تاق لأصدقائكم :*

الحلقة 23 من قصة " أسيل " :

أنا : اا !!!!!! وتس دسسس ؟؟؟ أنا سمعي ضعيف ولا يلي سمعته صح ؟؟ شن هـ التقه العميااء !! لالالا أنا مصدومة بجديااات
نور : واتق الأخ بس شكله يحبك
نورهان : اي يادانيا لازم تعطيه فرصه الانسان يغلط ويتعلم من الخطأ يلي أرتكبه وهادي أول مرة يكلم وأقسملك ~ أنا مني نقول أعطيه فرصة
نور : وحتي انا
الاء : تي تعطي عيونكم مش تعطيه فرصه وااحد قدر يخونها مرة يقدر يخونها مليون مرة ~~ أنا عن نفسي لا وستين لا لا تعطيه لا فرصة ولا وجهه زي ماهو مقدركش ومادارلكش اعتبار حتي أنتي فووتيه وأنسيه
أنا : والله صعب الله والله ماحاس بيا حد
نور : الحوش يشرين نشوف مني ~~

ومشت تفتح الباب وتخش خديجة للداار مشتلها الاء وشدتهااا =D

الاء : ياتاافهاا ياخاينة يلي ماتستحي ع وجهكككك وليييك وجه جاايه اهنييي
نور : الاء خودي راحتك العويلة طلعو =D
خديجة : أطلقيييي خيرررك ع شن تددووي ؟؟
الاء : وتسأاالي يااحقيررة والله ماتتحشمي وشكلكلك ماتربيتيش وتبي من يربيييك
وطاحت فيها =D ومحزهم غير أنا ونورهان ونور
خديجة : ايي اناا نبييه ونحببببه ودرت كل شئ باش ناخدده منننكككك
الاء : نعم نعم ؟؟؟ شن درتتتي قوووولي
خديجة : اطلقييينيي
أنا : تعرفي الباب مكانه وين صح ؟ خلاص ورينا عرض كتافك
خديجة : المهم خديته ~~ هي بسلامة عويلة
الاء : ياااحقيييييييييييرةة والله لو ماتطلعي لما نكمل باقي الطريييحة شكلك مزال خاطرك في باقيهااا
أنا : خلااص يا الاء كفيتي وفيتي منورة =D
الاء : بوجودك خيتوو :*
نور : عنجد الحقارة يلي عندها متوقعتش في ناس هكي ~~ يلا ماعلينا منها حسبي الله ونعم الوكيل فيها
نورهان : انا حاسة أن في شئ غامض في الموضوع ~~
أنا : قاعد يتصل ويبعت في رسائل ~~
الاء : فتحتيهم ؟
أنا : لا
الاء : سكري تليفونك ومعاش تفتحيه خليه هكي
انا : اي أصلا حتي أنا منسكره ~~ وأهوو سكرته وسكرت معاه بابي أنا وياه ~~
نور : فكري قبل ياادانيا متخديش قرار هكي ..
نورهان : كلميه وافهمي منه مرات تكوني أنتي فكرتي غلط !
انا : تي شن هوا يلي فهمته غلط وكل شئ شفته قدامي
نورهان : زي ما انا توا اخترقته يقدر اي شخص يلعب فيه
أنا : بلاش أوهام -_- وحياتك ~

مر الوقت وروحو البنات :\
وقعدت بروحي نشوف في السوابيت ودموعي ع خدي حتي الفرحة قاعدة مفرحتش بيهم ~~
مرت الأيام و عادي جدا تليفوني مقفل ومطلعتش من الحوش بكل أمي حاسة ان في شئ بس خلتني ع راحتي مستاحشة ..
علاء ونحاول نسمع أخباره بأي طريقه ديما نكلم في رانيا ونصدمت لما عرفت وكدبت المووضوع كله ..

