تاق لأصدقائكم :*

الحلقة 16 من قصة " أسيل " :

فطررت في السيارة ووصلنا للمستشفى ~~

نزلنا وخشينا ولقينا عند الدكتور زحمة -_- ~~ قعمزنا نستنو لحد ماقرب يوصل فيا الدور شرين تليفوني ولقيته أمي ~~

أمي : دانيا خوك بحدااك ؟
أنا : اي بحداي خيرك شن في
أمي : تي عمامك التلاته بصغارهم قدام الحوش وأنا معرفتش شن ندير نفتح ولا كيف
أانا : اااا خلااص أحني توا نروحو متخاافيشش
وسكرت أمي

محمد : خيرها شن في ؟
أنا : هي نروحو قتلي عمامي عندنا بصغارهم قدام الحوش هيا هي
محمد : تي تعالي أنتي اقعدي وأنا نمشي تي ماتحصلي عنده موعد الدكتور بعد سنة

وطلعت الممرضة ونادت عليا ~~ قعدت نشوفله وهوا يشوفلي بعدين مشيت كلمت يلي بعدي تاخد دوري وأنا ناخد دورها وخلونا عادي ~~

محمد : مانقدرش نخليك بروحك ومانقدرش نخلي أمي بروحهاا كيف ندير أنااا
أنا : لو رانيا قاعدة راهو جتني وبااه كيف يصير توا ؟؟
محمد : مممش عااارف من بنكلللم انا ؟؟
وشرين تليفون محمد وكان علاء قعد يشوفله ويفكر في أنه يقوله يجيني بس في نفس الوقت مايبيش بس حط روحه في مكانه ~~ ولقي أنه الشخص الوحيد يلي يقدر يوتق فيه

علاء : السلام عليكم محمد شن جوك
محمد : وعليكم السلام مش تمااام بكككل -_-
علاء : خير شن فيي ؟؟
محمد : علاء ملاخير مافيش غيرك نقدر نوتق فيه وأول ماتصلت قلت مش ح نلقى خير منك
علاء : شغلتلي بالي شن فيي ؟
محمد : أنا في المستشفي مع دانيا وصارلي ظرف ومانقدرش نخليها بروحها تقدر تجي تقعد معاها والله لو ماكنت مضطر ماقتلك يا علاء
علاء : تي شن تقول أنت أحني قريب نولو عيله مع بعض ان شاء الله هي أصلا أنا قريب منكم 5 دقائق ونكون عندك
محمد : تمام مشكور علاء ماقصرتش
علاء : متشكرنيش هدا واجبي هي سلام
محمد : سلام

أنا : خيره علاء ؟؟ شن فوو ؟
محمد : أهوا كملته يجيك
أنا : نعمم ؟؟ شن تقول ؟
محمد : مااافيش غيره حححد تبيني نقول لي وحدة من خالاتك ولي صغارهم يلي كل واحد لاهي في عمره ماتقليهم قدامك غير فـ وقت المصلحة
أنا :باهي خلاص أنت برا لي أمي
محمد: خلي لين يجي علاء ولو مش واتق فيك وفيه راهو مقتلاش
أنا : باهي يامحمد معاك حق أصلا

وقعدنا مقعمزين ومافتتش 10 دقائق الا وجي علاء كلم محمد وطلعله ومشي محمد وخش علاء أول ماشافني جاني وأنا وقفتله نا عليا من الطرف =D

علاء : صباح الخير كيف حالك ؟
أنا : صباح النور الحمد الله بـ خير كيف حالك أنت
علاء : الحمد الله شن أمتى دورك ؟
أنا : بعد الحاله يلي عنده
علاء : اها ~~ شن صار في امس قلتيله ؟
أنا : أها قتله هزب شوية ومشي دار عركة مع وليد وروح =D
علاء : خيرك تقولي وكأنك متشمته =D
أنا : ههه هوا هكي أصلا =D

وطلعت الممرضة ونادتني واناا خاايففة شفت لي علاء وهوا يشووفلي

علاء : هي خشي دورك
أنا : لا منخشش بروحي خش معاي وحق ربي نخاف :(
علاء : ياخوافة =D هي تعالي
انا : =D :(

وخشينا وأنا راعشة وعلاء يزيد يخوف فيا بأسألته للدكتور =D وبدي بينحي الجبس ولما شفت الحاجات يلي ينحي بيها رعشت ودمووعي بدو ينزلو ~~

الدكتور : هههه علاش تبكي أنتي مش ح تحسي بـ شئ راه بـ شن تبينا نبدو برجلك ولا يدك ؟
أنا : دير يلي تبيه
علاء : أبدأ بيدها =D
الدكتور : تمام هي بسم الله

وأنا خشيت في بعضي وخديت يد علااء وقعدت شااده فيها ومغمضة عيوني وهوا ميت بالضحك عليا وعلي منظري وأول مابدي شبه عصرت يده عصر =D #أجرام ~~ وبعد فترة ~~

الدكتور : هيي كملنا حسيتي بـ شئ
أنا : لالا
علاء : ههه أنا يلي حسيت يدي مشت
الدكتور : ههه تحمل مايجيك =D ~~ هي نبدو في الرجل ~~ قصتها طويلة ومش زي اليد لأنه الرجل أكبر الكسر ~~ هي نبدوو بسم الله
رعشني كلامه مبرده -_- ورجعت لي نفس وضعيتي البكى وشادة في يده ~~ نحس فيه أنا بنحي الجبس وهوا بيركبه = من العصر ~~ يستاهل ~~ وقعدت هكي ليين كملي وأنااا فرحااانه بعد الخووف هادا كلله ~~
الدكتوور : هي كملنااا قتلك ساهل ومش ح تحسي بـ شئ ^^ ان شاء الله هادا حد السؤ وتوا طبعا يقعد البلاتين سنة وبعدين أنحوهولك ~~ وتوا ديري بالك ع صحتك وكووووولي كووويس لعظاامك باش ينموو ~~ اما العلاج الطبيعي فـ مش محتاجة ليه أبداً حالتك كويس
أنا : اااه الحمد الله ~~ ان شاء الله شكرا دكتور
الدكتور : عفوا
علاء : بارك الله فيك هي سلام
وطلعناا رورووروي وأخير أفتكيت منه وبنعيش حياة طبيعية ~~

