هاذ الليلة واحد ما رقد إياد يخمم مصيرو مع نورسين بعدما تأكد بلي يحبها و نورسين تخمم فيه و تخمم لا تنساه ولا نو رؤوف يخمم فطفلة لي راح يشوفها و اخيرا كي يولي لدزاير نهى تخمم فالكساندر لي عارفة بلي واحد مايقبل تزوج بيه على خاطر مسيحي و زيد حرام  و نور تخمم باش تكون مريضة اما ماريا تخمم فنفس الشيي خافت يفقدوها رقد غير فارس و امجد و شهاب مالفرحة تاعهم و نولي لأمير و ميليسا

ميليسا وجدت كلش 

امير=منين جبتي هادو 

ميليسا= بابا دايمن يشريلنا سبيسيال للفيلم

امير=ااا اوك معليش فيلم رعب 

ميليسا =ايه باين 

امير=متخافيش 

ميليسا =نو 

بقاو يتفرجو و ياكلو و ميليسا خطرة على خطرة تتخبا عند امير 

امير=مشي متخافيش 

ميليسا =نتا ديرلنا هذا و قولي متخافيش 

امير=نحيه

ميليسا =وي بدل دير رومانسي

دارو رومانسي و يتفرجو و هي تضحك وحدها كي البهلولة و تهدر مع الممثلين 

امير=فكرتيني بابا كي يشوف الماتش 

ميليسا=هههه ليك الرومانسية ليك مشي كيما نتوما شعب بدون احساس 

كي دارو لتيفي لقاوهم يتباوسو 

امير=هههه هادي انا شابعها

ميليسا=ايه مليح بصحتك ميليسا حست بالغيرة لي عندها سنين مبانتش فقلبها و بقاو يتبهلو وحدهم و امير ساهي فزينها يحس غير بقلبو كيفاه يخبط حتى لقاه رقدت معوجة فوق كتفة سقمها باش متنضرش دارلها راسها فوق حجرو و بقا يلعب بشعرها حتى رقدو 

ناضت سهيلة بكري تشوفهم وش يديرو لقاتهم هكاك صحكت

سهيلة =علاه قلبي يقولي نتوما مكتبين لبعضاكم 

و راحت خلاتهم فصالو علابالها سهرو 

____عند امير____

فطنت لقيتها راقدة فحجري بقيت نخزر فوجها براءة مشفتهاش فوخدوخرا حسيت بشعور جامي حسيتو مقبل زعما هذا هو الحب لي حكاتلنا عليك ماما لااا بركا ما تخرف وحدك 

امير=ميليسا ميليسا ميمي 

ميليسا=اممم

امير=نوضي دوك تجي ماني 

ميليسا=امييير خليني

امير=ايه اقعدي هكا تجي ماني تزوجنا ديراكت فتحت عينيها و ميليسا هكا دايرة لازم تفطن بيا باش تنوض قاع صابتو مقابلها و هي راقدة فحجرو ولات حمرة طوماطيشة و ناضت تكركر فروحها سمعت لاصونات راحت تفتح باب حتى راح يجري دار يدو فرقبتها و دورها منا طريق انا نفتح 

ميليسا=نو خلي نفتح يكون اسامة

امير=اسامة؟؟؟

ميليسا=وي نخرجو اليوم باش يستغل الفرصة يعترف لهدى

امير= معليش اطلعي انا نفتحلو 

ميليسا=بفف اوك ميليسا طلعت تبدل حوايجها لقات حوايجها قاع بالحمر فهمت وش قصدو امير ماتت بالحشمة كيفاه تخزر فيه مور هاد الشي

هبطت طوماطيشة ضحك امير على الجنب 

امير=امم معليش نجب معاكم نكره وحدي فالدار

راحت تنطق ميليسا تقولو نو و قاع 

اسامة=مرحبا بيك اصلا هكاك خير باش منخلوش ميليسا وحدها

راح لبس و سقم روحو الله الله و هبط 

اسامة=وين دارها 

راحت ميليسا تمشي بسيف حاسمة من اميرحتى قرب عندها

امير=متحشميش نورمال مفيها شي راني وليد عمتك 

ميليسا=كومام عيب 

امير=هيا متخسريناش الخرجة هاه هاي تعيط عمتك الشابة 

امير= وي ماما

نور=صافا وليدي راكو ملاح 

امير=ايه حمدالله 

نور=راك برا

امير= ايه خرجت مع ميليسا و ليزامي نجوزو نهار

نور=ايا اوك بالاك على بنت خالك

امير=بلا ما توصي 

راحو للمول يدورو و يتبهلو حتى امير غمز لميليسا تاع خليهم وحدهم

امير=ميليسا ارواحيييي 

راحت معاه تجري و يعسو فيهم مالبعيد 

امير=هيا ندورو نبقاو هنا راحو يدورو حتى يشوف ميليسا شهقت و راحت تجري و سوطات على واحد

