رانية دارت يدها فوق يدو : راني قابلة نكملو حياتنا مع بعض بصح بشرط راح تبعد على السلاح و لوكان غلطة وحدة منتفاهموش
معاذ:عادي عادي المهم تولي معايا .. نحبك رانية نحبكك .. عندي عامين بعدت على كلش على جالك نتي ..  كنت حاسبك رحتي خلاص .. رانية: سلكني ربي الخطرة ليفاتت .. من اعمالك هذيك اما الخطرة الجاية منظمنلكش ..
معاذ:وعد وعد راح نبعد
رانية:توحشتكك
معاذ : و انا اكثرر يا حبيبتي و حكمها عنقها
رانية:معاذ
معاذ:عيونو
الجفاف العاطفي ⁦↖️⁩⁦↖️⁩⁦↖️⁩⁦↖️⁩
رانية:حابة نديك نوريلك حاجة
معاذ:ايه وين راهي
رانية: مفتاح طونوبيلك قبل
معاذ:واش دايري بيهم
رانية: نديك لوحد البلاصة هياا
معاذ:اوك هاكي 🔑🔑
رانية مارسيي اركب .. ركبت هي تسوق و هو معاه حتى وصلت لبلاصة شابةة فيها جوغ جنينة .. و قدامها روضة اطفال
رانية:اهبط
معاذ:وين
رانية:ياك اهبط .. هبط معاه دخل للروضة وين كانو ذراري صغار يلعبو و كل واحد فواش لاهي دخلت هي مباشرة لمكتب المديرة
المديرة:ااا مدام رانية مرحبا بيك شرفتينا
رانية: مارسي جيت نسقسيكم على أيمن .. هنا خزر فيها معاذ و كان يحاول يفهم هاذ الإسم اسم باباه لي كان حاب يسمي وليدو بيه
المديرة:راه هايل و عاقلل
رانية:معليش تجيلوهلي نسحقو
المديرة:طبعا
معاذ:رانية سيتوبلي فهميني شكون أيمن هذا .. هي قبل ما تهدر سمعو حس
أيمن: ماماااااااااا
رانية:حبيبييي جيتت قريت مليح
أيمن :وي قرينا ليزالفابي توداي
رانية :يا يماا على وليدي الشاطر
معاذ:رانيةة دوختيني الله يسترك شكون هذا
أيمن:نتا لي شكون باش تحكي مع ماماتي هكا
معاذ:ههه صارر ماماك
رانية:ههه أيمن هذا باباك
أيمن:بابااا 🤨🤨
معاذ:كيفاهه
أيمن :بصح نتي قتيلي بلي بابا راه مشغولل
رانية:ايه كان مريض مسكين شوف برا و جا عندنا دوك ميخليناش صح
معاذ: ا ا وي صحح .. رانية معليش نحكي معاك
رانية:وشنو
معاذ :هذا هذا
رانية:ههه وي وليدنا ماماتش بسبة نور سلكاتوو
معاذ:ههه و سميتيه أيمن .. حكمها عنقها و بقا يشم فريحتها
أيمن: منيش حاب نقراا انا
المديرة:واش حاب تدير ماماك .. توحشات جات تشوفك .. مشي تديك
أيمن:نتي متفهميش راني نقولك بابا جا مع ماما نروح معاه
المديرة:واش من باباك وين راه
معاذ:علاش معجبتكش
المديرة:بصح ماشي ماشي
رانية:حكاية طويلة المهم وجدي أيمن نديوه معانا
أيمن : شاححح 😛😛
معاذ: 😅😅 ربيتيه زين
رانية:واش قصدك 😒😒
معاذ:والو والو حبي
----------------------------- فجهة قانية كانت كل العائلة مجتمعة تستنى فميليسا تجي
ميليسا:سلامم ههه قاع متشوقين تعرفو ايهيه.. قعدت .. بسم الله دوك نفهمكم