وفي يوم وانا مقعمزة بروحي شرين الحوش طلعت نفتح لقيتها رانيا وايممن

أنا : راااانياااا شن جيبك .. لالا انا مصدووووووووووووومة
رانيا : خيييتتيي أستااحشتكك
أنا : وبديت نبكي عاد " انا يلي أستحشتك والله مخليه مكانك اخرر مرة تمشي وتسيبيني فااهمةةة هي خشيي وحق ربي أحلا سبراايز
ايمن : كيف أنا مش موجود ولاكيف
أنا : حييي أيموووو وحق ربي ماركزت ~~ أستحشتك ياغالي :*
ايمن : ههه
انا : الحمد الله ع سلامتكم
أيمن : الله يسلمك
رانيا : وين العويلة ؟
انا : أمك وتعرفيها في النادي ~~ ومحمد في الصيدلية لين بديت معاش نشبح فيه
رانيا : ربي يعاون .. اي شن أخبارك وشن مدايرة
أنا : أهو الحمد الله : )
رانيا : بعدين نبيك اليوم قاعدتلكم
أنا : أحسن شئ
أيمن : هي أنا طالع توا ~~
رانيا : تمام زي ما أتفقنا اليوم منقعد أهنى وبكرا نمشي لحوشكم
أيمن: باهي يلي انا تعبااان خلاص منروح منرقد
رانيا : باه هي في حفظ الله ودير بالك ع روحك
أيمن : سلام

رانيا : دقيقة بس تليفوني يشرين ~~ الو علاء أهلين كيف حالك .. الله يسلمك .. اي في حوش بوي .. تمام باهي حاضر .. هي سلام ..

انا : خيرره ؟؟ كيف حاله ؟؟ كووويس ؟ شن صوته باهي ؟ ولا مريض
رانيا : تحبيه ؟
أنا : نحبه وسكتي أاااه وخلاص
رانيا : والله حرام عليك

انا : أنا يلي غالطة متلا ؟ أنتي لو خانك ايمن بتقعدي عنده دقيقة ؟
رانيا : يابنتي من قالك خانك والدوة هادي ..
أنا : هوا أصلا حتي لما بعتلي رسالة أعترف بروحه وقالي أسف والشيطان وأشبح شنو

رانيا : أنا مش مصدقة ~~
أنا : متصدقيش المهم انا مصدقة
رانيا : يسلم عليك ويسأل عليك .. طول السفر ويحكيلي عليك يبيك ويحبك ومش قادر كيف يوصل فيك ! باه عندك علم كل يوم يجي قدام حوشنا يقعد نص ساعة ويروح ! كلميه وأفهمي منه ممكن أنتي فاهمة غلط !

أنا : ممكن سكرو ع المووضو خيتي روحت وفرحانة بيها وخلاص أنا موضوع أنتهى وسكرت بيبانه ~~
رانيا : ع راحتك اي شن عمامك كويسين ؟

أنا : والله مشاء الله عليهم خاصة بنات عمي والله واقفين معاي وباتو معاي وحتي عماتي ومرت عمي ~~ لو مداروش فعلتهم الشينة بس
رانيا : يلا ~~
وقعدنا نهدرزو وروحت ماما ومحمد وفرحو بـ رانيا ..
رقدت معاي وقعدنا للفجر ساهرين نهدرزو وتحكيلي شن صار معاهم ..
حسيت بأني ممكن نكون ضالمته علاء ! بس مش عارفة في أحساسا في داخلي يقولي انه مخانكش ! ووووااك أفكاري متشتته ومش عارفة ولا فاهمة شئ ..

بدت القراية وجددت قيدي وبديت كل يوم امي ومحمد تعبو من التوصيل ويتأخرو ع خدمتهم فـ قرروا يعلموني السواقة ونبدأ نسوق :) يسسسس أحسن شئئئ =D ..
علاء من يومها معاش كلمته وتليفوني مسكر قلت أنه فسد وخلاص قاعدين مخطوبين بـ علم الاهل بس بيناتنا لا لا هوا قال لي أماليه ولا أنا قلت وقاعدين هكي وخلاص ..
بديت نسوق وأموري مية مية وكل يوم نفكر فيه قاعدة نحببه شن ندير بااه !!

كل يوم نرقد ودموعي ع مخدتي نبكي علي حبنا يلي طلع كدبة ..

نبكي علي غدر صاحبتي ليا كانت في يوم من الأيام زي وخيتي ..

