دخلو و لقا الكارثة طفل صغير يبان فسن المراهقة مضروب بالرصاص و نور معاه تحاول تسلكو و مرا ثما مضروبة برصاصة لراسها مستحيل تكون حية
إياد : نور الله يخليك سلكيه ربي بخليك راه أمانة خويا الله يرحمو
فارس: واش كاين واش صرا هنا ........هجمو القوات تاع اامركز و حكمو قاع لي فالدار من غير نورسين لي وطها يبان صفر راهي فشهرها السابع و تخلعت حكمت بلاصتها شافت غير ميليسا تجري عندها
نيليسا:ناري نارييي جيبولي ماا جيبو حاجة حلوةة نور: وين راهم هاذو الطفل راح يموتت .....هما هكاك حتى دخلو ليبومبييي رفدوه و داوهم ..... و قربو لمرا داروها فكيس نواغ و داوها  و نور ريحت شوية و خزرت فنورسين لي وجها ميبشرش على الخير
فارس :كيفاش صرا هاذ الشي
نور:عيط لوليدك يجي
فارس:متبدليليش السوجي
نور:راني نقولك عيطلو
بعد فارس شوية عيط لإياد
إياد :بابا قتلك سحال من خطرة متعيطوليشش
فارس :رانا لقينا نورسين ارواح للعنوان لي نبعثهولك دوك
إياد: هاني جايي .......ناض يلبس و خلاص و خرج يجري خارق طريق غير يطمأن على مرتو
نور: مفهمتش كيفاش صرا هاذ الشي بصح كاين حاجة وحدة هي نورسين لازم تتكالما باش نقدرو نديوها لسبيطار راهي مشوكية
نور:نورسين حبيبتي اياي معانا لبرا كاين طونوبيلات تبدلي حوايجك و تمسحي الدم لي فوجهك
نورسين:..........
نور:ميليسا سيي تخرجيها لازم نبعدو منا بأقرب وقت الصحافة دوك يجو
ميليسا:علبالي راكي تسمعي فيا فخاطر البيبي لي فكرشك اياي معايا افطني شوية برك حكتها وقفتها و هي ساهية
فارس:يا حصراا ياك مرت وليدي و راهي قد بنتي قرب ليها رفدها و هي ما حاسة بوالو خرجو داوها وطونوبيلات لي بجو كبار فيهم كلش
و قلعو حتى وصلو وين كان إياد يستنا هو غير شافها طلع يجري شاف ظيراكت فنورسبن لي كرشها كانتت و وجها قاع بالدم و صفرر تبان داش ما راح يصرالها
إياد:نورسين حبيبي
نور:اشش بلاك بالعقل راهي فشوك اي خطأ يضرها عيطلك ليك فطنها و سيي دوشلها و بدلهها تفطن شوية فهمت بلعققل باش ندوها لسبيطار .....قرب ليها بلعقل
إياد : معليش تخرجو
نور : اخرجو خلوهم .....خرجو قاع
فارس : و ظوك متحكيش
Flash back ⏳⏳
كنا واقفين اليكساندر حاط سلاح على راس نورسين و نور حاطاتو على راس إياد و كل واحد يستنا من لوخر يغلط حتى يسمعو حس مراة جاية ماللور تعقلت غير بطالةن تاعها
'''':اذن نني نورررر لي فسدتيلي حياتي هذي هي نور لي كنت تعيط بأسمها ملي تمون معايا ايه اليوم نتهناو منها
رفدت السلاح  و وجهاتو على نور و طلقت الرصاصة لكن للأسف كان جاي وليد خو إياد لي مشي عارف واش كاين و دخل يجري باش يحكي لعمو حاجة جات فيها و ما هي الا ثانية حبد إياد سلاحو و ضربها لراس
اليكساندر: ماممممم واش درت نتا هبلت تقتل ماما فهذيك اللحظة نور قاست سلاحها و راحت تخاول تسلك الطفل لي راح يموت بدون اي سبب فالحرب هاذي
End flask back ⌛⌛
فارس قرب لها و حكم وجها بين يديه : علبالك شحال خفت تصرالك حاجة اكبر خوف مريت بيه فحياتي هو فقدانك يا نور عيوني
نور بلا ما تحس قربت ليه و عنقاتو و تخبات فحضنو و بقات غير ميليسا  تتفرج  حتى كملو لقاوها تخزر فيهم هكا 😐😐😐
فارس: الله غالب نسيت نجيب معايا أمير
هنا ميليسا ولا حمرة :وشن كيفاه
فارس: ههههه اودي غير انا متكلخوليش دوك يجي الشوفور يديك عندو قريب يهبل مسكينن هههه
ميليسا: بصح
