* العرض صوره رمزيه لغرفة راكان ...

راكان ~ امممم مكتوب ع الباب ممنوع الدخول .. ادخل و لا لا ؟! .. ( بعد تردد و تفكير اخيرا قرر يدخل ) .. ما شاء الله هذي العنايه المركزه ؟ اول مره اشوفها .. ( ناظر باب ثاني قدامه و فيه نافذذه زجاجيه ) اعتقدت لو طليت من هنا رح اشوف تركي مع مريضه ..

وفعلاً راح يشوف من خلف الزجاج .. هنا كانت الصدمه و الفاجعه بالنسبه له ( او نقول لها ) .........!

راكان اختفى صوته وفاتح عيونه ع وسعهم .. بعدين غط عيونه بايدينه وصرخ بقوووه .. تركي سمعه بما ان باب الغرفه كان مفتوح شوي وافزعه صوته .. ع طول ركض برى يشوف وش السالفه ...

لقى راكان يبكي غرقته دموعه رجوله ما شالته و قاعد ع الارض ويرجف ..

تركي يده ع كتفه وقعد قدامه ع الارض وهو منصدم من حالته : راكان ؟! .. وش فيك ؟!

راكان لازال مغطي عيونه .....

تركي حاول يشيل ايدينه لكن راكان ما رضى : وش فيك ؟

راكان ما تحمل الصدمه اخيرا طاح ع الارض مغمى عليه ..

تركي : بسم الله وش بلااه ؟ .. >> ركض برى بسرعه ينادي الممرضات ....

طبعا جوا و اخذوه ع سرير متحرك و ودوه غرفه فاضيه و استدعوا دكتوره يفحصه .... طبعا في اثناء هذا كله لازالت امه ما تدري عنه و لازالت تنتظره بالكافيه .. طبعا تركي خلص من الريم وسكر باب غرفتها و لحقهم حتى يتطمن على راكان ويعرف وش فيه .. كان ينتظر دكتوره برى غرفته ....

تركي : دكتور احمد ..

احمد : هلا دكتور تركي ..

تركي : عفوا بس طمني ع المريض وش فيه ؟

احمد : ليه انت تعرفه .!؟

تركي : لا والله بس لقيته طايح قدام غرفة اختي بالعنايه المركزه .. حتى مدري اش جابه هناك ..

احمد : اهاا فهمت اللحين ليه جته حالة هلع ..

تركي : حالة هلع ؟!

احمد : هو كان في غيبوبه و فقد الذاكره الظاهر لما راح العنايه المركزه تذكر شيء من وضعه او جاه احساس مألوف .. وحس بخوف شديد لدرجة اغمى عليه ..

تركي : طيب اللحين وش وضعه ؟

احمد : ان شاء الله يقوم بالسلامه .. لكن لازم يكون تحت المراقبه مدة 24 ساعه .. وغير كذا يبي له علاج نفسي مكثف حتى يتخطى مرحلة غيبوبته ..

تركي : الله يكون في عونه و عون اهله ..

احمد : عن اذنك لازم اروح اكلم اهله ..

تركي : اذنك معك ..

في مدرسة العيال اجتمعوا الشله ....

بدر معصب : ممكن افهم ليه ادق عليكم امس ما تردون ؟

سعود : كنت نايم ..

بدر : والاخ ذا بعد نايم ..

عبدالعزيز : لا مب نايم بس مالي خلق ارد عليك ..

بدر : اكيد و انت بعد زيه يا سعود مالك خلق ..

سعود : قلت لك نايم لو مابي ارد عليك قلت لك مثله ليه تفكرني خايف منك !؟

بدر : لا ما شاء الله عليك شجاع من قال تخاف ! .. المهم وش صاار بالمستشفى ؟

سعود : ما صار شي مهم ..

بدر : عليناااا ما صار شي؟!

سعود : مب رايقين لك والله ..

بدر: طبيعي بعد اللي سويتوه بالمستشفى ما رح تروقون لاحد !!

عبدالله بحماااس : تكفووون ي عيال وش صار علموني؟

عبدالعزيز تنرفز : مب شغلكم ولا هو بلازم تعرفون ..

بدر : خلاص وش فيكم طيب روقوا !

عبدالله : يا شباب خلونا نفطر و نعين من الله خير قبل تنتهي الفسحه .. وبعدين الا م تعلموني وش صار ..

سعود : اي طيب بتنتظر وااااااجد ..

عبدالله : افااااا بس خويكم انا..

بدر يغير السالفه : يا عيال خالد وينه ما شفته اليوم ؟

عبدالله : غايب ما داوم ..

بدر : ليه سلامات ؟!

عبدالله : قال لي ماله خلق الدوام ..

بدر : كفو عليه الزاحف ...

عبدالعزيز : سعود تعال ابيك بكلمة راس ..

بدر لف عليهم : هيه اذا تخططون تسوون شي لراكان علموني تراي خويكم بعد ..

عبدالله : ايه وانا بعد ..

عبدالعزيز : سالفه بيني و بينه انتوا مالكم دخل اطلعوا منها .. مشينا سعود ..

سعود : يالله ...

بعد ما راحوا ......

بدر : وراهم سالفه ثانيه هذول ..

عبدالله : خلهم علي انا اجيب لك العلم ..

بدر : كفو والله انتظرك ..

عبدالله يطق الصدر : عندي معليك ..

بدر : اجل يالله قم نفطر ..

عبدالله : ايييييه مت جووع ...

في المستشفى .. دقوا ع ابو راكان .. طبعا ع طول هو دق ع ام راكان بما انها بالمستشفى و قال لها اللي صار لراكان .. راحت له ركض وميته خوف عليه .. شافته نايم ع سريره باسته ع جبهته و مسكت يده .....

ام راكان بصوت يرجف ودمعتها ع خدها : حبيبي راكان .. لا تروح مني مره ثانيه !

بعد عدة دقايق راحت لدكتور راكان تشوفه ويطمنها عليه و تعرف وش فيه واش الي جاه .. طبعا قال لها نفس الكلام اللي قاله لتركي ......

ام راكان بخوف : يعني يا دكتور ما رح يدخل غيبوبه مره ثانيه لا سمح الله ؟!

