...........................تسريع الاحداث .................................

فات شهر على الحادثة لي صرات كلش فهدوء نورسين مزال مبانتش و إياد قريب يهبل نور و ميليسا دارو بحث شامل لكن ولا أثر لجماعة المافيا لي تبع فيهم او نورسين اما عند نورسين كرشها بدات تكبر ز لقات راحتها فدار هذيك لي عتبرتهم كعائلتها اليوم ناض كل فرد من العائلة تعبان من غير شخص واحد منصف لي كان فسبات عظيم اليوم قرر يرجع منصف القديم الإكتئاب لي دخلو مراحش يرجعها لحياة و هذا هو المكتوب مكتوبها تروح و تعيش فمكان غير هذا ربما مكان افضل من هذا ناض مستعد يواجه واش يستنا فيه لبس حوايجو و هبط وين قاع تخلعو كي شافوه 

امجد=و اخيرا شرف الامير 

منصف=ههه منيش حاب نعاود العام

ماريا=حمدالله وليدي حمدالله فطنت من وين كنت قلقتني عليك جامي تزعف على لي فات هذاك مكتوبها و بلاك مكتوبك مع غيرها 

منصف=يماااا؟؟؟

نهى=خلاص اسكتو خلولي خويااا 

فطرو كلهم و كل واحد متجه فطريق حتى اليوم نرمين راح تولي لقرايتها و تخلي نورسين وحدها تما 

_____نرمين تهدر_____

جاتني صعيبة هاذ المرة نفارق الدار خصوصا نورسين جاتني صعيبة وصلني الشوفور تاع جدي حتى لدار خالتي لي قاعدة عندها لبست جيب غوز كلاغ و معاها شوميزي بيضا و رفدت صاكي و رحت نجري راحلي الحال والفت الراحة و انا فطريق شاردة و منفيقش سمعت غير كلاكصون و بعدها مفقت على والو 

__________عند منصف__________

كنت رايح فطونوبيل نفكر فميليسا و شارد حتى حسيت غير طفلة قدامي معرفتش واش نديرطونوبيل محبتش تحبس كنت نجري و نكلاكصوني عليها بصح قبل ماتفيق  لقيت روحي دخلت فيها نزلت نجري نشوفها لقيتها مرمية فالارض و الدم مغطي وجها 

منصف=ياحييي واش درت انا اهه يا ربي 

راجل1=يا وليدي اجري عيط للومبيلونص لا تدي ذنبها ذوك تموت 

منصف=ايه لومبيلونص لومبيلونص 

راجل2=سواقة المتهورة 

انا مهتميتش بيهم اهتميت غير بالطفلة هذي مزية مكناش بعاد على السبيطار جات لومبيلونص تاعهم داوها و انا رحت تبعتهم بطنوبيلتي و انا تما دخلوه لغرفة العمليات و انا برا رايح جاي حتى شفت وحد الراجل جا و معاه مرا كبيرة يجريو 

الراجل=نرمين وين راهي نرمين

منصف=سمحلي عمييي والله ماحسيت كنت شارد و هي كيف كيف مفقتش

الراجل=قولي كيفاه راهي متحكيليش واش جاز 

المرا=تكالما راني سقسيتهم مزال مخرجوهاش 

و حنا هكاك حتى خرج الطبيب

الطبيب=نتوما عائلتها

الراجل=ايه حنا واش بيها 

الطبيب=حمدالله سلكت للموت بصح مزالها فخطر بسبب الضربة لي داتها فراسها حنا درنا لي علينا و الباقي على ربي 

المرا=اهه يا ربي على بنتي يا ربي على بنتي الصغيرة 

الراجل=كيفاه نقولوها لجدها دوكا 

منصف=سمحولي والله مشي قصدي 

الراجل=تسوقو وخلاص معد قول اسمحولي و كي نسمحولك راح تولي نرمين توليي

انا هبطت للارض تفكرت روميسا بلاك زعفت مني كي خرجت يا ربي واش كاين بقيت تما و نستناها تفطن بصح والو فاتو 8 سوايع و انا تما شحال ما حبت تخليني ديك المرا نروح مقبلتش و منقبلش نبقى هنا حتى تولي مليحة و نطلب منها السماح

______________عند نورسين_____________

كونا قاعدين نقسرو انا و نانا حتى شفنا جدو دا يجري و يبان مقلق 

نورسين=غير الخير جدو واش كاين 

جدو=مكان والو بنتي برك خسرنا شوية 

فهمت بلي محبش يهدر قدام نانا ايا تبعتو 

نورسين=جدو وشكاين مكاشها نانا هنا 

جدو=نرمين يا بنتي نرميننن

حسيت روحي فشلت متأمنوش شحاللل تقلقت

نورسين=و .و .وشوشبيها 

جدو=ضربها واحد بطونوبيل و راهي كوما 

نورسين=اههههه

جدو=اشششت تتقلق ناناك 

نورسين=نروحو عندها اديني عندها نقول لعمتو تشوفها ولا مرت عمو باش تبرا 

جدو=لالا يا بنتي واشبيك تولي عندهم

نورسين=فخاطر الصغير لي فكرشي لازم نروح خليهم يعرفو منهتمش 

جدو=بصح مراكوش مطلقين ميمبا 

نورسين=راني راح نلبس دوك نجي 

جدو =و ناناك

نورسين=نقولها قررت نسمحلهم 

جدو=لالا قوليلها حاسة روحك مشي مليحة و لازم تديري كاش دوا فالسبيطار ولا تروحي بصح متتلقايهمش فهمتي 

رحت نجري عند نانا قتلها واش قالي جدو حسيتها مامنتش بصح واش نديرو و لبست حوايج مناسبين و رحت انا نسوق الشوفور كيما كان دا نرمين او رجع تعب بزاف وصلنا مباشرة لسبيطار دخلنا سقسينا عليها قالو مزال مفطنتش راجل خالتها كان مقلق من لي ضربها اما جدو فكان مؤمن و يقول غير مكتوب بقينا تما حتى شفت واحد خرج من عندها و قعد شوية بعيد علينا هذا منصف ايه منصف هو اهه يا ربي راح يشوفني حنا هكاك حتى شفنا غير الفرملية تعيط و مفقتش كيفاه رحت نجري عندها و تقابل مع منصف 

_______عند منصف ___________

دخلت عندها لقيتها ملاك شابة تهبل و قلب رجع يخبط يخبط حسيت الفرملية لي تم سمعاتو كيفاه كان جامي كان هكا قربت ليها هدرت و طلبت منها السماح يقولو راهي تسمع خرجت و قعدت برا شفت عائلتها زادة حتى حسيت الفرملية نعيط نفوت بزوج خطوات و تلاقيت مع نورسين ايهه هي نرسين بنت عمي عندنا شهر نحوسو عليها و كرشها سابقتها مفهمت والو وين تعرفها مشي راهي خارج البلاد و بزاف اسئلة فراسي 

نورسين=وشبيك ختي عيطتيلنا 

الفرملية =................

نورسين=معليش تهدري

هبطت راسها و قالي طبيب قالي نعيطلكم سمحيلي شردت 

الطبيب =.....................

_______________________________

هههه علبالي نموتتتتتتتتت على زكارةةةة ايا سمانة الجاية