فارس: علبالي راه فاكونص هههه بصح يديك عندو ..... غير 5 دقايق وصل الشوفور ركبت معاه ميليسا وش شافتو بظا يمشي بين الحبال حتى وصل عند وحد الدار زين شابة مخدومة قاع بالحطب قربت للباب و حبو تديرلو سوغبغيز راح للباب دقدقت صونات حتى جا يفتحها راحت مور الباب خرج هو شوية برا يشوف شكون لي يصوني و هي استغلت الموقف دخلت للدار بتسلل ولا هو دخل و راحت موراه سوطات فوقو
أمير : اااا يماا
ميليسا : متوحشتنيشش
إمير :  ميلييي
ميليسا : هههه وييي
أمير : ياربي عيونس حات يا ربي حياتي راهي قدامي و مليحة حمدالله يا ربي و بق معنقها و يدور فوسط الدار حتى داخو طاحو فالارض
أمير : وينتا جيتي وين كنتي علاهه تبحرتي
ميليسا : هههه بين هاذو قاع نقدر نجاوبك على سؤال واحد و هو طيت قبل 5 ايام قالولي راك فاكونص و ننا عمو فارس حاوزك هنا بسيف اما لوخرين منقظرش نكاوب عليهم حتى تتلم قاع العائلة
عند نورسين لي كانت مزالت مشوكية و  المشهد فراسها كيفاش ضربوه و كيفاش دارو السلاح فراسها
إياد:نورسين حبيبتي عيوني مرتي الغالية وليدي اذا راك تسمع مد شوية قوة لماماك تفطن برك حبيبي ليك انا إياد راجلك
نورسين: إي إيا إياد
إياد : وي إيادد
نورسين:عنقني
حكمها إياد خباها فحضنو حاول ينحي عليها بزاف صوالح حتى حسها ارتاحت رفدها داها للدوش لي تما عاونها دوشلها مسحلها و لبسلها حوايجها و خرجها
إياد: حبيبتي لازم تفطني شوية فخاطر لي فكرشك شوية كوراج
نورسين : امم
إياد : دوك نديك لطبيب اوك نتفقدو صحتك
نورسين مكانش عندها كوراج تحكي غير تسمع فإياد و أخيانا ديرلو براسها إيه ولا لالا ..... خزر فيها باسها من راسها و باس كرشها و رفدها لقا باباه و يماه برا حطها فالطونوبيل و رجع عندهم
إياد: ماما معليه نحكي معاك
نور: وي
إياد : كي دوشتلها سالولها قطرات دم مفهمتش و راني خايف عليها و على وليدي
نور:إياد إياد قادر كاش ما كانو يدمولها تشرب باش يطيح فوقت محدد مع يمدولها دواء تاعو اجري لطبيب ...... ما جات نور تكمل هدرتها لقاتو فطنوبيل و راح يقلع بيها
نور: فارس ايا نروحو حتى حنا لسبيطار نشوفو حالة الطفل هذاك و نورسين
فارس : و الطفل خنا علاه
نور: نظن علبالك بلي المركز بعد ما يدي عائلة اي واحد يستكلف هو بالأطفال و هذا يبان قد وليدي فهمت لوكان تصرالو خاجة لا ذنب له فيها كيفاه
فارس: اوك اوك
راحو حتى هوما ركبو و قلعو لسبيطار
عند إياد لي غير وصل لسبيطار حس بلي نورسين توترت اكثر.....حكملها يديها عندو
إياد : حبيبي متخافيش اوك انشالله ماصرالكم والو ....دخلها و بقا يستنا فطبيب يخرج عندو
إياد :دكتور مرتي كيفاه راهي
الطبيب : اسكو مرت بصدمة من قبل
إياد : وي مرت
الدكتور : بسبب الأدوية المضادة للإكتئاب لي كانت تشربهم و الصدمة لي طازت بيها قادر يحدث ولادة مبكرة لأنو قادر يصرا تشوهات للجنين اذا لازم تبقى فالمشفى تحت العناية حتى تولد
إياد : يا ربي صبرني غير تكون مليحة برك
الدكتور:  لازم نتا تكون قوي باش تدعمها
إياد: لي عليا نديرو.....نقدر ندخل عندها
الدكتور: درنالها مهدئات على ساعة تدخلك الممرضة
إياد: و كاش ما تسخق دوا ولا نجيبلها
الدكتور : لا كلش من عندنا من غير الأشياء لي تحب تاكلهم هي غير واش نمدو طبعا
راح الدكتور و قعد فإياد فوق الكرسي شاد راسو لي راه يدي و يجيب حتى حس يد على كتافو كلع راسو لقاه باباه
فارس:كان مصيرنا واحد للأسف متتقلقش كلش راح يتحسن مع الوقت و راح نصيرو افضل انشالله
إياد : انشالله انششالله
