راكان : مالي علاقه في الريم .. لاني الريم نفسها و انتي سمر اختي وانتي جنان صديقتي ...

سمر وجنان مصدومات : ؟؟؟؟؟؟؟؟؟؟؟؟؟؟؟؟؟!!!!!!!!!!!!!

جنان : ندري انك مريض و انك تو صاحي من غيبوبه .. بس مو معناته اننا نتقبل مزحك ..

سمر وقفت وضربت يدها بقوه ع الطاوله : لا تجيب طاري اختي ع لسانك ..

جنان تمسكها وتهمس : سمور اهدي شوي اش فيك ؟

سمر عصبت : ما تسمعينه يطقطق ع مخي ..

جنان : اوشششش فضحتينا الناس كلها تناظر اقعدي تكفين ..

سمر هديت شوي و قعدت : تكلم زين م جينا نتمصخر ع بعض هنا ..

الريم ~ كفو والله سموور اختي .. تعرف ترد و تعرف تدافع و ما تخاف ...

راكان كان يناظرهم مبتسم ...

سمر ناظرته ( تسوي حركه اش فيه بيدها ) : و انت خير تضحك اش فيه ؟!

جنان : يا بنت الناس خليني انا أتكلم معه .. يا راكان اش علاقتك بالريم ممكن تفهمنا ؟!

راكان : انا قلت لكم بس مو راضيين تصدقون ..

سمر عصبت : ذا اللي يبي ينجلد ..

راكان : هههههه ما تغيرتي .. والله اشتقت لكم .. اشتقت اقعد بالبيت و تزعجيني و انتي رايحه الدوام و تسرقين اكسسواراتي .. و نقعد نتهاوش انا وياك الصباح .. ثم كلكم تروحون دواماتكم واقعد مع عموري لحالنا ننام ونصحا نفطر مع بعض ونلعب و ننبسط لحد ما ترجعون .. الا ع طاريه اش اخباره كان مريض تكفين طمنيني عنه صار احسن ؟ اكثر انسان اشتقت له و ودي اضمه و ابوس خدوده ...

سمر امتلت عيونها دموع : انت .. انت تعرف الريم لدرجة تعرف كل هالتفاصيل الصغيره .. من متى تعرفها !؟

جنان تأثرت برضو : متأكده انها ما تعرفه يا سمر .. مستحيل تعرفه لو تعرفه قالت لي عنه ...

راكان : اكيد كل شي تعرفينه عني يا جنان انتي ههه انتي صندوقي الأسود .. و تعرفين اني ما حبيت الا مره وحده .. وحبيت الانسان الغلط .. كنتي معي في معاناتي .. و تذكرين الأيام اللي مرت علينا و كنت ابكي بالساعات معك .. حتى لو كنا بعيدين نقعد ساعات ع الجوال نحكي همومنا لبعض ..

جنان مصدومه : ما اصدق حتى انا كلمتك عني؟! اش علاقتك فيها ؟!

راكان تنهد بتعب : توقعت مارح تصدقوني .. انا الريم واللي بالغيبوبه هناك راكان .. انا بجسد هالشخص .. كيف وشلون ما ادري .. الموضوع صعب تستوعبونه ادري كان صعب حتى علي .. بس والله اللي خلقني وخلكم هذي انا الريم ..

جنان تبكي : ت تشوشت افكاري ..

سمر قامت و طلعت من الكوفي ..

راكان وقف بيلحقها وقفته جنان ..

جنان : انتظر .. عطنا وقت نستوعب .. احنا ماشيين ..

راكان : انا الريم ( مسكت يدها ) انتي صديقتي لازم تصدقيني و تثقين فيني احتاج احد يكون جنبي ..

جنان : بيننا سناب .. >> وراحت ركض تلحق سمر ..

الريم تنهدت مو بتعب الا بهلاك ~ ياااارب يصدقوني .. ( وحطت راسها ع الطاوله بدون لا تحس نامت ) ...

طبعاً خالد كان مراقبه و شاف كل شي من برا .. تساؤلات كثير براسه .. و كان شايف انه تعبان و مو قادر يشيل نفسه .. و تردد يدخل عنده او لا .. ما يبي يبين انه يراقبه وخايف من ردة فعله لو شافه .. بالذات انه طلب يروح لحاله ..

اما في المدرسه .. الشله سمعوا انه بالعياده .. و بعد ما انتهت حصتهم قرروا يسوون له مفاجأه ويزورونه .. الا عبدالعزيز ما كان يبي يروح ....

بدر : فهمه يا سعود تكفى ..

سعود : عجزت وانا اخوك ..

