راكان عطاهم ابتسامه شريره : ..........

بدر باستغراب : اش عندك ابتسمت؟!

راكان عطاهم نظره قويه : ما تحسون انكم قاعدين تتمادون علي؟! كيف تتجرأون؟! من انتوا عشان تتجرأون؟!

خالد من وراهم ابتسم بسرعه اخفى ابتسامته لا ينتبهون ..

الشله انصدموا من رده كلن يناظر الثاني ..

راكان أشر بإصبعه ع وجه بدر : اللي سويته امس مارح انساه واوعدك انت وهم الرد بيوجعكم ..

سعود انخرش : ههه اش .. اش فيك راكان؟! ترا ترا كنا نمزح ..

بدر تراجع عنه ابتعد شوي لان راكان كان مقابله بالضبط .. ويناظره بصمت ..

عبدالعزيز قرب من راكان : ممكن هم يخافون منك .. لكن انا تعديت هالمرحله من زمان .. كلامك م عاد يأثر فيني ..

سعود يمسكه مع كمه ويهمس : وقف عزوز وقف ...

راكان ارتبك بلحظه اقتراب عبدالعزيز وخاف مره ( او بالاصح خافت ) ...

الريم ~ يمه يمه اش فيه ذا ؟! وانا وش قعدت اقول ( ناظرت خالد نظره خاطفه ) كله منك خليتني اقول هالكلام .. ياربي مرعوبه انا بمووووت .. الكل تأثر الا هذا عبدالعزيز يخوف الله يستر منه خل اكمل لا تستسلمي انتي راكان لا تستلمي تصرفي نفسه ( تقبض ايدينها بقوه وترفع راسها وتناظره) ..

راكان : بديت اتذكر بعض الاشياء عنك ..

عبدالعزيز توتر : وش .. وش تذكرت ؟؟؟؟!!!

راكان : تعرف مع الوقت .. كل شي بوقته حلو .. >> عطاهم مقفاه واشر لهم باي ومشى ..

بعد م اختفت الريم عن انظارهم ركضت وركضت وركضت لابعد نقطه بالمدرسه ههههه ... وقفت من الركض تلهث ..

الريم ~ ياااااربي وشششش سويت؟! اللي سويته صح ولا لا ؟! خايفه من الايام الجايه ..

...... : راكان!

الريم لفت عليه منخرشه : بسم الله .. هذا انت خالد خرشتني..

خالد ضمهاا بقوه : كفوووو عليك والله انك كفووو .. كنتي مثل راكان بالضبط .. (حط ايدينه ع كتوفها ويتكلم معها وجها لوجه) لو تستمرين كذا رح يهابونك لا توقفين ..

الريم ابتسمت بخفه و عيونها للارض ...

خالد ناظر ايدينه كانت ترجف مسكها : اش فيك!؟

الريم : م مافي شي ..

خالد : لا تخافين انتي ماشيه صح ..

الريم : كنت مرعوبه بس .. اول مره اوقف بوجه احد كذا واهاوشه .. كنت افكر اني م اقدر .. بس لما تخيلت اني راكان قدرت ..

خالد : عشان كذا مع ناس راكان تخيلي انك راكان .. عشان تقدرين تواجهينهم .. اول خطوه عديتيها بنجاح .. البدايه تكون صعبه وانتي كنتي قدها .. اللحين بيصير سهل عليك تواجهينهم .. لا تعطينهم فرصه يشوفونك ضعيفه هم متعودين ع راكان قوي ويخافونه لا صرتي ضعيفه بتصير فرصتهم يطيحونك ..

الريم : ليش م اطلعهم من حياة راكان وخلاص؟

خالد : ما نقدر اهلنا بينهم شراكات .. حتى لو طلعهم راكان من حياته اللحين بيدخلون حياته مستقبلا .. يفرض هيبته عليهم من بدري افضل وبيسهل عليه مستقبلا ..

الريم : ما ادري ما ادري .. المهم لا تتركني ..

خالد : ولا يهمك انا وراك بس نفذي كلامي بالحرف ..

الريم : ان شاء الله 😮‍💨..

رجعوا الشله لفصلهم يتناقشون باللي صار .....

سعود : انا بديت اخاف لا يكون تذكر .. بنروح فيها ..

عبدالعزيز بهمس : يا شباب ترا مافي حل الا اننا نتخلص منه.. ولا رح ننتهي ..

سعود : من جدك انت!؟ تبي نرتكب نفس الغلطه مره ثانيه!!!

عبدالعزيز : لا هالمره نحاول نتأكد من شغلنا..

سعود : بدر قوووول شي!!

بدر : ما ادري اش اقول بس شفت راكان القديم .. هالشي مو بصالحنا ..

سعود : يعني اللحين م عاد نقدر نتكلم معه ..

بدر تنهد بتعب : اوووووف .. ماني عارف ..

عبدالعزيز : التفكير بيذبحني ي عيال .. كل ما افكر انه تذكر الحادث .. احس ودي ........

سعود قاطعه : عارفين وش بتقول .. امنعنا من افكارك السودا ..

