نرمين =جدو انا اتخذت قراري 

الجد=ولي هو 

نرمين=راني قابلة نروح مع منصف

الجد=اياا حمدالله انشالله فيها خير يا ربيي 

نانا=صراحة من المفترض يقلقني لكن شعور فقلبي راه مطمني 

الجد=اذا اليوم نروحو نفتحولكم و غدوا تروحو كلش واجد تما 

نرمين=اوك نوجد روحي 

فهذاك الوقت الجد عيط لمنصف يهدر معاه 

الجد=وي منصف وليدي والله هذا وين هدرت معاها و خبرتني بقرارها 

منصف=نتتمنى تكون قبلت والله على العين و الراس 

الجد=ايه قبلت بصح كيما وعدتني مراحش توشيها 

منصف=نظن خبرتك بحكايتي لو اني شفت روحي نقدر نتوشيها ران مقوتلكش 

الجد=اذا عشية نتلاقاو و نتا شوف إمام يفتحلكم باش نتهنى عليكم 

منصف=اوك 

فهاذ الوقت راح منصف عند باباه 

منصف=بابا حاب نهدر معاك فسوجي 

امجد=نسمع فيك 

منصف=راني رايح لالمانيا 

امجد=ولينا لنفس النقطة 

منصف=مراني حاب حتى اعتراض تغميت هنا 

امجد=و انا قتلك مكاش الخارج

منصف=نروح نقراا 

امجد=و انا هدرتي قلتها 

منصف=بابا هاذ المرة قراري لا رجعة فيه 

امجد=وقف و راح قرب ليه =حبس كابتك هذي روميسا ماتت هي طلبت منك هكا تبعد علينا لالا خلاص مكتوب ربي الله غالب 

منصف=روميسا هي قلبي و مكاش لي يقبل قلبو يروح فهمتني درت المستحيل على جالكم مقدرتش تقبل نروح نقرا فالمانيا عادي نظن مانيش هارب رايح نقرا 

ماريا=واش صاري هنا علاه قاع هاذ التواغ 

امجد=شوفي وليدك حاب يروح لالمانيا 

منصف=يما رايح نقرا والله هو داير فبالو هارب بعد ما ماتت روميسا 

ماريا=امجد معليش نهدرو 

امجد=معندي حتى هدرة 

ماريا=اوك مال وليدي روح دير واش حاب برك وصلني معاك لدار جدك 

امجد=وشن كيفاه 

ماريا =كيما سمعت 

امجد=سما نتي زوجتي وليدك واحد و الدوزيام مقلع لالمان و بناتك كل وحدة وين خلوني هنا وحدي روحو روحوو انا شكون باش تقعدو معايا 

هنا ماريا غمزت لمنصف باش يخرج.........حكم منصف فاليستو و خرج 

ماريا=امجد حبي حياتي مديرش هكا لطفل راح كبير و يعرف صلاحو حب يروح خليه منقيدوهش يمرض كثر 

امجد=علاه انا هدرتي عندها فايدة 

ماريا =امجد ياك هيا بما انو قاع راحو خلينا نرجعو اليامات الشابين 

امجد=فهاذي منقولش لالا ايا نودعوه 

ماريا=هههه اوك 

خرجو عندو 

منصف=و القرار 

ماريا =روح وليدي ربي يعاونك انشالله 

منصف=صحا يما مارسي يا افضل ام 

امجد=انا بوطو انا منبانش ولا كيفاه 

منصف=ههه و احلى اب فالعالم 

امجد=اوك ايا بسلامة 

راح امجد فنفس الوقت عند نرمين 

نرمين =نانا باي باي راح نروح فخاطر نورسين نتوحشكك 

الجد=متبكيش بنتي هه كي اليوم تخرجي منا عروسة انشالله متزعفيش 

نرمين=ههه متبكينيش ياك هيا نروحو قبل مانزيد فيها 

ركبت مع جدو فطونوبيل و نخمم فمنصف واش ردة فعلو بخصوص هاذ الامر و حنا التقينا خطرة برك حت لحقني ميساج من عندو 

منصف=نتمنى واش درتي مشي من فوق قلبك اذا كنتي مداسرة نورسين نظن تعرفي حكايتي مع ختها و انا مستحيل نتوشيك احتراما لها باش تكوني متهنية اعتبريني كصديق لك اذا ساعداتك ولا اخ نتمنى منزعفكش و منخيبش ظنك 