الدكتور : لا يا ام راكان لا تقلقي .. ما فيه الا العافيه ..

ام راكان : قول لي الحقيقه لا تقول لي كذا عشان تطمني بس ..!

الدكتور : صدقيني هذي الحقيقه .. حالته نفسيه لا اكثر .. لا ينشغل بالك بسيطه ان شاء الله ..

ام راكان يدها ع قلبها : الحمدلله .. لما شفته نايم كذا والمغذي بإيده تذكرته و هو بغيبوبه الله لا يعيدها من ايام ...

الدكتور: امين .. تطمني ع الاخير ..

ام راكان : الله يطمن قلبك يا دكتور .. شكرا ..

الدكتور : العفو ..

ام راكان : طيب اللحين متى رح يصحا ؟

الدكتور : هو حاليا نايم عطيناه مهدىء .. بعد كم ساعه يروح مفعوله و ممكن يصحا .. تقدري تروحي البيت واذا صحا كلمناكم ..

ام راكان : لا لا ابي اقعد جنبه لين يصحا ..

الدكتور : اوك على راحتك ..

بعد ساعه وصل ابوه حتى يتطمن عليه .. ترك شغله و ترك كل شي بيده وجا له وقعد مع ام راكان ينتظرونه يصحا ....

في الحقيقه خالد ما داوم عشان حب يشوف راكان بما ان راكان متجاهل جميع الاتصالات و الرسايل ( لانه الريم ما ترد الا ع اللي تعرفهم و تبي تكلمهم ) طبعا ما صدق متى يجي الصباح عشان يروح له بيتهم و فعلا راح .. سأل الخدامه عنه و قالت له انه بالمستشفى ..و توجه للمستشفى .. سأل الى ان لقى غرفته ...

خالد دق الباب و دخل تفاجئ لما شاف ابوه و امه قاعدين عنده : السلام عليكم ..

ابو راكان : اهلين خالد .. حياك ..

خالد : يا هلا فيك يا عم .. المعذره ما كنت ادري انكم عنده .. حبيت اتطمن عليه ..

ابو راكان : تطمن مافيه الا العافيه .. و ما قصرت بالزياره و السؤال ..

خالد : واجبنا طال عمرك ..

ام راكان : يمه انت ما وراك مدرسه .. ليه ما داومت ؟

خالد : الا يا خاله بس قلت بشوف راكان رحت له البيت قالوا لي انه بالمستشفى ..

ام راكان : ليه في شي صاير ؟

خالد : لا والله بس ابي اشوفه و اتطمن على صحته ..

ابو راكان : والله شكله في شي صار دامك جاي تشوفه الصباح ..

خالد : لا ابد بس غبت عن المدرسه وشفت نفسي فاضي قلت امره ..

ام راكان : هو مطول عشان يصحا بس رح يطلع بكره .. تقدر تجيه البيت و تشوفه لو تحب ..

خالد : ايه خلاص ان شاء الله رح امره البيت .. بلغوه اني زرته ..

ابو راكان : ابشر ..

خالد طلع من الغرفه متضايق ~ و اليوووم شكلي مارح اقدر اشوفه لحاله وش ذا الحظ .. يالله ننتظر بكره ما ورانا شي ... >> ورجع بيته ...

في المدرسه بمكان بعيد شوي بأحد أركانها .. كانوا هالاثنين مجتمعين .....

سعود : وش موضوعك ؟!

عبدالعزيز : الخاين اللي بيننا لازم يطلع ..

سعود : وش قصدك يعني ؟!

عبدالعزيز طلع سيجاره من مخباه وحطها بفمه : الولاعه !

سعود ولع له السيجاره (طبعا اعتاد سعود يشيل معه ولاعه دايما عشان خويه) : دامك تبي تدخن يعني فيه موال براسك تمخمخ عليه ..

عبدالعزيز : ايه موضوع الخاين لازم نعرفه بأي طريقه ..

سعود باستغراب : السالفه ذي مب قضينا منها و تأكدنا ان ما فيه خاين قبل سنه ؟! يعني لو فيه خاين كانك بالسجن اللحين ..

عبدالعزيز : والله ماني مرتاح من صحا راكان و هواجيس الخاين رجعت لبالي ..

سعود : انا اعتقد انك تبالغ في قلقك ..

عبدالعزيز : اتمنى انك صادق .. بس لو كان فيه خاين بيننا تتوقع وش رح يصير ؟!

سعود بعد تفكير : اممممم ممكن يحاول يذكر راكان باللي صار قبل سنه !

عبدالعزيز : بالضبط .. هذا اللي مخوفني .. كلنا بنروح في داهيه لو راكان تذكر شي ..

سعود بدا يخاف : لا تقول كذا ان شاء الله مب صاير شي ..

عبدالعزيز : انت فكر معي من تتوقع يكون خاين من بين الثلاثه .. بدر و خالد و عبدالله !

سعود : بدر ما اعتقد عانى كثير من راكان و بعد سالفه اخت راكان كرهه بزياده (تذكروا السطر رح اعلمكم السالفه مع سرد الاحداث) .. أما بالنسبه لعبدالله فـ هو جبان ما رح يوصل لمرحلة انه يخون ..

عبدالعزيز قاطعه : بس لا تنسى انه ينشرى بالدراهم !

سعود : مهما كان ما اعتقد احد عطاه اكثر من اللي عطيناه .. ما اظن هو ..

عبدالعزيز : و اذا كان راكان اعطاه اكثر مننا ؟؟ اكيد انه هو الخاين ..

سعود : الولد ذا بليد و ما يحفظ سر وش يبي فيه راكان بيفضحه .. ما اعتقد انه هو ..

عبدالعزيز : اجل الشخص الوحيد الباقي هو خالد .. و اذكر اننا شكينا فيه من قبل ..

سعود : صح انه كتوم بس هو بعد ما قصر في راكان ..

عبدالعزيز : و اذا كانت كل المشاكل اللي سواها مع راكان تمثيل و متفقين عليها مع بعض عشان يقنعونا !!!!؟

سعود : آآآآ مـ ممكن .. بس خلنا ما نتسرع .. نتأكد اول ثم نشوف وش نسوي ...

