أمير قاعد فالصالون و فاميلتو قاع دايرين بيه و يستناو فالنتائج قاعد و البيسي فيدو مقلقق على النتائج تاعو كل لي فدار يبوجيو و نور ثاعدة مقلقة كثر ملي تقلقت على روحها اما ميليسا فشمبرتها وحدها مقلقة مكاش لي يكوراجيها تبوجي فرجليها و تستنا السيت يطلع ثقيلةة الكونيكسيون
هما لتحت حتى نطقت نور:ميليسا وين راهي
امجد:بلاك تمنات لوكان جوزاتو خلوها على راحتها
أمير:وي خلوها عادي
اسلام:ايه بانت بانت ..أمير خزر فالبيسي و يلقا اسمو راح ديراكت قرا ناجح و المعدل تاعو 15.76 ولا يعيط مالفرحة و النسا يزغرتو و ميليسا وقت سمعت فرحت و هي مزالها السيت ثقيل و كرشها دور كثر ماللول حاستها تتعصر .. قاع سلمو على أمير و كملو و بقاو يحكو و فرحانين حتى سمعو عيطة
ميليسا:ااااااااااا ماماااااااااا ماامااااا
ابتهال:بسم الله واشبيها هاذي .. حتى شافوها هابطة و البيسي فيدها
نور:ههه وقيل لحقها الخبر روطار
ميليسا:يا ماماااااا ديتو ديتو ديتووووو ⁦💃🏻⁩⁦💃🏻⁩ و بقات تشطح و تدور على يماها و هما قاع نافاهمين والو اباغ أمير لي راح يجري نحالها البيسي و شاف نتيجتها17.25   ... عنقها و بقا يدور بيها
أمير:قتلك تقدري شفتيي هاكي ديتي خير منيي برافووو .. تما قاع العائلة قربو للبيسي تاع ميليسا لقاو اسمها و ناجح و المعدل
ابتهال: اصبروو فهمونيي نتي كيفاه مفهمتش
أمير:هههه كي جات عندي لدار طبل قنعتها تجرب تجوزو و قريتها و عاونا بعضانا و هاهي جابتوو
ابتهال: يويويويوويويويوويوويويووسويوييوويويوويويويويويويييييي
اسلام:وعلاههه مخبرتيناش
ميليسا:خليتها سوربرايز ... بقات قاع العائلة فرحو و ضحكو ناضو غد منداك فرحانين و مهنيين .. اليوم الحمام تاع نرمين (راح نوريلكم عاداتنا فتيبازة) ناضو بكري لبسو لعروسة هي اللولة دات فوطة بيضة و بليغة بيضا و البنات لوخرين قاع بفوطات بالوان مختلفة كل وحدة و لونها الخاص يجاراو يحوسو على صوالحهم ناضو الجدات بكري محبوش يروحو خاطر كبار يعياو  و نورسين ثان كانت مزالت نافسة وجدولهم واش يسحقو حنة و شمع و البخور لي يديرو الريحة فالحمام .. قاع يجاراو و الأمهات وجدو 2 جفنات طعام وحدة للي رايحين للحمام ياكلوها او وحدة يصدقوها للجامع النسا زربو فالجفنة تاع الحمام كملوها و خلاو للجدات يكملو يزوقو الجفنة الثانية وجدو روحهم لبسو لنرمين الروبة تاعها طلقولها شعرها و دارولها وحد الخيط على شعرها و لبسولها البرنوس غطاوها خرجو مالدار بزغاريت رمات موراها الحلوة و الذراري صغار قاع يجاراو باش يحكموها خرجوها ركبوها فالطونوبيل مع نور و ميليسا و البنات لوخرين قاع زادو ركبو داو 3 طونوبيلات قلبواا طريق بالغناء بصح كل وحدة و  فطونوبيلتها حتى وصلو للحمام لي كراوه سبيسيال دخلو بالزغاريت دايرين حالة و دارو الغنا لي تشطح ولي تسقم فدوزانها البنات قاع يتصورو يتهللو يجياحو و الكبارات لبسو فوطات تاعهم و بقاو يوجدو فالبخور بقا مع نرمين ميليسا و نهى لبسولها فوطتها و سقموها و حكمو شال بيض دارو فوق راسها يغطي قاع وجها و رابطينو بخيط بيض مدو للبنات الصغر قاع حكمو الشمع و لي يديرو البخور حكمت نور نرمين من يد و ماريا حكمتها من يدها الثانية و دخلو للحمام يزغرتوو و فرحانين و اخيرا جاهم فرح حطو البنات البخور فوق الحجرة الكبيرة لي كانت مزوقة و فيها قاع السرابت تاعهم و دوزانهم فالنص فرحانين دخلو قربت ماريا لنرمين نحاتلها داك الشال و قربتلها
