سعود : اسمع يا ابن الحلال انت كلمه اول .. ثم قرر وش تسوي فيه ..

عبد العزيز : كنه كاسر خاطرك ؟؟؟!

سعود : لاوالله  مب كذا السالفه  .. انا اقترح عليك بس ..

عبد العزيز : خلنا ننزل اللحين بعدين يصير خير ..

وسووها و نزلوا للمستشفى وراهم  .. كانوا يلحقونهم  بدون لايعرفون ......

في المستشفى .. اخذوه على غرفته و طلبوا انه ينام اليوم بالمستشفى ...

ابو راكان : عسى ما شر يادكتور؟

الدكتور : لا ان شاء الله ماشر بس نبي نتطمن عليه اكثر و نسوي له شوية فحوصات .. ونبي نستضيفه عندنا الى بكره ..

طبعا الدكتور كان يتكلم في غرفه راكان و  هو يسمع .....

راكان : لاااا يا دكتور انا  بخير ما ابي  اقعد بالمستشفى .. ابي اروح البيت ..

الدكتور: أفضل انك تقعد اليوم بس..  وبكره الصباح تبدا تمارين العلاج الطبيعي مع دكتورك .. بيكون جدا مفيد لصحتك انك ما تتنقل كثير .. واعتقد انك اليوم مشيت كثير .. لازم ترتاح ..

ابو راكان : خلاص يا راكان اقعد اليوم بالمستشفى و بكره ترجع البيت .. اهم  شي راحتك ..

راكان بضيقه : لككن ......!

ابو راكان بنظره جاده قاطعه : خلااااص يا  ابني ما رح تقنعني .. انا اخاف عليك و على صحتك لا تجادل رح تقعد اليوم هنا ..

راكان عصب ~ يا ربي اش هالناس ؟ انا مافيني شي كرهت المستشفى ما ابي اقعد فيها !!

الدكتور : تقدر ترجع بيتكم يا ابو راكان ..

ابو راكان : ان شاء الله لكن اكيد امه اذا درت رح تجي ركض تشوفه ..

الدكتور : حاول انك تطمنها قبل تقول لها انه ما في شي يخوف ..

ابو راكان : ان شاء الله ..

ثم راح ابو راكان و بقى الدكتور مع راكان لحالهم .. الدكتور كان ملاحظ على راكان انه معصب و نفسيته زفت بسبب  المستشفى ......

الدكتور : ابتسم يا راكان تراها ما تسوى !؟

راكان : ايه لو انت بمكاني ما قلت كذا ..( حط يده ع فمه ) ~ يا الله اش هذي الجرأه اللي صارت عندي !! اشكر جسدك يا راكان اللي اعطاني الثقه و خلاني جريئه و اقدر ارد ع الناس و اقول اللي بخاطري ......

الدكتور ابتسم : هههه انا اقول ما تنفع معك الا الدكتوره نجوى ..

راكان بصدمه : لا لا لا لا لا تكفى الا هي مابي اشوفهاا ..

الدكتور باستغراب : ليييش؟! اساءت لك بشي لا سمح الله ..؟

راكان بارتباك : لااا .. بس .. ما ابي دكاتره نفسيين .. حسستوني اني مجنون !

الدكتور : اش هذا المنطق يا عزيزي ؟.. هذي احسن دكتوره نفسيه عندنا بالمستشفى و تفهم حالات المرضى بشكل دقيق .. وهي لو كلمتك و عاينت حالتك رح تقولك كلام ايجابي يخليك ترجع قوي من اول و جديد ..

راكان ~ ما يفهم ذا الدكتور انا ما ابيهااا لانها خطيبة اخوي اخاف تفهم شي .. مو مستعده ان اهلي يعرفون ! .. >> كعادتهاا لما تزعل او تعصب تغطت باللحاف من ع وجهها ..

الدكتور : بعد ساعه رح تجيك الدكتوره نجوى .. !

راكان ~ يا ليل النشبه ! : بنام اليوم كله ما ابي اشوف احد ..

الدكتور ابتسم : اوه طيب ...

لاحقوهم سعود و عبدالعزيز الى ان عرفوا مكان غرفته ... و كان عبد العزيز متنرفز وده بس يشوف راكان أما ايش  ممكن يسوي ما كان احد عارف .. كان رح يفتح باب غرفته .. في اللحظه الاخيره مسكه سعود من كم ثوبه .......

سعود : هيييه يا ولد اصبر ..

عبد العزيز سحب يده بقوه : اترك ياخي بشوفه ..

سعود : وش تبي تسوي طيب ؟!

عبد العزيز : ما ادري اشوفه اول ..

سعود : يا ابن الحلال انا خايف انك تسوي شي يوديك بداهيه ...

عبد العزيز : ما اظن بسوي اكثر من اللي سويته قبل .. ! >> وفتح باب الغرفه و دخل ..

سعود قلقان : يا الله سترك ! ..

راكان كان تحت لحافه بعد ما طلع الدكتور مسك جواله و قعد ع سناب يراسل عمر .. >> سمع صوت باب غرفته ينفتح ما اهتم يعتقد انها الممرضه ! ..

عبد العزيز يناظره كيف انه ما اعطاهم وجه : ما يتوب من شوفة الحال ..

سعود : شكله ما يدري ..

عبد العزيز ناداه : هيييييييه انت !

راكان استغرب الصوت ثم لف عليهم ناظرهم : سعووود !؟ مين هذا ؟!

سعود : هذا خوينا عبد العزيز ..

راكان كان منسدح قعد : هلا والله .. غريبه جايين تزوروني .. اش دراكم اني بهالمستشفى ..؟

سعود : لحقناك .. مب انا قلت لك لا تطلع من فصلك انتظرني !؟ .. شفتك هربت من المدرسه بكبرها ..

راكان : لا والله ما هربت والله اني كنت تعبان ..

سعود ناظر عبدالعزيز اللي كان باين ع وجهه العصبيه : عزوز مشينا يالله ..

عبد العزيز : وييييين نمشي ؟ خلنا نشوف وش سالفه هالراكان !

راكان باستغراب : وش فيني انا ؟!!

عبد العزيز ناظره بحده واشمئزاز : يعني انت مسوي ما تذكرني اللحين ..؟!

راكان مصدوم من نظراته وعصبيته : انا مو مسوي !! انا صدق ما اذكر احد ..

عبد العزيز قرب من وجهه : تشوف الجرح ذا اللي على خدي ؟ ما يذكرك بشي ؟!

راكان رجع راسه ورى وخاف : ء ء .. لا .. مدري عن شي ..

عبد العزيز رفع كم ثوبه و وراه جرح بليغ وكبير ع ذراعه : وهذا ما تذكره بعد ؟

راكان ارتعب : والله ما ادري ..

