عند إياد لي وصل لدار الجد و دخلو يستناو حتى جات الخدامة 

الخدامة =مدام تقدري تطلعي عندها راهي تستنا فيك 

ماريا طالعة و قلبها غير يزيد يتزير حست حاجة فقلبها جبدتها لهاذ الدار حتى دخلت لقات مراة تبان كبيرة واقفة عند التاقة تخزر لبرا 

ماريا=السلام عليكم

نانا=و عليكم السلام ... و دارت ......ماريا هنا دارت يدها على فمها و بقات تخزر فيها ....اما نانا بقات مشوكية و حست الدنيا تلعب عليها مفاقت غير مع صوت الزجاج طايحر فالارض و ماريا فوقو 

نانا=ماريااا ...و راحت بالخطوات تاعها تجري عندها .....فهاذ اللحظة كي امجد سمع طلع يجري بلا ما يهتم لاي حاجة .......لقا ماريا فالارض دايخة و هذيك المراة شادتلها راسها لي تجرح شوية مالزجاج

نانا=نارين نارييننن(الخدامة)عيطي لطبيب العائلة تاعنا اجري 

امجد=واش صرالها واش بيها ماريا ماريا حبي افطني ....واش درتيلهااا بعدي عليها بعدي .....نانا بقات مشوكية غير تخزر ....رفدها امجد 

وين نحطها وينن اهدري

نانا=هنا وراتلو وحد لاشومبغ حطها و مخلوع عليها حتى جا طبيب خرجهم و بقا يفحص فيها ..خرج عندهم

الطبيب=الزجاج جرحها شوية بصح حمدالله مدخلش بزاف نضفتو و على حسب حالتها نظن عندها انهيار عصبي ننصحكم تدوها لطبيب نفسي و تبعدو عليها الضغوطات

امجد=نديها لسبيطار ولا

الطبيب=لالا مكله راني كتبتلها هنا الدوا و درتلها حقنة مهدئة على ساعة تفطن

امجد=صحا صحا.....و خزر فنانا ..نقدر نفهم واش درتيلها

نانا=شكون نتا باش تحاسبني 

امجد=نتي لي شكون باش تهدري معايا هكا

نانا=شكونو هذا

إياد=راجلها 

نانا=كيفاههه

إياد =ليك جيناك على مشكل راح نرجعو فمشكل ثاني 

امجد=انا ندخل عند ماريا و نتا اهدر معاها اذا قدرتو تتفاهمو .......دخل امجد للغرفة وين كانت ماريا لاحظها من كل الجيهات شاف بلي الجدران تاعها مرسومين بنفس الزهرة لي تحبها ماريا شاف فالخزانة حكمو الفضول فتحها لقا حوايج طفلة فتحهم و ولات بيها الذاكرة لاول يوم تلاقا بيه بماريا كانت لابسة هكا 

امجد=كيفاهه هذو يا ربي مفهمتش زاد قرب للبيرو لي تما لقا كراريس كلهم مرسومين نفس الرسم تاع ماريا كيفاه ميعقلوش حتى شاف الكادر لي شوكاه لي خلا الصورة توضح فمخو ويي صورة تاع ماريا وقت كانت صغيرة يوم ربحت الباك تاعها و يوم اغتصبها رفد الكادر حتى سمع حسها 

ماريا=ماما ماااما

امجد=ماريا .اشتتت 

ماريا=ماما ماما امجد كانت قدامي شفتها وين راهي 

امجد=ماريا تهدني تهدني ليك صرالك انيار عصبي لوكان تكملي هكا يتعاود ....ماريا بدات تتهدن و تفطن خزرت فالغرفة لي كانت فيها هكا كانت غرفتها قبل نفس السبيغة نفس الخزانة البيرو بصح تفكرت انو مكانوش يسكنو فنفس المكان 

ماريا=امجد عيطلها ....امجد حس بالذنب وقت شافها هكاك و تفكر واش عانات بسبتو خرج راح للصالون وين كان يهدر إياد مع نانا

إياد=كيفاه معلبالكش راني نقولك مرتي و ختها و يماها مكاشهم 

نانا=شوف نورسين هربت منك و قاتلي بلي تصالحتو ودعتها و راحت هذي هيا 

إياد=كي هكا راجلك وين راه 

نانا=راح خدمة 

إياد=واش لي يثبتلي الهدرة هذي 

نانا=يا وليدي علاه نكذب انا قتلك راح يودع نرمين 

إياد=شكون نرمين

نانا=بنت وليدي رايحة تقرا فالخارج راح يوصلها للمطار و يرجع

إياد=اهدري يا مرا ااا مرتي وينن

فارس=ايااددددد متعيطش عليها راهي قد جداتك 

إياد=بابا هذي مرتك كيفاه راك كالم هكا 

فارس=وي مرتي بصح المراة قالت معلبالهاش معلبالهاش تكذب 

امجد=طاطا 

نانا=انعم

امجد=ماريا تحوس عليك ..... مع هاذ الكلمة ناضت تجري طالعة دروج 

فارس=ماريااا واش تدير بيها هي ....امجد قعد و حط راسو بين يديه 

إياد=خالوو راك مليح وشبيك هكا 

امجد=هذي يماها 

فارس&إياد=كيفاههه

امجد=وي عرفت كلش هذا علاه صرالها الانهيار 

طلعت ناانا عند ماريا و مترددة لا تدخل ولا لالا حتى تشجعت و دقدقت عليها 

ماريا=ادخلي ...دخلت خايفة من ردة فعلها تقولها بسبتك نتي حكيتي لبابا ولا اما كان العكس ماريا عنقتها برك و بقات هكاك..

