صحا فطوركم طبعا اليوم تأخير كبيرر لأنو راني مريضة بصح درت البوسيبل نكتب اليوم 

___________________

فاتت سمانة على الأبطال تاعنا و كل واحد لاهي فشغالو ريناس تصالحت مع خوها محبتش يروح و هوما مدابزين و روميسا قريب تهبل مل شمبرتها متخرجش اليوم دارو عشا صغير باش يودعو إياد تلمو قاع تما فدار نور و فارس 

أمير= خويا اقرا مليح بلاك تبهدلني 

إياد = ههه متخافش لالا نقرا مايدروليش كونفوكاسيو بلاك ليك

نور= اميرر روح افتح الباب 

امير= اوك

راح فتح الباب لقا ميليسا واقفة و فيدها جوغ بلاتو تاع قاتو 

____عند امير __________

رحت نفتح الباب لقيتها ميليسا بنت خالي اول مرة نلمح زينها تهبل كي شفت روبة لي لابستها معجبتنيش قاع 

امير= وين راهم لوخرين

ميليسا = ماما و بابا مزال شوية باش يجو جيت مع بلال راه لتحت مع صاحبو

امير = و جيتي هكا ملداركم

ميليسا = يعني فميزك جيت بالجلابة كي وصلت هنا نحيتها 

امير= معليش معليش

ميليسا=امير عييت خليني نفوت 

امير= ايه فوتي فوتي

والله اول مرة تصرالي حسيت حاجة تجبدني ليها صح تقرا معايا بصح جامي حوست عليها ولا هي فجيهة و انا فجيهة المهم فات هذاك نهار و انا عيني متنحاتش عليها مداري نشوفها صغيرة و دراري اليوم حسيتها انثى و مغرية حتى هدر خال

اسلام= وش امير ميليسا صافا فاليكول متخالطش 

هنا جاو بزاف افكار فراسي بنات خالي تقرا معايا و طفلة من واجبي نعسها و نحامي عليها انا جامي حوست عليها وش نقولو 

امير=وي صافا عاقلة

_________عند ميليسا _____________

اليوم حفلى توديع لإياد وليد عمتو رحت وحدي مع بلال هو بقا يقسر مع صاحبو يسكن تما و انا دخلت فتحلي امير كان زين شباب و صدعلي راسي بأسئلتو كلي مداري علبالو بيا ملي نحبو جامي شافني كي دوك كرهتو و حبيت شخص اخر يحوس عليا  فاتت ديك العشية انا كنت عيانة و متوحشة أسامة وي نحب اسامة يقرا معايا هو تان مداسرني بصح معلابالوش بلي نحبو حتى قالنا بابا بلي نباتو

اسلام= ايه نتوما تقدرو تبدلو نباتو هنا 

ميليسا= وشننننن علااه

اسلام= وشبيك تعيطي الله غالب 

ميليسا = مجبتش تلفوني 

بلال= و شكون قال هاكي

ميليسا = اوه حمدالله مرسي 

معد تفكرت بلي معنديش انترنت خلاصت 

______عند امير___________

خالو قال بلي يباتو عندنا فرحت و معلباليش علاه بصح هي تبان زعفانة معجبهاش الحال و قال تلفوني و قاع مزيا جابو خوها كنت فشمبرتي حتى جات دقدقت عندي 

امير= ادخل

ميليسا= امير خويا معليش تديلي مودباص سيتوبلي

امير= وي هاتي

مدتهولي درت موتباص نستنا انترنت تطلع حتى لحقو ليميساج من واحد اسمو حبي و داير فوتو تاع كوبل قبل ما نقرا خطفتلي تلفون

ميليسا= مارسي

امير= شكون هذاك

ميليسا = شكون 

امير = لي بعتلك ميساج

ميليسا = ااا هههه متفهمش غالط صحبتي برك

امير=لالا ايه صحبتك حبيتي نامنك

ميليسا= مشي شغلي متامنش

المهم فاتو لييامات ولينا نقراو دايمن روتين كي العادة 

_____عند إياد___

رحت لأمريكا وصلت داني شوفور لدار تبان شابة ماما تعرف تخير البلايص غد منداك رحت للجامعة اصلن كنت متاخر كي وصلت شفت واحدة ملبعيد تشبه لنورسين مع وحدة تقسر مع وحد الرجال رحت نجري جبدتها جا واحد عندي 