عبد العزيز صرخ عليه : مااااااااا تدري هاااااااااااه ؟؟!

راكان غمض عيونه و رفع ايدينه قدام وجهه يحتمي منه يحسب انه بيضربه ...

عبد العزيز و سعود ناظروا بعض مصدومين ...

راكان نزل ايدينه يناظره بخوف كان ع وشك يبكي قال بصوت يرجف : ء ء تبي .. تبي تطقني انت ؟!

عبد العزيز عصب بشكل مو طبيعي وصرخ : وش فيه ذا يقهررررررررر !!

راكان ~ يا ويلي وش اسوي اكيد بنجلد منه ذا يخوف وهو معصب .. مادري ليه ذكرني باخوي طلال ....

سعود : مب بعقله .. امش امش خلنا نرجع ..

عبدالعزيز بحركه سريعه مسكه من حلقه يخنقه : لييييه ما مت انت لييييييه !!؟؟

سعود يحاول يفك راكان منه : عزووووز عزوز لا تنكبنا خله .. تكفى عزوز ..

راكان طاحت دموعه ما يقدر يتكلم منخنق : ءء ...

عبد العزيز لما شاف دموعه تركه : وش فيه ذا كذا ..؟

دخلت عليهم الممرضه... شافتهم انصدمت المفروض ما عنده زياره اللحين ......

سعود مسكه مع ذراعه : يالله يالله مشيناا ..

الممرضه : ممنوع الزياره لو سمحتوا ..

سعود : ايه يا الله ماشيين اللحين بس حبينا نتطمن ..>> ناظر راكان اللي كان يمسح دموعه بذراعه ثم طلعوا ...

اول ما طلعوا من الغرفه .. عبدالعزيز معصب ضرب يده ع الجدار بقوه ......

سعود يحاول يهديه : وش فيك ريلاكس ..!

عبد العزيز متنرفز : انت شفته كيف ؟ يبكي ؟! .. سلاااامات من متى هو يبكي ؟! من متى و هذي نظراته ؟

سعود باستغراب : يعني انت زعلان اللحين عشانه ضعيف مب قوي زي اول ؟!

عبد العزيز : لا ما قلت كذا .. لكن شوفته بذا الشكل يقهرني .. توقعت اول ما ادخل عنده يعطني نظرته ذيك اللي تحسسك بقشعريره .. توقعت فجأه بيدخلون علي اثنين من ورى و يطيحون فيني جلد مثل ما تعودت منه .. ما توقعت اشوفه بذا الحال ..

سعود تنهد : حتى انا منصدم منه .. قايلك انه تغير بعد ما فقد ذاكرته ..

عبد العزيز : كل .. كل ما اتذكر نظراته و دموعه احس بالاشمئزاز .. خلنا نرجع بس ما بتحمل اكثر من كذا ..

سعود : اي والله مشينا ..

بعد ما طلعوا من غرفته .. راكان قعد شوي يفكر مع نفسه يفكر باللي صار هذا اول موقف مخيف يعيشه في هالحياه الجديده .. قرر بعدها فعلا ينام .. و صارت هذي نومته الى حزت الظهر ...

اول ما صحا ع طول مسك جواله يشوف اذا فيه رسايل من عمر .. ما لقى شي و دخل الواتس اللي نسى اصلا يدخله ......

في مدرسه سمر ... انتهى الدوام المدرسي و كان وقت الطلوع ع البيت ....

سمر : مييييييي ! وش هذا اللي معك ..

مي : اووووص جبت جوالي .. اسكتي لحد يسمعك ..

سمر : وليه تجيبينه ما تدرين انه ممنوع ..!؟

مي بصوت حزين : بشوف يمكن يرد علي ..

سمر تخصرت : لاااا وتقولها بحزن بعد ..!

مي : اخخخ بس حسي فيني !..

سمر : اقول يالله الباصات لا تروح علينا ..

مي : اي والله خليني اطلع من هالمدرسه لا انقفط (انمسك) انا و جوالي ..

سمر : الله يهديك بس ...

ركبوا بالباص جنب بعض .. كانت مي تطلع جوالها بالخش حتى لا احد يشوف الجوال معها ويبلغ عليها .. المهم وصلتها الرساله المنتظره .........

مي نقزت من الفرحه لا شعوريا : يييييييييس ي لبيييييييييه !

سمر : بسم الله .. خير ؟!

مي حست ع نفسها و قعدت بسرعه و بهمس : رد علي رد علي حبيبي رد .. احس ببكي ...

سمر : لا حول ولا قوة الا بالله ..

مي : سمووور حياتي غطي علي لا يشوفوني البنات و معي الجوال ..

سمر : يعني مو قادره تصبرين حتى توصلين بيتكم وتكلميه ع راحتك ؟

مي : لا تكفين ما صدقت على الله يرد .. بما انه متصل الآن ابي اكلمه قبل يختفي ..

سمر : يختفي ؟! وين بيروح يعني بالله ؟

مي : اش فيك انتي ؟ تلقينه توه طالع من مدرسته مثلنا .. اكيد بيرجع البيت ينام و يسحب علي .. و اقعد انتظره يوووووهه لا لا لا مابي .. خل اكلمه اللحين غطي علي تكفين ..

سمر : اوووكيه .. الله يصبرني بس ..

مي : فديتككك .. >> دخلت جو مع حبيبها ع الجوال .....

راكان : " اسف ع السحبه بس والله ما انتبهت لمسجات الواتس .."

مي : " مو مشكله ي قلبي *فيس خجلان* .."

راكان ~ لازم اعرف حال سمر بس بطريقه غير مباشره ! ( ناظر الساعه) يمكن طلعت اللحين من مدرستها ..

مي : " انت كيفك و كيف صحتك ؟ "

راكان : " الحمدلله و انتي ؟ "

مي : " تمام .. بخير دامك بخير *قلب احمر* .."

راكان : " وينك فيه ؟ "

مي : " توني طالعه من المدرسه .. ليه ؟ "

راكان : " بس اسأل اذا وصلتي البيت او لا .."

مي استانست~ ياااي شكله خايف علي هههه : " لا تو ما بعد اوصل بالطريق انا اللحين .."

راكان ~ يعني هي بالباص اللحين اكيد سمر معها : " اهاا "

مي ~ ودي اسأله ليه اعطاني رقمه و طلب اني اكلمه.. بس خايفه ومدري ليه خايفه ياربي اسأله و لا لا ....

سمر بتضجر : يالله خلصينا .. تعبت و انا مغطيه عليك وجسمي لقدام ابي اتكي ظهري ألمني ..

مي : شوي بس شوي تكفين ..

سمر تنهدت بتعب : ياا ربي منك ..

مي : " ريكوو انت رجعت البيت .."

