تاق لأصدائكم :*

الحلقة 10 من قصة "أسيل" :

محمد:أنا توا قدام الحووش أطلعييي
أنا : خيركك ؟؟ شن قدام الحووش هادي
محمد:سمعتي شن قتلك أطلعي توا خيرلك
سكرت منه وخفت منه الحق لما يعصب معاش يعرف حد قدامه : (
أنا : رانياااا
رانيا : دقيقة بس نورا نشوفها ~~ هااا خيرك تحطي في حوايجك
أنا : توا محمد كلمني واضح من صوته معصب وقالي أطلعي أنا قدام الحووش : ( كلمي علااء شوفي شن مقايله : (
رانيا : لالا مستحيل علااء لحظة بس انتي البسي وأنا توا نطلعله هي
أنا : اي قوليله في الحمام شوفي وتطلع
رانيا : بااه
وطلعتله رانيا
رانيا : أحميددة كيف حالك خيرك قاعد برا خش
محمد : ااه رانيا وين داننيييييييا ؟؟
رانيا : خيرك ؟
محمد : ماليكش دخل وينها
رانيا : " وجعتها كلمته " به تمام
وعلي جييت أيمن <3
أيمن : أوو محمد شن الجو خيرك واقف برا خش خش
محمد : أوو أيمن كيف حالك ~~ لالا طالع غير منروح بـ دانيا
ايمن : دانيا بتروح ؟ خيرها مقالتش
رانيا : هيا بروحها متندريش أصلاا
فنص محمد في رانيا ~~ وطلعت أنا
محمد : أركبييي للسيارة أنتي ~~ هي سلاام
أيمن : محمد ! تعالا شن في ؟؟؟
محمد : مافي شئ نبي أختي روحت بيها
أيمن : باهي باه هي سلام
أنا : محمد خيرك : (
محمد : أسكتي خيرلك وتسألي زياادة ماشية لحوش أختك تتمعشقي وتروحي !!!!
أنا : لو سمحت محمد أحترم نفسك ! أنت أكتر واحد تعرفني تقوول هكي !!َ! ونعم الأخووة
محمد : بااكش مش عااجبكك هاتي تليفوونك
أنا : ماليكش دخل فيه لو تبي تسأل أسالني أنا
محمد : متركبيليش الضغط قلتك هااتي يعني هاااتي
أنا : أهواا التليفون ~~ بس صدقني أقسم بالله لو ح تفتحه وتشوفه أنسااني وأنسى أن عندك أخت تماام محمد ؟؟؟
محمد : علاش اديريييييي هكييي أنتييي علاااش حطييت فيك التقه وتخونيي فيهااا 1@#$%#$$$$

ويخبط ع الدومان ومش شايف شئ قدامه
أنا : محمدد أهدأ بالله عليييك شووف الطريقق ركززز محمد محممممد

وبووووم درنا حادت :3

فاقدين الوعي انا وياه ~~

نجوو لي حوشنا #أمي

أتصل بيها شخص من رقمي
ايمان : داانياا وينك لا أتصلتي ولا سألتي
الولد : الو السلام عليكم حاجة صاحبة التليفون مدايرة حادت هيا وشخص معاها في السيارة ونقلناهم للمستشفي وان شاء الله خير
ايمان : وحدة وحدة تي شن تقول أنت؟ في اي مستشفي ؟؟؟؟
الولد : في الـ **
ايمان : قووولي ريحيني حالهم كوووي س؟؟؟؟ حاادت قووي ؟؟؟
الولد : والله ماعارف تعالي ياحاجة
وسكرت ماما وهي تبكي ولبست عبايتها وطلعت ع طول ~~ وصلت للمستشفي وسألت الريسبشن وقالولها أن أنا عندي كسور كبيرة والمرش خش في وجهي : ( وفي العمليات ~~ ومحمد يده انكسرت وعنده جروح ~~ مشت لمحمد لأنه كان مطلعينه برا جبسوله يده بس وعالجو جروحه : ( ~~
ايمان : محمد !! حمد الله ع سلامتك كيف صااار
محمد : "وخانقاته العبرة " دانياا شن صارلها وينهاااا
ايمان : " بدت تبكي هلباا "
محمد : مااتتت ؟؟؟؟؟؟؟؟؟؟؟ تكلممييي يااامييي
ايمان : لالالالالا متقووولش هكي بس في العملياات
محمد : علااش شن صارلها كله منييي
ايمان : عندها كسور كبيرة والمرش خش فيها
محمد : لا اله الا الله ~~ كله منييي
ايمان : شن صار ؟؟
محمد : مش عاارف أمي بري أسألي الدكتور شوفييهم شن صاار
ايمان : به

