سمر : ياليت والله قولي لي خليني ارتاح ..
مي : رحت بيت عمتي نمت عندهم .. بس ما قدرت الا اني ادور راكان واشوفه ولقيت غرفته وشفته قربت منه ...........الخ
سمر تسمع ومصدومه من اللي صار : ايييه وبعدين وش قالك بالحديقه ...؟!
مي : ما يحبني .. يقول لا اتأمل >> رجعت تبكي ..
سمر تهديها : يابنتي والله ما يستاهلك .. اش تبين فيه خلاص انسيه .. من البدايه ما كان شايفك اصلاً ..
مي : ما اقدر لا انا احبه ما اقدر ..
سمر : الا تقدري .. انتي اساسا اوهمتي نفسك انك تحبيه .. ولا هو لا حب ولا هم يحزنون ..
مي : انتي مو حاسه فيني مستحيل انساه احبه والله احبه ..
سمر : ما ادري اش لاقيه فيه .. واحد ما يبيك ما رح توقف حياتك عليه ..
مي تبكي : ما اتخيله يعيش حياته مع وحده غيري بموت من قهري ..
سمر : ادعي ان الله يعوضك باحسن منه ..
مي : مستحيل الاقي اجمل واحلى واغنى منه ..
سمر : اهااا يعني اهم شي جماله وفلوسه ..
مي : انتي ما شفتيه لو شفتيه رح تقولين ان معي حق ..
سمر : اي ما شفته وريني اياه طيب !! نشوف اذا يستاهل تعاني عشانه او لا ..
مي مسحت دموعها : طيب ..
سمر مصدومهه : من ججججدك؟! اخيرا قبلتي توريني اياه يعني؟
مي : ايهه مو تقولين اش لاقيه فيه!؟ بوريك اش لاقيه فيه..

فتحت شنطتها بعد ما تأكدت ان م حولهم احد طلعت جوالها بالخش .. فتحته دورت ع اقرب صوره له و ورتها اياه ...
سمر بخوف : يابنت اش تسوين لا احد يشوفك يفصلونك!!
مي : لا تخافي .. قربي قربي شوفيه ..
سمر تقرب شوي شوي وتشوف .. من الصدمه ما رفعت عينها ....
مي خلتها تشوفه ثواني ودخلت الجوال : اي ما شاءالله اشوفك ما شلتي عينك عنه !! مو قلت لك !؟
سمر ضحكت بهستيريا : ههههههههههههههههههههههه لاوالله مو كذا ههههههههههههههه مو كذا الوضع مره ..
مي باستغراب : اش اللي يضحك؟!
سمر : من الصدمه اضحك .. كيف تكون الصدفه هذي ممكنه ؟! .. ما اصدق مو معقول !!!
مي : اي صدفه وش تقولين انتي؟!
سمر : تذكرين الولد المجنون اللي شفته بالمستشفى عند اختي ؟!
مي بدا عليها الاهتمام بشده : ايه اذكره وش فيه ؟!
سمر ضحكت : ههههههه هو نفسه راكان حقك ..
مي مصدومه : تمزززززحين !!!
سمر : والله هو ..

وصل راكان فعلا لداخل المدرسه .. الكل كان بانتظاره .. في مقدمتهم بدر .. و وراه خالد وسعود و عزوز وعبدالله ...
راكان شافهم من بعيد واقفين يناظرونه ~ يا سلام للدرجه هذي الولد ذا مهم ينتظرونه كلهم واضح !! يا راكان وش تكون انت يا راكان ..
طبعا حاول يتجاهلهم ويسوي نفسه ما يشوفهم ههه ... ركض له بدر وهو يناديه .. تجاهله راكان تماماً لغاية ما وصله ومسكه ..
بدر : ياااهوه اناديك انا ما تسمع !!؟
راكان يصرف : معليش كنت شارد ما انتبهت ..
بدر مسكه من ذراعه : تعال تعال معي عند العيال نبيك بسالفه ..
راكان : اترك ما بروح مشغول ..
بدر ~ يبي يعاندني مدري ليه بس اعرف كيف اجيب راسك : تكفى عشان خاطري بس اسمع وش بنقول ..
راكان ~ ياربي لااااا ما احب احد يطلبني كذا ما اقدر ارده اللحين .. يالله خل اسمعه ما اعتقد رح يصير شي ..
بدر عطاه نظره المسكين : تكفى !!
راكان تنهد بضيق : اوك جاي خلاص بس اترك يدي ..
بدر : ابشر ألحقني ..