اااه ياارب .. صبرك .. بديت نتعود ع كل شئ .. ديما يحاول يكلم فيا لما تكون رانيا بحداي بس أنا منحكيش معاه مع أن نتمنى نسمع صوته :\ لما تكلمه رانيا ديما نقوللها أفتحي المايك نسمع فيه وتخنق فيا االعبرة :\ .. الله غالب <3 ودانيا بعد ماروحت بـ شهور طلعت حامل وطبعا قرييب هبلت من فرحتهاا .. فرحتلها من وسسط قلبي <3 .. وتم السمستر ع خير وصفيت موادي كلهااا وفرحااانة ودارولي حفلة وحاول علاء يجي بس قلت لي رانيا لا وتفهمت موقفي وقالتله .. قرب موعد ولادة رانيا ونجهزوولها في مفجاءة أنا وأيمن لما تطلع من الولادة ويحطوها في الغرفة وصينا وحدة تزيين الدار كلهاا بالوردي طلعت حامل ببنوتته أكيد بتطلع عسل زي خالتها <3 ووصيت ع بوبس مزينين بطريقة حلوة هلبا <3 والشكلاته وتورته بسيطة وحلوة ..

رانيا : أيوا دانيا أنا في المسشتفي وتوا بيدخلوني للعملياات ونبض البيبي ضعيف أدعيلي وراس وخيتي :(
أنا : أنا جايتك خمسة دقائق ونكون عندك
طلعت قلت لي أمي ورعشت .. لبست بسرعة وطلعت سخنت السيارة مابين ماطلعت أمي وطلعنا نجرو وصلنا لقيت أيمن واقف
انا : ها أيمن شن صاار ؟؟؟؟
أيمن : في العمليات
أنا : انشاء الله خير يااارب أنت خليك أهني وأنا ح نكلم المراة يلي بتزين هيا موتيه كل شئ ناقص غير ترتبه بس
أيمن : ماشي أنتي رتبي الامور وأنا ح نقعد أهنى
انا : تمام
ومشيت للدار وجت المراة وبدت تزين فيها وطلعت خياال بككل <3 <3 ووصل الأكل وكل شئ كان تمام وكيف جاية بنسكر الباب وبنطلع ويخش علااء ويسكر الدار علياا
أنا : شن أدييييير أنتتت حووول افتتح الباااب ولا نلم عليك الناااس أفففتح

يتبع ..

تاق لأصدقائكم :*

الحلقة 24 من قصة " أسيل" :

ووصل الأكل وكل شئ كان تمام :\ ومشيت للدار وجت المراة وبديت تزين فيها وطلعت خيال بكل وكيف جاية بنسكر الباب وبنطلع ويخش علااء ويسكر الدار علياا