مشت ماما سألت الممرضة قتلها مزال ~~ مرت 3 ساعات نحو فيها المرش ~~ وركبولي بلاتين لي رجلي ويدي : ( ~~ وطلعوني للغرفه وطبعا أنا قاعدة تحت تأتير المخدر مش حاسة بـ شئ ~~ محمد تأتر هلبااا بـ اللي صار من جهة كان متعارك مع خطيبته ومن جهة كان متوقع اني مدايرة علاقة مع علاء وديما نمشي لـ حوش رانيا باش نشوفه ~~ كلمت أمي رانيا جت وكانت مدايرة حاله ~~ جي وليد -_- ~~ وعلاء ~~ وشوي شوي بديت نفيق لقيت ممرضة فوقي
الممرضة : الحمد الله ع سلامتك متعبيش نفسك بالكلام خليك ساكته ومرتاحة <3
أنا بديت نشووف في روحي يدي مجبسة ! رجلي مجبسة ! الحمد الله جت في هكي بس الحمد الله ياربي الحمد الله الحادت كان قوي هلبااا ~~ حسيت كأن في شئ في وجهي لصقت جرح أو شئ مدورتش ~~
ايمان : لوو سمحت دكتور بالله عليك خليني نشووفهااا ولو من بعيد بنتي هاادي : (
الدكتور : 5 دقائق بس ومتكتريش كلام كيف طالعة من عملية هيا رجلها ويدها مش #ساهل
ايمان : تماام

خشت عليا ماما أول ماشفتها قعدت نبكي بقووة وهيا تبكي هلبا وجت باستني وتضبط فيا : ( موووقف :\ مؤتر هلباا
ايمان : الحمد الله ع سلامتك تحسي بـ شئئ ؟؟ يوجع فيك شئ ؟؟
أنا : " ودوب مانتكلم " محمد ؟؟ كيف حاله شن صارله
ايمان : بـ خير يسأل عليك
الممرضة : لو سمحتي خلي المريضة ترتاح
ايمان : هي أنا طالعة توا <3
أنا أكتفيت بأبتسامة خفيفة لأن مش قادرة نتكلم ولو تكلمت بصعوبة : (
وجعتني روحي مش واجعني الكسور ولا يلي صارلي لالالاالا كله يتعوض وكله يرجع زي قبل بس #التقه عمرها ماتولي زي قبل خدلني بشكه ليا أخر شخص نتوقعه ممكن يقول هكيي ماعلينا ممهما كان هوا خوي الوحيد ~~ وخشيت في سباات عميق ~~

ايمان : " كانت منهارة " ووه علي بنتييي رجلهاا كلهااا مجبسة يدهااا كلها مجبسة وجهاا كله جروووح ~~ ياناري علي وليديييي : ( ياارب أشفيهم ياارب
رانيا : وهي تبكي " امين ياارب ~~ علاء تعالا شوي
علاء : نعمم؟؟
رانيا : أنت شن قلت لي محمد !!
علاء : ماقتله شئ قتله طالب اختك بالحلال بس
رانيا : باهي بااه
علاء : علااش ؟؟؟
رانيا : شئ
علاء : راانيااا !! تكلمي
رانيا : وحكتله الي صار
علاء : يعني بسببي !!! بعد ماكلمته اناااا
رانيا : الله وأعلم ممكن صاير شئ تاني
علاء : ان شاء الله خير
رانيا : علاء روح أحسن ممكن يشوفك ويشك تاني فكنا منه
علاء : باهي به نبيش نسبب مشاكل هي سلاام
أيمن : رانيا خلااص بطلي بكى مش ح يفيدك شئ ولا نروو بيك وأنتي أختااري
رانيا :لا خلااص بس مش بيدي أيمن أختي وخووي قبل ساعات قدامي ومافيهم شئئئئ
أيمن : قضاء وقدر لا أعتراض علي حكمته هي خلاص

مر الوقت وروجت رانيا وايمن ووليد أما أمي قعدت مع محمد ~~ وجي تااني يوووم

يتبع ..

