(اسفه ع التأخير المستمر لظروف خارجه عن الاراده اعتذر جدا جدا ..)

الريم كانت قاعده تحت الشباك من الرعب مو قادره تتحرك .. حاطه ايدينها ع فمها لا تصرخ ..

تحاول تتحرك قبل يشوفها احد و تهرب من المكان .....

و طبعا رجولها مو شايلتها و هي تتخيل السكين ع رقبة خالد تخيلته ميت غرقان بدمه .. ارتعبت بشكل مو طبيعي حست نفسها بفيلم مو واقع ...

و طالما هي قاعده كذا اكيد لاقاها سعود شافها من بعيد .. و هي شافته استجمعت قوتها و وقفت بسرعه و حاولت تركض .....

سعود : رااااااااااااااااكااااااااان .. ووووووووقف ..

الريم ~ تركض بدون لا تلتفت وراها ..

ركضت ب اقصى سرعتها بس ما كانت اسرع منه .. قدر يلحقها و يمسكها ..

راكان بخوف : اتركني اتركني انا م شفت شي  و لا سمعت شي والله والله .. اتركني ..

يلف ايدين راكان ورا ظهره و يمسكهم و كنه مجرم ههه ...

سعود : ما شفت و لا سمعت هااه .. من كلامك و نحشتك واضح شفت وسمعت كل شي ..

راكان متجمعه الدموع بعيونه : اتركني و الله ما أقول لاحد اتركني ..

سعود يضرب ع كتفه : امش قدامي و لا يكثر هرجك ..

وصلت مكانهم .. كان خالد قاعد ع الأرض .. و عبدالعزيز واقف وراه .. قعدت تدور بعيونها ع ايدين عزوز و هي خايفه تشوف السكين اذا معه او لا ...

سعود رماه بقوه ع الأرض جمب خالد ...

خالد بعصبيه : رااااااااكان ليه انت هنا؟

راكان ناظره عيونه مغرقه دموع : ما ما ادري .. ( قرب منه وهمس ) : رح يقتلونا صح؟!

خالد خاف بالبدايه انه يكون تذكر شي لكن هداه : لا تخاف مب فوضى .. مادري وش جابك هنا لكن لنا تفاهم بعدين ..

الريم ~ يمه وش فيه كنه معصب علي انا اش سويت ؟!

عشان  يتدارك الموقف راح و قعد ع الأرض قدام راكان يتكلم معه و يفهم .....

بدر : راكان .. انت وش جابك هنا ؟ ارجوك حاول ما تكذب مو بصالحك ..

راكان يناظره مرعوب : ء ء انا .. انا لحقت خالد .. و .. و استغربت انه جا هنا .. جاني فضول اعرف وش هالمكان ..؟

بدر : انت ما تعرف هالمكان؟ .. ما تذكرته ؟!

راكان صرخ : لا ما اعرفه ما اعررفه .. ما اعرف شي ..

عبدالعزيز ارتفع صوته ضحك : ههههههههههههههههههههههههههههههههههه شوفوا شكله .. تكفون يا الربع ههههههههههههه شوي ويبكي .. انتوا متأكدين ان ذا راكان !؟

سعود : هههههههههههههه طلع جبان و مسوي له هيبه .. ههههههههه خاب ظني فيك ..

بدر : ههههههه مصدومين مو مستوعبين ان ذا انت .. انا مصدوم زيهم ما ألومهم ..

راكان وقف وعصب : اذا خلصتوا ضحك ابي ارجع البيت ..

عبدالعزيز : هو دخول الحمام مش زي خروجه ي باشا ..

راكان : اش قصدك ؟ بتحبسوني هنا يعني ؟!

عبدالعزيز : تصدق مب شينه الفكره ..

خالد : تستهبل انت تدري انه مريض .. ي شباب ترا السالفه طالت ..

عبدالعزيز : على طاري السالفه .. ما كملنا موضوعنا .. ما علمتنا وش كنت تسوي معه برا ؟ >> و يأشر ع راكان ..

خالد : لحقته و هو ما يدري كان مبين انه تعبان ..

سعود : اييييه ما شاء الله قلب الام ..

عبدالعزيز : هههههههههههههه تشوف ؟

راكان باستغراب : انتوا زعلانين منه عشانه طلع معي ؟!