_عند امير___

لالا هادي هابة تهبلني كيفاه سوطات عليه و هو فرحان و يضحكو 

حتى رحت عندهم

امير=ميمي وش كاين 

حسام=وش صاحبي نسيتني

امير=ااا حسام 

بون امير و ميليسا قراو كيف كيف ليسي و كانو امي و حسام معاهم فهمتو كي كبرو تفارقو و هكا 

تعانقو و بقاو يقسرو 

منكذبش منكذبش هاد المرة نعترف ويي غرت عليها من حسام 

_________عند نور________

فارس=نور عيطي سقسيتي 

نور=ايه عيطت لامير قالك خرج مع ميليسا و جماعتهم يجوزو لاجوغني

ابتهال و اسلام=وشنننن

نور=وشن معجبكمش وليدي ولا كيفاه

ابتهال=لالا برك وش من إعجاز صرا ميليسا متتفاهمش مع امير و تضل تهدر فيه 

فارس=صار هكا تهدرلي فوليدي 

اسلام=شوف وليدك وش دارلها هي مشي مهبولة

ماريا=ههه هيا نروحو نور

امجد=وين بيها 

نور=خارجة مع مرت خويا و نتا علاه 

ابتهال=و انا منجيش 

اسلام=نو نتي عندك خرجة معايا

راحت نور و ماريا و شكرو ربي لي سلكهم اسلام خاطر علبالهم بلd تقول تقول لراجلها و تصرا حالة راحو ماريا دارت لزاناليز لنور و قالتلها امبوسيبل يخرجو اليوم حتى لغد منداك

نور=بصح غدوة نروحو كيفاه ندير

ماريا=يخرجو بكري جوايه 7 و حنا نروحو 13 نورمال

نور=اااا اوك تعرفي اليوم فهمت نهار واحد الطبيب قالي يا بنتي الطبيب فمرضو ينسا خدمتو  او ولاو للدار معرفو وش يديرو و يوجدو فدوزانهم 

عند ريناس

ريناس=زاكيييي

زاكي =الو وشبيك تعيطي على الدخلة 

ريناس=ارواح اديني تغميت هنا 

زاكي =هاني جاي 

ريناس=اوك 

راحت لبست او وجدت روحها و قاع مي جوغ لبسة شوية معرية كي لحق عيطلها خرجت 

ريناس=هاني جيت

زاكي =وين جيت

ريناس =نروحو

زاكي = روحي بدلي حوايجك 

ريناس=علاه نبدلهم شابين

زاكي=تتمسخري بيا مضاري تخرجي هكا 

ريناس=ايه علاه 

زاكي=روحي بدلي منزيدش نصيبك لابسة هكا 

ريناس=و نتا وش دخلك فيا وش تكون 

زاكي=وش نكوون انا والو نسيت سمحيلي و قلع طونوبيل 

ريناس=اوك و جبدت الغوجالاف و هو بدا يتقلق خلاصص 

زاكي =وش ديري 

ريناس=جيت بلخف مكفانيش الوقت 

زاكي= مديريش هذا حبا يشوفوك بيه برا مكفاتش لبستك هاذي 

ريناس=زاكيي للمرة 1000 وش دخلك فيا ندير منديرش نلبس منلبسش 

زاكي =اوك اوك بصح متكتريش 

راحو للبارك يدورو و يتبهلو حتى شاف واحد يبسبسلها 

راح عندو 

زاكي=واش نجيبلك نومروها 

****=....... جيبهالي انا ندبر راسي 

و ضرب ببونية رعفو راحت جبداتو ريناس حتى جرها موراه و ناس قاع تخزر ركبها فطونوبيل 

ريناس=علاه درتلو هكاك يا زاكي موالفهم كلاب كي يعيا يسكت 

زاكي ضرب الفولون و زيد موالفة وش حابة ندبر فيك اهه

ريناس=زاكي وش دخلك للمرة 7000 

زاكي بالعياط=خاطر نحبك متفهميش خاطررررر نحبك نموت عليك منهار لي نزدتي فيه حبيتك من نهار لي شفتك كنتي بيبي حبيتك و نحبك و نبقا نحبك حتى اذا متحبينيش ميهمش 

ريناس=نحبك و نعشقك 

هنا عنقها حتى خزر فيها ز جبدها ليها باسها ملفمها متلقهاش 

_____________________________________

هلووو قايز بون جماعة راح نكملها طبعا بصح قادر منكتبش وحد 3ايام و نولي انشالله و نتمنى تفرحوني فكرونيك "حمل كبير على كتفي " 

راح اسامة جا حسام وش رايكم زعما حسام يحب ميليسا ؟؟؟