طلال وقف من الصدمه : ايييييش؟؟؟؟؟؟؟!!!!!!

راكان : اللي سمعته مافيني اعيد كلامي ..

طلال ضرب يده ع الطاوله اللي جنبه : كيف تتجرأين تكلميني كذا؟؟؟!!

راكان : وشلون تبي اكلمك ان شاء الله وانت اللي مخطي بحقي .. انت بنفسك قلت ..

طلال بعصبيه : وهذاني تنازلت واعتذرت منك ..

راكان : كثر الله خيرك.. بس م رح اسامحك ..

طلال حط يده ع راسه من الصدمه : ليش م تسامحين ؟؟؟؟!!

راكان : لانه بكيفي .. انا م اتقبل أي احد يخطي بحقي .. ومستحيل م اعاقبه ..

طلال ضحك ضحكه اللي مو مصدق : هه هه انتي .. انتي انتي رح تعاقبيني؟!

راكان : ليه مو عاجبك!

طلال : يالله انتظر وريني اش بتسوين ..

راكان : بس اطلع من هنا تشوف ..

طلال : لو ما انتي مريضه .. لو م كنتي بالمستشفى في هاللحظه كنت عرفت كيف اتصرف معك ..

راكان : اسلوبك م عجبني .. اطلع اطلع مابي اشوفك .. (تأشر له بيدها ) برا برا غرفتي ..

طلال ابتسم : وتطردني بعد .. والله وتطورت منفوحه ..

راكان : أقول اطلع لا تكثر كلام مابي اشوفك قدامي ..

طلال : هين ....

طلع من الغرفه وسكر الباب وراه بقوه .....

اهل الريم برا انصدموا .. شافوه طالع معصب من الغرفه ويرفس الجدران من قوه الغضب اللي فيه ....

ام تركي شافت طلال خافت : يمه لا يكون الريم فيها شي ..

سمر : اش فيه ذا بسم الله معصب ..

تركي : لا الريم بخير لا تخافون لو فيه شي كان رن الجهاز .. انتوا بعد شوي ادخلوا شوفوها .. وانا بشوف طلال اش فيه ..

ام تركي : زين شوي وندخل ..

اخذ طلال ع جنب يتكلم معه ويفهم وضعه الغريب ....

تركي : وش فيك ي طلال؟!

طلال : انت متأكد ان ذي اختنا؟!

تركي باستغراب : م فهمت .. شلون يعني ؟

طلال : ليتك شفتها كيف تكلمني .. لكن معليه بس ترجع البيت انا اعلمها شغلها ..

تركي : انت من جدك تتكلم يعني ترجع حليمه لعادتها القديمة ؟! .. كنت زعلان عليها لما كانت بغيبوبه وكنت تبيها تصحا وتعتذر منها واللحين صحت بترجع تتعامل معها بنفس الأسلوب مره ثانيه؟!!!

طلال : اعتذرت انا ي تركي اعتذرت بس سمعتني كلام يسم البدن .. وش تبيني اسوي اكثر من كذا ؟

تركي مصدوم : الريم سمعتك كلام!!!! متأكد الريم !! وش قالت يعني ..>> وعلمه بكلامها وكل اللي صار ...

طلال : الريم مو الريم ادري انك مصدوم مثلي وتدري انها مستحيل ترفع صوتها او تكلم احد فينا كذا ..

تركي : أي والله مستحيل ماني مصدق !

طلال : عاد هذا اللي صار ..

تركي : معليه لازم تتحملها لحد ما ترجع ذاكرتها ..

طلال : مستحيل اتحملها تكلمني كذا ..

تركي : هذي اختنا وش نسوي.. راجعه من الموت مجبورين نتحملها ..

طلال : ع العموم برجع البيت انام لي شوي ثم اروح المعهد .. قاعد اداوم ويكند حتى عشان اعوض الأيام اللي فاتتني ..

تركي : الله يوفقك يا اخوي .. خلاص انت روح وانا برجع الاهل البيت ..

طلال : اوك ..

وبهدوء دخلت ام تركي وسمر لغرفتها ....

راكان ~ ياولد خلك ساكت لا ترد عليهم .. ان شاء الله م يتكلمون كلام يرفع ضغطي نفس الغبي اللي قبل شوي .. عشان م اضطر ارد عليهم رد م يعجبهم ...

سمر شالت الغطا والشيله ثم وقفت قدامها شوي امتلت عيونها دموع قم ركضت صوبها وضمتها ..

راكان مصدوم على مُنبهر من هالبنت : ش شوي علي .. قلبي م يتحمل ..

سمر تبوسها مع خدها : وحشششششششتيني ي حيوانه .. ليه كذا تمرضين ؟!!

ام تركي : خلاص ي سمور خليني انا بعد بضم بنتي ..

راكان حاط يده ع خده مكان البوسه ~ البنت جريئه .. المشكله م قدرت اقاومها ..!

سمر : تعالي يمه تعالي اقعدي جنب بنتك .. سولفوا وانبسطوا انا يكفيني اتفرج عليكم من بعيد ..

ام تركي : أي وانتبهي لاخوك عمار وراك نايم ..

سمر : ولا يهمك ..

راكان عينه ع سمر م شال نظره عنها ....

ام تركي تمسح ع شعرها : الحمدلله ع سلامتك ي بنتي .. اشتقنا لوجودك بينا والله ..

راكان~ اظن م يحتاج ارد .. المشكله مره كبيره ولا كنت طردتها بعد من الغرفه ...

ومن جهه ثانيه اهل راكان صاروا بغرفته وقاعدين ع راسه ..

