خالد يناظر حوالينه ~ هذيك السياره !! .. لااااا يكون اللي في بالي .......!

فتح عيونه بغرفه صغيره مظلمه شوي فيها شباك واحد بس و الباب .. حط ايده ع راسه يتألم .. حس بشي ع راسه .. ناظر يده مليانه دم .. وشوي نزل الدم ع جبهته لما انحنى يشوف يده ...

الريم اجهشت بالبكاء بخوف ورعب ~ اناااا وييييين ؟ ليش قاعد يصير معي كذا ؟ ادري اني تمنيت حياه ثانيه و في البدايه كانت هي هذي الحياه اللي تمنيتها .. بس كذا كثير علي .. ما عاد اقدر اكمل حياة هالانسان المليانه شقى .. ياربي ابي ارجع لحياتي يارب سامحني على سخطي و امنياتي الغبيه .. يارب سامحني انت الغفور الرحيم ارحمني و رجعني لحياتي انت القادر على كل شي .. يارب ابي ارجع لحياتي او خذ روحي يارب ما عاد فيني حيل ولا عندي استطاعه اكمل ....

ظلت تجهش بالبكاء لما يقارب تقريبا النص ساعه .. بعدين استجمعت نفسها .. و راحت للباب و تضربه بقوه وتنادي .....

راكان : بددددددر سعووووووود .. عبدالعزيز تكفون خلاص الموضوع طال .. ادري ان هذا انتوا افتحوا الباب .. راسي يألمني تكفون افتحوا وجهي كله دم ....

قعدت حول الربع ساعه تنادي و محد رد عليها ..

الريم ~ شلون صار معي كذا ؟ كيف يتجرأون ..؟ لو انه انت يا راكان اش كنت رح تسوي ؟! ارجوك علمني اش كنت رح تسوي !؟

في ذاك الوقت راح خالد صوب بيت راكان و بيت بدر يفتر مو عارف اش يسوي الشي الوحيد اللي خطر له هو ميهاف ممكن بطريقة ما تكون اخذته .. دق عليها م ترد .. دق كثير ما ترد الأخت كانت بالحمام تأخذ شاور و جوالها صامت .. ظل قدام بيتهم ينتظر مو عارف اش يسوي ...

أخيرا دقت عليه ........

ميهاف : " اش فيك حرقت جوالي مكالمات ؟ .. رورو صاير له شي ؟! "

خالد : " تستهبلين ؟! هو مو عندك ؟ انتي ما اخذتيه ؟! "

ميهاف : " شلون اخذته ؟ اش قاعد تقول انت راكان وينه ؟! "

خالد : " اختفى من الشارع كان قدامي فجأه اختفى .."

ميهاف صرخت : " خييييييير وش طلعه للشارع ؟! "

خالد : " اخوك بدر وينه ؟ ممكن يكون سوا له شي .."

ميهاف : " مسسستحيل ما طلع من البيت من رجع .. فهمني ليه تركته يطلع للشارع ؟ "

خالد قفل بوجهها ......

ميهاف عصبت وحذفت الجوال ع السرير : خالد يا حقييييير يا حيوان .. لو يصير له شي م بشوف قدامي الا انت واذبحك .. خل اراقب بدر واخذ منه كلام يمكن دروا انه طلع او ممكن يعرف شي هو او شلته ..

في بيت أبو راكان .. جته مكالمه صدمته بس حاول انه يكون هادئ .. كانوا قاعدين ع العشا وقت المكالمه .......

أبو راكان مصدوم : " نعععم ! .. ( ناظر عايلته اللي كانوا منصدمين من ردة فعله .. ثم حاول يكون اهدأ شوي ) .. انتوا مين ؟ ...... اهااااا ايه طيب .....(ثم قفل) .."

ام راكان : بسم الله اش فيك تغير وجهك كذا ؟ صاير شي ؟!

أبو راكان : لا ابد مافي شي .. مشكله بالشركه بس ..

لينا : اذا نقدر انا وليان نساعدك ترا احنا نعرف نحل المشاكل ..

ليان : يب بس لا تضايق نفسك ما احب اشوفك بهالحاله ..

لينا : أمم ولا انا .. كمل عشاك .. ثم نساعدك بالمشكله ..

أبو راكان : يا حبيباتي .. محلوله لا تخافون .. صحيح قلتوا لي راكان رح ينام عند مين ؟

ام راكان : قال عند بدر .. للامانه قلبي مو متطمن وخايفه عليه بس ما حبيت اكسر بخاطره دامه حاب .. و لا ازعجته باتصالاتي ما ابيه يتضايق .. ان شاء الله بعد العشا ادق عليه اتطمن ..