الشباب : هههههههههههههههههههههههههههههههه ..

راكان مستغرب : ؟؟؟؟؟؟؟؟؟؟؟؟؟؟؟؟؟؟

عبدالعزيز : اش عنده اخر حبه مصدق نفسه ..

سعود : هههههههه لا تلومه مو متذكر شي ..

راكان : فهموني وش السالفه ليه كل هالمشكله ؟

بدر : مارح تقدر تفهم .. تدري انك دااايما كنت تفضل خالد علينا .. اكيد خالد يدري اننا ما نثق فيه .. والسبب انت ..

الريم ~ اش قاعد يقول ذا ما فهمت شي ؟!!!

خالد : مو ذنبه انكم بوجهين ..

عبدالعزيز يشوته برجله : انت اخر واحد تتكلم ..

سعود : مسوي انا الانسان الكفو .. اللي م اخون وثقه واخر شي خاننا احنا .. لا و عشان مين ( يناظر راكان ) ....

راكان : خانكم في ايش ؟ تكفون اشرحوا لي يمكن أتذكر ..

بدر ابتسم : شدعوه هي أمور سيئه ما نبيك تتذكرها .. و خالد خان ثقتنا في بعض المواضيع ماله علاقه فيك .. لا تشغل بالك ..

قرب بدر من سعود وهمس له : اقوول تعال ابيك شوي ..

اخذه ع جنب و قعد يهاوشه ..

سعود : خير اش فيك ؟؟

بدر عصب : انت من جدك قاعد تشرح له ؟! تبيه يتذكر مصيبتنا ولا ايش؟

سعود بعد تفكير : صادق والله اسف تحمست ..

بدر لف ع راكان و خالد : نجي عند عقابكم ..

خالد صرخ عليه : ع كيفك عقاب من انت عشان تعاقبنا ؟!

عبدالعزيز شاته برجله : انطم و لا كلمه ..

بدر : عطني دقايق افكر ..

خالد مسك اعصابه بالقوه وناظر راكان ~ لو منت موجود كنت عرفت وش اسوي فيهم ؟ بس باين عليك الخوف و مابي ازيدها عليك ..

راكان حط يده ع كتف خالد : انت بخير ؟

خالد ابتسم بخفيه : انت شايف حالتك حتى تسألني اذا انا بخير ..

طبعا راكان و خالد كانوا مقعدينهم ع الأرض و اللي يتحرك او يقوم يضربونه .. كانوا مستسلمين لهم بالذات انهم يعرفون ان عبدالعزيز عنده سكين ...

عبدالعزيزسمعهم وناظر راكان : ليه عسى ما شر خايف ع البيست ؟!

راكان نزل عيونه للأرض وسكت خايف او (خايفه )...

بدر بعد تفكير : لقيتها ...

سعود و عبدالعزيز بحمااااااس : وشششش ؟

بدر : رح نحبسكم هنا بكره نفككم .. تقعدون تفكرون ب وش اخطيتوا و تحاسبون بعض .. تقعدون بدون اكل بدون مويه بدون أي شي ..

خالد : انت تبي تقتلنا ؟!

سعود : ههههههههههه انتوا مو بصحرا مارح تموتون من جوع وعطش ب 17 ساعه ..

راكان بحزن : بس احنا م سوينا شي ليش تعاقبونا ؟!

بدر : الاسرار اللي بينكم و ابعادنا عنكم هذا اكبر خطا ارتكبتوه بحقنا ..

سعود يطقطق : هههههههههه ايه حسينا اننا منبوذين ..

عبدالعزيز : هههههههههههههههه ايه ايه طبعا ..

بدر : يالله يا شباب خلونا نمشي .. نشوفكم بكره اذا بعدكم احياء ..

خالد : انت من جدك ؟ ممكن اهلي م يدوروني و لا يسألون عني .. بس تعتقد مارح يدورون راكان .. ظنك مارح يدرون باللي سويته ..؟ رح تندم ..

بدر : أي والله زين نبهتني .. خل ناخذ جوال راكان .. ( ويعطيه لراكان ) افتحه ودق ع امك وقولها انك تبي تنام عندي وبعد الدوام بكره ترجع البيت ..

