سلطان توتر ~ ان شاء الله م يكون شافني اكلمها ان شاء الله م يكون شافني اكلمها ..

مشى سلطان وابتعد شوي عن الريم .. وخالد كان متجهه له .....

خالد مسوي نفسه مصدوم : سلطاااان!! انت وش تسوي هنا ؟! اذا جاي عشان راكان ترا طلع من امس ..

سلطان : هاه .. لا لا عندي علم انه طلع وحتى كلمنا نجي بيته نفطر معه والعيال عنده اللحين ..

خالد عصب ~ الريم ي الريم وش سويتي من وراي ؟ وش هالاصرار على انك تجيبينهم البيت اووف منك ي الريم اوف بتجلطني ..

خالد : اهاا .. اجل وش عندك هنا ؟

سلطان : م اعتقد انه شي يخصك!

خالد : كأني شفتك تكلم البنت اللي قاعده هناك!

سلطان ابتسم : واذا؟ برضو م يخصك .. بس عشانك ملقوف وعشان ترتاح هي نادتني وسألتني عن شغله وانا جاوبته وبس هذي كل القصه ..

خالد ~ ايه ويكذب عيني عينك .. اللحين اشوف وافهم وش علاقتك بالريم بالضبط ..

خالد : ايييه طيب .. اذا انت مريض او فيك شي علمني..

سلطان : لا الحمدلله .. واضح الفضول عندك الا تعرف ليه انا هنا .. جاي ازور واحد من جماعتنا شفته امس هنا بالصدفه .. واذا خلصت تحقيقك بمشي ..

خالد : شدعوه ي رجال مافيه أي تحقيق .. قلت اتطمن بس لما شفتك هنا ..

سلطان : وعلى الطاري انت بعد وش تسوي هنا ..؟

خالد : راكان نسى كم شغله بغرفته امس وطلب اجيبهم ..

سلطان : زين اجل اخليك ..

خالد : الله معك ..

كمل طريقه وراح قعد جنب الريم .. بس كان بينهم مسافه كرسي .....

( رح اكمل المحادثه باسم راكان بس جسديا الريم ) ..

خالد : شلون صرت ي راكان ؟ طمني عليك وهل تقبلت وضعك ولا لسا ؟

راكان ابتسم : أي وضع اللي تتكلم عنه ؟! انت مستوعب اني بنت!! ترا للحين م استوعبت ومستحيل اتصرف او أتكلم وكأني بنت!

خالد : راكان تكفى تحمل .. لا تصعب حياه البنت ..

راكان شال النقاب ههههه وناظره : ماشاءالله واضح صرت قريب منها مره بغيابي!

خالد ذاب في عيونها وملامحها ارتبك من شاف وجهها : را .. راكان (غطا وجهه) لا تشيل ذا (يقصد النقاب) .. مقدر اتحمل ..

راكان بخبث : م تقدر تتحمل ايش بالضبط ؟!

خالد انحرج : يعني اقصد بعد كل شي اللي قدامي بنت ..

راكان : اعترف .. انت وش بينك وبينها ؟!

خالد : مااافي شي .. انا اساعدها على انها تدير حياتك .. حياتك ماشيه وتعرضت لمواقف كثير بسببك بس طلعت منها .. ماتبي هي منك شي اللهم لا تصعب حياتها عشان لا رجعت لاهلها يكونون نفس م تركتهم ..

راكان : وش تبيني اسوي يعني مو ذنبي اني صرت هي !

خالد : ولا ذنبها انها صارت انت .. مثل م اتفقنا اقبل كل شي منهم و اذا فيه شي م عجبك اسكت ..

راكان : لاحظ انك قاعد تتجرأ و تتأمر علي .. مو انت اللي يعلمني وش اسوي .. دام حياتي تغيرت غصب عني بعيشها بقوانيني انا .. واقطع الموضوع ولا بيحصل شي مب طيب ..

خالد نزل راسه : اسف طال عمرك والله مب القصد اني اتجرأ .. كل الموضوع اني ابي اساعدك لا اكثر ..

راكان : لا تساعدني انا اقدر اساعد نفسي .. اهتم باللي اخذت حياتي لا تخرب حياتي عشان م اهدم حياتها فوق راسها ..

خالد : صحيح هذا وش يبي منك شفته يكلمك (يقصد سلطان) ؟!

راكان : م اعرفه ولا فهمت وش يبي بس جاني امس الغرفه وجا اليوم شكله يعرف البنت ..

خالد : لازم اعرف موضوعه بالتفصيل بس مافي وقت ..