أبو راكان وقف : ان شاء الله مافيه الا كل خير .. انا طالع للشركه احل هالمشكله و ارجع ..

ام راكان : وعشاك ؟!

أبو راكان : الحمدلله شبعت بالعافيه عليكم ..

وقف خالد قدام بيت راكان .. متردد يدخل يسألهم عن راكان او لا .. في نفس الوقت لو ما كان بالبيت ممكن يقلقهم .. و طبعا ما يبي يقلقهم .. وقف قدام الباب .. نزل يحوم حول الباب محتار مو عارف كيف يسأل .. فجأه طلع أبو راكان بسرعه من الباب ...

أبو راكان متفاجئ : خااالد !؟ وش جابك هنا ؟ .. و لا انت بعد عندك خبر ؟

خالد مو فاهم شي : ء ء عن ايش تتكلم ؟!

أبو راكان : ما شفت راكان اليوم ؟!

خالد تلعثم : هو .. ب بصراحه ..

أبو راكان رفع صوته شوي : مو كان ببيت بدر وبينام عنده ؟!  كيييييييف اخذوه المافيا ؟!

خالد مصدوووم : ما مافيا !!!! .. نفس اللي قبل 5 سنين ؟! مو .. مو تخلصت منهم ؟

أبو راكان : البلا كله من أبو بدر .. اكيد بعده متعاون معهم .. ألحقني نشوفه ..

وراحوا ركض لبيت أبو بدر .. دخل أبو راكان بس خالد وقف ينتظره برا .....

في هالاثناء .. كان أبو بدر قاعد مع ولده .. قبل يمشي للمطار .. الا و فجأه طب عليهم أبو راكان جا صوب أبو بدر و هو معصب مسكه مع ياقته ويصرخ عليه .....

أبو راكان : ولدي راااااااااكان وينه ؟!

أبو بدر ناظر ولده : بدر بسرعه اصعد فوق ..

بدر منخرش الف فكره و فكره تدور في باله ~ لا يكون عرف اني حبسته ؟ شلون مين قاله ؟ .. يا ويلي جبت العيد يا ويلي وش يطلعني من هالمصيبه اللحين ..؟

صادف اخته و هو طالع كانت تبي تنزل ....

بدر : على وين ؟!

ميهاف : م تسمع ؟! ابي اشوف وش ذا الصراخ تحت ..؟

بدر : لا تنزلين أبو راكان عندنا و الظاهر قاعد يتهاوش مع ابوي ..

ميهاف : ليش اش السبب ؟!

بدر : يدور ع ولده عندنا .. مادري مين قاله اننا مجرمين ..

ميهاف : ههه ع أساس م حبسته ...

بدر مصدوم : وانتي اش دراك ؟!

ميهاف : أي شي يخص راكان م يخفى علي ..

بدر حط يده ع فمها : اووشش لحد يسمعك انا م سويت له شي .. ( مسك يدها و سحبها غرفته ) .. تكفين لا تفتحين فمك .. انا بس حبسته و كنت ناوي اطلعه بكره .. دام ابوه معصب .. بكلم العيال يطلعونه اللحين ..

ميهاف تكتفت : انت غبي ؟ يعني بالله عليك لما دريت انه محبوس تتوقع اني بتركه ؟

بدر : اش قصدك ؟ طلعتيه ؟! شلون ؟ و وينه اللحين ؟

ميهاف قعدت ثم تنهدت بتعب : هناااا المشكله .. كان ببيت خالد .. طلع لحاله الشارع ثم اختفى ..

بدر عصب : ومتى ان شاء الله كنتي ناويه تعلميني ؟! .. وانتي بس دااايما تخربين أي شي اسويه ..

ميهاف : أي شي يمس راكان يمسني .. م اسمح لك تأذيه ..

بدر مسك ذراعها بقوه : انا ساكت لك بمزاجي .. لكن تراك زودتيها ..

ميهاف تتألم شوي : آييي اترك يدي !

بدر : هالمره بعديها المره الجايه تتدخلين بأموري انا وهو ما رح يحصل لك طيب ..

ميهاف : احمد ربك انقذتك .. لو صار له شي وهو محبوس بسببك تفكر ابوه ولا ابوي بيسكتون لك !؟

بدر تركها : اجل ليه ابوه جاي يتهجم علينا ؟

ميهاف : مدري عنه ..