عبدالعزيز : عطوني حل طيب ..

بدر حطه وجهه ع الطاوله يحاول يفكر بهدوء ....

عبدالعزيز : بدر!!!!!

بدر : لحد يكلمني خلوني افكر ..

سعود : أي فكر فكر الأيام الجايه رح تكون صعبه ..

عبدالعزيز : لا تزيدها علينا تكفى ...

في مدرسة البنات اخوات راكان .. كان فيه اشاعه منتشره و جت ميهاف للتوأم تتأكد من صحتها ....

ميهاف تخصرت : اللي سمعته صحيح ؟!

لينا بابتسامه جانبيه : الناس تسلم اول ..

ليان : اووووه كم لك ساحبه علينا ؟! غريبه تنازلتي تكلمينا اليووم!!

ميهاف : عشان خاطر راكان مستعده اسوي أي شي .. ودامه طلب مني اقطع علاقتي فيكم قطعتها ..

لينا : كملي القطيعه جايه تكلمينا ليه ؟!

ميهاف : خلاص راكان صحا .. و مو متذكر شي .. مافي داعي تستمر قطعتنا ..

لينا : لاااا يااا شيخه .. متى ما بغيتي قطعتي ومتى م بغيتي جيتي ! فارقي فارقي بس ..

ميهاف : ليييون تكفين اسمعيني .. ( ناظرت ليان ) معليش ليان ابيها بكلمة راس .. اذا ممكن ..

ليان ناظرت لينا : انا مع البنات لا خلصتي تعالي ..

لينا تكتفت : خير ان شاء الله ..

ميهاف : ليون انتي مجربه اللي انا عشته .. انتي تحبين بدر اخوي و كنتي تسوين أي شي عشانه .. حطي نفسك مكاني .. انا سويت كل شي عشان راكان انتي اكثر شخص يعرف قد ايش احب راكان ..

لينا : اولاً اخوك هذا صار بقمة الناس اللي اكرههم بعد ما صدق اني خنته وسحب علي .. لا يمكن ارجع احبه مره ثانيه ..

ميهاف : كنتي تقدرين تثبتين له انك ما خنتيه بس انتي ما تبين ..

لينا : كنت تحت التهديد من راكان ..

ميهاف : لما كان راكان بغيبوبه كنتي تقدرين ..

لينا ~ غبيه ما تدري ان راكان عنده شخص يثق فيه و يشتغل لصالحه حتى لو مو موجود بحياتي تهديداته ما تخلص .. خليها ع عماها الغباء يناسبها ..

ناظرتها من فوق لتحت وعطتها ظهرها بتمشي ...

ميهاف مسكتها من ذراعها : تعاااالي وين رايحه ؟ ..

لينا بعصبيه : ششتبين ؟! مو خلصنا ؟

ميهاف : لا أصلا ما كان موضوعنا بدر ولا جيت أتكلم عنه ..

لينا : لا حول و لا قوة الا بالله .. يا الله انك تصبرني ع هالانسانه .. خير وش موضوعك ؟!

ميهاف : سمعت البنات يتكلمون .. الموضوع اشاعه ما ادري اذا صدق ..

لينا : ايييييييييييييييييييه !!! وش هو هالموضوع اختصري ..؟

ميهاف : انو انتي رح تسوين بارتي بالشاليه بكره .. و عزمتي صديقاتك .. فوق هذا رح تجيبين راكان؟! مستحيل تجيبينه احس اكيد اشاعه صح ؟!

لينا : وش يهمك اذا انه صدق او اشاعه ..؟!

ميهاف : تكفين تكفيييييييين انتي تدرين اني اموت فيه واغار عليه حد الجنون .. وفيه كثير بنات انجنوا عليه .. تجين تحطينه بوسطهم ليه .. اذا السالفه صدق تراجعي ...

لينا ابتسمت : ومن انتي عشان اتراجع عشانك ؟

ميهاف : يعني الموضوع صدق رح تجيبينه ؟ ..

لينا : اييييه رح اجيبه ورح اعطي فرصه للبنات اللي يحبونه في انهم يكونون قريبين منه يمكن تجوز له وحده منهم ويحبها ما تدرين .. عندك شي ؟!

ميهاف : انتي قاعده تغلطين ترا .. مستحيل اسكت لك .. رح اخرب حفلك ذا ..

لينا : حبيبتي اعلى ما بخيلك اركبيه .. واللي تقدرين عليه سويه لا تقصرين .. تششششاوو ..

ميهاف ~ طيب طيب انتي جبتيها لنفسك .. اذا ما اعرف الشاليه ذا وينه واهد حفلتكم ع راسك ما أكون اسمي ميهاف ..

انتهى الدوام المدرسي .. بدر وشلته اتفقوا يتقابلون في بيت بدر بما ان ابوه مسافر و يتناقشون اش يسوون ..

اما راكان كان طالع من المدرسه لحاله و الحمدلله ما تواجه مع احد .. و خالد عينه عليه من بعيد .. فجأه شافه يركض ناحيه سياره كانت واقفه عند باب المدرسه .. قرب خالد بسرعه يشوف مين .. شافه عرفه وتطمن ......

