تاق لأصدقائكم :*

الحلقة 36 من قصة "أسيل" :

ونزلنا لمحلات متاع حوايج ولاد .. خشيت لمحل عجبوني فيه جاكيت أزرق < وسوريه ع الأزرق الهادي .. وكندرة خديتهم وكيف جاية منخلص نلقا قدامي :0

وليييييييييييييييييد
أنا من الصدمة تجمدت في مكاني وماعرفتش نطلع الفلوس ولا نسيب الحاجات ونطللع

نور : داانياا تي خيرك هيا خلصييي
أنا : تتفضل
وليد : يتهنى بيهم يلي لولاه كنتي معاي توا
الاء : شكرا .. أطلعي انتي وياها بسرعة
نور : خيرركمم شن في ؟؟؟
نورهان : اي حتي أنا مش فاهمة شئئئ

أنا قعدت ع وضع الصامت وركبت للسيارة وساكته ولا كلمة والاء حكتلهم كلل شئئ ..

الفترة يلي فاتت مشفتاش بككل من لما صارت العركة وتوا طلع قدام وجهي مرة تانية تفاجئت هلبااا ..

الاء : وراس دانيا فوتي وخلينا نكملو باقي الييييييوم يههبل زي مابديناه ~~ هي ننزلو نتحلو في كافي خاطري فيه هادا
أنا : ايه ويشوفني علاء ويقتلني لالا
الاء : ونبي ؟؟؟؟؟؟ انبحي تي انزلي انزلي علاء قتلك -_- شيت
نور : ههههههههه اي هيا هي

ونزلت بالغصب ~~ تحلينا فيه وكملنا .. شفنا باقي المحلات وخديتله سروال وساعة .. ونضارة .. يعني كملتله لبسة كاملة وجت حلووة ..
وصلت البنات وروحت أنا ونور وستر ربي يلي رافقعة معاي شنطة كبيرة حطيت فيها الحاجات كلها الا الجاكة معاش في وين تنحط =
عطيتها لي نور ع اساس ليها ..

كان هادا منخش في س.. وج وأنا عنديش خلوق

أول ماخشيت لقيت امي مقعمزة في وسط الحوش ولاهية في التلفزيون أستغليت الفرصة وركبت بشووية

ايمان : دانيا روحتوو ماحسيتش بيكم
انا : صارلي احبااط -_- ..
اهاا اي كيف روحنا لقيتك منسجمة ماحبيتش نقطع عليك -_-
ايمان : شن شريتو ؟
أنا : شئ نور بس حصلت جاكة
ايمان : ترا هيا
أنا ونور قعدنا نشوفو لي بعضض ووجهي ولا اصفررر
نور : تليفوني يشريين دقيققة بسس
وركبت بسرعة ودارت روحها تتكلم
أنا : هي منركب منغير حوايجي =D
ايمان : -_-
ركبت بسرعة وخشيت داري لقيت قدامي نور عطيتهااا بوووسة
أنا : تي وححححححق ربي الا منوووورررررررررررة ناااعلياا مننك
رانيا : هههه خيركم شن حصلتي ؟
أنا : اييه اهماا في الشنطة دكيتهم =D
رانيا : ههه مفلحك
نور : تي قريب صبيت مصاريني
أنا : هههههههه بس قوية اللقطة كيف خطرت في بالك
نور : هه مش عارفة جت وخلاص =D