راكان : م اشوف انه مهم ويستحق ..

خالد طلع كرت من مخباه : ابي اعرف منك كل شي و رح اعلمك بكل شي بس لازم نتقابل .. خذ الكرت فيه بيانات التواصل معي .. كلمني ب اقرب فرصه ...

داهمتهم سمر وشافتهم من بعيد يتكلمون ......

سمر تناظر خالد بحقد : خير اخوي اش تبي من أختي ؟

خالد وقف بيمشي : اسف كنت اسأل عن شي ..

سمر : قلوا الممرضات والدكاتره والامن والاستعلامات عشان تجي تسأل اختي .. نوعيتكم ذي نعرفها زين ..

خالد ~ اش فيها ذي تبي مشاكل : والله اسف هذاني رايح ..

بعد ما مشى ....

سمر : ريمووووه هذا مين!؟

راكان : م اعرفه سأل عن دكتور م اعرفه وبس ..

سمر : وش عطاك طيب؟ شفته عطاك شي ..

راكان : منديل.. ورميته ..

سمر : حقييير اكيد حاط سنابه .. ما ماتوا هالاشكال..

راكان : ههههههههههه كفو وقفتيه عند حده ..

سمر : يوووووه يعني لا تشوفيني كذا والله ياني متتت بس حاولت اصير كذا قويه قدامك ..

راكان باستغراب : ليييش؟!

سمر : تعودت ادافع عنك .. ياربي نسيتي كل انجازاتي معك صح ..

راكان : والله انا م اعرف عن حياتنا أي شي ..

سمر : ي الله لهالدرجه ..!

راكان : يعني مثلا مين أكبر انا ولا انتي ؟

سمر ابتسمت : لا انتي اختي الكبيره الحلوه ..

راكان : دام اني الكبيره مفروض انا اللي ادافع عنك صح ولا لا ؟!

سمر : لا انتي لطالما كنتي حساسه ورقيقه .. وحنونه و م تزعلين احد .. تخافين تكسرين خواطر الناس وتسمحين لهم يأذونك .. ولانك كذا انا انقهر وادافع عنك بدالك .. وعادي ترا انا حابه اتصرف كذا ..

راكان : رح اعطيك وعد .. صار دوري أكون انا اللي ادافع عنك ..

سمر : وااااااو حبييييت .. طيب م قلتي لي اش صار بالفحص؟

راكان : كله تمام رح يكتب لي خروج .. خلينا نطلع من المستشفى..

سمر : يالله نمر امي ونقولها .. بعدين نشوف تركي اذا فاضي يوصلنا ..

راكان : يا الله لسا بننتظر !!؟؟؟

سمر : مو كثير .. أقول تصدقين بعد تفكير .. الولد اللي تكلم معك حسيته مُز اوووف يجنننن مرره حلو ..

راكان : ههه تراني احلا منه .. لدرجه البنات ينجون علي ..

سمر تسلك : هههههههه ايه ايه ماشاءالله انتي ملكة جمال لدرجه بنات وعيال يخقون عليك ..

راكان : أتكلم جد!

سمر : ههههههههههههه امشي امشي بس ..

نرجع لبيت اهل راكان ... خلصت كل السوالف ولا وصلت الريم للسالفه اللي هي تبيها .. تبي تعرف عن حياته بس ماهي عارفه كيف تسأل ..

( رح اكمل المحادثه باسم الريم بس جسديا هو راكان) ..

الريم توترت اكثر : كان ودي اسألك عن شي..

عمر بفضول : تفضل اسأل ..

توها بتتكلم الا ويزيد طلع .....

يزيد : اووووف وش هالحمام الفخم ..

عمر : ههههه نعيما نعيما..

يزيد : ينعم عليك .. ماودك تأخذ شاور دافي ..

عمر يتثاءب : لا والله احس اني م شبعت نوم ..

الريم : معليش انا ازعجتكم من الصباح عشان تجون عندي ..

عمر : لا ابد والله بالعكس انبسطت باتصالك ..

الريم : اجل اخليكم يعني ترتاحون وتنامون ..

عمر : بس كنت بتسألني عن شي ..

الريم : ء ء يعني مب شي مهم .. عادي نتكلم بعدين..

عمر : تمام تمام ..

الريم : يالله عن اذنكم ..

بعد ما راحت ......

يزيد : ها بشر وش تكلمتوا فيه ؟ علمته بنقعد عنده أسبوع؟

عمر ابتسم : والله وعلمته .. و وافق حتى انه كان مبسوط ..