عبدالعزيز : طيب وان طلع خاين حسابه معي عسير ..

سعود : ان شاء الله نكون غلطانين ..

عبدالعزيز : ايه ان شاء الله ..

في بيت عائلة تركي .. بعد نهاية دوام المدارس ....

سمر : يمه اليوم ابي ازور الريم ..

ام تركي : ليه ؟ احنا متفقين كل ويكند ..؟

سمر : ادري بس لقيت جنان مرسله لي بسناب انها رح تجينا اليوم ابوها عنده شغل هنا وتبينا نزور الريم مع بعض ..

ام تركي : مو تعب عليهم الروحه و الرجعه بنفس اليوم ؟ الحفر بعيده مب ذاك القرب ..

سمر : يممه كلها خمس ساعات .. بعدين ما عندها دوام بكره ورح يقعدون هنا اليوم وبكره يرجعون للحفر..

ام تركي : اهاا زين دام كذا ..

سمر : يمه ابي طلب بسيط بس !

ام تركي : ايش ؟!

سمر : اذا جا طلال كلميه يودينا ..

ام تركي : انتي تدرين انه يرجع من دوامه تعبان و بالعاده ينام .. ما اضمن يوديكم صراحه .. بس بقوله ..

سمر : تكفين حاولي فيه انا وعدت البنت ..ابوها ما يقدر يودينا لان شغله بجهه والمستشفى بجهه ثانيه وعاد هو شغله صاير بوقت الزياره و نخاف يروح علينا والمسكينه ترجع الصبح للحفر وهي م شافتها..

ام تركي : زين زين نشوف ..

في المستشفى .. بعد كم ساعه صحى راكان من نومه ... كان ابوه و امه حوله .....

ام راكان مسكت يده وابتسمت : حبيبي اخيرا صحيت ..

ابو راكان : الحمدلله ع السلامه يا راكان ..

راكان ~ وش صار ؟! .. ( يناظر حوله يحاول يتذكر .. غمض عيونه )

ام راكان بقلق : راكان حبيبي فيك شي ؟!!

راكان ~ ايه تذكرت انا .. انا شفتني .. انا الريم شفتني بالعنايه المركزه !! ليش ؟! انا وش صار فيني ؟! >> رجع يبكي و محد كان فاهم اش فيه !! ...

ام راكان زادت قلق : ركوون تتألم من شي ؟! ليه تبكي يا قلب امك !؟ وين وجعك قولي !؟

ابو راكان : اروح انادي الدكتور احسن ...

ام راكان : ايه ايه روح ...

راكان ناداه : لاااااا .. لا تروح .. مافيني شي .. تكفون خلوني لحالي تكفون تكفون ..

ام راكان : بس كيف اخليك بهالحاله ؟!

راكان وهو يبكي : تكفون ابي اقعد لحالي ..

ام راكان : لا طبعا ما اقدر اخليك ..

راكان عصب وشال المغذي من يده وصرخ : خلاااااااااااص انااا بخليكم .. انتوا اجلسوا انا بترك لكم الغرفه ...

ام راكان امتلت عيونها دموع و مسكته مع كتفه : حبيبي وش وفيك ؟ ليه كذا ؟

ابو راكان : خلاص يا راكان ارتاح احنا بنطلع ..

ام راكان ناظرت الاب : بسسسس....!

ابو راكان : خلينا نقعد برى و خليه يرتاح .. ( مسك يدها) يالله مشينا ...

راكان كان رح يقوم من سريره بس لما طلعوا خلاص رجع انسدح و تلحف .. وكمل بكي ....

طبعا ابوه كلم الدكتور عن حالته .. قرروا انه يحتاج علاج نفسي ....

في بيت ابو راكان .... كانوا التوأم لحالهم ....

ليان : انشغل بالي ليه راكان ترقد بالمستشفى مره ثانيه ..

لينا : امي و ابوي ما قالوا لك شي ؟!

ليان : لا .. ما كلمت الا امي و بس قالت لي ترقد و انهم رح يطولون عنده ..

لينا بقلق : ليه ما سألتيها اش صاير معه ؟!

ليان : ما عطوني فرصه ع طول امي الله يهديها قفلت ..

لينا : اهاا ..

ليان : اش فيك كنك قلقانه !؟

لينا : لا طبعا مو قلقانه و لا شي اسئله عاديه من باب الفضول ..

ليان ابتسمت : اها طيب ..

طبعا ام وابو راكان كلموا الدكتور و طلب منهم يرجعوا البيت لان قعدتهم ما منها فايده .. و ان راكان بعد ساعه رح تجيه الدكتوره النفسيه تقيم حالته و تعالجه نفسياً .. و بعد عدة محاولات مع ام راكان قدر زوجها يقنعها ترجع البيت ...

بعد كم ساعه .. اخيرا الدكتوره نجوى جت تشوف راكان .....

نجوى دقت الباب و دخلت : السلام عليكم ..

راكان بسرعه تغطى بلحافه و سوا نفسه نايم ...

نجوى قعدت ع الكرسي مقابله و حطت رجل ع رجل : ادري انك صاحي و متأكده بعد .. ممكن نسولف شوي ..

راكان : .......لارد

نجوى : انا ما رح اطلع من هنا الا لما ندردش مع بعض ..

راكان : كيفك اقعدي انا ما رح اتكلم ..

نجوى : ليش ؟

راكان : .......لارد

نجوى : ماتبي تشتغل على نفسك و تتخطى صدمة غيبوبتك بسرعه ؟!

راكان : .......لارد

نجوى : الحاله اللي تمر فيها تراه شي طبيعي .. لا تحمل نفسك اكثر مما تتحمل .. انت عندك القوه انك تتخطى ازماتك .. و تقدر تبدا بتغيير تفكيرك .. كل ما كنت اكثر تفاؤل كل ما قدرت ترجع زي اول واحسن .. اتمنى انك تفتح لي قلبك عشان اساعدك انك ترجع لحياتك الطبيعيه ..

راكان قعد عاقد حواجبه و معصب : احد قايل لك اني مجنون ؟!