بدر : عزوز افهم لا استعمل العنف اللحين ..

عبدالعزيز يكفكف اكمامه : جوي العنف .. يالله ..

سعود : هههههههههه أي والله جوهه .. امش معنا ياخي .. لازم تسوي سالفه ..

بدر : انت تجيب الشكوك لعمرك ..

عبدالعزيز : يا عيال م اقدر اتصرف و كنه ما سوا شي و اجي عنده واسولف معه وكن الوضع عادي نفسكم ..

بدر : لا تسولف ياخي بس تعال ..

سعود : والله اذا هو ناسي محد بيذكره غيرك .. خلك طبيعي اذا م تتحمله اسكت .. ما نبيه يتذكر شي .. نبي نصير كويسين معه حتى لا تذكر يسامحنا ع الأقل ..

عبدالعزيز : ههههههههههههه احلامكم ورديه .. وش تفكير البنات ذا ..

بدر : انا احس تغير .. كثير متغير ما بيضر المحاوله ..( قرب منه و همس له ) ولا انت تبي نذبحه صدق !؟

عبدالعزيز : خلاااااص رجيتوني .. مشينا ..

سعود : ايييه كذا ..

عبدالعزيز : بس بقعد ساكت ..

بدر : معليه ياخوي بس انت تعال ..

سعود : هههههههه ايه وجودك يكفي ..

نط عليهم عبدالله من بعيد .. لما شافهم طالعين ....

عبدالله : يااااا عيال وين رايحين خذوني معكم .. >> و ركض يلحقهم ..

طلبت جنان سياره توصلهم .. أي مكان ثاني بعيد عن راكان اهم شي .. وبالسياره كانت سمر تبكي بصوت مكتوم .....

جنان : سمور رح ابكي معك بليييز خلاص ...

سمر : ما سمعتيه وش يقول ؟! .. كيف يعرف أدق التفاصيل عنها ؟! مو قادره استوعب شي

جنان بحده : ما تؤمنين بالمستحيلات ؟

سمر : تكفييييين لا تقولي انك صدقتيه .. كلامه ما يدخل العقل ..

جنان : لو فكرتي بكلامه بهدوء ممكن يكون صح .. بس لان الشي مستحيل انتي مو قادره تستوعبينه .. فكري من اول ما شاف الريم بالعنايه وانهار .. تخيلي تشوفي نفسك بغيبوبه وانتي بجسد شخص ثاني .. لو الموضوع حقيقي .. ما اعرف كيف تحملت الريم !!

سمر : مو قادره اصدق مو قادره ..

جنان : رح اتواصل معه و اعلمك اش يصير ..

سمر : خذيني أي مكان اللحين اصفي ذهني وافكر .. باقي 4 ساعات ع نهاية دوامي .. حتى مدري اش اسوي فيها ..

جنان : لو امك مداومه كان قعدنا بالبيت .. ( خطرت لها فكره ) سمور لازم نفتح جوال اختك و نشوف اذا مافي أي صور او محادثات بينها وبين راكان معناها فعلا ما تعرفه .. و معناها انو راكان الريم!!

سمر : حاولت قبل افتحه بس ما اعرف الباسوورد .. لكن الحلو فيه بصمه .. تتوقعين عادي ندخل الجوال للعنايه واخليها تفتحه باصبعها ..؟

جنان : أي عادي مافيها شي ..

سمر : تمام الليله اذا رحنا نزورها نسويها .. الله يستر من اللي رح نلاقيه بجوالها ..

جنان : انا اثق فيها .. وانتي خليك واثقه منها ..

سمر : خلينا نروح المول .. بعد ما يصير وقت نهايه الدوام نرجع مع بعض لبيتنا .. انتي بتقعدين عندنا صح ؟

جنان : أي لحد ما يجي موعد الزياره .. قلت لابوي بمر المستشفى بعدين امر بيتكم عنده خبر ..

سمر : تمام اذا وصلنا بقول لامي اني قابلتك برا عند الباب .. اهم شي لا احد يشوفنا نازلين من السياره مع بعض .. مالي خلق مشاكل مع اخواني ..

جنان : تم تم ..

وطبعا قرروا يروحوا لاحد المولات حتى يمر الوقت ...  وقعدوا فيها ... لحد ما انتهى وقت الدوامات ورجعوا لبيت سمر مثل ما كانوا مخططين ...

وقبل نهاية الدوامات نرجع لمدرسة العيال .... لما وصلوا الشله للعياده ما لقوا احد .. سألوا الممرض اللي فيها قال محد مره .. وعاد هنا استغربوا .. وبدوا يفكرون وش السالفه ... دوروا ع خالد برضو ما لقوه .. واجتمعوا بالكافتيريا ....

