عبدالعزيز : والله ما يخسي الا هو .. اذا ما يصير بجسمه ندبات مثل اللي بجسمي ما اكون عزوز ..

سعود : سلاامات انت قلت بتكلمه بس ..

عبدالعزيز : قلت لك يعتمد ع اللي بيقوله ..

سعود : هااه شوفه شوفه جااا ..

وصل راكان للبوابه هو يشوفهم من بعيد و بما انهم كانت عيونهم عليه طول ما هو يمشي قرر راكان يسلم عليهم ع الماشي ...

راكان بدون يناظرهم وهو ماشي : السلام عليكم ..

سعود كتم الضحكه : عليكم السلام ..

عبدالعزيز معصب : وش فيه ذا مب شايفنا شي ؟!

سعود : ههههههههههه انت شايفه كيف؟ مبين عليه خايف منا ..

عبدالعزيز : كويس .. >> ولحقه .. وسعود يناظرهم من بعيد ..

راكان كان ماشي بطريقه يحسب انه افتك منهم خلاص .. شوي الا احد مسك ذراعه .. انفجع ولف عليه ...

عبدالعزيز بسخريه : كذا يعني تمر من عندنا ولا توقف نسألك عن احوالك ؟

راكان ارتبك : كـ كنت مستعجل ..

عبدالعزيز يسحبه من ذراعه : تعال تعال نبيك ..

راكان تذكر كلام خالد وخاف ما تحرك ......

عبدالعزيز : اش فيك امش ؟

راكان ~ كيف اصرفه ذا ؟! >> يلتفت حوله كنه يطلب المساعده .. المكان والناس والمجتمع وهالحياه كلها صعبه (عليها) طاحت عينه على .......

عبدالعزيز صرخ : يالله ...

راكان : مشغول مشغول .. (ألتفت و ناداه) خاااالد ..

خالد شافه من بعيد وضعه صعب .. لبااه وجا : هلا راكان ..

عبدالعزيز مركز ع خالد وعلى أسلوبه مع راكان .. في هالاثناء لما سعود  شافهم تجمعوا قرر يلحقهم بعد ويشوف وش رح يصير ...

سعود : ها وش عندكم تجمعتوا هنا ؟

خالد : ابد راكان ناداني جيت اشوف وش يبي !!

عبدالعزيز عينه بعين خالد : ايه حتى انا ابي اعرف وش يبي فيك ..

سعود ناظر عزوز : معليك العيال ما يخبون عنا شي .. صح خالد ؟!

خالد : أي اكيد ..

العموم ناظروا راكان يبون يعرفون وش يبي من خالد ....

خالد ~ يارب ما يجيب العيد ويخليهم يشكون فيني !

عبدالعزيز نفذ صبره : يالله قول وش بغيت منه ؟!

راكان توتربشكل كبير : كنت .. كنت ابيه بشي بيني وبينه ..

خالد تغير وجهه وناظر سعود وعزوز ~ الله يستر لا يشكون فيني بيخرب كل شي سويناه ..!

عبدالعزيز : والاسرار من متى بينكم ؟ اخبر علاقتكم كانت زفت .. اللحين احس انكم ع قلب واحد ما شاء الله ..

خالد ابتسم : هههههههه ويييين ع قلب واحد ما يخسي الا هو .. انا لاني طيب وقلبي طيب تعاطفت معه وهو مريض .. ولا على بالك بنسى اللي سواه فيني والجلد اللي انجلدته منه .. لا والله ما انسى بيجيه يومه >> عطى راكان نظرة حقد ...

راكان انجلط من قو الصدمه مو عارف وش يقول ~ هذا امس كان معي بوجه واللحين بوجه ثاني ؟!! وش الموضوع ؟ وش اللي انا فيه !؟ ما اعرف من يحب هالانسان ومن يكرهه ؟! احد يفهمني احد يقولي اثق بمين انا اللحين .. احس اني لحالي .. احس اني ببكي من حياة هالانسان كل اللي حوله ما يحبونه؟! الوحده بحياتي اهون من وحدة هالانسان ...!