علاء : يا مجرمة يدي مشت فيها
انا : هههههه عارفة =D
علاء: فالحة ~~ أسمعي معاش اديري شئ في وجهك !
أنا : أصلا مانديرش غير شوية كحل ومسكرا شوية بس
علاء : مش لازمك
أنا : علاء لما نكون مرتك تحكم فيا
علاء : ااااه منك بس
أنا : خلي نكلم محمد ونشوف شن صار معاه
محمد : ها دانيا كملتي ؟
أنا : اي كملت شن صار فيكم ؟
محمد : نفس القصة غير هادي كلهم جايين =D وتوا كيف روحو وأنا في الطريق
أنا : باهي نستنا فيك
محمد : تمام سلام
أنا : سلام
علاء : جاي ؟
أنا : اي في الطريق
علاء : خسارة =D
أنا : ههه =D
علاء : أسمعي مش لازم لا من نظرة الشرعية ولا شئ شايففك ولا ومش لازم من جية أمي نتفقو ع الفضان ع طول وبعده بشوية نديرو البيان ؟
أنا : فاجئتني بالمووضوع الحق
علاء : كيف أنتي مش مفكرة فيه ؟؟؟؟
أنا : مش هكي
علاء : باهي بااه ~~اهو جي محمد
محمد : واخيرا وليتي طبيعية =D
أنا : -_- مشنااك هي نروحو
محمد : مشككور هليا علاء ربي يحفظك سامحنا تعبناك معانا
علاء : اييااااح والله ع قلبي زي العسل وهدا واجبي ~~ هي توا نستأدنكم مع السلامة
أنا & محمد : سلامات

وطلعنا وطول السيارة وأنا ساكته حسيت روحيي اخئئئ وحتي هوا بصلته محروقه قاعدة ماكملتش كلامي وفهمني غلط ~~ ووصلت للحوش وأمي فرحت وضربتها زغروطة =D ~~ وطول خشيت دوشت وصليت ورقدت ومنسيت مسألتش أمي حتي شن صار معاها ونضت مع ادان المغرب نضضت مخلووعة نهاري رقدت الوقت هادااا كله ~~ طلعت ولقيت امي مهناش ومحمد مهناش يعني بروحي = ~~ توضيت وصليت ودرت سندوتش وكليته وقعمزت ع التلفزيون ومافتتش 5 دقائق الا وهرب الضئ وحي علي دانيا حيي ~~ فتحت ضئ التليفون وقعدت ندور علي لمبارة ماحصلتش أمي شكلها قايمتهم تسحاب الضئ معاش بيهرب =D ~~ والمولد نعرفش نفتحه ~~ وشكشكي ياحليمة طلعت في الجنان وقعمزت في الدروج وكلمت محمد ~~

أنا : وينكم قاعدة بروحي والضئ هارب
محمد : الضئ هرب ؟؟ وأمي مشت لحوش خالتك وأنا في الصيدليه أفتحي المولد
أنا : مانعرفش
محمد : توا نقولك كيف
انا : هي وكان تفجر علي وجي مسؤليتك
محمد : تي هيا مش ح يصيرلك شئ
وقعد يشرحلي كيف لين فتحته
أنا : يييييييييييييسسس نفتححح
محمد : هي طيري توا
أنا : هي سلام ~~

سكرت منه وخشيت الداخل فتحت فيس وقعدت مكسدة عليه ~~ بعدين سكرت وقعدت نفكر في نفس الموضوع مش عارفة راسي من رجليا =D وقعدت شوية وروحت أمي

ايمان : السلام عليكم
أنا : وعليكم السلام خياانة عظمى خيرك مشيتي من غير ماتقوليلي
ايمان : لقيتك راقدة وأنتي لما تنوضي عبده خليتك وخلاص
انا : فالحة ماه
ايمان : امتى هرب الضئ
أنا : بعد المغرب بشوية
ايمان : اياااح توا عاد تبيلك باش يجي ~~
أنا : نطلعووو
ايمان : وين بنمشو ؟ ليل توا
أنا : تي كلهم طالعين غير هيا والله مكسدة ~~
ايمان : مش عاررفة خلي نشوف محمد قبل
أنا : باهي
وكلمت ماما محمد وقاللها لا ليل -_- بس حيجي هوا ويرفعنا =D :) مشيت وتيت روحي ولبست عباية ووشاح الحكاية نوو :3 وطلعت لي أمي
أنا : مامااا حيي نسييت مسألتكش شن صار معاك الصبح !
ايمان : توا كيف تفكرتي يافالحة ~~ مش عارفة منين طلعونا بعد السنين يلي فاتت ~~ الصبح كيف منطلع منمشي للخدمة شرين الحوش نسحابكم أنتم أشبح شن ناسيين كيف طلعت للجنان وقلت منو رد عليا عمك انا نخلعت وخفت منهم وع طول كلمتك وقعدت في الحوش لين جي محمد ~~ مشاء الله عمك عمر عنده 2 ولاد و2 بنات من عمرك هكي وعمتك هند عندها 5 ولاد مشاء الله وسميرة ولد واحد طبعا كلهم جو عمر عرفهم علي محمد وانا أول ما جي محمد طلعت بس والله وجعوني لو شفتي عمك كيف يبي السماح ويبي يعوض يلي فات ! ويبي يشووفك قالي وينها دلوعة المرحوم
أنا : قصدك سامحتيييهم ؟؟؟؟؟؟؟؟؟؟
ايمان : أنا مسامحة الكل صح يلي داروهه فينا مش ساهل بس أهم شئ أتكون النية صافيه ~~ وصلة الرححم حراام ضروري ماتسامحيهم
أنا : ههه تبيني نسامح ؟
ايمان : اي مهما كان الأنسان ديما يغلط ويندم أنتي بروحك تندمي علي شئ درتيه
أنا : ماما يلي داروه مش هووين بككل راه
ايمان : ربي يسامحهم غدوة قتلهم تعالو راه
أنا : علاااش بعقللك أنتييي أناا مانبيش نشووفهم
ايمان : تي عمك يبي يشوووفك وأنا تحشمت مننه هلبا قتله تفضلو غدوة شن تبيني نقولله
أنا :رربي يهديك يا أمي وبيجو ع الغداء ؟
ايمان : اي
أنا : محمد شن قال ؟
ايمان : في البداية متعفلق هلبا بس لما كلمه عمر أشبح شن قاله ~~ لقيتهم يسلمو ع بعض
أنا : هيي حسه محمد جي
ايمان : أنتي اركبي وخلي نسكر المولد
أنا : تمام

