داو نورسين يجرو و هي مقلقة كثر و خايفة على وليدها لي كانو برا مقلقين كثر منها نور فاسرع وقت دخلت معاها فاتو ساعتين و لحد الأن ولا خبر منهم حتى شافو نور خرجت نحات الكمامة من وجها و خزرت فإياد
إياد=ماما كيفاه راهي
نور=حمدالله ولدت طفلة سماتها روميساء
اسلام=حمدالله يا ربي حمدالله
إياد=و هي
نور=راهي مليحة و افضل من لي كانت كلش بخير بصح جازت .... كل العائلة كانو فرحانين......نور كانت عيانة جوزت نهارات ميتنساوش قاع راحو للكوفوز شافو روميسا الصغيرة و تفكروها
ابتهال=يا سبحان الله
اسلام=تقول هي
الجد=شكون
اسلام=روميسا كي نزادتت نفس الوجه والله تحسب هي
ريناس=سبحان الله حست
إيناس=وي صحح
سمية (يمات نور و إسلام و امجد):تفكرت حاجة مشي كاين وحد الطبيبة هنا اسمها رانية ولا قالت كي تولد نورسين عيطولي كانت صحبة روميسا الله يرحمها
إياد:وي سي فري خلينا نطمنو على نورسين مبعد ساهل ....الجد و الجدة عياو راحو مع ماريا لدارها و الباقي قاع بقاو يستناو حتى مدولهم الإذن يدخلو عند نورسين كلهم دخلو من غير نور لي من العيا رقدت على البيرو تاعها
نورسين : حمدالله يا ربي راني مليحة و اخيرا جات روميساء الصغيرة
إياد :اههه يا حبيبة و تشوفيها فوطوكوبي
نورسين:هي اول وحدة حست بيها و حست بلي طفلة بقاو يهدرو حتى سمعو ريناس هدرت
ريناس:اممم يعني كاين حاجة نقولوهالكم انا و إيناس
نورسين:غير الخير
إيناس :احم احم راني اونسانتت
ريناس : و انا ثانن
رؤوف و زاكي : كيفاههه
إياد :😂😂😂 بالبراكة خاوتي
نورسين:ههه بالبراكةة يترباو فعزكم انشالله
إياد:وحد الشعور كي تكون عندك طفلة هي الكبيرة واحد ما يطمع فيها
الكل 😂😂😂😂😂😂
نورسين:هذا هو همك نتا راحو قاع سلمو عليهم و باركلهم حتى سمعو الدق الباب دخلت رانية
رانية:سلام نورسين حمدالله على سلامتك ختي جبتيلنا روميسا للأسف دوك مزال باش تقدرو تشوفوها راهي صغيرة شوية على 15 يوم نخرجوهالكم و كيما قتلك قبل روميسا خلات عندي بزاف رسائل كل واحد و نهارو تفضلي هاذ البرية ليك اقرايها معاهم ايا بسلامة تتربى فعزكم
نورسين :مارسي ....شدت عليها البرية و بقات تخزر فيها و تخزر فيهم و حابة تفتحها بصح بتردد فتحتها و اخيرا و بدات تقرى و قاع يسمعو فيها و الدمعة على عيونهم
الرسالة:احم ههه هاذي انا روميسا مزلتو شافيين عليا ياك هههه المهم راكو ملاح انا راني حمدالله راح نكتب واش حسيت من نهار حسيت بيك حامل جات فراسي طفلة و لكن للحذر قلت بلاك غلطت و يكون طفل لهذا كتبت 2 رسائل وحدة تقرايها او وحدة تتحرق المفيد اليوم جاتكم طفلة ختي نورسين تتربى فعزكم انشالله نتمنى تكوني سميتيها عليا كيما وصيتك و علبالي متكونيش خذلتيني لهذا نقولك قوليلها قاتلك خالتك عيشي و العبي و اضحكي اليامات يفوتو مديري على حتى واحد فالدنيا هاذي كوني سند روحك متتكلي على حتى واحد كي تكبر جيبيها لقبري نقدر نسمعكم فرحيها حققيلها واش محققتش انا احكيلها عليا بصح غير فالمليح قوليلها بلي انا اول واحد عرف بيها و حس بيها و حبيتها كلش فالدنيا فاني يا ختي العزيزة متخليش حاجة متديرهاش واش تمنيتي ديري حبيت نطلب منك طلب وحيد كي تكبر روميسا فنفس العمر لي مت فيه مديلها هاذ الرسالة و تان فكل عيد ميلاد لروميسا الصغيرة ارواحي لقبري سلمي عليا و مديلها كادو قوليلها انا مديتهولها و فنفس اليوم من كل عام روحي للميتم و فرحي الذراري لي فيه ديريها صدقة على روحي اوك ختي العزيزة متنساونيش و اذا نسيتي فكروها يالي راكو تسمعو نحبكم باييي نتلاقاو فحدث ثاني انشالله و بوسيهالي