راكان باستغراب ~ ريكو !! : " لا ما رجعت .. بعدين مين ريكو هذا ؟ "

مي : " هذا اسم الدلع تبعك .. تبي أقولك ريكو ولا ركوون ؟! *فيس خجول* "

راكان : " لا ذا و لا ذا .. ناديني راكان .."

مي : " ان شاء الله على امرك *فيس حزين + قلب مكسور* .. طيب متى توصل البيت عشان اكلمك براحه ؟ "

راكان : " انا بالمستشفى ما رح اطلع الا بكره .."

مي شهقت بصوت عالي : هئئئئئئ!

سمر انخرشت : بسم الله وش فيك ؟!

مي : يقول انه بالمستشفى !؟

سمر : ليه عسى ما شر ؟

مي : مدري هذاني اسأله ..

سمر تحمست معها تبي تعرف وش فيه .. بما انه كان في غيبوبه و صحا منها تتمنى ان اختها تكون مثله ..

مي : " ليش يا قلبي بالمستشفى *فيس مصدوم* ؟ .."

راكان زاد استغرابه ~ قلبي! كم مره قالتها لي؟ لا يكون تحب راكان ذي ؟ : " مو شي مهم بس شويه تعب يبي لي ارتاح و اصير طيب .."

سمر : اش قالك ..؟

مي : يقول تعب شوي بيرتاح ويصير احسن ..

سمر : اهاا زين ..

مي : " الحمدلله ع سلامتك ي قلبي خوفتني عليك .."

راكان ~ هههه اش فيها ذي ..صدق ان البنات م عاد يستحون متى المعرفه عشان تقولي الكلام ذا ؟ .. رح اتركها اللحين وبصير اسولف معها لين تقولي عن سمر و اعرف اخبارها : " عن اذنك ابي ارتاح .."

مي ~ يا عمري يستاذن مني بعد ! : " خذ راحتك يا قلبي *قلب احمر* .."

وصل ابو راكان البيت .. علمهم الخبر و طبعا انفعلت الام و أصرت تروح تشوفه .. اقنعهاا اخيرا ما تقدر تشوفه الا الساعه 6 وقت الزياره ... اقتنعت ما تروح لكن على مضض ..

ليان راحت غرفة لينا : نايمه ؟

لينا كان وجهها للجدار و متغطيه : لااا ..

ليان : ليه ما جيتي ع الغدا ؟

لينا : مالي نفس ..

ليان : تدرين ان راكان بالمستشفى ؟

لينا فزت من مكانها : من جدك ؟!!

ليان بحزن : اي والله تو بابا قال لنا ..

لينا : ليش طيب ؟

ليان : شوية تعب و رح يطلع بكره ..

لينا براحه : اهاا ..

ليان تناظرهاا و مبتسمه ...

لينا باستغراب : خير ؟!!!

ليان : ههههه اول مره اشوفك قلقانه عليه ..

لينا انسدحت : مو قلقانه من قال ؟ .. يالله اطلعي من غرفتي ابي انام ..

ليان : اوك طرده هذي ..

لينا : اييييييه طرده اطلعي يالله و بطريقك سكري الستاير و قفلي النور ..

ليان : زين هه ..

بالليل في بيت اهل تركي .......

ام تركي : سمر يالله تأخرنا ...

سمر : يالله هذاني ألبس عباتي .. معليش راحت علي نومه ..

ام تركي : ان شاء الله يمدينا نلحق موعد الزياره قبل ينتهي ..

سمر غمزت لها : معليك تركي يضبطنا ..

ام تركي : اقول خذي عامر معك و يالله طلال ينتظرنا ..

سمر : تعال عامر هات يدك ..

عامر : نشوف ريمو صح ؟

سمر : ايه رح نشوفها يا حياتي انت .. >> شالته .. ما شاء الله كبرت يا عامر صرت رجال ..

عامر ابتسم ببراءه : اي .. حتى .. حتى ريم تقول لي انت رجال .. يالله نام ..

سمر ابتسمت بحزن : يا عمري يا الريم .. عموري كل يوم ينشد عنك ..

كان قاعد بالسياره ينتظرهم .. وفي هذي الاثناء قاعد يشوف سنابات .....

طلال ~ فديت صوتها والله يا زين سنابهاا .. لكن القهر انه عام .. ياليت لو تسويه برايفت .. و ياليت بعد لو ترد لي الاضافه ....

وصلوا اهله و ركبوا معه بالسياره .....

ام تركي : تأخرنا عليك ؟

طلال : لا عادي ..

سمر : اخيرا قررت تزورالريم ..

ام تركي : سمر فكينا من لسانك ..

سمر : ما قلت شي !

طلال : خليها يمه تقول اللي بتقوله ..

ام تركي : صدق لسانها يبي له قص ..

سمر : خلاص سكتنا ..

وصلوا المستشفى كان تركي بإنتظارهم .....

ام تركي : عسى ما تأخرنا ؟

تركي : لا فيه وقت يمديكم ..

ام تركي : الحمدلله زين ..

تركي : و ابشركم .. تقدرون تدخلون غرفتهاا .. وتقعدون معها ..

سمر انبسطت : ججججججد .. اخيراااا بقدر اشوفها عن قريب ..

تركي : ايه بس تدخلون واحد واحد .. و لا تطولون ..

ام تركي : انا بدخل اول ..

تركي : تفضلي يالله ..

سمر : يمه لا تتأخرين ابي اشوفهاا ..

ام تركي : ان شاء الله .. تركي ابي اخذ عامر معي عادي ..

تركي : ايه ما في مشكله .. بس بما انه معك لا تطولين اكثر من 5 دقايق ..

ام تركي : طيب .. ما رح نطول ..

راحت امهم داخل .....

تركي ناظر سمر : ارتاحي بالكراسي اللي وراك ..

سمر : اوك ..

تركي : إلا طلال وينه ؟

سمر بدون نفس : بالسياره .. ما اظنه يجي ..

تركي : و ليش حتى ما يجي ..؟

سمر : ما ادري عنه .. اسأله .. من طاحت الريم ما زارها ..

تركي : من قالك انه ما زارها .. بالعكس دايما يجي يشوفها ..

سمر مصدومه : متى ؟!

تركي : كل يومين و بأوقات الزياره دايما يجي ..

سمر : مو مصدقه ..

تركي : ليه ؟ ترا هو بعد اخوها و عنده مشاعر يحزن مثلنا وش تحسبين انتي ..

سمر : والله ع بالي ما عنده قلب ..

تركي : هههه غلطانه ..

من جهة راكان طفش من غرفته و قرر يطلع يفر المستشفى ... و مر على مكتب تركي من باب الفضول يبي يعرف وش يسوي .....