. كلنا نعرفو قصة عمتو مع عمو فارس .. و إياد ثان ..  ايا قرر يعاود لإياد و نورسين .. نفس الشي بمعنى ثاني .. حب يخلفهالك فكبدتك .. علبالو بلي الأم تستغنى على روحها .. و مشي وليدها .. ايا راح خيب الطفل هذاك لي اسمو كيما هو .. و عاودلو لعبة عماد .. بحيث خلانا كلنا نشكو انو عماد .. راه يتواصل مع عباد من داخل السجن .. بصح لو انو ركزنا مليح .. كنا لاحظنا انو مشي عينهم فنور .. بل فنورسين لي بعدها هي .. هربت عند نرمين .. و مع ذلك بقاو يراقبو كل واحد فينا .. انا كنت عارفة نورسين وين .. لكن كنت ملاحظة انو كل بحث المافيا .. هذوك هو نورسين وين راهي .. حبو يحرق قلب إياد اكثر و بعدها يدمرو كل العائلة .. و يقول لفارس كيما بعدت عليا نور نبعد على وليدك مرتو .. و انا كتاشفت .. بسبب اني كنت بيراطيت كلش.. و فقت انو يحوسو على نورسين .. وقت ركزت .. لقيت انو بدلونا الحراس  تاوعنا .. و كلهم عندهم 2 بلوتوث .. واحد متصل بالمركز .. و واحد لالا ايا انا كنت مخبية نورسين .. لولا الحابس تاع منصف .. لي ضرب نرمين بالطونوبيل .. ايا كنا محبورين نروحو لباريس .. بوجوه مزيفة .. و نتخباو بعدها حبو يقتلونا .. و هددو نورسين لي راحت .. و لقاتو إياد .. و طلب منها تقولهم بلي لي فكرشها ..  وليد اليكساندر .. حنا درنالها بلوتوث .. فيدها باش نلقاوها بصح هي مابوياتش عليه .. حتى على 3 اشهر .. و هذيك منعرف علاه هنا تفهمكم هي ..
نورسين : لانو كي داوني غمضولي عينييا .. و كانو يخليوني 5 ايام .. و يبدلولي البلاصة .. باش يشوفو اذا كان حاجة تبين ولا لالا .. و انا سمعت الحراس ..  يحكو بالغلطة .. و بعد ما لقاوكم .. غير تحوسو .. و تقولو مكاش اثر مني .. داوني وين لقيتوني .. و 15 يوم مبدلوليش البلاصة و بداو يجهزو فامور الحفلة .. ايا انا استغليت الفرصة و اضغطت
ميليسا: و هاهي الحكاية
منصف: و بما انو فهمنا كلش معليش .. برك نقوللكم بلي قررنا عرسنا على شهر و نص
ماريا: و راه يقولي قررنا .. مشي يسقسي .. يا ربي الطفل هذا راح يجيب اخرتي .. يا ربي صبرني راح نهبل ..
نور:هههه هو كل كل دار كلش .. بلا ما يخبرنا .. واش مزال يسقسي .. كيما تحب .. شغلك
امجد: ايه مال نبداو نوجدو ..
نور:ههه وي هكاك
-------------------------------
اما معاذ و رانية و أيمن ..  راحو حوسو كلاو استمتعو .. اول يوم مع بعض .. كلهم فرحانين و اخيرا .. بعد كلش راح يجينا فرح
معاذ:رانية نور خبرتني انو هي وقت .. نجتامعو تفهمنا كل الحكاية
رانية:مكلهه سيتوبلي ياك فتحنا صفحة جديدة .. خلينا ننساو الماضي .. حكملها يديها باسهم و باس راسها
معاذ:كيما تحب ماي كوين 
أيمن:باباتيي بصح دوك تروح معانا لدارنا
معاذ:ههه نو نتوما تجو معايا لدارنا 
أيمن:دار جديدة
معاذ :ويي
رانية:ااا و تفكرت أيمن راه مكتوب على اسمي .. غدوة ادييه و قدمو طلب للمحكمة .. باش يديرولكم الفحص و يحطوه على اسمك ..