بدر : اسمعوا واضح انهم طالعين مع بعض .. و وراهم سالفه ..

سعود : من اول كنت شاك بخالد وانه خاين ..

عبدالعزيز بدا يخاف : يا عيال تتوقعون يعلمه عنا ؟ او يذكره باللي صار ..

بدر : مستحيل ما اظن .. ما تذكرون لما قال خالد ان دكتور راكان طلب انهم ما يعلمون راكان بشي و انه لازم يتذكر بنفسه و لا بيسبب له ضغط ..

عبدالعزيز : بس هالشي مو مضمون ..

بدر : اعرف خالد زي ما اعرف نفسي .. مستحيل يسوي شي يضر براكان .. احنا اغبياء لما دخلناه معنا بخطتنا ..

سعود : هو قفطنا ياخي ما كان بيدنا ..

عبدالله : حذرتهم وقتها لا تسوون مصيبتكم ما سمعتوا كلامي ..

كلهم ناظروها بحده ......

سعود : لا يكون انت الخاين بسس !

عبدالله مصدوم : سلاامات يا عيال لاااا م توصل ..

عبدالعزيز : مهما تقولون انا متأكد انه خالد ..

بدر : و ان كان خالد غريبه ما ساعده و هو يدري عن اللي بنسويه فيه ..

سعود : والله هالانسان غريب عجزت احدد موقفه هو معنا ولا معه ..

عبدالله حس بدوخه من كثر التفكير ههه : اههخخ يا عيال عقلي م يتحمل .. برجع الصف أصلا انتهت الفسحه ..

سعود : كالعاده ما منك فايده .. جاي معنا ليه بفهم ..

عبدالعزيز : انتوا ارجعوا للصف انا بقعد برا بسيارتي انتظره .. اذا انه بيرجع المدرسه .. بكلمه واشوف اش وضعه .. متأكد بيرجع مع خالد و تشوفون ..

سعود : اجل بقعد معك ..

عبدالعزيز : لا تكفى بيقعد يسوي الأستاذ سالفه اذا اثنين مب حاضرين .. اما اذا لحالي م بيحس ..

سعود : اوك بس اذا شفت راكان و خالد رجعوا مع بعض لا تكلمهم ابدا .. لا تخليهم يشوفونك أصلا .. صورهم مع بعض بس باليوم والتاريخ والوقت .. و عندي فكره ..

بدر : وش براسك ؟

سعود يبتسم بخبث : تعرفون بعدين ..

جاهم الوكيل لما شافهم قاعدين .....

بدر : يالله قوموا جا النشبه ..

راحوا لحصصهم من هنا .. و طلع عبدالعزيز ينتظر برا من هناك ....

نرجع للكوفي اللي كان فيه راكان .. لازال حاط راسه ونايم .. وكنه نايم بعمق ! .. حس خالد ان الوضع مو امان .. وبدا يقلق .. لبس نظاراته الشمسيه .. و اخذ كاب من ورا ولبسه .. حتى م يتعرف عليه راكان او كذا يظن هههه .. المهم دخل الكوفي .. و اخذ طاوله وراه يعني راكان معطيه ظهره .. و طاولة خالد كانت قريبه من طاوله المحاسبه و الباريستا .. سمعهم يتهامسون فيما بينهم يبون يصحونه لان مو عاجبهم منظرهم .. طبعا م تحمل و كلمهم ....

خالد : عفوا .. لو سمحت .. الشخص اللي نايم ع الطاوله معي .. بعطيك قد ما تبي بس لا تصحيه تراه تعبان اتركه ..

المحاسب : اذا هو معك ليه انت قاعد بطاوله لحالك؟ لا يكون فيه مرض معدي ..

خالد : لاااااا فال الله و لا فالك .. انا لحقته لان ادري انه تعبان وهو مايدري عني ولا ابيه يدري .. كان حاب يطلع لحاله ..

المحاسب : اهاا .. معليش بس منظره غير لائق .. ممكن ينفرون الزباين ..

خالد : بعطيك قد خسايرك كم تبي بس ..>> طلع دفتر شيكات ههههه ..

المحاسب انصدم م توقع انه مطنوخ مو مبين هههه و ارتبك : ء ء ء م م مدري ..

خالد : 10الاف ريال تكفي ؟

المحاسب فتح عيون ع وسعهم مصدوم : هاااااااااااااه!  .. احنا باليوم ندخل اكثر من هالمبلغ >> صار طماع لما حس الموضوع سهل ...