راكان مصدوم : انت بنفسك جيت تاخذني ؟!

أبو راكان : ابوك عادي مافيها شي لا تعصب ..

راكان ابتسم فتح الباب وركب : ليش اعصب بالعكس الواحد ينبسط اذا ابوه جا ياخذه ..

أبو راكان مصدوم : والله ؟! ع كذا كل يوم بمر اخذك ..

راكان : لا لا طبعا مو كل يوم ..

أبو راكان : هههه صدمتني انك انبسطت توقعت تعصب علي .. كنت احب اجيك واخذك أحيانا بس انت الله يهديك م تحب تقول شايفني بزر..

راكان ألتفتت للشباك وضحكت بخفه وهي تتحلطم ~ ههه العيال طبعهم شين ما يتغير ..

أبو راكان : قلت شي ..

راكان : لا قلت عادي لو حبيت تجي تاخذني بس مابيك كل يوم تمرني وتترك الشغل ..

أبو راكان : و لا يهمك .. ( حط ايده ع شعره ويربت عليه بحنيه ) انت بخير بعد امس؟

راكان : لا ينشغل بالك زي الحصان ..

أبو راكان : هههه ما شاء الله هذا ولدي دايما قوي مثل ابوه ..

راكان : ههههههههه اكيد ..

بعد لحظة صمت ....

أبو راكان : انا اسف اللي صار لك امس غلطتي ..

راكان : انا نسيت الموضوع وانت انساه ما صار الا كل خير ..

أبو راكان : انت متأكد انك بخير؟ .. فيه جرح بجبهتك ومادري اذا فيه عندك جروح باماكن ثانيه .. ابي اخذك للمستشفى اتطمن عليك ..

راكان : لاااااااااا تكفى انا مافيني الا العافيه .. مابي اروح المستشفى ..

أبو راكان : طيب بس اوعدني بعد الويكند تروح انت ساحب على علاجاتك لو ملاحظ ..

راكان : ان شاء الله ان شاء الله بروح ..

وصلوا البيت و كان الكل ينتظرهم ع الغدا .. اخذ شاور سريع ونزل قعد معهم .. طبيعي امه لاحظت الجرح بجبهته و سألته عاد هو صرفها و قال انه طاح بالمدرسه ...

بعد الغدا كان يبي يرتاح وينام شوي الا و اندق باب غرفته ..

لينا : ممكن ادخل ..

راكان كان منسدح قعد : أي طبعا تعالي ..

لينا قعدت جنبه : اممم بصراحه .. ودي اطلب منك طلب .. أتمنى ما تردني ..

راكان : امري أي شي تبينه ..

لينا تنهدت : مو معقول انت تقولي امري .. عجزت استوعب حنيتك هذي ..

راكان : أي اخ لازم يتعامل بحنيه مع اخته .. اذا ما عاملتك كذا من بيعاملك ..

لينا : يا الله حبيت راكان الجديد أتمنى تكون كذا ع طول ..

راكان : هههه ان شاء الله ما قلتي لي اش طلبك ..؟

لينا : حجزت شاليه حق بكره .. اتفقنا انا وليون تكون طلعة اخوه ونبيك تكون معنا ..

راكان : بس كذااا ابشري .. الساعه كم ..؟ امي وابوي رح يجون معنا ؟

لينا : لا لا بس احنا .. وطبعا قلت لامي وابوي عندهم خبر .. الوقت رح نطلع بدري انا وليون وبرسلك الموقع ع الساعه 8 كذا تجينا ..

راكان : ليش م نطلع مع بعض؟

لينا : نبي نروح السوق انا وليون قبل نشتري سناكات وكم شغله نبيها .. بعدين نروح الشاليه .. برسلك الموقع وتلحقنا ..

راكان : اهاا خلاص تم ..

لينا ابتسمت بخبث : رح ننبسط متأكده ..

راكان : اكيد دام اني معكم ..

لينا ~ اوووف ياربي قاعد يحسسني بتأنيب الضمير ..

طلعت من غرفته و كانت ليان برا ع الباب تحاول تسمع بس ما قدرت تسمع شي ...

ليان بحماس مع خوف : بشري وش سويتي ؟

لينا : المهمه تمت رح يجي ...

ليان : يمممه م اصدق انه وافق كيف اقنعتيه ..؟

لينا : سر المهنه ..

ليان : بديت أخاف والله ..اش بتسوين بكره ..؟

لينا : يوووه يا ليون فضولك م ينتهي بس تسألين .. خلاص بكره تشوفين ..

بالليل في بيت بدر تجمعوا الشله ....

بدر : يا الله ان تحيهم ..

سعود : الله يبقيك ..

عبدالعزيز : بس حنا ؟ وين البقيه ؟

بدر : أي بس حنا .. حنا اللي راسنا بالمصيبه ..

سعود : شلون حنا بس .. عبدالله وخالد يدرون ..!

عبدالعزيز : لا تدري ازين خالد م اثق فيه ..

سعود : يا عيال تجاوزنا موضوع الثقه ..