نجوى ابتسمت : هههه اخيرا خليتك تتكلم ..

راكان ~ استدرجتني بالكلام !! يعني كانت قاصده عشان ارد عليها !؟

نجوى : كيفك !؟

راكان رجع تغطى بلحافه : اطلعي مابي اشوف احد ..

نجوى ~ اخخخ احس كني اتعامل مع طفل : طيب يا راكان ما رح اخليك رح اكون دايما معك و انتظرك حتى تفتح لي قلبك و نتعاون انا و انت على انك تستعيد عافيتك ..

راكان : .......لارد

نجوى : يالله اخليك ترتاح ...

راكان يتحلطم ~ روحي بلا رجعه لا عاد تجين تذكريني فيهم .....!

رجع طلال من دوامه ..كالعاده كان متوجه لغرفته ع طول ..امه شافته من المطبخ نادته .....

ام تركي : طلوول ..

طلال رجع للمطبخ وراه : هلا يممممه .. >> راح حب راسهاا ..

ام تركي : هلا فيك ع طول مدرعم ع غرفتك لا سلام و لا كلام ..

طلال : المعذره يمه بس تعبان ..

ام تركي تفكر : امممممم ..

طلال : فيه شي ؟!

ام تركي : تقدر تاخذ اختك للمستشفى ؟

طلال : ليه عسى ما شر ؟

ام تركي : ما شر تبي تزور الريم ..

طلال : والله معليش تعبان خليه الويكند وش الطاري يعني اليوم بنص الاسبوع !؟

ام تركي : عشان صاحبة الريم هنا .. و تبي تزورها مع سمر ..

طلال مصدوم : مييييييين صاحبة الريم ..!؟

ام تركي : جنان .. ابوها عنده شغل هنا و جت بيتنا .. طلبت تزور الريم ابوها ما يقدر يوديها شغله بمكان بعيد عن المستشفى ... و سمر وعدتها .. بس اذا ما تقدر خلاص رح نعتذر من البنت و تروح تاكسي ..

طلال ارتبك شوي : هااه .. لااا وش تاكسي وانا موجود .. بعدين تقولين سمر وعدتها .. ما يصير نخلف بوعودنا ..

ام تركي باستغراب : يعني رح توديهم ؟!

طلال : اييه بس عطوني ساعه ارتاح فيها و اخذ لي غفوه ثم اوديهم ..

ام تركي : زين الحمدلله توقعتك ترفض ..

طلال : ههه ايه لو كانت سمر بس لحالها .. لكن بما ان البنت متعنيه و جايه بيتنا تطلبنا صعب نقول لا ..

ام تركي ابتسمت : ايه صح عليك ولدي ..

طلال يسأل مو مستوعب : يعني البنت في بيتنا اللحين صح ؟! معقوله موجوده عندنا؟!

ام تركي باستغراب : ايه بغرفة الضيوف! وش فيك كنك مو مصدق ؟!

طلال بربكه : هههههه لاااه مو كذا.. المهم يالله بروح ارتاح ....

ام تركي تناظره ~ اش فيه بسم الله عليه ! .. خل اروح ابشر سمر بس ....

و بعد ساعه كان عند وعده .. تجهز وكشخ و تعطر .. و طلع ينتظرهم بسيارته ....

سمر : جنوو يالله مشينا اخوي ينتظرنا برى ..

جنان : يالله .. ألبس عباتي بس ..

سمر : تصدقين والله مدري كيف اقتنع يودينا ..

جنان : يوووه المسكين اكيد استحى مني ..

سمر : هههههههههه مسكين ! اقول مشينا مشينا بس ..

طلعوا بالسياره طبعا راكبين ورى .. كانت المرايه الاماميه موجهه ع جنان .. قد تكون محض صدفه ! .. المهم اول ما ركبت السياره عينها لا اردايا جت ع المرايه .. و ألتقت عيونهم لأول مره منذ زمن ...

طلال ارتبك من شافها وما تحرك .....

سمر : اش فيك خلاص يالله امش ...!

طلال : ايه طيب ..

طول الطريق كان الجو هدووووء و صمت غريب .. الى ان وصلوا المستشفى ....

طلال : بنزل معكم اوصلكم ..

سمر : لا ما يحتاج غرفة جنان ادلها .. وكلمتت تركي قال عادي ازورها لانه وقت زياره ..

طلال : مو مشكله رح اوصلكم و اتطمن بنفسي ..

سمر : قلت لك ماله داعي .. يالله مشينا جنو ..

طلال ~ اخخخ من سمر الحيوانه ذي !! .. معليه انا اوريك .. إلا تحرجني قدامهااا ! ..

جنان : اش فيك على اخوك ؟ احرجتيه صراحه ..

سمر : هههههههههه يستاهل .. تدرين هو اساسا ما يزور الريم ! يقهرر ..

جنان باستغراب : من جدك ما يزورها ..؟! يعني ادري ان علاقتهم مب ذاك الزود بس ما توقعته حقود لهالدرجه ..

سمر : يا حبيبتي توقعي منه اي شي ..

جنان : مو معقول حسيته طيب ..

سمر : ههههه قالت طيب قالت .. والله انتي الطيبه .. خل نروح نشوف اختي بس ابرك ..

جنان : اوووكك ..

بالمستشفى .. قرر راكان يروح غرفة العنايه المركزه بدون احد يشوفه .. وفعلاً سواها .. وصل عند الباب .. مسك المقبض .. تردد يفتح الباب ويدخل او لا ......

راكان ~ هذي انا .. اللي هنا انا ! ابي اشوف ابي ألمس يدي ابي اتأكد .. ابي اجرب الشعور اني اشوفني قدامي !!! اش الجنون هذا عقلي مو مستوعب .. شكلي .. شكلي قاعده اموت .. اش صار لي .. بدخل بدخل و اشووف .....

بعد تردد كبير استجمع شجاعته و دخل .. يمشي ناحية السرير خطوه ورى خطوه .. بهدوء تام .. وكأن الكون حوله توقف مافي الا هي موجوده ..

