لقت الباب مقفول و المفتاح موجود فيه .. بسرعه فتحته .. و الجو كان شوي ظلام شغلت فلاش جوالها ...

ميهاف مصدومه : يممممه وش قاعد تسوي ؟!!!!

قربت منهم .....

ميهاف : وخر وخر عنه .. لا و تمسح ع شعره بعد ..

طبعا كان خالد قاعد ع الكنبه و راكان منسدح حاط راسه ع رجله و بطلب غريب من راكان قاله امسح ع شعري عشان م احس بالخوف وانام .... >> هو مو غريب بالنسبه ل الريم كانت تسوي لها كذا سمر في بعض المواقف ...

خالد مصدووووم ومنخرش بعد : بسسم الله انتي وشش جابك؟؟

ميهاف : أقول وخر عنه .. ( وتمسكه من ذراعه تقومه ) ..

خالد : انتي اش تفكرين فيه ؟ معقوله تغارين عليه مني ؟

ميهاف قعدت مكان خالد و حطت راس راكان ع رجلها : اغار عليه حتى من امه ما تبي اغار عليه منك ..

خالد : الله يشفيك مريضه ..

ميهاف : ايه مريضه بحبه عندك شي؟؟؟!

خالد : انتي اش دراك ان احنا هنا ؟؟!

ميهاف : عرفت بطريقتي ..

خالد : ليه قاعدين صحيه خلينا نمشي ..

ميهاف تناظره بحب وحزن بنفس الوقت و هي تمسح ع شعره : من جدك؟ ما يحز بخاطرك نصحيه شوف كيف نايم بعمق مقدر اصحيه خليه ينام بحضني العمر كله ..

خالد : استغفر الله بس .. >> راح لراكان و ناداه يصحيه ...

ميهاف : قلت لك خله شوي ما تفهم انت ؟

خالد : خلينا نمشي قبل يجي اخوك او واحد من شلته ..

ميهاف : بدر بسابع نومه.. ع الطاري ليه حابسكم هنا ؟!

خالد : اخوك يعني ما تعرفينه ..

راكان بالغصب فتح عيونه ع ازعاجهم : وش صار ؟!!

خالد : صحصح و يالله رح نطلع ..

راكان رفع راسه الا يشوف وجه ميهاف فز ع طول من مكانه : بسم الله اش ذا قاعد اتخيل انا ؟!

ميهاف : اوووفف اوف اش فيكم كل م شفتوني سميتوا .. شايفين جنيه ولا وش ؟! حبيبي لا تخاف هذي انا ميمي حبيبتك جيت اساعدك ..

راكان ما بعد يصحصح : حبيبتي مين .. انتي مين ..؟

ميهاف شالت الطرحه من ع شعرها : شوووووف ما تذكرتني ؟

راكان يناظر خالد مصدوم : وش فيها ذي ؟!

خالد : مريضه معليك منها .. تعال خل نطلع بسرعه ..

ميهاف : هيه انت خير ترا انا اللي ساعدتكم .. تعالوا بوصلكم بسيارتي ..

خالد : لا مشكوره سيارتي موجوده .. ( حط جيبه بمخباه يدور المفتاح .. توتر فجأه لان دور و ما لقاه .. ثم تذكر ) الحقييييير عزوز لما فتشني و اخذ جوالي شكله اخذ مفتاح سيارتي بعد ..

ميهاف مسكت راكان من ذراعه : باخذ حبيبي بسيارتي و انت بكيفك .. تعال يا روحي تعال انا براسي اوصلك وين ما تبي ..

راكان : وصليني البيت ابي انام بس احس اني انهلكت ..

ميهاف : جعله بعمري والله .. ابشر من عيوني كم رورو عندي ..

راكان باستغراب : رورو !!!!

ميهاف : ادلعك حبيبي ..

راكان : تكفين اسكتي ..

خالد : بجي معكم .. وصليني ..

ميهاف : اووووف يعني ما تفهم اني ابي اقعد معه لحالنا يا النشبه ..

خالد : بتوصليني ولا اعلم بدر ..

ميهاف : و انت بس هذا انت تهدد ..

راكان حطه يده ع راسه يتألم : تكفون خلاص وصلوني تعبان ..

ميهاف : يا عمري انت 5 دقايق و نوصل ..

قعدت مع راكان ورى بالسياره .. و خالد قدام مع السواق ....

راكان : خالد ما اقدر اروح البيت لان قلت لامي بنام برا .. رح تستغرب و مالي خلق ابرر حتى مدري اش اقولها .. و أخاف اقلقها ..