بدر بعد التفكير : عشاني قلت لراكان قول لامك انك بتنام عندي ..وش هالغباء ليتني قلت خالد .. ما دريت انه بيختفي ...

ميهاف تنهدت بضيق وحزن : ياربي وينه اللحين وش صار عليه ..يارب احميه ..

بدر : هه عساه م يرجع ..

ميهاف : وجججعع لا تقول كذا ..

بعد الهواش ركد شوي أبو راكان وقعدوا يتكلمون زي الاوادم ...

أبو بدر : والله واللي خلقني بعد هذيك المره م عاد لي أي علاقه بهالناس لا من قريب و لا من بعيد ..

أبو راكان : ليه رجعوا يستهدفوني ؟

أبو بدر : خلصت فلوسهم اكيد .. انت رضخت لابتزازهم اول مره .. اكيد بيرجعون ..

أبو راكان : ما كان بإيدي حل .. و انت وافقتني وقتها .. واساسا انت اللي جبتهم بلا ع راسي ..

أبو بدر : كنت متهور .. ما توقعتهم ناس خطيرين كذا .. كم مره حلفت لك اني ما دريت انهم ناويين يخطفون ولدك ..

أبو راكان : كنت متعاون معهم اعمتك الفلوس ..

أبو بدر : هذاك اول وندمت عليه .. تغيرت انا اللحين ..

أبو راكان : ما تهمني انت اللحين .. ابي ولدي كيف اجيبه .. يطلبون مبلغ كبير هالمره ..

أبو بدر : الشرطه اش كانت تسوي من هذاك الوقت للحين ليه ما مسكوهم ؟

أبو راكان : مسكوا اغلبهم بس رئيسهم ما لقوا له اثر ..انا كيف م انتبهت انهم مراقبينه كييييف ..

أبو بدر : مب سهلين ..كم طالبين ؟

أبو راكان : 100 مليون دولار ..

أبو بدر انصدم : اووووف المبلغ كبير مره ..

أبو راكان : بروح الشركه اللحين اسوي اجتماع طارئ ..

أبو بدر : لازم تبلغ الشرطه ..

أبو راكان : مستحيل انتبه تسوي شي .. رح يقتلونه م يمزحون ...

جته رساله من رقم مجهول كانت عباره عن فيديو فتحه يشوف انفجع ......

" كان راكان يبكي و قدامه شخص مقنع يصورهم و على يمينه شخص ثاني مقنع حاط مسدس ع راسه و (الريم) كانت تبكي من الخوف ..."

أبو راكان : شوف شوف المقطع مارح اسكت لهم هالمره رح احاسبهم حساب عسير ( قعد يناظرالمقطع أبو بدر ) تكفى رح احتاج فلوس ساعدني ..

أبو بدر : انا معك بساعدك باللي اقدر عليه ..

أبو راكان : مشينا بسرعه ...

كانت الريم ميته رعب بالذات لما وقف واحد منهم عند راسها وحط مسدس عليه .. غير ان كل راسها دم ضربوها قبل ياخذونها ... المهم بعد ما صوروا الفيديو طلع برا عند باب غرفتها و كانوا يتكلمون وهي تسمعهم ......

الشخص 1 : اللحين ذا عرف اشكالنا .. تتوقع يبلغ علينا ؟

الشخص 2 : ههه من قالك انه بيطلع من هنا حي !؟

الشخص 1 : جا الامر ؟

الشخص 2 : نستلم الفلوس و نخلص عليه ..

الشخص 1 : اذا كذا كويس ..

وطبعا كانوا يضحكون مع بعض ... و الريم تسمعهم وتبكي .. ايقنت انها النهايه خلاص ... حتى استسلمت وقعدت بزاويتها تبكي .. مشوا هالاشخاص من عند باب غرفتها بعد ما قفلوه وتركوا المفتاح في الباب ..

في مكان اخر قريب من مكان المجرمين كان شخص مراقبهم و واقف بسيارته ينتظر أوامره .......

.......1 : الو .. وش الخطه ؟!

.......2 : جتنا اخباريه رح يقتلون الولد اول ما نعطيك الامر تدخل تنقذه ع طول ..

.......1 : وين مكانه بالضبط ؟

.......2 : اول ما تدخل فيه غرفه على يدك اليمين مخبرنا ترك المفتاح بالباب ..

