البارت اهداء للغاليه ريمو وكل عام وانتي بخير ي احلا صدفه بحياتي ♥️🌹.
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

ورجع راكان مع اهله للبيت .. و طبعا وضحت الصوره راكان مو راكان اللي يعرفوه .. كيف صارت الريم بجسد راكان !؟ هذا اللي كانت رح تبحث عنه الريم و هي بجسد راكان و ترجع لاهلها بأي طريقه كانت ...  لذلك كان اول خططها تتعرف ع حياة الشخص اللي هي عايشه بجسده .. و تبي تشوف جواله و كل اسراره .... و من لحظة دخولها لبيت راكان الكبير رح تبدا قصتها الفعليه ... ماهي عارفه اش منتظرها ... لكن يبدو انه رح يكون شي صعب ما تخيلته .......

اول ما دخل راكان البيت ع كرسيه المتحرك كان باستقباله مفاجأه كبيره .. حفل و موسيقى وبلونات .. لدرجة انصدم راكان ....

ام راكان ابتسمت : اش رايك بالمفاجأه ؟

راكان ~ والله مدري انصدم من فخامه الحفله و لا فخامه هالبيت !! ... >> سكت من الصدمه ...

ابو راكان : واضح عليه متفاجئ ...

ام راكان : تعال اعرفك ع اخواتك لعل و عسى تتذكرهم ..

راكان ~ حلو جينا لتعارف العايله ... الله يستر لا يطلع لي اخ نفس هذاك ...!

كانوا التوأم قاعدات بالصاله بانتظاره .. لما  دخل سلموا عليه .. و هو يناظرهم مو عارفهم ...

ام راكان : شوف هذي لينا .. و اللي امتن بشوي ليان ..

ليان : يممممممه كم مره اقول ماني متينه ؟

لينا : هههههههههههههههههه دوووبه ..

ليان : انطمي انتي ..

ام راكان : انتي امتن بالنسبه لليناا هذا قصدي ..

راكان ابتسم ~ لا الحمدلله واضح انهم ناس كويسه ويدخلون القلب ..

ابو راكان : والغدا بعد جاهز يالله تعالوا ..

لينا : يمممه انتي روحي احنا بنجيب راكان ..

ام راكان : اوك بطلع ابدل ثم اجيكم للغدا ..

بعد ما راحت امهم .... ليان كانت في وضع المتفرج .....

لينا قربت من وجه راكان : اللحين اننت ما تذكرني صدق ؟

راكان بعد وجهه مستغرب : لااا ..

لينا : امممممم ..

ليان : يالله خلينا نروح نتغدا ابوي ينتظر..

لينا : اصبري شوي ياختي ..

ليان : خليه في حاله ..

لينا : انتي خليك في حالك .. وانت اذا كنت تكذب يا ويلك !

راكان مستغرب : اكذب في ايش بالضبط ..؟!

لينا : انك ما تذكر مصايبك و بلاويك ..

راكان بربكه : اي مصايب و اي بلاوي علموني وش انا مسوي ...؟!

ليان مسكتها مع ذراعها و اخذتها ع جنب : تعاااالي هنا .. شوفي حالته الولد فعلا ما يذكر ما تلاحظين انه مرتبك و كنه خايف منك ؟؟

لينا ابتسمت بخبث : جددد والله! حلو ..

ابو راكان ناداهم من ع طاوله الاكل : يا بنااااااات يالله تعالوا انتوا و راكان وش تسوون عندكم ...؟!

ليان : جاااييين جايين .. يالله مشينا خل نروح نتغدا ثم يصير خير ..

نزلت ام راكان و كلهم كأسره سعيده ألتموا حول الغدا ااخيرا و هذي اول مره من سنه لهم يكونوا كلهم مع بعض ....

ام راكان بسعاده كبيره : تصدقون يا عيالي لو اشكر ربي على هاللحظه الف مره ما وفيت حقه .. الحمدلله اللي ربي رزقني شوفت راكان معنا ع الاكل .. ما اقدر اعبر عن شعوري ..

ابو راكان : اي والله الف الحمدلله .. اللحين نقدر نكمل اشغالنا و احنا مب شايلين هم ..

راكان : اي اشغال ؟!

ابو راكان : انا عندي مجموعه شركات .. الحمدلله الله منعم علي .. و امك برفيسوره في الفيزياء كانت دايما تسافر تحضر مؤتمرات .. بس لما انت كنت بغيبوبه هي تركت كل شي .. واللحين ان شاء الله ترجع لشغلها زي اول ..

راكان انذهل ~ ما شاء الله و ش هـ الاهل الفخمين هههه! ..

ام راكان : لا والله مالي نيه ارجع اشتغل زي اول .. ابي اقعد بالبيت اداريكم و اداري راكان هو اللحين محتاجنا كلنا نوقف معه حتى يسترجع ذاكرته و يتعافى بشكل كامل ..

ابو راكان : وهذي امك و هذا كلامها رفضت ترجع للشغل .. لذلك نخلي مسأله إقناعها عليك ...

راكان باستغراب : انا ؟!

ام راكان : معليك منه يمه تغدا و اشبع عليك بالعافيه ..

لينا تهمس لاختها : وطبعا احنا مسحوب علينا .. عسانا ما تغدينا ! .. الاهتمام كله لحضرة الامير ..

ليان : وش فيك انتي ؟ توه طالع من المستشفى خل يفرحون فيه !!

لينا ناظرت راكان : ايه .. يعني انت اللحين ما تقدر تمشي ؟!

راكان : الا اقدر بس الدكتور قالي ارتاح يومين احاول ما اتحرك كثير ..

ليان : ما رح تداوم مدرستك ؟

راكان مصدوم : المدرسه ؟!!! فيها عيال كثير!!!

لينا : هههه اكيد فيها عيال اجل بنات ! .. وش فيك انت مجنون ؟!

ام راكان عصبت : ليناااااا !!!

لينا : ايش قلت انا !! انتوا قلتوا انه فقد ذاكرته فقد الاشخاص اللي يعرفهم بس لكن اساسيات الحياه عارفها .. صح و لا لا ؟

ام راكان : اييه بس ولو .. لا تكثرين اسئله تشوشين عقله ..

لينا ألتفت للجهه الثانيه و بصوت واطي : يااا ربيه !

ليان : يعني هو رح يداوم زينا و لا لا !؟

ام راكان : الدكتور قال يقدر بدايه الاسبوع الجاي ..

ليان : ياااا سلاااام رح يصير ثاني ثانوي زينا يعني !