أتدككرت أني مكلمتش علاء وقتله روححت طوول طياري كلمتته

أنا : ايوااا أنا روحت =D
علاء: وعليكم السلام -_-
أنا : هههه مشنااك
علاء : لاأحم لا دستوور خيرك هادة عليا توقعت أول مانرد تقوليلي أهليين حبيبي .. ايوا حياتي .. شئ شئ مافيش فايدة
أنا : ههههههههههههه ووااك مبردك
علاء : حطيني في المايكرويف وراس أمك -_-
انا : باهي منسكر بحداي البنات عييييييييب
علاء : حسستيني طايحة فيها كلام حب
أنا : هههه باهي به هي سلاماات
علاء : اسمعييييي
أنا : هااا
علاء : درقي وجهك هي =D
أنا : -_- خزي
وسكرت منه وغيرت حوايجي وتسطحت =D
نور : دانيا أنا غدوة منروح ~
أنا : لالالالالالا تي شن تقووولي هني رووحك
نور : تي لالا والله ماعاد نقدر مرة تانية
أنا : تعود ت عليك ياكلبة -_- أقعدي :\
نور : ههه .. روحيي معاي انتي
أنا : لالا
نور : علاش لا ؟
أنا : معليش نور :\
نور : فهمتك خلاص ~~
رانيا : بري ديري عشاء
أنا : لالا واكلين عنديش نية
رانيا : حي ع الخيااانة خزيييييييي
نور : شن بنديرولك يامامااا قلنلالك تعالي معانا قلتي لاا تحملي الا كيف شكلها توا
رانيا : -_- خلاص نبيش اصلا حتي النية طارت
أنا : أحسسسسسسسن
رانيا : أصلا ماشية لداري أقعدوو فيها هييي
أنا : لا بالله عليك أقعدي =D
رانيا :
نور : جسمي مكسر منرقد باش غدوة أنووض بكري بوي بيجيني بكري
أنا : زيدي فكري
نور : تفهميش بالعربي نحس فيك
أنا : مش هاينة عليا طلعتك =D
نور : تقولي منطلع معاش منوولي يومين تانيات ونتلاقو
أنا : ان شاء الله
وقعدت مكسدة ع الفيس لييين كلمني علاء .. مشت المحادته عادية بككل لدرجة الملل .. وخشيييت بعدها في نووم عمييييق ~~ مفيقنيش الا علاء ع الفجر ~~
علاء : صباح العسل هي نوضي
أنا : قطعت عليا نومتي منك لله
علاء : الصلاة خير من النوووم
أنا : أكيييد .. نقولك حاجة
علاء : أختصري =D
أنا : بلاش هي
علاء : والله لما تقوليي هيا
أنا : احسسن شئ اني كل يوم نتصبح ونمسي ع صوتك <3
علاء : وليتي رومانسية منين ليك
أنا : أنا الظاالمة ماااهوووووووووو خليك ع الجفاف خيرررر هيييي :\
علاء : هههههههه تي لالا وأنا ماصدققققت حتي انا ياحبي هي =
أنا : باهي به
علاء : هههه ماشي هي سلامات
أنا : سلام
وزي كل يوم توضيت وصليت ودعيت ورقدت .. روتين قاتل
ايماان : نووضي ي فرخة منطلع وقت عليا
انا : بااهييييي نوضيي نور ~
ايمان : تي نور روحت من بكري
أنا : حييييي :\ واك باهي خلاص تو أنوض
نضت ودرت دورتي الأعتيادية ~~ زي كل يوم
فطرت .. ضميت .. طيبت الغداء ..
أنا : واخيراا كملللت
رانيا : ايمن جاي
أنا : علاش
رانيا : حلوة هادي بيشوف مرته شن علاش
أنا : ههه اهااا لقاء الأحباب يعني =D
رانيا : ايواا بالزببط =D
أنا : امتي حاي ؟
راني ا: تووا
أنا : ونقول خيره الأخت متكمة =D
رانيا :  باه ياسر من غير برادة
أنا : طالعة اصلاا
رانيا : الحوووش يشريييين أفتحييي
أنا : خدااامة وحقق ربيييي امتا بتبدأ القراييية ونففتك امتىى ياارب
ومشيييييييييت فتحت
أيمن : كيف جاي منروح ساااعة باش تفتحي
أنا : وعليكم السلام 
أيمن : هه كيف حالك
أنا : خششششش علاش متعب روحك جيتك سادة .. باهيية وانت
أيمن : سكري فمك _ .. الحم\د الله ماشيية الامور
أنا : رااانيا راجلك تعالي
رانيا : جيييت ~~ أهلين ايموو
ايمن : اهلين بيك هي وتي شنطتك وتعالي من غير اي كلاااااام
رانيا : بس..
أيمن : لا بس ولا خس ~~ قدامي هيااا
رانيا : أيييمن
أيمن : لا ايمن ولا محمود هياا أنا فـ السيارة نستنا فيك
أنا : خليكم باه أتغدوو قبللل
أيمن : لالا مرة تانية ان شاء الله هي سلام دانيا
أنا: بسلامة
رانيا : تعالي وتي معاي حوايجي مابين مالبست
أنا : باهي هي
وروحت رانيا وقعدت بروحي :\
حسيت بـ شعور الوحدة من جديد :\
وشعور ربي مايوريه لحد ..

يتبع ..

تاق لأصدقائكم :*

الحلقة 37 من قصة "أسيل " :

وروحت رانيا وقعدت بروحي :\
حسيت بـ شعور الوحدة من جديد :\
وشعور ربي مايوريه لحد ..