خالد : صادق معك حق ..

ميهاف : تعال والله اخبيك بغرفتي تنام فيها غرفتي محد يدخلها ..

راكان : هذي اللي تبيني اروح اعدام ..

ميهاف : اسم الله ع قلبك حبيبي لا تقول كذا ..

راكان : اقدر اجي بيتكم يا خالد ؟

خالد للحظه تردد وسكت ... رد راكان بسرعه عشان م يحرجه ...

راكان : خلاص مو مشكله اسمحي لي ي ميهاف اقعد بسيارتكم ..

ميهاف : و الله ما تقعد لحالك ما غير اقعد معك ..

خالد : لا مو من جدك .. اكيد بستقبلك ببيتنا .. لا تشيل هم ..

وصلوا عائلة الريم للمستشفى و بما انه سبقهم استقبلهم تركي مع خطيبته ....

تركي : تفضلوا ..

نجوى سلمت ع الام : كيفك يا خالتي ..

ام تركي : الحمدلله يا بنتي الحمدلله ..

نجوى سلمت ع البنات : كيفكم يا بنات ..

سمر : تمام .. هذي جنو صديقة الريم ..

نجوى : يا هلا تشرفنا ..

جنان : هلا بك الشرف لي ..

تركي : طلال وينه ..؟

ام تركي : يقول بيقعد شوي بالسياره ..

نجوى : تعالوا انا اوديكم غرفة الريم ..

سمر باستغراب : ليه غيروها ؟

نجوى : لا والله نفس ماهي ..

سمر : انا ادلها لا تشيلين همنا ما نبي نشغلك اذا عندك شغل ..

نجوى : لا يا روحي اش دعوه ؟ ابي ازورها معكم ..

سمر ~ تقدرين كل يوم تزورينها دامك بالمستشفى و انا متأكده ساحبه عليها .. همك بس تبينين واو قدام امي ..

تركي : انتوا روحوا مع نجوى انا بطلع اشوف طلال ..

ام تركي : روح جيبه و تعالوا ..

تركي : ابشري يمه ..

وصولوا غرفة الريم ....

سمر : يمه ادخلي انتي اول وبعدك انا و جنو ..

نجوى : حابه اجي معك يا خاله ؟

ام تركي : لا .. ودي اقعد مع بنتي لحالنا .. و لا تزعلين ..

نجوى : ليش الزعل ي خاله خذي راحتك ..

ام تركي : تسلمي لي ..

و دخلت تشوفها ....

نجوى : بنات اخليكم انا و اروح اخلص كم شغله .. اذا احتجتوني عطوني رنه ..

سمر : تمام م اظن نحتاجك لا ينشغل بالك علينا ..

نجوى : اوك ..

بعد ما راحت ......

جنان باستغراب : اش فيك كنك مو بالعتها ؟!

سمر : من الله كذا ما دخلت قلبي .. احسها شايفه نفسها ..

جنان : تعرفي عليها زين ثم احكمي ..

سمر : يا شيخه ما شفتيها شلون تسولف وتضحك مع الدكاتره .. قرفت منها انا .. مادري اش عاجبه تركي فيها ..

جنان : طبيعة شغلهم يا بنت !

سمر : لااااوالله .. طبيعة شغلها تهتم بالمرض مو تسولف وتضحك مع الرجال .. قلبي مو مرتاح لها .. ترا حتى الريم تحس كذا بس كانت تقول نفس كلامك لازم نتقرب منها و مدري ايش ..

جنان : شفتي عشان م تظلمونها بس ..

سمر : معلينا منها .. خل اطلع جوال الريم و اجهزه .. ( ناظرت جوالها ) وهذا اللي اسمه راكان ما رد علي للحين ! ..

جنان ناظرت جوالها بعد : وانا مثلك .. بديت اشك انه قاعد يطقطق علينا ..

سمر : والله وراحت عليه لو كان كذا ..

كان طلال قاعد بالسياره و مشغل اغنيه حزينه و مكتئب .. فتح الباب وركب جمبه ...

تركي : اوووف ليه الحزن ذا كله ؟!

طلال : اههههخ بس ما ادري الاقيه من ايش و لا ايش ؟

تركي : اش فيك يا اخوي عسى ما شر ؟

طلال : تتوقع طيحة الريم انا سببها ؟!

تركي : ليه تقول كذا ؟ كم مره تكلمنا بالموضوع ؟

طلال : داخلي مو مرتاح ..

تركي : انت كنت قاسي عليها الصدق .. بس مستحيل يكون له علاقه ..