نانا=ماريا بنتي 

ماريا=اششش متهدريش خلينا هكا برك وحد 10 دقايق هما هكاك باش تفارقو ...نانا بقات دايرة يدها على خد ماريا 

نانا=سمحيلي يا بنتي سمحيلي الغلطة تاعي محسبتش يصرا هكا منعرف واش تعذبتي وحدك 

ماريا=مسامحة دنيا و اخرة مشي ذنبك كانت غلطة تعاقبت عليها و دوك حمدالله راني بخدمتي و راجلي و ولادي 

نانا=حمدالله حمدالله ياربي لي عاودت جمعتني ببنتي و استجبت دعواتي

ماريا=حمدالله

نانا=راجلك ...

ماريا=ايه هو نفسو بصح الحالة اليوم متبدلة لانو نحبو و يحبني و عندنا 5 ذراراي راح نعرفك عليهم 

نانا=باين من عينيه ربي يهنيك يا بنتي 

ماريا =علاه بدلتو الدار

نانا=باباك حب يجي هنا بعد ما مات خوك 

ماريا=كيفاهه وشن قدك محمد مات لالا تتمسخري....و نزلو دموعها و اقل من دقيقتين بدات تبكي بالشهقة خوها السند تاعها الوحيد لي كان معاها فجميع قراراتها راح و مات

نانا=اششش يا بنتي راه مكتوب مكتوبب

ماريا=كيفاه مات تزوج متزوجش

نانا=راح نحكيلك بصح مشي اليوم منقدرش

ماريا=صاح بابا يشوفني هنا ميحبش لازم نروح راح نرجعو نتلاقاو يالله نروح قبل ما يجي بابا

الجد=علاه تروحي 

ماريا تشوكات محستش لقات واقف قدامها هبطت راسها حشمانة منو ..اما هو هبط كبريائو و غرورو خلاص مراهش حاب يبقا وحدو اكثر و علبالو بلي منصف و نرمين راح يحبو بعضهم فكل الاحوال و يتزوجو صح مكاش هروب عنقها و بقا هكاك

الجد=كاين لي تهرب من دارهم 

ماريا=بابا سمحلي سمحليي بزافف 

الجد=خلاص يا بنتي نتي غلطتي و تعاقبتي علبالي بكلش و بما انو ربي رجع جمعنا فهاذا مكتوبو راكي مسامحة دنيا و اخرة .....ماريا زادت زيرت عليه و دموعها شلال 

ماريا=صحاا مارسيي بزافف كي سامحتوني 

الجد=واش كاين بصح غير الخير

ماريا=والله الدار مقلوبة خت امجد مبانتش و ماما  2بنات خوه مكاشهم نورسين كانت عندكم 

الجد=وي نورسين كانت عندنا شفت الاخبار بلي مفقودين كيفاه هكا 

ماريا =والله ماعرفنا 

الجد=و ولادك ملاح يخي قوليلي كل واحد واش راه يدير

ماريا=رؤوف الكبير مزوج ببنت  عمتو خدام فالشركة تاع باباه

منصف الدوزيام راح لألمانيا البارح

الجد=نعرفو منصف و حتى علبالو بلي انا جدو

ماريا=كيفاه يعني تعرفو مقاليش

الجد =عرفتو غير اليوم و هو لي ضرب بنت خالو 

ماريا =كيفاه ضربها شكون بنت خالو 

نانا=نرمين بنت محمد الله يرحمو دار اكسيدون شربها بالطونوبيل بصح راهي مليحة و حتى هي راح تقرا ثما 

ماريا=ااا اوك راحو كيف كيف

الجد=ايه راحو كيف كيف وصيتو عليها كملي ولادك

ماريا =نهى تقرا و خدامة فالشركة تاع باباها و مخطوبة بواحد من امريكا 

الجد=كيفاه هذي هبلت و خليتيها

ماريا=هو مسلم على هاذي محبيتش نفورصي عليها 

الجد=ااا كي هكا اوك

ماريا=و كاين فادية فالليسي و الصغيرة سونا فالسيام 

نانا=الله يبارك الله يبارك ربي يحفظهم نتي دوك تروحي معاهم 

ماريا =ايه لازم قتلكم الدار مقلوبة و يماه مالصباح الكسر يطلع و يهبط مكاش غيري ثما

الجد=وليتي طبيبة حققتي حلمك

ماريا =وي حمدالله

نانا=صاححح

ماريا=ايهه

نانا =يا عمري عىل بنتي يا عمري ربي يحفظك دوك نتي روحي و عيطيلي كاش ماكان حتى نورسين عزيزة عليا و تان كي تتهدن الحالة انشالله راني نعرضك للعشا 

ماريا=مارسيي صحا........خرجت ماريا تلاقات بامج لي من عينيه حاب يفهم واش كاين يشوف فيها فرحانة 

امجد=ماريا واش صرا

ماريا=تصالحناا

امجد=صحح 

مارياا=ويي مي منيش قادرة نفرح عرفت بلي خويا و مرتو ماتو و البنات مكاشهم منصف منعرف حالتو 

إياد=بصحتك طاطا ماريا لعقوبة ليا نلق ماما و مرتي و ختها 

ماريا =انششالله ..........هوما خرجو كل واحد وين تخمامو 

نانا=مزية معيطتش ولا زعفتها

الجد=خلاص بينها و بين ربي راح نفتحو صفحة بيضاء جديدة 

نانا=انشالله غير تولي نرمين بخير برك 

________________________________________________________________

الحلقة القادمة =

نور=كيفاه لقاونا واش صراا؟؟؟

ميليسا=اهربييي اهربييييييييييييي؟؟؟

نورسين=كيفاه شكون نتااا "؟؟؟

واش رايكممممممم هياا متبخلونيش حبوباتي 

#المحظوظ_2020