وجت ماما وطلعنا مشينا أدهورنا مع أن مافيش مكان الواحد يدهور فيه -_- مشينا للبحر وكانت الساعة 8 قعمزنا وغيرنا جونا وهدرزنا وكانت لمة عائلية حلووة لحد مافتحو مووضوع الـ ~~~

يتبع...

تاق لأصدائكم :*

الحلقة 17 من قصة " أسيل" :

وجت ماما وطلعنا مشينا أدهورنا مع أن مافيش مكان الواحد يدهور فيه -_- مشينا للبحر وكانت الساعة 8 قعمزنا وغيرنا جونا وهدرزنا وكانت لمة عائلية حلووة لحد مافقحو مووضوع الـعمام -_- عكرولي جوي بيه أنا مش قاردة نسامحهم !!! وقعدو يهدرزو ع نفس المووضوع الا أنا محكيتش معاهم قعدت نسمعلهم بس وتبوو الحق جي خاطري

نشوفهم ونتعرف عليهم حلوو لما يكون صغار عم ~~ صح عندي صغار خالة بس كلهم كبار وبفروخهم وكل وحدة لاهيه بعيلتها ~~ جت الساعة 11 وروحنا مشيت صليت العشاء والضئ قاعد هارب :( وأنا مانتحملش النو بكل مشيت نقنع فيهم نبيهم يفتحو المولد سكرو

روسهم وقالو لا ليل ونديرو دوشة ع الجيران ~~ طلعت زيني زي البنت الفالحة أنا ومحمد للجنان أنا قعدت متكيه ع الحيت لحد ماخداني النوم وهوا قعد يهدرز مع هبه~~ لحد ماجي الضئ روورووري وأخيراا الساعة 3 في الليل نضت من مكاني نجري حتي

محمد منوضتاش خليته =D ~~ ع طووول خشت داري وفتحت المكيف وخشيت في سباات عميييييييييييق ~~ نضت تاني يوم طبعا اليوم يوم حاافل من الصبح لقيت أمي شاريه حاجات فطرت وبدينا باش نلحقو بسرعة ~~ وبدينا نديروو اول بأول ووزعنا المهام =D كل واحدة يدير حاجاته لييين كملنا الساعة 1 ونص بالزبط ع طوول خشيت

دوشت ولبست سروال وبلوزة فوق الركبة ولبست وشاح مانبيش نكون من غيره ~~ ودرت لمساتي =D طبعا وطلعت لقيت ماما موتيه روحها ومحمد كيف جي وجاب الحلوو وجت الساعة 2 وربع شرين الحوش وأنا قلبي طاح مشي فتح محمد وسلمو ع بعض وأنا واقفة قدام الباب الرئيسي وهما في الجنان شفت عمي أوول واحد خاش أول ماشفته ع طول دموعي بدو يدمعو ماما طلعت تسلم وأنا قعدت صامدة نشوفلهم بس =D لحد مابدو يخشو اول ماشافني عمي دمعو

عيونه وجي ضمني ليه وأنا قعدت مصدوومة ونبكييي سبحان الله كأنه بوي صح نعرفه من قبل وشايفته ونعرف أن في شبه بينهم بس توا بـ زيادة نسسسسخة منه وهوا يقوولي سامحيني يابنتي والله نعوضكم علي كل يلي فات وأنا قعدت ع الصاامت لحد ماقتله عمتي هند
هند : خلييناا نسلموو عليهااا حوول نبي نشوفها
عمر : سامحيني بنيتي مشاء الله كبرتي وليتي غزاالة مشاء الله تبارك الرحمن
وطلقني عمي وجتني هند هيا تبكي وانا نبكي والحق أول ماشفتهم

أرتحتلهم هلبا ووسامحتهم :( ~~ طلقتني عمتي هند شدتني سميرة =D ~~ بعدين في زوز بنات شكلهم صغار عمر وشكلهم حباابين يهبلوو سلمنا ع بعض وبعدين قسم الشباب قعدت نسلم عليهم وعمر عرفني عليهم صغار عمي عمر الولاد 3 واحد معاد والتاني مجد و2 بنات وحدة أسمها نور والتانية نورهان ~~ أما صغار عمتي هند تلاته ولاد والعائلة كلها طروف =D واحد أسمه أيهم وواحد محمد وواحد معتز و ومالك و مصعب ~~ وعمتي سميرة عندها أحمد بس تعرفت عليهم بعدين ستأدنت مشيت نوتي مع أمي الغداء و جت