كملت قراتها هبطت دمعة سخونة على خدها و قالت :وعد يا ختي وعد راح ندير هاذ الشي وعدد ... باسها إياد من راسها :متبكيش متزعفيهاش ياك قالتلك بلي تحس هيا امسحي دمعتك و اضحكي
نورسين :اياد
إياد:عيونو
نورسين :حبيت نطلب منك طلب
إياد:اطلبي لي هي تلقايها عندك
نورسين:روح لكاش غيستو مزالت فاتحة قولهم يوجدو عدد من الماكلة و شحال حبو دراهم مدلهم و دي هذيك الماكلة وزعها على قاع المشردين فالمدينة
إياد:هاذي برك مشي مشكل قاع يا عيوني عندي صحابي متخميش
نورسين صحا ..... ناضو افراد العائلة قاع راحو بقا معاها غير نهى بنت امجد بصفتها صصحبتها و مزالها صغيرة تقدر تعاونها
ماريا:منصفففف
منصف:وي ماما
ماريا:ايهيه دوك نتا تزوج و انا نحصل كيفاه نديرو
منصف:واش لي كيفاه
ماريا:تبقاو هكا بلا عرس
منصف:ياا ماما ياك قتلك رانا مزوجين و كي تبرا نورسين نديرو عرس على شهرين من دوك
ماريا:واش لي يثبتلي
منصف: نوريلك ليفري
ماريا:نو متكلخليش قالي جدك بلي مزيف دارتو نور
منصف:نو نجيبلك المزيف و الحقيقي اصلا المزيف جزائري و الحقيقي ألماني
امجد :واش كاين هنا
منصف:ا بابا مخلاتنيش نروح نرقد مامنتش بلي تزوجنا
امجد:ايهيه نتي ياك الصح الفاتحة و باباك شاهد عليها و حاجة وخدوخرا نظن فاتوها وحد العام
ماريا:اه يا ربي صبرني روح روح
امجد=و دوك اهبط نبداو نضمو الحالة رانا راحلين منا
منصف =اوك
راح منصف لقا نرمين قاعدة فالفراش تمشط فشعرها
منصف:ناروشتي
نرمين:..........
منصف:راني نهدر معاك وشبيك
نرمين:................
منصف  قرب ليها قعد قدامها دورلها وجها ليه لقا الدموع فيهم :وشبيك حبيبتي علاه تبكي
نرمين:مزلت تحبها ياك
منصف :شكونن
نرمين : روميساء
منصف:ههههه واش راكي تخلطي لو اني مزلت نحبها واش راني ندير معاك
نرمين:معرفتش ليوم كي شفت الرسالة تاعها حسيت لمعة فعينيك
منصف جبدها ليه عنقها :ناروشتي حبي ليك مشي كذبة فهمتي و نحبك من قلبي...... لو كاين كلمة اكثر من نحبك راني قلتها بصح والله اللمعة هذيك فعينينا قاع لانو محسينلش للغلطة تاعنا و كيفاش ماتت بسبتنا ..... تكون حكاتلك نورسين علبالي انا كنت غالق على روحي بين 4 حيطان حتى نهار لي ظهرتي قدامي كي الملاك من اول يوم شفتك صراتلي حاجة جديدة حاجة مصراتش مع روميسا ولا غيرها ..... مكنتش نحاول نتهرب منك العكس كنت دايمن نحاول نتقرب ليك و تزوجتك و على شهرين يكون عرسنا على الأصول جامي تفكري هكا فهمتيني
نرمين:امم 😞😣
منصف:دموعك هاذو غاليين عليا تفاهمنا متعاوديهاش يا حب حياتي وقفها و هو مزال معنقها داها غسللها وجها و راح لبلاصتها غطاها و باسها فجبهتها و بقا يخزر فيها حتى رقدت هي و بقا هو يخزر و يتأكل فالملاك لي عطاهالو ربي ناض صلى 2 ركعات شكر فيهم ربي و راح رقد قدامها ....اما إياد لي راح دار واش قاتلو نورسين مع صاحبو و لي يلقاه فطريق يمدلو و كاين لي غاضوه لدرجة قرر يساعدهم اكثر مشي غير ثما و بعدها راح لوحد الحي فيه كلهم فقراء وزع غلى قاع الديار و رجع عند نورسين لقاها راقدة راح شاف بنتو ملبعيد مالزجاج و راح يشوف يماه لي وصاه عليها باباه لقاها راقدة فالبيرو راح نوضها بلعقل كانت دايخة شوية دا مفاتح طونوبيلتها و راح عند نهى
إياد :نهى ادي ماما و روحو للدار انا نبقا مع نورسين
نهى:بصح إياد راك عيان
إياد:معليش راني نقولك روحي نحس بالراحة هنا وين كاين مرتي و بنتي .... راحت نهى تسوق و فجأة طفاو الضو تاع الطريق ولات متشوف والو بقات تجرب تشوف بصح مقدرتش حتى شافت غير ضو تاع طونوبيل جاي جيهتهم
بومممممم
الحلقة الجاية انشالله نعرفو واش صرا .....🔥🔥⁦♥️⁩⁦♥️⁩🔥🔥🔥🔥🌋😤👏😳😳
ههههه متشوقين ولا والو