راكان ~ ادق الباب و ادخل اشوفه و لا لا ؟! .. اعلمه اني الريم و لا لا؟! .. والله محتاره هذا اخوي بس كيف اخليه يصدق ان هذا انا .. والله القصه اللي صارت لي ما تدخل العقل انا للحين ما استوعبتها شلون عاد اخوي !! .. بس ودي اشوفه اتطمن عليه احس بالامان اذا شفت اهلي ... بدق الباب و اشوفه و اقول اني حبيت اسلم .. ايه خلاص كذا تمام ..

وفعلا دق الباب و دخل .. وكانت هنا الصدمه و المفاجأه .........

راكان تصلب مكانه انكتم م قدر ينطق بأي حرف ......

كان طلال قاعد بمكتب تركي بدون علمه .. كان بانتظار اخوه .. ولما وصل مكتب تركي ارسل له مسج بأنه هناك ينتظره ....

طلال ~  واضح من لبسه انه احد المرضى ! : انت تبي الدكتور تركي صح ؟ تعال تفضل توني مرسل له مسج انه يجي .. كلها دقايق و يكون هنا ..

راكان ما انبسط بشوفته وعطاه نظرة حقد : ط ط .. ( بصوت واطي ) طلال !!!..

طلال ~ اش فيه يناظرني ذا كذا و كأني قاتل له احد : خير اخوي انت تعرفني شي !؟

راكان بسسرعه : لا .. >> كان رح يسكر الباب و يمشي ناداه ...

طلال : هييييه ولد دقيقه يا اخوي ..

راكان ما سمعه و سكر الباب و مشى ..

طلال قام بسرعه لحقه و يناديه : هييه يا الاخ !!!

راكان تجاهله تماما و صار يمشي بتسارع ...

طلال عناد الا يوقفه و يعرف ليه يناظره كذا .. لحقه الى ان مسكه من كتفه ..

راكان ألتفت له بعصبيه : نععععم ؟!

طلال باستغراب : انت اللي نعم ؟! وش فيك تناظرني كذا ؟ اعرفك انا ..؟ مسوي لك شي مثلا ؟!

راكان  بارتباك : لا ..

وهم في وسط نقاشهم وصل تركي .. وشافهم .. استغرب وقفتهم مع بعض...

تركي : طلال وش فيكم ؟ (ناظر اخوه) انت تعرفه ..؟!

طلال : لا والله بس هو جا مكتبك يدورك .. الظاهر انه من مرضاك صح ؟

تركي : لا هو من مرضى خطيبتي .. سلامات راكان اشوفك رجعت المستشفى ؟

راكان : الله يسلمك .. تعب بسيط مو ششي ..وعن اذنك بروح غرفتي ارتاح ..

تركي : ويين تروح تعال المكتب اشوف اش كنت تبي ..؟

راكان : ما كنت ابي شي بس صدف ان مريت مكتبك قلت اشوفك و اسلم عليك لا اكثر .. عن اذنك ..

تركي : اوكيه مثل ما تحب .. اذنك معك و ما تشوف شر ..

راكان : ما يجيك الشر .. >> بالكاد تحملت محادثه بسيطه مع اخوانها ههه .. يُحسب لها انها صمدت قدامهم وما ارتبكت .. وعدت هالمره على خير ..

تركي : اييه وش كنتوا تقولون ؟

طلال : يا رجال الولد ذا مدري اش بلاه شافني بمكتبك سحب علي و راح و لا نظراته اعوذ بالله ..

تركي : ليه وش اللي حصل ؟!

طلال : نظراته يا اخوي .. مدري وش فيه يناظرني كذا حسيت كني مسوي له شي وانا مدري ..

تركي باستغراب : حتى انا اول ما صادفته هنا بالمستشفى .. حسيت كنه يعرفني .. تبي الصدق الولد ذا وضعه غريب ..

طلال : المهم خلنا منه .. تعال مكتبك ابيك في موضوع اهم ...

في قسم العنايه المركزه .. بالتحديد داخل غرفة الريم ....

ام تركي مسكت يدها و باستها وهي تبكي : ياا عمري وحشتينا .. سامحيني يا الريم كانك تسمعيني .. سامحيني و ارجعي لنا .. ( مسحت دموعها شالت عامر ورفعته ) شووووف عموور هذي ريموو ..

عامر ناظرها ثم بكى .......

ام تركي تحاول تهديه : بسم الله عليك اش فيك حبيبي ..؟

عامريبكي .. خايف منهاا  ..

ام تركي : اش فيك ي ماما ؟!

عامر يناظر الاجهزه اللي ع الريم ويبكي .. كان يتخيل انها شي يؤذي الريم بتفكيره البريء و الطفولي (شيء كوحش مثلا) ....

ام تركي : خايف من هذي يا حبيبي >> تأشر ع الاجهزه ..

عامر مال راسه ع كتف امه اللي شايلته و تضرب بخفه ع ظهره تهديه ..

ام تركي بحزن : زعلت ع اختك هاه ؟ خلاص حبيبي خلنا نروح عند سمر ..

طلعت من الغرفه و دخلت بعدهاا سمر ع طول اول ما شافتها لا شعوريا طاحت دموعها بالرغم من انها وعدت نفسها م تبكي ..... ثم قعدت تسولف لها كيف ان الحياه بدونها صارت كئيبه و لا تطاق و كانت تدعي لها تقوم بالسلامه ....

بغرفة راكان اول ما دخل شاف ايدينه ترجف .. ع طول ارتمى على سريره وتلحف (كعادتها لما تخاف او ترتبك).....

راكان ~ يا الله وشهالموقف ..؟ هالوقت دايما احتاج جنان ..ما اقدر لازم اكلمها اكيد رح تفهمني .....

بعد ما هدا شوي .. اخذ جواله .. وقرر يضيف جنان سناب..( مبدئيا مارح تقول شي عن انها الريم ) ...

راكان ~ احلا شي ان سناب جنان عام و تجيها اضافات ما رح تهتم انا مين .. رح احاول اسولف معها .. يارب انها تعطيني وجه .. >> طبعا اضافها و كلمها ع طول و حاليا ينتظر ردهاا ...

في اثناء ذلك ... اندق باب غرفته .. ارتعب كان يحسب انهم تركي و طلال ...

انفتح الباب و دخلوا اهله .. هناا ارتاح .. العايله كلهم جوا يشوفونه فيما عدا لينا .....

ام راكان : يمه راكان حبيبي .. عساك بخير ؟

راكان : بخير بخير ما فيني الا العافيه ..

ابو راكان : انا بروح اشوف الدكتور وارجع لكم ..

ام راكان : ايه روح و قوله اذا نقدر نطلع راكان معنا و لا لا؟

راكان ناظره : اي والله تكفى قوله اني ابي اطلع من هنا و الله لا ارتاح بالبيت ..