بدر : والله انا ما قدرت عجزت اتقبل خالد .. وعبدالله ما منه فايده .. المهم خلونا نفكر اللحين بمصيبتنا ..

سعود : انتوا خايفين ان راكان يتذكر .. يعني هو قنبله موقوته ممكن بأي لحظه بنفجر .. انا تعبت وانا عايش مع هالرعب ..

بدر : ايييه وش تقترح حضرتك نسوي ؟

سعود : أقول لازم نعترف له وخلاص ..

عبدالعزيز تنرفز : صاحي انت؟ تعترف له أيش؟! واذا اعترفت الحاصل اللي بيحصل علي انا .. انا اللي كنت اسوق السياره ..

سعود : وانا كنت جنبك .. كلنا بالهوا سوا ..

بدر : والخطه كانت خطتي .. بس م توقعنا يصير اللي صار كنا نبي نخوفه بس .. لكن انت يا عزوز الله يهديك فقدت السيطره و توهقنا ..

عبدالعزيز : اعتقد خلصنا موضوع انكم تلوموني من زمان نبي حل اللحين ..

بدر تنهد : ممكن يكون سعود عنده حق .. نعترف له ونحاول نضمنه بصفنا نصير كويسين معه يعني .. افضل من انه يتذكر ويحقد علينا بعدين ..

عبدالعزيز : لااااااا انتوا انجنيتوا .. وش يضمن لكم انه مارح ياخذنا للسجن ؟

بدر : مسحنا الادله ما عنده دليل .. اعترافنا اذا جحدناه مارح يكون عنده دليل ..

عبدالعزيز : فكروا تكفون اكيد في حل ثاني ..

سعود : والله يا اخوك انا تعبت عايش بقلق خل نقوله ونرتاح .. لو بينا له اننا ندمانين ممكن يسامحنا ..

عبدالعزيز : واذا ما سامحنا؟ واذا حقد علينا اكثر ؟!

بدر : بعد عزوز صادق مافي شي مضمون ..

سعود : انا مع فكره نعترف واللي فيها فيها ..

بدر : وانا أحيانا كذا افكر .. اسمعوا انا بكلمه بشكل غير مباشر وألمح له اننا غلطنا بحقه بالماضي واشوف ردة فعله .. اذا حسيته رح يسامحنا بعترف له ...

سعود : ايه كذا افضل ..

عبدالعزيز وقف وهو معصب : يعني رح نرجع مره ثانيه تحت رحمته !؟

بدر : رح نشوف لنا حل ..

عبدالعزيز : حلولكم اللي تجيب الهم .. بطلع برا ادخن .. >> تركهم ومشى ..

سعود : والله ما ينلام ..

بدر : اوووووف اوووف تعبت ...

سعود : كلنا ..

بالنسبه لخالد أساسا كان عنده شغل وشغل مهم بالنسبه له .. قرر يروح المستشفى ويحاول يعرف أي شي عن الريم .. انتظر قدام غرفتها كثير لعل وعسى أي احد يمر يزورها .. كانت هذي خطته مبدئياً ما حب يستفسر من إدارة المستشفى خوفا لا يوصل كلام لاهلها ان فيه احد سأل عنها خصوصا ان الريم قالت له اخوها يشتغل بالمستشفى ..

وأخيرا جا احد لغرفه الريم .. طبعا هو كان واقف برا قدام الوندو .. وقف قدام وندو مريض ثاني حتى لا يشك انه جاي ل الريم .. وكانت عينه ع الشخص اللي دخل .. شافه قعد عندها شوي كل كم دقيقه يطل عليه وهو مو منتبه له .. شافه كان يبكي ع راسها .. وهنا تأكد انه واحد من عايلتها .. ثم طلع من الغرفه .. ولحقه خالد بدون لا يحس .. و هو يمشي وراه صادف اداري يعرفه و وقفه سلم عليه ....

الإداري : منورنا يا خالد والله .. شلون الوالد عساه بخير ..

خالد : ابشرك الحمد لله بخير .. الا بغيت اسألك .. شفت هذاك اللي تو مريت من جنبه ..

الإداري لف وراه يناظر : ايه وش فيه ؟..

خالد : تعرف من هو؟ احس اني مشبه عليه ..

الإداري : ايييه هذا اخو الدكتور تركي اسمه طلال واخوه الدكتور تركي ماقصر .. اشرف على علاج راكان في بداياته اذا تذكر .. حتى انه كان معهم بغرفه العمليات لما جبتوه بعد الحادث ..

خالد : اهاا ايه تذكرته الدكتور تركي .. دام اني جيت وذكرناه ودي اقابله واشكره .. بس اني ما ادل غرفته ...

الإداري : تمشي من هنا سيده بعدين يسار رقم غرفته 52 ..

خالد : مشكور يابو محمد ما قصرت ..

أبو محمد : العفو سلم لي على ابوك كثير السلام ..

خالد : يوصل و لا يهمك ..

وتوجهه صوب الغرفه ع طول كان يحس يغامر لكن مع ذلك مستمر ....