فتحت الفايبر لقيت علاء متصل بعتله رسالة :\

أنا : علاء :\
علاء : خيرك
أنا : انت وين
علاء : في الخدمة وين يعني
أنا : باهي سلام
علاء : تعرفي لو متقوليش خيرك نهد عليك
أنا : نور روحت ورانيا روحت ومحمد في الخدمة وامي في الخدمة وانا بروحي :\
علاء : قصدك خايفة =D
انا : وواك وقت بصارتك علاء توا !!
علاء : قتلك هيا نتجوزو قلتي لا ~~
انا : يعني ع اساس ح تقعد معاي في الحوش 24 ساعة -_-
علاء : غادي بحداك اختك وامي ~~
أنا: به امتي تبي العرس
علاء : توا
أنا : لا والله نتكلم بجد !
أتصل بيا ع طول ~~
علاء : شن تقولي
أنا : زي ماشفت :\
علاء : بجديات تتكلمي ولا تتسهوكي ؟؟؟
أنا : والله
علاء : وأخيرايعني !!!
انا : هه ايه وأخيرا <
علاء : نديرو الشهر الجااي !
أنا : شكلك مخاطركش بكل =D ... تي لالا مش لدرجة الشهر الجاي نبعدو شوية ؟
علاء : تي لالا أطلعي اليوم وشوفي أمورك بري شوفي صالة مرات تحصلي
أنا : نزيد نقول لي امي ونرد عليك ماشي ؟
علاء : مية مية .. دانيا
أنا : نعم
علاء : شن مدايرة فيا انتيي تي نموت فيك
انا : ههه حتي أنا <3
علاء : حتي انتي شنو
انا : نموت فيك
علاء : فيهاش كيف نديروه توا ؟
أنا : هههه مهبوول <3
علاء : انتي يلي هبلتيني هي تبي شئ توا ؟
أنا : نبيك انت
علاء : يابنت هني روحكك خير مانجيك توا =D
أنا : تعالا توا وأرفعني للبحر <3
علاء : كان نجيك تعرفيني وين نرفعك =D ~~ هي سلامات توا نروح ونكلمك ماشي
أنا : ماشي بس دير بالك ع روحك راهو نحبك
علاء : وأنا نموت فييييييييييييك هيي سلاام
وسكرت منه وقعمزت نتأمل في الحيوط ~~ فتحت فيس كساد فتحت انستا أحرف .. قولوليي أنتحري وخلاص نضت شفت الغداء وزدته مية =D
وقعدت هكي لييين جت الساعة تلاته وروحت امي ~~ تغديينا وجي محمد <3
وليمتهم وقعمزتلهم في الوسط =D
انا : عائلتي العزيزة =D
محمد: لا مسعودة مش عزيزة =D .. أختصري وراس الغالي
ايمان : تي اسكت خلي نشوفو شن بتقول
أنا : خزي -_- ~~ بالمختصر المفيد عرسي توا =D
محمد : كيف توا يعني ؟
أنا : يعني في الأشهر القادمات
ايمان : حددتو ؟
أنا : لا يوم بالزبط لا .. قالي اليوم شوفي صاله وع اساسها حددي الموعد
ايمان : حلو .. وانا ممكن غدوة ناخد الجمعية وتسد العرس كللله بكل شئ
محمد : قاعد مش مصدق أن الفرخة هادي بدير حوش هههه
أنا : ضربته ع رجله "
فرخة في عييييييييينك وووسطط عيينك عمري 20 وتوا مزال شووية ونخش 21
أيمان : أنا مندير مندير نديرلكم أنتم الأتنين مع بعض
محمد : اي صح مخطرتش في بالي وأصلا ريم الشهر هادا تكمل
ايمان : خلاص كلمها اليوم وشوفها ~~ واليوم نطلعو أنا وياك ونشوفو صالة
أنا : الله قصصدك عرسي مع ممحمممد <3
محمد : غلطة عمري =D
أنا : خزييي ع الباارد
ايمان : أرزنوو شوية العفوو تقول فروووخ ~~ باهي قبل ولا بعد رمضان ؟
محمد: قبل ~
انا : ايه أنا السمستر قريب يبدأ يعني ح نوقف قيدي :\
ايمان : والله يابنتي كان تكملي قرايتك هنايا خير
أنا : ماتخلوننييش نغير رايي خلاص توا
محمد : اليوم 15 ؟
أنا : ايه
محمد : ورمضان امتي
ايمان : بداية 7 ممكن
محمد : يعني في 6 العرس
أنا : مافيششششششششش وققت بككل نخلوها بعد رمضان وخلاص
ايمان : خلي اليوم نمشو ونشوفو ونشوفو ريم وامالي العريس
أنا : اصلا علاء هوا يلي يبيه توا
محمد : باهي هي منركب وتوا نشوفها ونكلمكم
ايمان : المهم قبل العصر رد عليا
محمد : ماشي
أنا : منرقد توا متكسرررة
ايمان : حتي انا ونوضي بكري ديري منبه
أنا : باهي
رقدت ونضت العشية .. كلمني محمد وقالي ريم وافقت <3 .. صورت السيلفي =D وطلعت أنا وأمي شوفنا صلات .. ولقيت أقرب موعد في الصالة يلي نبيها 27.6
كلمت علاء قالي أحجزي .. كلمت محمد .. قالي أحجزي
حجزت ودفعت العربون =D
ايمان : شن ناقصك كملتي بتاتك ؟
أنا : لالا كيف بديت فيه.. ماما :\
ايمان : شنو ؟
أنا : نبي نمشي تركيا نجيب بتاتي والفيلو
ايمان : صعب توا مافيش وقت يلا تحصلي حاجات العرس
أنا : باهي :\ .. أسمعي منبدأ نطلع كل يووم متوقفيليش فيها
ايمان : باهي غير هنيني
انا : حيي خلي ننزلو نشووفو فيلو المحل هادا عندده حاجات حلووة
ايمان : باهي هي أنزلي
ونزلنا وشفت الفيلواات واحتررت قعدت نقيس فيهم ~~
ايمان : خليه توا ويوم تاني بري أنتي والبنات خودي رايهم
أنا : ايه صح بس هادا عجبنيي هلباا
ايمان : ايه حلوو
صورت بيه ~~ وطلعنا وروحت للحوش .. قعدت نتفرج ع الصور الله محلااه طالع عليا =D .. شوشت الصورة كلهااا مش باينة هلبااا بككل .. وبعتها لعلاء خلي يبهبل =D
.. مفاتتش 5 دقائق وأتصل بيا ..
علاء : تي وينن ع الجوو ~~ أبعتيلهالي مش مشوشة
أنا : ههه لالالا مافيش
علاء : حتي أنا مش باعتلك صورتي بالدبلة =D
أنا : حييييي نبييي نشووفف
علاء : بتعتي نبعت
أنا : الااا
علاء : باهي توا تشوفي الا شن يصيرلك بعدين =D .. شن صار ؟؟
أنا : حبيبي عرسنا يوم 28 مش مصدقة وأخيرا ح نقعد معاك <3
علاء : ربي يخليك ليا طوول عمري ومايحرمني منك ومايفرقنا غير الموت
أنا : شن جيب سيرة الموت تواا :\ ..
علاء : هه كـ تعبير وخلاص ~~
أنا : علاء :\
علاء : عيوونه
أنا : أستاحشت بوي :\
علاء : أدعيله بالرحمة .. شن هادا !! تبكي قصدك !! للالا خلاص دانيا والله نفس الشئ وصابر الله يرحمهم
أنا : نجحت وكنت نتمنى أول من يباركلي هوا :\ .. وتوا بنتزوج نتمنى اول من يحضني هوا :\ .. نتخرج منتمنى أول من يفتخر بيا هوا :\ يا علاء منقدرش نوصفلك قداش مستاحشاته فرحتي ناقصة مش كااملةة وهوا الوحيد يلي يقدر يكملها :\ ربي يرحمه يارب
علاء : الله يرحمهم .. تحبي النكد بكل راه قصدي توا فرحانين عرسنا قريب قلبتيها نكد يانكايديه
أنا : مبردك 
علاء : يانكدي أنتي ♥
أنا: خلاصص :\
علاء : ههههه يانكدي
أنا : علاااءءءءء
علاء : عاوديها
انا : ياسر
علاء : هي أنا طالع توا بايت برا متكلمينيش ماشي يانكدي
أنا : وااااك عمية وشدت خانب شن يحزها توا عاد
علاء : هه هي سلااام نكدييي
أنا : قصصدك مش ح نرقد ع صوتك اليوم :\
علاء : أرقدي توا
انا : مزال بكري شوية
علاء : لالا حطي راسك ع المخدة وتخيلي يوم عرسنا ح تقلي روحك في سابع حلمة
أنا : هههه حاضر هي تصبح ع خير ودير بالك ع روحك ونحبك هلبا
علاء : وانتي من أهلي وأنا نموت فيك
وبـ صراحة =D .. طبقت كلامه وقعدت نتخيل في حياتي معاي لين خداني النوم
فقت تاني يوم ع صوت صياح في الحوش وخشت عليا امي ومحمد وامي تبكييييي وتقولي علااء مااات ...