عبدالعزيز : حلو دام هذا كلامك ي خالد .. كنا نبي راكان بكلمة راس .. بما انك جيت تعال معنا وشوف بنفسك ..

خالد : ابشر ..

عبدالعزيز مسكه من ذراعه مره ثانيه : مششينا ...

راكان عيونه مليانه دموع ومعصب بشكل ف صرخ عليه : اتركككك .. ما بجي معك لأي مكان ..

عبدالعزيز تركه وسكت للحظه حس ان راكان القديم رجع وخاف ....

راكان بسرعه مسح دمعته قبل تطيح : انتوا كلكم لا اشوف احد منكم يكلمني ..>> تركهم وراح ....

سعود باستغراب : هذا .. هذا كنه كان يبكي !! ولا يتهيء لي ؟ الولد صاير حساس !!

خالد ~ اسسسف راكان .. ليتك تتذكر كان عرفت ..

عبدالعزيز متنرفز : انا طالع من المدرسه ..

سعود : وييين ؟!

عبدالعزيز : البيت ..

سعود : اوووف ليش ؟!

عبدالعزيز : باي باي ..

سعود : شسالفتكم ؟!!

خالد : انا رايح الصف ..

سعود : يالله انا جاي بعد شوي ..

خالد : اوكك ..

في مدرسة سمر .. قالت لـ مي عن السالفه اللي صارت لها بالمستشفى ..

مي بحزن : يوووووهه الولد المجنون يحزن شكله مشبهه ع اختك !

سمر : مدري عنه .. ان كان مريض الله يشفيه ..

مي : امين امين ..

سمر : تصدقين مع انه مجنون الا انه جميل بشششكل .. ما شاء الله عليه .. احس انه بعمري او اكبر ..

مي : انتي اللي ما شاء الله عليك حللتي اوم الولد ههههههه ..

سمر : ههههههه لااااا .. في وقتها بالمستشفى ما فكرت كان همي اختي .. بس لما رجعت البيت وجيت انام قعدت افكر بكل اللي صار .. لما اتذكره مره حلو الولد ..

مي : ما اعتقد انه ازين من راكان حبيبي ..

سمر : ههههههه راكان حبيبك هذا ما كنه سحب عليك ولا رد ..

مي : امممم لااا اكيد مشغول .. مسكين دايما بالمستشفى ..

سمر : الله يشفيه ويشفي اختي وجميع مرضى المسلمين ..

مي : اللهم امين ..

سمر : أقول !! ما ودك توريني صورته ؟!

مي : انسسسسي ..

سمر : ههههههههههههههههه مااااالت ..

مي : والله معليش اغار عليه ..

سمر : ليته معطيك وجه والله ع كثر م تغارين عليه .. تلقينه اللحين يكلم الف بنت .. واذا هو مزيون مثل ما تقولين تلقين الف بنت ضافته وتحاول تشبكه ..

مي : يممممه لااااا .. لا تقولين كذا .. عساه ما يحب ولا يشوف غيري .. واذا ع البنات اللي يكلمهم ترا كلهم تصبيرات لين نتخرج ونصير لبعض ..

سمر : هههههههههههههههههههههههه خبللله صدق ..

مي : ادعي لي ادعي لي تكفين والله اني احبه ..

سمر : ههههههه ايه ان شاء الله دعواتي القلبيه لك ..

مي : بعد عمري والله ههههههه..

في فصل راكان ... طلب استاذه يشوفه بعد الحصه ..( طبعا هو كان ناوي يشوفه بأول يوم داوم فيه راكان لكن يومها طاح راكان عليهم وراح المستشفى) المهم بعد الحصه طلع راكان يشوفه ......

راكان ~ صح وصف لي مكان غرفته .. بس احس اني بضيع .. يااااربي لو فيه احد يدلني ...>> كان واقف عند باب فصله واضح عليه مهموم ...