معاذ:اوك حبيبتي دوك علبالك وين نروحوو
أيمن :وينن
معاذ: نخيروو شمبرة لأمونيي
أيمن:يااا صح هياا بصح بابا وريلي وين تخدم قبل .. معاذ ظا أيمن للشركة تاعو لي طاية فهذيك المنطقة
أيمن:ياا شحال كبيرة تخدم هنا
معاذ:هههه لالا هاذي تاعي قاع انا المدير
أيمن:يا صححح شما تشريلي واش نحب
رانية:شو شو المصلحجي اسكت
معاذ:ياك باباه مشي الناس ايه نشري لوليدي واش يحب .مديرش على ماماك .. راح معاهم للمول وين يييعو القش خيرو شومبرا لأيمن و شومبرا ليهم و راح يكملو يدورو .. و شراو للأيمن العاب و حوايج لي يحبهم .. بعدها راحو للدار لقاو الخدامة لابسة روبة المعري كثر من المغطي ..
رانية:واش هذيي و دارتلها بيدها
معاذ:سلشبيل شحال من خطرة قتلك اللبسة هذي نحيها
رانية :كيما قالك زيدي البسي هكا .. تلقاي روحك برا فهمتي
معاذ:طاطا فتيحة
فتيحة:مرحبا بوليدي مرحبا ااا جبت معاك ضياف هما لي راح يبقاو هنا مال
معاذ:هههه نو مشي ضياف مرتي رانية و ولدي أيمن
سلسبيل :كيفاش 😒😒 كشي مرتك ميتة
رانية:جيت مالقبر يخي حالة يخي
أيمن:باباا انا جعت
معاذ : ههه ايا نديك نوريلك شومبرتك دوش و بدل و هبط تاكل .. رفدو داه لشمبرة اللولة
معاذ:هاذي شمبرتي انا و ماماك
أيمن:ياا ماما شوفي شابة .. قربت رانية لوذنو :معاذ نرقدد كيف كيف
معاذ:ههه هاو مال باش نفكرك راكي مرتي متطلقناش ولا غير نسقملك وراقك لي راكي فيهم ميتة وخلاص
رانية:امم اوك 😳😳
معاذ: ايا نروحو لشمبرة أموني .. داه وراهالو
أيمن:يا عمرييي تهبللل عجبتنيي بزافف
معاذ:صحح ايا دوك تديك الخدامة تدوشلك و تلبسلك ياك
أيمن:نو متدوشليش الخدامة تدوشلي ماما
معاذ:ايه اوك ههه مال هكك نطولو على العشا خاطر حتى هي دوش موراك ... راحت رانية بدلت لأيمن لبستلو من واش شراولو و دارتلو ميكي يتفرج بيد ما تكمل هي .. راحت عند معاذ لقاتو متكسل .. قربت ليه شوية حسباتو راقد .. مساتو فخدو و يقلبها ولات تحتو ..
رانية: اا ههه معاذ نوض
معاذ:اليوم نخلف الجديد و القديم
رانية:اممم انشالله
قرب لها باسها من فمها طلقها بسيف .. و ناض رفد داها لدوش دوشلها .. حتى بدات تروحلها الحشمة .. و تفكرت كيفاش كانت معاه .. دوشتلو هي لبسو و هبطو للكوزينة .. و أيمن كان ثما بدا ياكل ..
رانية: لي يشوفك يقول خليناك للشر .. و نتا مصباح تاكل .. دوك تسمان تولي متعجبش هند
أيمن :ااا ماما غير هند لالا .. نعطبها بسيف عليها ..
رانية:باباك وخلاص
-------------------------------- بعد مرور شهر و 10 ايام
كلهم لاهيين مع العرس و اليوم نتائج الباك أمير و ميليسا خايفين كل واحد خايف على لوخر كثر من روحو و العائلة قاع خايفة على أمير و تكوراجي فيه و ميليسا غير أمير لي معاها
...

الحلقة الجاية انشالله احبائي واش رايكم .... القصة مبقالهاش .. زعما ينجحو 😁🤨😛

راح نطول شوية باش نحط باش نركز خاطر مبقاش للنهاية