يتبع ..

تاق لأصدقائكم :*

الحلقة 38 من قصة "أسيل":

فقت تاني يوم ع صوت صياح في الحوش وخشت عليا امي ومحمد وامي تبكييييي وتقولي علااء مااات ...
مااات يابنتييي مااات مشي وخلاااك ووووه عليااااااااااا عمرها فرحتنا ماتكملللللل وووه علي بنتيييي وووه

محمد : خلااص ياسر ترحمي عليه !!

أنا : ههههه تي شن تقولو ؟ امس كيف كان يكلم فيا وفرحااان بالموعد شن تقوولي تكدبي صحح ؟؟ تنكتي ولا ؟؟ تكمللي بالله عليييييييك والله ماموووضوع بصارة تكلمييييييييييييييييييييييييييييييييييييييي
ايمان : وووه علي بنتيييييي
محمد : ربي يرحمه ويوسع عليه هي البسو نرفعكم لحوش العزاء
أنا : تييي شن تقووولللللل مستحييييل يمشي ويسيبني هوا قالييي مستحيييل نسيبك ولا نبعد عليييييك أطللعوو برو أصلا انتم تكدبوو عليا عارفتكم ههه صح محمد ولا ؟؟
محمد تأثر هلبااا وأنا قعدت نخبط ع وجهييي ونخبش فييه وهوا جاني وشد يديا واضبطتني وقعد يبكي من الموقف ليين دخت ...

نضضت من نوومي مخلووعةةة ووجهيي أصصصصصصصصفر وقعدت نبكييي بعبرتي بـ مجرد ماتخيلت لو علاء يموت :\ .. شفت الساعة لقيتهاا 4 كلمت علاء بسرعةة
علاء : وصوته راقد " ايوا
أنا : علاء أوعدنييي انك مش ح تسيبنييي ومش ح تخلينيي بروحيييييي
علاء : خيرك تبكيي ؟؟ تي شن الكلام يلي تقولي فيه ؟؟
أنا: علاء أنا نحبكك ومش متخيلة حيااتي من غيررك <3 رد بالك تخليني بروحي يكفي بابا خلاني ومشي
علاء : يابنتي شن في ؟؟ حلمتي ولا كيف ؟
أنا : نحبببببببببك
علاء : وانا نعشقككك <3 .. بس فهميني حبيبتي اهدي خلاص
أنا : حلمت بيك أنك توفيت :\ مشيت وسيبتني بروحي :\ لحقت بوي يلي قاعدة مشبعتش من كلمة بابا .. وتوا قاعدة مشبعتش من كلمة حبيبي لـ لحظة حسيت اني فقدتك وفقدها
أنا نحبك <3 ونبيك معاي
انا نموت فيك <3 ونبيك طول عمري معاي
تعوضني ع بوي <3 تححسني بأمانه
وكأنه معاي <3 تحسسني بحبه ليا
خوفه عليا <3 حبه ليا <3
علاء : حبيبتي انتي .. <3 .. أنا مش ح نسيبك وح نقعد طول العمر معاك <3 .. لين نشوفو أحفادنا <3 ونقعدوو هزايز وسنونا طايحات =D .. خلاص حبيبتي بطلي بكاء والله تحلميي واهوو قاعد نهدرزز معااك خلاصص يانكدي ياعمري انتي
أنا : أسفة حبيبي نكدت عليك :\
علاء : معاش اتقوليهااااااااا للمرة الملييوون .. ولا نكدت يولا عمك سليم اصلا من يومكم البنات هكي ~~
انا : باهي به اهوو الفجر يادن صلي وأدعيلنا <3
علاء : أكيييد بديتي شئ مهم في دعائي لازم في كل سجدة وفي كل قطرة مطر تنزل .. يا أغلى حاجة في حياتي
انا : نعلووشي <3 هي تقبل الله مسبقاً ~~ خلي نمشي نصلي
علاء :منا ومنك .. باهي هي بري هي سلاماات ونحي الأفكار الشينة من راسك وحطي حاجة وحدة اني نحبببببببببببببببببك
أنا : هه حاضر وانا نمموت فيك
علاء : واخيرا سمعتتت الضضحكة قريب نزغرط
أنا : هههههه
علاء : هي سلامااات ونحبك
أنا : سلام ونحبك
لما سكرت منه حسيت بحاجة كانت مغمومة فوق قلبي وتحولت منه حسيت براااااحة بمجرد ماسمعت صوته <3 ..
صليت الفجر مجانيش نووم حسيت روحي متكسررة وسخونة زي النارر لدرجة معاش تحمللت السريررر حاسة نار رااكببة فيااا .. قوييت المكييف ع أعلى حاااجة وقاعدة سخووونة زي الناار ليين مش متحملللة حتي حاجة نوقف عليها مشيت للمطبخ وطلعت التلج حطييته عليا فيسسع ماداب كله وبديت عاد نرجع حشاكم وأنا لما نرجع الجيران يسمعوني~~~ ناضت امي وناض محمد ونخلعو ويلي يجيب في الدواء ويلي يجيب في الكمدات كلهم شغلتهم =D
لين حتي المشي ماعاد قدرت نمشي .. قامني محمد وحطني ع السرير ونقلبت الحكاية وبديت صقعاانة قرييبب نتجمممد حتي سنوني يطقطقوو وبدت ترجيييع زي الأول روحي حسيتها بتطلللع ..
محمد : لبسيها خلي نرفعها يديرلوها حلل تي شن هادا مش طبيعيه البنت
ايمان : لالا بردة هادي لازم منها ~~
محمد :به شوفي حرارتهااا تي زي النار
ايمان : عطيتها حبة ودرتلها كمادات وتوا منقرا عليها قراءن وتوا تهفت
محمد : باهي ان شاء الله
ايمان : خلاص أرققد أنت وراك خدمة الصبح
محمد : شن انتي مش ح تمشي ؟
ايمان : لالا توا ناخد ادن مانقدرش
محمد : باهي هي ماشي
طلع محمد وقرت عليا ماما قراءن <3 ورقدت من بعدها مافقتش الا الساعة 1 الظهر لقيتها بحداي <3
أنا : امي
ايمان : ها فقتي ؟؟ شن حالك توا باهية ؟
أنا : جسميي مكسسسر
وشرين تليفوني ~~