راكان وصل جانب سريرها مد يده وهو يرجف ومسك يدها ولازال يرجف : ء ء ء آ آ آآ رييييم ! (ضغط ع يدها بقوه ) ريييييييم اصـ اصحي .. لا تموتي هذا انا .. انا هنا ريييم ! ابي ابي ارجع لجسدي انا هنا ابي ارجع (انهار بكي و هو ماسك يدهاا ) اناا هنا ابي ارجع لامي واختي واخواني .. (صرخ) ريييييييم عطيني حل ......

فجأه انفتح الباب و كانوا سمر و جنان انفجعوا لما شافوه .......

سمر ناظرت جنان بصدمه و خوف : يمممممه هذا مين !؟

جنان مصدومه زيها : مدري ؟

سمر ناظرته و صرخت عليه : اننننت مييييييييين !؟

جنان تناظره بخوف من بعيد .....

سمر ركضت له : ابعد عن اختي ابعد ...

راكان في حالة لا وعي قال بصوت خافت وهو يجهش بالبكي : سـ سمر !

سمر انصدمت ~ كني سمعته ناداني ! لا لا مستحيل يتهيء لي .. انا ما عمري شفت هالانسان ...

جنان تسمرت في مكانها ماهي فاهمه الوضع و من هذا و ليه ماسك يد الريم و يبكي ...

سمر ع وشك تبكي هي الثانيه : ابعد عن اختي اترك يدهااا ..

راكان بصوت غير مفهوم من البكي : هـ هذي انا ....

سمر : اش تقول انت ؟! ( ناظرت جنان) يا بنت هذا شكله مجنون ..

راكان ناظر معها : جـ جنـ ـو ..

سمر : اش تقول انت ؟! اترك اختي ترا بقول للامن ..

راكان قعد ع الارض يبكي ....

سمر خافت : يممممه اش فيه ذا ؟! .. جنووو بروح ركض انادي اخوي تركي مكتبه قريب .. انتبهي ع اختي ..

جنان : من جدك تخليني مع ذا المجنون لحالي !؟

سمر : طيب روحي انتي نادي تركي ..

جنان : ما اعرف مكتبه و بستحي منه اخوك مو اخوي !

سمر تنرفزت : يا بنت جننتيني خلاص اقعدي هنا (مسكتها مع كتوفها ) انتبهي لها بروح بسرعه و اجي ..

جنان جمعت ايدينها وقبضتها بقوه من خوفها : ط طيب لا تتأخرين ..

ركضت سمر الى مكتب اخوهاا .. وهي تدعي انه يكون بالمكتب ..... واخيرا وصلت مكتبه ع طول فتحت الباب ودخلت ..

سمر تنهدت بتعب ~ لاااااا يا ربي لااا وينه ؟ المشكله انه ما يرد ع جواله ...

كملت و ركضت لاقرب مكتب استقبال كانت ممرضمه موجوده فيه .......

سمر : لو سمحتي .. شفتي الدكتور تركي ؟ تعرفين وينه ؟

الممرضه تناظر وراها : آآ هذا هو وراك ..

سمر ألتفت له وراحت له ركض بسرعه : تتتتتتتتترررركي .. الحمدلله ياربي ..

تركي باستغراب : اش فيك ؟!

سمر : ألحقني ألحقني ألحقني ..

تركي بقلق : وش صاااااير ؟!!

سمر تبلع ريقها : فيه ... فيه واحد مجنون بغرفة الريم .. ماسكها ألحقها مدري من هو ..

تركي ما استوعب وركض راح غرفة الريم ......

في غرفة الريم .......

جنان مشت باتجاهه بهدوووء .. كانت تسمعه و هو يبكي .. ودها تسأله وش فيك !؟ لكن في نفس الوقت خايفه منه ...

راكان ناظرها وهي تمشي .. (خافت و وقفت بمكانها) .. ثم نزل راسه للارض وشعره لانه طويل كان مغطي وجهه ما ينشاف ...

جنان بتردد : اش .. اش فيك ؟!

راكان رفع راسه ورفع شعره عن وجهه وقال بحزن : جنووووو ...

جنان انفجعت ~ بسم الله .. معقول يناديني !؟ ما اذكر اني شفته من قبل ! انا سمعته قال جنوووو ...! >> تراجعت ورى الى ان وصلت عند الباب ...

وصلت سمر مع اخوهاا ....

تركي شافه انصدم وش جابه هنا : رااااااكان !!

لما ناداها بـ راكان هنا استوعبت للمره الالف انها مو الريم و انها مو قاعده تحلم .. وان الشخص اللي ع السرير بين الحياه و الموت هي نفسهاا ..

تركي مسكه مع ذراعه و حاول يوقفه : اش تسوي هنا ؟! .. امش معي امش اوديك غرفتك ..

راكان باستسلام مشى معه .. و هو يناظر سمر و جنان نظرات حزن .....

جنان راحت عند سمر : يمه شفتيه كيف ناظرنا ؟

سمر : من جد يخوف ! للحظه حسيته يعرفني و انا و لا مره شفته بحياتي !

جنان : خلاص راح خلينا نشوف الريم .. اكيد انزعجت منه ..

سمر ناظرتها : ايييه يا عمري يا الريم ..

كانوا بالممر .. راكان انهار ما قدر يمشي .. تركي طلب من الممرضه تجيب كرسي متحرك و نقله عليه الى غرفته ....

تركي : ممكن تفهمني ليه رحت هذيك الغرفه ؟ وليه كل ما مريتها تبكي ؟!

راكان : .........لارد

تركي : رح انادي الدكتوره نجوى ..

راكان : لا تنادي احد خلوني بحالي .. ابي (يبكي ) .. ابي اموت وارتاح ..

تركي مصدوم ~ حالته النفسيه صعبه اكثر مما كنت اتصور ! .. ونجوى وش تسوي ليه ما تعاملت مع حالته و هي مسؤوله عنه ..

راكان ~ افكر اخنق نفسي هنا و اموت في هالجسد يمكن ارجع لجسدي .. ابي ارجع لاهلي ابي ارجع .. لازم اقتل نفسي يمكن ارجع .. ويمكن لا .. بس خلاص مابي حياة هالانسان اللي كلها مشاكل ابي ارجع لحياتي ...! ( ناظر تركي اللي واضح انه قلقان عليه) ..