وصل لباب الغرفه كان بيدق ويدخل بس الباب كان مفتوح شوي و سمع كلامهم بدون قصد ...

تركي : يا طلال تكفى خلاص لا تلوم نفسك .. بإذن الله تقوم بالسلامه ..

طلال : انا اسف ادري ابثرتك بس ماني قادر انام .. كل ما نمت جتني كوابيس عن الريم .. اليوم صحيت عيوني غرقانه دموع .. على طول جيت اشوفها .. قاعده تجيني باحلامي واضح زعلانه مني .. انا السبب في اللي جاها ..

خالد مصدوم ~ اش قصده ذا وش قاعد يقول ؟!

تركي : انت قاعد تتوهم اللحين ..صدقني اذا صحت الريم بتلقاها نست كل شي انت سويته ..

طلال : انت تواسيني انا عارف..

تركي : طلال وضعك ما يطمن .. لازم تطلع تغير جو .. لازم تشيل الأفكار هذي من راسك .. ابيك ترجع طلال القوي اللي اعرفه ..

طلال : ادعي القوه وانا اخوك .. انا قدامك وقدام خويي عادل بس ضعيف .. قدام امي وسمر أحاول أكون قوي ..

تركي : رح تكون ورح تصحا اختنا باذن الله .. ورح ترجع حياتنا زي قبل واحسن وقول ان تركي قال ..

طلال : الله يسمع منك ..

تركي : لك مده تارك المعهد .. لازم ترجع له .. ومنها تشغل تفكيرك شوي ..

طلال : أي خلاص مقدر اخذ اجازه أطول من كذا .. من الأسبوع الجاي انا راجع .. بس ترجيتهم يسمحون لي استخدم الجوال عشان اذا جا خبر عن الريم تعلموني .. الحمدلله ما قصروا سمحوا لي ..

تركي : كويس وان شاء الله رح نبشرك بالأخبار الزينه ..

طلال : ان شاء الله ..

اندق باب الغرفه ..

تركي : تفضل ..

خالد : السلام عليكم .. الدكتور تركي ؟

تركي : عليكم السلام حياك تفضل ..

طلال وقف : يالله انا استأذنك .. اتركك تشوف شغلك ..

تركي : تمام اذنك معك ..

بعد ما طلع طلال ......

تركي : تفضل ارتاح .. انت حاجز موعد ؟ ما خبرتني الممرضه ان فيه مريض جاي ..

خالد : لا لا انا مب مريض .. انا جيت اشكرك لانك عالجت واحد من اصحابي اللي اعتبره مثل اخوي .. والحمدلله قام بالسلامه ...

تركي : من كثر المرضى والله ما اذكر السموحه .. الحمدلله ع سلامته ..

خالد : الله يسلمك .. هو راكان اللي كان بغيبوبه وقام من فتره ..

تركي : ايييه راكان عرفته .. مافي احد بالمستشفى ما يعرفه .. تصدق انه قام من هنا ودخلت اختي مكانه من هنا .. دعواتك تقوم بالسلامه ..

خالد : الله يقومها بالسلامه يارب .. هي بعد حادث نفس راكان ؟

تركي : لاوالله وهي نايمه صار اللي صار ..

خالد : تطمن ان شاء الله تقوم بالسلامه مثل ما قام راكان ..

تركي : الله يسمع منك ..

خالد : يالله اخليك ما ابي اشغلك .. مريت من غرفتك تذكرت الاسم وقلت ادخل اشكرك ..

تركي : ابد العفو ماله داعي هذا واجبنا .. حياك الله بأي وقت ..

خالد ~ لازم اعرف عن عايلتها اكثر مادري ليه بس احس لازم اعرف .. رح تنصدم اذا قلت لها اني قابلت اخوانها هههه ...

نروح الرياض ....

// فلاش باك قبل كم يوم ......

كان سلطان نايم وأول ما صحا نفس كل يوم يمسك الجوال ويشوف اذا وصلته أي رساله من الريم .. شاف اشعار من اسمها فز من مكانه بسرعه وفتح المسج ...

الريم : " اختي دخلت غيبوبه من كم أسبوع دعواتك لها " ..

سلطان بس قرا المسج طاح الجوال من يده حس وكأن الدنيا وقفت فيه .. م استوعب في البدايه جا على باله مليون فكره وانه ممكن يكون مقلب .. بس هي م تعرفه حالياً ولا يمونون ف ليه تمقلبه .. اخذ وقت عشان يستوعب ويقتنع .. بعدين بدل ملابسه وطلع يفر بالشوارع بدون أي هدف ...

سلطان ~ لازم عمر يعرف لازم .. >> دق عليه وسأله وينه قال باستراحتهم .. بسرعه راح يقابله ..

الشله : اووه سلطان ارحب ..

عمر : ارحب سلطان .. وينك طولت ..؟

سلطان بضيقه : البقى كلكم .. كنت افتر بالشوارع ..

عمر : وش فيك عسى ماشر؟ وجهك ما يبشر بخير ..

سلطان : عمر تعال برا ابيك بكلمة راس ..