ام راكان : انت متأكد انك بخير؟ ليه م قلت لنا انك تتألم ؟!

الريم : والله انا بخير م كنت اتألم ..

ام راكان : انت كله تخوفني عليك ..

أبو راكان ابتسم : الولد بخير لا تقلقين ..

الريم : تكفون الله يخليكم طلعوني من هنا .. والله ما فيني الا العافيه ..

أبو راكان : الدكتور قال لازم تقعد يوم ..

الريم : جرح بسيط وتشافيت لا تكبرونها ..

ام راكان : ما رح تطلع لحد م نتطمن ع صحتك ..

الريم عصبت : اذا م طلعتوني ترا رح اهرب ..

أبو راكان يناظر ام راكان ....

ام راكان : تمام تمام نطلعك بس اذا وافق الدكتور .. وحتى لو وافق عندي شرط ..

الريم : موافق على كل شروطك والله موافق بس طلعوني من هنا ..

أبو راكان : اوك بكلم الدكتور واجيكم ..

كلم الدكتور واقنعه .. وافق يطلعونه .. خالد كان ينتظر برا .. يبي يعلم الريم ب اخر الاحداث .. لكن شاف انهم م تركوها لحالها عشان يكلمها ع انفراد ..

طلع راكان من غرفته وامه ماسكته من ذراعه .....

خالد قاعد برا لما شافه وقف : الحمدلله ع السلامه راكان .. سمعت انك رح تطلع للبيت ..

الريم : الله يسلمك .. ايه طبعا اكره المستشفيات وجوها ..

خالد دخل يده بمخباه وطلع جوال : تفضل هذا جوالك .. رح اتواصل معك واتطمن عليك ..

ام راكان : مشكور ي خالد ي حبيبي لانك تهتم ب ولدي ..

خالد : ولو ي خاله واجبي ..

الريم ~ يووووه تذكرت عمر : خ خالد .. وش صار على ضيوفي ..

خالد : استأجرت لهم بفندق جنب المستشفى..

الريم ناظرت الأم بنظرات المسكين : يمه عندي أصحاب جايين من الرياض و حالتهم صعبه غير انهم جايين عشاني وانتي شرطتي م اطلع من البيت .. ابي استضيفهم عندنا بالملحق تكفين ..

ام راكان ابتسم : ههههه من متى تستأذن مني اذا بتسوي شي! .. حياهم دام رح يبسطون ولدي ما عندنا مانع ..

الريم ~ والله م كنت ادري ان راكان يمشي كلامه حتى على امه وابوه ..: مشكوره ي احلا ام في العالم ..

خالد يناظرها مصدوم ~ جابت العيد والله جابت العيد ! وفوق ذا مُصره تجيب هالشله عندها البيت .. هذي وش تفكر فيه اموت واعرف وش تفكر فيه !!!؟

أبو راكان : يالله السياره جاهزه بانتظارنا .. خالد تعال نوصلك ..

خالد : م تقصر ي عمي انا سيارتي معي لا تشيل همي ..

أبو راكان : اجل الله يحفظك انتبه لنفسك..

خالد : مشكور وانتوا بعد انتبهوا ..

ما خلاها خالد بخاطره وكتب لها مسج ...

خالد : " لازم نتكلم بأسرع وقت .. انتي حرفيا جبتي العيد .. راكان م يتكلم مع امه كذا .. وثاني شي ليه الإصرار على وجود ذاك الشخص وشلته حولك .. انتي وراك شي وانا لازم اعرفه .. و اذا تتسألين بخصوص راكان انا كلمته وطلبت منه يسكت اذا كلموه عشان يقدر يطلع من المستشفى.. بس يطلع رح نجتمع ثلاثتنا .."

قرت الريم المسج بالسياره ..

الريم ~ اووووف مارح اقولك أي شي بخصوص عمر ومستحيل أقول .. احسه رح ينشب لي ع هالموضوع .. الولد تعنى وجا لي من الرياض ابسط شي اسويه له اني استضيفه .. ما خلصت منه لسا ابي أتكلم معه اكثر واكثر واكثر .....

الكل رجع بيته .. كان يتمنى خالد يقعد عند راكان بس اهل الريم م تركوه وطولوا عنده ف رجع هو برضو .. كان طول الوقت يدعي ان راكان يتحمل اهل الريم ويسكت لا ينفجر فيهم ....

صباح اليوم الثاني .. ام الريم نامت عند بنتها بالمستشفى.. سمر و اخوها الصغير عمار رجعهم تركي للبيت بعد م انتهت مناوبته .. و أتفقوا يرجعون معه اذا صحا للدوام ... بالنسبه لوضع راكان الصحي كان بخير بس يحتاج يقعد كم يوم بالمستشفى .. مارح يحتاج علاج طبيعي مطول نفس جسد راكان لان الريم كانت بغيبوبه لفتره قصيره عكس راكان اللي كان له سنه .. يعني بشكل عام يقدر يطلع من المستشفى لو حاب وضعه م يستدعي كثير انه يجلس بس للاطمئنان اكثر .... وطبعا قالهم الدكتور هالكلام ..

ام تركي : اذا هي بخير ونقدر ناخذها اليوم ياليت ..

الدكتور: مافي مشكله بس لازم نسوي لها شوية فحوصات ..

(رح اكمل المحادثه باسم راكان لكن جسديا هي الريم) ...

راكان : استعجل لو سمحت سوي هالفحوصات وخلني اطلع ..

ام تركي : اصبري ي بنتي لحد ما يجي اخوك تركي ..

