اسفة على الغيبة والله كنت مشغولة و خدمة و قاع راح نجازيكم للي سقساوني وينتا نكمل اليوم راني حلقة 29 الكرو فيها 60 حلقة يعني مزال 31 بصح كيما قتلكم تكمل قبل 10 اوكتوبر انشالله راج ندير كل جهدي فيها 

______________________________________________________________________

فارس=اهدر وين راهم نتا ديتهم ويننن ويننن 

عماد= بعدني قتلك ما ديت حتى واحد انا 

فارس=اهدر اهدررر اهدرر معامن خدامم

عماد =واش راك تهدررر

فسجن المركز فارس يحكي مع عماد و ماخلا فيه والو بالضرب 

فارس=ادوه عليا ادوه 

جاو السجانين داوه و دخل عليه اسلام

اسلام=كاش ما هدر 

فارس =كأنو معلبالوش

اسلام=يخرج من تحتها حاجة يرج

________________________________________________________________________

منصف راح عند نرمين

منصف=نرمين شوفي مجرد اني شفت لاقبك استغربت لانو جدك يعرف اهلي معريفة قديمة فقط متتقلقيش 

نرمين=اممم اوك نودع جدو و نجي

منصف=اياي معايا 

نرمين راحت ودعت دها بقوة باش تطمنو انو واثقة من روحها و يبعد الخوف عليه 

الجد=اتهلالي فيها

منصف=كونك هاني 

الجد يحكي فقلبو=كنت شوية مقلق عليها بصح بعد واش صرا و عرفف انو نرمين تكون بنت خالو ارتحت انو راهي فامان تمنيت لو اني نقدر تعنق بنتي ماريا و نحكيلها سبب التخلي عليها 

منصف=نرمين شوفي كوني متهنية معايا اعتبريني كي خوك برك راح تكوني محمية دايمن تما تقراي عادي و تسقسيني قبل ما تخرجي لتفادي المشاكل 

نرمين =اوك وينتا نروحو

منصف=روحي ريحي غدوة نروحو 

راح كل واحد لغرفتو نرمين دخلت دوشت و خرجت  لبست بيجامة شوغت و طلقت شعرها هكاك مشمخ خلاتو ينشف وحدو شعلت التيليفيزون و بقات تتفرج حتى نعست و رقدت 

منصف خرج يشري ماكلة راح جاب من اقرب غيستو و ولا راح عندها دقدق مكاش حس زاد مكان حتى رد

منصف و هو يدقدق =نرمين نوضي تتعشاي جبت العشا نرميننن

هنا خاف عليها و فتح الباب دخل لقاها ب ذاك المنظر مقدرش يبعد عينو باينة ناضت مرقاد شعرها بوكلي و مع لبستها تريكو طالع و ريحتها لي مخلات فيه والو  

منصف بعد ما فطن من شرودو 

منصف=اا .اا ن نرمين علاه مكنتيش تجاوبي 

نرمين=خزرت فيها =ااا سمحلي انا كي نفطن منقدرش نهدر 

منصف=اوك اياي تتعشاي 

نرمين=نغسل و نجي 

بعد ما خرج خزرت فلبستها 

نرمين=يا يما شافني هكاا ياحي على التبهدايل اهه راسي كيفاه نقابلو دوك 

راحت غسلت و زادت فوقها جبة خفيفة و هبطت عندو حمرة مالحشمة هو وقت خزر فيها زاد تشوكا مالحمورية لي فوجها 

منصف=اذا ديرونجيتك ناكل فالصالون نورمال

نرمين =ااا لالا عادي اقعد 

منصف=يعني بواش تفسريلي الحمورية تاع وجهك .......هي دارت يديها على خدوها 

نرمين=ااا لالا برك برك محملتش السخانة  

منصف=اييه صح عندك الحق اياي نروحو للصالون 

نرمين=امم اوك 

راحو و كل واحد يحاول يبعد فعينيه على الثاني وصول كلاو و هوما الكلمة على لسانهم حنى نطق منصف 

منصف=نرمين نتمنى متحشميش مني ولا تتلبكي معايا نظن فتحنا على جال هاذ الشي راكي مرتي قدام ربي مكان علاه تبقاي هكا و انا منيش راح نقيدك 