ابو راكان : ابشروا ابشروا ..

ليان قعدت ع سريره : ركوون الحمدلله ع سلامتك ..

راكان : الله يسلمك .. بس لينا وينها ما جت معكم ؟!

ليان : تعبانه شوي ..

راكان : اهاا سلامتها ..

ام راكان ابتسمت : يا عمري يخاف على اخته ... اول مره اشوفك كذا و انا جدا مبسوطه انك تهتم باخواتك كذا ..

راكان ~ كالعاده نسيت نفسي .. لكن هذا انا م اقدر اتصرف بقسوه مثل جسد هالشخص! : هههه ايه اكيد خواتي لازم ..

ليان : انا بعد حبيت راكان بعد الحادث .. اما قبله مره ما حبيته ...

ام راكان بضيقه : الله لايعيده من حادث .. و لا يفجع احد في غاليه ..

ليان : اسفه يمه مو قصدي ..

ام  راكان : خلينا من هالقصه .. المهم ركون حبيبي محتاج شي ناقصك شي ؟

راكان : لا الحمدلله ..

بعد عدة دقايق جا ابو راكان و بشرهم انهم يقدرون ياخذونه معهم للبيت .. بس لازم يرتاح ...

في مكتب تركي .....

تركي : ايه وش موضوعك المهم ؟

طلال : انا  فكرت و قلت لازم ناخذ الريم برى ممكن يلاقون لها علاج .. و اذا على فلوس العلاج انا كلمت المعهد اللي انا فيه و رح يعطوني قرض .. ونقدر نوديها لأي دوله متقدمه بالطب اكثر .. ابيك تقترح علينا وين ناخذها ..

تركي : اول شي مشكور لانك فكرت بهذا الشي و رحت تدور على قرض .. ثاني شي ابشرك انا فكرت فيها بعد و ارسلت تقاريرها الصحيه لأفضل المستشفيات و انتظر ردهم ..

طلال : طيب ليه ما علمتنا ؟

تركي : ما كنت ابي اقولكم شي حتى اتأكد .. لكن احتمال كبير انها م تحتاج علاج برى .. وغير كذا المستشفى هذي من احسن المستشفيات هنا ..

طلال تنهد بتعب : ودي اسوي اي شي يساعدهاا ..

تركي : ما تقصر و انا اخوك .. ادعوا لها هذا يكفي ..

طلال : ان شاء الله انها تقوم بالسلامه .. المهم يالله بمشي ابي انتظر الاهل بالسياره ؟ تامر ع شي ؟!

تركي : ابد سلامتك .. ما ودك تزور الريم طيب ؟

طلال : مب اللحين بلحالي احسن ..

تركي تنرفز شوي : ياخي ع الاقل قول لهم انك تزورها لحالك .. سمر ماخذه عنك فكره غلط .. تحسبك تكره الريم .. و هي ما تدري انك اكثر شخص زعل عليها ..

طلال : تكفى و اللي يرحم والديك لا تقول شي مثل ما اتفقنا .. انا مرتاح كذا .. ولا ابي احد يعرف حتى عن السالفه اللي قبل شوي ..

تركي : اوكيه ماني بقايل لاحد على امرك ..

طلال : مشكور ما تقصر .. يالله ودعتك الله .. اشوفك في البيت ..

تركي : على خير ان شاء الله ..

بغرفة راكان ....

ام راكان : يالله حبيبي خل نجهزك تطلع معنا ..

راكان : جاهز جاهز بس ابدل ملابسي .. والحمدلله ان الدكتور سمح لي اطلع ..

ابو راكان : ايه قبل لا انسى قال لا تداوم بكره و تعال الصباح للعلاج الطبيعي ..

ام راكان : انا بنفسي رح اجيبه للمستشفى ..

ابو راكان : تمام ..

راكان : مو مشكله اهم شي اطلع من هنا اليوم ..

ليان مبسوطه : زييين بترجع معنا اكيد لينا رح تستانس مثلي ..

راكان ابتسم : ههه ما اظن لكن ان شاء الله .. عن اذنكم ابدل و ارجع ..

ام راكان : حبيبي خذ راحتك .. >> بعد ما راح ..

ابو راكان : تصدقون احس ان الحادث غيره كثير ..

ليان : اي والله صرنا نحبه تحسه كذا محترم و كيوت ..

ام راكان : هههههههه حبيبي راكان هو من اول وش زينه ..

ابو راكان ابتسم : لا والله لو تبين الصدق ما ترك مشكله ما سواها قبل ..

ليان : ايه بعد كان اسلوبه زفت معنا .. و كنا نكرهه ..

ام راكان : يالله عاد .. مهما كان هذا اخوكم الكبير ..

ليان : بس ندرس نفس السنه الدراسيه .. نعتبر كلنا واحد هههههه ..!

ام راكان : بالله عليك ؟! وين راح فرق العمر ان شاء الله ..

ليان : اش فيك يمه امزززح هههههههههه..

ابو راكان : هههههههههه ..

رجع راكان و طلع مع اهله متوجهين للبيت .. بطريقهم راكان شاف ولد صغير عرفه و معه مره و بنت ....!

راكان عينه عليهم و يتبعهم و هم يمشون ~ هذا عامر ابي احضنه ابي اشيله ابي ابوسه اخوي حبيبي وحشششني .. وهذي سمووور قلبي سموور ابي اكلمهاا .. و هذي امي ابي اعتذر منهاا واحب راسهاا اذا كانت زعلانه مني ... هذول اهلي !

ابو راكان : راكان تبي شي من الكافيه اللي هنا ؟

راكان : .......... لا رد

ام راكان استغربت ماله حس فـ ناظرته : يممممه ركووون حبيبي ليه الدموع هذي ؟ اش فيك ؟ فيه شي يألمك ..؟ وين وجعك قولي ؟!

راكان حط يده ع صدره : الوجع .. بـ قلبي ..

ام راكان حطت يدها ع يده اللي ع صدره : بسم الله عليك فيني و لا فيك !..

وقفوا العايله كلهم يحاولون يفهمون وش سالفته ....!؟

ليان تناظره عاجزه عن الكلام اول مره تحس بضعفه قدامهم ....!

ابو راكان مسكه من ذراعه : تعال تعال نقعد شوي يمكن تعبت من المشي .. >> اخذه و قعده ع اقرب كراسي انتظار قدامه ...

راكان (لازالت الريم تشوف اهلها قدامها و لا هي قادره تروح لهم ولازالت نظراتها تلاحقهم  الى ان اختفوا عنهاا ) ..>> قعد يمسح دموعه ...

ابو راكان : رحت جبت لك مويه اشرب اشرب ..