يزيد استانس : احلللللف .. بنقعد بهالقصر أسبوع كامل .. اكلين شاربين ي لبيه بسسس .. الحمدلله اللي وافقتك وجينا الشرقيه..

عمر : شفت كيف علمتك انه صييييده ..

يزيد : صحيح م قلت لي انت وين متعرف عليه ؟!

عمر : هو جاني ضافني بسناب ..

يزيد : غريبه والله !

عمر : ليه غريبه؟! انا ناشر سنابي بكل مكان ..

يزيد : ما ادري احس في شي غريب .. يعني م عرفك الا من سناب .. واستقبلك ببيتهم ..

عمر : م اشوف أي شي غريب بالموضوع.. اقولك بروح انام نبي نجدول على حسابه بالليل ..

يزيد : وانا بعد باخذ غفوه ..

عمر : يالله يالله ..

من الجهه الثانيه بالبيت ....

ليان : ترا كنا سهرانين و مسكنا راكان بعد صلاه الفجروهاوشنا .. خلاص انتهت الحفله م تبين تنامين ؟!

لينا : وشلون انام وانا ذابحني الفضول عن الناس اللي جايبهم .. تتوقعين امي وابوي يدرون عن ضيوفه ؟!

ليان : ههههه من متى راكانوه يضرب لاهلنا حساب ..

لينا : صادقه .. حتى لو دروا م رح يسوون له شي ..

طبعا كانوا قاعدين بالصاله ويحشون .. ودخل عليهم راكان ...

راكان : ماشاءالله صاحيين! ع بالي نمتوا ..

لينا : شلون ننام وانت عندك ضيوف!

راكان باستغراب: وش دخل م فهمت ..

ليان : تقصد ان هالشي يصير اول مره ..

راكان : اهااا .. هذاني استضيف خالد واكيد استضفت اصحابي قبل بس ماني متذكر .. يعني ليش علقتوا على هذول ..

لينا : نو نو خالد م تسمح له ينام هنا يجيك زياره ويروح وكذا باقي اصحابك .. بس هذول جايبهم من الفجر وحاطهم بالملحق كنهم بينامون عندنا هذا الغريب ..

ليان مصدومه : يوووه من جدك مستحيل ينامون!

راكان : من قال مستحيل .. رح ينامون عندي لاسبوع ..

لينا : ششششفت هذا اللي صادمنا .. من يكونوا هذول ابي اعرف .. يعني ليه مره تعزهم!؟

راكان : مو كل شي لازم تعرفونه.. عن اذنكم انا تعبان وابي ارتاح وانام شوي ..

لينا : تكفى تكفى علمني .. من هذول ؟؟!

راكان: ي لييييل ..>> سحب عليهم وراح غرفته ..

لينا : ايه ايه اهرب اهرب .. رح اعرف بنفسي ..

ليان مسكتها من ذراعه : اش فيك مب صاحيه!؟ شلون تعرفين بنفسك؟

لينا : رح تشوفين ..

في المستشفى وافق الدكتور يطلع الريم .. أهلها كانوا مبسوطين بقومتها بالسلامه.. طبعا تركي استأذن من دوامه واخذهم للبيت ....

تركي : الريم لا تنسين الدكتور قال ارتاحي بفراشك ولا تتعبين نفسك..

راكان لا رد ....

سمر : يالله انزلي وصلنا ..

ام تركي : يالله ي بنات ..

تركي : يمه برجع الدوام.. اذا احتجتوا شي كلموني..

ام تركي : انتبه لنفسك ربي يحفظك ..

دخلوا البيت ......

( رح استمر بالمحادثه باسم راكان لكن جسديا هي الريم) ...

سمر : تعالي تعالي غرفتنا ..

راكان مصدوم : غرفتنا؟؟؟؟!!!!!

سمر : ايه اش فيك ؟!

راكان : ابي غرفه لحالي ..

سمر : شدعوووه صرتي تكرهيني اللحين وماتبيني معك ولا وشو؟

راكان بارتباك : لااا .. مو القصد .. بس انا .. وانتي م ينفع ....!

سمر قاطعتها وسحبتها للغرفه : تعالي تعالي بس .. غرفتك وسريرك كلهم اشتاقوا لك .. (تفصخ عباتها) واحنا بعد اشتقنا لك ( وتضمها وتبكي ) لو صار لك شي كنت رح اموت ..

راكان ساكت ومنحرج هههههه ..... بعدين ابعدها عنه ..