خالد : هذا المبلغ حق ساعه واذا ما صحا خلال ساعه بعطيك ضعفه ..

المحاسب مو مستوعب من الصدمه و وافق ع طول هههههه ...

ورجع خالد قعد مكانه يراقبه و ينتظره يصحا ....

بعد نص ساعه دخلت الكوفي ام مع عيالها صغار وكانوا مزعجين .. ومن ازعاجهم صحا راكان .. ههههه خالد انقهر ليش يصحونه ...

راكان يلتفت يمين ويسار ~ انا وين ؟

لازال خالد قاعد وراه وللحين ما انتبه له .. طبعا ما شال لا الكاب ولا النظارات الشمسيه ...

راكان : لو سمحت ..

الموظف : تفضل ..

راكان : ابي الحساب اذا ممكن ..

الموظف ناظر دفتر ملاحظاته : حسابك مدفوع ..

راكان باستغراب : مين دفعه ؟!

الموظف : ما اعرف بس مدفوع ..

راكان ~ اييييه شكله جنان دفعت .. الله يهديها .. : اوك تمام ..

الموظف : حاب اقدم لك أي طلب ثاني ؟

راكان : لا لا مابي شي بطلع مشكور ..

الموظف : حياك الله .. >> وراح ...

وقف من مكانه حس بدوخه فجأه .. مسك الكرسي بسرعه .. ولما شافه كذا خالد فز من مكانه وده يمسكه لا يطيح بس تردد .. ما يبيه يعرف ..

راكان تماسك أخيرا ومشى .. طلع برا وقف شوي عند الباب .. يتذكر هو وين لازم يروح >> الغفوه جابت فيه العيد ههههه ..

خالد ~ الولد تعبان .. أخاف يصير فيه شي .. اروح له و لا لا ؟ .. >> كان مره متردد ..

راكان حس بدوخه مره ثانيه واستند بسرعه ع الجدار ايد ع الجدار وايد على عيونه .. هنا م تحمل خالد وراح له ركض .. مسكه من ذراعه ....

راكان م استوعب مين ماسكه مو قادر يشوف شي اظلم كل شي بعيونه ...

خالد بخوف : راااااكان؟ وش فيك ؟ انت بخير ؟!

راكان عرف صوته : خ خالد .. م اشوف شي عطني ثواني ..

ع طول خالد حط ذراع راكان ع رقبته ومسكه مع خصره واخذه لسيارته ...

خالد : باخذك للسياره تعال معي ..

فتح راكان عيونه راحت الغشاوه اللي كانت عليها .. كان قاعد قدام بالسياره وجمبه خالد ...

راكان باستغراب : ياربي وش فيني انا ؟!

خالد بقلق : انت تعبان بوديك المستشفى ..

راكان مسكه من ذراعه بايدينه الثنتين : الا المستشفى يرحم والديك لا ما ابيها .. والله مافيني شي .. بس م افطرت زين و امس ما تعشيت و مواصل ما نمت .. انا اتعب اذا واصلت دايما يصير فيني كذا مو شي جديد .. لا توديني المستشفى ..

انصدم خالد من الأسلوب و الشخصيه هذا مو راكان !! حس انه بيبكي .. ما قدر يرفض طلبه ابدا ...

خالد : ط طيب خلاص و لا يهمك .. اجل بوديك مطعم تفطر ..

راكان استند ع شباك السياره وتنهد بتعب : مافي داااااااااعي ابي انااااااام بس مره مصدع .. >> وفعلا بس حط راسه غفى ...

خالد : طيب انا وش اسوي اللحين؟ اوديك البيت ولا ارجعك المدرسه ؟

راكان شبه نايم : تكفى خليني انام هنا .. البيت لا الغياب ممنوع بتصير سالفه ..

خالد : وش رايك ترجع ورى تنسدح و تنام ..؟

راكان صحصح شوي وتثاءب : أي والله فكره ..

خالد : او اوديك بيتنا تنام بغرفتي ..

راكان : لا لا ما تقصر ابي انام ساعه و صحيني لازم نرجع للمدرسه ..

نزل خالد فتح له الباب وساعده يطلع ورى .. كان فيه مخده بالسياره حطها له ..

خالد : ما معي الا الغتره حطها عليك تدفى ..

راكان اخذها و تدفى : مشكور ي خالد .. وشكرا لانك م تركتني لحالي .. الحمدلله انك كنت هنا .. لولاك ما كنت ادري وش رح يصير ...