عمر : ابشر ..

طلعوا برا يتكلمون بعيد عن ازعاج شلتهم ..

عمر : تكلم وش فيه ؟ احد من اهلك صار له شي ..؟!

سلطان : لا لا لا اهلي بخير ..

عمر بقلق : علمني وش فيك اجل ؟!

سلطان : تذكر الريم ؟!

عمر : يا ليل هذي البنت مره ثانيه ؟ شكلها اخذت عقلك .. اش فيها قدرت تكلمها ؟!

سلطان : انت قولي بالاول تحبها ولا لا ؟

عمر : قلت لك البنت تطقطق مافي شي اسمه حب .. انسى ..

سلطان : يعني ما تحبها ؟! ولا رح تكون؟ هي ولا شي بالنسبه لك صح؟

عمر : صح .. و أتمنى ما عاد تجيب سيرتها .. شكلها ردت عليك عشان كذا متضايق .. اش قالت لك هالغبيه ؟

سلطان عصب : البنت .. اللي تقول عنها غبيه .. بغيبوبه بالمستشفى .. ممكن تموت .. وما تدري ممكن انت السبب .. كانت تحبك جد ..

عمر : ههههههههههههه وانت صدقت!! لا لا مو من جدك .. هذي وحده من افلامها ..

سلطان تنرفز : قاعد اقولك رح تموت .. اختها ردت علي بسناب وقالت لي ..

عمر : وانت بعقلك ذا صدقت .. البنت تلعب عليك وانت مصدق ي حليلك ..

سلطان قبض ايدينه بقوه معصب : ماعمرها كذبت بمرض .. متأكد انا ..

عمر : طيب انت اللحين زعلان ومعصب ومتضايق عليها ليه .. من بلكتني وانا ناسيها .. كانت حيه الله يستر عليها كانت ميته الله يرحمها ما تهمني .. لا تعلمني اخبارها م اهتم اذا انت مهتم فيها مره خذها لك حبها انت وبتشوف بنفسك انها قاعده تطقطق عليك رح تطفش منك ورح تلحقني بالبلوك ..

سلطان تضايق مره بس حاول يكون هادي قدامه : انت قلت رح تمشي الشرقيه الويكند صح ؟

عمر : ايه ها غيرت رايك بتجي معي ؟!

سلطان : اكيد بجي ..الخميس بعد صلاه العشاء نمشي ..

عمر : خلاص تم .. بس ليه غيرت رايك ..؟

سلطان ~ كنت افكرها فعلا ساحبه علي وانها ماخذتني طقطقه حتى وانا اكلمها ع اني بنت .. ظلمتها ما كنت ادري عن اللي صار معها .. م كنت رح اطب المدينه اللي هي فيها .. بس قررت اروح حتى لو ما اعرف وينها و بأي مستشفى .. ابي اروح للمدينه اللي هي فيها .. يمكن يهدا قلبي شوي ..

عمر : الووو وين شردت ؟!

سلطان : موجود .. بس طفشت وابي اغير جو قلت اخاويك .. من بيجي معك ؟

عمر : انا و ولد عمي يزيد بس ..

سلطان : كويس ما نبي ناس واجد ..

نرجع لليوم الحالي كان الخميس .. بعد صلاه العشاء .. الكل مستعد وجاهز وماشيين خط للرياض بسياره يزيد ...

سلطان ~ ما صدقت متى يجي هالخميس وامشي للشرقيه .. الأيام اللي راحت كانت طويله بالنسبه لي بشكل وكأنها سنين .. حسيت اني اختنقت .. يمكن أوصل هناك ارتاح شوي!

عمر : يا عيال بفاجئ راكان بصور له بس نوصل الشرقيه ..

يزيد : ياولد هو ساحب عليك من مده ما يرد ولا يشوف استوريك .. و كله تشتكي منه .. تبيه يشوفك انك بالشرقيه !؟

عمر : ان شاء الله عاد يشوف .. انا متعني عاد وجاي عشانه .. وان شاء الله يعزمنا ع افخم مطعم عندهم ..

يزيد : هههههه ايه خله يشوف بالاول بعدين يصير خير ..

عمر : معليك رح يشوف .. ( لف على ورى ) غريبه ساكت يا سليطين اش فيك ؟

سلطان : ابد مافي شي .. بس م نمت زين .. ممكن اخذ غفوه على ما نوصل ..

عمر : أي خلاص خلاص نم .. لا وصلنا صحيتك ..

طبعا بعد 3 ساعات تقريبا ونص وصلوا واستأجروا فندق يرتاحوا فيه ومن بكره رح يبدون دشره هههه....

نرجع لبيت راكان .. طول اليوم كان نايم .. صحا ع ال 3 الفجر .....

الريم مسكت الجوال تشوف الساعه ~ اوووله يومي كله راح نوم! .. وش هالنوم مو طبيعي .. يووه بعد اذكر صحوني أقولهم طيب بقوم واسحب .. واضح استسلموا اخر شي وتركوني ...