تاق لأصدائكم :*

الحلقة 11 من قصة " أسيل " :

الدكتور : صباح الخير محمد كيف حالك اليوم تحس بـ شئ ؟
محمد : صباح النور ~~ لا الحمد الله ~~ بس منسألك علي أختي
الدكتور : لحد توا ماشفتها توا كيف جيت وخشيتلك انت أول واحد
محمد : به شن صار معاها امس حالها كوويس ؟؟
الدكتور : به استني توا نمشي نشوفها
محمد : نقدر نشوفهاا ؟؟
الدكتور :لا
محمد: تي هيا يا راجل 5 دقائق بس
الدكتور : هوا ممنوع بس نقدر لحظة نجيبلك الكرسي
محمد : تي لالا نقدر نمشي بروحي
الدكتور : تي لا ماتقدرش رجلك مجرووحة ومخيطة
محمد : تي نقدر هي ساعدني شوية بس
الدكتور : عناد بككل -_- هي بشوية
وطلعو محمد والدكتور وأمي طلعت الصبح بكري تجيب في حاجات لينا

~~
أنا كنت فايقة بس مسكرة عيوني ~~ خشو عليا الدكتور ومحمد
محمد : خليني بروحي معاها
الدكتور : تماام
محمد : دانيا فايقة ؟؟
أنا أول ماسمعت صوته قعدت نبكي لا أرادياً فتحت وشوفته : ( يده مجبسة ورجله مش قادر يمشي عليها
محمد : اسسسس ماتبكيشششش دانياا سامحني كله منييي سامحيني أنا خليتك هكييي بسببييي أنااا
أنا : " وخانقتني العبرة" محمد متقولشش هكيي ربي كاتبلنا هكي

قعد يمسحلي في دموعي وباسني ع راسي
محمد : يوجع فيك شئ ؟؟؟
أنا : الحمد الله
محمد : أحتمال اليوم نطلعوووو توا نشوف ونرفعك نعالجك برا لين تولي زي قبل وأحسن
أنا : لالا أنا بخير الحمد الله أنت كيف حاللك
محمد : أنا مصارلي شئ أنتي يلي أضررتي دانيا سامحيني : (
أنا : مسامحتك وخيي وحق ربييي خلااص معاش تتأسف
الدكتور : هي ممحمد خلاص
محمد : تماام هي انا طالع وطمني عليها دكتور
الدكتور : ان شاء الله
طلع محمد ومشي لغرفته ~~ وجاه وليد وجت أمي وجابتلي تليفوني فتحته مالقيتش ولا أتصال ولا شئ لا من الاء ولا خديجة ولا صاحباتي التانيات ~~ بعد شوي خشت عليا خالتي وولدها
زهرة " خالتي " : دنوو حبيبتي الحمد الله ع سلامتك ان شاء الله هادا حد السو
أنا : الله يسلمك خالتي
معاد " ولد خالتي " : الحمد الله ع سلامتك كيف حالك توا
انا : سلمك ~~ الحمد الله بخير
معاد : هي امي انا برا عند محمد هي سلام وبالشفاء ان شاء الله
أنا : تسلم
وقعدت تهدرز مع امي وانا شادة تليفوني بعتت مسج لي الاء " صاحبتك فريب ماتت وانتي متصلتيش حتي سألتي ~~ من قبل كل ساعة تتصلي ~~ " مر شوية وقت وجاني تم التسليم ومردتش عليا تأترت هلبا وقعدت نبكي علي حالي ورجلي توجع فيا من جهة وشفت وجهي وربعه مخيط ويدي حتي هيا توجع : ( الحمد الله ع كل حال
أانا : أمييي هيا أمتي بيديرو ورقة الخرووج نبي نطلع
ايمان : اي نسيييت ~~ خليك حتي اليوم أنتي ومحمد يطلع
أنا : تي لالا مافيش ليها داعي والله كووويسة
ايمان : به توا نمشي نشوف محمد
أنا : تماام