راكان تشجع شوي : م م ما رح أقول ..

بدر شد شعره بقوه : افتح الجوال قلت ..

راكان من الخوف فتحه ..

بدر قعد يدور رقم ام راكان ويتكلم : انا فكرتك بعد ما صحيت من غيبوبتك تغيرت .. حتى بديت اصدقك .. صدقت انك طيب معنا وانك فعلا تبي صداقتنا و تبي نفتح صفحه جديده .. واخر شي كله كذب انت تبي تكون مع خالد اسرار و سوالف بعيد عنا ترانا ندري مب دلوخ و نلاحظ انك دايما تفضل خالد علينا .. و عارفين بينكم اسرار .. انت ما تثق فينا أصلا .. كيف تبينا نثق فيك ..؟ >> تركه وابتعد عنه شوي

سعود : من جد و تبي نفتح صفحه جديد و انت هذي علومك ..

عبدالعزيز : علمتكم من البدايه انه كذاب و لا تثقون فيه .. الخيانه تجري بعروقه ..

راكان ألتفت حق خالد وعيونه مغرقه دموع همس : والله اني مو (فاهمه) شي ..

خالد : فاهمه؟! هههه من التوتر حتى ما صرت تعرف تتكلم ..

الريم ~ بصيييييييييح وش السالفه ؟ صدعت مو قادره استوعب شي .. حتى الكلام ضيعته ..

راكان : مره متوتر ...

خالد : لا تخاف مارح يصير شي ..

عبدالعزيز : ههه ورجعوا يتهامسون ..

بدر : حاطه سبيكر رد و قول لامك اللي قلت لك .. لو شكت ولو للحظه رح تندم ..

راكان : رح اقولها انكم حاجزيني هنا ..

عبدالعزيز طلع السكين : جرب قول رح تطلع جثثكم من هنا ..

الريم ~ ماتت رعب ..

بدر : متوقع انك رح تقول ..

وفعلا قال لامه عشان م تقلق عليه ثم سكر الجوال ....

بدر : اعتبر هالعقاب اثبات لجديتك في انك تفتح صفحه جديده معنا .. لو طلعت بكره و ما علمت احد عن اللي صار و حاولت جد تتغير ممكن نرجع نثق فيك و نرجع زي اول واحسن .. او تقطعها معنا وصدقني ما رح نسكت لك .. رح نبذل كل وسعنا عشان ندمر لك حياتك مثل ما دمرت حياتنا .. و لك حرية الاختيار ..

سعود : لا تحاولون تصرخون المدرسه فضت مافيها احد ..

عبدالعزيز : هههههههههه ليه بنات عشان يصرخون هههههه !

سعود : ههههههههههه ما يندرى ..

عبدالعزيز : ع فكره المدرسه مب فاضيه .. بالليل يطلعون هذوليك .. اخوياكم من تحت الأرض عرفتهم !؟

الريم شحب وجهها من الخوف ~ يمه بسم الله علينا ..

سعود : ههههههههههههههههههههه ايه الجن والعفاريت رح يباتون معكم الليله ..

عبدالعزيز : هههههههههه سلموا عليهم هاه ..

بدر واقف عند الباب ناداهم : يالله يا عيال اش تسوون ؟

راكان لحقهم : لا .. لا .. لحظه المكان ظلام .. لحظه لا تسكرون الباب .. اتركوني اطلع معكم ..

عبدالعزيز دفه بقوه لين طاح ع الأرض و بسرعه طلع وسكروا الباب ...

خالد راح له ركض : اش فيك من متى تخاف كذا ؟!

راكان بدا يبكي شوي : اخااااااااف من الظلام ما اشوف زر للانوار هنا .. لو صار ليل بيصير ظلام صح ؟

خالد : مو اول مره نقعد بالظلام .. ليه خايف هالقد ؟ بعدين لا تنسى انا معك ..

راكان تمسك بياقته : تكفى تكفى تكفى طلعني من هنا .. والله ما رح اتحمل فكرتهم يمزحون بس راحوا وقفلوا الباب .. تكفى ...

خالد بعد عنه : انت مو راكان اللي اعرفه !! .. انت غريب ..

راكان ضم رجوله و حط راسه عليهم ويبكي بصمت .....

