جماعة سيتوبلي ارجعو للحقة لي قبل خاطر مافقتش و حطيت نص الجزء جدد اسفة اقراو الحلقة 45 قبل
....
....
اليوممم .... اليوممم ...... اليوممم .... دخلنا فالجزء الثالث و الأخير من قصة المكتوب اليوم عيد ميلاد روميساء الصغيرونة اليوم ولا فعمرها 5 سنين و اليوم اول مرة راح تروح لقبر خالتها ... ناضو كلهم بكري كلهم يحاولو يحيو ذكرى روميساء فهذاك النهار .. ناضت نورسين و نوضت إياد .. هبطت للكوزينة لقات الفطور واجد و ريناس و إيناس جاو راحت سلمت عليهم ز باست ولادهم ريناس عندها 2 ذراري و إيناس طفلة و طفل .. هي راحت بعدها عند بناتها روميساء و رزان نوضتهم باستهم
رزان : ماميي اني حبيت نبوس لوميساء و هي حبتش تخلني بوسها 😢
نورسين : امم ياك شوفي ختك كي خالتك سواسوة تضل مشنفة كي تنوض
روميساء: ماممم البوم نلوحو عند خالتو روميسا يايي
نورسين: ههه اياي حبيبتي .. و داتهم للدوش دوشتلهم و لبستلهم هبطو شربو قهوتهم قاع كيف كيف مع قاع العائلة .. و خرجو مع ماماهم اما إياد راح يشري البالونات و يسقم حديقة الدار .. نولو لأبطال الجزء الثالث أمير و ميليساا
أمير ناض صباح عيان اول حاجة دارها عيط لميليسا .. لي بسيف باش فطنت
أمير:سلام برانساز واش متجيش لانيفاغساغ تاع بنت ختك
ميليسا:امم عندي خدمة و نجي
أمير : اليوم حبيت نقولك حاجة كي تجي
ميليسا:اوك راني نستنا
أمير : اوك حبيبي .. ناضت ميليسا خدمت حتى ل 4 تاع صبح دوشت دوش خفيف لبست كي العادة اسود فأسود لون لبستها فالخدنة لي تخليهم قاع يرهبوها دارت الفرد تاعها فخصرها و خرجت
بلال: واش نتي متشربيش قهوتك
ميليسا :نتا عيط لنيهال بزاف عليك (بنت مرام صحبة نور و خت زاكي )
بلال :راكي داصري
ميليسا:بلا مزية خويا العزيز .. خرجت متوجهة لمركز الشرطة دخلت كي شافوها قاع دارولها التحية العسكرية و ولاو يمشيو كي الساعة .. دخلت للمكتب تاعها .. دخل عندها أيمن
أيمن : و اخيرا شرفت سيادة المحققة
ميليسا : واش عندك سيادة النائب
أيمن : والو قلت روحي فهذوك العينين الشابين
ميليسا: اخطينيي تقدر
أيمن : كيفاه راكي مع القضية جديدة
ميليسا : حليتها و اليوم نقبضو عليهم متلبسين .. بصح
أيمن : بصح ؟؟
ميليسا : مشي انا راح نروح المداهمة
أيمن: و السبب؟
ميليسا : قضية خاصة كل نهار فنفس العام منجيش للخدمة .. بصح البوم جيت نسلملك هاذ الورق و نروح
أيمن:اوك يجي نهار نعرف قضيتك الخاصة .. لبست لافاست تاعها و خرجت .. ركبت مباشرة للمقبرة
ميليسا:روميي هاني جيت نشوفك راكي مليحة توحشتك .. شوفي حققت حلمي .. وليت اشهر محققة فالبلد .. و حوسو عليا من خارج البلاد .. اليوم حققت حلمي و حلمك نتمنى تكوني فرحانة اليوم راح تجيك شبيهتك .. تشبهلك فكلش .. فوجهك .. فعقليتك .. فطبايعك .. و تحبك بلا ما تعرفك .. ايا انا نروح نوجد روحي .. خرجت من المقبرة مسحت دمعتها و راحت للدار تبدل ..
عند نورسين خرجت مع بناتها راحت لريستو قبل دموندات ماكلة .. و راحت لممول من جيهة الألعاب شراو بزافف العاب.. مبعد راحو شراو ليغوب لبنات .. و راحو بعدها جابو الماكلة .. و راحو للميتم البنات لعبو معاهم قاع و مدولهم الماكلة و الألعاب و فرحو .. خرجو و قلعو للمقبرة رفدت بناتها .. حتى لحقت لقبر ختها ..