تركي : ارتاح الى ان يجي دكتور ..

راكان مسح دموعه : برتاح بس خلني لحالي ..

تركي : لا طبعاً ما اقدر انت تقول تبي تموت ..

راكان : مجرد كلام مارح اسويها ..

تركي : مو مشكله بنتظر حتى يجي دكتورك حاليا بريك عندي ما وراي شي ..

راكان يتحلطم بصوت واطي : نششبه كالعاده ..

تركي : قلت شي ؟!

راكان : لا بنام ..

تركي : عوافي ..

اخيرا جا الدكتور احمد .. الدكتور المسؤول عن حالة راكان ....

احمد : وش صار ؟

تركي : تعال نتكلم برى ..

احمد : ما شاء الله اشوفك مهتم بالمريض ؟

تركي : والله يا دكتور احمد اشوف ان حالته خطيره .. لاقيه بغرفة اختي .. حالته صعبه ..

احمد تنهد : الظاهر فيه شي يشده للمكان .. متأكد حالته نفسيه لا اكثر جسدياً متحسن و لله الحمد ..

تركي : صحيح نفسيته تعبانه قبل شوي يقول يبي يموت !!

احمد : صدق والله !؟

تركي : اي والله انصحك تعطيه مهدئات ..

احمد : ايه اكيد ما نبي نبتلش بقضية انتحار بالمستشفى و فوق ذا اهله ناس من كبار الشخصيات بتروح ع المستشفى كله ..

تركي : الله يعينكم عليه ..

احمد : آمين ..

رجعوا البنات للسياره بعد يوم رهيب .. طبعا طلال كان بإنتظارهم ......

طلال : ليه تأخرتوا ؟

سمر تنهدت بتعب : اسسسكت بس صارت سالفه ما تطري على بالك ..

طلال : وش صار ؟

سمر : لقينا مجنون بغرفة اختي ..

طلال ما استوعب : كيف يعني ؟!

سمر : واحد خبل من المرضى كان يبكي وماسك يد الريم ..

طلال الدم يغلي بعروقه : سلااااااااامات !! من هذا ؟ .. وينه اذبحه ؟ .. محارم الناس مب لعبه عنده !؟

سمر ~ آآخ بس انا ليش تكلمت .. نسيت انه متخلف ..

طلال : تكلمي وينه فيه ؟!

سمر : اخوي تركي تعامل معه ماله داعي تسوي شي ..

طلال نزل من السياره .. إلا يشوف هالولد ..

جنان : ألحقي اخوك ذا شكله مجنون ..

سمر بضيقه : لا حول و لا قوة الا بالله .. الله يصبرني عليه ..

نزلت سمر و لحقته .....

سمر نادته : طلااااال .. طلاااال وقف .. عيب كذا قدام البنت ..

طلال وقف وصرخ عليها : انتي وش جااابك ؟ يالله انقلعي للسياره بسرعه ..

سمر : ماني رايحه رجعنا البيت وبعدين سو اللي تبيه ..

طلال : لاتخليني اتصرف معك تصرف ثاني .. انقلعي عن وجهي خل اشوف الولد ذا وش قصته ..

سمر : مارح انقلع .. محد ينقلع غيرك .. ترجعنا اللحين البيت و انت ما تشوف الدرب ..

طلال كان يمد يده بس تذكر انه بالشارع ...

سمر : ايييه مارح تقدر تمد يدك احنا بالشارع والله لا اشكيك ..

طلال : انتي حسابك بعدين بالبيت .. واضح وراك سالفه انتي واختك ..

سمر باستغراب : اش قصدككك ؟!

طلال : اكيد هذا اللي جا حبيبها .. جا يشوفها .. لااا وماسك يدهاا بعد تقولين معليه انا اعلمه ..

سمر وقفت تناظره ثواني من صدمة ما قال : انت بعقلك يومك تقول ذا الكلام ؟! .. اي حبيب و اي خرابيط و اختك بين الحياه و الموت !! .. لو حبيبها كنت بقولك اني لقيته بغرفتها ؟!

طلال : نفرض انك ما تدرين بس انا متأكد ان موضوعه كذا و لا وش يجيبه غرفة اختي اقنعيني !

سمر بكت لاشعورياً : الله لا يوفقك و لا يبيحك عديم احساس وقلبك بارد .. جعلك الموت يومك تتبلى على اختي و هي بين الحياه والموت .. الله لا يسامحك ..

طلال بالكاد ماسك نفسه لا يمد يده : الكلام هذا مردود عليك بس مب هنا بالبيت اعلمك .. اذا ما ارد الصاع صاعين ما اكون طلال ..

سمر : تفوووه عليك .. روح حسبي الله عليك ..

طلال سحب عليها وراح للمستشفى ...

وهي رجعت للسياره تبكي .....

جنان : بسم الله اشفيك تبكين ؟

سمر تشاهق : تـ تخيلي الحيوان اللي مستحيل اعتبره اخوي وش يقول ..!؟

جنان : ايش ؟!

سمر : يقول الولد اللي شفناه ممكن يكون حبيب اختي .. تخيلي بس ...

جنان ~ صح ان الريم كانت تحب شخص وانا شفت صور له ما كان نفسه اللي شفناه عندها بالغرفه .. وثاني شي الريم مستحيل تغلط غلطه كبيره مثل انها تعلم اللي تحبه عن عنوانها او ترسل له حتى صورها و انا متأكده من هالشي ..

سمر : اش فيك سكتي ؟

جنان : والله من الصدمه مدري وش اقول .. بس اخوك ظلم اختك في هذي ..

سمر : ادري ومتأكده من هالشي .. الله لا يسامحه على شكه بأختي ..

جنان : ما توقعت قلبه حجر كذا .. لهالدرجه ما يثق فيها !!؟

سمر : ما يثق حتى في نفسه ..

جنان ~ وش هالاخ ..!؟ : الله يعينكم عليه ..

سمر : امين ..

جنان ~ على طاري الولد هذاك احس اني شايفته من قبل بس ويييين ماني متذكره ..