ام راكان : ايه بعد راحت عليه سنه ..

ليان انبسطت : وناااسسه !

لينا بصوت خفيف : مدري وين الوناسه بالموضوع ..

ليان : بس هو فقد الذاكره يعني شلون رح يكون متذكر الاشياء اللي درسها ؟ تتوقعون يرجعونه اول ابتدائي ..

لينا كانت تاكل غصت باللقمه من الضحك : هههههههههههههههههههههههههههههههههههههههههههههههههههههههههههههههه بمووووووووووت ..

ليان : خير اش فيك وش قلت انا ؟!

ام راكان بحده : لينااااااا خلاص ..

راكان وضعيه المتفرج المستغرب ...

ام راكان : يا ابو راكان انت م شرحت لهم حالته؟!

ابو راكان : والله شرحت ..

لينا : هههههههههه يمه شرح شرح بس اختنا في الله كانت فاهيه ذاك الوقت .. يا اختي العزيزه اخوك يعاني من فقدان ذاكره للاشخاص فقط قلناها من قبل ركزي .. يعني الناس م يذكرهم بس يعرف الحروف ويعرف يعد ويعرف يقرا ويكتب ( ناظرته ) يعرف كل شي بالحياه ويمكن احسن مني ومنك .. مشكلته الوحيد م يذكر الناس اللي كانوا بحياته بس .. فهمتي؟!

ليان : شرح اسهل من شرح ابوي هههههه فهمت ..

ام راكان : يعني الحمدلله رح يرجع يكمل دراسته من مكان ما وقف وحياته رح تستمر .. يتعرف علينا شوي شوي لحد م يتذكرنا ..

راكان ~ اييه صح المدرسه .. كيف ادرس ! .. فيه عيال كثير .. اش اسوي !؟ من اللحين احس بخوف و توتر !!

وكملوا غداهم بشكل طبيعي .....

في بيت اهل الريم ......

طبعا الام جابت شغاله لعامر بما انه مافي احد يقعد معه .. البيت صار موحش ماله طعم .. محد قادر يستوعب اللي صار للريم للحين ... وبما انه اول ويكند بدونها اجتمعت العايله ع الغدا طبعا فيما عداها .. كانوا فارشين السفره و قاعدين ع الارض ..

سمر تناظر مكان الريم فاضي .. تنهدت : هناااك كانت تقعد الريم ..

الكل في حاله سكوت .....

سمر : والله البيت بدونها مو حلو .. يمه لازم نقول لابوي الريم كانت تحبه ..

ام تركي عطتها نظره مخيفه : لا تجيبين طاري ..!

سمر باصرار : بسسسس ....!

تركي سكتها : قفلي الموضوع ...

سمر وقفت وعصبت : انتوا ما عمركم فكرتوا بالريم و بمشاعرها !! حتى وهي بغيبوبه ما ودكم تنفذون شي كانت تتمناه .. كانت تتمنى تشوف ابوي ..

تركي مسك يدها : خلاص يا سمر محد ناقص ترا ..

سمر طاحت دموعها : ليه ما تحبون تسمعون الحقيقه .. كل اللي صار بالريم بسببكم .. بيوم غيبوبتها كانت اول مره تطلع من البيت لحالها عشان عامر .. تحملت كلام السواق عشان توصل اخوي بس و تطمن عليه ..

طلال فز من مكانه : ليه وش سوا لها ؟!

سمر : تكلم عليها .. كلام ماله داعي و اظنك فاهمني ..

طلال عصب : ليه ما علمتني !؟

سمر صرخت عليه : اسأل نفسك ليه ! .. لو قالت لك وقتها مو كنت رح تضربها وهي مالها ذنب ..!؟

طلال سكت ما رد ......

ام تركي : و انتي وش دراك بهالكلام ؟!

سمر : كتبته لي بسناب بالليله اللي طاحت فيها .. قريت كلامها وقلت بكلمها الصباح و اواسيها و اطيب خاطرها .. لكن ما حصلت الفرصه .. ولانها حفظت المحادثه من ذاك اليوم حذفت السناب مابي افتح محادثتها رح ابكي ما رح اسكت ..

تركي : ذاك اليوم بالمستشفى ما قالت لي اي شي .. بالرغم من اني انا رجعتها للبيت وكنا لحالنا .. وهي تعرفني متفهم ماني عصبي مثل طلال .. ليه ما قالت لي ؟

سمر تمسح دموعها و تخصرت : تبي تعرف ليه ؟

تركي باستغراب : ليه ؟؟

سمر : لانك ما دافعت عنها قدام امي .. طاحت امي فيها سب ولعن .. و انت لااسمع لا اشوف لا ارى كيف تبيها تقولك ؟! ..

ام تركي : اقصري الحكي .. مهما كان انا امكم يدافع عنها بأيش ..

سمر : هذا مو كلامي .. هذا كلامها اللي كتبت لي اياه .. متأكده انها  كانت تكتبه  و تبكي .. فوق انها تعرضت لكل هذا عشان توصل عامر للمستشفى تجون انتوا وتكملونها عليها .. و كأنها ناقصه ..تخيلوا انها كتمت كل ذا بقلبها ... ما قدرت تقوله الا برسايل سناب .. انتوا السسبب في اللي صار لها ..

تركي : هذا قضاء و قدر ..

ام تركي : اش اللي خلاك تقولين هالكلام اللحين ؟

سمر : ما كنت رح اقول شي لان اخر رسالته حلفتني لا اقول شي .. لكن انانيتكم خلتني اتكلم ..

ام تركي : اي انانيه انتي الثانيه .. انتي مو قاعده بقلوبنا عشان تعرفين وش نحس فيه ..

سمر : ما يحتاج افعالكم تثبت ..

طلال ما تحمل كان رح يضربها مسكه تركي ....

سمر : اي طبعا هذا انتوا ما تتفاهمون الا بالضرب ..

تركي : تعوذي من ابليس وروحي غرفتك ..

سمر : كلام الحق ينقال ..

ام تركي : انقلعي غرفتك بسرعه ..

سمر : ترى انا مو الريم عشان انزل راسي و اقول حاضر ..

ام تركي عطتها كف : اسكتي مابي اسمع شي ..

سمر سيطر عليها الغضب : ما رح اسكت و الحق بقوله تفهمون .. انتوا السبب باللي صار للريم ..

تركي سحبها مع يدها : امشي بس امشي ...

اخذها ورماها بغرفتها .......

تركي : يحتاج اقفل عليك الباب و لا بتقعدين عاقله ..