خالد واقف يناظره بصدمه واستغراب ...!

وطلعوا وقفلوا الباب .....

سعود متردد : بدر! .. انت متأكد من اللي سويناه .. انت تدري انه مريض أخاف يصير له شي ..

عبدالعزيز : وش فيك انت خله يموت ونفتك منه ..

سعود : مارح يسكت خالد هالمره لو صار فيه شي ..

بدر : و من يكون خالد ذا أصلا .. ما يقدر يسوي شي .. بعدين هو كان معنا لما صار اللي صار براكان لو تكلم حتى هو بيروح فيها .. لا تخافون ما رح يصير له شي ..

عبدالعزيز : يا عيال و حارس البوابه وش نسوي به ..؟

بدر : خله هو ما يدخل المدرسه أصلا .. و المخزن بعيد عنه لو يصرخون لين بكره ما سمعهم ..

بدر : يالله مشينا مشينا تأخرنا ع البيت وانا ميت جوع ..

عبدالعزيز : ما ودكم نحتفل و ناكل برا اليوم ..

سعود : أي والله فكره ..

بدر : لا ما اقدر ابوي بيسافر الليله لازم ارجع البيت ..(ناظر ساعته) اووف و تأخرت ع الغدا ..

سعود : انت للحين ابوك بالليله اللي يسافر فيها يجتمع معكم ع الغدا و العشا ..

بدر : اييييه تشوف الاب المثالي .. مره بالشهر يجتمع معنا .. و باقي أيامه سفريات ..

عبدالعزيز : عاد لا تلومه شغل ..

بدر : معلينا خل نمشي ..

عبدالعزيز : اوكيه ..

في بيت سمر .. طبعا بعد ما جهزوا الغدا راحت جنان غرفة سمر تناديها .. دخلت الغرفه وطبعا مو اول مره تدخل غرفتهم .. لقتها منسدحه ع سرير الريم و متلحفه بلحافها .. تناظر الجدار .. شافتها جنان و قعدت جمبها وصارت سمر معطيتها ظهرها ...

جنان : سمور امك تناديك للغدا ..

سمر : مو مشتهيه ..

جنان : انتي لسا تفكرين بكلامه ؟!

سمر : كلامه ما يتصدق .. بس كيف يعرف ادق التفاصيل عن حياتها ؟

جنان : تعبت وانا افكر مافي شي منطقي بالموضوع ..

سمر قعدت و ناظرتها : واذا كان كلامه صحيح ..؟! و اذا كان هالشخص هو الريم ؟!

جنان : مسسسستحيل شي م يستوعبه العقل ..

سمر تمسكها مع كتفها : جنووو لازم نقابله  مره ثانيه لاااازم ..

جنان مصدومه : لييييش ؟ صدقتيه ؟

سمر : ابي اتأكد بس ..

جنان : نكلمه عندي سنابه ..

سمر : عطيني سنابه .. و رح نقابله ..

جنان : سمور أخاف عليك هالمره عدت بس لو احد من اخوانك درى بيذبحك بالذات طلال ..

سمر : لا تخافين محد يعرف ان شاء الله .. مارح ارتاح لحد ما احط عيني بعينه و اتأكد هو الريم و لا لا .. افكر اسأله عن طفولتنا مستحيل تكون حكت الأشياء اللي تفشل لاحد .. أشياء ما نعرفها الا احنا .. لو جاوب عليها .. معناته كلامه صحيح ..

جنان : يمممه شي يخوف بجد .. وش صاير بالدنيا .. كنت احسب مثل هالقصص بس بالافلام ..

دخلت عليهم الام فجأه .......

الام : ماشاء الله أي قصص هذي اللي بس بالأفلام !؟

جنان و سمر انفجعوا ...!!

سمر : قاعدين نسولف عن قصه وحده من البنات ..

جنان : ههههه ايه ايه قصتها قصه يا خالتي ...

الام : اللحين انا قلت لك نادي سمر وقعدتوا سوالف ما شاءالله و انا و عموري متنا جوع و احنا ننتظركم .. تعالوا ومنها تحكوا لي قصة هالبنت ..

جنان و سمر يناظرون بعض ...

سمر : انا مو مشتهيه انتوا تغدوا بالعافيه عليكم ..