ايمان : هادا علاء خلي نرد عليه~~

علاء : أيوا حبيبتي كيف حالك
ايمان : الو اهلين علاء أنا أيمان
علاء : ولا وجهه أحمررر وأصفررر لين معاش عرف شن يقول"
ااه اهلين خالتي كيف حالك
ايمان : الحم\د الله كيف حالك وكيف حالك امك
علاء : الحمد الله بخير امالا وين دانيا ؟
ايمان : دانيا مريضة ومقدرتش ترد عليك ~~
علاء : نعمم ؟؟ خيرهاا شن فيهاا ؟؟
ايمان : والله بردة حتي الليل مارقداته من بعد الفجر وهيا حاشاك ترجع وسخونة زي النار
علاء : ااااه ان شاء الله لاباس به عادي تعطيهالي شوية ؟
ايمان: اهيا هي بسلامة مني
علاء : سلمك سلام

أنا : ودوووب ماطالع الصوت مني " ايوا
علاء : لاباس حبيبتييي خيرررررررك ؟؟
طلعت أمي من الدار ~~ باهي طلعت تفهم في الجو
أنا : مريضة حبيبي جسمي كله حاساته مكسرر :\
علاء : يااروحييي عاينتي ؟
أنا : لالا مافيش داعي محلصة بردة بس
علاء : امتي صار وانتي الفجر تكلمي فيا ؟
أنا : بعد ماصليت معاش تحمللت روحي حسيت نار راكبة فيا
علاء : ان شاء الله لاباس علييك وديري بااالك ع رووووحك وتوا تواا تمشي تعايني
انا : لالا والله مافيا حاجة غير بردة وخلاص
علاء : أنا شن قلت ؟؟؟ أنا مش ح نطمن الا لما تمشي تعايني
أنا : مافيش داعي حبيبي والله
علاء : لالا هي نووضي قولي لي أمك ترفعك ولا نرفعك انا
أنا : تيي شن انت تو نقول لي اميي
علاء: ههه باهي هي نوضي تو تحركييي
أنا : باهي هي س لام توا
علاء : وكلميني طمنيني ماشي
أنا : ماشي
علاء : سلام

وناديت ع امي وقتلهاا ونصدمت من ردة فعلها ~~

يتبع ..

تاق لأصدقائكم :*

الحلقة 39 من قصة "أسيل "

وناديت ع امي وقتلها نصدمت من ردة فعلها ~~

أيمان : نعم ؟؟ نعمم ؟؟ عاودي مسمعتش ~~ شن هوا توا بيخاف عليك اكتر منااا احنيييي شن الجووو الراامض هادا
أنا : بسس
ايمان : لابس لا عمك سليم هني روحك وارقدي ايوا وقبل لا ترقدي خودي حبتك وكان تبي حاجة نادي عليا انا في المطبخ
انا :
نصدمت من كلامها ووجعني :\ .. كلللمت السيد علاء وقتله
علاء : هههه باهي باهي ماعندي مانقول قاعد مش قاري الفاتحة
أنا : هه معليش يلا
علاء : به تمام خودي الدواء في موعده وسكري ام المكيف وارتاحي وديري بالك ع روحك ولو حسيتي روحك تعبتي كلميني نجيك باهي
انا : حاضر ي عيوني <3
علاء : يحضرلك الخير ~~ هي حبيبتي عندي خدمة بعدين نكلمك ماشي
أنا : تمام حبيبي < سلام ودير بالك ع روحك
علاء : سلام فـ حفظ الله

وبعدها حاسة روحي فاشلة ماقادرة نقيم راسي بكل وجنبي يوجع فيا :\ ورجلي ..

