مع انو مراكوش تتفاعلو مي هاكو خاطر راح نحبس الكتابة نكمل هذي و خلاص

كملتلو جداتو و بعدها حكت ذراري صغار غير الذكورا دارتلهم من نفس الحنة و دارو غنية ناض شطح مع جداتو شوية و دخلت الجدة للدار و البنات موراها لقات نرمين قاعدة فالوسط و البنات قاع دايرين بيها و يغنو و يتصورو غير شافو جداتهم جات ماريا جابت طبق حطاتو قدام الجدة و الجدة حكمت الحايك تاعها دارتهولها فوق راسها و قعدتها فوق مخدة بيضة و دايرين بيها المخايد و 2 بنات شادين 2 شمعات بيوضا متحوفين موراها او وحدة شوية كبيرة عليهم شادة مرايا صغير مزخرفو موراها سواسوا حكمت الجدة الطبسي تاع الحنة دارت فيه الحنة ة دارت ما الورد و الورد الأحمر و خلطتها .. و حكمت يد نرمين بدات نحنيلها و هي دموعها شلال تبكي و دموعها يهبطو و البنات قاع يغنو فالغنا تاع الحنة و يتحركو معاها حتى كملت حكمت لويزة تاع جدات منصف دارتها فيد و تاع جدات نرمين فيد و دارت فوقها هذوك الوردات البيوضة تاع القماش ربطتهم و سلمت عليها بعدها جاو البنات لي مشي مزوجات دارو شوية فيد وحدة برك وقفت نرمين و حطو طبسي الحنة فالأرض كسراتو بطالون تاعها و راحت تشطح هي فالوسط مع عمتها و البنات لوخرين قاع دايرين بيها .. و يشطحو كملو زغرتو تزغريتة سمعوها الرجال من برا و نوضوها حتى هما راحو يحوسو بالعريس نرمين راحت ترقد زعما عيات بصح هي صح مشي اول خطرة بصح الستراس تاع العرس وحدو راحت لفراشها و بقات تكونيكتي تشوف فتصاورهم .. ناضت جبدت كوفغي صغير فتحاتو قابلتها تصويرة يماها و باباها هبطو دموعها بصح تقوات عليهم جبدت سنسلة تاع يماها لي قالتلها ديريها نهار عررسك و جبدت الجورمات تاع باباها لي طلب منها تمدها لعمتها باش تمدها لوليدها اذا عندها باه تبقى فواحد من ريحتهم حكمت تلفون عيطت لعمتها جات عندها قعدت قدامها
نرمين:عمتو
ماريا:واش من عمتوو قوليلي مانا
نرمين:هاه ماما حبيت نمدلك 3 صوالح
ماريا:واش هما
نرمين:اللولة هاذي سنسلة مدتهالي ماما كانت متمنية ديرعالي هي نهار نتزوج بصح هاكي ديريهالي نتي ..
ماريا:باستها :متبكيش هاني معاك واش قتلك راني انا كي ماماك
نرمين:تبسمتلها .. و هاذي الجورمات تاع بابا طلب مني نهار نلقاك نمدهالك قالك مديها لواحد من ولادك و كاين اخر حاجة هاذ الرسالة خلاهالك هو .. ماريا هنا صح دمعت توحشتت خوها بصح محبتش تبيكيها راهي عروسة تبسمتللها و قاتلها صحا حبيبة مشي مشكل .. باستها و خلاتها على راحتها حكت نرمين الفوطو تاع يماها و باباها باستها و رجعتها للكوفغي تاعها لي فيه ذهبها هي ..
صباح جديدد .. جات تجري ميليسا سوطات على نرمين
نرمين:اااااا
ميليسا:ههه نوضي نوضي فنيانة
نرمين:وين وين نوض
ميليسا:نوضي نروحو للحفافة .. انا نروح معاك
نرمين:ههه ايا اوك نشلل بلخف و نهبط .. راحت نرمين شللت غسلت شعرها و لبست جبة خفيفة و هبطت لقات قاع يتجاراو ناضو بكري لي تحوس على روبتها و لي رايحة تدوش و لي تشرب فحليبها  دخلت للكوزينة لقاتها معمرة و لي جات ترفد مقدرتش تاكل بصح حكموها بسيف وكلولها الجو و واش يكفيها لنهار هذاك .. جات ميليسا كانت لابسة روية بيضة قصيرة و فيها قفالي ملقدام باش تقدر تنحيها بلا ماتخسر شعرها .. راحت ماريا تجري جابت البرنوس دارتو لنرمين و جات نور مدتلها مغيرفة عسل و خرجت راحو مع أمير للحفافة لي كلا ميليسا بعينيه .. حتى لحقو هبطو البنات عند الحفافة داتها من جيهة العروسة و ميليسا خلاوها شوية مزال الحال حكمو نرمين نقاولها وجها و ضفارتيها و دارولها الفارني و سقموها زين و بعدها جات لي تخدملها شعرها داوها للجهة تاع شعر و بداو بميليسا و كانو يغنو و يشطحو حتى زادت جات نهى (لي نساها شكون خت منصف)
نهى:ههه انا شعري راه كي رجال مايجي يطوال
ميليسا:عادي ديري بيريكا
نهى: زعما متبانش
الحفافة :نوو متبانش باين
نهى:مال اوك نسيي .. بظاو يمشوكلهم قاع و يماكييولهم كملو لميليسا خاطر دارت مشطة خفيفة .. و بعدهت كملت نرمين لي كان  تهبلل
نرمين:كيفاش جيت
ميليسا:😱😱تهبلي تهبلي تهبليي ش
نرمين:مشي جات نهى
ميليسا:وي دخلوها منا مزال مكملتش .. هما يحكو حتى خرجت عندهم تهبلل دايرينلها مشطة تهبلل تقول مشي هي لي كانت مقبل
نرمين:مشاء الله مشاء الله راكي فتينا بزين
نهى:ههه واش بديتي تغيري مالدوك مرت خويا (قالتها بتمسخير)
ناضو البنات يضحكو بعدها عيطو لأمير كي جا كلاكصونالهم هبطو لنرمين الشابو تاع البرنوس و نهى دارت خيمار غطات شعرها ميبانش قاع .. ركبو حتى وين وصلو للدار دخلت نرمين اللولة و موراها ميليسا و نهى غير لحقو نحاولها تلبرنوس و يسميو و يباركو .. حتى نحات نهى تان الخيمار
الجدة: بسم الله مشاء الله هاذي نهى ياك .. ضحكت نهى و طلعو لبسو ليغوب تاعهم و زادة حيجابات سواغي ملفوق بعدها راحو عند نرمين لقاوها مع ماريا تعاون فيها لابسة اونسومبل بيض يهبلل و زايدة فوقو البرنوس تاع باباها الله يرحمو هما هكاك يتصورو يدمعو حتى سمعو الكورتاج لحق و الغنا زاد دخل جد نرمين باسها من راسها .. بنتي شرفتيني و رفعتي راسي روحي ربي يهنيك حكمها من يدها حتى للباب دار يدو فالباب و خرجت تحت جناح جدها خزرت لقات منصف يهبل بكوستيم اسود يهبل و داير فوقو البرنوس تاعو .. مدلها يدو حكت فيها و خباها تحت برنوسو