خالد ~ كل خوفي كان ع الفاضي .. بس لو كان راكان القديم كان عصب علي وهاوشني .. احب راكان الحالي شخصيته مختلفه تخلينا غصب نحبه ..

خالد : و لا يهمك كل ما احتجتني تلقاني حولك ..

ما جاه رد من راكان .. لف عليه لقاه نايم ههههه ....

كان كل شوي يلف ويتطمن .. اخر شي عدل قعدته وصار نظره عليه ع طول .. ما قدر يشيل عينه .. مد يده صوب وجهه بيحطها ع خده بس م توصل .. كان بداخله كميه مشاعر مو عارف يفسرها .. بسرعه رد يده و حطها ع صدره و لازال يناظره ..

خالد ~ وش فيني انا ؟! وش قاعد يصير معي ؟ احس بشعور حلو لما أكون معه وقلبي م يوقف خفقان .. سلامات هو ولد وانا ولد وش فيه ؟ من صارت هذي شخصيته و هو كأنه غصب يخليني احبه .. يععععع وش هالمشاعر .. >> لف قدام ع طول وضرب بخفه ع الدركسون .. تفكيري الوصخ ذا لازم اغيره .. ليته يرجع راكان الاولي ما كانت هذي حالتي و لا جتني هالافكار .. الغلط منه يكلمني بحنيه و يهتم .. صار يضحك لي اكثر من قبل .. وضحكته حلوه تأخذ عقلي .. خييير وش قاعد أقول انا؟! افكاري مشوشه .. لازم يتذكر كل شي .. لازم يرجع راكان اللي اعرفه .. و لا مارح اقدر استمر اشوفه ..

ما تحمل خالد القعده بالسياره ف طلع برا وترك الباب الامامي مفتوح ( في حال صحا راكان وناداه ) ثم استند ع الباب الخلفي وطلع بكيت سجاير من جيبه و قام يدخن ...

طبعا خالد ما كان يدخن اول .. لكن لما دخل راكان المستشفى و اثناء ماهو بغيبوبه .. كان يوميا يحس بالذنب وتأنيب الضمير .. واحد أصحاب السوء بمدرسته شافه دايما مكتئب و اقترح عليه يجرب حبه .. جربها مره و مرتين .. الى ان ادمنها .. كان يوميا بالمدرسه لازم يدخن حبه او حبتين .. اهله ما يدرون و لو يدرون طبعا بيسوون له سالفه .. المهم بس صحا راكان بدا يتركها شوي شوي .. ألتهى مع راكان و تركها .. كل الشله يدرون انه يدخن الا راكان ... اللي يدخنون من شلته عبدالعزيز ادمااان دخان اما سعود ع خفيف والبقيه م طبوه ابد ....

خالد تنهد ~ مع اني ما ادخن كثير وتركته .. الا اني احس احتاجه هالفتره كثير .. التوتر لاعب فيني و تفكيري مشوش والدخان يهديني .... >> طبعا المعلومه غلط الدخان ماله شغل بالهداوه ومضر بالصحه لا للتقليد ههههه ..

وانتظر ع راسه اكثر من ساعه .. مرات يدخل السياره يقعد ومرات يطلع ويفتح الباب شوي حتى يسمعه لا تكلم .. ولما كان برا .... فز راكان من نومه وصحا ...وجهه متغرق دموع ومتعرق بالرغم من التكييف ... غطا عيونه بكفينه يبكي بصمت ....

لف خالد شافه قاعد و على هالوضع خاف يحسب فيه شي .. بسرعه فتح الباب من جهته وركب جمبه ثم سأله .....

خالد بقلق : راااااكان ؟ وش فيك؟ تحس بألم اوديك المستشفى ..؟

راكان : ........ لا رد ..

خالد مسك ايدينه يحاول يبعدهم عشان يشوف وجهه .. لقاه يبكي ....

الريم ~ وش هالحلم اللي شفته .. امي وابوي وبعدو اختي واخواني .. كلنا وانا معهم .. اخوي الصغير يبكي وانا ما اقدر اروح له وابكي معه ابي اروح له مو قادره وكنه يناديني .. ابوي اللي من زمان ما شفته اشوفه يبكي .. وش هالحلم يا الله ..

خالد مد ايده قدام واخذ منديل وعطاه .. لا شعوريا اخذ واحد بعد وصار يمسح جبهته ..

الريم ناظرته بعيونها المغرقه دموع ~ ودي أقوله يضمني يمكن يخف ألمي شوي .. بس ما اعرفه و أخاف حتى وانا ولد .. سمر جنو وينكم لما كنت ابكي تضموني وتخففون عني .. احتااااااج لكم حيل حيل والله ....>> لما شالت عينها عنه .. ضمها لصدره .. ويربت ع ظهرها ...