جنان : اسفه خالتي تأخرت عليك كله من سمر ما رضت تجي ما تبي تاكل .. خليني اقعد معها والله انا اكلت بالطريق ومو جيعانه ..

الام حزة بخاطرها : يعني اكل لحالي ؟ يهون عليكم ..

جنان : ء ء لما كنت بالمطبخ سمعت صوت واحد من عيالك .. شوفيهم ياكلون معك ..

الام : جد ؟ معقوله صحوا اللحين .. يالله بشوفهم .. بترك لكم شوي بالقدر لا جعتوا خذوا لكم منه ..

جنان : ان شاااء الله تسلم ايدينك خالتي ..

سمر تنهدت براحه : اوووووف خفت تكون سمعتنا ..

جنان انسدحت ع السرير : ياااااااربي الكلام في بيتكم خطير ..

سمر : ارسلي لي سنابه اللحين عشان م ننسى .. ابي ارسله ..

جنان : ابشري ..

سمر : خلينا ننام شوي قبل الزياره ..

جنان تثائبت : ايييييه والله نعساااانهه مره .. خليني انام ع سرير الريم ..

سمر بحزن : لااا احس مشتاقتلها .. ابي انام ع سريرها .. نامي ع سريري ..

جنان قعدت وضمتها : يا رحي يا سموور ..

وصل بدر بيتهم .. كانت اخته ميهاف بالصاله بإنتظاره ...

ميهاف : مو كنك تأخرت ؟! ما تدري ان الغدا و العشا مع ابوي اليوم ؟؟؟

بدر : ميهافوه ترى مالي خلقك .. بطلع غرفتي دام خلصتوا الغدا ..

ميهاف : ياويلك من ابوي اكيد بيهاوشك ع العشا .. دقيت عليك كثير ما رديت .. ثم قفلت جوالك ..

بدر : متى دقيتي ما سمعته ؟!! وبعدين ما قفلت جوالي ابد .. >> و طلع 3 جوالات من مخباه ..

ميهاف تناظر مصدومه : وش ذا الطناخه ليه 3 جوالات معك ؟!

بدر : مو شغلك .. ايييه زي ما توقعت طلع جوالي طافي الظاهر خلص شحنه م انتبهت له ..

ميهاف ركزت ع الجوال و عرفته ~ هذاااا مو كنه جوال راكان ؟!! ( رجعت تناظر مره ثانيه و بدر ماسكه بيده وماشي باتجاه الدرج ) الا والله جواله متأكده وش يسوي مع بدر ..؟!! اذا ما اعرف ما أكون اسمي ميهاف ..

وصعدت وراه قعدت بغرفتها تفكر بطريقه تفهم وش السالفه .. وتركت باب غرفتها مفتوح بما ان غرفتها مقابل غرفته حتى تشوفه لا طلع وتحاول تكتشف الموضوع ..

و فعلا بعد دقايق طلع من غرفته ... و هي راحت ركض تشوف الجوال و تتأكد ... دورت بالادراج ومثل ما توقعت كان حاط جوالين فيها واحد منهم حق راكان .. تفحصته و تيقنت انه له ..

ميهاف ~ اموت و اعرف وش صاير ..؟! خل اشوف جوال بدر احلا شي اني اعرف الباسوورد حقه يمكن القى مسج او شي يشرح الوضع ...

كان جوال بدر بالشاحن لما مسكته لقته طافي .. توها بتشغله الا ع دخلت بدر .....

بدر : ميهاااااااااااف !!! خير ان شاء الله اش قاعده تسوين بغرفتي ؟! اش تبين بجوالي ؟!

ميهاف ابتسمت ترقع الموقف : هاااه .. و .. ولا شي .. انت قلت مخلص شحنه فكرتك تكذب .. قلت اتأكد بنفسي اذا صادق او لا ..

بدر : تحسبيني بتهرب من الغدا مع ابوي ..؟

ميهاف : يعني ما تسويها ؟!

بدر : اكره عصبيته و اكره أسلوبه وشخصيته و تحكمه فينا .. انا ما اتهرب من القعده معه بس ما احب .. و بتشوفين ع العشا كيف رح يعاملني ويذلني عشان بس م جيت للغدا ..

ميهاف : مو شي جديد مفروض انك تعودت ..