سمر : اللي بخاطري بقوله ومالي دخل باحد ..

تركي : يا اختي يا حبيبتي ادري انهم غلطانين بس والله انهم زعلانين ع الريم يمكن اكثر منك .. لا تزيدينها عليهم .. والكلام اللي قلتيه ما رح يقدم و لا يأخر .. تسوين مشاكل ع الفاضي ..

سمر قامت تبكي ....

تركي قرب منها و حط يده ع شعرها : اهدي تراها والله ما ماتت .. ادعي لها بدال البكي ..

سمر : ان .. ان شاء الله ..

في بيت راكان ......

خلصوا الغدا و طلع غرفته يرتاح .. اول ما دخل الغرفه انصدم بكبرها وجمالها ...

راكان ~ ما شاءالله هذي اكبر من غرفتي  اللي ببيتنا بمرتين ...

وطبعا ع طول راح يفتش بالادراج يدور جواله .... ولقاه فعلا ..

راكان ~ يا سلام بعد جوال ايفون 7 بلس! قبل سنه كان بالنسبه له احدث جوال نازل .. حلو اكيد انه بالبصمه خل افتح و اتعرف على حياه هالراكان ....

وفعلا جربت تفتحه بالبصمه و فتح معها .. ع طول راحت لسناب لقت محادثات كثيره انصدمت منها ....

راكان ~ ما شاء الله اش هذا الولد مشهور و لا ايش .. خل انزل سنابه اكتب فيها باك .. ( وقفت قدام المرايه ) اصور نفسي و لا ما يحتاج .. ( تناظره بتمعن ) اول مره اشوف شكله بدقه .. ما شاء الله اش هالجمال .. شعر ناعم و ملامح و عيون عسليه .. ما ألومه لو كان مشهور ...! خلاص قررت رح انزل سنابه سودا واكتب باك اشوف بس كم المشاهدات  ..... >> ما تدري انها لو سوت كذا فيه ناس رح تنجلط .....

فجأه دخلت عليه لينا .. طبعا بدون تدق الباب .....

راكان تفاجىء : بسم الله !

لينا بسخريه : اسم الله عليك حبيبي .. خفت ؟

راكان : لا بس دقي الباب ع الاقل ..

لينا ~ من جده ذا فاقد الذاكره ؟!! لو اني دخلت عليه اول زي كذا وبدونن ادق الباب كان ما رحمني .. اصلا غرفته كان محرم بالنسبه له ندخلها .. اللحين اشوفه عادي مو معصب !! يعني  حقيقي فاقد ذاكرته !

راكان : بغيتي شي ؟!

لينا : هاه .. لاا .. بس انت ليه واقف قدام المرايه !؟

راكان : لاا و لا شي .. >> قعد على سريره ..

لينا : يعني تقدر تمشي !!

راكان : ايه قلت لكم اقدر ..

لينا : ماني مصدقه انك مو متذكر شي ؟! .. مو مصدقه شخصيتك هذي ..

راكان : ليه ؟!

لينا : مره .. ( سكت ) ..

راكان بفضول : ايش؟!

لينا : كيف اقولها يعني مره مره لطيف ..

راكان جاه فضول اكثر: تعالي اقعدي احكي لي عن نفسي ...

لينا مصدومه ~ معقول يبيني اسولف معه .. وانا تعودت انه يكرهني كره العمى ودايما في مشاكل معه .. احس كل شي فيه تغير .. نظرته اسلوبه كلامه .. ما كأنه راكان اللي نعرفه .. معقول فقدان الذاكره يسوي فيه كذا ؟! >> كانت واقفه تفكر مو مستوعبه !

راكان : اش فيك سرحتي ..؟!

لينا : لا ما سرحت .. بس خله وقت ثاني .. انت اللحين ارتاح ..

راكان : اوك ع راحتك ..

برى كانت ليان تنتظرها و خايفه عليها من راكان ....

ليان بقلق : بشري اش قالك ؟ اكيد صرخ عليك !

لينا : لا  والله بالعكس ..

ليان : اش قال طيب ..؟!

لينا : تخيلي قال تعالي سولفي معي !!!

ليان مصدومه : من جدك ؟! .. ما استغرب لانه فاقد الذاكره يمكن ..

لينا : ما اصدق فقدان الذاكره يغير حتى شخصية الانسان !

ليان : هو فقد الذاكره و كان بغيبوبه .. اكيد كثير اشياء فيه رح تتغير .. ما تذكرين قلت لك ممكن يرجع من الموت ويتغير ...

لينا : والله مو قادره استوعب .. على خبث راكان اللي اعرفه ممكن يكون كل هذا تمثيل منه ؟! تهقين يخطط لشي ؟!

ليان : لااااااااااا وين شطحتي بتفكيرك انتي .. مستحيل مستحيل ..

لينا : مدري مدري ..

ليان : امشي امشي بس مع الايام بنعرف ..

لينا : ايه ع قولتك ..

نرجع لغرفة راكان ... كان منسدح و يتصفح جواله .. يتعرف على نفسه .. فجأه طروا لها اهلها القدامى .....

راكان ~ انا ادري اني الريم بداخلي لكن ما ادري اش صار لجسدي .. اذا انا الريم في جسد هذا الشخص اللي ما اعرفه .. اجل جسدي وينه ومن فيه ؟! معقول يكون تبادل ! هل راكان بجسدي ...؟! اولا رح ادخل سنابي اشوف اخبار اهلي لو من برى .. الحلو ان هذا راكان حافظ باسوورد حساباته ومخليها بالبصمه .. اقدر ادخل و اطلع من سنابه براحه ...

وسوتها فعلاا و دخلت على سنابها .. لقت محادثات كثير كلهم يسألون عنهاا .....

راكان ~ هذي الجوري ! ما صار لي فرصه اعرف مين هذي الشخص .. لكن لازلت اعتقد انها الانسان اللي حبيته ! .. سمر مو منزله شي غريبه ! .. اخواني بعد مو منزلين .. مافي شي يطمني عنهم !! .. لازم الاقي طريقه و اتواصل معهم او اعرف عنهم اي شي ..

ورجعت دخلت سناب راكان .. كان في بالها فكره مجنونه انها تضيف الشخص اللي حبته و تتعرف عليه من جديد ولكن كصديق هالمره كصديق لراكان !

قعدت تفكر و تفكر .. الى ان غشاهاا النووم ......

في غرفة الزوجين .....

ابو راكان : بكره خالاته و عمه و عماته رح يجون .. ما ادري اذا يقددر راكان يستقبلهم ..!

