جيبو مشاور و رواحو تقرارو مدابيكم

ابتهال=اهه ياربي وشبيها بنتي وشبيها واش صرالها

حتى خرجت رانيا وجها ميتفسرش 

ابتهال=رانية وشبيها علاه صرالها هكا 

رانية هبطت راسها=عظم الله اجركم البقاء فيكم

ابتهال=وشننن هبلتي نتي مهبولة 

نور=وشبيك ابتهال واش كاين 

منصف=واش صرا

ابتهال=شوفو هادي قاتلي ماتت ههه مهبولة ستراس ميقتلش 

رانية=ماتت بسرطان مشي الستراس

ابتهال=كيفاهههه

نورمشوكيا=معليش نهدرو فالبيرو

رانية=و الدموع فعينيها شلال=وي تفضلي

نور=كيفاه ماتت من وينتا مريضة كيفاه معلبالناش

رانية=للاسف كانت مريضة بصح نتوما مفقتوش كانت مريضة و تضعف بصح نتوما كأنو حجر معاها فالدار فحياتكم ما قيمتوها ولا عاملتوها كيما يلزم ايه اليوم ماتت بسبتكم لوكان درتولها قيمة و حبيتوها و عزيتوها كيما لوخرين بلاك كنتو فقتولها لوكان جيتو مقربين منها راكو فقتو بلي مريضة بصح لالا حتى للمرحلة الاخيرة باش فاقت و كلو منكم وييي منكم 

نور سكتت عندها الحق رانية كيفه 2 اطباء فعائلتها مقدروش يفيقولها قبل و فهاداك الوقت كان منصف عند الباب تفكر كي كانت تقولو علاه قاع تكرهوني علاه متحبونيش نتوما معلبالكمش بيا  راح يجري للبحر و يعيط حتى عيطلو إياد لي كان مع الباقي فالدار

نورسين=دير اوت باغلوغ 

إياد=وي منصف كيفاه راهو روميسا تقلقنا عليها

منصف =.......

إياد =اهدر وشبيك ساكت

منصف=راحت يا خويا راحت 

نورسين =وين راحت منصف اهدر 

منصف=عند مولاها

نورسين=كيفاه محسوب ماتت

منصف =الله يرحمها

هنا نورسين ولات هدرتها كي الدوامة فراسها و تغاشات 

_____عند اسلام_______

وقت قالولي بنتك ماتت حسيتهم يكذبو متمنيتهاش تمنيت تولي ولا تكون كذبة تكون منام رحن نجري دخلت وين كانت لقيتهم مغطيين وجههانحيتلها ليزار على وجها ششفتها بيضة بياض الثلج و باردة 

اسلام=بنتي حبيبتي عينيا حبيبة باباها نوضي بنتي شوفي نشريلك واش تحبي منزيدش نزغي عليك منزيدش نتوشيك و لا نرفع صوتي عليك هيا نوضي و قوليلي بابا ازغي على بلال ولا قوليلي حبيت نروح والله نديك وين تحبي هيا افطني ياك تحبيني و دوك شكون يدرلي الكوكيز لي نحبو شكون يزهي الدار و يربي خاوتك مزالو صغار 

____عند نورسين___

فطنت لقيت روحي فشمبرتي و صوت القرأن واصل لعندي بقيت نتفكر و هبطت لقيت ماما كجسد بلا روح و الناس قاع تدخل و تعزي اما ميليسا قاعدة فكرسي و تخزر فيهم كانو مشي معاهم 

نورسين=اخرجو اخرجوو هبلتو ختي مااماتش راهي حية حية فهمتو ختي حية متروحش و تخليني مشي حتى تصالحنا لالااا

ريناس=نورسين حبيبتي كالمي روحك فخاطر البيبي لي فكرشك 

نورسين=روميسااااااااااااااااااااااااااااااااااااااااااااااا

و مع هاذ الكلمة فطنت ميليسا من المكان لي كانت فيه و شافت كلش قدامها واضح و شافت الرجال مدخلين ختها فصندوق حطوه فالارض هنا هبطت للارض و تبكي حتى فتحوه و شافت وجها 

ميليسا=نتي ختي ياك قتيلي منروحش قتيلي فعرسك نقلبوها قتيلي نزوج بنتك لوليدي ياكك هيا نوضي يخي بهلولة تموتي على الرقاد نوضيي

امير حس قلبو تقسم 

رانية =مسيو اسلام كاين حاجة قاتلي نقولهالكم قبل ما تموت 

قاع خزرو فيها يستناو تجاوبهم 

رانية=قالتلكم ادفنوني قدام جدي 

 حتى نورسين هبطت تشوف ختها و شادة فكرشها لي مدتلها قوة كبيرة معلبالهاش علاه بصح ناضت رفدت ميليسا و تما شافو بلال يخزر فختو لي واحد ما حسلها كيفاه راحت رفدوها و داوها اسلام و بلال مقدروش يبعدو مناك اما منصف لي منهار ماتت هو جثة بلا روح كيما يحركوه يتحرك و كيما يدوه يروح معلبالوش واش راه يدير جوزو 3 ايام كاملين و واحد ما حبست دموعو كل واحد علق تصويرتها فشمبرتو باش ماينساوهاش كيما نساوها كي كانت حية ندمو و حس بقيمتها حسو بالضحكة لي راحت من حياتهم 

ميليسا ماولات تاكل ماولات تشرب غير راقدة  امير معاها فكل دقيقة نورسين تاكل شوية بالسيف عليها ولا كي تتشها فخاطر وليدها فقط بصح دموعها منشفوش بلال راجل بصح قلبو وجعو بزافف صعيبة ختك تفكر كي كانت تحامي عليه متحبش كي يزعفوه تفكرو حتى هو فقد نفسو اما منصف كان غيرهم كلهم كان بلا روح تماما تهدر مع صنم او حيط و مشي هوا حالتو تسوء نهار بعد نهار كلهم بقاو فدار وحدة لي هي دار اهل نور و وين يسكن اسلام فنفس  الوقت اليوم رابع يوم من موت روميسا كلهم مجموعين فالطابلة بأمر من جدهم مكاش لي يرفضلو طلب نصهم يلعب بالماكلة و نصهم ياكل لقمة برك و الباقي معلبالهومش حتى وين راهم هوما هكاك حتى سمعو لاصونات راحت الخدامة فتحت الباب لقاوها رانية 

نور=غير الخير رانية 

رانية=سمحولي على الإزعاج بصح جبتلكم حاجة بالاصح جبتها لميليسا خلاتهالي روميسا بصح تخصكم كلكم و تخصني انا

منصف=واش هي

هنا قاع تخلعو خاطر 4 ايام مهدرش

رانية=هادي رسالة كتبتها قبل ما تموت بنهار يعني نهار عرس ريناس و ايناس و مدتهالي  نمدهالكم 4 يوم موتها بصح بشرط تقراها ميليسا بصوت يسمعوه كلهم 

ميليسا=وين هي 

رانية =تفضلي

سمية=تفضلي بنتي اقعدي 

رانية=صحا 

ميليسا=.......................................................................................................................................................................................................................

هنا تحبس الحكاية الرسالة طويلة خليتها نديرها فبارت وحدها بصح وجدو المشاور