أنا : شن أدييييير أنتتت حووول افتتح الباااب ولا نلم عليك الناااس أفففتح
علاء : نقصييي حسسسسك خيرلك أنا منقولك كلمتين وبعدها ديري يلي تبيه
أنا : بديت نبكي عاد " خليني في حااالي مانبيككش خلاااص أنسااني ومع منوو مع صحبتي !!! ومتحاولش تكدددببب شفت كل شئ ع الفيسسس فـ خلييني نطلععع
علاء : شن تقولي فيس شني ؟؟ أنا قداش ليا ناسي الرمز ومعاش فتحت ~~
انا :بطل كدب وراس بوك
علاء : داينا أنا مش فرخ قدااامك باش نخرف قصص عليك فااهمةة
أنا : نقص حسك ومعاش تعليه عليااا ~~ أنا شفت تهدريزك معاهااا كلله
علاء : والله مايجو كلمتين بس قتلي نبيك ومش عارفة شني قتلها أنا خاطب ونبيها وبعدها سكرته ونسيته مرة وححححححححححدة كلمتني ع التليفون كملت معاها نبي نشوفها لي وين تبي توصل .. ومتجيش المكالمة نص سااعة أقسسم بالله وماعاد رديت عليها كل يوووم تبعت في مسجاات رديت عليها بمسج واحد اهواا شووفيه " أقسم بالله لو ماتركحي عظامك وتهني روحك وحق ربي عند خوتك ونعرفهمم واحد واحد "~~ والله عارف روحي غلط لمااا كلمتني ومشيت معاهااا لي نص سااعة بس عارف روحي خنتك في اللحظة هاديك
أنا : علاء يلي شفته مش كلمتين وتلاته تهدريز أياااام !!! تبيني نصدقك ؟
علاء : تي شن تقولي أنتي تفهمي بالعربي ولا لأنجليزي ~~
أنا : مش وقت برادة راه
علاء : كلامك بكل راه انا أقسم بالله ماقتلها غير الكلمة يلي قتهاالك بتصدقي تماام ماتبيش براحتك راه
أنا : به كيف يعني والكلام يلي ع الفيس ؟
علاء : لحظة بس .. أنتي كيف خشيتي ع فيسي ؟
أنا : هكرته
علاء : مشاء الله لهادي الدرجة ؟؟؟؟
أنا : أكيد ~~
علاء : أحترمي نفسك وأدوي زي الناس ~~ وأنا فهمت كل شئ ~~ زي ما انتي هكرتيه حتي هيا هكراته وقعدت تهدرز مع روحها أيميلي قعد حقل تجارب -_-
أنا : وشن يلي يأكدلي ؟
علاء : لحظة بس ~~
فتح تليفونه خش ع رسائل وأتصل بيها ~~ وفتح المايك
خديجة : أهلا غزالي :* أستحشتك عرفتك بتوليلي ~~
علاء : أهلين كيف حالك
خديجة : الحمد الله
علاء : غير نبي نسالك رانيا اخت دانيا قتلي دانيا قرت مسجات أنا مش كاتبهم أنتي مهكرتيه حبي ؟
خديجة :اي حبيبي من قبل ديما دانيا تقول لو شكيت فيه نخترق ايميله الأول فـ أنا درت هكي باش تسيبك وتجيني وأهو توا جيتني
علاء : اهااا يعني أنتي يلي درتي هادا كله حبيبتي ؟
خديجة : اي حبيبي :*
علاء : يا بنت @$%^&*)&^%$@
وسكر عليهاا بعتتله مسج " كان مافرقت بينكم مانتسنى خديجة "

علاء : تتسمي مسعودة بعدين -_-
أنا : علاء
علاء : شن تبي ؟
انا : نحبك
علاء : واضح ماه ترا حولي منطلع ومش تبي تطلعي خلاص أطلعي
أنا : علاء !
علاء : شنييييييي ؟؟؟ >_<
أنا : نبيك
علاء : لما توتقي فيا توا تلقيني قدامك تماام ؟؟؟
أنا : والله واتقة فيك بس يلي شفته خلاني نشكك :\ خلاص حبيبي
علاء : يصير خير تليفونك معاك ؟
أنا : لا مسكراته أصلا
علاء : عارف هي نطلعو نشوفو شن صار
أنا : هي :
ووطلعا مع بعض طبعا تفرقنا باش مايحسوش بـ شئ مشيتلهم وغمزت لأيمن بـ معنى كل شئ جي تمام ~~

قعدت شوي وطلعت الدكتورة وفي يدها البيبي ناعلياااا دموووعي نزلو ع طوول أمي طاحت فيها تزغريط =D ~~

وايمن يا روحي يمسح في دموعة وأنا مش صدقة ولييييت خووووويلة وجي علاء <3 ع طول وفرحان هلباا وبعدها طلعو رانيا من العمليات :\ أول ماشفتها زدت نبكي هلباا جاني علاء يجري ضمني ليه =D ~~
نااااعليا أول مرةة خلااص دببت أنا معاش نتحمممل أحلي #حضن من أحلى #نفاخ هههه ناعليااااااا

أمي لاهية تشبحش فينا =D ~~
دخلو رانيا للدار وطبعا قاعدة تحت تأتير البنج مش فايقة ~~
البنت حطوها في الحضانة وخلوناش نشوفوها تاني :\
علاء : مبرووك ايمن تتربى في عزك :* شكلها طرف طالعة لي خالتهاا
أيمن : الله يبارك فيك عقبالك ان شاء الله ~~ تحشم ياسخيف
أنا :  مشناك
علاء : نفسي نفسك =D
ايمان :رانيا فاقت خشو كان تبو تشوفوها