راكان يتحلطم ~ قال اخوي تركي قال ..!

ام تركي : ي دكتور انت تعرف تركي الدكتور تركي ولدي هو .. اذا جا ياليت تقوله عن الوضع .. وبس يجي رح نسوي اللي تبيه ..

راكان : ليه يعني ننتظره؟! من حضرته؟! ( ناظر الدكتور) دكتور اللحين ابيك تسوي فحوصاتي وتخلصني ..

ام تركي : يابنت اش فيك تتكلمين كذا مافي أي احترام لكلامي؟!

الدكتور : معليش انا اخليكم لو قررتوا اضغطوا الزر وبتجيكم الممرضه تاخذه للفحص ..

ام تركي : عيب عليك فشلتينا قدام الرجال ..

راكان يتآفف : اوووف استغفر الله العلي العظيم.. >> راح بيضغط الزر وقفته ..

ام تركي : م تفهمين قلت لك انتظري اخوك .. اش فيك صايره كذا تعاندين؟! ..

راكان : اكره الانتظار واكره احد يقول لا واللي براسي ابي اسويه ..

ام تركي مصدومه : انتي وين عايشه؟ طول عمرك كنتي تقولين ان شاء الله وحاضر وابشروا .. واللحين تراددين! وما تبين الا تسوين اللي يعجبك .. اذا نسيتي اذكرك ..

راكان : شكرا لا تذكريني بشي .. واضح اني رح اعاني معكم ..

ام تركي تنرفزت : رح اسكت عنك بس لانك مريضه وتو صحيتي .. رح انتظر لحد م يرجع عقلك براسك بس إياك ثم إياك تمتحنين صبري ..

راكان ~ خالد قالي اسكت لا ارد عليهم رح اسكت رح اتحمل لين اطلع من هنا واعلمكم .. لين ارجع و أكون راكان كل من أذاني رح اخذ حقي منه صبركم علي ....

بالفندق اللي قاعدين فيه شلة عمر .. صحا عمر ع رنة الجوال .. طبعا اللي دق عليه راكان وطلب منه يجيهم بيته ورح يستقبلهم ويفطر معهم و ع طول ارسل له اللوكيشن .. واكيد فرصه كبير لعمر وجت لعنده طبعا مارح يرفض .....

طلع عمر من غرفته توجه صوب غرفه سلطان .. اللي وصل اخر الليل .. مر على عمر اخذ كرت غرفته بدون يقول أي كلمه وراح غرفته .. كان ملاحظ عليه عمر انه فيه شي وسأله لكن سلطان قاله وأصر انه مافيه شي .. المهم قرر يحقق معه ويشوف وش وضعه .. دق باب الغرفه .....

سلطان فتح الباب : عمر ؟؟ وش مصحيك بدري؟

عمر دخل وسكر الباب وراه وقعد ع الكنبه : صحاني الجوال وجاني خبر حلو ..

سلطان : أي خبر؟

عمر : طبعا مارح اقولك شي حتى تعلمني وش جاك؟

سلطان : اعلمك وش بالضبط ؟! .. مافي شي حتى اعلمك إياه ..

عمر : سليطين لا تسوقها على مخي .. انا خويك من متى .. تراني ملاحظ وساكت .. انتظرك تتكلم بس م حولك تتكلم!

سلطان يابن الحلال لو فيه شي قلت لك ..

عمر : ليش اختبص وجهك امس .. كان فيك شي او شايف شي قول .. قول وانا اخوك اشرح همك قول ..

سلطان ~ مستحيل يتركني لين أقوله وانا مابي اجيب له طاري الريم : يا اخوي شفت واحد اعرف بالمستشفى من الجماعه وكذا .. رحت ازوره كانت حالته سيئة وبس هذي كل القصه ..

عمر : احس ماني مقتنع .. بس دامك تقول كذا خلاص بصدقك ..

سلطان : طيب علمني وش الخبر الحلو اللي صحاك ؟!

عمر : جهز نفسك رح نروح بيت راكان ورح نبات عنده ..

سلطان : ترا بكره الاحد ..

عمر : وطيب؟!

سلطان : ما رح تمشي الرياض اليوم وراك جامعه ..

عمر : بكره عندي محاضره وحده اون لاين والاثنين وحده اون لاين والثانيه حضوري لكن رح اسحب .. الاثنين بالليل نرجع ..

سلطان : الحمدلله اني انا الأسبوع الجاي كله اون لاين .. خلاص بقعد الأسبوع كله هنا ..

عمر : ماشاءالله اشوف جازت لك الشرقيه .. دامك بتقعد أسبوع والله م اخليها بخاطرك بقعد معك ..

سلطان : لا تكفى انت عندك غيابات واجد ..

عمر : ي شيخ بدبر لي عذر معليك .. المهم جهز نفسك طالعين بمر يزيد اخذه وبنتظرك تحت ..

سلطان : اوك عطني ربع ساعه باخذ شاور سريع وابدل ملابسي واجيكم ..

عمر : طيب لا تتأخر خل نلحق نشوف فطور الأغنياء هههههه ..

سلطان : يا الله .. هذا همك ..

عمر : أي أي يالله عجل علينا ..

سلطان : طيب روح روح ..

في بيت اهل راكان لما رجع من المستشفى اخواته كانوا نايمات وبالنسبه لمي بعد صلاه الفجر مرت أمها واخذتها بالغصب رح يجيهم ضيوف مهمين ولازم هي تكون موجوده بس الأخت هربت لبيت لينا لكن هربها م طول ..