حاولت نرقد وقعدت ننبكي ووخلااص لين خداني النوم ~~

محمد : دانيا تسمعي فيا ؟؟
ايمان : تي البنت حراراتهااا زي الناار وتهتري من بككري
محمد : منرفعها للمستشفى لبسيلها عبايتها
أنا : مش حاسة بروحي وحالتي حالة ع بكاء ودايخة ونقول في كلام مش مفهووم "
محمد جنبيييييي ااااه جنبيييي يوووجع فيااااااا اااااه مشش قاادررة

محمد : خلاص أهو منرفعكك أهدئ أنتي <3
ايمان : أهو لبستها أرفعهاا توا نلحقكم أنا
أناا : ااااه بنمووووتتتتت ي ماما

وقامني محمد ورفعني وأنا ماعاد نندري عليها منين زراقة ~~
خشينا للمستشفي دخلوني للأسعافات ~~

حاسة الدكتور يلي فيه حفظني هههه أول ماشافني قال لي محمد ~
الدكتور : حيي تي متقوليش هادي دانياا !!
محمد : هههه تي شوفها بعدين نتكلمو
الدكتور : ههه ماشي

ركبلي التغدية ودارلي تحاليل ~~

الدكتور : شاك في حاجة بس لما تطلع التحاليل يبان
محمد : شن في !!
الدكتور : خلي تطلع مانبيش نشغلك بالك توا
محمد : ان شاء الله خير ي رب
أنا : محمدد

محمد : حمحد ع السلامة حبيبتي ارتااحي <3
أنا : كلم علاء ي محم\د وقوله تو ينشغل
محمد :باه أنا واقف البرا

ححسيته كان معجباتاش كلمتي بس قلت الحق ~~ وهوا حط روحه في مكانه وحس انه لازم يعرف !.. بالنسبة ليا دايخة وومش قادرة حتي نفتح عيوني ومع اليباري خلاص معاش عندي حتي جهد .. فـ النوم هوا حلي الوححيد ..

علاء : داانيا حبيبتيييي تسمعي فياا ؟؟
أنا : علااء
علاء : ها ي عيوني شن تحسي ؟ أحسن ؟
انا : بديت نبكي وجو =D "" جنبييي اااااه ناار يوجع فيا ي حبيبي اااااه
علاء : قريب بكى لما شافني كيف نبكي ونعيط "
حبيبتي تحمليي شووية توا طلعت نتيجة التحاليل ماشي وبيديرولك عملية ع الزايدة عارفك أنتي قدهاا ي عيوني نبيك قوية <3 زي مانعرفك
أنا : عملييية لالالاا نبيششش ي علاء للالا طلعنييي قاعدة صغييررة ماانبيششش
علاء : خلاص أهديي أنا معاك مش ح نسيبك ولا لحظة أنا ح نكون معاك طول الوقت
خش محمد وقال لي علاء يطلعله وخشت امي دايرة عزاء ~
ايمان : ووه يابنتي يلي ماعندك حظ حتي عرسك قريب وماتهنيتي بييه ووه ع بنتيي
أنا : شن دايرة انااا ياربي :\ صلاتي في وقتهاا وماندير ف حتي حاجة غلط ااه ياربيي
وخشو محمد وعلاء
محمد : امي منرفعها لتركيا غدوة هادي اقرب رحللة روحي وتي أمورك
ايماان : ومن بيمشي معاهاا
محمد : كلنا ح نمشو
ايمان : باهي روح بيا توا نوتي الشنااطي وناخد اجازة
محمد : باهي هيا
طلعت امي روحت هيا ومحمد ..

علاء : تي ياااسررر من البكاااء يابنتي ياااسر قعددت غير نمسسح في دمووعك بطلي خلاص فكري من الناحية المليحة باهي فكري للحظة انتي ح تطلعي من ليبيا وحق ربي الشعور بروحه يجيب سقطة قلبية من الفرحة ~ وزيادة مسافرة معاي =D ..
أنا : هادا علاش نبكي أنا
علاء : ههه حييي علييييك تعرفي تراجعي ع كلمتك خير ماتوا بتليفوون بسسس نلغي التدكرة متاعي
انا : لالالا وحق ربي نبصر لااا علاااءء
علاء : ربي يحبك كيف مندير اتصال
أنا : شكلك ماصدقققت والله نبصر والله
علاء : عاد تتسهوكي تحملي ~~ شن تحسي توا ؟
انا : احسن ب الشوية عطوني ابرة ي حبيبي :\
علاء : هادا ع خاطر ماتسمعيش في كلامي ~هههه نبصر عليك معليش حبيبتي المؤمن مصاب تحملي شوية ~ وان شاء الله هادا حد السوء وترجعي دانيا حبيبتي يلي مهبلتني ومشطتلي ريقي
أنا : ههه ان شا ءالله
علاء : خلاص أرقدي توا
انا : اصلا حتي انا منررقدد اليبرا شكللها ترققد تعرفي خلااص
علاء : خلاص ارتاحي غدوة قدامنا يوم طويل <3
أنا : معاك يهون كل شئ <3
علاء : تصبحي ع ألف خير <3
أنا : <3