سمر تمسح دموعها : اش فيك صايره تنحرجين مني ههههه!؟؟

راكان : م م م ما تعودت ..

سمر : مو ما تعودتي بس ناسيه..( وتفصخ عباه الريم وتقعدها ع سريرها) ايوووه كذا لازم ترتاحين ..

راكان : طيب ابي ابدل هالملابس مضايقتني .. ابي بنطلون وتي شيرت ..

سمر : هههههههههه من جدك ! ولا تمزحين ؟

راكان : امزح ليه ؟!

سمر : م تحبين تلبسين بناطيل عشان كذا استغربت ..بس ولا يهمك بعطيك من عندي ..

راكان : عطيني أي شي مريح ..

سمر : ابششري .. صح لا تنسين كلمي جنان نسيت اقولها من الفرحه .. بس انتي كلميها اذا سمعت صوتك رح تستانس .. ويمكن بعد تجيك طايره من الحفر ..

راكان : مين هذي جنان؟!!!

سمر : هذي صديقتك الروح بالروح ..

راكان : اوك بس عطيني جوالي ..

سمر ~ جوالها مليانه صور هذاك اللي م يتسمى .. واللحين فرصه فقدت الذاكره .. ابيها تنساه مابيها تشوف صوره وترجع تتذكره .. لازم بطريقه ما احذف صوره من جوالها واي شي له علاقه فيه ..

سمر : طيب اسمعي انتي بدلي اللحين وارتاحي .. بعدها نتغدا لان امي تجهز الغدا ثم اشوف جوالك وين ..

راكان : ماشاءالله يعني مضيعه جوالي!!!

سمر ~ لازم انتظرها تنام عشان افتحه ببصمته واحذف : ناسيه وين حطيته بس الا ما ألاقيه ولا يهمك يعني ..

راكان : طيب اوك ...

سمر : خلاص انا بقول لجنان انك صحيتي ..

راكان ~ على أساس اهتم ابي الجوال بس عشان اتواصل مع خالد .. ي ليييل وين القاه اللحين .. مقدر اتواصل معه من جوال سمر فيه مخاطره ....

كلمت جنان وعطتها البشاره ... جنان م صدقت الا حتى تسمع صوت الريم بنفسها ....

سمر : ريمووه كلمي جنو تبي تسمع صوتك ..

راكان : م اعرفها ..!

سمر : لا يهمك علمتها انك م تذكرين ..

راكان : ي لييييل ..

سمر تقعد جنبها ع السرير وتحط الجوال ب اذنها : يالله يالله كلميها .. لا تموت علينا ههههه ..

جنان كاتمه بكيتها : "الووو .. الوو الريم؟؟؟"

راكان : "هلا ..!"

جنان : "ريموووووووه الحمدلله ع سلامتك (م تحملت بكت) خفففتتتت عليك مره .."

راكان بدم بارد : " الله يسلمك .."

جنان : " ليتني قريبه كنت جيتك وشفتك بعيوني وضميتك.."

راكان يتحلطم بهمس ~ تعبت من كثر م تضمون يعني خلاص خلااااص!

جنان : " الووو ريموه وين رحتي؟ "

راكان : " ابي اروح ارتاح اذا ممكن .."

جنان : " طيب يا روحي ابشري بس تكفين خاطري اكلمك فيديو ابي اشووووفك .."

راكان : " وقت ثاني.. تعبت برتاح .." >> شال الجوال عن اذنه وعطاه سمر ..

سمر اخذته وكلمتها كانت تبكي : " جنو بسم الله اش فيك؟ لا تبكين! .."

جنان : " م تحملت انها م تعرفني .. المهم بكره ان شاء الله اجيكم ابوي مو موجود اليوم ولا كنت جيت .."

سمر : " ولا يهمك حياك الله بأي وقت .."

قفلت منها وراحت للحمام ....

سمر تناديها : ي بنت تعالي جهزت لك الحمام والملابس ..

راكان وقف قدام المرايه ~ والله البنت مو هينه جسم وجمال .. ههه يعني انا أملك هالجسم اللحين!!! امممممم ...

سمر م ردت عليها ورجعت للغرفه .. ناظرتها وهي واقفه قدام المراية : اش فيك لا يكون نسيتي شكلك بعد ؟!

راكان : لا بس أقول اسم الله علي وش هالجمال!

سمر : ههههههههه اهههخخ بدينا بشوفه الحال ..

اخذت شاور وبعدها تغدوا وكلن راح ينام ويرتاح .. وسمر كانت عينها عليها تنتظرها تغفى عشان تفتح الجوال ببصمتها .....