راكان : مابي شي .. خلونا نرجع البيت ..

ام راكان طلعت منديل و تمسح دموعه بكل حنيه ....

ابو راكان ما اقتنع : لازم نمر ع الدكتور يفحصك بسرعه نتطمن اكثر ..

ام راكان بقلق : ايه والله يا ليت نبي نتطمن عليك ..

راكان عصب : ياا ناس انا ما فيني شي بس تذكرت اشياء ماهي مفهومه و طاحت دموعي بدون قصد .. تكفون ابي البيت ..

ابو راكان يناظر ام راكان .......

ام راكان : خ خلاص خل ناخذه البيت .. الصباح هو كذا و لا كذا رح يجي المستشفى .. >> قالت هالكلام بالرغم من انها ميته قلق عليه .. 

ابو راكان : اجل شورك و هداية الله ..

ثم توجهوا الى البيت .......

في نفس الوقت بشارع بيتهم .. كان بدر ولد جيرانهم قاعد بسيارته .. نيته يطلع مع اخوياه .. لكن وهو طالع شاف عايلة راكان راجعين .. وشاف راكان نازل معهم من السياره .. هنا غير رايه و قرر يتوجه الى بيتهم ....

بدر ~ من اليوم اراسله ساااحب علي ما يرد .. كويس انه طلع من المستشفى اللحين .. لازم اكلمه .... >> انتظرهم الى ان دخلوا البيت و بعدها بعدة دقايق دق بابهم ..

الخدامه : اهلين ..

بدر : ابي اشوف راكان ..

الخدامه : راكان تعبان فوق ما يقدر ..

بدر : شوفي لي طريق ابي ادخل له غرفته و اشوفه .. ضروري اشوفه ..

الخدامه : لحظه انادي ابو راكان ..

بدر : بسرعه لا تتأخرين ...

جاه ابو راكان عند الباب .....

ابو راكان : هلا بدر .. اش بغيت ؟

بدر : شفت راكان تو طلع من المستشفى قلت ابي اشوفه و اتحمد له بالسلامه ..

ابو راكان : تعال بكره توه طالع و نبيه يرتاح ..

بدر : والله ما بزعجه بس اشوفه واسلم عليه و اطلع .. انا من اليوم قلقان عليه (طبعا كذب) و ارسل له و ادق عليه ما يرد يمكن ما عرف رقمي لانه جديد .. تكفى خلني اشوفه خمس دقايق بس ..

ابو راكان : طيب دقايق اشوف لك طريق ..

أما في غرفة راكان .. بس وصل سريره (قامت تتذكر اهلها و تبكي بالذات اخوها عامر) ...

راكان (هدت شوي ثم قامت تفكر بمنطقيه )~ اهلي اش قاعدين يسووا بالمستشفى ..؟ كلهم كانوا هناك ليه ؟ صح ما خطر على بالي هالسؤال لحظتها ! .. شفتهم كلهم بالمستشفى لا يكون احد من قرايبنا صاير له شي ؟! .. مدري مدري مدري .. بس اللي ادري فيه اني ابي ارجع لهم ..... >> اخذ الجوال يدور بالرسايل لقى رد من جنان ....

راكان ابتسامه مع دموع ~اخيرااااا رديتي .. يا الله كم اني احتجت لك و ابيك ...

جنان : " أهلين .."

راكان : " اعتذراذا ازعجتك .. ممكن اسولف معك شوي .."

جنان : " مين معي ؟ .."

راكان ~ اش اقولها .. لو اقولها اني الريم بتنجلط ما اضمن ردة فعلها : " انا .. انا راكان .."

جنان : " عفوا اخوي مو يعني ان حسابي عام يصير عادي حق سوالف ! .. ما اسولف مع عيال اعتذر منك .."

راكان : " بس اعتبريني اخوك الصغير و محتاج احد يتكلم معه .."

جنان باستغراب : " اخوي الصغير ؟؟! ليه انت كم عمرك ؟! .. وش دراك انك اصغر مني ؟! و ليش انا تبي تكلمني اش معنى ؟! "

راكان ضرب بيده ع جبهته ~ يا الله زلت لساني .. صح مفروض ما اجيب طاري العمر المفروض اسوي نفسي ما اعرفها و لا اعرف كم عمرهاا وش اقولها اللحين ؟! : " اش هالاسئله كلها ؟ تحقيق ذا؟! .. خلاص انا اسف ما ابي منك شي " >> ثم تركها وهي ظلت ترسل له تبي اجوبه حست انه شخص غريب وراه سالفه ههه ..!

راكان ~ انام احسن لي ... جنان رح تنشب لي من اليوم ورايح لين تعرف وش وراي.. خويتي و اعرفها زين .. افكر في موضوعها بكره احس بتعب اللحين .....

ما امداه يتغطى بلحافه الا اندق باب غرفته .....

راكان ~ يوووهه من ذا بعد .. اكيد ليان .. : تفضل !

بدر : السلام عليكم ..

راكان مصدوم و بردة فعل لاشعوريه غط وجهه بلحافه .. للحظه حست انها الريم و لازم تتغطى بعدين استوعب ونزل اللحاف : وش جابك ؟!

بدر قعد ع الكنبه مقابله وحط رجل ع رجل : الناس ترد السلام بالاول ..

راكان : عليكم السلام .. خير وش جابك ؟

بدر : نتطمن عليك يعني ما نتطمن ..!!؟

راكان يناظره بعدم تصديق ~ من جده ذا يبي يتطمن .. شعوري ناحيته متضارب احسه مرات يكره راكان و مرات يحبه ما عدت افهم شي !

بدر ابتسم : اش فيك كنك مو مصدقني ؟!

راكان : لا مصدقك بس دامك شفتني اللحين و تطمنت خلاص تقدر تروح ابي انام ..

بدر : قبل لا اروح لازم اسألك عن شغله ..

راكان ~والله كان عندي احساس انه ما جا  الا انه يبي شي : اش سؤالك ؟!

بدر : سعود و عزوز جوك المستشفى اليوم ؟ 

راكان باستغراب : بتقنعني انهم ما قالوا لك ..!؟

بدر : يعني لو قالوا لي كنت سألتك ؟َ! من بعد الدوام ماشفتهم و لا يردون علينا ..

راكان : ايه جوني للمستشفى .. لا وخويكم ذا عزوز كان يبي يذبحني (حط يده ع حلقه ) جاي و بيخنقني الله يكسر يده ..

بدر وقف مصدوم : أمااا عاد سواهاا !

راكان : وش قصته معي ذا ؟!

بدر : هذا اكثر واحد انت تنمرت عليه .. و تمشكلت معه ؟

راكان : ليش !؟ وش سوا لي ؟ اكيد ما سويت فيه كذا الاانه مسوي لي شي ..