باسني ع راسني وع خدي <3 وغطاني وحط يده ع راسي وقعد يقرأ عليا في قراءن لحد ماخش محمد ولما شافه كيف يقرا ماحبش يقطع عليه وخش وقعمز وقعد ساكت لحد ماكمل علاء السورة ..
محمد : صحيت علاء منور روح ارتاح ووتي شناطيك
علاء : لالا كلمت الوالدة توتيها غدوة الصبح توا نمشي ناخدها هيا الرحلة في العشية
محمد: ماشي يلي يريحك

قعدو معاي الأتنين <3
أحلى حاجة لما نشوف عيونهم ويبان فيه خوفهم عليا : <3
يهون عليك مرضك <3 وكل شئ لما تحسي في ناس خايفة عليك وواقفة معاك <3
......

علاء : دانيا حبيبتي صباح الخير <3
أنا : اااه صباح النور <3
علاء : احلى حاجة فـ الموووضوع كله اني شفتك وانتي راقدة <3 طول الليل ساهر نتفرج عليك <3 ربي يخلييك ليا ويشفييك ي عمري
أنا : حبيبي <3
علاء : محم\د مشي يجيب في فطور وأنا شوية توا طالع نجيب حاجاتي ونجي <3
أنا : متتأخرش عليا :\ ~
علاء : باسني " حاضر مش ح نتأخر ~
طلع علاء وجت امي ساعدتني وخشيت للحمام صليت وفطرت شوية ووتيت روحي ودرت خروج وطلعنا ومشينا للمطار .. طبعا كله ع الكرسي مقدرتش نمشي فاشلة هلبا ..
خشينا للمطار وجي علاء وتلاقينا غادي وأول ماشفته عيوني ولو قلووب قلووب ..
علاء : السلام علييكمم
محمد : وعليكم السلام ~ هي خليكم انتم نمشو نكملو الأجراءات ونجو
ايمان : ماشي ~
أنا : ماماا عادي نطلب منكك طلب
ايمان : شنو ؟
أنا : خليني نقعمز مع علاء فـ الطيارة بالله لييك تخيلي نمووت وانتي قتيلي لا
ايمان : بعيد السؤ علاش الفال المش باهي ... علي محمد ماخدليش انا
أنا : اقنعييه محمددد بالله علييك
ايمان : باهييي
أنا : كلمتي رانيا وصغار عمي ؟؟
ايمان : حييييييييييييي دكرك بالشهااادة والله ماقلت حتي لوااحد
أنا : تليفوني ويين ؟
ايمان : في الشناي حطيته خلي نكلمهم
أنا : كلمي حتي الاء توا تحرج واسمعي قولي دانيا راقدة ماعنديش نية في الدوة بككل
ايمان : باهيي وهادا كله ماعندكش نية في الدوة !! شكلك تخلي فيهاا لبعديييييين بتقعمزي مع الحبيب صار !"ومعاها تفنيصة "
انا : هيهيههيي  " وفي خاطري تي غير علاش يانبع الحناان بس التفنيصة قريب درتها تحتي "

دارت امي مكالمتها وجو علاء ومحمد وكملنا وركبنا فوق للصالة قرب موعد الرحلة وكملنا كل الاجراءات وركبنا للطيارة وماما كلمت محمد ومش عاجبه المووضوع بس سكت ودسها في داخله ورضي با الامر الواقع ~ ومن حظي أناااا <3
جوو الكراسي ببعاااد هلبا ع بععض أنا وعلاء في وادي وهما في وادي =D
وبدي فيها الجو =D

يتبع..

تاق لأصدقائكم :*

الحلقة 40 من قصة "أسيل" :~

وكملنا كل الاجراءات وركبا للطيارة وماما كلمت ومش عاجبه المووضوع بس سكت ودسها في داخله ورضي با الامر الواقع ~ ومن حظي أناااا <3
جو الكراسي بعاااد هلبا ع بععض أنا وعلاء في وادي وهما في وادي =D
وبدي فيها الجو =D