وخشيت لقيتهاا تبكي وتبي تشوف البنووتة وهما مايبوش يطلعوها من الحضانة ! فرحت هلبا وقعدت تبكي لما شافت الدار بعدين طلعنا وخلينها هيا وأيمن وأمي مشت تكلم في الأقارب وتقوللهم =D ~~
وقعدت ناويااه ~~

علاء : لينا قريب سنة معاش قعمزنا مع بعض
أنا : ليا قريب سنة معاش شفتك
علاء : أنا كنت كل يوم نشوف فيك
أنا : كيف ؟
علاء : لما تمشي للجامعة ولما تروحي ديما نشوف فيك
أنا : ناعلي :* بس مش مصدقة أنك رجعتلي ~~ سنة كاملة أو أقل من سنة فرااق
علاء: تندكر وماتنعاد
أنا : وأمك وين ماتكلم امي ع العرس ~~ أنووض نقلبها عزاء
علاء : هههه امالا أنا شن نقول شبه يوميا تكلم فيا عليه ونقلها تبي تكمل قرايتها وهيا شئ مكبشة تبيه توا
أنا : تتدكر لما جبتولي الموسم في رمضان ههههههههـ
علاء : ههه اي لما روحت قتلي البنت طالعة وعيونها حممر شن مدايرلها؟؟ تي تعرفي جاية ومتكنطية تحبك أكتر منك وماتبي فيك شئ
أنا : سلمهالي ياربي ~~ اي تعرف طالعة بالسيف ودرت عزاء من غير ميت
علاء : عارفك
أنا : كنت نبي نكلم نورا ونقوللها نبي نفسخ وقفت فيها رانيا قتلي والله ماك مسيبتي لما تاخديه
علاء : تسحابيني منوافق أنا ؟
أنا : عافة أصلا حتي محمد مستحيل يخليني وحتي أمي
علاء : باش تعرفي بس
أنا : ااااااااااه بالله قداش الدنيا هكي !! صاحبة تسيب صاحبتها ع خاطر راجل ~~ عليك بنت والله ماتوقعتها هكك
علاء : خلاص وراسك ماعاد تفتحي سيرتها قدامي
انا : متتهورش ههههه
علاء : مبردك ~~ هي طالع أنا لما تروحي أفتحي تليفونك ~~
أنا : ان شاء الله في حفط الله ودير بالك ع روحك
علاء : هي سلام وروحي بكري ~~
أنا : باهي وسوق ب شوية
علاء : باهي حتي أنتي سوقي بشوية
أنا : باهي لما تروح كلمني
علاء : باهي حتي أنتي لما تروحي كلميني
أنا : باهي أنحبك
علاء : باهي نموت فيك
انا : باهي نعشقك
علاء : باهي كبيدتي
أنا : باهي برا روح =D
علاء : باهي تقول مقعمز بجنب أمي =D
أنا : باهي يامعفن هدا كله وتقول مقعمزة بجبنب أمك
علاء : باهي هي سلام نحبك
أنا : باهي هي سلامات نموت فيك
علاء : باهي ربي يخليك ليا
أنا : باهي ربي مايحرمني منك
علاء : باهي هي عطلت =D
أنا : باهي هي برا =D توكل علي ربي
علاء : باهي مترديش عليا
انا : باهي تو تشوف =D سلامات
وطلع وخلاني زي الغبية نضحك ~~
طلع أيمن وخليها راقدة قعمز بحداي يهدرز وفرحااان هلباا ~~
جت امي وقعدت تهدرز معاه وأنا كسدت لين جت عزوزتي احم أحم~~ ونورا ~~
فرحانين بتاني حفيدة ~~
مر الوقت وشفتش البنوته :\ بيسموها لين ~~
تأخر الوقت وجي محمد وطلعنا مع بعض ~~
أول ماروحت طوول فتحت تليفونيي نصصددمت طبعااا قريب ألف مكااالمة شوية قريب 500 رسالة شووية قعدت نقرأ فيهم وعيوني يدمعو :\ ضلمته !! باعتلي صورة مدت المكلامة وباعتلي صور مسجاتها وأنا نقرأ فيهم كلمني ~
