ضربت فيهم الطونوبيل و  مقدرش يسلكولها للاسف بدات تفطن نهى شوية خزرت ملقاتش نور
نهى=عمتو عمتوو وينك .... بقات تخزر و تجرب تتنفس الدم ماخلى مابقا فالطونوبيل و هي دايخة حديدة داخلة فيدها حاولت تجبد روحها مقدرتش بقات تبكي حتى داختت .... كسرو البابب كسروو بلعقل قادر يكونو الضحايا فخطر ...كان رجال الحماية يخدمو و خايفين من أي خطأ بقاو ساعتين و هما مع السيارة يحاولو يفتحو فيها...و أخيرا سحبو الباب و خرجو نهى لي كانت على حافة الموت بقا هذاك تاع الحماية المدنية يديرلها تنفس إصناعي و يخزر فيها وجهها مألوف عليه ...بصح شكون هي معرفش ...وصلة للمشفى و الطبة كلهم يحاولو ينقذو فيها ...جات الشرطة تحاول تدي معلومات من رجال الحماية
الشرطي =كيفاه دارو لاكسيدون تبان عادية ولا نفوتو السيارة للفحص
ر.ح=السيارة تبان ضاربينها من القدام و الباب اليمنى كانت منحية قبل ما نوصلو فريق البحث شاك انو كان شخص ثاني فالسيارة و  راهم يبحثو عليه
الشرطي = لقيتو معاها كاش حاجة باش نعرفو هويتها
الحماية =مالقينا والو تقدرو تحوسو على اسم مالك السيارة من اللوحة تاعها باش نقولو لأهلها ....راح الشرطي و بقا ر.ح ثما مقدرش يروح بقا يستنا اي خبر على هاذ الطفلة لي سلبتلو عقلو فثانية وحدة
---------فمركز الشرطة --------
سيدي السيارة تعود لسيدة الأعمال الشهير نور ********
.مقدرتوش تعرفو شكون الطفلة لي كانت تسوق
.لا سيدي
.اوك نتوما عيطو لعائلتها ولا راهي مشهورة تلقاوها
...قاع قاعدين فالدار يحاولو يلمو واش يقدرو باش يرحلو للدار جديدة قبل ما تخرج نورسين مالسبيطار كل واحد وين لاهي حتى سمعو الجد يعيط
شهاب=يا ولادي ارواحو ارواحو
امجد =وي بابا
شهاب=شوفو باش نتفاهمو القش هذا نخلوه هنا نور قاتلي كلش واجد غير صوالحكم لي صح تسحقوهم ولا تصاور فهمتو هما كامل يحكو و يتفاهمو حتى صونا تلفون فارس لقاها السكريتيرة تاعو
فارس=ياك قتلك متعيطيليش هاذ السمانة راني مشغول
السكرتيرة=سمحلي السي فارس قلقتك فاليل بصح لابوليس عيطو للمكتب و راهم على الخط يستناو نفوتهوملك
فارس=خير انشالله ايه هيا .... قاع خزرو فيها من كلمة خير انشالله و بقاو ساكتين يستناو الخبر
فارس=السلام و عليكم
الشرطي=و عليكم السلام معايا سيد فارس راجل المدام نور**-***
فارس=وي انا هو غير الخير الإتصال هذا ميريحنيش
الشرطي =للأسف شخص دار حادث بسيارة مرتك راه فمشفى ******* و مقدرناش نتعرفو عليه لهاذ الشي فضلنا نتصلو بيكم نعلموكم و لمزيد من المعلومات ممكن تجو للمخفر ندو افادتكم
فارس مالشوك طيح تلفونو لي راح فتات و بقا مشوكي حتى فطنو اسلام
اسلام=فارس فارس يا خو
فارس=مفتاحي وين راه ريناس المفتاح تاعي
ريناس =ياك فهمنا قبل بابا
فارس=واش نفهمكم واش المشاكل يلقاونا وخلاص واش نفهمك
شهاب=يا وليدي ياك اهدر قلبي راح يحبس
فارس=وحدة دارت حادث بطونوبيل نور و كان معاها شخص من المحتمل تكون نور راه فمشفى ********
أمجد =نهى نهى بنتي كانت معاه
ماريا=كيفاه
نرمين =😱😱
ماريا=يا ربيي قلبي بنتيي ايا نروحو اياا ....راحو امجد حارق الطريق خايف على بنتو ...... و ماريا اكثر قلبها قلب أم كبدتها تتحرق منو مفزوعين فارس راح مع منصف للمخفر فالطريق
فارس =انا نعيط لإياد هو علبالو كلش
إياد =وي بابا كيفاه راك ماما و نهى وصلو
فارس=نور كانت معاها سماا
إياد =كيفاه الو الوو
فارس=راك متأكد بلي ماماك ركبت مع نهى
إياد=وي ركبتها بيدي بصح فهمني .طيط طيط طيط ..... كوبالو
إياد =استغفر الله يا ربي واش كاين
نورسين =خير إياد
إياد=مفهمتش انا وشبيهم اصبري نعيط لميليسا بلاك علبالها
نورسين=لالا بلاك اذا كاش ما كاين تقلقها هي مسكينة همها يكفيها دوك نعيط لريناس