شافت اشعارات واجد من سناب .. طبعا سناب راكان م يوقف دايما يرسلون له واضافاته ما توقف .. ف عشان كذا هي ساحبه عليه ومع سالفه الخطف ولما بدر اخذ جوالها نست موضوعه ..

طبعا قدر خالد يسترد جوالاتهم وعطى الريم جوالها حطته بالشاحن لانه طفى ونسته ونامت توها اللحين تشوفه ........

الريم ~ دقيييييقه ! هذا عموري مرسلي .. ومرسل كثير بس انا م رديت .. مرسل صور وفيديوهات ...

كان مرسل لها : " وينك مختفي .. عسى ما شر .. الوو .. راكان وينك ؟ .. راكان بجيك الشرقيه بالويكند ..( ارسل مقاطع فيديو لهم بالاستراحه طقطقته مع اخوياه + ارسل صوره بفلتر الشرقيه كانت هذي اخر صوره أرسلها ) .."

الريم ~ يمممممممممه ذا صار عندنا هنا .. لا لا مو من جده سواها وجا .. بدا قلبي يدق .. معقوله رح اشوفه واقعد معه .. احس قلبي بيطلع من مكانه .. رح ارتبك قدامه ما رح اقدر حتى لو كنت ولد ... بسحب بسحب عليه مارح ارد .. اذا ما أصر ما رح اقابله .. أي خلاص ان شاء الله ينسى ☹ ..

الريم وقفت قدام المرايه رفعت الشعر من جبهتها ~ هذا الجرح لازم يروح ... (بعدين نزلت الشعر) يالله معليه الشعر يغطي .. ( انتبهت في دم ورا عند رقبتها و ع ملابسها ) بسم الله وش ذا ..( تحط يدها ورا شعرها و ع راسها من تحت ..و تطلع يدها وتناظر فيه دم ) .. ياربي انا ضمدت هالمكان .. توقعت ألتئم الجرح .. ليه رجع ينزف مره ثانيه ؟! >> اذا تذكرون قبل تنخطف ضربوها بحديده ع راسها من ورا .. تألمت وقتها ونزفت بس ضمدته لما رجعت بيت خالد .. وحاليا بدا يرجع لها الألم كانت تأخذ مسكنات عشان لا تحس بالالم وعشان لا تروح المستشفى اخفت الجرح بشعرها ..

الريم ~ معليه معليه يومين ويخف بضمده اللحين واخذ حبتين مسكن واصير احسن .. وراي شاليه لازم اروح له ..

ليان ولينا طلعوا من بدري يجهزوا الشاليه .. وكانوا متفقين مع صديقاتهم الساعه 6 الكل يكون موجود .. وبلغت البنات ان راكان رح يكون موجود .. البنات انبسطوا اغلب اللي عزمتهم كانوا حرفيا يموتون ع راكان ..وقالت لهم انهم رح يسوون سبرايز حق راكان بمناسبه قومته بالسلامه .. واللي مو عاجبها لا تجي .. طبعا الكل جاء .. وكلهم كانوا يدرون ان راكان رح يكون حاضر .. الا سمر .......

سمر : ميوش اسمعي حدي الساعه 9 وارجع البيت .. انا قلت لامي اني رايحه بيتكم ..

مي : بالعاده خالتي ما تسمح لك .. بالموت تجين بيتنا .. بس دام سمحت لك ف هي شايفه ان نفسيتك مب زينه ..

سمر تنهدت : عاد ان شاء الله ننبسط لو شوي ..

مي : ان شاء الله رح تنبسطين ( قالت بهمس ) بس يارب م تخقين ع ركوني ...

سمر : وش قاعده تتحلطمين تقولين ..

مي : و لا شي ياحبيبتي ولا شي ..

سمر : ما تلاحظين انكم مبالغين بكشختكم ..؟ حسيت اني جايه زواج مو بارتي بنات !!

مي ~ ما تدرين انهم يبون يخطفون قلب حبيبي ركون : ايه عاد لان اللي عازمتنا من طبقة الأغنياء ف لازم نبين كشخه ..

سمر : اوفر عاد .. هذاني لبست فستان عادي وميكب خفيف وجيت ..

مي : ياروحي انتي حلوه لو ايش ما لبستي و ايش ما حطيتي .. مو احنا ..

سمر : هههههههههه تضحكين ..

بعد عدة دقايق قفلوا الانوار .. وبقت انوار خافته ...

سمر : اش صاير اش فيهم هذول كلهم وقفوا عند الباب ..؟ حسيت انه حفل ميلاد ..

مي : أي تقريبا .. بروح أوقف معهم .. خليك هنا بجيك ..

سمر : لا بجي معك بشوف سلامات ..

مي : مافي داعي خليك ..

سمر سحبتها من ذراعها : امشي امشي بس خل نشوف اخرة هالهياط ..

مي : ياربي ...

الساعه 7 ونص .. كانت الريم ع وشك تقوم تستعد .. الا وجاها اتصال ...

راكان : هلا خالد ..

خالد : اهلين .. وينك ؟

راكان : بالبيت ..

خالد : طيب بمرك ..

راكان : لا بتجهز و اطلع أصلا ..