.......1 : من اول قلت لكم لا نغامر فيه .. لو صار له شي لا سمح الله؟ لو ما قدرت ؟

.......2 : هذي اول مهمه ميدانيه لك لازم تثبت وجودك .. كنا مضطرين نضحي فيه شوي عشان نمسك الراس الكبير .. مهمتك تنقذه و احنا نثق فيك لو ما كنا نثق ما تجرأنا وسوينا هالخطه ..

......1 : ان شاء الله أكون قد المسؤوليه ..

......2 : انت قدها ..

وصل أبو راكان للمكان و أبو بدر كان بانتظاره بالسياره .. طبعا جاب نص المبلغ ع امل يقبلونه لان المبلغ كبير م يقدر يجيبه بيوم واحد كان ناوي يتفاوض معهم  ...

دخل وكرهم و كانوا باستقباله شخصين و معهم اسلحه .. اخذوه ع غرفة زعيمهم .. وقعد ينتظره .. و كان واقف ع راسه شخص منهم يراقبه ...

أبو راكان : وين ولدي ؟! وين راكان ..؟

..... : موجود بالحفظ و الصون ..

أبو راكان : هاتوه اشوفه ..

..... : تطمن قلت لك بالحفظ و الصون ..

أبو راكان يتمتم يصوت واطي : رح تندمون .. رااااح تندمون ..

بعد عدة دقايق وصل زعيمهم .. وقعد مع أبو راكان طبعا فصل عليه و هاوشه و من هالكلام و الزعيم مطنش و مروق و يسأل عن الفلوس بس ..

و جا الامر لإنقاذ راكان .. المنقذ لبس قناعه ودخل .. المخبر الداخلي فضى له الطريق .. ف كان الطريق بالنسبه له سالك .. يدخل ع طول يمينه باب بمفتاحه يدخل يلاقي راكان ياخذه و يطلع ...

وهذا اللي صار فتح الباب شافه راكان انخرش .......

راكان : مييييين انت بعد ؟ وليه لابس قناع ؟!

...... : جاي انقذك تعال معي ..

راكان ~ صوته مب غريب علي ! : انت مين ؟!

....... : مو مهم انا مين امش معي .. ما تبي اساعدك ؟!

راكان : اش دراني انك مو منهم ؟

....... : تبي تقعد بهالمكان اجل ؟!

راكان : لااااااا ..

....... مسك يده و سحبه معه : اووووش لا تتكلم بس نطلع من هالباب ..

راكان بهمس : طيب طيب ..

طلعوا بسلاسه لان الكل كانوا مجتمعين عند زعيمهم .. و تركوا شخص واحد بس عند راكان و هالشخص كان هو المخبر او (الجاسوس) بعصابتهم .. قدر يساعد منقذ راكان انه يطلعه بسهوله ...

وطبعا اخذه ع السياره ع طول و حركوا من المكان بس طلعوا منه تمت مداهمته من قبل الشرطه .. و أخيرا مسكوا زعيمهم اللي لهم سنين يدورونه .. و ما كانوا رح ينجحون لولا انهم قدروا يزرعوا جاسوس بينهم من سنوات .. وانطوت صفحتهم أخيرا ..

اخذوا أبو راكان للمركز يستجوبونه و طمنوه ان راكان بخير .. رجعوا له فلوسه و سمحوا له بعد عدة ساعات يطلع ......

قبل هذا كله نرجع لراكان ..

اخذه بسيارته و وصله لحد بيتهم ....

راكان : ما شاء الله تعرف بيتنا بعد ! .. انت مين ..؟!

....... : مو مهم انا مين المهم اني قدرت اساعدك ..

راكان عيونه للأرض يتخيل اللي صار : توقعت اني رح اموت اليوم .. ما خطر لي و لا واحد بالميه ان ممكن ينقذني احد ..

....... : الحمدلله ع سلامتك ..

راكان باستغراب : صوتك مو غريب علي .. ممكن تشيل القناع ؟

...... : ما اقدر طبيعة عملي تمنعني .. قبل تنزل انت بخير ؟

راكان ابتسم : ههه أخيرا تذكرت تسألني اذا انا بخير .. طبعا لا ..

...... : اوديك المستشفى ؟!

راكان : لاااااا مستحيل اروح المستشفى ..

....... : وجهك كله دم يمكن راسك متأذي لازم تروح المستشفى ..

راكان يلمس وجهه : يوم ذكرت الموضوع .. ايه صادق .. م اقدر انزل عند اهلي .. مارح يتركوني بالبيت بيودوني المستشفى .. ابي اروح بيت خالد .. بس ما ادله ..

