امجد=نوررر افطني شو يا الخرا حبسي التبهليل راكي كبيرة دوكا حبسي جياحتتك

اسلام=معليش كاش واحد يفهمني واش كاين فارس اهدر وشبيك

حتى رفدها امجد و طلعها للشمبرة تاع الاوتال خاطر الحفلة فاوتال 

امجد =برا قاع برا خلوها معايا

اسلام=على وش صفتك 

امجد=اسلاماخرج عليا برا همي كافيني

هنا فارس جبدو و خرجو برا

فارس=مشي من حقي نقولك اصبر 

امجد=نوني افطني  

نور=امج ام امجد هذا نتا ياك

امجد=ايه انا يا عينين امجد نوضي برك راكي مليحة

نور عنقاتو ديراكت و بقات تبكي بصوت مسموع 

معد بعداتو شوية و بقات تضرب على صدرو 

نور=علاه رحت علاه علاهههه علاه خليتني وحدي ياك وعدتني نبقاو كيف كيف حتى نكبرو و نشيخو علاه رحت علبالك ماما شحال بكات ولا لالا علبالك بلي بابا مرض بالسكر علاه هربت

امجد=اششت  خلاص نور سيتوبلي ختي سمحيلي غلطت و معرفتش كيفاش نطلب سماح مقدرتش نشوف فوجهكم و خصوصا بابا تبرا مني 

نور=لالا متبراش قالها هكاك مالتقلاق علاه رحت نتا 

flash back=

جات طفلة للدار تبان 17 سنة هكاك مع باباها تبكي 

شهاب=وي مسيو غير الخير

الراجل=وش من خير مع وليدك اه وش من خير 

شهاب=غير الخير وش كاين

الراجل=بنتي حامل من وليدك وش من خير اهه

شهاب=وشن امبوسيبل ميديرهاش امجد 

الراجل=ههه مال سقسيه و هاي ليكم انا منسحقها لا اليوم لا غدوة  و رما بنتو و راح 

شهاب=امجد عيطيلو عيطيلو

كي جا امجد

شهاب= هاذي شكون تعرفها

امجد=اه وش ديري هنا 

ماريا=وش ندير هنا اه وش ندير هنا هههههههه

شهاب=تعرفها مال نتا غلطت بصح الطفل لي فكرشها وش ذنبو قولي

امجد =وشن و انتوما محسوب تكذب والله غير تكذب 

شهاب=يا تصلح غلطتك يا ماراك وليدي ماني وليدك 

امجد=على جال هادي تقولي هكا متسواش ميمبا

شهاب ضربو كف

شهاب=يا خسارة تربيتي فيك يا خسارة اخرج ملداري اخرج 

امجد =وشن محسوب هي تبقا و انا نخرج 

شهاب=ايه مجبور نصحح غلطتك انا 

امجد=كي هكا لا انا لا هي

و جرجرها موراه ركبها فالطونوبيل و راحو 

end flash back 

نور=وين وين راهي

امجد =شكون

نور=ماريا ياك مقتلتهاش ولا

امجد=امم  فالصح قتلتها و رميتها و حمدالله

نور=وشن بعد بعد عليا امجد هبلت

امجد=هههه وشبي جدك راهي فالدار راقدة ولا تتفرج فتيفي 

نور=كيفاه

امجد=هههه بهلولة والله انا وليت نحب ماريا و تزوجنا و دوك عندنا 5 دراري منهم رؤوف و نهى لي جاو اليوم 

نور=و و 

امجد =وشن البيبي 

نور=ايه

امجد= طرحاتو 

نور=ااا و مور ما تزوجتو ولا قبل 

امجد =اوههه نور كاش نهار نحكيلك كلش حقا شكون هذاك لي يعيطولو ولادك خالو بدلتيني مصبح يعيط عند راصي صدعني

نور=هههه مبدلتكش كيما نتا كيما هو 

امجد=!!!!!!