سمر تنهدت براحه : هففف أخيرا نامت .. >> وتطلع جوال الريم من تحت سريرها كانت مخبيته هناك .. قربت شوي شوي .. مسكت يد اختها وفجأة......

راكان سحب الجوال من يدها وسحب يدها وقعدها عنده وقعد : مسكتنتتتك! وش ناويه عليه هاه؟!

سمر انفجعت : يممممه وش صحاك!!!؟

راكان يناظر الجوال : هذا جوالي صح .. تبين تفتحينه يعني .. فهمتك ليه تسوين كذا ؟!

سمر : مافي شي عطيني إياه بس شوي بليييييز ..

راكان : لا هذا جوالي ليه اعطيك إياه !!؟

سمر حاولت تاخذه بالقوه : عطيني عطيني فيه أشياء ابي احذفها وبعدين اعطيك إياه ..

راكان : مسسستحيل .. وريني هالاشياء اللي تبين تحذفينها ..

سمر بحزن : تكفين عطيني .. مابيك تزعلين .. ولا ابيك تتذكرين ذكريات مب حلوه ..

راكان حط يده ع كتفها : انا تغيرت م رح يهزني شي .. لا تخافين علي .. وبعدين مارح أتذكر أي شي لا تخافين ..

سمر : شلون مارح تتذكرين ؟! ابي ذكرياتك ترجع .. بس مابي الذكريات الحزينه ترجع لك ..

راكان : طيب علميني اش هي هالذكريات الحزينه ؟ ولا بفتح الجوال واشوف بنفسي ..

سمر : اوك .. بس اوعديني م تزعلين ولا تتضايقين ..

راكان : مارح ازعل او اتضايق ع شي م اذكره .. وعد ..

سمر : طيب .. كنتي تحبين شخص صوره موجوده عندك .. كنت ابي احذفها مابيك تتذكرينه .. لانكم افترقتوا من زمان ..

راكان ضحك : ههههههههههههههههههه كل هالقلق وبس هذي هي السالفه!؟

سمر مصدومه : شلون يعني السالفه تضحك؟!!

راكان : إيه تضحك تضحك .. انا احب؟؟؟! سابع المستحيلات..

سمر : امممم ماشاءالله حبيت هالتغيير ..

راكان : خليني اشوف وش هببت فيه هالبنت ..

سمر باستغراب : م فهمت أي بنت؟!

راكان : ههههههه اكلم نفسي ..

سمر : مو طبيعيه ..

راكان : يالله يالله روحي نامي .. بشوف جوالي شوي ..

سمر : طيب وانتي بعد نامي لك شوي وارتاحي ..

راكان : تعبت من كثر النوم معليك انتي نامي ..

سمر .. طيب طيب تبي تصرفني بس..!

طبعا فتش الجوال من والى فهم قصة الريم كلها من ملاحظاتها وشاف الصور وصور لبعض المحادثات .. فهم كل شي .. وبعد ما شاف كل هذا اخذ رقم خالد اللي عطاه إياه وبهدوء طلع من الغرفه ثم طلع للحوش و دق عليه ....

دق عليه مرتين ما رد ...

دق عليه الثالثه أخيرا رد ....

خالد : الوو !

راكان عصب : مابغيت ترد؟!!

خالد م عرف الصوت : مين معي؟

راكان : اييييه بعد م صار صوتي ناعم طبيعي م تعرفني .. انا راكان سجلني عندك ..

خالد ابتسم : راكان! يعني هذا رقم الريم ؟

راكان : عسى م شر كنك انبسطت؟

خالد : لا يعني .. أقصد ..

راكان قاطعه : اسمعني انت وين؟

خالد : بالبيت والله .. طمني عنك انت بخير؟ محتاج شي ولا شي؟

راكان : ايييه محتاج ارجع لحياتي اذا تقدر ترجع لي حياتي استعجل بالله ..

خالد : لازم نتقابل ونتكلم ..

راكان : نتقابل اللحين ليه لا .. وابي اشوف البنت اللي سرقت حياتي جيبها معك ..

خالد : انت متأكد انك تبي نتقابل اللحين؟ طيب اهل البنت شلون؟ م اعتقد يسمحون لك تطلع تقابل شباب 😅؟

راكان : شكلك نسيت انت تتكلم مع مين .. نتقابل بمطعمنا المعتاد بعد ساعه .. تعال قبلي بوقت عشان تدفع للسواق م عندي ولا قرش .. وجيب بطاقاتي البنكيه .. تغيرت حياتي بس لازالت الفلوس فلوسي ..