أنا : تعرف وحق ربي دايخة ومن كتر الوجع قريب نعيط :\ بس رغم كل شئ لما نتفكر انك معاي وبحداي ننسى وجعي وكل شئ <3
علاء : مش مصدق انك معاي توا <3 .. هادي ح تكون احلى سفرة <3 ..
أنا : ههه شوف ربك الفترة يلي فاتت كيف قلت لي امي نبي نمشيلها وقتلي لا ~ من قال أن نمرض ونسافرلها ~ امتي بتطلع الطيارة عطللت
علاء : ايه حسيت ~ أهوواا بدي يتكلم هي اربطي الحزام
أنا : تمام ~
علاء : تخافي منهاا ؟
انا : عادي مش هلبا ~ لما تطلع بس صاعبة شوية
علاء : ههه لو خفتي شدي في يدي <3
انا : لالالا أصلا ح نخشش في حضنك أناا ليين تستقر في الهواء
علاء : ههههه هي تعااالي مكانك واتي ويستنى فيك <3
انا : سخيفففف عاد مادابييك أنت
علاء : منحكيلكش
أنا : اوووه علاااءء بدتتت تتحرك ووك خفففت
وخشيت في حضنه <3 .. وسكرت عيوني .. وهوا لف يديه عليا ~
علاء : ههه خلاص أفتحي عيونك في الهواء توا
أنا : كم ساعة بتقعد
علاء : 4 ساعات ~
أنا : كانت تلاته من قبل
علاء : ايه توا زادت الدول يلي ماتبيش طيارتنا تخطم من فوقها
أنا : هههه عليك جو وخلاص
علاء : ايه
أنا : قصدكك لما نوصلو منتشحور في المطار هلبا م نقدرش
علاء : تي لالا امس حجزت كل شئ كلمت المستشفي واول ماتوصلي ح تمشي بسيارة الاسعاف ~
أنا : بجدد ؟ ربي يخليك ليا ي حبيبي <3
علاء : ويخليك <3
أنا :منأجلو العرس ولا ؟
علاء : لالا كل شئ قاعد زي ماهوا
انا : كيفف ؟
علاء : كلمت نورا تاخد كل شئ وتوصي ع كل شئ ~ وأنتي كلمت رانيا نفس شئ وخخودي حاجتك من هني
أنا : باهي أنا مريضة كيف مناخد بتاتي والباقي ؟
علاء : ساهلة غير تنوضيلنا بالسلامة <3
أنا : ان شاء الله .. نحببكككككككك هلباااااااااااااااااااااااااااا
علاء : هههه وأناا نموت في حاجة اسمها دانيا ~
أنا : ناعليا مننكك ~
علاء : تتفرجي ع فيلم ؟
انا : رومانتك ولا رعب ~
علاء : ههههه نخلوها ع الرومانتك خير =D
أنا : هههه ~ حيي مش حلواات فووتهم :\
علاء : ايه شكلهم فوتي هي ~ هدرزي توا ~
انا : نقولك حاجة
علاء : نعم
انا : منرقد :\
علاء : ارقديي وجه النكككد -_- هي
أنا : ههه أنا وجه النكدد زعللت هي :(
علاء : تو ترضي ~ بروحك مش ح نراضييك -_- ارقدي ارقدييي
وضمني ليه وسكتت وخلاص ومرقدتشش قعدت مسكرة عيوني وكاني راقدة جابو الأكل نوضني بس ماعنديش نية في شئئئ ومش متحملة شئ غير امتي نوصلو بس :\
أنا : علاء اخر مرة هاادي رااه يااسرررررررر والله نمشي لمحم\د
علاء : راقدة ع كتفي وماتبي نديرلك شئ
انا : نمشي راه :\
علاء : نقتلك بعدها
أنا : خلاص منرقد :\
علاء : من بكري تقولي فيها وتوا مزال جو ربع ساعة وتهبط قعمزي
انا : تعبببت :\
علاء : خلاص حبيبتي اهوواا يتكلم هي اربطي الحزام وشدي مكانك وهاتي يدك في يدي <3
أنا : يا الله <3

ونزلنا من الطيارة ولقينا سيارة الاسعاف تستنى فينا ركبوني فيها وركبت معاي ماما وعلاء ومحمد مشو بالتاكسي ورانا وصلت للمستئفي دارولي تحاليل من جديد وصورة وهلبا حااجاات لين اتدوخي وماطق فيا الليل لين خلااص ع طول رقددت ~

علاء : حبيبي نوضي هي <3 صباح الخير <3 يا أحلى نكدية في العاللم
أنا : صباح الورد ~ صبح يافتاح
علاء : ههه هي جاهزة ؟
انا: قصصصدكك توا بيدخلونيي ؟ لالا حبيبي مانبيييششش خاييفةةةة
علاء : متخاافيش عملية ساهللة هيي توا منطلع بتخش الدكتورة وبديرلك البنج ماشي حبيبتي <3
أنا : خليك معايا <3 :\
علاء : حبيبتي ممنوع وتوا بتخش امك نبيش الدموع هادم ينزلو مرة تانية خلاص حبيبتي
أنا : <3 :\
علاء : هي تنوضي بالسلامة خليك قوية نبيك <3 ونحبككك <3 نشوفك بخير ان شاء الله
أنا : ونا نحبك <3
باسني ع راسي وخدي كالعاادة وع يدي وابتسملي وطلع وخشت ماما ومناحة طبعا ~ ومحمد ببرادته طبعا ~
محمد : وحق ربي زي التور قاعدة قدامي مافيك شئ نحس فيك تتزعبني تي نوضي نوضي ~
أنا : محمد وراس امك ياسر منن البرادة -_- مش ناقصة راه وكان نموت نقعد حرجانة منك
محمد : ههه تي شن تموتي هادي تي أنتي نصفي لو تموتي انتي تلقيني بحداك ~~ وبعيد السو طبعا ~
انا : خزي -_-
محمد : قصدك بديري عمليييية ويفتحوووللك بطننك ويطلعوهااا ويضربلووك يبراا ويزيدولك دممم تخيلي يتلخبطوو في فصيلتك تي حي حي حي
أنا : وااااااااااااااااااااك واااااااااااك واااااااااك محمممممممممممد بلا براااادةةة يااسرر
محمد: ههه اهو طالع امالاكن كان لخبطوللك مدخليش راه =D
أنا : شن يجيبك ياطووولت الباال
محمد : هي تنوضيلنا بالسلامة
أنا : باهي يلي قلت كلمة مقومة -_- سلمك عقبالك
محم\د : يافرخةةة غير تنووضي بس وتو تشوووفي بعديين =D ~~ هي طالع تنوضي بالسلامة ♥
أنا : سلمك
طلع محمد :( وخشت الممرضة ضربتلي يبرا :( ومشيت في سابع نومة :(
علاء : ربي ينوضها بالسلامة ♥

يتبع ..