بدر : تبي نصيحتي .. خلك ناسي كل شي افضل ..

راكان : لا .. انا ابي اعرف كل شي .. ابي اعرف ليه تكرهوني كلكم كذا .. ابي اصحح اخطائي ..

بدر ناظره بحده بعدم تصديق : انت تتكلم جد ..!؟

راكان : ايه اكيد .. مابي احد يكرهني اكثر من كذا .. واذا انا اخطيت بعتذر ..

وقف بدر مصدوم من اللي سمعه .. و مشى باتجاهه خطوه خطوه .. يقرب من سريره .. قعد جنبه ومد ذراعه للجانب الثاني من السرير .. و وجهه مقابل وجه راكان بالضبط عينه بعينه ..

راكان (انحرجت من مدى قربه) ابعد راسه ع ورى شوي.. ويناظره بخوف ويتسائل وش فيه هذا ؟!!!!!

بدر باستغراب : انت متأكد انك راكان ؟!!!!

راكان (جلطها السؤال حست للحظه وكنه عارف ) : ايـ .. اييه !!

بدر وقف وعطاه نظره اخيره : احسك شخص غريب .. مو راكان اللي نعرفه ..

راكان : عـ عادي .. الانسان يتغير ..

بدر : ما توقعت لو واحد بالميه انك ممكن تتغير في يوم من الايام ..

راكان : هذا هو صار ..

بدر : المهم مابي اطول عليك .. ارتاح عشان ترجع المدرسه بسرعه هناك نحل كل مشاكلنا .. يالله تصبح على خير ..

راكان : ما فهمت وش قصدك بـ نحل مشاكلنا هناك ؟!

بدر ابتسم بخبث : هناك تعرف ..

راكان ~ ابتسامته ذي وراها شي !!

بدر : استأذنك ..

بعد ما راح ......

راكان تغطى بلحافه : ياربي وش منتظرني بالايام الجايه ؟ احس بخوف كل ما افكر ..

بأخر هالليل .. كعادته طلال دايما مع صديقه يفرون الى ان يتعب ويرجع البيت ينام ....

عادل : يا ولد بطل تدخين ..!

طلال : ياخوي وش دخلك ..!؟

عادل وقف السياره ع جنب : انزل انزل ..

طلال : افاا ليش ..

عادل : دخن برى وخلص بعدين ارجع ..

طلال : مانيب نازل ..

عادل نزل من السياره و راح جهة باب طلال .. فتح الباب و نزله غصب ...

طلال : تبيها كذا يعني طرده ..

عادل : لا ماهي بطرده .. لكن انت ما كنت تدخن و فجأه قمت تدخن و الشي ذا مقلقني ..

طلال : وش فيها يعني كل العالم يدخنون جت علي انا ..

عادل تنهد بتعب : انت اكثر شي تكرهه كان الدخان .. و بسبب ابوك كرهته تقوم تدخنه ليه ..  ؟

طلال : مالك دخل .. احس اني امخمخ لا دخنت .. انسى همومي و ارتاح ..

عادل : ههه والله انك كذاب .. اشوفك كيف مرتاح (قالها بسخريه) ..

طلال : نكدت علي .. خلاص رجعني البيت ..

عادل : انت من اول ما مريتك و انت متنكد .. لا تتبلاني ..

طلال : ههههههه صادق ..

رجعوا للسياره ........

عادل بعد تردد سأله : انت .. انت زرت اختك اليوم ..؟

طلال كان سؤاله ع الجرح وبعد لحظة صمت جاوب : ......... اييه ..

عادل : كنت عارف .. كل ما تزور اختك تتضايق كذا .. لا تفقد الامل .. ان شاء الله تقوم بالسلامه ...

طلال تنرفز و عصب : واذا مااااااا قامت ...!؟

عادل انصدم : وش فيك كذا عصبت ؟ اذكر الله يا رجال ..

طلال ناظر للشباك : اسسف .. ما اقصد .. والنعم بالله .. لكن قبل تطيح انا كنت متهاوش معها كنت ابي اضربها على شي هي مالها ذنب فيه كنت ظالمها .. كل ما افكر في الموضوع احس هي دخلت بغيبوبه بسببي .. بسبب ضغطي عليها ..

عادل : انت مالك دخل لا تفكر كذا .. هذا قضاء و قدر ..

طلال : ادري قضاء و قدر .. بس له اسبابه .. الاطباء قالوا ان غيبوبتها ممكن تكون بسبب ضغط نفسي .. ماحد ضايقها كثري .. لو ما صحت اللحين كيف انا بعيش وانا احس اني قتلتها ..؟

عادل : يا رجال تفائل خير .. انت مالك ذنب ..

طلال : خلني ارجع البيت بس تعبت اليوم كثير ..

عادل : ان شاء الله ابشر .. بس انت ارتاح و لا تضايق نفسك .. وان شاء الله ما يصير الا كل خير ..

كان ع وشك ينام .. اندق باب غرفته للمره الثانيه ....

راكان ~ اشوف كثرت زياراتي اليوم : تفضل..

لينا عند الباب : لا ..لا يكون ازعجتك وانت نايم ..

راكان : لاوالله ما بعد انام كنت ع وشك ..

لينا : اهاا اشوا ..

راكان : حياك تعالي ليه واقفه عند الباب ..؟

لينا ارتبكت : ء ء لا .. بس انا .. يعني.. ما كنت ابي اجي.. بس .. انو .. هذي.. ليوون أصرت اني لازم اشوفك و اتحمد لك بالسلامه .. >> و ليان كانت بسابع نومه ما درت عنها ههههه ..

راكان ابتسم : ايييه صح لانك ما زرتيني المستشفى معهم  .. زعلتيني والله ..

لينا مصدومه : جـ جد ؟! يعني سألت عني ؟

راكان : اي طبعا و قالوا لي انك تعبانه .. سلامتك ..

لينا انحرجت مسكت حلق اذنها (كعادتها اذا استحت او انحرجت) : الله .. يسلمك ..

راكان : تعالي تعالي اقعدي هنا ليه واقفه .. خلينا نسولف شوي قبل انام ..

لينا مو مصدقه : معقول تبي تسولف معي ؟

راكان : اي وش فيها اختي و ابي اسولف معها ..

لينا انفعلت : لااااا ما ابي .. انا اصلا مو مستوعبه تصرفاتك لسا .. احس انك تخوف .. مابي اتقرب منك و انصدم بعدين ..

راكان يناظرهاا مو عارف اش يقول : ........

لينا : خ خلاص باي ..

راكان : تصبحين على خير !..  

لينا طلعت وسكرت الباب بقوه ههه .......