معاي نور شكلها الكبيرة تساعدنا~~
نور : مشاء الله في شن تقري دانيا ؟
أنا : هندسة معماري
نور : اهاا كووويس
أنا : وأنتي شن تقري
نور: طب بشري بس توا موقفة لأني جيت هنايا
أنا : بتولو لي بريطانيا ؟
نور : في أحتمال وفي أحتمال لا بوي قالي مستحيل نسيبهم و ندير نفس الغلط تاني
أنا : بس أحني الحمد الله مش مستحقين شئ تعودنا :)
نور : تعرفي لو تشوفيهم برا كيف يبو يوصلو فيكم وقريب يااكلو الجيفة حاشاك من كتر الندم
أنا : اهااا هي تعالي منقدروهاش السفرة استني أنادي ع محمد
نور : خلي توا أناد ع مجد ~~ مجد ترا تعالا قيييم السفرة
مجد : هي هاتي ~~ في مزال تانية ؟
نور : اي تعالا في مززالل شووق
مجد : مشاء الله متعبين روحكم
أنا : لا عادي
وقعمزنا نتغدو وكلمنا ~~ نضنا نغسلو في الماعين أمي قعمزت تهدرز معاهم وأنا ونور ونورهان نضنا ~~ غسلنا المعاين وأحني نهدرزو ومشاء الله عليهم فرحت لأن عندي صغار عم هكي
انا : نوورهاان شن تقري ؟
نورهان : كييييف باادية أهو في علم نفس ~~
أنا : اهاا مشاء الله مووفقة :*
نورهان : أجمعين
أنا : من أكبر واحد في خوتك ؟
نورهان : شووفي مجد الكبير مواليد 91 وبعده نور 93 وبعدها معاد 94 وأنا 96 ^^
أنا : ربي يحفظكم لي بعض وصغار عمتي هند ؟
نور : مصعب الكبير مواليد 86 وبعده مالك 87 وبعده محمد 90 وبعده أيهم 92 وبعده معتز الصغير 95 ^^
أنا : ااهاا مشاء الله وأحمد ؟
نور : احمد 91

أنا : مشاء الله كلهم أعماركم متقاربين تصدقي تقولي أول مرة نشوفكم ونعرفكم تعرفي ناااسية أن عندي حتي صغار عم مش متدكرتكم بكككل
نورهان : ان شاء الله يلي جاي أحسن ايي وكيف حال رانيا قالو سافرت ؟
أنا : اهاا مسافرة مشت لألمانيا ماليهاش هلبا دكرتوني بيها قداش ليا معاش هدرزت معاها .. نسألك وين أمك ؟
نور : اامي مريضة اليوم ماقدرتش تجي
أنا : اهاا ان شاء الله لاباس
نورهان : متتحملش السفر لازم ماتتعب فيه
أنا : اهاا بالشفى ان شاء الله ~~ هييي كملنا خلي نطلعو معاهم ^^
نور : هيي
وطلعنا قعمزنا نهدرزو كلنا وأنا ساكته ونسمعلهم ومبتسمة وخلاص
عمر : شن يابتني خيرك ساكته مسمعناش صوتك
مجد : تي خليها يا بوي متحشمة =
أنا : -_- لا عادي عمي
عمر : شن تقري ؟
أنا : نقرا هندسة معماري

عمر : مشاء الله زي أيهم ~~ وانت يامحمد شن تقرا ؟
محمد : لا انا متخرج عمي وعندي صيدلية
عمر : اهاا مشاء الله والله تقيمو الراس ربي يحفظكم ~~
معااد : هي تعالوو ياعويلة ناخد سيلفييي =D
كلنا : هييي
وصورنا أول صورة تجمعنا :) بس طبعا مش كلنا طلعنا فيه =D ربعنا بس =D

وقعدنا نهدرزو وحطينا الحلو وأنا خشيت فيهم الحق ~~ ومحمد حتي هوا مع ولاد عمي دارو صحبة وطلعو ~~ وقعدنا بروحنا نهدرزو لحد ماروحو ~~ ضميت شوية حوسة الماعين و الحمد الله الضئ ماهربش اليوووم~~ مش مصدقة =D مشيت كلمت الاء وحكيتلها يلي صار وقعدت نكلم في رانيا ع الفايبر وحكيتلها حتي هيا ~~ وخشيت تمرقدت ~~
نضت الصبح بكري نسمع في صوت أمي تكلم في محمد وتقوله في كلام نصصصدمت لأن أخر شئ نتوقعه يكوون يصير ~~
ياااربي علاااش بسسس

يتبع ..

تاق لأصدقائكم :*

الحلقة 18 من قصة " أسيل " :

نضت الصبح بكري نسمع في صوت أمي تكلم في محمد وتقوله في كلام نصصصدمت لأن أخر شئ نتوقعه يكوون يصير ~~
ياااربي علاااش بسسس
وطلعتلهم ~~

أنا : صح يلي سمعته ؟؟؟؟
ايمان : غير أهدي أنتي شن سمعتي ؟
أنا : معقوولة توا بعد السنين يلي فاتت ويلي داروه فينا تماام سامحت بس مانسيتش توا تجي تبيني نسيب علاء ونوافق ع ولد عمي ؟؟؟ لانه ولد عمي ؟؟؟

محمد : هيا تحكيلي شن قاللها عمي بس لا وافقت ولا شئ وشئ طبيعي مش ح نفوتو علاء لأن نعرفوه هوا شنو ؟؟؟

ايمان : لا ~~ وعلاش متوافقش ع ولد عمها ؟؟ مشاء الله عليه
أنا : توا أنتي عرفتيه بين يوم وليله تشكري فيه ؟؟ تي شن شفتي فيييه أصلاا