ام راكان : انا اقول ماله داعي يقابلهم .. بما انه ما رح يعرفهم اصلا ..

ابو راكان : ولو يكفي انهم ازعلوا لما ما علمناهم انه صحا من الغيبوبه .. خليهم يشوفونه لو شوي يتطمنون عليه ..

ام راكان تنهدت بتعب : الله يعينا بس .. انا مابي ولدي يتعب ..

ابو راكان : يا كثر ما تخافين عليه .. تراه صار زين ..

ام راكان : كنت رح افقده اكيد بخاف عليه ..

ابو راكان : انسي كله ماضي و انتهى .. اللحين افرحي بوجوده ..

ام راكان : ايه الله يخليه لي ..

ابو راكان ابتسم : افاا بس هو ؟! و احنا ..؟

ام راكان اضحكت : كلكم الله يخليكم لي و لا يحرمني منككم ..

ابو راكان : اللهم امين ...

ودخل الليل .. في بيت اهل الريم .. اندق بابهم .. وراح طلال فتح الباب ... كان ضيف غير متوقع ....

طلال : اهلين .. مين ؟

جنان : انا جنان صديقة الريم ..

طلال ~ عدة مشاعر متضاربه فيي صدره : جـ جننان !! .. ايه .. هلا .. هلا والله ..

جنان : ممكن تنادي لي الريم ..؟

طلال : بس .. الريم ...

جنان بخوف وقلق : اش فيها الريم ؟ .. فيها شي لا سمح الله !؟

طلال ~ ما اقدر اقولها ما اقدر : دقيقه انادي لك اختي ..

جنان تنهدت براحه : طيب بسرعه نادي الريم ..

طلال قلبه يوجعه يحس بألم .. مو ألم واحد الا مجموعة ألام بصدره جته مره وحده .....

دخل بيتهم بسرعه و هو يصرخ و ينادي على سمر ....

طلال : سسسسسسمر !!

سمر من غرفتها : هااااااه وش فيك ؟!

طلال : تعالي ابيك بسرعه ..

سمر تركت كتبها وقامت : ايش فيه ؟ خير ؟!

طلال : فيه بنت برى اسمها جنان تقول انها صديقة الريم و تبيها .. انا ما عرفت اقولها.. دخليها البيت وقولي لها السالفه بهدوء ..

سمر مصدومه : يوووهه وش جابها جنان من بعيد ؟! .. اكيد انشغل بالها على الريم لما شافت انو اسبوعين مالها حس ...

طلال : ايه روحي كلميها ..

سمر : خلاص خلها علي ..

طلال مسك ع صدره بقوه وتنهد ~ يوووووووهه وش ذا الوجع بصدري !! ..

عند الباب ........

سمر : هلا جنوو .. حياك ادخلي ..

جنان : هلا فيك .. طيب وينها الريم ؟!

سمر : ادخلي وانا اقولك كل شي ..

جنان بدت ترتعب : يمممه اكيد صاير فيها شي؟!

سمر : اذكري الله و ادخلي افهمك كل شي ..

جنان : طيب دقيقه ابوي بالسياره ينتظرني بقوله اني بدخل شوي وارجع .. ترانا جايين من سفر ..

سمر : يووه جايه عشان تسألين عن الريم ..

جنان : اكيد ان شاء الله ما فيها شي ..

راحت عطت خبر لابوها ثم دخلت بيت الريم ......

سمر جابت مويه وضيفة البنت وخلتها ترتاح ..

جنان بخوف : قولي لي وينها ؟ هي فيها شي ؟ لها اسبوعين ما ترد لا على مكالماتي ولا على رسايلي ..

سمر : ء ء في الحقيقه .. والله مدري شلون بقولك ..

جنان ذبحها القلق : قولي !

سمر : اختي تعبانه .. وهي بالعنايه المركزه اللحين ... وحاليا لها اسبوعين بغيبوبه ..

جنان دموعها طاحت لاشعوريا : كنت حاسه ان فيها شي .. ليه ؟ وش صار معها ؟ ليه تعبت ؟ متى رح تقوم ؟

سمر : والله ما ادري كل اسئلتك ما ادري اش جوابها .. بس دعواتك لها ..

جنان قعدت تبكي و سمر تهديها ...

سمر : الله يقومها بالسلامه .. ليه تعبتي نفسك و جيتي من طريق سفر .. لو كلمتيني علمتك ..

جنان : انا ما عندي الا سنابك .. و انتي ما تردين عليه ..

سمر : ايه صح سوري .. لانه يذكرني باختي حذفته يخليني ابكي ..

جنان : ابي ازورها قبل اسافر تكفين .. اي مستشفى هي ..؟

سمر : ما فيه زيارات اليوم ..

جنان : لازم اشوفها اليوم الله يخليك .. ابوي قالي رح نرجع اليوم ما يقدر يقعد هنا تعرفين نقل دوامه هناك عشان دراستي ..

سمر : طيب شوفي رح اكلم تركي لانه يشتغل بنفس المستشفى .. رح اكلمه يسمح لك بأي طريقه تشوفيها ..

جنان تمسح دموعها : الله يسعدك مرره مشكوووره ...

ودعتها و راحت للمستشفى ......

صحا راكان من غفوه .. و اول ما مسك الجوال و فتح الواي فاي انصدم بكمية الرسايل اللي جته بكل البرامج ....

راكان مبقق عيونه مصدوم : الله اكبر !! وش هالرسايل كلها ... ما توقف جوالي علق ...!

ترك الجوال لانه فعلا علق من زحمة الرسايل .. ثم قام يبدل ثيابه ( طبعا فتح غرفة ملابسه لقى فيها انواع و اشكال الملابس و الاحذيه و الاكسسوارات .. لبس تيشيرت كاجوال ابيض مع اسود و جينز اسود و جزمه -وانتوابكرامه- بيضا ولبس  ساعه سودا ..) و طلع من خزنة الملابس تبعه ... ناظر المرايه .....

راكان : يمممه صدق وش هالجمال ما شاء الله خقيت ع الولد هههه ..!

ثم قرر يطلع من غرفته يفر البيت ويتعرف عليه ......

راكان ~ ما شاء الله رح اضيع في هالبيت من كبره .. ابي اشوف هذي غرفه مين ؟ ( دق الباب ما جاه رد ) ادخل و لا ما ادخل ؟! .. ( بعد تردد ) ادخل وش فيها بيتي ..

اول ما دخل شاف الغرفه بناتيه من الديكور ع طول عرف انها غرفه البنات ....