نور=هذاك اسلام خونا 

امجد=اصبري اصبري بلعقل مشي مات

نور=نو توفيق خطفو و رباه كي كبرنا انا هربت 

امجد = و هربتي 

نور=ايه معد نحكيلك و تلاقينا 

امجد =اووو كلب و بابا مجاش للحفلة 

نور=سيي قالنا نجي روتار برك باش ميقعدش بزاف 

امجد=صحا متعرفينيش على خويا و ولادكم 

نور=ههه اوك دخلهم والله ما قادرة نبوجي درتلي صدمة

امجد فتح الباب لقا باباه عند وجهو 

شهاب=ا ا امجد وش دير هنا

نور=بابا ادخل بليزز مشي برا 

شهاب= نتا وش دير هنا 

نور=بابا 

شهاب= هاني دخلت اهدرو قالولي بلي عييتي جابوك هنا هو وش يدير هنا 

نور=تلاقينا صدفة بسبة نورسين بنت اسلام تلاقات بوليدو 

شهاب=وليدو و تزوجت شكون هاذي لي قبلت بيك 

نور و امجد=ماريا 

شهاب=اهههههه كيفاه كيفاه قبلت ماريا راك مزوج بماريا متقوليش هذا وليدك هو 

امجد=نو هذاك الله يرحمو دوك عندي 5 دراري معاها قاع فالحلال

اسلام=بابا نورمشي من حقي نفهم 

امجد بدون سابق انذار عنقوخاطرو خوه الصغير 

اسلام=وش وشن وش كاين 

شهاب=تتفكر نهار لقيت تصويرة نور و نتا و واحد كي كنتو صغار

اسلام=ايه و كي سقسسيتك قتلي متحوسش واحد كنا نعرفوه 

امجد=صح يعني صح تبريت مني و جا خارج اول مرة عينيه يدمعو بعد 20 سنة 

شهاب=ايه هو و خوك اصبر امجد

امجد=وي 

شهاب=جامي تبريت منك و دايمن كنت وليدي و خصوصا دوكا توحشتك بزاف و راح عنقو و امجد يبكي كي الطفل الصغير حتى جاو قاع لاشومبر 

نهى=بابا علاه تبكي هكا 

رؤوف =معليش نفهم وش كاين هنا 

نورسين=وي انا تان نحوس نفهم 

نور هنا عينيها دمعت راح عندها اياد 

اياد =و لبرنساس تاعنا وشبيها 

نور=تعرفو تمنيت نشوف هاذ اللحظة قبل مانموت و حمالله تحققت 

امجد=بلعي دوك ندورلك 

نهى=يا بابا ماما اليوم تحاوزنا هاني قتلك ازربو 

امجد=الهدرة مشي هنا اياو لداري

شهاب=دوك فهاد الساعة 

امجد=متقولش راقدين ولا قاع نايضين دوكا 

راحو قاع معاه لدارو 

امجد=امم رؤوف عندك مفتاح

رؤوف =بابا من وينتا تنساهم 

امجد=اااا اليوم برك هيا

رؤوف =معنديش و نتي نهى

نهى =بعدو بعدو ناس تقلاساو هنا 

دقدقت و جات ماريا فتحت و بقات تهدر بلا ما تشوف

ماريا=واش نتا و نتي دوكا باش تجو و باباك ماشفتيهش اهه

امجد=احم احم

ماريا=ااا عمو امم امجد معليش تفهمني 

نهى=يا ودي خلوني انا نفهم معد ساهل 

دخلو قاع للصالو و بدا يهدر

شهاب=قبل 30 سنة صراو مشاكل خلاوني نتفارق مع وليدي هنا ماريا عينيها تعمرو بالدموع حساتو يمعني عليها 

و بعد هاد الوقت الكل تلاقينا و جمعنا ربي و فرحني بزاف كي عرفتو مزوج و بولادو و راح باس ماريا من راسها 

شهاب=عتابريني كي باباك و هوما كي خاوتك 

امجد = بون هذا وليدي رؤوف تعرفوه هو الكبير عمرو 20   و منصف 19 و نهى 17 معد فادية 15 و سونا 11 

نور=ماراهمش قاع هنا بصح هذا اسلام خوك و مرتو ابتهال و فارس تعرفو و إياد وليدي و هادي نورسين بنت اسلام 

امجد=ههه و سميتيه إياد يعني من نيتك هههه

إياد=اصبر اصبر علاه تضحك

امجد=هههه كي كونا صغار يماك كانت تقولي كي نجيب طفل نسميه إياد على واحد فالفيلم و تطل تقول فيها 

نور=مرسي مرسي شكرا على الفضح الجميل  و هنا نور حست الدوخة حكمتها كيما مضاري 

نور=هيا نروحو

امجد=عاودي عاودي وين تروحي هنا تباتي 

نور=ههه اوك وين نبات ني عيانة

نهى=اصبرووووووو سما نورسين بنت عمي ياييييي

نورسين=ياهووووو افضل خبر سمعتو فحياتي 

نور=ههه هيا انا نعست 

نهى=ايا نديك لشمبرتك

ماريا=خلي انا نروح معاها

طلعو الفوق للشمبرة

ماريا=نور

نور=وي 

ماريا=ياك ماكيش زعفانة مني

نور=نو مكتوب ربي و هو لي غلط مشي نتي مي كاش نهار تحكولنا واش صرا ملي رحتو 

ماريا =اوك 

هنا سعلت نور و جا دغا قاع حمر 

ماريا=نوررر صافا

نور=اششش متفضحينيش

ماريا=نور باش راكي مريضة 

نور=معلباليش مرحتش لطبيب شكيت كونسار 

ماريا=نو بانتلي حاجة وخدوخرا 

نور=كيفاه

ماريا=خليني نرفد هذا ميشوفوهش غدوة نروحو للكابيني كيف كيف نديرلك ليزاناليز

نور=قريتي ميدسين ؟؟؟

ماريا=ايه ايا ارقدي غدوة نهدرو متعبيش روحك 

نور=اوك مرسي

_____________________________________________

ما رأيكم هلووو ؟؟؟

وش رايكم باش مريضة نور؟؟؟؟

نديرها تمووت ولا نو؟؟؟

نهاية حزينة ولا سعيدة ؟؟؟؟