محمد : اناا وقت عليا بس عندي كلمتين بس والقرار الأول وألاخير يرجع ليك أنا مش مووافق ع ولد عمي ملاخيررررر هي سلام ~~ وطلع وخبط الباب

أنا : تبي تجبرني عليه ؟؟؟ أنا مااانبيشييي ولللد عمي مالياش يوم بس نعرفه ومستحيل نوافق

ايمان : هيا بالعنااد ؟؟؟ هي أنا مش راضية عليك لين توافقي ع مجد وهدا أخر كلامي هي وقت ع الخدمة سلام ~~

انا قعدت نشبحلهاا وعلامات الأستفهام علي وجهيي قصدي معقوولة لاا أنا مش مصدقة هادي أمي ؟؟؟ لا اله الا الله قعدت نبكييي لأني بجد تعلقت بي علااء :( ونبيه هوااا ~~ ومستحيل نوافق ع يلي أسمه مجد ولو نموووت :: مشيت خشيت الحمام وصليت الصبح ومفطرتش ماعنديش نيه .. ضميت الحوووش وكلمت رانيا
رانيااا : صباااحووو الحلو أستحشتك : (
أنا : أناا أكتترر وحق ربيي
رانيا : دقيييقة بس خيرك تبكي ؟؟؟
أنا : يوم تاني بيجبوولي الجلطة -_-
رانيا : منوو ؟
انا : عمااامك جوو بمشااكلهم أنا امس فرحانة بيهم واليوم كارهتم
رانيا : اياااح شن داروو ؟؟؟
أنا : عمي أمس كلم أمي يخطب فيا لولده زعميتك بيلم الشمل وبيعوض يلي فات ~~
رانيا : وبااه ؟؟
انا : وعمتك ايمان قتلي لو متوافقيش مش ح نرضى عليك !!!!!!
رانيا : حي حيييييي بعقلهاا أمييي خليها توا أنكلمها أناا
أنا : اي بالله عليك كلميهااا
رانيا : باهي خلاص بطلي دموع ومحمد شن قال ؟؟
أنا : قال أنا مش موافق عليه
رانيا : باهي ملييح أمك خليها عليا
أنا : تماام منوورة
رانيا : تعالي أهنى قلتي للي علاء ؟
أنا : لالا منكلمش فيه
رانيا : اهاا وعلاش ؟
أنا : رانياا هني روحك
رانيا : نوره أمس كلمتني قتلي نبو نمشو لحوشكم نبو نحددو الفضان والبيان
أنا : ووه عليااا أنا باهي
رانيا : مايصير الا الخير والا يلي تبيه أنتي ~~ الأمور هادي ماتججيش بالغصب
أنا : ااااه ياربي ~~
رانيا : هي دنوو سلام توا منطلعو
أنا : سعدودك _ ~~ سلام وسلميلي ع أيمن
رانيا : سلمك يوصل ~ سلام
وسكرت منها مني اهنى كلمت محمد من أهنى
محمد : هاا شن تبي
أنا : محممد :(
محمد : خيرك تبكي ؟
أنا : عاجبك يلي دارته أمي
محمد : لا طبعا بس شن تبيني ندير ؟
أنا : لما طلعت أنتا قتلي لو متوافقيش مش ح نرضى عليك
محمد : لااا قصدي بعقلهاا أمي ؟؟ خليها عليا نعرف كيف نقنعها
أنا : خلاص تم كلمهاالي وحتي رانيا بتكلمها
محمد : خلاص هي سلام
أنا : متعطلش باهي
محمد : تي باهيي سلام
أنا : أعصابك =D سلامات
وسكرت منه ومشيت ندير في الغداء درت رشته كسكاس ~~ بديت فيها ودرت كيكة باردة ~~ هدا كله كـ محاولات أرضاء أمي وتليفوني بدي يشرين ~~ رقم غريب رديت صوت بنت
أنا : ألوو من معاي ؟
نور : أناا نوور كيف حالك
أنا : الحمد الله كيف حالك انتي
نور: تماام أسمعي تعالينا اليووم
أنا : والله ماعارفة مضنيتش
نور : وعلااش لا ؟؟ كلمت مرت عمي وقتلي باهي
أنا : توا نشووف
نور: مافيش توا نشوف بتجي يعني بتجي ولو قالك لا توا نقول لي بوي ولا واحد من خوتي يجيبوك
انا : لالا توا نشوف محمد خلاص
نور : خلااص أكيد هي سلام ~~
أنا : سلامات

عليك حصلة :\ نبيش نمشيييي :( بس يلا معليش مشيت حددت حوايجي لأن عارفة الضئ حيهرب ~~ ومشيت ولييت للطبخ ~~ لحد ماكملت كل شئ وتيت الغداء والحلو حطيته في الفريز الساعة 2 ونص وامي ومحمد يروحو مع الـ 3 قعمزت ع التلفزيون وفتحت فيس

كسدت عليه لحد ماروحو وتغدينا وأمي لا كلمتني ولا شئ : ( كلمها محمد مردتش عليه كلمتها رانيا مردتش عليها مشيت العشية لحوش عمي غيرت جوي مع البنات ولا يخلو الموضوع من السيلفي وكأنه بدي شئ لازززم منه مع مدان الشوارب أكيد =D .. ومتلاقيتش مع الولاد أحسن شئ .. هيجنا مع بعض =D .. روحت في الليل لقيت أمي مقعمزة غيرت

حوايجي وقعمزت بحداها ..