راكان ~ ما شاء الله غرفه خواته هذي !

دخلت عليه ليان و هو يتفرج بالغرفه ....

ليان اخترعت : بسم الله .. راكان ! اش جابك غرفتي ؟

راكان : توقعت انها غرفتك انتي و لينا ..

ليان : لا هذي غرفتي لحالي شوف سرير واحد .. لينا غرفتها اللي بنهاية الممر ..

راكان : ليه ما تقعدون بغرفه وحده ؟

ليان تناظره باستغرب : ها ؟؟؟؟؟؟؟

راكان : وش فيك ؟

ليان : لا بس استغربت مو شي ممكن يقوله راكان !

راكان : ودي اتعرف على نفسي القديمه ..

ليان : لا لا لا خلك كذا بدينا نحبك ..

راكان : ليه كنتوا تكرهوني قبل ؟!

ليان : اممم تقدر تقول ..

راكان : صار عندي فضول كثير اعرف عني ..

ليان تذكرت : يووووووووهه اخذنا الكلام و نسيت .. >> راحت ركض لغرفة ملابسها ..

راكان : وش اللي نسيتيه ؟!

ليان تتكلم من داخل : جيت باخذ عباتي عشان نطلع انا و لينا اللحين تأخرت عليها رح تعصب علي ..

راكان : اهاا طلعه يعني .. ( بعد تفكير ) .. طيب .. طيب عادي تاخذوني معكم ؟!

ليان طلعت وهي لابسه عباتها : والله مدري .. انت ما عمرك طلعت معنا .. احنا رايحين المول نتمشى عادي تجي معنا؟ يعني طلعت بنات ..

راكان : اذا مافي احد غريب بيطلع معكم عادي انا اجي ما فيها شي انتوا اخواتي .. وابي اعرفكم اكثر ..

ليان انصدمت و حست بسعاده من كلامه : حبيت هالكلام ..

راكان ابتسم : حبيبتي انتي .. (بسرعه تذكر ~ يووه لااا مفروض ما اقول كذا الاخوان مو بالحنيه مع اخواتهم حسب معرفتي بس لاني متعوده اتكلم كذا ما انتبهت لكلامي ) ..

ليان واقفه تناظره ~ انا سمعت صح و لا غلط ؟! قالي حبيبتي انتي مستحيل راكان يقولها لاحد !! .. لا لا لا اكيد انا سمعت غلط مستحيل يكون حنون معنا كذا ..

راكان بيرقع الموضوع : اجي معكم و لا لا ؟

ليان : انا خلاص ما اقدر اقولك لا .. تعال تعال .. بس ما لازم تمشي كثير مثل ما قال الدكتور..

راكان : ان شاء الله .. بس وديني غرفتي احس اني مضيعها ابي اخذ جوالي ..

ليان : ههه طيب تعال معي ..

كانوا نازلين من الدرج مع بعض .... شافتهم امهم .....

ام راكان : وين وين على الله ؟!

ليان : طالعين يمه ..

ام راكان : ادري طالعين ع وين ؟!

ليان : نتمشى بالمول ..

ام راكان : اوك انتي اطلعي بس راكان لا ..

ليان : هو قال يبي يطلع معنا انا مالي دخل ..

ام راكان ابتسمت : غريبه والله ماهي بعوايدك تطلع مع اخواتك ..

راكان ارتبك : ء ء .. عشان مو متذكر شي لكني احاول .. قلت يمكن اذكر اذا طلعت معهم اذكر شي ..

ام راكان : بس يا حبيبي انت توك طالع من المستشفى و الدكتور شدد عليك ترتاح ..

راكان : لا تخافين ما رح اتعب نفسي و كل دقيقه رح اقعد ..

ام راكان : طيب انتبهوا له يا ليان ..

راكان ابتسم : هههه ماني بزر ..!

الام وليان : ههههههههههه ..

كانت لينا تناظرهم من بعيد ......

لينا ~ الخبله هذي ليه جايبه راكان معها ؟!

فتح راكان الباب الامامي و ركب جنب السواق .. وليان ركبت ورى مع لينا .. ولينا وضعية المصدومه المستغربه !! ..

لينا بهمس : هيه انتي يا الخبله هذا وش جابه معنا ..؟

ليان : قال يبي يطلع معنا ...

لينا شهقت : هئئئ ....

راكان لف عليهم ورى : اش فيكم ؟

ليان : ولا شي نسولف ..

راكان ناظر السواق : يالله حرك ..

لينا : تعالي هنا يا غبيه انتي من جدك يجي معنا هو ما يحب يطلع معنا اصلا ..

ليان : والله هو بنفسه قالي بتمشى معكم .. اسأليه شوفيه عندك ..

لينا ~ ياربي هالراكان بدا يخوفني صدق.. هذا مو راكان اللي نعرفه !!...

راكان ألتفت عليهم ورى : بنات ابي امر المستشفى شوي ..

ليان بقلق : ليه تحس بتعب؟؟!

راكان : لا بس بسأل الدكتور عن شغله بسيطه ..

ليان : اوك مو مشكله ..

لينا : اليوم الجمعه ما اتوقع تلاقي دكتورك ..

راكان ~ لا رح ألاقي تركي .. تركي يداوم الجمعه اجازته كانت السبت .. رح اقابله لكن .. لكن ما ادري اش رح اقوله .. بس من داخلي ابي اشوفه و اكلمه اشتقت لاهلي ... : لا ان شاء الله رح الاقيه ..

لينا بدون نفس : اوكيه اهم شي مانبي نتأخر ..

راكان : ما رح اطول وأأخركم وعد ..

لينا و ليان يناظروا بعض مندهشات من كمية اللطف في شخصيته ....

وصلت جنان للمستشفى اخيرا و ابوها كان معها .. قابلوا تركي و بطريقة ما قدر يخليها تشوف الريم من خلف الزجاج .... وكان بانتظارهم برى ....

طبعا شافتها وكانت تبكي عليها ....

جنان صوتها راح من كثر البكي : يباا تكفى اسأل تركي عن حاله البنت متى رح تصحا ..

ابو جنان : تعالي رح اسأله قدامك و انتي اسمعي وش يقول ...

جنان : طيب ..

ابو جنان  : تركي ؟!

تركي : تفضل ..

ابو جنان : بنتي تبي تعرف حالة صديقتها و متى رح تصحا ..

تركي : صدقني يا عمي ما ندري .. دعواتكم لها بس ..

ابو جنان : سمعتي ؟

جنان تهز راسها بمعنى ايه ....