اما بالنسبه لراكان صحا بدري و قعد ينتظر اخواته بغرفته وأعطى خبر للشغاله تناديهم ع غرفته اول م  يصحون ... وهذا اللي صار تجمعوا بغرفته ......

(رح اكمل المحادثه باسم الريم لكن جسديا هي راكان) ...

الريم حطت رجل ع رجل وقاعده مقابلهم : ايوا اخواتي العزيزات .. ممكن اعرف وش قصه المقلب اللي سويتوه امس؟

البنات فطسوا ضحك: هههههههههههههههههههههههههههههههههههههههههه ..

الريم باستغراب : لهالدرجه مقلبكم تشوفونه يضحك؟؟!

لينا : هههههههههه لا والله نضحك على " اخواتي العزيزات" ..

ليان : هههههههههههههههههه من جد أحيانا عليه مصطلحات .. تحسينه مو اخونا ..

لينا : هههههههه أي والله بالضبط ..

الريم ضربت يدها ع وجهها بخفه ~ اوووووف  مو قادره اتفاهم معهم!!!! : انا سألت سؤال ..

لينا : منادينا من صباح الله خير و مجمعنا بغرفتك عشان تسأل ليه!!؟

ليان تنهدت براحه : والله زين سوا كذا .. توقعت بيقطعنا تقطيع ..

لينا ابتسمت : ههههه لا معليك شفتي كنت ضامنه م رح يسوي شي ..

الريم : ماشاءالله لانكم عارفين مارح اسوي شي تقومون تسوون فيني كذا!!؟

لينا : طبعا بناخذ حقنا منك قبل يرجع عقلك براسك ..

الريم ~ اوووف اوووف ي راكان وش انت مسوي فيهم وابلشتني انا !!

اندق باب الغرفه كانت الشغاله ... قالت له ان ضيوفه وصلوا وهم بالملحق اللحين ....

لينا مصدومه : ضيوف؟؟! أي ضيوف ؟! من متى تستقبل ناس في بيتنا ..

الريم : اصحابي وبيقعدون عندنا اليوم .. مابي مشاكل انتي وهي ..

لينا : وش بنسوي يعني ..

الريم : المهم حذرتكم .. انا بستضيفهم بالملحق و الملحق خارجي يعني خذوا راحتكم بالبيت مارح تشوفونهم ولا رح يزعجونكم ..

لينا بفضول : طيب ما علمتنا من هذول .. اول مره تستضيف احد ..

الريم : مو لازم تعرفين كل شي .. ما خلصت لسا بحاسبكم ع المقلب بس يمشون ضيوفي .. تفضلوا ع غرفكم ولا اسمع لكم حس ..

ليان بخوف : يمه للحظه حسيته راكان القديم رجع !

الريم ابتسمت : يعني م ينفع معكم الا راكان القديم طيب طيب ..

ليان : لا نمزح ترا نحب راكان الجديد بليز لا تتغير ..

لينا : والله انا مو فارق معي ومقلبي كنت رح اسويه عاجلا ام اجلا .. ليته اكتمل بس وصورتك وانت بوسط البنات اوووه ..

الريم : تقولينه بوجهي بعد!

لينا ~ أي مو بس انت تصورنا بوسط اخوياك وتبتزني .. حتى لو منت متذكر يكفي اني متذكره .. لكن ما رح اذكرك باللي سويته حتى لا ترجع تبتزني ...

ليان : ي بنت يالله مشينا بس شكله رح يعصب علينا ..>> تمسكها من ذراعها وتاخذها ع برا ....

لينا : والله ميته فضول ابي اعرف من ضيوفه هذول .. ما حسيتي انه مبسوط فيهم ؟!

ليان : الا لدرجه ما حاسبنا ع المقلب ..

لينا : لازم اعرف من هم ..

ليان : يووه لا تحشرين نفسك عاد .. وبطلي لقافه ..

لينا تناظرها باستغراب : شوف شوف بس من يتكلم!!

كان خالد يتجهز في بيته بيطلع للمستشفى ع طول يتطمن ع راكان ويشوف ايش سوا ... اول م طلع من الباب كان فيه اشخاص بانتظاره برا .....

خالد : محضرين عندي من صباح الله خير وش عندكم؟!

بدر من شباك السياره : الناس تسلم ترحب شي ..

خالد : بعد اللي سويتوه فيني وفي راكان تبيني ارحب بعد ؟!

بدر : اعتبرها مزحه .. انت انحزت لطرف راكان وشملك المزح ..

خالد : ههه ! حبستونا بمستودع المدرسه! ..

بدر : ياخوي صار اللي صار .. وانقذوكم وانت تعرف مين انقذك .. لا تسوي دراما عاد ..

خالد : وش بغيتوا اللحين ؟!

بدر : تعال اركب نبي نتكلم معك بشي مهم ..

خالد ~ وهذا اللي كان ناقصني : مشغول مب فاضي اللحين ..

سعود من الشباك اللي ورا : يا ولد اركب اخلص الموضوع حياه او موت ..

خالد : مالي دخل فيكم !

سعود : من قال مالك دخل .. الموضوع يخصك انت بعد ..

عبد العزيز يهمس لهم : ي عيال قلت لكم لا تكلمونه طاوعوني ..

بدر ناظر عزوز اللي قاعد جنبه : وانت ع طول استسلمت! ( ثم رجع للشباك ناظر خالد) مارح نتحرك من هنا لين نتكلم معك ..

سعود فتح باب السياره ويأشر له يركب : تكفى عاد يالله ترا كان لنا ساعه واقفين ننتظرك تطلع ..