خالد : ابشر طال عمرك ..

راكان : يالله نلتقي هناك ..

بعد ما قفل منه ع طول دق ع الريم عشان ياخذها معه .. بس للأسف كان الجوال مقفل .. واضطر يروح بيتهم ياخذها ....

اما في البيت الريم كانت نايمه وجوالها خالص شحنه و م انتبهت .. بس اخوات راكان كانوا يخططون لشي ثاني .. قالوا للشغاله بس تلمحين احد من أصحاب راكان طلع برا الملحق ع طول علميني .. وهذا اللي صار شافت واحد منهم برا و ع طول قالت لهم .....

لينا تلبس عباتها : انا بروح اكلمه .. انتي ناظريني من بعيد .. واحتياط صوري عشان لا تجرأ وسوا شي ..

ليان : احس مستحيل اكيد أصحاب راكان زينين ..

لينا : م يندرى بس اللحين بنشوف ونتأكد .. طليت عليه من بعيد اشوف شكله واضح انه هيلقي قاعد يصور بيتنا من اليوم ..

ليان : ههههههههه كيف تعرف عليه راكان؟!

لينا : والله علمي علمك .. نتعرف عليه ونشوف وش وضعه ..

ليان حست بتوتر ثم مسكتها من ذراعها : والله افكر و أقول شرايك تكنسلين .. أخاف راكان يدري ويسوي سالفه ..

لينا : يووووه ي ليون للحين تخافين من راكان ؟! راكان متغير لا تخافين منه .. مارح يسوي شي ..

ليان : صدقيني فضولك هذا بيوم من الأيام رح يودينا بداهيه ..

لينا : تكفين خلاص مواعظ .. خل اروح اشوفه قبل يدخل بس ...

ليان : غطي وجهك لا يشوفك ..

لينا : مافي داعي ي روحي هذا بعد اختبار له نشوف وضعه ..

ليان : يا الله ! ياربي استر ..

وطلعت برا توجهت صوبه مسويه كنها طالعه وصادفته بالغلط .. وزي م اتفقوا ليان وراها وتصورهم من بعيد بدون لا ينتبه ...

كان قاعد بالحديقه ع احد الكراسي وقدامه طاوله .. متكي ع جواله مستكن وكل شوي يصور ويرسل .. ومعطي ظهره للبيت .. ولينا جت من وراه ...

لينا بصوت دلع : هاااااي!

انخرش هو وبسرعه وقف من مكانه لف عليها .. بس شافها ارتبك وارتكب اكثر من جمالها : ء ء اهلين ..

لينا : كنت تالعه ولمحت شخص غريب ب القاردن .. قلت اشوفه .. who are you?

عمر : اسف اسف .. انا عمر .. صاحب راكان .. رح ادخل داخل اذا يضايقك وجودي ..

لينا : نووووو I didn't say that .. دامك صاحب راكان اخوي وحبيبي 🐍 .. حياك الله .. ممكن اقعد معك شوي ..

عمر مصددوووم : هاااه؟ احلفي؟ نظامكم الوضع خليطي يعني؟ نقعد مع بعض وكذا .. لا لا عيب ي بنت ..

لينا ~ ههه اول اختبار اجتازه مو حق بنات : اوووكييه .. كنت ودي اتعرف عليك اكثر ..

عمر : ء ء اذا .. اذا حابه ممكن اضيفك سناب ..

لينا : ok great!

عمر يفتح ع سنابه : تفضلي هذا هو ..

لينا تطلع جواله : تمام .. done ..

عمر شاف اسمها بسنابه : اسمك لينا! والنعم فيك .. اسمك حلو .. مثل عيونك..

لينا ~ للأسف حق بنات تسرعت بالحكم بس كان مسوي ذرب : ثااانكيو .. وايه انا لينا اخت راكان ..

عمر : والنعم والله والنعم .. ماشاءالله ( قاعده يناظرها مو قادر يشيل عينه عنه ) ..

لينا ~ يععع وش دا خير احس اكلني بنظراته .. اول مره يشوف بنت ولا وش وضعه؟!

لينا : يالله عن اذنك ..

عمر مبتسم لا شاقه حلقه الابتسامه : اذنك معك (بصوت واطي قال) ي عمري والله ..

لينا ~ وششش ذا الناس من وين عرفه راكان ؟! واضح انه كريه وحق بنات بس من تحت .. يع م ارتحت له .. رح اكلمك سناب ونعرف وش وضعك ..