ابو جنان : اجل يالله مشينا للحفر الدنيا قربت تصير ليل ..

وصل راكان المستشفى .. سأل عن تركي .. لقى غرفته بس كانت فاضيه ما فيها احد .. و سأل عنه الى ان عرف انه بقسم العنايه المركزه .. وراح هناك يشوفه ... و فعلا شافه من بعيد واقف مع رجال كبير و بنت .. و وقف يناظرهم بالزاويه عند لفه ....

راكان شهق ~ ههئ هـ هـ هذي جنووو !!! اش جابها المستشفى ؟!

للحظه كان رح يركض و يسألها ( نست نفسها ورجعت الريم ) ....

راكان يحس بقلق ع خوف ع صدمه ~ ياربي اش جابها للمستشفى و من طريق سفر ؟ اش المشكله اش صاير ؟ وليه واقفه مع تركي ؟! لا يكون احد من اهلي صاير له شي ؟!! اش الحل اش الحل ؟! كيف اعرف ...

و هو واقف متكتف و يناظر بقلق يفكر بحل .. خلصوا جنان وابوها من الدكتور و مشوا و يقربون منه شوي شوي .. راكان لا شعوريا كان مركز نظره ع جنان ... لدرجة ابوها لاحظ .....

مروا من عند راكان و سمع صوت شهقات جنان واضح انها تبكي ... ما تحمل راكان (الريم) وقال بخوف وقلق .......

راكان : اش فيك تبكين ؟!

جنان ناظرته مصدومه !!!!

ابو جنان ألتفت عليه وهو معصب : انت خير و ش تبي ؟!

راكان تدارك الوضع : ء ء اسف .. شبهت عليكم ...

ابو جنان ما اكتفى باعتذاره لانه كان ملاحظه من قبل و عينه ع جنان قرب منه و مسكه مع ياقته : لا تخليني اشوف وجهك مره ثانيه ...

تركي شافهم وعرف راكان استغرب اش صار وراح لهم : عسى ما شر يا جماعه وش فيكم ؟

ابو جنان ترك راكان : هذا يتحرش ...!

تركي : المعذره يا عم هالولد كان مريض عندنا بالمستشفى و فقد ذاكرته يمكن شبه عليكم لا تواخذونه .. حتى انا شبه علي ..

ابو جنان : قالي انه مشبه بس ما صدقته ..

تركي : لا صادق اعذره ..

ابو جنان : خلاص حصل خير .. يالله عن اذنك ..

ثم اخذ بنته و راحوا .. بقى راكان مع تركي ....

تركي : تعال معي المكتب نسولف شوي ..

ومشوا مع بعض كان راكان وراه بخطوه .. ماشي معه و يفكر ......

راكان مرتبك ~ ليش احس بالربكه و الخوف .. طيب اقول له اني الريم ؟ لا لا ما رح يصدقني .. بس هذي فرصه مثاليه اني اقوله !! .. اكيد رح يعتبرني مجنون .. ما كنت مستعد اني اقول له .. رح اسولف معه و اشوف اذا رح اقول له او لا ... ( ناظر الساعه بيده ) وفوق هذا ما لازم اتأخر ...

تركي : عندك موعد هنا شي ؟!

راكان : هاا ؟! .. لا لا بس .. بس كنت .. ء ء كنت .. كنت ابي اشوف اذا الدكتوره نجوى موجوده او لا ..

تركي : تفضل هذا مكتبي ..

دخل راكان و قعد .....

تركي : ايه و ش تبي بالدكتوره نجوى ؟!

راكان متوتر ومرتبك بشكل واضح : مو .. مو شي مهم بس استشاره ..

تركي باستغراب : طيب ليه مرتبك ؟

راكان : مو .. مو مرتبك ..

تركي ابتسم : تدري ان الدكتوره نجوى خطيبتي ..؟!

راكان هز كتفه بمعنى مدري : لااا ما كنت ادري ..

تركي : زين هذاني علمتك ..

راكان ~ ههه معقول يغار عليها مني ؟!

تركي : وش صار بينك وبين الرجال وبنته اللي قبل شوي ؟!

راكان : ما صار شي .. بس شبهت عليه ..

تركي : انت قبلها كنت مشبه علي انا بعد .. شبهت علي في مين ؟!

راكان ~ بيحشرني بالاسئله !! .. ما اقدر اصرفه .. يعني اقوله هذا افضل حل ...

كانت فعلا رح تبدا الكلام الا انه جته مكالمه ع المكتب ....

تركي : دقيقه بس ..( رفع السماعه ) الو .. ( وقف بسرعه ) يالله جاي ...

راكان ~ وش صاير معه !؟ بس شكلي ما رح اقوله موضوعي اليوم !

تركي : عن اذنك لازم اروح الطوارىء عمليه عاجله .. اشوفك وقت ثاني ..

راكان تنهد براحه ~ الحمدلله انقذني ما كنت على استعداد اني اقوله .. وفوق هذا تأخرت ع البنات : اذنك معك ..

رجع لهم راكان و سوو له سالفه ليه تأخر مع انه ما تأخر كثير بس هم قاعدين يختبرون شخصيته مو مصدقين التغير الكبير فيها .. لذلك يحبون يهاوشونه ع اي شي يتأكدون من شخصيته ....

في مكان ما .. بإحدى الديوانيات .. كانوا مجموعة شباب قاعدين كعادتهم كل يوم تقريبا ... دايما يتجمعون و سوالف ولعب وينبسطون الا هالمره .. متجمعين عشان مشكله كبيره بالنسبه لهم ....

دخل عليهم واحد كان اخر الحاضرين .....

عبدالله قبل حتى لا يسلم : عياااااال شفتوا سنابه ؟ طلع حي ما مات ..

خالد : اهدا يا ابوي اش فيك كلنا شفنا سنابه ..

سعود : ارجع و اقولكم يمكن مب هو اللي منزل السنابه .. يمكن حسابه تهكرر ..

خالد : المشكله احنا اخوياه ما يرد علينا عشان نفهم ..

عبدالله : من يوم يومه متغلي وثقيل ما يرد علينا .. رجع من الموت وشكله نفس ما هو ما تغير ..

عبد العزيز بضيقه : يا لييييل النكبه والله .. !

خالد : اهدا انت الثاني بعد للحين ما صار شي ..

عبدالعزيز بعصبيه : يعني تبيني انتظر لين يصير شي !؟

خالد : وش تبي تسوي يعني ؟

عبدالعزيز : ما ادري بس ماني مرتاح ..