و نور لي طلعت سقسات على الطفل الصغير قالولها بلي مزال فغرفة لعمليات لأنو الرصاصة جات قريبة جداا على قلبو بقات رايحة جاية فالكولوار فراسها بزاف اسئلة نص يعرف جوابهم ميليسا و النصف الثاني نورسين بصح الحالة راهي متدهورة من الجهتين ..... ميليسا كان عليها ضغط كبير من جيهة ختها لي ماتت و اللغز لي هي عرفت حلو وحدها و ختها الكبيرة لي كانت فخطر  خلاها تعاود السنة الدراسية تاعها و وليدها أمير لي عندو باك مبقالوش بزاف و معلبالهاش حالتو كيفاه  (بالمناسبة ربي يوفق جماعة الباك ربي معاكم مراهش حاجة صعبة اهم شيئ الإنضباط ديرو الخوف على جيه و ديرو بين عينيكم حلمكم و نهار لي تبان فيه النتيجة النهائية ربي يوفقكم و يفرحنا بيكم) هي هكاك حتى خرجت ماريا من غرفة العمليات
نور:ماري كيفاه راه
ماريا: حمدالله قمتيلو بأسعافات اولية قدرنا ننقذوه
نور: حمدالله يا ربي
حتى شافت من البعيد اسلام و أمجد و ابتهال
نور : سلام
إسلام : بنتي بنتي وين راهي
نور : راهي مع إياد غرفة 201
إسلام : صحا ايا ابتهال
نور: ابتهال
ابتهال و الدموع فعينيها على بناتها وحدة ماتت وحدة راهي حالتها خالة هي وليدها او بنتها او وحدة عاودت الباك بقا غير خوهم صغير لي يخاول قدر المستطاع يرفع معنويات اهلو
نور : متبكيش قدامها الله يسترك مرت بشوك قادر يأذيها روحيلها بلعقل
ابتهال : دارتلها براسها ايه و مرحت وجها و راحت مع اسلام اما امجد قرب لنور
امجد : الطفل اسمو ياسين عمرو 18 سنة عندو باك هاذ العام يعني لازم يبرا فأقل من شهر باش ميروحلوش العام و اذا حب يعاود حاكة وخدوخرة
نور: صراحة مشكيتش يقدر الرصاصة كانت قريبة لقلبو بدون ما ننساو المشاكل و الصدمة لي مر بيها
امجد : اوك راه كبير يدبر قرارو فيدو
نور : اااا فكرتني ايا مبعد و نحكو راحت نور للبيرو تاعها قعدت تحاول تربط الأحداث فراسها ..... لأنو عيات مقدرتش تزيد توقف على رجليها .... ولا ترفد راسها و تركز فحياتهم كيفاه ولات اسكو خوها راح يسامحها نقولو انو روميسا مشي بسبتها و ميليسا و نورسين

---------------------------------
أمير : ايه كيما تحبي متحكيش علبالك شخال توحشتكك
ميليسا : انا ثانن راحت معاه لصالون لقات بزاف ورق و ليكايي فهمت بلي كان يقرا
ميليسا: عندك باك 😔😔
أمير : و نتي متجوزيش ياك
ميليسا: للأسف
أمير : بصح ميليسا مشي نتي تقراي فالمركز و هنا يعني تقدري تجوزيه راني عارف بلي نتوما فالمركز تقراو ضعفنا حنا يعني هذا راح يجيك والو نتعاونو شهر و نحوزو كيف كيف بلا ما نقولولهم واش رايك
ميليسا: بصح مشكيتش نقدر
أمير : ياك نتي سيي واش راكي خاسرة مجبتيهش تعاوديه العام الجاي
ميليسا: و مقريتش تقريبا فصلين ملي دخلنا قريت غير شهر و بعدها جا موت نورسين و كلش تخلط عليا
أمير:كوراج نعرفك تقدريلها و نعرفك بمعريفتك خليه يكون السر تاعنا
ميليسا: اوك مال دوك نوجد كاش ماكلة و نعيط لعمتو نقولها نبقاو هنا حتى على شهر و خلاص
أمير : ههههه صراحة منكرهش 
راحت ميليسا وجدت شوية مكسرات ماكلة تفيدهم و جات قعدت و بدات تسترجع بلعقل و أمير فنفس الوقت يقري فيها و يقرا معاها
أمير : بصح مقلتيليش واش راكي حابة تولي
ميليسا: حابة نولي محققة مخابرات
أمير : امم مليح بصح ياك تخدمي فالمركز
ميليسا: حتى المركز يعتبر كالمخبارات بصح انا حابة حاجة مع الدولة و فنفس الوقت خدمتي وحدي كاين أشياء الدولة متدخلش فيهم و كاين اشياء المركز مايدهلش فيهم كجرائم القتل ولا الإرهاب حنا مع المافيا فقط
أمير : اااا اوك ايهيه اقراي دوك ....بقاو يقراو يضحكو يلعبو ياكلو

نسيناهم هههه علبالي هما لي تكبوهم نرمين و منصففف زعما واش صرا ايا الحلقة الجاية تعرفو ....😂😋😋😔🙄

حبيت نعرفكم على ضحاباتي كاين هاذي 🐷🐮🐨🐰🐁🐥🐵🦉هههههه و حب قلبي 🐸