طلال تنهد بضيقه : ان شاء الله تصحا بسرعه و اعتذر لها ..

تركي : يارب .. يالله امش امي تنتظرك ..

طلال : لا لا مارح انزل بمشي عادل ينتظرني .. انت قول لهم اذا خلصوا يكلموني ..

تركي : اجل خلاص لا ترجع انا بوصلهم ..

طلال : لا انت بدوامك ..

تركي : مافي حالات تستدعي وجودي اليوم الحمدلله .. بيتنا مو بعيد بستأذن 10 دقايق وارجع و غير كذا ابي اروح البيت ابدل ملابسي حسيتها ضيقه علي واضح اني متنت ههههه ..

طلال : هههههه اييه اكل وسوالف بالدوام ..

تركي : تشوف هههههههه .. يالله اخليك ..

طلال : كلموني اذا احتجتوا شي ..

تركي : و لا يهمك انبسط و غير جو ..

وصلتهم ميهاف لبيت خالد .. البيت ما كان قصر كان بيت عادي فيه شوية فخامه بس مو نفس بيت راكان او بدر ...

نزل راكان من السياره .....

ميهاف : خالد لحظه قبل تنزل .. ( قربت وجهها لقدام عشان تشوفه زين ) شوف اياك ثم اياك ثم اياك تلمس راكان .. اعطيه سريرك و نام بالملحق ما يهمني .. بس لا تقرب صوبه ..

خالد مصدوم : انتي فيك شي ؟! تراه صديقي ..

ميهاف : ما اثق بأي احد راكان لي لحالي .. ونظراتك له و انك تمسح ع شعره مب عاجبتني ..

خالد : مشكلتك والله روحي تعالجي و مستعد ادفع حق علاجك .. و للمعلوميه عنده أصحاب غيري مب بس انا ..

ميهاف : أصحاب غيرك ؟ مب متلزقين فيه 24 ساعه بحجة انه مدين له ..

خالد تنرفز : الكلام معك ضايع مدري ليش اناقشك ..

ميهاف : المهم قلت اللي عندي ..

نزل من السياره و سكر الباب بقوووه .....

وهم ماشيين اتجاه البيت كانوا يتناقشون .....

راكان : مارح يتفاجئون اهلك اذا شافوني ..

خالد : لا عادي امي دايما بغرفتها و ابوي بالشركه مع ابوك هالحزه و يرجع متأخر للبيت دايما ..

راكان : معليش تحملوني اليوم بضايقكم ..

خالد ارتسمت الضيقه ع وجهه ....

راكان لاحظ هالشي : منت مجبور تتحملني .. عادي والله برجع بيتنا واصرف أي عذر ..

خالد : انت ليه تفترض أشياء من مخك ؟ انا جبت طاري اني متضايق شي ؟! .. انت بنفسك تفكر و تحكم ..

راكان ابتسم بخفه : ما ادري كذا حسيت ..

خالد عصب : من متى انت تحس ..؟!

راكان باستغراب : اييييش ؟! .. شلون يعني ما فهمت !؟

خالد : ما تلاحظ ان مشاعرك و احاسيسك و عواطفك صايره تتحكم فيك اكثر ..؟؟

راكان : هههه ما ادري ..

خالد : ع العموم مب متضايقين منك لك مكان فوق روسنا لا تعيد هالكلام رجاءاً..

راكان : ابشر ..

خالد : ههه راكان ما عمره قال ابشر ..

راكان : اجل وش كنت أقول ..

خالد : تآمر بس ..

راكان : اهااا ..

الريم ~ شخصية هالانسان من اسوء لاسوء .. لازم اغير نظرتهم له ..

خالد : تعال ابوريك غرفتي ..

راكان : ع الطاري اقدر انام ع طول ..؟

خالد : اللي ودك .. غرفتي وكل شي فيها تحت امرك .. تقدر تتسبح ع بال ما اكلم الشغاله تجهز لك اكل بعدها تنام ..

وصلوا الغرفه .. ارتمت ع السرير ع طول ......

راكان تنهد بتعبببببب : اووف ما بغيت .. اسف خالد معليش مابي اسوي كل ذا ابي انام وبس ..

خالد : اللي يريحك ما تبي اعطيك ملابس مريحه تبدل وتنام ..؟

راكان : انا نمت خلاص ...>> كان مرهق لابعد درجه ما صدق يلاقي سرير ينام عليه ..

