عند البنات نور . نورسين و ميليسا 

نور=راح نبقاو فهاذ الدار حتى نريحو 

نورسين=انا عييت حابة نريح

نور=استعدوا للاخبار لي راح تكون اليوم

نورسين=اي اخبار 

ميليسا=اخبار اختفائنا من الوسط 

نورسين=بصح عمو فارس علبالو 

ميليسا=راح يمثل مجبور 

نور=دوك كل وحدة تريح فشمبرتها مبعد نفطرو و نقوللكم نظامنا جديد 

ميليسا=و روميسا بالمناسبة نرمين قبلت العرض و راح تروح مع منصف لالمانيا متقدرش تحكي معاك 

نورسين=صحح و منصف كيفاش قبل 

ميليسا =منعرف بلاك قبل خاطر نتي خت الطفلة لي حبها 

نور=هيا طيرو مبعد و نحكو 

طلعو البنات كل وحدة فغرفة بدلو حوايجهم و هبطو تلاقاو فالكوزينة 

نورسين=ايهيه دوك واش ناكلو 

نور=اولا لازم حنا نضفو و نطيبو منديرو كونفيونص فحتى خدامة ثانيا اليوم نبداو نرتبو و نطلبو ماكلة من برا و نحكو 

نورسين=خليني انا نكموندي بليززز متشهية بزاف صوالح

ميليسا=هاكي تلفوني تلقاي ابليكاسيو ابعثي فيها قاع واش تحبي 

نورسين=ايا اوك و مبعد طلعيهالي 

ميليسا=ربي يصبرنا وخلاص من المفترض راجلك يحصل نحصلو حنا

نور=ياك ختك

طلعو البنات بداو ينقيو و يسيقو من غير نورسين كانت غير ترتب فالحوايج بالقعاد حتى سمعو الباب راحت نور فتحت و دخلت 

نور=نورسييييننننننننننننننن

نورسين=وشن اا وش صرا 

ميليسا=واش قاع هذااا

نورسين=ااا ماكلتي و اخيرا جات 

نور=سبحان الله (لقاوها كومندات بيتزا ميجا و بيتزا صغيرة نورمال و همبرغر و 5 تاكوس و العصائر بلا الحساب )

بداو ياكلو ميليسا و نور غير شوية بحكم ياكلو ماكلة صحية هما الزعيمات للازم دايمن واجدين اما نورسين تقريبا كملت كلش  

نور=دوك واحد مراح يعرفكم ماما فالدار تبقاو بوجهكم المصطنع نظن ميضركمش حتى فالتدواش مايصرا والو انا  و ميليسا نخدمو من دار وخدوخرا باش ميلقاوش اثر صغير علينا 

نورسين=و انا 

نور =نتي ابقاي فالدار ريحي 

ميليسا=وي و يكي تحبي تخرجي نورمال متنسايش مراكيش نتي نورسين راكي دانيا و انا مريم و عمتك نادية 

نور =ايواهه هكا بلاكي تنساي 

كملو رتبو البنات دوزانهم و قررو يروحو يديرو شوبينغ 

فنفس الوقت فدار العائلة 

امجد=كيفاه مكاش كيفاهه

اسلام =بناتي وين راهم بناتي ويننننننننننننن 

ابتهال=و ننور وين اصبرو منتقلقوش لباطل يكونو معاها 

امجد=انشالله انشالله

...هوما هكاك حتى شافو فارس داخل  يبان مقلق من وجهو 

ماريا=هاه هاو جا و سقسيوه

فارس=نور وين 

ابتهال=تفضلوا قتلكم يكونو معاها عيطولهم نشوفو 

فارس=مراهيش هنا كيفاه مفهمتش وين راهي شكون راه معاها

امجد=نورسين و ميليسا مكاشهم نور كيف كيف

فارس=وين يكونو هاذو سقسيتو إياد بلاك راح مع نور 

ابتهال=صح و حتى ميليسا تضل مع نور مشي جديدة 

.........كلهم يستناو فإياد لي بعثلو رؤوف ميساج باش يجي للدار ...هما هكاك حتى شافوه داخل و باين عيان 

إياد=خير واش كاين 

ماريا=يماك وين راهي

إياد=وين راهي وين علبالي انا مراهيش عايشة معايا

امجد=و نورسين كاش خبر عليها ؟؟؟؟

إياد =رانا مضاربي و محبتش ترجع معايا قالك الشيخ هذاك حتى تجيب باباك و يماك و تطلب السماح كيما يلزم 

ابتهال=واش من شيخ 

امجد=كيفاه محسوب نورسين بانت 

إياد=وي بانت

ماريا=معليش تفهمنا وين لقيتها وين راهي و شكون الشيخ هذا

إياد=منصف كي العادة كان يسوق فيتاس و ضرب وحدة و داها للسبيطار كي جاو عائلة هذيك جات معاهم نورسين و هو عيطلي قالي رحت عندهم لقيتها كانت عند وحد العائلة 

ماريا=اههه الطفلة الطفلة كاش ما صرالها 

امجد=متقوليليش هرب 

إياد=اوفف الطفلة لباس بيها و هذاك الشيخ هو جدها وين هرب منصف

امجد=راح لالمانيا

شهاب=هاه تفضلو ولادكم غير المفاجئات 

سمية=ايا نروحو عند هاذ الشيخ بلاك راهم تم 

إياد=اوك هيا يجي معايا بابا و خالو امجد و طاطا ماريا 

اسلام=سمحولي مي فالحكاية نحوس على بناتي خالك امجد علاه 

إياد =طاطا ماريا راح تروح معانا خاطر مرانيش حاس روحي مليح مكاش طبيبة غيرها هنا و عمو امجد باش يسوق خاطر نتا راك مقلق و بابا كيف كيف راح تقلبو بينا الكونوبيل و بابا باش اذا راهم ثما يقبل هذاك الشيخ نرجعو نورسين 