علاء : أهلا روحتي ؟
أنا : نحبك
علاء : نعرف =D
أنا : مبررردك رااه
علاء : أصلا انتي حبيبتي
أنا:وأنت حبيبي
علاء : وأنتي عمري
أنا : وانت روحي
علاء : وأنتي قلبي
أنا : وأنت حياتي
علاء : وأنتي أميرتي
أنا : وانت تاج راسي
علاء : أنتي الهواء يلي نتنفس فيه
أنا : وأنت عيوني
علاء : وأنتي خشمي =D
أنا : هههههههههههههه مبرررردككك خززي
علاء : زيك وحق ربي
أنا : أممممم مستاحشاتك :\
علاء : الايام قدامنا ونعوضو كل شئ فات <3
أنا : ان شاء الله أحكيلي شن درت في غيابي
علاء : اممم شن درت اهاا كملت أتات الحووش كله ~~ شديت في الخدمة ورقوني =D ~~ ونحاول نوصل لي وحدة أسمها دانيا تبيش مشناها تعرفي
أنا : بكل مبردها
علاء : اي مشيطتلي ريقي
أنا : وووه عليها كيف متحملها
علاء : اااه متسأليش حصلت فيها وخلاص
انا : مش ملاحظ روحك طايح فيا
علاء : عارف
أنا : صار عارف خزي ~~
علاء : شن بتجي غدوة للمستشفي
أنا : اها ان شاء الله اكيد من الصببح
علاء : بري مع أمك تمشيش بسيارتك
أنا : وعلاش ؟؟
علاء : هكي انا أصلا مش راضي ع السواقة !
أنا : العفو وشن فيها
علاء : قصدي تشوفي في البلاد مش أمان بكل ويخنبو في السيارات وحتي أنتي واخدتيه كبيرة مش صغيرة توقعي اي شئ
انا : مديرتلها نظام حماية متخافش ^^
علاء : باهي أنا نبيكش تسوقي
أنا ا: باهي انا نبي نسوق :\
علاء : والحل !
أنا : نبي نسوق قصدي أمي ومحمد مش فاضيين باش يرفعو ويجيبو راه !
علاء : نتزوجو أنتي توا عطلة ~~
أنا : ههههههههه ونبي بـ عقلك تدوي
علاء : لا من خشمي بلا برادة
أنا : لالاللا مستحيل نككمل قرايتي بعدين ساهل
علاء : اياااح مزال قريب سنتين ولا سنة
أنا : أستنى شن قاعد أدير
علاء : مشناك
أنا : نفسي نفسك ع قولتك
علاء : اي منطلع للاولاد أنا تبي حاجة ؟
أنا : هيييي تعرف ساعة كم توا !
علاء : عارف تي الحكاية نو والضئ هارب نطلعو نهيجو ونبكبكو مكرونه بالك تبي ؟ =D
أنا : لا صحيحية ياحنة ~~ متتأخرش الساعة 2 روح
علاء : تي توا الواحدة راه
انا : اي ساعة سادتك
علاء : خشي أرقدي سلم بنتي خشي
أنا : راقدة اصلا هي تصبح ع خير
علاء : وأنتي من أهلي :* هي لما بتمشي غدوة كلميني
انا : ان شاء الله هي سلام
علاء : سلام :*
خشيت رقدت ودرت المنبه باش نمشي للمصحة ~~
نضت الصبح ع صوت المنبه ~~ وتيت روحي وكلمت لقيت أمي طالعة ومحمد مهناش ولعت السيارة وبعتت مسج لي علاء ومشيت =D
وصلت للمصحة لقيت أيمن كيف جاي ~~ أستنيته برا جاني ووجهه متغير

أنا : أيييمون كيف حالك وكيف حالي رانيا والبيبي
أيمن : الحمد الله
أنا : شنن فيي ؟؟؟
أيمن : تعالي الداخل نبيك شوي "ويتكلم والعبرة خانقاته "

أنا : ايمن البنت شن صارلهااا مااتتت ؟؟؟؟؟؟؟؟ تككلللم أيييمن

#يتبع