....... ناظر يساره كان بيت أبو بدر : مو هذاك خالد ؟

راكان ناظر معه : اييييييه هو وش يسوي عند بيت أبو بدر ؟! بعدين انت اش دراك ان ذا خالد ؟!

...... : لو سمحت انزل لازم امشي ..

راكان : انت تعرفنا م بنزل لحد ما تقول لي ..

....... نزل من سيارته رح جهة راكان فتح الباب و نزله غصب .. وبسرعه مشى و راكان يلحقه و يضرب ع السياره .. و يصرخ عليه انت مين ؟

كانت عين خالد ع بيت راكان من اول ما شاف سيارتهم استغرب من هذول .. و بس شاف راكان ركض له بسرعه .......

خالد يمسك مع كتوفه : رااااكان انت بخير ؟ وين رحت ؟ وش ذا اللي بوجهك من سوا فيك كذا ؟ هذا اللي راح ؟؟؟!

راكان : يا ابن الحلال اش فيك شوي شوي علي .. القصه طويله و هذا اللي تو ساعدني .. سيارتك وين ؟ خذني بيتكم مابي اهلي يشوفوني بهالحاله ..

خالد : ابوك كان قلقان و يسأل عنك ..

راكان : اذا وصلنا بيتك دبر لي جوال اكلمه ..

خالد : ابشر .. انت بخير ؟ وجهك كله دم !  >> ( يمد يده ع المقعد اللي ورا .. و يأخذ قاروره مويه .. و يعطيه إياها مع منديل ..  ) خذ امسح وجهك ..

راكان : ما يمدي تنتظر لين نوصل البيت و اغسله مره وحده !

خالد : عشان لا احد ينخرش اذا شافك ببيتنا ..

راكان : اييييه طيب .. يوم طويل م بغا ينتهي .. ما اصدق اني انخطفت .. كان هذا اللي ناقصني و صار بعد ...

خالد : الحمدلله ع سلامتك .. وصلنا .. اصعد ع طول غرفتي بجهز لك الحمام و الملابس انت كلك دم .. تتسبح سريع وتبدل على ما اجيب الضمادات و نضمد جروحك ..

الريم ~  هههههههه طرت لي هالعباره ودي اقولها له " الجروح العاديه تتضمد بس جروح قلبي من يضمدها ههههههه .. " بس لا خلاص مارح اجيب العيد اكثر من كذا ..

خالد فتح بابه : انزل وش فيك قاعد بالسياره للحين ..؟

راكان : يالله يالله .. حتى م يتركون الواحد يقعد مع نفسه شوي .. اسمع قبل كل شي دبر لي جوال ودق ع ابوي اطمنه علي ..

خالد : أي تعال معي داخل انتظرني بغرفتي بجيب جوال واجي ..

اخذ خالد جوال أبوه ودق ع أبو راكان و اعطى راكان يكلمه .....

راكان : الو ....!

أبو راكان : راكان وينك؟! بسرعه الان تقولي وينك ..

راكان : ء ء انا في بيت خالد .. ليه في شي ؟

أبو راكان قفل ع طول .....

راكان يناظر شاشه الجوال باستغراب : شسالفه ؟؟!!!

خالد : ابوك سأل عنك لما كنت بيتكم ادورك .. كان عارف انك مخطوف ..

راكان : كيف عرف ؟!

خالد : ما يبي لها ذكاء اللي خطفوك اكيد يبون فديه من ابوك و اكيد دقوا عليه يهددونه ..

راكان : اهااااا .. وش ذا الحياه احس اني بفلم ..

خالد قعد جنبه ع الكنبه : الخطف مو جديد عليك .. قبل 5 سنين صار لك نفس هالسالفه ..

راكان : وش صار قولي بالتفصيل ..

خالد : مو وقته اللحين بعدين هو شي رح تتذكره انت .. مافي داعي أقوله لك .. وغير كذا ممكن يأثر ع ذاكرتك حاول انت بنفسك تتذكره .. المهم اللحين بدل ملابسك و تعال اضمد لك جروحك ..

راكان : اوووف منك ..

على ما اخذ شاور سريع و بدل .. الا وباب بيت خالد يدق ... نزل ركض يشوف مين ع الباب بما ان اهله نايمين و طبعا م عندهم شغاله ...

خالد مصدوم : أبو راكاااان!

أبو راكان : راكان وينه ؟!

خالد : ء ء فوق بغرفتي ..