بدر : طبعا انتي الاميره الدلوعه ما يقولك شي انا اللي اكلها دايما ..

ميهاف قعدت ع السرير وحطت رجل ع رجل : ايييه ما ودك تعلمني وش اللي اخرك عن الغدا ؟!

بدر ابتسم بخبث : اول مره احس اني قوي ع راكان .. اول مره استجمع قوتي كذا قدامه وأول مره اشوفه ضعيف وما يتحمل .. جربت الشعور و حبيته .. اللحين عرفت وش يحس فيه لما كان يشوف نفسه قوي علينا ..

ميهاف وقفت بخوف : وش قصدك وش سويت !!؟؟

بدر : اطلعي اطلعي من غرفتي .. الباقي مو لازم تعرفينه ..

ميهاف : عندي فضول اعرف اخوي القوي اش سوا .. ما ودك تعلمني بليييييييز ابي اعرف واتعلم منك القوه وكذا ..

بدر : شايفتني بزر عندك تضحكين علي بكلمتين ؟!

ميهاف : ههههههههههه يعني ما مشت عليك ! قهر .. والله بيذبحني الفضول ..

بدر : اتركي اللقافه عنك واطلعي يالله .. >> ويجرها برا غرفته ..

ميهاف ~ لازم اشوف جواله و افهم السالفه لازم ..

نرجع للمخزن ... لازال راكان ع وضعه مو قادر يرفع راسه و يبكي بصمت ... و خالد استفاهمات كبيره بمخه ...

خالد : راكان قوم عن الأرض تعال اقعد ع الكنبه ..

راكان : ...... لا رد

خالد بدا يقلق له مده ع نفس الوضع : راكان فيك شي ؟

راكان رفع راسه وعيونه مغرقه دموع : اكره الظلام .. احبه بس وقت انام .. ما اتحمل اقعد بالظلام وانا اشوف ..

خالد : المشكله لمبات المخزن م تشتغل الا من برا و الباب مقفول علينا .. لكن شوف عندي حل نام و مارح تصحى بكره الا كل شي منتهي ..

راكان وقف : ليه انت كذا بارد اقولك مابي اقعد هنا شوف حل طلعني من هنا قبل يصير ظلام..

خالد عصب : انت الغلطان انت ليه لحقتني فهمني ليه ؟؟!

راكان عيونه للأرض : ش شفتك ك كنك متضايق اول مره اشوفك كذا .. خفت انه صاير معك شي و لحقتك عشان اتطمن .. (ناظره بخوف) يعني غلطت ؟

خالد تنرفز مشاعره متضاربه ومو فاهم نظراته : تكفى ارحع راكان اللي اعرفه .. راكان مستحيل يفكر كذا .. انت مو راكان ؟! متى ترجع زي ما كنت .. انا ما اقدر اتحملك و انا اشوفك تتصرف كذا ..

الريم خافت ~ لا يكون عرف اني بنت ؟! كيف شلون ؟! انا قاعده ابذل جهدي اتصرف و كأني راكان .. معقول يكون عرف .. ؟؟! لا لا مستححيل هذي أفكار هلاوس مو صدق ..

خالد قرب منه لما شافه شرد : اكلمك راكان تسمعني ؟!

راكان خاف ضم نفسه وصرخ : وخر عني .. لااااااا تقرب لا تقرب ..

خالد : بسم الله عليك وش فيك ؟! هذا انا خالد ..

راكان استوعب وصحا ع نفسه : اسف .. ماني .. ماني ع طبيعتي ..

خالد : أصلا انت من صحيت منت ع طبيعتك ..

الريم ~ القاها منك و لا من الليل اللي ع وشك يدخل علينا و بموت رعب .. و المكان أساسا يخوف .. و هو بارد و لا همه متكي و ماخذ راحته !! ..

نرجع بيت بدر .. كانت ميهاف تنتظره ينام مثل م تعود بعد م يرجع من دوامه .. ومنه يشحن جواله شوي .. ثم تاخذه و تفهم الموضوع .. وفعلا اخذته بعد تقريبا ساعه ونص ع ما نام اخوها ....