الطالب : اش فيك راكان ..؟

راكان ~ بقول لـ ذا ان شاء الله يساعدني : عادي توديني غرفة استاذنا .. ؟! احس اني بضيع لاني ما اذكر المدرسه ..

الطالب : ايه ابشر يالله ..

راكان : مشكور ..

الطالب : ما يبي له شكر يالله ألحقني ..

راكان ~ ودي اسأله وش اسمه بس احس استحي .. يالله هو معي بنفس الصف اكيد رح اعرف اسمه بعدين .. ويمكن نصير أصحاب .. احسن من أصحاب راكان الحاليين امحق أصحاب كلهم يكرهونه وحاقدين عليه ...>> كانت عايشه أحلام ورديه بخصوص هالطالب وبس لانه ساعدها ..!

الطالب : وصلنا هذا مكتبه ..

راكان : مشكور ما قصرت ..

الطالب : العفو .. تبي شي ثاني ؟

راكان : سلامتك ..

الطالب : الله يسلمك .. يالله برجع فصلنا ..

راكان : اوك .. >> وقف قدام باب غرفة استاذه تردد كثير (هي من طبعها خجوله وتكره الكلام مع الناس الجدد لذلك تتردد في الكلام معهم) .. أخيرا دقت الباب ..

الأستاذ : تفضل ..

راكان : مرحبا .. انا جيت مثل ما طلبت ..

الأستاذ : ايه ايه تعال تفضل حياك ..

راكان كان واقف عند الباب متوتر ...

الأستاذ ناداه : تعال اجلس هنا .. بسوي لك اختبار بسيط ..

راكان جلس مقابله .. كان مستغرب : اختبار ايش ؟؟!

الأستاذ : تقدر تقول زي اختبار تحديد المستوى .. لانك فقدت ذاكرتك بس نبي نتاكد اذا المعلومات الدراسيه الاساسيه فاهمه ومتذكرها ولا لا ! ..

راكان : بس .. بس انا ما ذاكرت .. كيف رح يكون الاختبار ..؟

الأستاذ : سهل ان شاء الله ما يبي له مذاكره .. تفضل هذي اوراق الاختبار وهذا القلم أبدا اللحين عندك ساعه بس ..

راكان بان ع وجهه التوتر والقلق ~ ياويلي ما استعديت .. وش ذا الاختبار المفاجئ ..

الأستاذ : لا تتوتر متاكد انه رح يكون سهل .. وبكره رح يكون عندك اختبار في بعض اللي درسته بأول ثانوي ..

راكان انصدم : من ججججدك ؟ كيف بتذكر ؟!

الأستاذ : رح يكوون سهل ومنت محتاج تكتب الاجابه بالضبط .. المهم خلص اختبارك هذا وبعدين افهمك اختبار بكره وش بيكون عنه ..

راكان ~ يووووووهه يا أيام المدرسه وش رجعني لها !!؟.. لي سنتين من لما تخرجت من الثانويه ما ادري اذا رح اذكر .. لا يكون بيرجعوني المتوسطه بس لو ما حليت زين ؟!.. ( ابتسم) ههههه لا مستحيل ....

طبعا شلة راكان كانوا كلهم بنفس الصف وقاعدين قريب من بعض .....

عبدالعزيز : اييه يا خالد ما قلت لنا وش رايك بقومة راكان من غيبوبته ؟

خالد ~ شكله بدا يحقق معي من جديد : ما يهمني ..

عبدالعزيز : توقعتك تبيه يموت ؟!

خالد : الله كتب له عمر .. ما يهمني عاش او مات ..

سعود : كيف ما يهمك ؟!! ترا كلنا في الهوى سوى وانت فاهم قصدي ..

خالد : اييه بس اللحين هو ما يذكر شي .. دام انه ما يذكر شي ما يهمني ما يفرق معي عاش ولا مات ..

في هاللحظات كانوا بدر وعبدالله توهم داخلين الصف بعد ما افتروا ع المدرسه ....