أنا : امي قاعدة ع الكلام يلي قلت مبكري ؟
ايمان : اها
أنا : أمي أت يتبي سعادتي ولا تعاستي ؟؟
ايمان : أكيد نبي سعادتك
أنا : خلاص أنا سعادتي مش معاااه مش مع ولد عمي !! أناا مانبيشي يا أمي تبيني نوافق عاادي ؟؟؟ شهر ولا شهرين ونجيك مطلقة ؟؟؟ يا أمي راهو هدا زواج مش لعب وأنا قاعدة صغيرة بس علاء ميتعوضش هادا علاش وافقت راجل مشاء الله مافيش زيه .. ولو تبي سعادتي غيري رايك لأن هادي حياتي أنا يا أمي حطي مكاني في مكانك شن ح تكون ردت فعلك ؟؟ تبيني ندير شئ غلط باش توافقي أنتي ؟ بس أنا تربياتك مستحيل ندير الغلط
ايمان : أنا يلي عندي قلته و ...
أنا : :0

يتبع ..

تاق لأصدقائكم :*

الحلقة 19 من قصة " أسيل " :

ايمان : أنا يلي عندي قلته ويتنفد تماام ؟؟
انا : :0

ايمان : أم علاء بتجي غدوة كلمتني اليوم مقدرتش نقوللها في التليفون
أنا : ديري يلي تبيه هي تصبحي ..

خشيت في فراشي وأنا قاعدة مصدومة من أمي قصدي أمي مراة طيبة هلباا وتعامل فينا كأن صحابها مش صغارها .. ديما متفاهمة معانا .. بس توا ؟؟؟ بجد حااالة قعدت نبكي لين نشفو دموعي ورقدت ..
ايمان : داانياا نوووضي هيا الساعة 10 وقت عليا منمشي
أنا : تي بااهي توا أنووض
ايمان : المهمم ضمي الحووش وماتنسيش بتجي أم علاء .. الغداء واتي درته مبكري .. توا نجيب أنا حاجات من برا يعني ضمي الحوش بس
أنا : بااهي
ايمان : وماتنسيش الساعة 11 نوضي محمد وقت ع خدمته ..
أنا : بنقلاديشية وأنا منندريش
ايمان : نعم شن حسك قلتي ؟؟
أنا : لااا ماقلت شئ بس قلت شكله يوووم يههبل من أوله
ايمان : -_- تحركي يا بنقلا هي سلام
أنا : -_-
طلعت أمي مشيت درت لفتي فطور ماعندي نيه ضميت الحوش وهوا نظيف .. مشيت نوضت محمد لقيته نايض ..
محمد : ماتبيش تقولي خيرك ؟
انا : مافيا شئ غير تحس هكي بس أنا طبيعية
محمد : لا والله متغيرة أحكي

أنا : وبديت نبكي عاااد "
مليييييييييييت من عيشتييي والله فديييت نفس الرووتين كلل يوم الرووتين يقتتل الوواااحد أمك من جهة متغيرة لييين كرهتهااا اي ماتشوفليش هكيي تبي تغصبني ع شئ أنا مااانبيشييي محمممد أناا عييت وملييت كل يوم ضمي طيبي ديري هادي وو .. لا عندي أخت معاي تهون عليا ولا عندي أب يوقف معاي .. أنت ديما طالع أمي ديما من الخدمة تروح ترتاح تقعد ع التلفزيون ولا تطلع هيا وصاحبتها أنا كان مش معاي الاء رااهوو متت قدااش ليااا والله تعبت والله

طبعاا أنا مش عاارفة كيف نفجرت فيه .. محمد وجعه الكلام وحسه انه مقصر معاي بس هوا يلي قادر عليه كله مدايرررة .. ضمني ليه وقعد يهدي فيا

محمد : تيي بااهي معاش تبكييي .. مافيش شئ مستاهل والله كل شئ ح يتصلح بأدن الله خلاص دنوو والله ماحيصير الا يلي تبيه انتي والله وأنا عند كلمتي وحلفتلك يادانيا ومن الييوم شن رايك تجي عندي في الصيدلية تخدمي معاي كبيرة ومش ملحق لو خشو اتنين مع بعض عاونيني ومنها حتي أنتي تستفيدي ..
أنا : حقوو ؟؟ أكيد موافقة
محمد : خلاص والله مانتحمل فيك شئ كبيدتي أنتي :*
أنا : اسسس شوية وبنصدق ..
محمد : جعلك ماصدقتي المهم أنا =D
أنا : مبردك
محمد : هي طالع ونحي الأفكار من راسك
أنا : باه
محمد : هي سلام
أنا : فـ أمان الله
طلع محمد و أستجمعت قوتي نضت كلمت ضمان الحوش وقعمزت ع التفزيون هوا عندي غيره !

خداني النوم لحد ماجت أمي وتغدينا وقتلها ع مووضوع محمد قتلي باهي وأصلا بتجي أم علاء وانا ماعندي وجه نقابل بيه ..

وجي محمد وتغدا ولبست حوايجي ومشيت معاه قعد يوري فيا في الحاجات المهمة وهادي كيف ووو .. أستوليت ع الكاصة =D ضاربة ع القوي خاشة بقوة وأندفاع =D
.. جي أول شخص وانا نحط في الفاتورة ركزت في التاريخ لقيته 20\7 قعدت نكدب في عيوني سألت محمد قتله التاريخ كم اليوم قالي نفس الشئ وعاادي جدااا نهاااري اليوم يوم ميلاادي وانا انااسية بِكل ..
جي وقت المرواح روحنا وكانت الساعة 7 يخدم في الصيدلية ولد تاني .. وصلنا الحوش وخشيت محمد شدني وقالي كل عام وأنتي بألف خير يا احلى وخية في الدنيا وبعدين فتحو الأضواء وكلهم بصوت واحد " سبراايز " أنا قعدت نشببح ومصدومةة وتت ؟؟ قعددت نبكييي ومش مصدقة الاء ونورا أخت علاء وأمه نور ونورهان وامهم وعمتي سميرة وهند وخلاتي وتورته كبييرة جو يسلمو عليا وقصينا التورته وكأنت من أحلى الأيام بحياتي ..