خالد مستغرب الإصرار ذا وفوقها محترمين بزياده ههه! : فيه شي اسمه جوال اذا م تعرفونه ليه م اتصلتوا ..

بدر : مانبي نزعجك من الصباح انتظرناك عند الباب لحد م تطلع ..

خالد مصدوم : ولو ما طلعت!!؟؟

بدر : كنا انتظرنا لو ان شاء الله ل الليل ..

عبدالعزيز يهمس : والله م انتظرتك ..

خالد ~ لا هذول اكيد وراهم موضوع خطير : اوك دام كذا بركب وامري لله ..

واخذوه ع اقرب مطعم منها يفطرون ومنها يتكلمون .. واهم شي يكون مكان هادي ومافيه ناس كثير .....

بالملحق تجمع الكل ع الفطور .. بس كانوا منتظرين جيت راكان لانه قال بيفطر معهم ....

يزيد : متتتت جوع خويك طول .. خل اكل اكلهم واضح لذييييذ مافيني صبر ..

عمر : ياخوي لا تفشلنا خلك شوي راقي .. بيجي اللحين ..

سلطان : انا ودي اطلع والله مالي نفس اكل .. اقدر اخذ سيارتك ي يزيد؟

بزيد ناظر عمر : والله مادري .. عمر ما تبينا نطلع ..

عمر : لا مب طالع اليوم بقعد في القصر ذا الفخم .. واتكي مع راكان اتعرف عليه اكثر نبي نمون على بعض اكثر ..

يزيد : هههههههه ايه زين ما تسوي .. (دخل يده بمخباه) خذ هذا المفتاح بس عب السياره بنزين العداد احمر..

سلطان : ولا يهمك .. >> وقف بيطلع ....

عمر : ويييين؟؟!!

سلطان : قلت لك مالي نفس بطلع!

عمر : لا تطلع اللحين خل راكان يجي اقعد شوي ثم رح ..

سلطان : والله م يهمني راكان ذا .. عندي موضوع ..

عمر : تكفى طلبتك لا نتفشل قدامه ..

سلطان : وش دخل تتفشلون عادي قله طلع مشوار وبيرجع .. بعدين هو خويك انت انا م اعرفه مره ليه يسأل عني ..

سلطان : وش أقول اجل اللي يريحك ..

يزيد : والله ياهو بيروح عليك فطور الأغنياء..

سلطان : عليكم بالعافيه..

وهو طالع من الباب صادف راكان كان جاي من بعيد .....

الريم كانت تمشي ومتوتره لانها رح تقابل عمر اكثر من مره توصل للباب وترجع من التوتر ..

(رح اكمل المحادثه باسم راكان لكن فعليا هي الريم) ...

سلطان : صباح الخير ..

راكان : سلطان! صباح النور ..

سلطان : عن اذنك انا طالع .. العيال داخل ينتظرونك ..

راكان : ط طيب افطرت؟

سلطان : لاوالله بالعافيه عليكم .. باخذ لي أي شي سريع بطريقي ..

راكان واضح عليها التوتر : او اوك اللي يريحك..

سلطان مشى وناظر وراه ~ وش فيه حسيت كنه غريب ولا يتهيء لي .. معلينا لازم اروح المستشفى اشوف الريم .. لازم اعرف بيتها وين واتطمن عليها ....

دخلت الريم (راكان) الملحق .. في البدايه كان نظرها للأرض .. وكانت مستصعبه تناظره بأي شكل من الاشكال.. بس من داخلها مبسوطه انها بتقعد مقابله وتتكلم معه وجها لوجه وبشكل مطول .. ابدا م تخيلت ممكن هاللحظه تجي بيوم من الأيام .....

عمر وقف : اهليييين راكان ارحب ..

يزيد طبعا وهو قاعد : اهلا راكان ..(همس لعمر) خير توقف كن اللي داخل علينا امير !!

عمر يغمز : اوووص لا يسمعك ..

راكان : يا يا هل هلا بكم جميعاً ..

عمر يسحب الكرسي : تفضل تفضل كنا ننتظرك ..

يزيد كاتم الضحكه ويتحلطم ~ ههههه شف شف كيف يعامله .. اهخخ يا النصاب ي ابن عمي ! ..

راكان : مشكور .. تفضلوا افطروا عليكم بالعافيه..

عمر : انت اللي مشكور استضفتنا عندك اكلين شاربين .. رح يكون دين علي ..

راكان : لا لا .. لا تقول كذا .. انا حبيت وسويت .. ( توترت من كلمه حبيت ) ء ء اقصد .. يعني يعني حبيت اسوي كذا وسويته .. لا لا تفهمني غلط ..

عمر : ههههههه واضح كلامك ي حبيبي وشلون بفهمه غلط .. م قصرت والله ..

يزيد قاعد يبلع ولا مهتم ههههههههه..!

الريم ~ ياويلي ببببببكي ببكي كنت بجيب العيد .. لا لا مقدر لازم اطلع م رح اتحمل اقعد قدامه صدق رح اجيب العيد ..

عمر يناظره : ورى م تاكل معنا ..

يزيد يطقطق : هههههه يمكن حنا مب قد المقام ..

راكان بارتباك : لاوالله العظيم مب كذا ..

عمر حط يده ع كتفه : ههههههههههههههههههههههه يارجال يمزح معك ..

الريم ~ وقته مزح اللحين وقته احس صدق ببكي .. لازم استاذن واطلع ..

يزيد قام : الحمدلله شبعت .. يعطيك الف عافيه يا راكان اكلكم مره لذيييذ ..

راكان : الله يعافيك ..