سعود ناداه : بدر بدر جيييت جابك الله تعال اسمع ذا وش يقول !!!

بدر : وش السالفه ؟!

عبدالله : وانا يعني لا اسمع ولا وشو ؟ ..

سعود : أي والله لو تفارق احسن ..

عبدالله : على تبن جاي معك يا بدر ..

بدر : ههههههههههه معليك منهم .. المهم وش السالفه ؟!

علموه بنقاشهم .....

بدر : اممم تدرون خالد عنده وجهة نظر ..

عبدالعزيز باستغراب : حتى انت بعد زيه ؟!

بدر : الولد ما يذكر شي .. انا أقول ما منه خوف حالياً ..

خالد ~ الحمدلله بدر نفس كلامي .. ان شاء الله م يشكون فيني بشي ..

سعود : واذا فجأه تذكر ؟!

بدر : ما ادري لكن وقتها نفكر بحل ..

عبدالعزيز معصب : ايه طبعا مروقين ومب هامكم شي لان مب انتوا اللي سويتوا المصيبه .. مبسوطين ولا شايلين هم شي ..

سعود : ياولد لا تخاف ولا تقلق حنا معك ولا صار شي نحله مع بعض ..

بدر : ان شاء الله مب صاير شي .. بعدين ي عيال فكروا فيها هو مب متذكر شي وشخصيته متغيره ١٨٠ درجه تحسون انه صاير طيب وألطف شوي .. انا لي كم يوم افكر في موضوعه .. احس اننا بوضعه هذا نقدر نستغله ..

خالد تضايق ~ هذا اللي كنت خايف منه ..

سعود يفكر : اممم والله جبتها ..

عبدالعزيز : اش بتسوون يعني ؟

سعود : شوف تذكر بالمستشفى لما وريته الجروح اللي سببها لك .. حسيته خايف وهو يشوفها .. اول شي بتسويه بتطلب منه اعتذار و تعويض عن اللي سواه فيك .. عاد التعويض فكر باللي تبيه واطلبه منه .. بنشوف كيف بيلبيك ولا بيجلدك زي راكان القديم هههههه ..

عبدالعزيز : ما شاء الله تختبرونه على حسابي ..

بدر : كلام سعود صح .. جرب منت خسران شي .. تعودنا دايماً ان انت تقدح عليه ..

عبدالعزيز : اوك اجرب مب مشكله ..

سعود : اما لو ينفذ كل اللي تبيه هنا خلاص طاح ولا احد سمى عليه ..

بدر : ما احس الموضوع سهل مثل ما تقول ..

سعود : سهلها وتسهل ..

بدر : متى بتكلمونه ؟!

سعود : عزوز انت رح لحالك كلمه ..

عبدالعزيز : أخاف اجلده ..

سعود : اهدى من كذا يا هوووه .. انا أقول كلمه بكره اليوم هو مو حاب يشوفنا ..

عبدالعزيز : طيب يصير خير ..

خالد ~ الله لا يوفقكم من ناس .....

دخل عليهم استاذهم و قطع عليهم نقاشهم ثم بدا الدرس .......

انتهى اليوم الدراسي هالمره على خير .. بعد نهاية الدوام راكان تجنب يشوف شلته و طلع لسيارته ع طول ورجع للبيت ....

راكان ارتمى ع السرير وتتهد بتعب ~ لا لا صعبه علي م اقدر اكمل .. الظاهر لازم اكلم اهل هالراكان اني ما ابي اداوم ..

فتح جواله دخل سناب لقى مسجات واجد من شخص يعرفه ! ...

راكان ~ جنااااان !؟ اش فيها بس ترسل لي ؟

دخل المحادثه كان كلام كثير لكن المتكرر سؤالها انت مين واش علاقتك بالريم طبعا كانت معلقه على صورته قالت " انت اللي شفتك بالمستشفى بغرفه صديقتي *فيس مصدوم* بسرعه اعترف انت مين واش علاقتك بالريم ؟! "..