نورسين : رومي شوفي هاني جبتلك توأم تاعك .. شوفي شحال شابة تشبهلك .. راحت روميساء الصغيرة تجؤي طاحت فوق قبر خالتها
روميسا: خالتو هاني عنقتك .. شوفي قاتلي ماما نشبهلك وراتلي تصاورك اليوم جيتك و هذي ختي رزان تشبه لبابا إياد تعرفيه .. بكات نورسين شوية و مسحت دموعها .. نوضتهم و راحو .. بعدها داتهم للحفافة مشطتلهم و مشطت لروحها .. و ولاو للدار لقا إياد زين قاع الدنيا و كاين لي جاو دخلتهم لبستلهم وكلتلهم شوية .. خرجتهم كي الأميرات .. و بقا فالشومبغ .. كلهم فالظار حتى جا امجد و عائلتو سلمو عليهم جابو معاهم ليكادو و بنت نرمين الصغيرة ليديا .. طلعت عند البنات وين لقات بنت إيناس ثان قاع بليغوب يلعبو و يضحكو .. أمير كان برا قاعد يسقم فالبالونات هذوك حتى حس بحاجة غمضتلو عينيه .. دارو يدو على يديها
أمير: شخال توحشت تاذ الريحة امم
ميليسا : سما توحشت ريحتي برك معليش مبعد نشريلك وحدة .. و جات رايحة ... جبدها من يدها .. و عنقها م ظهرها
أمير: واش من خدمة عندك اليوم
ميليسا : واش كنت حاب تقولي
أمير : مبعد تعرفي
ميليسا : و لما التشويق
أمير : منعرف 🤷
ميليسا : 😑😒😒
ايا خليني نروح نشوف رومي
راحت باست روميساء و نحات الشال تاعها كات لابسة غوب بيضاء تهبل .. شافو قاع الغاشي جايين رفدت ميليسا رومي لي كانت لابسة كيما هي و هبطت معاها .. الغاشي قاع خزرو فيها .. و سفقولها داتها قدام لاتاغات ... و بقاو قاع يغنيو طفات الشمعة تاعها .. و ضحكو حتى شافو نهى .. جات هي و فايز لي كانو خارج البلاد .. قاع يسلمو عليهم و على وليدهم يزن تقدمو قاع لروميسا لي بدات تفتح الهدايا تاعها كملتلهم قاع و بقات تخزر فميليسا خالتها لي نحبها بزاف .. قرب ليها ميليسا و دارتلها سنسلة .. قاع تشوكاو منين جابتها هذي السنسلة نفسها تاع روميسا فيها طاووس و مكتوب فيه R
ابتهال :ميليساا منين جبتيها
ميليسا :قبل 5 سنين جاتني طونوبيل لي مزالها عندي و قتلكم هدية من صديقة فالحقيقة هذيك هدية روميساء
اسلام: كيفاه 😦
ميليسا : وي كيما سمعتو هي شراتهالي و خلاتهالي و داخلها لقيت برية باش نمد السنسلة هذي لرومي اليوم .. قربت فمها لوذن روميساء
ميليسا :هذي هدية خالتو روميساء 😊 و هذي دارتلها تاج فوق راسها جاي قيها نفس الطاووس تاع السنسلة و تاع العائلة تاعهم لي شعارها طاووس .. و هذي هديتي انا .. عنقتهت و باستها و بعدها هلطت عند قتع الذراري تاع العائلة لي كانو ثما البنات قاع دارتلهم سناسل فكل سنسلة طاووس و اول حرف فاسمهم .. و الذراري دارتلهم سنسلة فضة كي يقلبوها لداخل .. يلقاو قاع نفس علامة الطاووس .. .. قاع فرحو و الذراري لي دعاوهم للحفلة قاع داو دباديب .. كانو كلهم قاعدين يشطحو مع الغنا و ولادهم حتى حبس الغناء و شافو بلال يهدر
بلال : فاتو 6 سنين على موت ختي الغالية و انا حبيت نحيي ذكىاها و لهذا قررت نفتح شركة وحدي و شركة هذب تكون تصميم باسم روميساء و شعارها لي عندها فايت 200 تصميم اليوم تم تسويق اول مجموعة ليها فالسوق و حبيت نشارك هاذ الخبر معاكم و نتمنى تلقو نظرة عليهم .. و نفذ وصية ختي
ميليسا و نورسين تبسمو لي حققو وصايا ختهم كلها هبطو دموعهم مسحوهم و عنقو بعضاهم زادو جاو اسلام و ابتهال عنقوهم ضحكو و تفارقو الغاشي بداو يروحو حتى شافو أمير فالمنصة بعدما راحو قاع ..
فارس :ههه روح اليوم غير مفاجئات
نور: ههه منعرف واش من مفاجئة جايبها أمير
أمير: اليوم قدامكم كلكم حبيت نقول حاجة .........
حلقة جاية تعرفو 😊😊