بعدين استوعب وابتعد عنه  .......

خالد : انا اء اء اسسف سامحني .. ما ما ادري بس كسرت خاطري ..

الريم ~ ياحظك يا راكان بصديقك خالد .. مستحيل يخونك و واضح يهتم لك كثير .. ارتحت اللحين خل ارجع للواقع مدري الحلم .. المهم ارجع لاني راكان ...

راكان : لا تعتذر كنت محتاج احد يخفف ألمي وانت خففته .. شكرا لوجودك بحياتي ..

خالد مصدوم ~ لا مو انت ؟ لا تقول كذا راكان مستحيل يقول كذا لو راكان كان عطاني كف .. راكان مو عاطفي ابدا ابدا .. تكفى يا راكان لا تصير كذا ما اقدر ما اقدر اتحمل اسلوبك ..

الريم باستغراب ~ اش فيه ما رد علي؟! ( ناظرته ) يمممه كنه متضايق ! .. اش صار اش قلت انا؟! لا يكون جبت العيد .. يااااااااا الله تصرفت ع اني الريم قدامه ..!!! نسيت نفسي وقلت أشياء مفروض ما اقولها كوني ولد .. (ناظرت الشباك منحرجه) .. والله مدري كيف ارقع الموضوع معه .. الظاهر لازم اعلمه اني ماني راكان .. هو اقرب شخص لي واحس انه يفهمني و يهتم لي و يخاف علي .. احس اقدر اثق فيه ..

راكان : ء ء ابي مكان اقدر اغسل فيه وجهي واصحصح قبل نرجع المدرسه ..

خالد : و لا يهمك ع طريقنا في مطعم رح ننزل له ومنها اذا حاب تفطر ..

راكان : مالي نفس ..

خالد : ما ابيك تنهار نفس تو .. لازم تاكل ..

الريم ~ ههه واضح اخلاقه قفلت مني ومن الافلام اللي سويتها و ما يبيها تتكرر .. باكل شوي عشان بس ما يغمى علي و يودوني المستشفى ...

راكان : اوك رح اكل شوي ..

وصلوا المطعم افطروا مع بعض .. غسل وجهه راكان و توجهوا ع المدرسه ...

وصلت سيارتهم وقفوا بالبارك قدام المدرسه و نزلوا من السياره .. و بالجهه المقابله كان عبدالعزيز يشوفوهم .. صورهم مثل ما طلب سعود .. و كان يحس بالخيانه  والقهر .. نزل وراهم وتابعهم بدون م يحسوا فيه و يصور .. كانوا يتكلمون و يضحكون مع بعض ..

بس دخل خالد معه لصفه ع طول راح عبدالعزيز ركض لشلته ....

سعود : هاا بشر ..

عبدالعزيز حذف الجوال قدامه ع الطاوله : شوف بنفسك ..

بدر قرب منهم : وروني بعد ..

عبدالعزيز : هاا شفتوا مو قلت لكم ان الخاين هو خالد ؟

سعود : حتى ولو اذا هو صدق خاين كان يعرف باللي رح نسويه براكان ليه ما ساعده !

عبدالعزيز : ما يهمني هالكلام هالادمي خبيث ما تعرف وش يفكر فيه .. اللي يهمني انه هو الخاين .. و رح يتعاقب و رح يعترف بنفسه ..

بدر : سعود .. انت ليه طلبت هالصور ؟ وش تبي تسوي ؟

وصل خالد للصف وشافهم من بعيد متجمعين ... سلم من بعيد وراح قعد مكانه ...

عبدالعزيز : شوف الحقير و لا كنه مسوي شي ..!

بدر : اييييه سعود وش براسك ؟!

سعود : اللحين تشوف ..

قام سعود وراح صوب خالد و هو فاتح ع الصور .. جا من ورى خالد اللي كان قاعد بمقعده .. ومد الجوال قدامه من ورى رقبة خالد ...

خالد انفجع ومصدوم : وشششش ذا ؟؟؟؟

سعود : انت اللي بتعلمنا وش ذا ..

دخل المعلم الصف ....

ناظر سعود الأستاذ و دخل الجوال بجيبه بسرعه ثم ناظر خالد ...

سعود : بعد الدوام نشوفك بمكاننا .. وان م جيت جيناك ..

بدر و عبدالعزيز يناظرون بعض مو فاهمين وش اللي دار بين خالد و سعود ......