راكان ~ ياربي وش اسوي معها ؟! كيف اشرح لها اني انا الريم !!؟ لقيتها عشان افتك من اسئلتها رح اطلب منها هالطلب....

رد عليها بسناب وقال ...

راكان : " اذا حابه تعرفين لازم اقابلك غير كذا لا تقروشيني .."

كانت جنان تنتظر رده ع احر من الجمر بس وصلها مسج منه فتحته ع طول .. انجلطت لما قرت رده .....

جنان : " خييير !؟ ليه كذا ؟! ليه اقابلك هاه !؟ تكلم هنا قول فهمني هذي صديقة عمري تكفى قول .."

راكان ~ يا الله ذي البنت بتخليني ابكي انا ما اقدر اقولها شي الا اقابلها مارح تصدقني أصلا : " اسف هذا اللي عندي اذا وافقتي تقابليني بفهمك كل شي .. لا تردين لاني مارح افتح محادثتك تعبت اليوم ما عاد ابي اقرا شي .."

جنان كانت قاعده وقفت وصرخت ~ لا لا لا لا لا تسحب رد .. >> كانت مقهوره من تصرفاته أرسلت له كثير و دقت عليه ما رد ...

لان راكان بعد هالمحادثه قفل جواله ورماه (قعدت مع نفسها تتذكر ذكرياتها مع جنان وتبكي) ...

في الليل كان فيه زياره فجائيه الى بيت راكان ....

ليان : غريبه جايتنا ؟!

مي : ولا غريبه ولا شي اشتقت لكم قلت ازوركم ي القاطعات ..

لينا : والله معليش م احب اروح بيتكم لانه صغير ..

مي بابتسامه باهته : شنسوي بعد ع قد حالنا ..

ليان : بس تدرين انتي احسن وحده من بنات اقاربنا .. دايماً تزورينا و ما تسحبين حتى لو سحبنا عليك ههههههه ..

مي ~ مب عشان وجهك انتي وياها .. كله عشان ريكو حبيب قلبي جعلني اموت قبله .. اما انتوا ما ينقعد معكم أصلاً : هههههه .. >> عطتهم ضحكه تسليكيه ..

لينا : كيف المدرسه الحكوميه معك ..؟

مي ~ يالله بدينا فشخره اللحين !! : حلوه تجنن طالما فيها صديقاتي ..

ليان : ودي اتعرف ع صديقاتك اللي دايما تسولفين عنهم بالذات هذيك البنت اللي اسمها ء ء ء ساره مدري سميره ..

مي بحده : قصدككك سسسمر !!

ليان : هههههههه يب يب هذي .. خاطري اشوفها ..

مي : ايه ان شاء الله ربي يكتب لقى ..

لينا تتثائب : يااه يالله يا بنات عن اذنكم بروح انام ..

مي تناظر ساعتها : من جدك بدري تو الساعه ٨ ..

لينا : ايه من لما رجعت من المدرسه م نمت .. باي باي بنام حدي تعبانه ..

مي : اوك باي نوم العوافي .. ( لفت ع ليان) لا يكون انتي بعد تبين تنامين ؟!

ليان : لا مو اللحين ..

مي : اششوا .. الا ما قلتي لي اش اخبار اخوك راكان ؟

ليان ابتسمت وتحمست : يوووه اخوي راكان صار كأنه شخص ثاني مررررره يجنن احس اني حبيته اكثر من اول ..

مي ~ آخخخ ي قلبي اجل انا اش أقول ؟؟! ..

ليان : بالويكند بكلمه نطلع مع بعض احس رح ننبسط ..

مي : ظنك يوافق يطلع معك ؟

ليان : ايييييه اللحين صار عادي يطلع معنا وينبسط ..

مي ~ يااا حظككك تطلعين معه : وين بتروحون ؟

ليان : امممم بصراحه لسا ما قررت .. قلت اسأله اول اذا بخاطره مكان معين ..