يزيد : انا بروح الحمام وباخذ لي شاور سريع اذا تسمح لي ي راكان ؟ خوينا اللي انت شايفه سحبني من الفندق على عجل يقول مايبي يتأخر عليك وانا والله م مداني اسوي شي ..

عمر : هههههه وش اسوي انت طولت بالنومه ..

راكان : هههه عادي ولا يهمك وابيكم تعتبرون الملحق شقتكم وخذوا راحتكم فيه ع الآخر..

يزيد : اووف بس ليت فيه منك اثنين يا راكان كان اخذت واحد معنا الرياض ..

عمر : هههههههههههه هو صادق ..

الريم ماااااااتتتتتتت احرااااااججج لدرجه صار فعلا وجهها احمر ..

بعد ما راح يزيد ... صار فيه دقيقه صمت عجيبه بينهم ....

الريم ~ مااااا اصدق اووووول مره بحياتي اقعد فيها معه لحااالنا !! انا بهاللحظه بس اشكر ربي اني صرت ولد ....

عمر : ما شفتك اكلت شي ..

راكان : الحمدلله شبعت والله ..

عمر : دامك شبعت اجل انا خلاص شبعت ..

راكان : لاوالله اذا تبي تاكل خذ راحتك .. لا تترك اكلك عشاني يعني!

عمر : معليك ناكل مع بعض ونشبع مع بعض هذا نظامنا ..

راكان باستغراب : مافهمت وش هالنظام ؟!

عمر : ههههه أقول اني خلاص شبعت اذا تحب نقعد هناك ندردش شوي ..

راكان متوتر : أي أي ع عادي أي شي ..

طبعا راحوا قعدوا ع الكنبات .. بالصاله الصغيره تبع الملحق ....

عمر : ايه وشلون الدراسه معك ؟

راكان : زينه ماشيه امورها ..

عمر : انت صدق كنت بغيبوبه سنه؟!

راكان : أي والله المرض م ينمزح فيه ..

عمر : الف سلامه عليك ..

راكان : الله يسلمك ..

عمر : عندي طلب بسيط اذا يعني تقدر ..

راكان : ء ء ايه تفضل ..

عمر : نقدر نقعد عندك الأسبوع هذا؟!

الريم ~ يا الله وش هالحظ الحلو كنت افكر كيف اخليه يقعد أطول فتره ممكنه وجا الطلب من عنده .. كيف أكون محظوظه هالقد كيييف 😭!

عمر شافه ساكت م رد : ترا عادي اذا ما تقدر مافيه مشكله بنرجع الرياض يعني مابي احطك بموقف صعب مع اهلك ..

راكان : لا وش دعوه اهلي م يقولون شي والملحق أصلا للضيوف مافيه احد .. بالعكس انا مبسوطه ءءء اقصد مبسوط انكم بتقعدون.. يعني حياكم البيت بينكم ...

عمر ابتسم : أي والله ليت فيه منك اثنين .. تدري انك نادر بهالحياه.. م أتوقع فيه مثلك ولا رح اشوف مثلك .. يعني انا محظوظ لاني عرفتك ..

الريم استحت منه مرررره تمنت لو سمعت هالكلام وهي بنت تمنت تمنت ....

راكان : ما ما ادري وش وش أقول يعني احرجتني .. بس شكرا لك ..

عمر : العفو ما قلت الا الصحيح ..

الريم ~ كيف اسأله وكيف اناقشه اذا عنده حبيبه !؟ اللحين ولا انتظر دامه بيقعد أسبوع عندي .. لا لا راكان صحا واخاف يرجع لجسده و م الحق اسأل عمر .. لازم اعرف عن حياته العاطفيه لازم .....

بالمطعم بعد ما طلبوا الفطور محد كان له نفس ياكل .. لان الموضوع اللي رح يتكلمون فيه أصلا يسد النفس .. لدرجه مو عارفين كيف يبدون ..

خالد تنهد بتعب : جايبيني هنا نتفرج ع الاكل؟! اخلصوا علي وراي اشغال ..

عبدالعزيز : م تحس انك مصدق نفسك شوي ! اول م كان لك حس .. واللحين تتكلم ىترفع صوتك بكل ثقه ..

خالد بتململ : هفف وبعدين يعني ..

سعود : عزوز اهدا خلنا حنا نتكلم ..

بدر : الموضوع اللي نبي نقوله صعب وصعب علينا مره .. بس قلنا نكلمك اكيد رح تتفهمنا .. وترانا ندري انك صرت قرب من راكان ..

سعود : صحيح ويمكن حتى قريب منه من زمان بس سويت نفسك ضده ..

خالد عصب : طيب وش تبون اللحين ؟! مارح ابررلكم أي شي .. ولا تستحقون ..

بدر : لا تبرر شكرا .. حنا نبي نتكلم وانت بس اسمعنا .. اذا انت اقتنعت بكلامنا اكيد راكان رح يقتنع ..

خالد : تفضلوا قولوا اسمعكم ..

بدر : احنا فكرنا وقررنا .. رح نعترف حق راكان باللي سويناه .. وللعلم انت كنت معنا وكنت تدري باللي بنسويه .. يعني وضعك من وضعنا .. نبي مشورتك ورايك ..

خالد مصدوم ابدا م توقع يسوونها : يعني أخيرا تبون تعترفون ؟ والله براحتكم اذا بتعترفون شي كويس رح يأخذ حقه منكم سواء اعترفتوا او لا .. كذا ولا كذا رح يتذكر اللي سويتوه ..