بعد عدة دقايق وصل خالد بيتهم .. وهو داخل شاف عمر قاعد بالحديقه برا .....

خالد ~ ماشاءالله ماخذ راحته الأخ .. الله يهديك يا الريم الا تسوين اللي براسك وتجيبينهم عندك !! .. >> توجهه صوبه ..

عمر انتبه له و هو جاي صوبه .. ف توجه له : اهلين خالد ..

خالد : ماشاء الله اشوفك صرت هنا .. وش صار ع الفندق ما عجبك؟

عمر : هههههه لا والله انه زين وانت وافي ما قصرت .. لكن حبيبنا راكان أصر الا نجيه البيت ونقعد عنده .. وحنا ما رديناه بعد ما أصر..

خالد ابتسامه تسليكيه : تقولي أصر اجل .. ايه طيب الى متى قاعدين هنا ..؟

عمر : والله شوف .. كنا بنمشي بكره .. بس طلب راكان نقعد عنده .. ودامه مبسوط قررنا نقعد الأسبوع كله ..

خالد ~ لا لا ذا بجيح عيني عينك .. : أي طيب وينه راكان ؟

عمر : اظنه داخل .. ما ادري وين صار اللحين من شوي صحيت وهو مب فيه .. ولا حبيت ادق عليه وازعجه ..

خالد : حتى لو دقيت جواله مقفل .. بروح اشوفه ..

عمر : أي والله ناده خل نطلع وننبسط ..

خالد تنرفز ~ ايييه ويبي كل شي ع حسابنا .. خل أصيدك بس ي الريم ما رح اتركك لين تعلميني وش وضعك مع هذول ..

دق باب بيتهم فتحت له الشغاله ....

خالد : راكان وينه ؟

الشغاله : سليب ..

خالد : سوي طريق بروح اشوفه ..

الشغاله : اوكيه ..

صعد له غرفته على طول .. لقاه فعلا نايم .. قعد جنبه ويصحيه بهمس ....

خالد : الرييييييييم ! الريم ي بنت اصحي ..

الريم فزت لما لمس شعرها : بسسسسسسم الله .. ( بعدت عنه ) وش تسوي عند راسي انت ؟!

خالد ابتسم : ههه اش فيك خفتي ؟!

الريم : ما خفت .. بس لا تقرب مني كثير ..

خالد : تصدقين ي الريم طلعتي حلوه حيييييييييييل .. مقدر انسى عيونك وملامحك ..

الريم مصدومه : انتتتت سشفت راكان ؟

خالد : ايه قعدت معه و تكلمت معه .. تمنيت كثير تمنيت ترجعين لجسدك عشان اقدر اعبر لك عن ......

الريم قاطعته : كلامك فاضي و سوالفك مالها داعي .. وبعدين شلون تشوف وجهي ؟ ما كان مغطيه ..؟

خالد : هههههههههههه صدقيني مارح يتحمل الغطا ..

الريم بخوف : تكفى لا يسوي شي غلط .. اخواني بيذبحونه والله م يسلم ..

خالد : مارح يسوون شي لا تخافين ..

الريم : لا تكون واثق لهالدرجه : اخواني واعرفهم !

خالد : وانا اعرف راكان م يقدرون يسوون شي .. المهم تجهزي بنطلع نقابله .. وجيبي بطاقاته البنكيه يبيهم ..

الريم : كيف طيب وشلون؟ اهلي مارح يسمحون له يطلع .. ولو دروا انه طلع مصيبه ..

خالد : يا بنت الحلال لا تخافين .. يقدر يتصرف .. تجهزي بسرعه انتظرك برا .. وبعد نبي نعرف وش سالفه الشله اللي جايبتهم ..

الريم ارتبكت : مافي شي عشان تعرفه .. خلاص اطلع انتظرني ..

طلع بالحديقه ينتظرها .. و كان قاعد مع عمر ......

خالد : صحيح بسألك وين اخوياك ؟

عمر : يزيد نايم .. و سلطان من الصبح ما شفته ..

خالد : بس انا شفته ..

عمر باستغراب : وييين !؟؟

خالد : بالمستشفى ..

عمر : أي صح يقول عنده مريض هناك يعرفه ..

خالد : وانت م تعرفه ؟

عمر : لاوالله من جماعته ..

بعد عدة دقايق وصل راكان ......

(رح اكمل المحادثه باسم الريم وهو جسديا راكان)

عمر : ارررررحب راكان ..

الريم : هلا والله ..

عمر : متجهز ومتكشخ شكلك تبي تطلع ..