نورا : خلاص أتفقنا يعني الأسبوع الجاي الفضان ولا ياخالتي ؟
أنا : اااه كيف أمي أنتي محكيتلهمش ؟؟

ايمان : ههههه كنت نبصر عليك ^^ ونشوف فيك تبيه ولالا
تسحابيني هبلت باش نغصبك ع شئ وخاصة في الأمور هادي .. اي نورا ان شاء الله ويلي بعده البيان ..
نورا : تماام علي بركة الله ان شاء الله مبرووك كنتناا
أنا : لااااهكي أانا رسمي بنهبل .. أمييي نحببببببببببببببك وطحت فيها بووس =D
ايمان : ههههههههه بشوية علياا
نورا : دانيا ترا تعالي شوية نبيك
انا : هي
نورا : علاء توا كلمني ويبيك يبي يخش يعني
انا : امممم منعرفش أنا عادي =D
نورا : ههههههه عارفاتك خوك قاعد ؟
انا : لالا محمد مهناش طلع ويروح متأخر بما أن الحوش فيه ناس
نورا : خلاص مية مية بري أفتحيله الباب
أنا : قصدك هوا برا ؟؟
نورا : امالا شنوو ؟؟
أنا : لا أستني نغير نلبس وشااحي
نورا : هههه خطيبك ياغبية عادي
أنا : لالا ماانبيش هي أستني .. ومشيت لبسته وواسيت روحي وزدت ميك اب وطلعت
نورا : ياعيني ع القمر هي أطلعي أفتحيله
أنا : أدعيلي =D
نورا : ههههههه تي بريي
ومشيت وأنا قلبي يرقص ~~ فتحت الباب وخش في الجنان وأول ماشفته ولو عيوني قلوب قلوب يههبلل ناعليا منه ..وجايب بوكى ورد أحمرر كبيير ومعاه كيسة سلم عليا وقعد شاد يدي ..
علاء : أهلا .. كل عام وأنتي بألف خير يارب وان شاء الله السنة الجاية معاي =D
أنا : وأنت بألف خير تسلم : )
علاء : كل يوم نهبل فييك يا بنت
أنا : =D .. تفضل في الصالون
علاء : لا أصلا انا ماشي غير حبيت نعطيهملك بس وان شاء الله يعجبوك : ) توصي علي شئ ؟
أنا : شكرا أصلا أكيد اي شئ منك حلوو .. شكراا هلباا نمووت في الورد أحلى هدية .. سلامتك :*
علاء : الورد للورد :* .. ومعااش تشكري أنا راجلك عاد =D
أنا : هههـ تمام يا راجلي :*
علاء : انا ماشي خلاص لو بنقعد شوي تاني مش ح نهني روحي =D هي توصي ع شئ ؟
انا : هه مهبوول :* لالا سلامتك
علاء : هي نادي ع أمي ونورا
أنا : حاظر دير بالك ع روحك
علاء : ان شاء الله حتي أنتي وأنا بنكلم خوك اليوم منقوله منكلمك يكون بعلمهم احسن
أنا : اهاا اي هي فـ حفظ الله :*
وطلع قعد في السيارة ..
أنا : نورااا
نورا : جيييت الله ع الوورد يههبل خوي طلع رومانسي وأنا منندريش نسحابه أعصاب وبس ~~
أنا : خوك هادا يهبل هههههه
نورا : ايي شن قالك ؟

أنا : عيييب يلا ~~ اي حقا قاللكم أطلعوو
نورا : ههه يامعفنة هي خلي نلبس وأنتي قولي لي أمي
أنا : ماشي خلي نحطهم في الدار قبل لا يشوفني حد ~~
مشيت وانا قريب نطير من الفرحة حطيتهم وطلعت قلت لي خالتي قتلك نورا علاء جي =D

روحو وقعدنا نهدرزو وهيجنا وضحك وتسهويك وبرادة لييين روحو كلهم خشيت نجري نبي نشوف شن فيه الكيس = فتحته :0 أوو ماي جااد حيييي ..

يتبع ..

تاق لأصدقائكم :*

الحلقة 20 من قصة " أسيل " :

روحو وقعدنا نهدرزو وهيجنا وضحك وتسهويك وبرادة لييين روحو كلهم خشيت نجري نبي نشوف شن فيه الكيس =D فتحته :0 أوو ماي جااد حيييي .. بوكس صغير وفيه دبلة تههبببل نفس يلي خااطري فيهاااا من كتر الفرحة لين دموعي نزلو .. مشيت نفتح في الكيسة التانية المرة هاادي قعدت فاتتحة فمي =D حييي أيفون 6 لاا هكي هلباا علياا وخشت عليا أمي

ايمان : ياااعييني منين الورد والجو الفايح
أنا : ههه منين يعنيي تعاالي شوفي شن جابلييي
ايماان : حيي محلاهااا الدبلة هلباا حلووة تبيديها بالهنى
أنا : سلمك ووشووفي هادااا
ايمان : ياعيني ع الأيفون 6 وجوو
أنا : ايي أحلى يوم في حياتي شكرا ماما :)
ايمان : عفوا ^^ هي وهادي هديتي
أنا : علاش متعبة روحك أصلا أنتي بروحك هدية
ايمان : هي أنا طالعة
أنا : تصبحي ع خير