طلال راح مكتب اخوه .. و تركي فهمه سالفه المريض راكان و ان عنده حاله نفسيه وانه كان في غيبوبه مدة سنه .. يعني عطاه سالفته كامله .. وفهم طلال و اقتنع جزئياً ان الولد كانت عنده حاله مرضيه يومنه راح غرفة الريم .....

ما يحتاج اقولكم اش صار بين طلال و سمر لما رجعوا البيت .. سمر لانها عارفه انه رح يثور عليها قفلت ع نفسها الباب حتى يهدا ..

انتهى اليوم الطويل اخيرا .. اهم المستجدات اللي حصلت رح اذكرها سريعاً .....

استعادة الريم قوتها من جديد وقررت تتمالك نفسها و تكمل تعيش بجسد راكان و لا تبين لاحد معاناتها حتى لا تتطول بالمستشفى و يعتقدوا انها مريضه نفسيا .. بعد ما تأكدوا من حالة راكان الصحيه سمحوا له يطلع بعد ما أصر عليهم انه ما يقعد .. بس وصل البيت كانوا اخواته مسويين له حفل بسيط يسعدونه فيه .. طبعا كان شي غريب احتفائهم فيه .. واضح ان الحواجز بينهم انكسرت خلاص ...

جنان لازال منشغل بالها في موضوع هالولد .. وتذكرت انها شافته بالمستشفى بأول مره راحت تزور الريم مع ابوها و تذكرت انه ناداها باسمها .. هنا ارتبكت وحاولت بعقلها الداخلي و منطقيتها انها تنكر .. لكن لما طلع راكان من المستشفى صور سيلفي ونزله بسناب و جنان تابعته من اللحظه اللي شكت في وضعه لما اضافها قبل كم يوم .. بس شافت سنابه هنا انجلطت وارسلت له كثير تبي تعرف وش قصته ..

شلة راكان كانوا بس ينتظرونه يرجع للدوام .. البعض منهم للحين ما استوعب شخصية راكان الجديده ... لكن شخص واحد ما كان يقدر ينتظره الى ان يرجع يداوم .. فقرر يزوره بعد ما طلع من المستشفى بيوم .....

اندق باب غرفته كانت الخدامه ....

الخدامه : في احد من اصحابك حاب يشوفك .. اقدر ادخله ؟

راكان : مين ؟

الخدامه : ما قال اسمه ..

راكان ~ معقول يكون بدر لانه ولد جيرانا كل شوي بينط لي !! .. مالي خلق اشوف احد .. : قولي له بكره نتقابل بالمدرسه .. تعبان ما ودي اشوف احد ..

الخدامه : اوك ..

طبعا قالت له لكنه رفض يمشي الا انه يشوفه ..ف رجعت الخدامه تسأل راكان مره ثاانيه ..

الخدامه : يقول يبيكك ضروري ومارح يمشي الا يشوفك ..

راكان : يا ربي من هذا .. ما سألتيه من هو ؟

الخدامه : ما قال اسمه قال صاحبك وبس ..

راكان تنهد بتعب : طيب شوفي له طريق وجيبيه غرفتي ..

الخدامه : اوك ..

كان راكان قاعد ع الكنبه بغرفته اندق بابه .......

راكان : تفضل ..

**** : السلام عليكم ..

راكان : عليكم السلام .. ذكرني فيك .. من انت ؟

**** : انا .. انا خالد ..

راكان : اييه صح خالد .. اسفه ءء اسف صارت امور كثير ونسيت ..

خالد : مو مشكله .. حبيت اتطمن على صحتك ..

راكان : تمام الحمدلله و بكره رح اداوم ..

خالد براحه : كويس ..

راكان : ليش واقف عندك تفضل حياك اقعد ..

خالد قعد مقابله : مشكور .. مع ان بالعاده كنت ترفض اقعد تحب اكون واقف ..

راكان باستغراب : لييييش انا كذا ؟!

خالد : ما ادري .. لكن اتوقع لانك ما تثق فيني ..

راكان : يعني تنصحني ما اثق فيك ؟

خالد : بالعكس ..

راكان : انت ما تكرهني زيهم ؟؟؟

خالد : انت ما تتذكر اي شي ابدا ؟؟!

راكان هز راسه بمعنى : لا ابدا ..

خالد : لازم تتذكر عشان اجاوبك .. حاليا اعتبرني اكرهك زيهم ..

راكان : بس انا ما احس كذا ..

خالد ابتسم : وش تحس طيب ؟

راكان : ما ادري بس ماا احسك زيهم ..(ناظر عيونه لحظات) .. نظراتك لي غير عنهم ..!!

خالد توتر ناظر الجهه الثانيه : هههههه راكان مستحيل يقول ذا الكلام ..

راكان : ههههه انا قلت اللي احسه ..

خالد : راكان عمره ما عبر عن مشاعره ..

راكان : اش فيك تقول راكان وراكان انا راكان !!

خالد : يمكن تقول عني مجنون بس احيانا احسك مو هو .. التغيير اللي صار لك بعد الحادث ما يتصدق ..

راكان : ايه صحيح .. المهم ليه أصريت تشوفني اليوم ..؟

خالد : كنت بتأكد اذا انت متذكر شي او لا .. لكن للاسف فيه اشياء مهمه انت نسيتها ..

راكان : قولي اياها ..

خالد : ما اقدر .. لازم انت تتذكرها بنفسك ..

راكان : ما رح اذكر شي اذا محد قالي ..

خالد : وانا ما رح افقد الامل ..زي ما رجعت للحياه بقدرة ربي .. ان شاء الله بقدرته مع الايام تتذكر ...

راكان : والنعم بالله لكن ما اعتقد اني رح اذكر شي ..

خالد : ننتظرك ما ورانا شي .. المهم انا دايما ادق عليك واراسلك بكل البرامج لكنك ما ترد .. رد علي يعني لو سمحت طال عمرك ..

راكان : هههههه يا حليلك اجل طال عمرك ..

خالد : ههههههه تعودت اناديك كذا وانت كنت تحب اناديك كذا ..

راكان : هههههههههههه معقول ؟!

خالد : اي والله ..