مشت أمي من هنا ورن التليفون من هنااا ولقيته الاء مابيتش أنرد طبعاً رنت تاني رديت عليها
الاء : دنووو خيررررررررك شن قريب نموت واشبح شنو
أنا : انا يافالحة أمس درت حادت ورجلي تكسرت ويدي تسكرت وجهي ربعه مخيط وانتي لا أتصلتي ولا شئ ولا عبرتي لو سألتي عليا راه عرفتي
الاء : حييي دااانيااااااااااااااا شن تقوولي أنتي وكيف حاللك توااا كووويسسة ؟؟؟؟
أنا :الحمد الله كويسة
الاء : والله ماسمعت باهي وتوا بس كيف شديت تليفوني كان عند بنت أختي تلعب بيه وتوا كيف جتني وشفت الرسالة هيا شافتها ومقالتليش : ( والله
انا : باااااااااه
الاء : تي ككيفف صاار
أنا : تبي تقعميزة هادي تعاليلي
الاء : شن قصتك أنتي والمستشفيات
أنا : قصة عشق =
الاء : واضح كل شهر وانتي فيها
أنا : الحمد الله
الاء : ان شاء الله هادا حد السو وان شاء الله تووولي زي قبل واحسن
انا : ان شاء الله بس تعرفي
الاء : ها
أنا : فيها جوو راه لما تكوني مريضة وكلهم يبو راحتك وماشيين جايين يزورو فيك شعووور مليح =D
الاء : هههههههه فيها جوو صار حييي مسألتكش أنتي ومنو درتي الحادت ؟؟ أمك ؟؟
أنا : لا محمد : (
الاء : ناااعلياا وشن صارله
أنا : حقيرة من يومك يده نكسرت ورجله نفتحت وفيه شوية جروح
الاء : ووه عليااا = الغالي
أنا : تافههااا وحمارة زيادة
الاء : هههه زيك وحق ربي هي توا سلام أرتااحي بااهي
أنا : بااه سلام ^^

سكرت وفرحت بمكالمتها ضلمتها هههـ مسكينة ^^ وجت ماما ودارتلي وراقي الخروج <3 وطلعت انا ومحمد وروحنا للحوش وجت رانيا غادي
وغير شن تبي يادانيا محمد طالع خاش يكركر في الشكاليط والبيرنقلز وكل شئ نحبه مش قتلكم فيها جووو ~~
رانيا : علاء يسأل عليك وقريب يهبل عليك
انا : اراه في قرقارش -_- كرهته
رانيا :معاش تقولي هكي وانتي ديما تحكمي ع الناس قبل ماتعرفي شن صاير
انا : باااااااه
رانيا : حي تليفوني يشرين ~~ نورا ... اهلا نورا كيف حالك
علاء : تي عطيهالي نورا في حناك
رانيا : ااححمم اهيا بحداي كويسة بخير كيف حال الصغار
علاء : مركك -_- تي هاتيها
رانيا : اه هي بسلامة خوديها هي
علاء : واخيرا ياشيخة -_-
أنا : الو نورا كف حالك
علاء : دانيا <3 كيف حاالك
أنا: فنصت في رانيا وطلعت هربت وسكرت الباب "
ااااااه علاااء اااا الحمد الله
علاء : نشغلت علييك يوجع فييك شئ ؟؟
أنا : لا الحمد الله كويسة
علاء : به كووويس ان شاء الله ماتشوفي شئ
أنا : تسلم
علاء : هي سلام دانيا وديري بالك ع روحك
أنا : ان شاء الله سلام
وسكرت منه ولو نقدر أنوض نقتل فرخة رانيا راهوو نضت
انا : رااااااااانياا ياااااااااااااا#$%^&
رانيا : اشهد ان لا الله الا الله واشهد أن محمد عبده ورسوله"
ووه عليااا
أنا : تعالي تعالي
رانيا : ههههه نعمممم
أنا : شن يلي درتيه توااا موقف بايخ رااه
رانيا : تي نفخلي راسي من الصبح يبي يكلمك ومايبيش ياخد رقمك أحترت معااه ولو منقولك عارفة ح تقولي لا
أنا : به بما أن أنك عارفتيني ح نقول لا مفروض قلتيله لا من الأول
رانيا : خلاص موضوع فات هي أنا اصلا منرووح
أنا : بتجي غدوة ولا ؟
رانيا : ايي أكيد انشاء الله
أنا : تماام حتي الاء بتجي نهيجو =D
رانيا : في عينك
أنا : _
روحت رانيا وكسدت امي رقدت ومحمد مع صحابه وأنا مافيش حل قدامي الا النوم : ( ~~

يتبع ..