_____________________نورسين تتحدث_________________

كيما تعرفو قاع بحكايتي إياد خلاني على جال وخدوخرا رفدت روحي و رحت وين معلباليش هايمة حمدالله ربي لقاني بملاك كيما هي كنت حاطة راسي فالفوتاي تاع الكار بلاك نرقد بصح مقدرتش غير دموعي هابطين بالساكتة حتى حسيت هذيك الطفلة تهدر معايا 

نرمين=ختي ختي

نورسين=وي

نرمين=تجي معايا ولا لالا بقات ربع ساعة نلحقو

خممت خممت لقيت مكاش بلاصة وخدوخرا ايا قررت نروح و نجازف بكلش باش نحمي روحي 

نورسين=وي نجي 

المهم حبس الكار هبطنا مشينا شوية لقينا كار صغيرة ركبنا فيها وحد 2 سوايع حبست و هبطنا ايا كملنا طريقنا بالمشا 

_____نور تتحدث_________

فاتو يومين مايمعت خبر نورسين ولا إياد و الميساج هذاك خوفني بزافف قررت نروح عندهم لبست حوايجي و رحت دقدقت مكاش زدت و زدت حتى فتحلي إياد حالتو حالة ريحة الشراب غمتني 

نور=وشبيك هبلت إياد من وينتا تشرب

إياد=راحت يا يما راحت بسبابي انا راحت 

نور=شكون راح

إياد=انا و نورسين غدوة نطلقو جيت ملقيتهاش فالدار والفتها مقدرتش و يبكي بالدموع

مفهمت والو حسيت حاجة قريبة حسيتها حاجة شايفتها حبيت نفهم منو لكن مجبدت والو قررت نروح لدار خويا و نشوفها و نفهم و انا فطريقي يوصلني اتصال من ميليسا

نور=وي ميليسا وش كاين

ميليسا=الو الو عمتو اليوم رحت للمركز لقيت اوراق فكل بلاص و فيها كلها مكتوب ستعاد اللعبة 

نور=كيفاه و معرفتوش تاعمن

ميليسا=فيها حرف IN

نور=IN IN مسمعتش بيه منقبل

فهاذ اللحظة خلاص رجعت مشي انا لازم نفهم الحكاية و بعدها نروحو لحكاية نورسين و إياد بصح قالي غدوة حصلت كيما فحياتي محصل ايا قررت نروح للمركز و نسقسي ميليسا رحت باقصى سرعتي وصلت لقيت الحالة مخربة مقلوبة

ميليسا=رئيسة كلش تخلط الخدامين قاع حبسو

نور=السؤال لي عندي اي واحد قالكم حبسو الخدمة انا هدرت مني حابة نحاوز حتى واحد ايا كل واحد لخدمتو

ميليسا =راني شاكة بلي هذي جماعة من جماعات المافيا لي حطمتيهم 

نور=حتى انا نفس التفكير بصح الموضوع مشي هنا الموضوع انو كيفاه وصلو للمركز تاع المنظمة 

ميليسا=والله معرفت كاين شي اخر نورسين 

نور=متقوليليش مجاتش عندكم

ميليسا=للأسف نو كنت رايحة نعيطلك

نور=قالي إياد راح يطلقو

ميليسا=وشنننن هاذي طلاق نورسين بالكرش ستعاد اللعبة 

نور=وشبيك كاش مافهمتي

ميليسا=فهم نص اللغز و النص الثاني مزال

نور= لي هو 

ميليسا =I معنتها عماد

N نور 

ستعاد اللعبة شكون ميعرفش حكايتك نتي و عمو فارس وقت راح يطلقك و كنتي بالكرش بإياد و نتي رحتي و مابنتيش 

نور=كيفاه نسيت هاذ الشي طبعا ستعاد اللعبة راح يعاود فالشي لي صرا بصح هكا نعتبرو حلينا اللغز علاه قلتي النص

ميليسا=هاذ الشي لي متعرفيهش انو السي عماد راه فالحبس تاع المنظمة و من المستحيلا السبع يهرب ولا يخرج ثانيا يوم دخل للحبس حدث انفجار فدارو وين راح فيه كل عائلتو و مابقا حتى واحد و عمو فارس و مهند تأكدو منهم بالتفصيل 

نور=يعني كاين احتمالين 

يا إما عندو يد يمنى من غير عائلتو يا إما نسيتو شخص من العائلة تاعو ماماتش 

ميليسا=ممكن لكن تبقى احتمالات لانو قلبنا السوق السوداء و المافيا شبر شبر و مكاش حاجة قريبة لسي عماد 

نور=اول مرة نطيح فموقف هكا واش الخطوة الجاية معرفتش

ميليسا=اول خطوة راح تكون خطوتين هي نعرفو إياد واش لي خلاص يطلقها و نورسين نلقاوها