نرمين=صحاا والله ما ننساهالك

منصف=متعاوديهاش انا لي لازم نشكرك على مساعدتك عائلتنا 

نرمين=بلا مزية راهي نورسين ختي بالمناسبة غدوة اي ساعة الطيارة 

منصف=على 8 تاع الصباح 

نرمين =اوك .......ناضت لمت ماعن العشا و غسلتهم و طلعت لشمبرتها الخطرة هاذي غلقت الباب بالمفتاح و رقدت فطنت على الفجر توضات صلات لمت دوزانها و لبست حوايجها و راحت للكوزينة طيبت قهوة شافت السعة لقاتها 7 و هو حرج مالباب لابس 

منصف=انا قلت مزلتي راقدة 

نرمين =لالا نضت ايا نشربو قهوة و نروحو 

منصف=اوك نهبط ليفاليز و نجي 

طلع منصف لغرفتها رفد لافاليز تاعها و خزر فالكوافوز جات عينو على حاجة كي الكراس مكانش ثما قبل فتحو لقا روسومات تاع ازهار و رسمة تاعو و لقا حاجة جاية كي البوتونتيف لي يجي فالسنسلة 

رفدو دارو ففاليزتو على برا و راح لقاها تشرب فقهوتها 

منصف=بصحتك انا فرغيلي غير قهوة كحلة 

فرغتلو و قعدو شربو 

منصف=مكله تغسليهم اليوم تجي الخدامة تنقي كلش

نرمين=اوك 

خرج هو و هي تبعاتو حط ليفاليز و ركب لقاها مزال مكاش

منصف=واش سموك نركبوك 

نرمين=لالا برك حسبت نروحو مع الشوفور باش يرجع الطونوبيل 

منصف=ههه لالا انا نروح و الشوفور يرجعها اياي اركبي 

ركبو كول الطريق ساكتين حتى وصلو نزلو فاليداو القش و راح يستناو طيارتهم حتى جا وقتها ركبو .....نرمين كانت نعسانة و حابة ترقد مرقدتش مليح سهرت ترسم فاليل مفاقتش حتى رقدت 

منصف=يعني موالفة الطيارة ....حتى لقاها راقدة سقملها الكرسي و بقا يخزر فيها 

منصف=كنتي عايشة عادي حياتك عادية حتى دخلنا لحياتك لوكان تعرفيني شكون يا ريت تعرفي ماما راح تفرح 

نرمين=علاش تفرح 

منصف=ههه مكنتيش راقدة 

نرمين=كنت راقدة سمعت الكلمة التالية 

منصف=هههه تفرح خاطر تشبهيلها

نرمين =صحح كيفاه نشبهلها 

منصف=فكلش 

نرمين=كيفاه كلش 

منصف=كي تتلاقايها تفهمي

نرمين=امم متشوقة بصح منظنش يعجبها انز تزوجنا هكا

منصف=انا نظن انو راح تموت بالسعادة لو كان حقيقي 

نرمين=هههه اوك

بقاو يقسرو حتى وصلو بعد 5 و نصف ساعات طيران كانت الوحدة تاع ليل 

هبطو عيانين 

نرمين=اههه عيتت 

منصف=ههه مزال تزيدي تعياي

نرمين=ااه صحح حابة ندوش و نرقد 

منصف=هههه نتمسخر ربع ساعة و نكونو فالدار 

ركبو مع الشوفور و قلعو حتى وصلو للدار نعسانين

منصف=ادي لاشومبغ لي حبيتي الدار جديدة مزال مخيرتش 

نرمين=عادي خير نتا 

منصف=منحبش نعاود هدرتي 

راحت شافت ليشموبغ قاع و خيرت  شومبرة تطل على الجنينة 

نرمين=خيرت هاذي بصح مشي الدار كبيرة شوية 

منصف=نو عادية فيها ثان  غرفة للرياضة لا حبيتي و جنينة صاونا و بيسين و البيرو تاعي و الغرف كبيرة اذا لاحظتي 

نرمين=الجنينة مافيها والو نقدر نخدمها انا 

منصف=اذا تعرفي خوذي راحتك اليوم اجبدي واش تسحقي و ارقدي راكي عيانة و غدوة نوضي سقمي حاجاتك  خاطر مطولين هنا  و غدوة يسهل ربي 

نرمين=انشالله مارسي راني رايحة نرقد 

منصف=ااذا جعتي ولا راهم قضاو كلش مقبل 

_____________________________________________________________________________________

متمدوليش رايكم زعمة 

حبيت باس منخلطلكمش راني ندير حلقة على منصف و نرمين  و حلقة على نور و البنات

#المحظوظ_2020