ركبها فالطونوبيل .. و بدا الشوفور يسوق الكورتاج .. بداوه من الباب .. تاع الدار .. حتى لحقو لنص طريق .. قلبوهاا فطريق .. النص خارج من تواقي .. و لي يكاميري .. الناس قاع يخزرو فيهم .. هبطها فنص طريق .. مغطيها ببرنوسو .. شطح شوية هو و هي غير تبوجي برك .. حشمت و داها ركبها فالكلاليش .. و ركب معاها .. كملو طريق بالبارود ..  حتى لحقو لاصال .. هبطت و هو معاها .. بعدها هو راح جيهة الرجال .. يسلم على المعروضين .. و هي دخلت بالزغاريت .. النسا قاع دايرين ليها .. و هي تمشي برزانة .. لقات ماريا قابلتها بالحليب و التمر ..  كلاتهم و دخلت مع عجوزتها .. و ماريا فرحانة تقولهم .. جبتلو بنت خويا .. و هي فيدها الحلوة تقيس لسما .. و قاع يسيو يحكمو .. داتها قعدتها نحاتلها البرنوس بزغاريت .. و هبطت بقات غير نرمين .. تشوف الناس يخزرو فيها .. تحاول تنحي الحشمة ☺️ .. بعدها حست روحها عيات خزرت فنهى .. لي فهمتها و راحت تجري هبطتها .. على أنظار الناس .. داتها لشمبرة العروسة .. قعدت ريحت شوية .. و لبست كراكو ستنات جداتها .. و جدات منصف ..  لبسو حتى هما كراكو .. و بنات صغارات .. قاع هكاك خرجوها شادين يديها .. و البنات موراها .. كملت العرس بشاوي و قبايلي .. و جا وقت الغوب بلونش .. كانت ستريسي مع انو كان راجلها .. مقبل ريحت شوية .. و لبست و خرجو خلاوها .. حتى سمعت دقديق .. مردتش حتى دخل منصف شافها تهبل .. سلملها على راسها .. سيا ينحيلها الستراس .. حكمت من جيهة البوكي .. و من جيهة ثانية بانيي تاع ليدراجي .. جاي على شكل ورد .. و البنات لي سليباتار قاع راحو عندها .. يديو حتى وصلو لاسان مدت البوكي .. لكاش وحدة كبيرة ..  كملت مدت للبنات لي متزوجوش .. طلعو كلاو باتيسري بضحك .. و شربو جو .. حتى جا وقت البوكي .. دارت و حسبو قاع معاها لثلاثة .. قاستو جا فيد نهى .. ناضت تضحك .. خلاتو فيدها و كانو بقاو غير لافامي .. حتا شافو منصف .. هدر
منصف :نهى ختي العزيزة .. و حبيبتي اليوم .. جا البوكي فيدك .. و بلاك حاجة خلاتني .. نتأكد من موضوع .. بصح قبل كلش رايك الأول .. نهى علبالي واش صرالك مع اليكساند .. و غدرك و ظهر وليد إياد .. اليوم واحد عزيز عليا بزاف .. جا طلبك مني .. و بالنسبة ليا يعتبر راجل  .. و مراحش يغبنك .. قاع مشوكيينن فيهه .. و شكون هذا ..
منصف:فايز .. دخل واحد كور و ديكور .. وجهو حمر حشمان  .. خزرت فيه نهى عقلاتو .. وي هوو نفسو .. لي فطنت معاه  نهار الحادث .. نفسو البومبيي لي كان دايمن يطمن عليها .. و لي ولات تعتبرو صديقها بعد قاع واش دعمها .. و نفسو الشخص لي تضاربت معاه فالمطار
Flashback
نهى:كيفاه ندير انا دوك اوففف زهري هذا يعيي و هي تمشي خارجة من المطار حست غير كيفاه ضربت فحيط طلعت راسها لقاتو هو
نهى:اييي نتا متشوفش وشبيك
فايز:انا لي لازم نسقسيك استغفر الله
نهى:ايي شوف نتا الواحد لي فيه يكفيه و كمل نتا
فايز:انا مقتلكس اخبطي فيا
نهى : و انا مقتلكش متشوفش عمى
فايز : يا ختي تبانيلي مهبولة نتي الله يهديك
نهى : نتا المهبول الوحيد .. شافت باباها جا و راحت تجري .. و ركبت و خلات هذاك يغلي وحدو
End flashback
منصف:عندك الوقت باش تخمي
نهى:لالا
منصف :متأكدة
نهى :لالا قصدي مكله نخمم راني قابلة .. العائلة قاع مشوكيين .. و فايز ميت بالفرحة يستنى ردة عائلتها
منصف:بابا رؤوف نظن معندكمش مشكل
امجد:بما انو نتا تعرفو و هي قابلة انا واش عندي نقول
رؤوف :سمحولي انا هذي مشي عقلية و مرانيش كونتر .......

الحلقة الجاية نشوف ردة فعل رؤوف و اذا راح يتم هاذ الزواج و تنتهي رحلة الكبار احفاد نور ولا نو .. و تفكرت النهاية مبقالهاش و لي حبو يحبسو حبيت نقولكم راح تراطيوو