بدر : أي عارفين رح يتذكر تعبنا وحنا عايشين بقلق انه ممكن يتذكر .. قررنا نعترف واللي بيصير يصير ..

سعود : دقيقه دقيقه بنعترف بس نبيه يسامحنا ..

خالد : تبون رايي ومشورتي صح؟

بدر : أي والله ..

خالد : أجلوا الموضوع شوي مو وقته اللحين ..

بدر : ليش تبي ننتظر لين يتذكر و يغلي من زعله ويغلينا معه ..؟!

خالد : انتظرتوا كل هالوقت مو قادرين تنتظرون كم يوم .. خلوني امهد له الموضوع شوي شوي ..

سعود : انا اشوف كلام خالد صح ..

بدر ناظر خالد بنظرات حزن وصادقه : خالد انت تدري اننا كلنا بسببه دخلنا هالطريق وانت تدري اننا عانينا منه .. وتدري اني كنت اعز اخوياه وتربينا مع بعض من طفولتنا .. انت شهدت كل شي بنفسك وعارف ان اللي صار براكان كان بسببه هو .. احنا غلطنا صح بس نبي نصحح غلطنا .. ارجوك ساعدنا ملينا عايشين بخوف ..

عبدالعزيز م عجبه الكلام تنزفز وعصب وقف .. ناظرهم كلهم ثم طلع بدون أي كلمه ...

خالد تكتف : الظاهر مو الكل يحس بنفس احساسك ي بدر ..

سعود : ي شباب بطلع اشوفه ..

خالد : أي أي شوفه وانصحه بعد ..

بدر : انا قلت لك عن اللي بخاطري وانا صادق بكل حرف قلته .. انت تعرفني ي خالد ..

خالد : والله أحيانا احس اني م اعرف احد منكم ..

بدر : طيب رح تساعدنا ولا لا ..

خالد وقف : م اوعدك .. بس عطني كم يوم .. رح ارد لك خبر ..

بدر : لا تطول تكفى ..

خالد : ان شاء الله خير .. انا لازم اطلع تأخرت عندي مشوار مهم ..

بدر : وين؟

خالد : خاص بالاهل ..

بدر : طيب امش خل اوصلك ..

خالد : لا مشكور طلبت اوبر وصار برا اللحين .. افطر افطر ان شاء الله تكون الأمور طيبه ..

بدر : الله يسمع منك س خالد ..

خالد : يالله بالعافيه..

وبسرعه توجه صوب المستشفى.....

وقبل وصول خالد كان فيه شخص ثاني ينتظر بمقاعد الانتظار قدام باب غرفتها .. يبي فرصه بس عشان يكلمها ...

وبما ان ام الريم نامت عندها وموجوده ع راسها بالغرفه م قدر يسوي شي غير انه يجلس وينتظر ثم يلحقها متى م طلعت ....

وصل خالد وتوجه صوب غرفة الريم .. لكن وقف ورا الجدار لما شاف هالشخص ....

خالد : ذا مب سلطان؟؟!!  خير وش عنده قدام غرفه الريم ؟!!! ( بعد تفكييير) اييييه وامس بعد كان قدامها !! .. معقول؟ معقول ذا يعرف الريم؟! طيب براقبه واتأكد بنفسي ..

بعد م وصل الدكتور تركي وجاب معه سمر واخوهم الصغير.. أخيرا قدرت الريم تسوي فحوصاتها .....

تركي : يمه انتوا انتظروا بغرفه الريم .. باخذها للفحص وارجعها .. ما يصير نروح كلنا ..

وقفت الريم (راكان) بتمشي ....

( رح اكمل المحادثه باسم راكان وهو جسديا الريم ) ...

تركي : هوب هوب على وين كذا ؟! ألبسي عباتك وغطاك ..

راكان : عباه وغطا ليييش ان شاء الله ؟!

تركي : اش فيك ؟ انتي بنت لازم تلبسينهم ..

راكان : ألبسهم انت انا م بلبس شي..

تركي انجلط : انتي كيف تكلميني كذا؟

سمر ضمتها : امووووووووووت فيييييك وربي ..

تركي يفصلهم عن بعض : لا تزيدين النار حطب .. لبسيها عباتها وغطاها خل نحلص ..

سمر ضحكتها مكتومه وكانت مره مبسوطه : تعالي يا روح اختك تعالي .. ترا مره حبيت شخصيتك الجديده ..

راكان انحرج : شكرا وانتي مره حلوه ..

سمر تناظرها فاتحه فمها مصدومه : هااااه!! لحظه عيدي وش قلتي؟

تركي : اتركي السوالف اللي مالها داعي ي سمر واخلصي .. المرضى ينتظرون وحنا ماخذين موعد ..

سمر : طيب طيب شوي شوي علي .. هذاني قاعده البسها ..

راكان : حطي في بالك انا قبلت ألبسهم عشانك .. انتي الوحيده اللي ارتحت لك وحبيتك من بين هالناس ..

سمر امتلت عيونها دموع : ي عمررررررري ي ريموووووه جعلني قبلك ياختي ( وتبوسها مع خدها ) وانا اموت فييييك ي روح اختك ..

راكان ~ هذي بس تبوسني واحس بمشاعر غريبه .. اوووف فجأه تذكرت ميهاف فرق السما عن الأرض .. الله لا يردك ي ميهاف.. >> ميهاف : وانا شكوووووو 😭؟!

برا الغرفه طلع تركي وامه يتكلمون وسلطان قريب كفايه لدرجه يسمع كلامهم .....

ام تركي : والله يا ولدي انا أقول هذي مب الريم اللي نعرفها ..