طلعت أمي وكملت فتح الهدايا حصلت هلباا =D .. لين كملت وواسيت الدار تحوست منهم دسيتهم ورفعت الورد وحطيته في مزهريه .. وأنا شادته ويخش محمد
محمد : السلام عليكم .. ياعيني عالورد والجو الفايح =D
أنا : بطل باه
محمد : هي تفضلي هديتي .. معرفتش شن ناخدلك خوديهم وأشري بيه يلي تبيه =D
أناا : ممحمممد علاش ؟؟ والله مالازم
محمد : ضمي فمك بالله عليك قولي كلمة مقومة ولا هنينا بسكوتك =D
أنا : أعصابك يا أخ ~~ ياحنةة صحييت وان شاء الله ربي يخليك لينا :*
محمد : باهي =
أنا : نحطلك تتعشى ؟
محمد : لالا واكل برا هي منرقد تااعب
أنا : تصبح ع خير
وخشيت دراي و رفعت معاي وريداتي وهدية محمد وكانت ظرف فيه 500د =D ..
وخشيت في سباات وبدي التليون يشرين ترن ترن .. نضت من نومي لقيته رقم غريب -_- ياادي النيلة حطيته وووليت رقدت شرين مرة تانية رديت بكل قواي العصبية =D

أنا : ناس معندهااش دووق شن تبي متصل في عقابات الليل ومنوو ؟؟
علاء : طلعتيني في أخر عمري ماعندي دوق خزي يا معفنة ومشاء الله ع التهزييب عيني مضرك يافالحة
أنا : اااااااا!!! أنا مصدومة حاليا قصدك علاء ؟؟ وأنفجررت بالضحك ~~
علاء : تضحكي ؟ أما أنتي وحق ربي غبية وحصلت فيها
أنا : هههههههه أحترم نفسك أيوااه شن غبية هادي تي أنا كنت نجيب الأوله ع المدرسة في جميع مراحلي التعليمية =D
علاء : اهااا باهي يااا ذدكيية أنتي ايي شن أخبارك
أنا : الحمد الله كلمت محمد ؟
علاء : اي وقتله بنكلمك
أنا : اي وشن قالك ؟
علاء : ماعنده مابيقول ماه حتي هوا أكيد يكلم في خطيبته
أنا : اي ~~ كيف حالك
علاء : الحمد الله بعد ماسمعت صوتك
أنا : أحمممم بطل باه
علاء : ههههه مهبولة =D
أنا : زيك يعني =D لمن ح نكون طالعة
علاء : أكيد ح تكوني لراجلك =D
أنا : ههه مشناك
علاء : نفسي نفسك أنا شين أنتي شينة أنا حلو أنتي حلوة
أنا : مش هكي بس =D خف علينا يا أخ
علاء : أخ ؟؟ أخ صار
أنا : يا راجلي قصدي غير متعودة نقول فيها =
علاء : لمنو ؟؟
أنا : نحقيق هوا ؟؟؟
علاء : قتلك لمنو ؟
أنا : لمنو عندي لي محمد باهي هكي
علاء : اي
أنا : مبردك هي منقرد أنا تصبح
علاء : ماشي تصبحي ع خير
انا : -_- سلام
وسكرت منه وأنا متكنطية -_- عنجد البرود يلي عنده فاتت 5 دقيقة وشرين تليفوني رقم

أنا : ايواا منوو ؟؟؟
علاء : ماتكتبش عليا ترقدي وأنتي زعلانة مني ^^
أنا : لا مزعلتش عادي أصلا
علاء : عادي صار مافيش شئ عادي راه
أنا : باهي خلاص لقطة وفاتت
علاء : باهي المهم أنتي مش زعلانة ؟
أنا : كنت
علاء : وتوا ؟
أنا : لا
علاء : يعني صافي يا لبن ؟
أنا : صافي
علاء : بس صوتك مايقولش هكي
أنا : لا والله خلاص معاش زعلانة
علاء : باهي هي تمرقدي
أنا : باهي سلام وتصبح ع ألف خير
علاء : وأنتي من أهلي .. دانيا
أنا : نعم ؟
علاء : درقي وجهك =D
أنا : مبردك -_-
علاء : نفسي نفسك =D
أنا : بااهي =D هي نعسانة أنا اليوم مشيت مع محمد لي الصيدلية درت معاه
علاء : نعم نعم ؟؟ الصيدلية وعلاش ؟
أنا : أهدأ .. مكسدة ومالة وفادة قالي بري معاي عاونيني فرحت ومشيت معاه
علاء : أسمعي أنا نبي نبدأ بداياتنا كل شئ يكون بالتفاهم نقنعك وتقنعيني .. نبيش نغصبك ع شئ أنتي ماتبيشي نوضحلك وأنتي لو تقبلتي الشئ تمام ولو ماتقبلتي مستحيل طبعا = فـ أنا مانبيكش تخدمي في الصيدلية أنتي ماعندكش علاش تخدمي أصلا الصيدلية مكان مختلط وانا منقبلش بيه

أنا : اهاا اي صح يعني تبيني معاش نمشي ؟
علاء : بالزبط
انا : باهي كلامك مقنع وحاضر
علاء : يحضرلك الخير :* مش تبي ترقدي ؟ هي درقي وجهك =D
أنا : وجهك -_- هي سلام

علاء : سلام : )

~~~~~~~~~~~~~~~~~~~~~

ايمان : نووووووضي وانتي ماتشبعش من النووم
أنا : تي حرام عليك يا نبع الحنان صبح يافتاااح
ايمان : أنا تأخرت هي مااشية سلاام
أنا : سلام _
وكالعادة نفس الروتين ~~ ومرت الأيام وأنا نوتي للفضانية .. خديت الهدايا ووصيت ع الكيسات والستيكرات .. وووكلل شئ وكله كان يهبلل وأموري مية مية مع السيد علاء =D

لحد ماجي الييوووم المنتظر .. يوم الفضانيية ..

يبتع..

خمس حلقات اليوم لو لقيت هلبا تفاعل انكمل كان هذا معش في الا في الاسبوع حلقة 😠