أبو راكان : شوف لي طريق ادخل عنده ..

خالد : تفضل حياك محد صاحي الكل نايم ..

صعد له فوق ركض .. و خالد قدامه فتح له الباب .. الا وراكان قاعد ينشف شعره بالمنشفه ..... يجيه ابوه بسرعه ويضمه و عيونه تدمع ... يطبطب ع وجهه و ع شعره .. ويرجع يضمه بقوه مره ثانيه .....

أبو راكان يتنهد بتعب : اهههخ منك كم مره فجعتني بحياتي ؟!

الريم مرعوبه ع مصدومه ع خايفه .. بس مع ذلك حست بحنية أبوه و قد ايش هو يحبه ...

أبو راكان يناظر جروحه : امش بوديك المستشفى ..

راكان : لا لااااا انا بخير .. مافيني الا العافيه ..

ابوراكان : اجل يالله ع البيت .. مستحيل اتركك تبعد عني دقيقه ..

راكان : بس اذا شافتني امي كذا بينشغل بالها .. هي ما تدري عن اللي صار صح ..؟

أبو راكان : أي والله ما تدري .. و لو درت بتنجلط .. اجل خلك هنا انا بكلم لك اشخاص يحرسونك .. وبكره لا رجعت البيت قل لامك انك طحت او شي ..

راكان : ان شاء الله .. بس .. بس ماله داعي احد يحرسني .. م اظن يصير شي ثاني ..

أبو راكان : لا تناقشني قلت كلامي وانتهى .. ( ناظر خالد اللي كان واقف عند الباب ) خالد يعطيك العافيه اتركني شوي مع راكان ..

خالد : سم يا عمي تامر .. >> طلع خالد وسكر الباب ..

ابوراكان ( قعد راكان ع الكنبه و قعد جنبه ) : اللحين قولي كيف صار اللي صار علمني بالتفصيل ..

راكان : مافي شي أقوله كنت طالع من بيت خالد امشي بالشارع فجأه احد ضربني من وراي زي م انت شايف ما ادري من وين طلع م انتبهت له و لا حسيت عليه .. ويومني صحيت كان وجهي دم و كنت بغرفه صغيره مقفول علي ..

أبو راكان : خفت ؟!

راكان ناظر : ء ء م مدري .. >> ما تبي تقول خفت عشان لا تقلقه ..

أبو راكان : اوعدك ما عاد رح يتكرر هالشي مره ثانيه ..

راكان : مين هذول الناس ؟ و ليش اخذوني ؟ و مين اللي ساعدني ..

أبو راكان : اللي اخذوك عصابه مافيا بيني وبينهم عداوه .. بفضلك اليوم قدرت الشرطه تمسكهم .. كانوا مراقبينك .. جتهم اخباريه انهم رح ياخذونك .. كان مستعدين ينقذونك وبنفس الوقت يمسكون الراس الكبير و الحمدلله حصل .. لو كنت اعرف عن هالموضوع ما سمحت لهم يخلونك طعم ..

راكان : عادي اهم شي انمسك ..

أبو راكان يمسح ع راسه : واهم شي انت بخير .. السؤال اللي محيرني انت مو كنت ببيت بدر ؟ اش جابك عند خالد ؟

راكان ارتبك وبسرعه فكر : هااه .. ايه .. غيرنا الخطه ورحت عند خالد .. المره الجايه عند بدر ..

أبو راكان :  زين زين .. يالله برجع البيت دام شفتك و تطمنت .. بنتظر الحرس يجونك ثم ارجع .. انتبه تطلع من البيت ..

راكان : لا لا مارح اطلع .. تطمن لا ينشغل بالك علي ..

أبو راكان رجع ضمه مره ثانيه : انتبه لنفسك .. استودعتك الله ..

راكان : ان شاء الله ..

بعد ما راااح .. ارتمت ع السرير بتعب .......

الريم تنهدت ~ م توقعته رح يقلق علي كذا .. كان مره خايف .. للامانه مو خايف علي انا كالريم .. خايف ع ولده لا اكثر ..

بعد ما طلع أبو راكان  و ودعه خالد رجع لغرفته ....

راكان متمدد ع السرير مجهز نفسه للنوم : يا حليله واضح انه قلق كثير..

خالد : طبعا ابوك يحبك مره .. طلباتك عنده أوامر ..

الريم تناظر السقف : ما شاء الله ي حظه ....