تركي : أي والله مب هي .. متغيره علينا واظنها فقدت الذاكره فعلا ..

ام تركي باستغراب : واللي يفقد ذاكرته يتغير كل شي فيه يعني؟ و م يحشم ولا يحترم احد ؟؟!!

تركي : رح نسوي لها جلسات علاج نفسي ونشوف وش وضعها .. بس خلينا نتطمن على صحتها الجسديه اول ..

ام تركي : على طول لسانها هذي صدقني مافيها الا العافيه ..

تركي ابتسم : ان شاء الله يمه اهم شي انها تكون بخير ..

ام تركي : طلال وينه ؟ ما كلمتوه مره ثانيه يجي ؟!

تركي : رجع لمعهده خلاص .. بيجي الويكند الجاي ان شاء الله..

ام تركي : ما ادري اش قالت له حتى خلته يهرب ..

تركي : معليه هي مو بعقله وطلال رح بنسى ..

ام تركي : نقول ان شاءالله ..

سلطان ~ يعني الموضوع حقيقي .. فقدت الذاكره ؟!!!!..

طلعت الريم مع سمر من الغرفه .....

تركي شافه بالعباه والغطا : ايييييه ما شاء الله كذا وش زينك ..

راكان : انت خلك ساكت .. محد طلب تعليقك ..

تركي : استغفر الله العلي العظيم بس .. سمر ادخلي انتي وامي انتظرونا بالغرفه ..

راكان مسك ذراعها : م رح اروح الا وسمر معي ..

سمر : ي روحي ي ريم انا كلي فداك ..

تركي : طيب طيب يمه ادخلي غرفتها انتطرونا مع عمار ..

ام تركي : ان شاء الله لو صار شي كلمني اجي ..

تركي : تطمني م رح يصير شي نص ساعه وحنا عندك ..

وهم ماشيين بطريقهم للفحص .. كان وراهم بمسافه يمشي سلطان .. و ورى سلطان بمسافه يلحقه خالد .. هنا فعلا تأكد انه يعرف الريم وقاعد يلحقها ....

راكان : بعد الفحص ابي اطلع من هنا .. مارح ارجع الغرفه هذي مره ثانيه.. مفهوم ؟!

تركي : تكلميني انا؟!

راكان : انت الدكتور اجل اكلم مين ..

سمر م قدرت تتحمل وانفجرت ضحك : ههههههههههههههه ههههههههههههههه ههههههههههههههههههه ...

راكان : ليش تضحكين ؟! م قلت شي يضحك !!

سمر : ههههههههه ي عمري انتي اضحك لاني مبسوطه فيك .. اضحك لانك صحيتي .. اضحك لاني احبك ياختي واشتقت لك ..

راكان : احم احم .. يعني مقدر أقول اني احبك اللحين .. احس لسا بدري بس فيه احتمال اني احبك مستقبلا ..

سمر ماتتتت : ههههههههههههههههههههههههههههههههههههههههههههههههه تكفين لا خلاص مقدر ..

راكان : كيف متحملين هالاشياء وتمشون فيها .. (رفعت النقاب عن وجهها ) ..

سمر غطتها بسرعه قبل يشوفها تركي ...

راكان : اش فيك انكتمت ابي اتنفس!

سمر : تكفييين لا تسوين كذا قدام اخواني .. ترا يذبحونك م يمزحون ..

راكان : يخسووون !

سمر : ي روحي ي الريم .. ادري انك قويه وتتحدينهم وكل شي بس تكفين عشان خاطري لا تشيلن هالغطا ولا تشيلين هالعباه .. مابي اشوفك تعانين منهم ..

راكان : طيب بس عشان خاطرك عندي كبير ..

سمر : اموووواحح احبكككك يا احلا اخت بالعالم ..

راكان ~ حاليا بس اخوات ..

دخلت غرفه الفحص و سلطان وقف بعيد يراقبهم .. تركي راح استدعوه لعمليه طارئه .. وظلت سمر مع الريم طبعا سمر كانت تنظر الريم برا على م تخلص فحص .. طفشت شوي وقررت تنزل الكافيه سريع تجيب لها شي تشربه .. م امداها راحت من هنا الا وطلعت الريم من هنا ..

راكان يناظر حوالين الغرفه ~ وين راحت ذي ..( قعد ع كراسي الانتظار) بنتظرها هنا شوي الا ما تجي ..

جا سلطان وقعد جنبها ...

سلطان : الريم ..

طبعا هو ما رد عليه ولا أعطاه وجه لانه أصلا للحين م تعود على انهم ينادونه الريم هههه !

سلطان : الريم اكلمك ..

راكان : ....... لا رد

سلطان نكزها بذراعها : الريم ..!

راكان صرخ بعصبيه : اوووف الريم مين .. خير نعم اش تبي؟!

سلطان : تكفين لا تصرخين يتجمعون الناس .. بقولك كلمتين وامشي ..

راكان بعد م ناظره : انتتتتتت؟ انت مو اللي جيت غرفتي امس؟

سلطان : أي انا .. بقولك شي سواء تذكرين او م تذكرين .. ما كان عمر اللي يكلمك .. كنت انا وهذيك مشاعري انا .. ارجعي للماضي وتعرفين ..

راكان : وش قاعد تخربط انت .. أقول ابعد عني بس ..

سلطان وقف : انا ماشي ومبسوط انك بخير ..

لف ع وراه بيمشي الا وخالد جااي بوجهه .....

سلطان توتر ~ ان شاء الله م يكون شافني اكلمها ان شاء الله م يكون شافني اكلمها ..

انتهى البارت