ماريا:علبالي راكي متمنية لو انو ماماك راهي معانا بصح راكي بنت خويا فمقام بنتي من اليوم راني ماماك فهمتي .. نرمين دمعو عينيها و دارتلها براسها ايه و عنقتها بعدها قاع سقمو روحهم بصح بقاو بالفوطات تاعهم دوشو ستيكاو روحهم ولاو يشعلو و خصوصا نرمين لي تبدلت قاع فرق كبير ولات تبان عروسة وقت كملو بداو يحنيولها بالغنا و يضحكو و بعدها دارو قاع البنات دارت نرمين فوطتها و خرجوها بالزغاريت كي جات خارجة مالحمام رمات ما فيه الورد الحمر و خرجو لبسو حوايجهم و تلمو على الجفنة ياكلو مع لي كانو فالحمام يخدمو بعدها خرجو  و ركبو لحقو لدار نور نص لي كانت معاهم نرمين و النص الثاني لي كانت معاهم يمات العريش ماريا راحو للدار بقاو دخلو للدار لبسو حوايج الدار و بداو يجبدو فشعر بعضاهم و ياكلو و يغنيو و يقسرو كي كملو قاع طاحو فراش مالعيا محسوش غير بنور تفطن فيهم و تقولهم ايا نوضو نوضو اليوم العشا و الحنة (هي حنا عندنا العروسة دير عرشها وحدها و يدخلها خوها ولا وليد عمها كبير لالغوب بلونش و بعدها يديرو عرس ثاني تاع العريس بصح هنا راح العرس تاع قرابة ).. ناضو البنات لي تسقم فشعرها و لي تبدل و لي تخمل كل وحدة واش دير جاو الطباخين بداو يديرو فالعشا و الرجال برا يحطو فالطوابل و الكراسا .. كل واحد وين لاهي قاع لبسو جبادور و كل واحدة و الستيل تاعها و لونها و نرمين لبست قفطان خفيف و بوكلات شعرها دارت شوية مكياج و مستريسيا والفت منصف معاها خاطر مهيش راح تكون ليلتهم اللولة ..  بداو الناس يجو و البنات يجاراو لي تحط فالشربة و لي ترفد الطابلة و لي تعيط للناس و النسا كي يدخلو يقعدو فوحد الصالو كبير يقصرو حتى يعيطولهم يتعشاو و يرجعو ثما يقصرو كملو قاع عشاوهم غير لي جاو فالتالي بعدها وجو لاتاي مع القاطو تاعو  سيرباو للنسا حتى شافو العروسة هابطة كي الأميرة مالدروج وصلت ضحكت معاهم دارتلهم بيدها تاع مرحبا بيكم و حكمت بلاصتها تتصور و تضحك مع بنات و ياكلو فالمكسرات و لاتاي ....
اما عند الرجال كانت الحالة مقلبة بعد ماعشاو الرجال راحو يشطحو قلبوها برا و النسا كانو لداخل دارو فبلاصة وحدة عند نور حتى حبسو شافو الذراري يدورو بشمع فيديهم فهمو بلي وقت حنة العريس راحو سقمولو بلاصتو قعد فالارض شافو جداتو خارجة وصلت عندو باستو و قعدت و بدات تحنيلو و يغنيو و البنات الصغارات قاع ثما يصورو كنصف الدمعة هبطتلو بعد نا قال مانتزوجش قرر يتزوج بوحدة حبها كثر من روحو بلاك و مستعد يدير كلش باش مايخسرها
.......يتبعع
واش رايكم 🙄🙄🙃
واش رايكم فعاداتنا نكمل هكا ولا نلخصلكم 🥺😍