راكان : طيب دق علي عشان اعرف ان هذا انت تجيني اتصالات ومسجات واجد ما ارد عليهم ..

خالد : ابشر ..

دق عليه و طلع اسمه بالجوال اكسبلور ...

راكان : هههههههههههههه هذا اكسبلور انت ؟

خالد : ايه ..

راكان ~ وش يحس فيه يوم يسمي خويه كذا ههههه؟ : اش ذا الاسم .. خل اغيره الى خالد ..

خالد كان يناظره وساكت ....

راكان : تم التغيير بنجاح .. اللحين رح اعرفك اذا دقيت ..

خالد تضايق : لوتخليه نفسه مب احسن ..؟

راكان باستغراب : لييييه ؟ عاجبك ؟!

خالد : ايه ..

راكان : طيب بعدين نشوف .. تبي شي ثاني ..؟

خالد : لاابد سلامتك ..

راكان : يالله اجل الله معك ابي ارتاح .. نلتقي بكره بالمدرسه ان شاء الله ..

خالد : ان شاء الله .. بس عندي طلب صغير ..

راكان : ايش ؟

خالد : اذا طلبوا سعود و عبدالعزيز يشوفونك لحالك لا تروح .. يمكن ناوين انتقام او شي .. وطلب ثاني لا تقولهم اني علمتك .. و لا احد يدري اني مريتك واعتبر المحادثه هذي ما صارت .. ممكن ؟

راكان : ايه بس اذا فهمتني ليش ؟!

خالد : والله ما اقدر اقول انت اذا تذكرت كل شي رح تفهم بنفسك .. بس اوعدني اللحين ..

راكان : ان شاء الله اوعدك ..

خالد ابتسم : كويس .. يالله تصبح على خير ..

راكان : وانت من اهله ...>> قعد يفكر في كلامه بعد مارح .. تقفل مخه من كثر الاحداث صار مو عارف يفرق من الطيب و من الشرير .. لكن حاليا قرر يتماشى مع كلام خالد ويتبع احساسه ..

قعد ع جواله شوي .. فتح السناب طبعا كان طول الفتره الماضيه مقفل اشعارته من كثر الازعاج اللي يجيه بالخاص .. لما دخل سناب انصدم من كمية الرسايل و اغلبها تعليق ع صورته اللي اخذها قدام المستشفى يتحمدون له بالسلامه .... قعد يمر ع المحادثات.. لقى رساله من جنان ما فتحها (لانها مو عارفه كيف تتعامل معها في الوقت الحالي ف تجاهلتها مؤقتاً) ولقى رسايل من عمر.. عاد هنا دخلت تشوف .....

عمر : " الحمدلله ع سلامتك ي قلبي *قلب*.."

راكان : " الله يسلمك .."

كان متوقع انه ما رح يجيه رد بسرعه ( كعادة الايام الخوالي لما كانت تنتظر الرد بعد ساعات و احيانا ايام ..) لكن المفاجأه انه رد بسسرعه وكأنه كان ينتظره !!..

عمر : " ارحب يالله حيه .."

راكان : " الله يحييك .."

عمر : " وين الغيبه .. وحشتنا والله .."

راكان ~ احس ببكي ما عمره قالي هالكلام زمان : " كنت تعبان والله .."

عمر : " ما تشوف شر ي قلبي .."

راكان ~ حتى يقول ي قلبي! طلع يعرف يقول كلام حلو ليه ما كان يقول لي كذا ؟! : " ما يجيك الشر .."

عمر : " عادي اكلمك فيديو .. اتطمن عليك اكثر.."

راكان باستغراب ~ اش وضعه ذا هو وطلباته الغريبه؟! يالله عادي انا اللحين ولد مافيها شي ! : " ايه عادي .."

كلمه فيديو وتفاجئ انه ما كان لحاله .. كان واحد من اخوياه معه .....

عمر : " هلاااا بالزين هلا والله .. حي ذا الشوف "

راكان بصوت شوي خجول : " هلا فيك "

عمر ضحك : " ههههه وشفيك كنك مستحي ؟! "

راكان ~ احس اني بديت اكرهه مدري ليه!! احس انه يعامل هالشخص راكان غير عني ؟! معقول عشان فلوسه !؟ : " لا مو مستحي بس شوي تعبان .."

عمر : " ما تشوف شر جعله في عدوينك ياركون .." >> خويه اللي جنبه ضحك بصوت عالي وسمعه راكان ...

راكان باستغراب : " اش فيكم ؟ "

عمر حط الكام ع خويه : " اعرفك خويي سلطان و تراه سامج ما عنده سالفه .."

راكان : " اهاا يعني هو اللي يضحك ؟"

سلطان : " هههههه ايييه انا .. و ارحب راكان اخيرا شفتك .."

راكان : " هلا فيك .. يالله عن اذنكم لازم اقفل بنام وراي دوام "

عمر : " اوك نوم العوافي ي قلبي .. "

راكان : "يعافيك ".. >> ارتمى ع السرير ما كان له خلق يفكر بأي شي .. ونام نوم عميق ......

لا صباح اليوم الثاني بالمدرسه .. سعود و عبدالعزيز كانوا عند بوابة المدرسه وباقي الشله للحين ما وصلوا ....

سعود : انت متأكد انك تبي تكلمه بس ؟! لا توهقنا معه اخاف يصير فيه شي ثم نبتلش ..

عبدالعزيزابتسم بخبث : اش فيك ما تفهم .. قلت لك بكلمه وبس ..

سعود : طيب لا اشوفك تسوي اللي في بالي بالك ..

عبدالعزيز : نشوف على حسب كلام راكان رح نقرر وش نسوي ..

سعود : انا اقول استغله دامه فاقد ذاكرته .. وصيروا اصحاب ..

عبدالعزيز : والله ما يخسي الا هو .. اذا ما يصير بجسمه ندبات مثل اللي بجسمي ما اكون عزوز ..

سعود : سلاامات انت قلت بتكلمه بس ..

عبدالعزيز : قلت لك يعتمد ع اللي بيقوله ..

سعود : هااه شوفه شوفه جااا ..

عبدالعزيز: اخيراً ...

انتهـــى البارت ..

- توقعاتكم ؟!