خالد : مين اللي ي  حظه ؟ 

راكان : هاااه ... لا و لا شي .. ( حط ذراعه ع عيونه ) .. معليش بنام بسريرك و انت نام ع الأرض ..

خالد ابتسم بخفه : ههه هذا اللي بيصير من اول .. بس دقيقه لا تنام ما ضمدت جروحك ..

راكان : كلها جرح بسيط براسي من ورى و خدش من قدام .. مب مستاهله تضميد ..

خالد : ع الأقل خل احط لك لزقه ع اللي قدام ..

طبعا راكان كان منهلك حييييييييييييل حتى نام و ما حس بعمره ....

خالد : الووووو اكلمك .. ( شال ذراع راكان من ع عيونه لقاه نايم ) اووووه صار خارج التغطيه .. بس معليه بحط لك لزقه ع الجرح ... >> رفع شعره عن جبهته ثمم حط له لزقة جروح ....

م حب ينام بنفس المكان مع راكان .. قرر ينزل الصاله و ينام ع الكنبه .. قعد طول الليل يتقلب م جاه نوم .. اخر شي مسك جواله و فتح قوقل و قام يبحث عن موضوع شاغل باله .... >> بعلمكم عنه بعدين 😊 ..

في بيت اهل الريم .. طبعا سمر أرسلت لراكان كثير ودقت عليه بس ما فيه منه أي رد ( طبعا لان جواله مو معه اخذه منه بدر ) .. تأخر الوقت و لا رد .. هنا تأكدت بعقلها انه انسان فاضي و كذاب و خصوصا انها تعرف راكان من قبل ب انه الشخص اللي تسولف عنه مي دايما و تسولف عن هيبته و قوته و ورتها صورته ..
توقعت سمر انه جمع معلومات عن الريم من أي مكان بس ما كانت تدري من وين او كيف يعرف الريم أصلا .. و بذاك الوقت ما همها الموضوع كثير فقط اعتبرته كذاب .. و دقت ع جنان يتناقشون بخصوصه ......

سمر : " الو .. جنوو بشري .. رد عليك و لا ؟ .."

جنان : " هلا ي قلبي .. لا والله م رد علي .."

سمر : " صحيح شوش لي تفكيري .. بس ما زلت احس انه كذاب .. الكلام اللي قاله بالله عليك يدخل العقل ؟! "

جنان : " والله و انا مثلك القصه مو راضيه تدخل مخي .."

سمر : " تدرين شلون .. رح ابلكه .. واضح انه انسان فاضي و قاعد يستغل سلطته .."

جنان باستغراب : " ما فهمت شلون يعني يستغل سلطته ؟! "

سمر : " ليه انتي ما تعرفين من يكون ذا ؟ "

جنان بفضول : " لاااااء .. ميييين يعني ؟! "

سمر : " هذا ولد فلان المعروف اكبر رجل اعمل هنا .. يقدر يطلع انتي بنت مين و اهلك مين حتى جذورك يطلعها و بسهوله .. "

جنان : " اماااااااا عاااااد .. ليه توني ادري ؟ وبعدين أصلا انتي اش دراك ؟ "

سمر : " اعرفه بنت خالته صديقتي مي اذا تذكرينها .. البنت مجنونه فيه حرفيا .."

جنان : " اجل يمكن شاف الريم معك انتي ومي .. يمكن كان مراقب مي و جاب معلومات صديقاتها .. والله مب هين .. " >> قامت تشطح و تفكر المحقق كونان هههههه ! ..

سمر : " ما ادري و لا يهمني صراحه .. بلكته خلاص ولا عاد ابي اسمع سيرته .. ناقصنا مجانين حنا .."

جنان : " دامك بلكتيه وانا بعد بببلكه وش ابي فيه .. "

سمر : " أيه وتكفين خل نقفل موضوعه .. عندي موضوع اهم اللحين .. عمر الحقير اللي كانت اختي تحبه .. احكي لي كل شي عنه .. لاني رح اكلمه .. "

جنان مصدومه : " يا بنت من جدك ؟ استهدي بالله تكلمينه ليش؟! اختك قطعت علاقتها فيه و انتهى .. وش تبين فيه ؟! .."

سمر : " انا متأكده اختي بالمستشفى بسببه .. اذا ما لعنت خيره م برتاح .."

جنان : " ما أتوقع انها كانت تكلمه .. دام لقيتيه بقائمة الحظر بجوالها .."