سمية = عندو الحق إياد نتوما اقعدو هنا و تكلماو هوما يخبرونا فحالة مكاشهم تما اتصلو بالبوليس  

راحو مقلقين عليهم تى وصلو قدام قصر عائلة ******

إياد =خويا نحوسو على وحد الشيخ هنا 

العساس=قصدك الإمام

إياد=ايه هو 

العساس =سمحلي خويا بصح الغمام مكاشو عندو خدمة ميوليش حتى لغدوة اذا حابين تحكو مع السيدة مرتو بشرط تحكي معاها مراة اذا جات يماك ولا 

إاياد =وي وي كاين قوللها راجل نورسين 

العساس =اوك 

دخل العساس حكا مع الجدة وخرج عندهم فتحلهم البورطاي

العساس =تفضلو 

دخلو كلهم حتى باب الفيلا 

______________________________

عند البنات 

فالمركز التجاري يتجولو و يشرو واش حبو 

نورسين=اووو شرولي هاذي ايا منا ندو هاذي

نور=علبالكم شحال عندي متجولتش فبلاصة بالراحة هاذي 

ميليسا=ههه راكي تتجولي 

نورسين=عمتووو ........و خزرت فيها بعيون مترجية 

نور=امم واش خصك

نورسين=بليز بليز بليز ناكلو الشوا برا تشهيتوو

ميليسا=هههه هيا نديوها اليوم راحة خلينا ناكلو واش نحبو 

نور=اييي اوك هيا 

كملو شراو الخضروات و الفاكهة و اللحم و واش يسحقو باش يطيبو للدار و كملو شراو حوايج خاطر ماجابو معاهم والو معد قلعو لريستو ياكلو و نورسين كل ما تاكل تقول مشبعتش و تطلب اشياء غريبة بعدها خرجو تمشاو شوية و راحو للدار كملو نظمو الماكلة واش جابو و راحو يرقدو غدوة يمو مهمات لانو راح يعرفو جماعات المافيا بلي راهم مفقودين 

____________________________________

عند منصف

منصف=يعنيييييي نتا تكون جدي يعني نتا لي قست ماما و نتا لي تبريت منها و نرمين 

الجد=بنت خالك 

منصف=واش هاذ الصدفة كيفاه 

الجد=حتى انا مكنتش عارف فاللول كي قاتلي نورسين لقبها تشوكيت و قلت بلاك متفرقين و اصلا كنت عارف بلي جد شهاب زعف من باباك يعني مكنتوش عايشين معاهم كنت حاب نسقسي و خفت 

منصف=علاه مسقسيتش علاه محوستش على بنتك 

الجد=كنت متبعها دايمن حتى راحو لالمريكا و نزادت نهى فقدت اثركم لو كنت فبلاصتي و بنتك غلطت نفس الغلطة وش كنت راح تدير 

منصف=ماما كل ليلة تبكي خويا الكبير رؤوف تزوج علبالك شحال تمنات تكونو معاها 

الجد=مندمتش على وش درت ولو لثانية هي غلطت و دات عقابها تابت و تزوجو لو اني ديتها و خبيتها كانت راح تزيد تغلط حبها لباباك عماها لكن فالاخير راح للحلال مع انو اولو حرام و كانت نتيجتو نتوما باباك راه يحوس علينا 

منصف=عمتو علبالها يعني 

الجد=معلبالهاش 

منصف=و هذاا (على دفتر العائلي)

الجد=خدمو واحد من العمال مشي هي 

منصف=راح تبقى بيناتنا الحكاية حتى يخلاصو كل المشالك فهمت 

الجد=اوك و بلاك على بنت خالك راهي امانة فرقبتك 

منصف=خالي و مرتو وين 

الجد=حكاية طويلة راح تسمعها مع يماك و خاوتك انا نروح نخليكم

________________________________________________________________

رأيكمممممممممم يا جماعة قوليلي رأيكم على وجه ربييي  راني نحلو اذا تحبوني واش رايكم فالقصة 

.....................................................................................................

المهم راني شاركت فمسابقة راهي عند هاذي 

اذا مابنلكمش الكومبت شوفو فاول تعليق هاذ المسابقة مهمة جدااا بالنسبة ليا نتمنى تدعموني فيها و كيما قلتلكم مزال الجزء الثالث راح نديرو فنفس الملف هنا مراحش نفتح ملف جديد و هو يحكي على اولاد ابطال المكتوب 1 الصغار يعني ميليسا و امير و هبط 

نتمنى تدعموني فهاذ المسابقة انشالله نربح و اذا مرحتش ندعمو وحدة اخرى لي تستاهل راهي تما ثان صابرين كاتبة تاع سادية الحب لي ميعرفهاش يروح عندها كاتبة رائعة 

و ادعمو منظمين المسابقة و نقولكم بلي كروينك تخلاص قبل 10 اكتوبر 

و لي حابة تشارك تروح للبروفايل تاعهم كيما قتلكم تلقاوهم فالتعليق الاول 

#المحظوظ_2020