عبدالله : يا عيال خل نقابله اول ثم يصير خير ..

عبدالعزيز : قابله انت لحالك .. انا ما ابي اشوف وجهه ..

سعود : المهم وينه ذا بدر هو جارهم و اكيد عنده معلومات اكيده ...

خالد : يقول بيودي اهله مشوار و ثم يمرنا ..

سعود : دق عليه خله يجي بسرعه ..

خالد : ابشر ..

الاخ بدر طلبت منه اخته انه يوصلها هي و قريبتها الى احد المولات لان سواقهم مسافراجازه .. لما طلع وركب سيارته شاف راكان جارهم طالع من بيته .. هو صح سمع انه ما مات وطلع من المستشفى بس كانت هذي اول مره يشوفه فيها ... لذلك قرر يلحقه يشوف وين بيروح يبي يتأكد هل هذا فعلا راكان .. و وده يشوف ردة فعله اذا تقابلوا ... طبعا لحق راكان و اخته وقريبتها معه .. و وقفوا عند نفس المول اللي وقف عنده راكان .. ناظره الى ان دخل مع اخواته .....

بدر : يالله انزلوا ..

ميهاف : وين ننزل ؟ مو هذا المول اللي نبيه ؟!

بدر : اقول انزلي انتي وهي تبون هنا و لا رجعتكم البيت ..

ميهاف عصبت : استغفر الله لو السواق موجود ما طلبناك تذلنا ..

بدر صرخ : انزلوا اخلصوا ..

ميهاف : يمه اذا عصب ! خلاص نزلنا نزلنا ...

نزلوا و راحوا بطريقهم .. و بدر راح بطريقه يفر المول يدور راكان .. و كان يرسل سنابات لاخوياه بإنه شافه و هو صحيح متعافي ما فيه شي ....

قعد راكان بأحد الكافيهات مع اخواته .....

راكان يناظر المول بكل اتجاه ~ ما شاء الله هالمول كنت احلم ادخله من زمان ! وش زينه يهبل ...

لينا : ما ودك تطلب لنا ؟!

ليان : خليني انا اطلب ما نبيه يتعب ..

راكان ~ مع اني للحين ما تعودت اكلم الناس الغريبه بس ما لازم اخلي خواته يطلبون المفروض انا اخدمهم : لا لا ارتاحوا انا اطلب لكم بس وش تبون ؟!

ليان : ي عمري يا راكان ..

لينا خزتهاا .....

ليان : اش فيك ..؟

لينا : اول مره تقولين له كذا ..

ليان : ههههه مدري طلعت مني بدون لا احس ....

راكان ابتسم : يا حليلكم .. هاتوا طلبكم يالله ...

اخذ طلباتهم ثم قام .....

ليان : يمممه والله صاير يجنن متغير 180 درجه !

لينا : والله شخصيته هذي تخوف ماني مرتاحه ابد ..

ليان : يووه يا حبك للقلق خلاص انبسطي اللحين ..

لينا : اييه زين ..

ثنتينهم كانوا يناظرونه .. لحد اللحظه مو مستوعبين شخصيته الجديده .....

وقف عند مسؤول الطلبات ( الكاشير! ) يبي يطلب .. كان جنبه بدر بعد معاناه لقاه اخيراً ....

بدر : مرحبا ..

راكان ارتبك شوي : اهلين .. اذا .. اذا تبي تطلب تفضل انا من بعدك ..

بدر مصدوم ~ اش فيه كأنه ما عرفني ..؟! غريبه يكلمني كذا .. بالعاده كان يهينني ويرفع صوته علي ! : لا مشكور اخوي تفضل انت ..

راكان : شكرا ..

بدر ~ وبعد يشكرني !! : انت وش اسمك ؟

راكان ~ اش يبي ذا يسأل عني !؟ اقوله ولا اسحب عليه ؟! لا اكيد مفروض ارد عليه لاني راكان مو الريم !! : راكان .. و ... وانت ؟

بدر انصدم اكثر ~ طلعع صدق ما يعرفني ؟!!! وش السالفه !؟ : انا بدر !!

راكان ~ لازم اصرفه و انحاش منه ما ارتحت له : عن اذنك بروح للاهل ..

طبعا بعد ما طلب و خلص رجع لاخواته ...

ليان : ما شاء الله اش هالصدفه ..

راكان باستغراب : اي صدفه ؟!

ليان : انك قابلت بدر ولد جارنا .. ليه انت ما عرفته ؟!

راكان ~ وانا اقول وضعه غريب ليه ما قالي انه ولد جارنا ؟! : لا والله ما عرفته ..

لينا : هففف من جدك ليون ؟! .. اكيد مارح يعرفه و هو فاقد ذاكرته ..

ليان : ايييه صح هههه ..

لينا : اتوقع بدر مو مبسوط ان راكان حي ..

راكان : ليييش ؟!

لينا : يوووهه يا كثر ما أهنته بسنابك ..

راكان انصدم : كييييييف ؟!!!

ليان : يبي لنا قعده ونعلمه عن كل بلاويه ..

لينا : اي والله ..

راكان : قولوا لي اللحين احنا فاضيين ..

ليان : شوف طلبنا خلص جيبه اول و بنقولك كل شي ...

نرجع لاستراحة الشباب... بدر جااهم ركض ....

بدر : شفتوه ارسلت لك مقطع عنه بسناب ...

خالد : عساه ما انتبه انك تصوره ؟ والله ما يرحمك ترا ..

بدر : لا معليك ما انتبه لشي ..

عبدالله : ايييه تقول انه ما تذكرك ..

بدر : لا والله ما ذكرني ولا عرفني وتعامل معي بطريقه غريبه ..

عبدالعزيز : كيف يعني ؟

بدر : يشكرني و يتكلم بأخلاق ماهو طبعه ذا !!

سعود : هييييه لا يكون الولد فاقد ذاكرته ..

بدر : والله مدري علمي علمكم ..

خالد : تكفى يا بدر جيب لنا العلم ..

بدر : ابشروا والله اي معلومات تجيني عنه بوصلها لكم ..

عبدالله : تتوقعون بيداوم معنا ..

سعود : والله ما ودي ..

عبدالعزيز : يا عيال بديت اخاف ..

سعود : وش فيك انت للحين ما صار شي ..

عبدالعزيز : ايه مب انت اللي مسوي المصيبه ولا ما كنت هادي كذا .. انت الراس المدبر شوف لي حل ..

سعود : انا قلت لك خل كل شي علي .. خلنا نتأكد وش وضعه اول ثم نشوف له حل ..