خالد تنهد : خل اغطيك لا تمرض .. ( ناظره و هو نايم ) لما اشوفه كذا كنه راكان اللي قبل ما احس بشي .. بس لما يتكلم و يبتسم حتى نظرات عيونه غير ! أحيانا احسه مو راكان تجلطني شخصيته .. من صحا ما عمري حسيت انه هو .. كل شي فيه غير .. الظاهر اني بديت انجن ! ..

بالمستشفى مشت نجوى صوب غرفتها و هي تتحلطم من تصرفات ام تركي وسمر .....

نجوى : قال ايش ابي اقعد مع بنتي لحالنا .. ولا الثانيه (تقلد صوتها بسخريه ) " م اظن نحتاجك ! " .. سخيفه واضح انها مو بالعتني .. معلي منهم اهم شي حبيبي تركي ..

فتحت باب غرفتها .......

نجوى : خييييييير اش جابك مكتبي ؟!

د/محمد : ما نشتاق يعني ؟!

نجوى : ما تحس انك تتمادى بكلامك معي ؟!

د/محمد : افااا بس .. وانا اش قلت قاعد اعبر عن مشاعري بصراحه ..

نجوى : لا تعبر ياخي .. بعدين تركي و أهله هنا .. لا تسوي لي مشكله واطلع .. مالي خلق ابرر لا شافك عندي او طالع من غرفتي ..

د/محمد : واذا اش بيصير يعني .. طبيبه نفسيه مع دكتور أعصاب و قاعدين يتناقشون بحالة مريض .. ويييين المشكله ؟

نجوى : انت تدري ان تركي يتضايق يشوفك معي .. تكفى مابي مشاكل ..

د/محمد : تصدقين والله انك ما تستاهلينه .. هذا لسا عقله متحجر ..

نجوى : عاجبني انت وش دخلك .. ؟ يالله اطلع اخلص علي وراي شغل ..

د/محمد : تكفيييييييين خليني .. انبسط اقعد معك ..

نجوى ابتسمت : لو يسمعك احد بيفكر بيننا شي ..

د/محمد : اش علي من الناس .. قهر ليتني جيت المستشفى هذا من زمان ..

نجوى : ليه يعني وش قصدك ؟

د/محمد : أكون عرفتك ابكر ..

نجوى : ما يفرق ..

د/محمد : الا يفرق كان ممكن أكون ....(سكت) ..

نجوى باستغراب : وشششش ؟! .. خطيبي بدال تركي هههههههههههه .. تكفى لا تمزح بهالامور ..

د/ محمد : بس انا ...

اندق باب غرفتها ودخل ....

تركي ناظره بانزعاج : معليش فكرتك فاضيه ..

نجوى ارتبكت : هااه ايه .. ايه فاضيه تفضل ..

د/محمد : اوك عن اذنك .. نتكلم عن تفاصيل علاج هالمريض بعدين ..

نجوى : تمام ..

تركي قعد مكانه : هذا قاعد اشوفه يحوم حولك كثير ؟!

نجوى : يووووووه رجعنا ل يا طير يا اللي ..

تركي : مو عاجبني وجوده معك لحالكم .. ع الأقل اتركي الباب مفتوح ...

نجوى : انت وين عايش ؟ ترانا بمستشفى ..

تركي : حتى ولو .. اسمعي الكلام ..

نجوى : يعني تغار علي ؟! .. اذا مره مره تغار خلينا نملك ..

تركي : و اختي بهالحاله ..؟!

نجوى : قربت تدخل شهر وهي بغيبوبه .. وطبعا مو معلوم متى تصحا .. تبيني انتظر الى متى ؟ انا ما أقول شي الله يشفيها يارب وان شاء الله تصحا بأسرع وقت لكن مو معقول نوقف حياتنا على ما تصحا ! صح و لا لا ؟

تركي : معك حق جزئياَ .. لكن ما ادري ما ودي افرح و اختي بغيبوبه .. ما اقدر ..

نجوى : يا حبيبي فكر فيها انو هي تبي كذا .. لازم تكلم اهلك احنا قبل غيبوبتها أصلا اجلنا كثير .. ما عاد نقدر نأجل اكثر من كذا .. لنا سنتين خاطبين خلاص كفايه ..

تركي : خلاص لا تضايقين عمرك بكلم اهلي بأقرب فرصه ..

نجوى : ولو ما اقتنعوا اقنعهم بأي طريقه ..

تركي : ان شاء الله انتي بس ابعدي عن هذا اللي اسمه محمد و ما رح يصير خاطرك الا طيب ..

نجوى ابتسمت : ابشر حبيبي ..

دخلوا سمر و جنان غرفة الريم أخيرا .. وفعلا سوتها سمر و فتحت جوال الريم ..