خالد باستغراب : ويييين ؟!

راكان : اخواتي عازميني ع شاليه ..

خالد : لا مو من جدك!

راكان : ليه ؟!

خالد : اخوات راكان يكرهونه مو معقول يعزمونه ..

راكان : بس انا مو راكان ..

خالد : يوووه نسيت اكيد انتي تتعاملين معهم وكنك الريم ..

راكان : اتعامل معهم عادي .. ك اخوات يعني ..

خالد : لا لا غلط .. رح يشكون .. لازم اقابلك ..

راكان : طيب تعال مرني و وصلني الشاليه نتكلم بالطريق ..

خالد : يالله انا جاي بالطريق ..

الساعه 8 استعدت الريم اللي هي راكان طبعا وجهزت نفسها لبست ثوب وكبكات كشخت راكان ع الاخر .. وحطت ذاك العطر اللي رحته ينشم من ع بعد مترين ..

الريم ~ من قال ان العيال م يكشخون .. شوف كيف كشختك يا راكان .. ههه عاد لينا قالت لي اكشخ وتعال .. مادري اش وراها هالبنت .. نروح ونشوف ..

وصل خالد وكان بانتظارها تحت ... كان واقف قدام السياره ماسك جواله وينتظرها .. نزلت و فتح لها الباب وركبت .. ومشوا ......

خالد : اوف اوف وش مسويه براكان ..؟

الريم : شرايك مو طالع حلو ؟

خالد : هههههههههه لو يدري راكان بس ..

الريم : ليه يعني مو حلو ؟

خالد : لا حلو حلو .. يكفي ريحة عطرك ماشاء الله ..

الريم : طيب اش كنت تبي تتكلم فيه ؟

خالد : لازم تتعاملين مع اخوات راكان بقسوه ..

الريم : مسسسستحيل ليش؟!

خالد : لان هذا راكان وهذي طريقته ..

الريم : مستحيل ما اقدر ..

خالد : لاز......

الريم قاطعته : قفل قفل الموضوع مارح اعاملهم بقسوه م يستحقون .. اذا بتتكلم كذا مارح اسمع لك ..

خالد : لا حووول ولا قوه الا بالله ..طيب عندي موضوع ثاني .. بس مارح اعلمك إياه الا بعد الشاليه ..

الريم : ليه يعني ؟!

خالد : عشان يبي له قعده .. علميني متى انتهيتوا عشان أمر واخذك ونسولف فيه ..

الريم : اوك طيب .. ان شاء الله خير ...

دق جوال الريم مكالمه من سناب .. رفعت الجوال ولمح خالد الاسم .. طبعا ما ردت وحطته صامت .. استمر يدق بدون توقف ..

خالد : مين هذا عمر ؟!

الريم : ما ادري من أصحاب راكان يمكن ..

خالد : انا اعرف كل شي عن راكان ما مر بحياتنا واحد اسمه عمر .. واشوفه يدق باستمرار .. اذا فيه شي م اعرف عنه قولي لي ..

الريم تنهدت : اوووف مو شغلك هذا شخص م يعرفه راكان ..

خالد : يعني انتي تعرفينه؟!

الريم : مو لازم اجاوبك و لا لازم تعرف كل شي عني ..

خالد تضايق شوي وكان باين عليه : اوك طيب ..

قعدوا ساكتين لحد ما وصولوا الشاليه ...

نزلت الريم من السياره متحمسه الشاليه كان فخم .. بس لاحظت ان انواره مقفله .. يعني هالشي خوفها شوي ... حتى ما كان في صوت لدرجة شكت اذا المكان صحيح او لا ...

تمشي خطوه خطوه فتحت الباب .. وفجأه اشتغلت الانوار والكل يصرخ .....

البنات : سبرااااااااااااااااااااايييييييييزز .....

الريم انججججججلطت : وشششششش ذا ؟؟؟؟؟؟؟!

لينا كانت ماسكه كاميرا وتصوره : هااا اش رايك ركوني بالمفاجأه ...

الريم تناظر بصمت ما تدري وش تقول ... طاحت عينها على اختها سمر .....

سمر مصدومه : خييييييييير تدخلون هذا بينا؟!!! وش هالمهزله ...

مي : تكفين اسكتي يمكن دخل بالغلط ..

سمر ناظرته وعينه عليها .. استحت ع طول و حاولت تغطي وجهها بايدينها .. بعدين ركضت ع ورى تلبس عباتها ~ جعل عينك الفقع ناظرنا م قصر .. الشرهه ع اللي جيت ..

فجأه قفلت كل الانوار وصار ظلام مافي أي نور حتى لو خافت .. قام الكل يدور جواله ويفتحون الفلاش .. لينا وليان مصدومين لان هالشي مو ضمن الخطه اكيد في شي صار ...

الريم ~ بسم الله وش بعد رح يصير اللحين .. >> كانت واقفه بمكانها عند الباب ...

جا احد من وراها وسحبها من ذراعها بسرعه على برا ......

الريم لفت عليه : وششششششش جابك ؟!!!

انتهى البارت