خالد ابتسم : تحمسسست لشوفة راكان ..

عبدالله : اشهد انك فاضي ..

خالد : اش فيك انا يده اليمين صاحبه اللي ما ينساه ..

عبدالله : والله محد انبسط بصحبته غيرك ..

سعود : ايه مدلعه اخر دلع ..

خالد : كل شي بحسابه .. انا اونسه و انفذ اللي يبيه و هو يدلعني يعطيني اللي ابي ..

سعود : وليه تخونه طيب ؟!

خالد : علمتك من اول ما احب احد يسوي انه الكل في الكل ع راسي .. ويتحكم بالناس بفلوسه .. كنت احبه لكن كرهني فيه باسلوبه .. لدرجة اخر ايامه كنت ما اطيقه شايفنا ألعاب عنده يتسلى فينا مو اوادم ..

عبدالله : اي والله صدقت .. كنت احسبه خويي ما توقعته يتسلى فيني ويضحك علي الناس ..

بدر : انا ولد جارهم و من طفولتي اعرفه ياهو ذلني ذل والله ما انساها له و لا بسامحه ..

سعود : انا يكفيني انه ما يمر يوم الا ويرسل علي ناس تهيني وتهين اهلي ويعتدوون علي بعد و كل ذا عشان اهلي ما سددوا دين ماخذينه من عايلته .. نسى اني خويه من زمان واعمت عيونه الفلوس ..

بدر : هو صح من عرفناه كلب لكن الاستكلاب عنده زاد لدرجه محد يتحمله ..

عبدالعزيز : شفتوا انه يستاهل يموت  .. محد كان يحبه شايف نفسه ع العالم انه اقوى واحد ومحد قده ..

ملاحظه : بدر و سعود و راكان وخالد اصدقاء منذ الطفوله .. بدر ولد جيرانهم و سعود ابوه يشتغل في شركة ابو راكان تعرف عليه بالابتدائي .. أما خالد معرفة عايلته بعايله راكان تمتد من اجيال ايام اجداد اجدادهم كانوا مثل الاخوان .. و صاروا الرباعي اصدقاء .. اما بالنسبه للبقيه عرفهم ايام المتوسط .. عبدالعزيز كان صاحب سعود وسعود عرفه ع راكان .. و بدر كان صاحب عبدالله و بعد عرفهم ع راكان ومن هنا بدت تزيد المشاكل ......

رجع راكان و اخواته للبيت ....

راكان : بنات !

ليان ولينا : ؟؟؟!

راكان : لا تعلمون امكم اني رحت المستشفى رح تقلق ع الفاضي ..

ليان : ان شاء الله ما رح نعلمها  ..

لينا : تراها امك زي ما هي امنا !

راكان ابتسم : ايه .. عن اذنكم بروح غرفتي ارتاح احس اني تعبت ..

ليان : سلاامتك ..

راكان : الله يسلمك .. >> كان رايح .....

ليان نادته : ريكووو !

راكان لف عليها مستغرب : تقصديني ..!؟

ليان ابتسمت كانت مره مبسوطه : اييييييه .. شكرا لك ع الطلعه الحلوه اول مره استانس معك كذا ...

راكان رد الابتسامه : العفو ولو .. >> و كمل طريقه لغرفته ..

لينا تناظرها و تخز : الحمدلله و الشكر ..

ليان : اش فيك انتي طايحه خز فيني من اليوم !؟

لينا : مادري اشوف اسلوبك متغير معه !!!

ليان : لانه هو اسلوبه غير ... يااا ربي صاير يجنن .. صرت احبه والله ..

لينا : صدق انك خبله !

ليان : انتي خليك في نكدك انا ب انبسط مع اخوي الجديد هههههه ..

لينا : اخوك الجديد هاه !؟ اي والله انك خبله الله يخلف عليك !

اليوم التالي ..كان يوم عزيمة الاهل .. يتحمدون لراكان بالسلامه .. راكان كان رافض يقابلهم لانه مو متذكرهم اساسا ( يعني م تعرفهم) .. بس اقنعوه اهله لو بس يسلم ع الضيوف عشان ما يزعلون ......

ام راكان : يالله حبيبي راكان صرت جاهز ..؟

راكان : ايه لبست الثوب و الغتره .. بس ما اعرف اضبطهم صح !

ام راكان : اقعد ع سريرك انا اضبطها لك ..

راكان ~ ما شاء الله اش هالام حتى تعرف تعدل الغتره بعد !

ام راكان : ناظر المرايه اللحين صرت جاهز ..

راكان : مشكوره ..

ام راكان : ما شاء الله اش هالزين .. والله انك تهبل .. اقرا ع نفسك يمه ..

راكان ابتسم بخجل ~ مدري ليه حسيت بخجل ! بس صدق الولد يهبل ! : ان شاء الله ..

ام راكان : يالله اللحين باخذك تسلم على خالاتك و عماتك .. بعدها تروح للرجال تسلم عليهم ..

راكان : كم خاله عندي و كم عمه ؟؟

ام راكان : عندك خالتين و ثلاث عمات و عم واحد وما عندك خوال للاسف .. الرجال رح يكونوا قليل لا تقلق ..

راكان : ان شاء الله ..

واخذته عند خالاته و عماته .. سلم عليهم وعرفته عليهم .. ما قعد معهم الا خمس دقايق ثم طلع من عندهم متوجه لمجلس الرجال .. واثناء خروجه وبالتحديد بالحوش سمع صوت غريب يناديه .....

**** : رااااااااكاااان !!

راكان ألتفت وراه يشوف مين ما شاف احد : مين ناداني ؟!

**** ~ ناديته و خفت بعدين وتخبيت ورى الجدار .. اش هذا ما اقدر اكلمه .. ع كثر ما سمعت عنه من خواته و انه يخوف .. كنت اخاف اكلمه بس لما دخل غيبوبه ندمت وقلت ياليت كلمته .. و خططت لكل شي الى ان وصلت للحظه المناسبه اللي اقدر فيها اكلمه .. بس احس بوجع ببطني وخوف مو طبيعي و ترددت قلبي بقوه ينبض .. احس ما اقدر اكلمه لاء لاء مررررره متوتره ....

طبعا لاحظ راكان ان فيه احد ورى الجدار .. توجه باتجاهه حتى يشوف مين هذا اللي ناداه ....

راكان باستغراب : مييييييييين ؟!

**** بصدمه : هــــــئ ...

انتهـــى البارت ..

-         توقعاتكم مين الشخص ؟!