ميهاف تفكر ~ ايه و اللحين عندي باسوورد جواله وشفت المسجات مافي شي عن راكان و مكالماته اخرهم مع سعود .. وقروباتهم واتس و سناب فاضيه مو مرسلين شي مهم .. لازم اتواصل مع هذا اللي اسمه سعود و اسحب منه الكلام ..

وفعلا أرسلت له ع الواتس .. و كل كلامها معه كان بذكاء ودقه ......

ميهاف ~ امممم وش أقوله اول عشان م يشك .. خل نرسل و خلاص ..

وكتبت : " مرحبا سعود ... "  >> ثم مسحتها قالت مستحيل يحيون بعض اول وهم يمونون قالت ادخل بالموضوع ع طول ..

ميهاف : " وش صار ع موضوعنا ؟ " >> طبعا ما سألته مباشره عن راكان لانه رح يستغرب ..

سعود : " أي موضوع ؟؟! "

ميهاف : " اش فيك هو في غيره ؟! "

سعود : " قصدك راكان؟ نفس ماهو مقفول عليه هههههه تلقاه اللحين يصيح ينادي امه .."

ميهاف خافت ~ ركوني! اش قاعدين يسوون هذول ..لازم اعرف المكان وين لازم : " اهم شي لا يصير عليه شي .."

سعود : " والله انا قلت لك يوم كنا بالمدرسه هو مريض انت عارف بس انت قلت ما بيصير له شي .. اشوفك بديت تغير رايك!! "

ميهاف تتدارك الوضع وتحاول ترقع : " لا طبعا ما غيرت رايي بس شوية قلق .."

سعود : " شرايك نروح نتطمن عليه بعد كذا ساعتين ..؟ "

ميهاف ~ اوووووف اوف علمني بس وينه .. لقيتها انا و حظي يا تصيب يا تخيب : " المكان مو بعيد لو نروح اللحين بسرعه ونرجع .."

سعود : " هههه المدرسه بالشارع اللي ورا بيتكم يعني بيتي ابعد .. "

ميهاف ~ يسسسسس كفو عليك والله اني محظوظه انه دلخ : " اجل حلو انت خلك ارتاح انا بمر عليه نظره سريعه ثم ارجع البيت .."

سعود : " اوك اللي تشوفه مالي خلق اروح المدرسه اللحين .."

ميهاف ~ هاهه! حابسين ركون حبيبي احقر منكم مافيه .. والله لا اخرب مخططاتكم ..

وحذفت كل الرسايل اللي بينها و بينه ورجعت جوال بدر مكانه و الأخ بسابع نومه .. ثم طلعت مع السواق متوجهه للمدرسه بسرعه ...

صحت سمر و صحت جنان معها استعدوا العايله للزياره .. طبعا تركي بدا دوامه و سبقهم .. و طلال ينتظرهم بالسياره ... وهم طالعين من البيت ....

سمر : جنو أرسلت حق راكان ما رد و لا قرا المسج ..

جنان : انا بعد ما شاف رسالتي ..

سمر تنهدت بتعب : اذا كان مقلب و قاعد يلعب بمشاعرنا والله واللي خلقني ما اسكت له ..

جنان : هو يعرفنا عشان يمقلبنا ؟! .. السالفه كلها ما تتصدق .. المهم اخذتي جوال الريم صح ..

سمر : أي طبعا م نسيته لازم نتأكد اذا تعرفه او لا .. ( وصلوا السياره ) اووص خلاص مانبي ذا يسمعنا ..

جنان : اييه اكيد مو ناقصين ..

قعدوا ورى مع عامر اللي كان بالنص و سمر كانت قاعده ورى مقعد السواق .. و جنان بالجهه الثانيه .. طلال بكل جرأه حط المرايه الاماميه عليها .. وكان كل شوي يناظرها .. هو كان معها كذا دايما بس ما كانت تهتم تغير شوي لما انخطبت بس اللحين رجع لنفس وضعه .. كان مضايقها الموضوع مو عارفه اش سالفته ....

بالمخزن الجو هدوء .. الريم كل ما مرت ساعه تزيد خوف .. كانوا ساكتين وطول الوقت يناظرون بعض .. الى ان .....

خالد : راكان انا ما اقدر استمر معك .. بعد ما نطلع بكره انت بطريق وانا بطريق ..