صارت نهايه الدوام .. وبس صار الوقت رجعت سمر للبيت .. و الحمدلله محد شافها اخوانها نايمين و محد حولها .. مثل ما اتفقوا دخلت مع جنان للبيت و كانت أمها صاحيه استقبلتهم عند الباب ....

الام : ياا هلا بجنو ( تسلم عليها ) ماشاء الله جايين مع بعض ؟

جنان : ياا هلا بك خالتي .. تصادفنا عند الباب ..

سمر : كلمتني من امس انها رح تمرنا ونزور الريم مع بعض .. وقلت لها تجي لما تنتهي دوامات المدارس و تصادفنا ..

الام : عطتك خبر من امس و لا علمتيني .. كنت حضرت غدا احلا من اللي سويته ..

جنان : يا عمري يا خالتي ماله داعي اكلت والله ..

سمر : نسيت اقولك يمه ..

كان وااااضح مره ع سمر متضايقه و مالها خلق ....

الام بقلق : يمه سمور فيك شي ؟

سمر : لا يمه بس تعبانه من الدوام .. بروح اخذ شاور و اريح شوي ..

الام : زين لا تتأخرين عندنا ضيفه ..

جنان : شدعوه خالتي انا زي بنتك .. سمور خذي راحتك ..

الام : تفضلي ياعمري تفضلي ..

قلطتها لغرفة الجلوس .. و جنان فصخت عباتها متعوده تأخذ راحتها عندهم ههه ..

الام : عاد انا كنت اسوي الغدا والله ..

جنان : تكفين خالتي خل اساعدك ..

الام : لا ي جنو كل شي جاهز تقريبا ..

جنان : تكفين تكفين ابي اشتت تفكيري ..

الام : اوهه شكلك مهمومه ..

جنان : يعني هموم الحياه م تخلص .. اذا مافي احد من العيال موجود ابي اساعدك ..

الام : موجودين كلهم .. بس نايمين .. مارح يصحون الا العصر .. تعالي تعالي ..

جنان ابتسمت : تمام .. خالتي ابي اسوي سلطه .. يحبهااا قلبك ..

الام : اوووووه عاد احب السلطات اللي تسوينها ..

جنان : و لعيوووونك احلا سلطه ..

وبعد انتهى دوام مدرسة العيال .....

سعود : يا عيال الحقوني لمكاننا .. لا تكلمونه هو بيجي من نفسه ..

بدر : اوك نشوف اخرتها ..

عبدالعزيز : هههه من زمان ما جلدت احد ...

يمرون من عند و يعطونه نظرات .....

خالد ~ اووووفف تعقدت الأمور .. كنت وعدت راكان ارجعه للبيت .. برسله مسج لا ينتظرني و انه طلعت لي شغله لازم يرجع مع سواقه ...>> طبعا ارسل له ..

لكن وقتها راكان أصلا كان متوجه صوب فصل خالد .. وبمساعدة زميله الجديد ...

راكان : ء ء مره مشكور دايما تساعدني ..

فيصل : ما يحتاج شكر خلاص صرنا أصحاب ..

راكان : المدرسه كبيره .. و انا لسا م تعودت ..

فيصل : ايييه لان انت ما تدور بنفسك .. تعتمد ع المساعده ف عشان كذا تضيع ..

راكان محبط : آ آ سف ..

فيصل : هههه لاء ما قصدي .. ما رح تحفظ المكان بسرعه ..

راكان : بس انت حفظت المكان بسرعه و انت جديد ..!

فيصل : ما أُعتبر مره جديد .. كان فيه انشطه صيفيه هنا و حضرتها طول فترة الصيف .. و حفظت المدرسه ..

راكان يناظره ب انبهار : اهاا .. ما شاء الله عليك ..

وصلته رسالة خالد بس وقتها كان قريب من فصله .. شاف خالد طالع وكان واضح عليه متنرفز .. لدرجة راكان كان وراه عند باب صفه و لا انتبه له ..

راكان : فيصل خلاص مشكور هذا صديقي بلحقه ..

فيصل : ما تبي ألحقك ..

راكان : لا لا بشوفه انا ..

الريم ~ اش فيه يمشي ع عجاله ؟! .. واضح انه صاير شي .. خل ألحقه بدون ما يحس علي ...

في بيت سمر واهلها طبعاً كانوا بالمطبخ سوالف و طبخ ... فجأه سمعت صوت عامر يبكي ....

الام : يووه عموري صحا .. خل اشوفه أحاول انيمه مابيه يصحا اللحين ..

جنان : تمام خالتي و لا يهمك الاكل عندي ..

بعدة عدة دقايق .. دخل عليها المطبخ و هي تقطع السلطه ...