مي ~ ببكي خذووووني معكم ! : حلوو ..

ليان : رح اصور طلعتنا بسناب وشوفيها ..

مي : أي طبعا اكيد رح اشوفها ..

ليان : اش رايك تنامي عندنا اليوم ؟ يعني لو ما يضايقك وجود راكان ..

مي ~ احبببببك ي ليون ودي أقوم ابوسك ع الفكره الحلوه مثلك : انا عندي عادي لكن لازم استأذن امي اول ..

ليان : أي قولي لها انتي صار لك زمان مره ما نمتي عندنا ..

مي : أي والله .. احبك ي ليان خل اروح اكلم امي ..

ليان باستغراب : هههههههه اش فيها هذي انبسطت مره كذا !! ..

وكلمت أمها وافقت بعد محاولات اقناع ان مي تنام عندهم .. كانت مي مقرره سلفاً تسحب ع الدوام اليوم الثاني ما كان عندها أي مشكله ...

في بيت الريم ..من لما غابت عن البيت تغير بيتهم .. صاروا الكل يتجنبون بعض .. كانت سمر قاعده بالحوش لحالها مع كتابها و كوب قهوه .. ع أساس تبي تذاكر .. لكن بين اللحظه والثانيه تسرح وتفكر لبعيد .. المكان هذا دايما الريم تحب تقعد فيه اش انه يذكرها فيها ... وهي قاعده مع نفسها سمعت صوت الباب الخارجي ينفتح.. كان اخوها طلال .. شافها قاعده لحالها جا وقعد معها ....

سمر بدون نفس : خير ؟

طلال باستغراب : اش اللي خير ؟!

سمر : قاعد معي غريبه ؟

طلال : ممنوع ؟!!!

سمر : لا بس لعلمك انا مو الريم .. اذا قلت لي كلمه تضايقني برد عليك بعشر ..

طلال ابتسم : ههه ...

سمر رجعت ناظرت كتابها .. ما ارتاحت لوجوده .. قررت تترك له المكان وتقوم ...

طلال : ع وين ؟!

سمر : مليت من القعده هنا بدخل غرفتي احسن ..

طلال : ودي اسألك سؤال ..

سمر قعدت : عارفه م جلست معي الا في بفمك كلام .. قول ...

طلال : الريم .. الريم ما كانت تعرف ذاك الولد اللي بالمستشفى صح ؟!

سمر عصبت : وتبيني ارد عليك بعد .. الله ياخذك انت وتفكيرك المعاق ..

طلال تنرفز وصرخ عليها : هيييه حدك عاد .. سألتك جاوبي قد السؤال ..

سمر : تركي مو فهمك قصه الولد .. تسألني ليه ؟!

طلال : لازال عندي شك .. واتوقع الريم ما تخبي عنك شي ..

سمر : انت مريض .. انصحك تروح تتعالج .. اختك بين الحياه والموت وانت تشك فيها ..

طلال عطاها كف ع خدها : لا تحسبين اني بسكت لك وانتي تسبين فيني ..

سمر ماسكه دموعها : الشرهه مب عليك على اللي أصلا معطيك وجه .. ( ركضت بعيد عنه وقالت ) الله لا يوفقك كانك تشك في اختك الله لا يسامحك وحسبي الله عليك ..

طلال : اذا قد كلامك وقفي وانا اعلمك ..

سمر سحبت عليه ودخلت غرفتها وقفلت ع نفسها الباب .....

نرجع لبيت راكان .. مي كانت تتجول في انحاء البيت لغرض ما في نفسها .. طبعا الكل كان نايم و الجو هدووووء .. وتمشي بخطوات هاااديه ...

مي ~ امممممم اخبر ان غرفته كانت في هالجهه .. >> فتحت الباب طلت بداخل الغرفه ما شافته ....