راكان ناظره بحزن : لييييش ؟! عشاني بس لحقتك .. تبي تتخلى عني ..!!

خالد ~ نظرته نظرته اللي تتطعن بقلبي! : عشان احميك .. وجودنا مع بعض يخليهم يشكون اننا نخبي بعض الأمور عنهم مثل اسرار العمل وكذا .. مارح يرحمونك .. لازم ارجع أكون منهم عشان اقدر افيدك .. كوني معك مارح يفيدك بشي بالعكس بيصعب الأمور عليك ..

راكان : بسسسس كذا بكون لوحدي ..

خالد : طول عمرك كنت لوحدك و تقدر تتصرف .. انت لو ترجع راكان اللي قبل ما كنت عانيت ..

راكان : ياخي خلاص انا مو راكان و لا رح ارجع راكان اللي قبل .. راكان اللي قبل انساه اعتبرني شخص جديد ..

خالد : لا تفقد الامل الا ما ترجع ذاكرتك و ترجع نفس ما انت ..

راكان : ما تفهم انت قلت لك انا شخص ثاني !

خالد ~ لا لا الولد مو طبيعي .. يحتاج دكتور نفسي فعلا .. تصرفاته مو طبيعيه و الشعور اللي يعطيني إياه مو طبيعي .. الظاهر كلنا نحتاج الدكتور ...! >> ما رد عليه ..

مرت لحظة صمت و بعدها بدقايق .....

راكان : احس بالخوف .. ما امزح ما تشوف المكان بدا يصير مظلم ..؟

خالد : لو قعدت جمبي بيروح خوفك ؟!

راكان : م م مايضايقك ؟

خالد : ليش يضايقني تعال .. ( ويضرب بيده ع المكان جمبه ) ..

الريم قامت و هي مستحيه ما تدري ليه و قعدت جمبه متوتره مره وشوي شوي راح خوفها لكن جاها توتر .. بالذات ان خالد ما قاعد يشيل نظراته عنها ...

راكان باستغراب : اش اش فيك من قعدت وانت تناظر فيني ؟!

خالد : قاعد اشوف عليك حركات و تصرفات اول مره اشوفها ..

راكان تنهد بضيق : لاني مو راكان ..

خالد : ما تلاحظ انك كل شوي تقول انا مو راكان!! .. اذا انت مو راكان اجل راكان وينه ؟

راكان يتثائب : احسسسس اني ميت نعاس .. امس كله ما نمت .. واليوم نايم بالكوفي والسياره مستحيل اشبع و بديت اصدع ..

خالد : لازم تنام ..

راكان : بنام بسس .. لا تتركني لوحدي ..

خالد : ما بتركك .. هه حتى لو ابي اتركك ما اقدر ..

وصلت ميهاف المدرسه و نزلت تكلم الحارس ....

ميهاف : لو سمحت .. أتوقع ان اخوي موجود بالمدرسه لانه للحين ما رجع ..

الحارس : مستحيل المدرسه فاضيه مافيها احد .. المعلمين مشيكين ع الفصول ..

ميهاف : يمكن مو بالفصول .. شوف الأماكن اللي برا .. اخوي مريض و فاقد الذاكره يمكن ضاع بالمدرسه او ممكن اغمى عليه و محد يدري عنه .. تكفى لازم ندوره ..

الحارس : اوك بدخل اشيك المدرسه انتظريني هنا ..

بعد ما راح ....

ميهاف ~ من جدك انتظرك؟! .. والله ما غير ادوره بنفسي .. اذكر بدر كان يتكلم عن مخزن لشلتهم بالمدرسه يمكن يكون فيه ..

وفرت المدرسه الى حد ما وصلت المخزن .. لقت الباب مقفول و المفتاح موجود فيه .. بسرعه فتحته .. و الجو كان شوي ظلام شغلت فلاش جوالها ...

ميهاف مصدومه : يممممه وش قاعد تسوي ؟!!!!

انتهى البارت

ابي اشوف توقعاتكم الحلوه لا تحرموني ..

ملاحظه : خلصت البارت و ع طول نزلته ما دققته و لا قريته و لو ناسيه شي او تحسوا في شي غلط ذكروني وعلموني عليه اعدله .. شكرا لكل المحبين احبكم ..