سمر : اسفه ي قلبي يا الريم بس لازم اعرف بعض الأمور .. جنو خليك معها .. بطلع برا اتصفح جوالها قبل يقفل ..

جنان : انا بقعد معها و بحكي لها قصص تضحك .. خذي راحتك انتظرك ..

تصفحت جوالها بدايه بسناب ما لقت أي حساب مشبوهه .. كلهم بنات .. و اسم راكان مو موجود أساسا .. لقت وحده مرسلتلها وكثير تسأل عنها .. و نكها الجوري ... ف ردت عليها ... وقالت لها " اختي دخلت غيبوبه من كم أسبوع دعواتك لها " ..

وتصفحت كل برامج التواصل الاجتماعي عندها ما لقت شي غريب .. شيكت ع الصور تشوف اذا فيه صوره لراكان مالقت أي شي عنه .. بس شافت صور و مقاطع لشخص تكررت جاها فضول و أرسلت الصوره لنفسها حتى تسأل جنان عنه بعدين (بما ان جنان تعتبر بيت اسرار الريم) ...

كانت رح تقفل الجوال وتمشي بس تذكرت الملاحظات ممكن تكون كاتبه فيها شي .. شيكتها و لقت مجلد مكتوب عليه " أمور مستحيل اقولها له ! " .. دخلت عليها ولقت ملاحظتين ......

الملاحظه الأولى :

" على فكره انا مب زعلانه منك قد ما اني قلقت بسبب انك طلعت فجأه وسحبت ، وطول اليوم في حوار مع نفسي ومتردده اكلمك اسأل اذا فيه شي سيء صار معك لا سمح الله ؟ ولا كرامتي اهم؟ اخاف اكلمك للمره الثالثه وتسحب علي 🙂..

والحمدلله هذا انت طلعت مافيك الا العافيه ومبسوط وهذا اهم شي وما اشغلك الا عزيمه مفاجئه لدرجه عجزت ترد وتقول انا مشغول

عموما تصبح على خير ..

اييه و ياليت تكمل معروفك وتسحب على هالكلام بعد .."

الملاحظه الثانيه :

" ابي اقول كلام بخاطري كثيييير متجمع ومتعبني مهلكني ومابيك ترد او تعلق لاني متاكده كلامك بيجرحني ويزعلني بيخليني اندم تكلمت ،بس ما اقدر ابي اقوله لك ابيك تعرف وش انا اعاني منه ، والله انه شي صعب اشرحه كلام لاني مهما قلت مارح اوصف لك اللي احسه ابد ،ياما وياما اخذت بخاطري عليك ياما زعلتني يا بقصد او بدون قصد بس اني اتركه بقلبي واسكت وتكلمني اكلمك عادي ولا كأن شي صار ،ما كنت اتمنى شي منك ابد والله مابي منك شي غير تعاملني بالمثل تعطيني على قد ما اعطيك ، انت كنت صعبان علي م قدرت اخليك يومك قلت لي اللي بقلبك حسيت اني مسؤوله عنك وهو مالي دخل ! حبيت اساعدك بأي طريقه كانت ولو كلامي بيخفف عنك معاناتك بتكلم معك واداريك لين الله ييسر لك بذلت جهدي سويت اللي اقدر عليه بدون منّه لاوالله مبسوطه من اللي سويته واتمنى اني اكون ساعدتك لو شوي اتمنى اكون ضحكتك او ونستك لو شوي ترا حتى من دعائي م نسيتك دايم ادعي لك بكل شي حلو شفت وش قد مكانتك عندي؟ ، كل هذا مابي له اي مقابل ولا كنت اتمنى غير حاجه بسيطه بس انك ترد علي اذا كلمتك ، ما تتجاهلني او تسحب علي بحجة ان كلامك ممكن يزعلني بإمكانك تكون ألطف! تهتم بس شوي على قد ما اهتميت مابيك تهتم مثل اهتمامي لاوالله ابي بس ١٪؜ من قدر اهتمامي لك بس واحد ! ،اعرفك من سنتين تقريبا، من ذاك الوقت نادرا كنت احس اني مهمه عندك ما اوصل حتى بمكانة اصحابك اللي معك انا ادنى منهم ! دايما دايما دايما احس وجودي وعدمي عندك واحد والشي ذا يزعلني مره مع انه ما يحق لي اطلب منك تهتم ولا يحق لي حتى ازعل بس ياخي ذا شعوري لازم اقوله لك و ارتاح ، شفت الرسايل اللي ارسلها لك واحذفها ترا اغلبها اكون ساءلتك بتفقدني اذا اختفيت؟ بعرف انا وشو عندك يهمك وجودي ولا لا؟ مابي اكون شخص يضايقك او ناشب بحياتك يهمني انت وش تعتبرني! لاني احس اني ولاشي والله العظيم اني ولا شي دائما ابي اقولك ذا الكلام بس اخاف من ردك اخاف من تفكيرك اخاف من شي اسمه فراق ، انهلكت ورب البيت ، برودك وزعلي منك المتكرر اهلكني ، اذا انا ولا شي عندك خلاص تكفى والله خلاص بلكني عشان ترتاح انت وتريحني ..."