طلال : يممه ....

جنان انفجعت : هئئئئئئئ .... >> تلف يمين يسار مو عارفه تبي تغطي نفسها ..

طلال مفهي يناظرهااا ...

جنان رمت طماطه عليه هههههه : خييييييييير وش تناظر لف هناك ..؟؟!!

طلال مسكها وحس بعمره بعدين : ء ء ء اسسسسف معليش ... >> ثم لف وجهه للباب ..

جنان : اطلع اطلع ..

طلال : اسف جنان .. ما كنت ادري .. ج ج جنان عادي اكلمك ؟

جنان : خير انت تراني مخطوبه استحي ع دمك ..

طلال : ادري .. اسف انسي اللي قلته .. >> لف عليها عطاها نظره قبل يطلع وراح ...

جنان : يممممممه شفيه ذا ..!!

بالمدرسه .. كان فيه مكان سابقا كان مخزن للمدرسه .. اخذوه هالشله و ضبطوه وصار مكان حلو للجلوس فيه .. وكنه شقه .. طاوله طعام و ثلاجه و كنبات مكان للجلوس .. مضبطينه ع الاخر .. كان هالمكان يحكمه راكان و يعتبر مكانهم السري بالمدرسه وهم حاليا يعتبرون راكان ناسيه .. بعد ما صار راكان بغيبوبه صار تقريبا بدر يحكمه .. كانوا يتجمعون فيه من فتره لفتره بعد الدوام و أحيانا بالفسحه .. الكل كان بانتظار خالد الكل بدون عبدالله .. و وصل خالد .. و استقبله عبدالعزيز ببوقس ع خده طيحه عند الباب و راكان كان يشوفه من بعيد ...

خالد وقف : هذا بس اللي الله قدرك عليه ؟

عبدالعزيز نزل لمستواه و امطره ضرب ..

سعود : عزوووووز جيبه داخل ..

وفعلا سحبه ع داااخل ....

الريم مرعوبه ~ يااااا ويلي وش قاعدين يسوون هذول ؟!! .. اكلم الشرطه ؟! لا يذبحونه بس .. بصورهم و اذا شفتهم بيذبحونه اكلم الشرطه ...

وتقرب من شبابيك المكان .. الحلو ان وحده منهم كانت مفتوحه و كانت حتى تسمع وش يقولون وتشوف وش يسوون .....

عبدالعزيز شاد شعر خالد بقوه و خالد ما قاومهم ابدا ..

سعود : اشرح لنا الصور هذي ي الخاين ..

عبدالعزيز يشد شعره اقوى : تكلم ...

بدر كان قاعد ع الكنبه حاط رجل ع رجل : حنا ندري انك خاين بس كنا نرفض الفكره .. لكن الصور هذي اثبتت لنا اننا على حق ..

خالد ضحك بسخريه : ههه يعني اذا وصلت راكان لمكان و رجعته تعتبروني خاين ..؟! وش السخافه ذي ..؟

عبدالعزيز يضرب براسه ع الأرض بقوه : تكلم زين لا ادفنك هنا ..

الريم ~ بيذبحونه بيذبحونه !! .. ياويلي خالد يعاني بسببي !

سعود : اعترف علمنا من متى بديت تخوننا ..

خالد : ههه لو اني خاين زي ما تقولون كان انقذت راكان من الحادث ..

الريم ~ وش قصده ؟ كان يقدر ينقذ راكان ؟! اش يقولون ما فهمت ..

سعود : لا تسمحون له يشوش تفكيركم .. انا متأكد انه خاين ..

طلع عبدالعزيز سكين من جيبه و حطها ع رقبته ( كانت النيه يخوفه مارح يقتله ) ...

بدر : اعترف يا خالد و فك عمرك انت تدري عزوز مجنون و ممكن يسوي أي شي ..

خالد : طبعا ادري بس ما عندي شي أقوله ..

الريم ترفع جوالها تبي تصور .. و من الربكه صك الجوال بالشباك و طلع صوته انتبهوا له ..

بدر ناظر الشباك وقف ثم صرخ : ميييييييين هناك ؟؟!

سعود يركض لبرا : جايكم انتبهوا له >> يقصد خالد ...

خالد توتر وارتعب خايف يكون راكان ..

الريم كانت قاعده تحت الشباك من الرعب مو قادره تتحرك .. حاطه ايدينها ع فمها لا تصرخ ..

تحاول تتحرك قبل يشوفها احد و تهرب من المكان .....

انتهى البارت

توقعاتكم
- اش رح يصير ع الريم ؟