وقت تفكرت روميسا خت نورسين جاني شعور غريب بزاف فحياتي محسيتو كانو نار و شعلت فقلبي رديتلو ب 2 كلمات فقط 

نرمين=شكرا انشالله 

و حطيت راسي نستنى نوصلو مفقتش بزاف حتى لقيت جدي يفطن فيا 

الجد=نرمين بنتي نوضي لحقنا 

نرمين =اوك جدو هاني جاية ....فطنت نرمين تبان تعبانة و موراها جدها وين لقاو منصف يستنى فيهم متكي على طونوبيلتو يبان عارض ازياء بجسمو المنحوت و لبستو لي كانت عبارة عن سروال فالباج مع شوميزي فالبيض و نرمين روب فالبيض مع طالون فالباج و صاك فالباج صدفة لبسو نفس الالوان فهاذ اللحظة ضحك الجد على جنب 

الجد=نشوفك تفاهمتو على اللبسة و لعبو محبيتوش كي صرا هكا 

نرمين=وشن وش ماللبسة (كانت مزال دايخة مالرقاد)

منصف=مجرد صدفة 

نرمين =خزرت فيه مليحح و خزرت فروحها من فوق للتحت =ااااا صاح ههه صدفة برك 

و بعدها خزرت فالمكان لقات بلي راهم فوسط المدينة 

نرمين=على حساب طني مراحش نفتحو هنا لالا 

منصف=هههه لالا تبعوني 

بقاو متبعينو حتى وصلو وحد الدار غير تما دخلو لقاو تما الامام و 2 رجال 

الجد=السلام عليكم و رحمة الله و بركاته 

الرجال=و عليكم السلام

منصف=سمحولي دوك نجي 

راح عند نرمين لي بقات شوية عند الباب

منصف=اطلعي الفوق الشمبرة اللولة ادروات اقعدي فيها ريحي حتى نكملو 

نرمين=اوك برك منقدرش للفاليز 

منصف=داكوغ ايا نطلعهالك و نهبط 

نرمين=اوك 

طلعت معاها وريتلها لاشومبغ تاعها و كانت تبان متوترة 

نرمين=صحا على كلشي

منصف=انا لي من المفترض نشكرك انك قبلتي هاذ الشي

نرمين=واجبي نورسين كيما ختي 

منصف تبسملها و هبط عند جماعة 

الجد=مال نقولو بسم الله 

دار يدو فيد منصف و الإمام فتحلهم 

الإمام=بالبراكة عليكم  

منصف=صحا 

الجد=بارك الله فيكم صحا 

الإمام= ربي يهنيهم برك 

منصف=امين انشالله 

راحو الرجال و الإمام و بقا منصف مع الجد

الجد=وليدي راهي بنتي و عزيزة علياا بلاك عليها 

منصف=نديرها فعينيا متخافش 

الجد =انشالله 

طلع الجد عند نرمين

نرمين=جدوو

الجد=واش حابتني نقولك بالبراكة عليك متنسايش بلي راه راجلك قدام ربي بلاكي عليك و عليه

نرمين=انشالله جدو نتمنى منخيبكش 

الجد=نتمنى و منصفف منصفف

منصف=انعم هاراني 

الجد=احم هاكو هذا(دفتر عائلي)

منصف=كيفاه منين جا هذا 

الجد=متخافوش مشي حقيقي خدماتو عمتك نور طلبت من الخادمين تاعها يخدموه باش تتفاداو المشاكل 

حكم منصف الدفتر قرا واش مكتبو خصوصا وقت شاف لاقبها و تما تخطف لونو 

الجد=وشبيك

منصف=احم .اح احممم 

نرمين =منصف هاك كاس ما وشبيك 

شربو ضربة وحدة 

الجد=وشبيك يا وليدي تحسب شفت جن استغفر الله 

منصف=هذا هذا لاقبك 

الجد=ايه لاقبي ياك بنت وليدي 

منصف=واش.نن كيفاه بصح 

الجد=ياك فهمنا واش كايننننن 

منصف=معليش نهدر معاك وحدك 

الجد=وي هيا معايا 

راحو لشمبرة وخدوخرا و منصف لونو مخطوف على اللخر 

الجد=علبالي واش في راسك كاين منو 

منصف=يعنيي ...........................................

_______________________________________________

هههه معد تعرفو معد

واش متوقعين 

واش بيه منصف 

قررت خطرة نحكيلكم على نرمين و منصف و خطرة على الثلاثي الخطير لي فكروني فالجاسوسات ايهه لونفونص