نورسين=علاه غير الخير واش كاين

الجد=عائلتك شكون ميعرفهاش الله يبارك الكل يضرب بيكم المثل (هههه عبالي درتلكم الخلعة)

نورسين=شكرا يفرحني قولك هاذ الشي بصح

الجد=متخافيش واحد مراح يعرف بلي راكي عندي و نتي منهم 

نورسين=صاحا خيركم والله ماننساه 

خرج جدو و بقيت مع نانا و نرمين 

نانا=بنتي بصح وشبيك تبانيلي انورمال 

نورسين=هي فالحقيقة راني حامل

نانا و نرمين=صاححح

نورسين=ههه وي صح 

نانا=ياعمري والله فرحتلك شوفي بلاكي تقلقي روحك على هذا لي ميسواش راح و خلاك 

نرمين=صح نونو هكا تضري وليدك 

نانا =البنات انا نروح للجنينة تاعي اقعدو نتوما هنا تقسرو 

نورسين=يا عمرييي عنك جنينة 

نرمين=ههه وي هيا نديك ليها 

راحو يمشيو هوما 3 و يقصرو حتى وصلو لجنينة شابة بزاففف نوريلكم دارهم 

أما الجنينة هذيك كانت بعيدة شوية على الدار وحد 500م جاية هكا 

و فيها كرسي هكا 

قعدنا فالكرسي و نانا كانت تسقي فالورد ماخلاتنا نديرو والو 

نورسين=ايه محكتيليش على روحك 

نرمين=ايه نكيلك انا نرمين***** بابا و يما ماتو فحاددث الله يرحمهم 

نورسين=الله يرحمهم 

نرمين=و رباوني جدي و جداتي و قريت و نجي للمدينة باش نكمل نقرا 

نورسين=ااا بيا واش تقراي 

نرمين=بيطرة 

نورسين=ااا هايل يعني تحبي الحيوانات 

نرمين=ايه بزاففف

رتحتلهم بقينا نقسرو انا و نرمين بعدها رحنا للكوزينة نطيبو حاجة للفطور و جوزنا يومين روعة حسيت روحي فدارنا الجد يحبني بزاف و مام نانا متهلية فيا فوق اللازم 

\____نور تتحدث_____

اليوم موعد طلاق إياد و نورسين بصح مستحيل نخليهم يطلقو رحت باش نتلاقا نورسين و نفهمها الحكاية نعرف راسها خشين و كرامتها فوق كلشي رحنا لقيت تما إياد ستنينا ستنينا كانت مزال مجاتش حتى لحق الوقت كان لازم ندخلو للقاعة قاع كونا نستناو فيها بصح لاحظنا غير المحامي تاعها تقدم و كان يهدر فبلاصتها و فهمنا انو دارتلو توكيل فهمت إياد بلي هاذي مجرد لعبة من المافيا مع المنظمة تاعنا و ميطلقهاش و هذا لي صرا إياد رفض امر الطلاق و خرجنا عيطتلها يصوني متردش تقلقت بعثتلها ميساج حتى لقيتها تعيط رفدت بصح كانت امراة كبيرة مشي صوتها 

نور=الو نورسين

****=مشي نورسين شكون معايا

نور=شكون نتي ختي تلفون تاعمن لي راه عندك 

****=تلفوني غير كيما وحد الطفلة مدتلي البيس هذي 

نور=وين تلاقيتيها الطفلة هذي وين مدتهالك

****=فالمطار باش نعيط لفاميلتي و راحت معلباليش وين 

نور=اه يا ربي ايا صحا سمحيلي بسلامة 

_________عند نورسين_____

كنت قاعدة نتفرج فنرمين لي كانت تعوم فالبيسين حتى لقيت تلفوني يصوني لقيتها عمتي نور باينة عرفو محبيتش نرفد بقات غير تعاود حتى بعثت ميساج قالتي ردي لازم نهدرو هههه كانو علبالي مشي ضروري و مرفدتش ايا خممت خممت عيطت لنانا و قالتلها بلي انا مديتلها لابيس فالمطار هكا تتخلطلهم و كملت نرومال 

_____عند نور___

كلش تخلطلي نصف اللغز لي متحلش نورسين منعرف وينها المهم متطلقوش مولية و شاردة فطريق مع ميليسا  حتى نسمع حس رصاص اهه يا ربي مشي وقتك مزية الطونوبيل مخدومة مضادة للرصاص عارفة بلي راح نواجه اشياء هكا 

ميليسا=زيدي الفيتاس زيدي 

و هي رفدت سلاحها 

ميليسا=كي نقول 3 روحي ادروات او ولي لبلاصتك بلخف 

ميليسا=1...2...3

و هنا رحت ادروات و هي خرجت راسها مالتاقة بخفة و تيرات رصاصة وحدة جابتها فالرودة تاع الطونوبيل اللولة لي زدمت فيها الطونوبيلات لي موراها و خلات الدخان معمر الحالة بصح بقات طونوبيل وحدة 

نور=مزالت وحدة

ميليسا=ساهل نفريوها روحي يسار يمين بالزربة هيا 

بقيت ندير كيما قاتلي خاطر والله معندي مخ نخمم بيه فهاذي ثان حتى نشوفها دات سلاحي تاع الطونوبيل 

و تيرات وحدة دخلت مالزجاح تاع الطونبيل لاحظت انو جابتها فلي يسوق و الطونوبيل فقدت سيطرتها و راحت للواد

ميليسا=فريناها 

نور=المركز  رحت حارقة الطريق باش وصلت لقيت الدنيا مقلوبة دخلت لقيت واحد من العمال تاعي مقتول و مرمي عند البوابة و دايرين على جبينو علامة IN

ميليسا=مبقالناش حل من غيرو 

نور=للاسف ارواحو ادوه و ديرولو جنازة مناسبة بيه و نتا جيبلي عماد **** من سجن المركز 

****=بصح سيدتي منقدرش هذاك موصيين عليها ممنوع يخرج من السجن 

نور خزرت فيها مطلعةحاجب و مهبطة حاجب =شكون هذا لي يقرر حاجة فبلاصتي يا الشاطر 

**** تلبك =ا ا ا السي فارس 

نور=بصح نظن انا الرئيسة هنا مشي فارس اذا اعتزلت و معلباليش شي ثاني 

****=اسف خلاص دوك نجيبو

ميليسا=اللغز هذا حرقلي مخي و نورسين كملت علينا 

نور=حوسي فقاع المطارات على اسمها اذا كاش مالقيتي قوليلي 

ميليسا=مع انو هكاك نظن نورسين مهيش غبية تسافر باسمها علبالها نجبدوها فنص الدقيقة 

نور=امم عندك الحق بصح وش قصدك 

ميليسا=يا إما اسم مستعار يا إما مخرجتش مالبلاد

نور=صح بصح فالحالتين تستعمل اسمها حتى فالبلاد وين راح تروح يا إما اوتال يا إما تكري دار 

ميليسا=عندك الحق راح نحوس فكل السجلات 

________________________________________________

في رايكم شكون لي راه يتبع نور 

نورسين راح تولي

واش الحكاية لي راح تكون فقصر الجد