سمر : " بس كانت تحبه ي جنو .. كلامها عنه يقطع القلب .. و غير كذا محتفظه بصوره للحين .. يعني ما نسته و لا انتهى شي .. "

جنان : " طيب اوك .. كلمتيه .. اش بتقولين له ..؟ "

سمر : " بهاوشه بنات الناس مب لعبه .. ابي ابرد خاطري فيه .. "

جنان : " يااا بنت لااااا .. اتركيه بيفكر اختك ميته عليه اللحين .."

سمر : " انسي والله م اتركه لا ادخل  له من مليون حساب اسبه و اطلع .. طبعا بدون ما يدري اني عن طريق الريم جايه .."

جنان : " هههههه بس تبردين قلبك فيه .. زين دام كذا مافي مشكله .."

سمر : " يالله حبي وراي سب باااي .. "

جنان : " ههههههه خبله والله .. بايات .."

وفعلا سوتها سهرت هذيك الليله ترسل له سناب تهاوشه وتلعن خيره ويبلكها و ترجع تفتح حساب ثاني و ع نفس الموال لين طفشت ونامت هههه ...

في صباح اليوم الثاني .. صحا خالد وراح جهز نفسه للدوام .. وراكان للحين ما قعد .. شافه طول و صحاه ....

خالد : راكككان .. اصحا صارت الساعه 6 .. يا دوب نلحق الدوام اصحا عشان نفطر و نطلع ...

راكان لف وجهه للجهه الثانيه : ما بداوم اليوم خلني ببيتكم .. م يسمحون لي اغيب ..

خالد : هذا انت قلتها م يسمحون .. وابوك حاط عليك ناس يراقبونك ..

راكان قعد : اووووووف اكيد رح يقدر كنت مخطوف امس ما اظن يقول شي !

خالد : عاد براحتك .. اذا رح تقعد بقعد معك ..

الريم ~ بديت احس بالذنب .. تجهز وبيداوم يمكن عنده اختبار او شي .. و بيقعد عشاني! .. بتحمل و أقوم ما ابيه يرتبط فيني ..

خالد : بروح اجيب الفطور اكيد صار جاهز ..

راكان : لا انا مابي فطور اذا انت تبي افطر بالعافيه .. بجهز نفسي و اداوم معك .. بس عطني ثوب يناسبني انت أطول مني بشوي .. الله يعيني بيكون الثوب طويل ..

خالد : لا معليك عندي ملابس تناسبك .. بس وش الطاري ليه غيرت رايك ؟!

راكان : بدون سبب .. بجهز نفسي بسرعه ونطلع ..

خالد : يالله انتظرك ..

بعد ما جهز راكان نفسه طلعوا اثنينهم بالسياره .. مرت فترة صمت بعدين تكلمت الريم .....

راكان : اييه وش صار ع كلامك اللي امس ؟ كنت تقول من بكره لا اعرفك و لا تعرفني حتى ترجع راكان اللي اعرفه ..؟

خالد : أي نفس كلامي م تغير ..سالفة الخطف أجل الموضوع شوي بس انا عند كلمتي .. من نوصل المدرسه ينتهي كل شي ..

راكان ابتسم بحزن : يعني مُصر ؟

خالد : انت ما تعاملني نفس راكان قبل .. و هالشي رح يسبب لك مشاكل ورح تتأذى .. افضل حل ابعد عنك لحد ما تسترجع ذاكرتك .. ولو فرضاً احتجتني بتلقاني كلمني بس بالخش .. ترا عشانك مو عشاني ..

راكان : ما يهمني كل هالكلام ..

خالد : انا يهمني انك تكون بخير لحد ما ترجع راكان اللي قبل ..

راكان : واذا قلت لك اني ما رح ارجع ابدا ؟ رح تصدقني ؟!

خالد انصدم : كيف ما ترجع ؟! ما فهمت ؟

الريم ~ انا تعبت اخبي .. رح أقوله واللي فيها فيها .. تعبت تعبت احتاج احد يصدقني .. خالد اكثر انسان اثق فيه واتطمن له في حياة راكان .. لو تركني بضيع .. بقوله ان صدقني كان بها ما صدقني يُعتبر حاولت ....

خالد ناظره عين عليه و عين ع الشارع لانه يسوق : جاااوبني وين سرحت ؟!

راكان تنهد بعمق : طيب .. اذا اذا قلت لك اني ماني راكان رح تصدقني ؟!

خالد حس الموضوع جدي وقف بسرعه ع جنب يفهم شسالفه : اشرح لي ..

انتهى البارت

توقعاتكم :

- اش رح تكون ردة فعل خالد ؟