بعد ما قرت هالكلام بكل تفاصيله و حست بمشاعرها و هي تكتب .. بكت بكت بصمت دموعها غرقت نقابها .. وقامت من مكانها توجهت صوب غرفة الريم ..

جنان لفت عليها : هاه سمور لقيـ ...... ( خافت ) بسم الله وش فيك تبكين ؟!

سمر تجاهلتها و ناظرت الريم بعيون حزينه .. و لازالت تبكي ..

جنان راحت لها وضمتها : سمور لا تخوفيني تكفين علميني و ش فيه ؟

سمر بعدت عن جنان وراحت ركض يم سرير الريم و مسكت يدها : مييييين الحقير الواطي اللي خلاك تعيشين هالحزن و كسر الخواطر ذا كله مييييييييين ؟!

جنان مصدوم : وش قصدك سمور ؟! فهميني الله يخليك ..

سمر لفت عليها : الريم كانت تحب احد؟ وهالشخص كان دايما مزعلها ؟! لا يكون راكان اللي يطقطق علينا ؟

جنان : لاو الله العظيم راكان ما عمرنا شفناه لا انا و لا هي ..

سمر بغضب : يعني فيه احد؟ و انتي تعرفينه ؟! مييييين هو ؟!

جنان سكتت و ناظرت الأرض .....

سمر : من سكوتك الاجابه واضحه ..

جنان : بس .. بس هي تركته من زمان ..

سمر بقهر وعصبيه : يعني انتي واثقه انها تركته ..؟ كلامها اللي كتبته عنه يقطع القلب .. من يكون هو حتى يعامل اختي كذا .. ( وقفت وناظرتها بحزم ) اذا تعرفين أي شي عنه لا تسكتين ابي طريقه اتواصل فيه معه ..

جنان : سـ سمر انتي معصبه اللحين اهدي ونشوف له حل ..

سمر : كيف اهدا ؟! كيف تبيني اهدا اللحين عرفت هي ليه بغيبوبه .. اكيد كسرها لدرجه ما قدرت تقوم ..

جنان : صدقيني تركته من زمان ..

سمر : ما تعرفين عنه شي ؟!

جنان : كل اللي اعرفه انها كانت تتواصل معه سناب و بلكته فيه خلاص ..

سمر رفعت جوال الريم لقته تقفل .. فتحته ببصمة الريم مره ثانيه : انا اعرف كيف اطلع حسابه .. >> لقته في قائمة الحظر صورت الشاشه ع يوزره و ارسلته لها .. و صورت الشاشه ع الملاحظات وارسلتها برضو .. و ما نست الصور أرسلت كم صوره تشك انه هو .. ورت جنان الصور ....

جنان مصدومه : هذا ......

سمر : يعني هذا هو الواطي طالما عرفتيه .. لو تركته زي ما تقولين ليه للحين محتفظه بصوره ؟!

جنان بحزن : والله .. والله ما ادري .. صدقت انها تركته ..

بعد اللي صار رجعوا للبيت و كانوا ساكتين يفكروا بكل شي من اول وجديد .. بالذات سمر تحس بالقهر و الضيقه .. وشعور الغضب تملكه .. لدرجه نسوا قصة راكان .. واعتبروه كذاب يطقطق عليهم .. وقررت تتعامل معه بعدين .. بالنسبه لجنان كان ابوها ينتظرها عند بيت الريم اخذها ورجعوا لديرتهم الحفر ..

صار وقت العشاء .. اجتمعوا عايلة بدر ع العشاء الا بدر بنفسه للحين ما وصل ...

أبو بدر : اخوك وينه ؟ ليه للحين حضرته ما شرف ؟

ميهاف : صحيته شوي ويجي واضح اللي نايم نومه مريحه ..

أبو بدر : وراي رحله و هو ماخذ راحته ما شاء الله ..