مي ~ يووهه ي ريكوو وين غرفتك ضيعتها .. (وقفت مكانها للحظه.. حطت يدها ع قلبها وتنفست بعمق) بديت اتوتر وقلبي بسرعه يدق .. يالله هذي اخرغرفه افتحهاا اذا ما طلعت غرفته بنسى الموضوع ....

بهدوء فتحت باب الغرفه كانت غرفة نووم بس كبيره و فخمه و السرير يبي له مسافه عشان توصله .. هي من بعيد شايفه ان فيه احد نايم عليه بس مين ما تدري ..

مي~ مستحيل هالغرفه تكون غرفه بنات .. و ما اظن انها غرفة زوجين ما أتوقع تكون غرفة عمتي وزوجها!! .. اغامر واروح اشوف؟!

دخلت الغرفه شوي شوي لما قربت للسرير وقفت ....

مي~ يوهه نسيت احط شيله ع راسي .. خل اتراجع بس بموت من كثر ماني متوتره ...

فجأه صحا من نومه مو مركز ناظرها ......

راكان ~ هذي .. هذي مي !! شكلي احلم .. >> رجع حط راسه يكمل نومته ..

مي مرعوبه ~ يمممممه خفتتت !! الحمدلله طلعت غرفة ريكوو .. طيب هو اللحين شافني ولا لا ؟ لو شافني ما كان رجع ينام.. بما اني جيت خلاص بروح له .. الفرصه مارح تتكرر ..

فعلاً سوتها وراحت له خطوه خطوه لحد ما وصلت لسريره .. حاولت تشوف وجهه وهي واقفه لكن ما قدرت لانه لاف وجهه للجهه الثانيه ....

مي ~ بما اني وصلت هنا لازم اشوف وجهه عن قرب .. مارح تجيني فرصه مثل هذي مره ثانيه ..

قعدت على سريره بكل جرأه بالرغم من ان فيها شوية خوف !! .. ثم حاولت تحط يدها ع شعره (يغريها الشعر الناعم ما تقدر تقاوم بالذات اذا كان ع ولد ههه) .. ترددت كثير الى ان مسحت ع شعره اخر شي .. حس فيها لف وجهه عليها .. هنا بدت الخرشه عند مي ...

مي بخوف ~ يااا ويلي فتح فتح عيونه ..!! >> طبعا صحا و من قوة خرشة مي ما عرفت تفكر تقوم تجلس تنحاش عجزت عن التفكير بهالحظه فـ تسمرت بمكانهاا ...

راكان بالكاد فاتح عيونه : مي؟؟؟؟؟!!!!!

مي منصدمه على خايفه : ء ء ء انا ..

راكان قاطعها بضمها مع شوية دموع وهو مغمض عيونه : مييييييييي !! كنت ادري اني احلم .. وين اختي؟ وين سمـ .. ر ....>> فتح عيونه لما شاف الغرفه اللي هو فيها كانت الصدمه ان اللي صار له مو حلم !! ان هي راكان فعلاً ما كانت تحلم (اختلطت عليها الذكريات اول ما فتحت عيونها وشافت مي تحسب انها لازالت الريم وكل سالفه راكان مجرد حلم لكن لما انتبهت ع الغرفه اللي هي فيها رجعت للواقع وتأكدت انه مو حلم ) .. ع طول ترك مي وابتعد عنها .. ناظرها بيعتذر منهاا ...

مي بسرعه غطت وجهها بإيدينها ميته من الاحراج وجهها قلب ألوان ههه .. ما عطته أي فرصه يبرر موقفه او يعتذر ع طول قامت وركضت برى غرفته ..

راكان : ميييييي دقيقه لا تروحين بفهمك ....!

مي ما ردت عليه وكملت ركض ..

راكان ~ ياربي انا اش سويت ؟! .. ما اقدر ألحقها أخاف احد يشوفني معها ويفهمون غلط .. رح اشرح لها موقفي بالواتس وخلاص .. اخخ بس للحظه حسيت اني الريم .. كان شعور حلو .. متى بس ارجع لاهلي مليييت !!

انتهى