****= شكون نتا باش راك تجبد فيها هكا

إياد= وش دخلك نتا وش تكون

****= نتا لي وش تكون

إياد =متحوسش تفهم بزاف قتلك نتا والو

****= انا حبيبها

و انا سمعت هاد الكلمة خزرت فيها خزرة و ضربتو قريب قتلتو لوكان مشي صحابي و حكمتها جريتها مورايا و هي شعرة مزغدت فيها تقول مشي هديك لي راحت عام ليفات و تبكي 

إياد=وش ايه وشش

نورسين=........

إياد= اهدري وش هاد البرود اهه وش 

نورسين= حاجة متخصكش علبالك نتا جيت و انا كنت هنا دير روحك ماشفتني و ماتعرفني 

إياد= نورسين متهبلينيش وشبيك وين راحت هاديك الطفلة الحنينة العاقلة لي تحشم 

نورسين = تبدلت ولات وخدوخرا بسبتك 

و نزلت تمشي بكل ثقة و توازن بهدرتها فكرتني بزاف صوالح كنت صغير و منعرفش وش ندير حتى لاحضت لبستها لابسة روب ميني و فاست ملفوق و هي شابة محملتش مفهمتش وش لي كان فقلبي وش هذاك شعور رحت رفدتها و قلعت فيتاس

إياد= هذاك شكون

نورسين= كيما قالك هو نتا لي شكون

إياد = انا وليد عمتك لي باباك وصاني عليك قبل مانجي ديجا مشي نتي كنتي تعيطلي على 4 ولا نسيتي

نورسين= ايه انا خاطر كاين غير نتا لوخرين قاع يكونو راقدين

إياد= و انا منرقدش

نورسين= نو مترقدش تضل تخدع 

وجعتني هاذ الكلمة بزاف 

إياد= هذاك شكون

نورسين = يكون لي يكون مكان مادخلك 

بلا ما نفيق ضربتها كف 

إياد= صح وش دخلني انا وش دخلني ايذا نتي حبيتي تولي رخيسة انا وش دخلني ايذا نتي حبيتي تديري صاحبك و ترقدي معاه و تولي عاهرة ايدا نتي حبيتي تلبسي القصير و تخلي لي يسوا ولي مايسواش يشوف فيك وش دخلني انا خزرت فيها قلت تبكي مي نو كانت متبسمة

نورسين بكل برود= هاه شفت مازلت نتا نتا مازلت تحكم على الشخص بالمظاهر مازلت دير على واش شفت و توسخ الناس مازلت تهدر مع واحد بلا ما تعرف ظروفو هههه متخافش منزعفش انا موالفاتك بصح بلاك مع بنات وخدوخرين دير هكا والله يخليوك ديراكت ايا دوك وليد عمتي الشاطر وصلني للدار 

هادي امبوسيبل تكون نورسين هاذي وخدوخرة لالا امبوسيبل هاذي مشي نورسين وراتلي دارها وصلتها و رحت لداري نخمم فهدرتها الصح الصح قاستني بزاف 

______عند نورسين_____

جا مفسد حياتي دارلي تبهيلة كبيرة مع الكساندر الصديق التاعي لي يعرف كلش حتى حكايتي معاه و عقلو و مازل يحكم عليا فتحلي جروح كبار فقلبي محبيتش نتفكرهم 

flash back =

........................

_____________

حتى الحلقة الجاية انشاء الله استناوني غدوة تعرفو حكايتهم و متنساوش رايكم

و قولولي وش رايكم زعما امير يولي يحب ميليسا و زعما ميليسا تبادلو نفس الشعور بعد ما ولات مع أسامة؟؟؟؟؟؟

زعما وش تكون حكاية نورسين و إياد و واش يكون الكساندر ؟؟؟؟؟