ميهاف : يبا لا تنسى تجيب لي العطورات اللي قلت لك عليها .. دامك رايح مدينة العطور باريس .. الله ودي اروح ..

أبو بدر : جد تبين تجين ؟ احجز لك مافي مشكله تامرين امر ..

ميهاف : لا يبا عندي مدرسه .. خليها بالعطله ..

أبو بدر : من عيوني ..

ميهاف : بعد راسي تسلم عيونك الله لا يحرمني منك ..

دخل عليهم بدر .......

أبو بدر : صح النوم .. توه الأستاذ يشرف ..

بدر : اسف راحت علي نومه ..

أبو بدر بعصبيه : وينك تأخرت ع الغدا .. انا مو قلت اذا عندي سفر ابي الكل يكون مجتمع ع الغدا والعشاء ؟ قلت ولا ما قلت ؟!

بدر : قلت .. لكن .. صارت مشكله بسيطه بالمدرسه .. وهذا اللي أخرني ..

أبو بدر : انا ما تهمني الاعذار ..كلامي أوامر يتنفذ .. واذا ما تنفذ وش يصير .. يصير فيه عقوبه .. وش حاب نعاقبك فيه هالمره ؟

بدر : والله اسف يبا اخر مره والله ما اعيدها سامحني تكفى ..

أبو بدر : مستحيل اتساهل معك .. الجلد وراك وراك ..

بدر : تكف ......

أبو بدر قاطعه : و لا كلمه .. 10 جلدات و ان نطقت بحرف 20 جلده ..

بدر ناظر ميهاف كنوع من التوسل .....

ميهاف ~ تستاهل ما جاك .. لو ما حبست ركوني حبيبي كان ممكن ساعدتك بس خلك ..

طبعا ابوهم من النوع الشديد ع الولد الطيب مع البنت فلسفة تربيته .. حتى يكون الولد كفو وقد المسؤولية و يلتزم بمواعيده .. لانه بالاخير رح يكون وريثه الوحيد .. ع حسب مفهومه لازم يعلمه القوه و الصلابه ....

دخل خالد غرفته و لازال راكان نايم .. حاول يصحيه .. لانه صار وقت العشاء وغير كذا راكان ما اكل شي بهاليوم ماغير كم لقمه ... صحا راكان م استوعب المكان اللي هو فيه بالبدايه .....

راكان تو يفتح عيونه : اناا وين ؟!

خالد : أخيرا صحيت .. صار لي ساعه اصحيك ..

راكان قعد وصحصح : اهاا ايه تذكرت .. ذبحني النوم ..

خالد : اجيب عشاك هنا و لا نطلع نتعشى برا اش رايك ؟

راكان : اوووف مره ( جيعاااانه ) خاطري في بيتزا اكسترا تشيز مع ايس بيبسي اووووف يسرسحححح ...

خالد يناظره باستغراب وصدمه : ؟؟؟؟؟؟؟؟؟؟!!!!!!! ..

راكان استوعبت انها تكلمت ك بنت هههه : هههههه ههههه ترا امزح معك اش .. اش فيك تناظرني كذا ؟

خالد : ما اعتقد انك تمزح مو اول مره تتكلم كذا ..

الريم ~ اممم واضح اني دايما اجيب العيد .. اش اسوي يا ربي مو قادره اتعود ..

خالد : بطلب لك بيتزا اجل .. تبي شي ثاني معها ..

راكان : لا شكرا .. انت .. انت رح تتعشى معي .. ؟

خالد : معليك انا اكلت ..

راكان : ودي اخذ شاور ..

-خالد : شوف حطيت لك ملابس هناك ع الكنبه و الحمام اول ما تطلع من الباب يمين الغرفه .. و رح تلاقي فيه كل شي تحتاجه .. جهزت لك الحمام من بدري ..

راكان : يااااااخي احبككككك ياخي كيف اشكرك ..

خالد رجع وناظره بقلق مع استغراب : ؟؟؟؟؟؟؟!!

راكان : اوووووووووف خلاص خلاص امزح تعبت أكون مو انا تعبت ..

خالد : وش قصدك ما فهمت ؟

راكان : لا تهتم بروح اتسبح على ما تطلب لي ..

خالد : .............!!

بعد ما طلعت من الحمام شعرها ينقط مويه كانت قاعده تمسحه بالمنشفه ..

راكان : كل شي عال العال ناقص مجفف الشعر بس وينه ما لقيته ..

خالد يناظره باستغراب اول مره يشوفه كذا : مافي ...