نور=بما انو غدوة الطلاق تاعها راح تجي للمحكة و نحكموها 

____________________نورسين تتحدث______________

واش نقولك بعد ما رحت مع نرمين رحنا لوحد القرية بسيطة و اهلها كرماء عجبتني بزاف ومندمتش على اختياري نبقى فيها وقت وصلنا للدخلة حشمت وين نروح باين مكاش فندق ولا انا حسبتها قرية كيما القريات لوخرين فيهم كلش فقط حياة كيما بكري بصح لا قرية وبمعنى الكلمة 

نورسين=يحييي نرمين مقتيليش القرية هكا وين نبات انا دوك 

نرمين=ههه و انا لوكان علبالي مكانش وين تباتي نجيبك ايا تبعيني 

نورسين=ااا بيا اوك رحت تبعتها و راسي فالارض قاع يخزرو فيا و فلبسي والله كانو حسيت حتى انا ففاليزتي درت غير جبب الدار هذاك واش شريت كرشي راي تكبر بقيت موراها حتى وصلت قدام وحد الدار نقولو قصر افضل 

نورسين=هذي وشن

نرمين=دارنا 

نورسين=يحيي على التبهدايل جبتيني لداركم كيفاه نقابل ماليك واش نقوللهم

نرمين=ههه لالا متخافيش انا جدي هو لي يحكم فالقرية هنا و إمام ايا دايمن كي يجو ضياف يجو عندنا 

نورسين=ااا كثر خيركم والله بصح لوكان عرف

و هنا قاطعتنا مراة كبيرة 

****=نرمين بنتي توحشتك هكا تروحي متسقسي ماوالو 

نرمين=حتى انا توحشتك نانا كيفاه راكي صحتك بخير

****=حمدالله يا بنتي جدك راه يستنى فيك و متجبديش الحكاية مدابيك 

نرمين=شوفي جبتلكم ضيفة معايا 

انا هنا مالقين وين ندير وجهي اهه يا ربي جامي توقعت نتحط فموقف هكا بصح معليش يا إياد الدنيا دوارة 

****=فوتي بنتي فوتي مرحبا

دخلت رحبو بيا كيما يلزم و رحت مع نرمين لوحد الشمبرا قاتلي ابقاي فيها كيما تحبي برك لازم تلبسي كيما اهل القرية معد نفهمك برك البسي جبة و تكون تحت الركبة بشوية و غطي شعرك 

نورسين=اوك برك معندكش فولار خاطر مجبتش معايا 

نرمين=هاهو القجر و خيري لي تحبي

لبست جبة و درت فولار غطيت شعري و شفت روحي فالمرايا والله حسي بحاجة شابة بزافف اني نلببس هكا والفت غير السراول ولا الروبات حتى فالدار غير فليل كنت محتاجة راحة هبطت مع نرمين حشمانة قعدنا فطابلة و بقينا نستناو حتى جا جدها و عنقها يبانو يحبو بعض و قعد فكرني كي نتلمو فالطابلة فدارنا رحت نبكي بصح حبستها 

الجد=جاتنا ضيفة مرحبا بيك 

نورسين=شكرا لي استضفتوني والله مكنت عارفة وين نروح 

الجد=يا بنتي الدار دارك و لوكان نرمين مشافتش فيك الخير متجيبكش هنا ديرينا كي ماليك و اقعدي شحال تحبي كيما راكي تشوفي غير حنا 3 و راكي زدتي معانا نتي يفرحنا والله 

نورسين=يكثر خيركم والله هذا الخير ماننساهولكم ربي يجازيكم 

الجد=شكرا ابنتي دوك كولو خاطر تباني عيانة مالسفر و روحو ارقدو متخافيش مكاش رجال هنا غير انا نهار كامل فالجامع نجي على الفطور برك حتى العشاء 

نورسين=لالا حاشا راكو استضفتوني الدار داركم

واش نقولكم والله عائلة هايلة رتحت معاها بزافف و جدات نرمين قاتلي عيطيلي نانا مام جدها قالي عيطيلي جدو فرحت بزاف و كي كملنا الماكلة قررت نحكيلهم حكايت طبعا شكون يقبل بطفلة تقعد فدارهم و ميعرفوش فصلها 

نورسين=شوفو انا حكايتي هي .............................................................................................................................................................................................................................................................................................................................................................................................................................................................................................................................................و هكا صرالي و دوك راني هنا مقلتش برك حكاية حملي حشمت قدام الجد

نانا=شفتي الله لا تربحو ولاو ميحشموش والله 

جدو=يا بنتي راكي عندي متقلقيش روحك و ريحي هنا شحال تحبي والله ارتحتلك بصح اذا منقلقكش واش لقبك 

نورسين=******

جدو=وشششششششننننننننننننننننن

____________________________________________________________________

واش رايكم الجد يعرف عائلتها واش حكايتو معاها

شكون يستهدف نور و ميليسا و يعاود اللعبة 

هل نكمل ولا لا للمرة الالف اذا معجبتكمش نحبسها قوليللي اودي