عاوظو قراو من الأول التغييرات صراو فالوسط .
.
.
.
رؤوف : مرانيش كونتر كي طلبها الحلال .. راني نحوس نفهم هاذي كيفاه قبلت بلخف 😑🤔
نهى : اه هه هذيك خاطر نهار فطنت فالحادث هو لي سلكني نشفى و قللني بحالتي هذي علاه منقبلش
رؤوف :ههه ااا اوك كي هكا بالبراكة على ختي
فرحو قاع .. و فايز راح طلب يد نهى من باباها على الأصول ظارو الفاتحة و كملو فرحتهم .. هكاك حتى جابو 2 بياس صغار وحدة تاع ميليسا و وحدة لأمير تاع الباك .. فرحو طفاوهم و كاين لي مدولهم ليكادو و كاين ليعتاذرو بسبب ضيق الوقت .. هما هكاك حتى شافو رانية داخلة و شادة فيد راجل .. و هو فيدو الثانية رافد طفل صغير .. تقدمت سلمت على منصف و نرمين باركتلهم .. و راحت عند ميليسا .. كي جات تسلم عليها مدتلها كادو ..
رانية :كي تقتحيها تلقاي حاجة مني و حاجة من روميساء الرسالة قرايها وحدك .. و تقدمت عند منصف جبدت من ساكها ظرف مدتهولو
رانية : وصلتلك امانة هاك و اقراها .. فتح منصف الرسالة  و بدا يقرا
منصفف ههه صافا راك مليح علبالي متوحشتنيش .. هههه معليش المهم هاذ الرسالة اذا قريتها اقراها مع مرتك .. و اذا مكانتش معاك متقراهاش والله ما نسامحك .. حبيت نباركلك اولا بزواجك مبروك و ألف مبروك لعقوبة للذرية الصالحة .. حبيت نقولك بلي كان هذا افضل قرار ديتو فحياتك و متأكدة اخترت مراة لي صح تناسبك .. نتي ختي مع اني منعرفكش بصح كي هيرك هاذ البهلول نقولك عندك زهر .. كان بالنسبة ليا صديق هايل .. و راح يكون معاك راحل فالحلوة و المرة .. اذا ممكن حبيت نوصيك اتهلا فيها راهي ولية .. جيبو ذراري و افرحو مع بعضكم .. قوللهم قاع بلي راني مهمية اذا كنتو مهنيين نحبكم بزاف من كبيركم لصغيركم ايه و وصيتي ليك .. منصف تشفا المنتزه لي كونا نروحولو .. روح من جيهة الشجرة الكبيرة احفر عند الشجرة لي غرسناها تلقا صندوق هذاك هدية عرسكم بالبراكة عليكم مرة ثانية .. بايي .. قراوها مسحو دموعم .. شافو ماريا قربتلهم سلمت عليه و دارت لنرمين السنسلة تاع يماها لي محملت و شبعت بكا عنقت عمتها و بعدها راحت جا جدها و جدتها باستلهم راسهم و راحو ..   خزر منصف فنرمين
منصف:واجدة
نرمين :ويي
منصف هنا حسب بأعلى صوتو 1....2......3 .. و رفدها .. هرب يجري و هربو و قاع مخلوعين فيهم حتى لحقو للطونوبيل ركبها و راحو لوتال .. راحت ميليسا لدار بدلت حوايجها و حكمت كادو تاع رانية فتحاتو لقات كوفغي تاع ريحة مكتوب فيه رانية و كوفغ صغير مكتوب فيه روميساء .. بعدت الموفغي تاع الريحة جبدت اولا الرسالة بدات تقرا ..
ميليسا ميمي حبوبي توحشتك سكرة نتي كلوة عسل و مبروك عليك الباك مرة  ثانية خاطر كنت متأكدة تجيبيه و تفرحينا قوتك صلابتك خليها نفسها فالخارج فقط .. مع هائلتك كوني دايمن ميلي لي نعرفها .. اتهلاي فأمير خاطر باين يحبك .. اتهلاي فماما بابا .. للأسف كنت متمنية نولي انا قبل كيما تمنيت و تبعيني نتي .. بصح معليش نتمنى تحققي واش حرمني الموت منو .. و اليوم حبيت نقولك بلي .. طونوبلتي لي نهار شريتها تمنيتي وحدة كيفها راني جبتلك وحظة افضل منها فنفس الظرف فيه قاع طواغطها و المفتاح فالكوفغ انا هي راح تلقايها برا غدوة صباح .. نحبك .. باي
بكات ميليسا و مسحت دموعها .. على أسبوع ناض منصف مع نرمين راحو للمنتزه حفرو وين قالت روميسا لقاو بواطة فتحوها لقاو 2 سناسل وحدة فضة وحدة ذهب فيها قلب و مكتوب منصف داروها و فرحو .. و بكاو كلهم عليها .. على 4 اشهر كان عرس نهى و فايز فنفس النهار عرف منصف بلي نرمين حامل فرحو قاعع
.
.
.
.
.
قصة بدات من يامات المتوسط .. عند نور و فارس  ..  لحقت لأكبر عائلة فرحة .. و لكن القصة مخلاصتش .. البارت اليوم مشي طويل .. و غدوة ولا ملغد اخر بارت معرفتش لا ندي حلقة ولا 2

على 5 سنوات
أمير

ميليسا