راكان يقرب للمرايه و هو يمسح شعره : شلون يعني مافي .. ابي اجفف شعري .. انت م تجفف شعرك ؟؟!!

خالد : شعري قصير اجففه بالمنشفه و يجف بسرعه ما احتاج مجفف ..

راكان : يا ليل و اقعد كذا انتظره يجف .. شوف ممكن تلاقي بغرفة امك ..

خالد : امي نايمه هالوقت مابي ازعجها .. جفف بالمنشفه كلها ربع ساعه الا تلاقي شعرك جاف ..

راكان : اوووف الشعر الطويل يطول ع م يجف .. ( انسدح ع السرير ) جعتتتتتت مره وين البيتزا حقنا ..

خالد طبعا كان قاعد ع الكنبه : ع وصول ما بقى شي ..

وماهي الا دقايق ورن جواله الطلب وصل ... نزل يستلمه .. و هو تحت بالشارع شاف سياره غريبه واقفه مقابل بيتهم .. م اهتم في الوقت الحالي ورجع لغرفته ....

بعد ما اكلوا و خلصوا .. فتح خالد الشباك .. و شاف السياره لازالت موجوده هنا بدا يهتم و يستغرب .. ظل واقف ع الشباك عدة دقايق يراقبهم ....

راكان : اش فيك متكي بالشباك ؟

خالد لف عليه : لااا و لا شي .. ( قرب عنده و قعد ) اسمع لازم نتكلم بموضوع مهم ..

راكان : تفضل .. اسمعك ..

خالد : بكره رح يتساءلون الشله كيف طلعنا .. خلنا نتفق ان الحارس فتش و فتح الباب ولقانا .. اتفقت مع الحارس ع هالشي ..

راكان باستغراب : متى اتفقتوا متى صار كل ذا ؟

خالد : وانت نايم ..

راكان : سوري واضح اني اسبب لك وجع راس ..

خالد تضايق : وهذا الموضوع الثاني اللي كنت ابي أتكلم عنه ..

راكان : ما فهمت وشو ؟

خالد : ابيك ترجع راكان اللي اعرفه .. ولحد م ترجع ما اقدر ابقى معك يعني من بكره انت لا تعرفني وانا لا اعرفك ..حتى سلام لا تسلم علي ..

راكان : ليش كل ذا ؟ واذا ما قدرت ارجع راكان اللي انت تبيه ؟!

خالد : اسف ما اقدر استمر معك قاعد تربكني .. احس اني مجنون .. ما اقدر اتحمل القعده معك ما ارتاح ..

راكان بحزن : كذا يعني .. اوكيه اخليك اجل من اللحين .. معليش بطلع بملابسك بس بكره برجعها لك مع السواق ..

خالد : طالع ع وين ؟! انا قلت من بكره ..

راكان : ليش نأجلها لبكره .. خليني اطلع من اللحين .. وش يقعدني معك اكثر و انت م ترتاح بوجودي ..؟

خالد : انت اللحين زعلت يعني !؟ ماني فاهم ..

راكان : لا ليش ازعل وشخص ما يبيني .. شخص ارتاح له طلع ما يرتاح لي طلعت مو عاجبه .. تبيني ازعل و انا اسمع هالكلام ليش ازعل م يسوا ..

خالد ~ واااااااااضح زعل من كلامي ما توقعت ردة فعله هذي ابد ..

راكان : اياك ثم أياك تلحقني ..

خالد : مستحيل اتركك وين بتروح ما عندك جوال ولا سياره ولا فلوس .. وين بتروح خليني اوصلك وين ما تبي ..

راكان : مشكور قلت اياك تلحقني .. >> برطمت هههههه طلعت وسكرت باب الغرفه وراها بقوه ..

خالد ~ اش هالتصرفات الغريبه ذي يا راكان .. من كل عقله مفكر بخليه .. >> و طبعا لحقه ..

شافه طلع من باب الشارع .. و راح الكراج يطلع سيارته و يلحقه عشان يوصله وين ما وده .. حرك السياره و طلع للشارع ع أساس بيشوفه برا .. ألتفت يمين يسار ما شافه ...

خالد ~ بسم الله وين راح ؟!  ( يناظر قدام و ورى) .. مستحيل يكون ابتعد هالقد .. معقول رجع داخل وانا ما انتبهت له ؟!

وقف السياره برى شوي .. و دخل البيت يدوره ما لقاه .. رجع ركض لسيارته يفكر .....

خالد يناظر حوالينه ~ هذيك السياره !! .. لااااا يكون اللي في بالي .......!

انتهى البارت

توقعاتكم وين اختفى راكان ؟