راكان : يا حليلهاا مره تذكرني بسمر .. اتمنى يوم كذا اقعد  اسولف معهاا .. اعتقد ان هالادمي اللي انا بجسده كان يكره اخواته و يعاملهم بقسوه .. شكله زي طلال او اسوء..!

في مدينه اخرى .. المكان المتواجد فيه الشخص اللي الريم متيمه فيه .. كان قاعد مع اخوياه كالعاده في احدى الكافيهات .....

عمر : وينك من زمان عنك ؟؟

سلطان : كنت تعبان والله .. تعرف يدي منكسره وحالتي حاله ..

عمر : ما تشوف شر يا اخوي و زين انها اليسار مب اليمين ..

سلطان : اي والله .. ما يجيك الشر .. اقول ابيك في سالفه خل نقعد هناك بعيد شوي عن ازعاج الربع ..

عمر : ابشر .. >> قاموا ....

واحد من اخوياهم : وييين يا عيال ..

سلطان : شوي و راجعين ...

وقعدوا مع بعض ....

عمر : ايه وش السالفه ؟!

سلطان : والله مدري كيف ابدأ لكن ودي انشدك عن شغله مهمه ..

عمر : وش هي ؟!

سلطان : تذكر البنت اللي كنت تكلمها و نشبت لك ..

عمر بعد تفكير : اييييييييييييه تقصد اللي اسمها ريم مدري الريم ..

سلطان : ايه هي ..

عمر : وش فيها ؟

سلطان : انت باقي تكلمها ..!؟

عمر : لأ ليش ؟

سلطان : ما كلمتك هي ..؟ ما تعرف عنها اي شي ؟

عمر: لا والله من وقت ما حظرتني ما دريت عنها .. و لا ابي ادري عنها مب فاضي لها .. إلا انت ليه مهتم وش تبي فيها ؟!

سلطان : تبي الصدق .. اخذت سنابها يوم كنت تعطيني جوالك اكلمها .. وترا ما كلمتها الا بعد ما تأكدت انها ما تهمك و لا تبيها ..

عمر : و كلمتها يعني ؟!

سلطان : من فتره بسيطه اضفتها على اني بنت واسمي الجوري .. تعارفنا بس و من وقتها ما ترد و لا تنزل شي ..

عمر : ههههههههه اوووخص يا الجوري سحبت عليك يعني ؟!

سلطان : هههه لاااا مب كذا .. ما تنزل شي ابد لان نقاطها بسناب نفس ماهي ما تتغير من اسبوعين .. معناها ما تدخل سناب اصلا ..

عمر : يا ولد ليه مشغل نفسك فيها ؟ .. تلقاها حذفت الحساب وسوت واحد جديد ..

سلطان : ما اظن .. اعتقد مستحيل تحذف حسابها .. لانها تحبك وبتنتظرك ترجع تكلمها ..

عمر : وش دراك ؟

سلطان ابتسم : احساااس !

عمر : خف علينا يا ابو الاحاسيس .. من جدك مصدق انها تحبني .. هذا طفشانه و تدور طقطقه .. ما جزت لها حذفتني خل عنك بس ناس فاضيه ..

سلطان ~ غبي! خسرت بنت تحبك بصدق والله انك ما تستاهلها مدري وش لقت فيك عشان تحبك كل هالحب ؟! ..

عمر : المهم انت وش تبي فيها ؟ اشوفك مراقبها و مهتم كثير فيها .. لا يكون تحبهاا بس ؟!

سلطان ابتسم يضيع السالفه : لااا وييييين .. بس قلت انشدك كانك تعرف شي منا و لا منا يعني من باب الفضول ...

عمر : والله ما يندرى عنك .. اقول خلك منها وخذ الجديد فيه واحد ضافني بسناب شي شي ..

سلطان باستغرب : من وين ضافك ؟ لا يكون هي نفسها ضافتك بحساب وهمي ؟

عمر : لا يا رجال اللي ضافني ولد ياااهو مزيون و ولد عز .. اقولك غرفته اكبر من بيتنا هههههههه ..

سلطان : اما عاد من هو ذا و كيف ضافك ؟! انت شفته ؟ متأكد انه ولد و ما يلعب عليك ؟

عمر : ايه يا ولد وش فيك كلمته فيديو ذاك اليوم .. وكنت بوريه للعيال بس الظاهر انه استحى وقفل هههههههه ..

سلطان : هههههه واحد زي هذا وش يبي فيك يضيفك ؟

عمر : وش فيك ماني بعاجبك ههههههههه ؟!

سلطان : عطني عطني سنابه ..

عمر : كل العيال يبون سنابه بس تبطون ما رح انشر له .. اخوياي و اعرفكم والله ان تخرفنون معه ..

سلطان : هههههههه لا معليك مانيب متخرفن اصلا عندي اللي احبهاا ..

عمر : اووووخص من متى ؟!

سلطان : من زمان .. ارسل ارسل سنابه يالله ..

عمر : اصبر افكر و اشوف ..

سلطان : ههههههههه بعد فيها تفكير ..

صباح اليوم التالي .. بعد الفطور ع طول راكان راح للمستشفى مع امه ... دخل غرفه العلاج الطبيعي وخلص بعد كم ساعه .. طبعا امه كانت تنتظره بكافي المستشفى ..

راكان ~ اخيراااا ما بغيت اخلص ..

طلع من غرفه العلاج الطبيعي يبي يروح الكافي مثل ما اتفق مع امه انه يقابلها هناك .. لكن من بعيد شاف تركي يمشي .. بلحظه وبدون تفكير قرر يلحقه ....

راكان ~ والله مدري ليه ألحقك يا تركي بس احس ان ودي اكلمك .. ودي اسأل عن اهلي .. اخخخ ودي ارجع بيتنا اشتقت لهم ! ..

كان بعيد عنه بمسسسافه و يمشي بهدوء وراه ... الى ان وصلوا الى غرفة العنايه المركزه ....

راكان ~ شكله عنده مريض هنا وجاي يتطمن عليه .. احس الفضول ذابحني ودي اروح اشوف اخوي و هو يشتغل كيف ..

وقف قدام باب العنايه المركزه .....

راكان ~ امممم مكتوب ع الباب ممنوع الدخول .. ادخل و لا لا ؟! .. ( بعد تردد و تفكير اخيرا قرر يدخل ) .. ما شاء الله هذي العنايه المركزه ؟ اول مره اشوفها .. ( ناظر باب ثاني قدامه و فيه نافذذه زجاجيه ) اعتقد لو طليت من هنا رح اشوف تركي مع مريضه ..

وفعلاً راح يشوف من خلف الزجاج .. هنا كانت الصدمه و الفاجعه بالنسبه له ( او نقول لها ) .........!

انتهـــى البارت ..

-         توقعاتكم ؟!