نورسين=وي رنوستي
ريناس=وي نورس
نورسين=يا ريناس واش كاين وشبيه عمو فارس
ريناس=علاه مسمعتوش
نورسين=ياك لوكان سمعت منسقسيكش ... بقات ريناس تاأتأ محبتش تقلقها هي نافسة و عيانة
نورسين=مالتالي مكله تكذبي احكيي خاطر تفيقلك
ريناس بسرعة =نهى دارت اكسيدون بطونوبيلة ماما و معلبالناش لا كانت معاها ماما ولا لالا خاطر ملقاوهاش
نورسين=كيفاه استغفر الله
إياد=واش كاين غير الخير فهميني
نورسين =😔😔
إياد =اهدري
نورسين=نهى دارت حادث بسيارة ماما نور و معلبالهمش لا ماما كانت معاهم ولا لالا خاطر ملقاوهاش
إياد=كيفاهه يا ربي صبرتي جيني يا بلا ولا نجيك .... و راح يجري لمركز الإستعجال خاطر جابو نهى لنفس المشفى
---------------
فطنت مشي قادرة تحرك روحها حاول تعرف وين راهي بصح دون جدوى لأنو راهي فغرفة كلش بيض فيها حاجة وحدة ماتلمحش كلش بيض من غير شعرها لي كحل هي هكاك حتى دخل عليها واحد
***=فطنت الأميرة علبالي معرفتينيش نعرفك على روحي انا النمر ههه اصبري نفكرك كثر انا هو لي بسبتك ماتت مرتي و وليدي و نتي حية و فرحانة بحفيدتك 
نور=هه 😅 🤦 للأسف متتعلمش من أخطائك و حمدالله قدرت نشوف وجهك سي معاذ
التايغر =كيفاه تعرفي اسمي
نور=سري ايه او واش كانت اسمها مرتك امم 🤔🤔🙄🙃🤣🤣رانية ياك ههههه
التايغر =احسنلك متلعبيش معايا و مرتي متجبديس اسمها على لسانك
نور=معاذ نتا لي متلعبش معايا راك قد وليدي و الحيل هاذو فتنا عليهم من مدةةة عندي بزاف مسمعتش خبرك انا حسبت بلي حبست أعمالك الإجرامية و إلا كنت لقيت القبض عليك من مدة
التايغر=صراحة عندك الحق بعدت على الأعمال هذو لأنو كان وعد لمرتي الله يرحمها  لكن بعد الرسالة لي خلاتها حفيدتك روميساء الله يرحمها حبيت نديك و نشوفو حل معاك بتفاهم طبعا

نور=بصح علبالك بلي مكنتش وحدي و اذا صرا حاجة لنهى منرحمكش
التايغر=اوك اذا صرا حاجة لحفيدتك عندك الحق تقتليني و اذا لالا تخبريني على واش حكات  حفيدتك فالرسالة تاعها
نور=اوك متافقين و مارسي كي داويتني
التايغر=واجبي
نور=واش لي غيرك هكا علاه منتاقمتش مني
التايغر =مرتي لي كل ليلة تجيني فمنامي و الوعد لي قطعتو عند قبرها تتحاسبي عند ربي انك قتلتي روحين بريئين
نور=صراحة نلت إعجابي بصح متنساش بلي نتا قتلت شحال من شخص بريئ و كنت من اعظم نافيا فالعالم
التايغر =للأسف ندمت يا ريتني عرفت رانية قبل مايبدا كلش
نور=للأسف بصح دوك نبقا فهاذ الشمبرا تحسب مت
التايغر =واش من لون حابة
نور =ماغون سيتوبلي
التايغر =اوك تبانلي راح نتفاهمو.....خرج و راح
نور=اصبر نعرف على واش معول برك
--------------------فالمشفى
قاع يستناو خبر من نهى و فارس خرج قاع القوات تاع المركز يحوسو على نور بعد ما تم اثبات بلي هي لي كانت ثما من زمرة الدم تاعها كلهم فقاعة الإنتظار
امجد=نور مبان عليها والو
فارس=فات على الحادث 6 ساعات لازم نلقوها و اذا لقاوها راهي تكون فمشفى من المشافي
منصف=ولاا اختطفها واحد
فارس =شكون راح يختطفها
منصف=معرفتش إياد و حكمناه
امجد=عندها بزاف أعداء مشي غير إياد بلا حساب
شهاب=ليكو من دوك نوصيكم أمير و ميليسا مايسمعوش خلوه يلهى مع الباك تاعو و ميليسا تعبت بزاف هوما هكاك يحكو يحاولو يخرجو دليل واحد .... خرج الدكتور عينيه فالأرض
ماريا=دكتور بنتي بنتي كيفاه راهي
الدكتور ماقدرش يقولهالها حاتو صعيبة خصوصا زميلتهم فالعمل و قاع والفوها و يعرفو معزة ولادها
ماريا =السي فاتح احكي
الطبيب=😔😔للأسف

والله ما تعرفو هههه لأني شريرة 😈😈هههه نتمسخر نحبكم بصح واش رايكم واش الحكاية الجديدة لي خرجت لنور قبل ما يحلو اللولة او واش مكتوب فالرسالة لي خلاتها روميسا واش ممكن تكون علاقة روميسا بأعظم مافيا فالعالم