الريم : اييه عندي مشوار صغير اخلصه واجي ..

خالد مقهور ~ من متى راكان يبرر لاحد .. هالبنت قتلت هيبة راكان ...!

عمر : حلووو ابجي معكم ..

خالد : مشوار خاص ما نقدر ناخذك ..

عمر انحرج : اهاا معليش .. خلاص اجل بصحي يزيد واطلع معه .. م يصير نقعد بالبيت وانت مب فيه ..

خالد : والله يكون افضل يعني ..

الريم : لااا عاااد ...

خالد قاطعها : أبو راكان الظاهر مب في البيت .. واهل راكان لحالهم .. يعني فعلا م يصير تقعدون ومحد من الرجاجيل موجود ..

عمر ~ اش فيه ذا كنه يبي يطردني : ايه طيب هذا اللي انا قلته .. بدق ع سلطان يمرنا .. وبصحي يزيد وطالعين معكم ..

خالد : كويس ...

بعد م راح ......

الريم : انت اش فيك تعامله كذا ؟ .. واذا قعد بالبيت تراه بالملحق .. مارح يسوي شي انت م تعرفه ..

خالد : يعني انتي تعرفينه صح ؟ من وين تعرفينه و من وين لك هالثقه كلها فيه ؟!

الريم : ء ء انا م قلت اعرفه .. انا قلت لا تحكم ع الناس ..

خالد : انتي تبين تجيبين العيد ب اهل راكان .. مارح نترك شباب م نعرفهم ببيت الرجال و محد فيه ..

الريم بعد تفكير : طيب خلاص ممكن معك حق ..

خالد : اعترفي لو مره اني صح ..

الريم : هههههه طيب خلاص انت الصح ..

خالد : ههههههه يا الله .. خل ننتظرهم برا ..

طلعوا برا راكان و خالد ركبوا سياره خالد .. كانوا قاعدين فيها ينتظرون عمر و يزيد يطلعون من البيت ..

سلطان كان قريب وجاهم ع طول .. ثم طلعوا بعد دقايق وركبوا معه .....

بالبيت المقابل جارهم بدر كان متكي بسيارته وشافهم طالعين ....

بدر مستغرب ~ من هالناس وش جايبيهم بيت راكان !؟

حرك خالد ومعه راكان ... من فضول بدر لحقهم .. كان متوقع ان خالد رح يأخذ راكان لمكان هادي .. ثم يلمح له ان بدر وشلته يبون يعترفون بمصيبتهم ويطلبون السماح .....

وصلوا مطعم راكان المفضل .. وقعدوا ع وحده من الطاولات ينتظرونه .. و ع طاوله وراهم بشوي قعد بدر بالموت قدر يدخل للمطعم بطريقه م ينتهبون عليه ....

الريم : متوتره كيف بقابل نفسي انت مستوعب؟!

خالد : هههههههههه والله كأننا بفيلم ..

الريم : م يضحك .. احس بشعور غريب ..

خالد : معليك روقي تخيلي انك تكلمين نفسك بالمرايه ..

الريم : ليت مكاني كان حسيت بشعوري ..

خالد : اعوذ بالله الله لا يقولها .. قبل يجي راكان ابيك تعترفين لي وش قصتك مع عمر ذا وشلته بالذات سلطان ..

الريم باستغراب : سلطان!! شدخل سلطان انا م اعرفه اعرف عمر ..

خالد : انا متأكد انك تعرفينهم لما كنتي الريم .. لا تحاولي تنكرين .. عارف كل شي بس ابي منك توضيح .. وش علاقتك بسلطان ؟

الريم : اش فيك انت تسألني عن سلطان .. ما اعرفه قلت لك ..

خالد : كيف ما تعرفينه !؟ بس هو يعرفك ..

الريم : ما فهمت .. يعرفني من وين؟!

خالد : شفته بالمستشفى يتكلم مع راكان .. اللي هو انتي ..

الريم مصدوووووومه : كييييييييييييييييييف ؟! وش يبي فيني انا م اعرفه انا اعرف عمر ..

خالد : وش علاقتك بعمر ؟! انتي تحبينه ؟!

الريم سكتتت ونزلت عيونها ......

خالد عصب : ناظريني اسألك انتي تحبينه ؟!

ودخل راكان عليهم المطعم .. لفتت انظار الكل و الكل عيونهم عليه .....

الريم لفت تناظر مع الناس وش يناظرون انفجعت : لاااااااااااااااااااااااا ..

انتهى البارت