وعدتكم ة راح نوفي بوعدي و بلاك يكون اخر بارت فهاد القصص منعرفوش الموت وينتا تجينا لهاذ الشي حبيت نقولكم نحبكم بزافففف يا افضل عائلة 

__________________________________________________________

نورسين=اوك هيا نخرجو

روميسا=اصبريييييي 

نورسين=وشن 

روميسا=شدي 

نورسين=وش هذا

روميسا=مديهم لإياد كمفاجئة 

نورسين=وش هذا

روميسا=اكتشفوهم كيف كيف ايا نخرجو خرجو و هنا تلاقات عينين منصف و روميسا

منصف=روميسا معليش نهدرو

روميسا=وي تفضل 

منصف =ايا لجاغدان خير 

راحو لجاغدان و قعدو ساكتين كل واحد يستنا ملوخر يهدر حتى روميسا حست روحها راح تسعل و علبالها بلي سعالها دم خافت يشوفها منصف 

جبدت بابيي و سعلت فيه و حكمها ألم 

منصف=صفا روري بردتي سور نحا الفاست تاعو و دارهالها 

روميسا=صحا 

منصف=بون شوفي روميسا م نهار اللول لي شفتك فيه عجبتيني مي كنت خايفة كاين وخدوخر فحياتك و منيش قابل نخسرك مرة وخدوخرا 

روميسا فرحت و زعفت فنفس الوقت =منصف معرفتش وش نقولك مي سمحلي انا و نتا امبوسيبل نكونو كيف كيف 

منصف=علاه علبالي تحبيني و باين من عينيك 

روميسا=أمر فوق طاقتي ة ناضت خلاتو مشوكي مستناهاش منها و هي راحت لصالدوبا بقات تتقيا و تبكي و تقول علاه علاه هكا زهري و اخيرا لقيت لي يحبني و نحبو تديني الموت كانت فديك الحالة حتى فاقت بلي راح يخرجو العرايس سقمت روحها و خرجت تشوف فالحب فعينيهم و الفرح تمنات لوكان عاشت هذيك  اللحظة حتى شافت عمتها نور جاية عندها

نور=ايا تهنيت منهم شفتي لعقوبة ليك بنتي العزيززة 

هنا تعمرو عينين روميسا بالدموع 

نور=ااا وشبيك ناس يقولو نشالله مشيي يبكو 

نورسين=ههه لالا تأثرت برك

نور=ههه يا يما على الحساسة تاعنا 

خلاص العرس و كلهم توجهو لديارهم 

---------عند نورسين و إياد---------

نورسين=إيادوووو

إياد=عيونو 

نورسين=حبيت نسقسيك 

إياد=نسمع 

نورسين=تحب يكونو عندنا ذراري صغار

إياد=امم جامي خممت فيها مي نحبهم بزاف و نحب تجيني طفلة تشبهلك 

نورسين=ههه اوك

إياد=علاه سؤال ولا تخمي نجيبو بيبي 

نورسين فقلبها(جوغ حتى نجيبو هو من أصلو كاين )=نو برك سؤال راحو الابطال تاعنا دوشو و راحو لفراشهم يقسرو 

نورسين=حبي

إياد=وي

نورسين=تقدر تفتح القجر تاعك فيه حاجة

إياد=وش فيه

نورسين=ياك افتح تعرف 

إياد فتح القجر لقا صاشي جبدها لقا حاجة مغلفة =وش هذا؟؟؟

نورسين=مفاجئة افتحها تعرف 

إياد فتح البابيي لقا زوج تقيشرات صغار  و بيبرون=نورسين=متقووليليش لي نخمم فيه صحيح 

نورسين=ههه وي

إياد هنا عنقها و فرح بزاف حس شعور الابوة قبل ما يجي وليدو و بعدها باسلها راسها 

إياد=متعرفيش شحال فرحتيني 

نورسين=اتخيل عمتو كي تسمع

إياد=مازلتي تقوليلها عمتو 

نورسين=اوك ماما نور

إياد =ايواه غدوة نخبرهم فصبحة ريناس و ايناس 

بون نفهمكم  بما انو ريناس و ايناس خواتات بزاف يعني ميتفارقوش على بعض و زاكي و رؤوف صحاب قررو يشرو دار وحدة و يعيشو كيف كيف سما صبحة تكون فدار وحدة

_صباح جديد ___

ناضو كلهم عيانين ماسهرة تاع البارح إلا شخص واحد روميسا كانت متفائلة بزافف و ااخيرا اقتنعت بفكرة الموت و انو حياتها راح تخلاص  و هذا غير المكتوب يلعب لعبتو

ناضت لبست تيشرت غوز  كلار مشبك مالظهر و سروال بيض و لمت شعرها و خرجت قوية على غير العادة لقاتهم برا كل واحد يوجد روحو راجت عند ميليسا

روميسا=وينو حبيب القلب 

ميليسا=عليمن راكي

روميسا=على ميروو

ميليسا=بركاي ما تخلطي علاه تحوسو عليه

روميسا=والو بيني و بين نسيبي 

و راحت تحوس عليه حتى لقاتو

روميسا=ميروو وليد عمتو الشباب و راجل ختي 

امير=وش خصك 

روميسا=جيت نوزع الحب تاعي فكل مكان 

امير=ايواه هبلتي روميسا عندك الحمى 

روميسا=ايا خلاص بلع متحلالاكش جيت نقولك والله و تزعفلي ختي نقتلك 

امير=كيفاه انشالله

روميسا=بالشاقور تاع جدي نتيريها عليك مالسما

امير=الشاقور تاع جدي دفنها معاه 

روميسا=اوهه شحال رهج مهم جيت عندك باش نوصيك 

امير=تفضلي جلالتك

روميسا=اذا كاش ما صرالي ولا مت ولا بلا بلا بلا راك عارف تلفوني امانة عندك تفورماطيه بشتا الانواع

امير=ههه انشالله مي علاه جاتك فراسك هكا

روميسا=والو فليل نمت زعما مت و كانو يقلبو فوليدي

امير=وليدك؟؟؟

روميسا=يعني طلفوني بايبي 

امير=ااا اوك هيا نروحو هيا  راحو كلهم لدار ريناس و إيناس جديدة و بقاو يقسرو و يضحكو و كانو ميكس يعني قاع فيما بعضاهم  مكاش براني

إياد=احم احم بما انو قاع راكو حبيت انا و نورسين نهدرو فسووجي 

نور=نسمعو 

إياد=بون يعني معرفتش نجبد السوجي

نور=اذا على تولو لامريكا انساوها

نورسين=بون هذا تان فالموضوع بصح حاجة وخدخرا 

فارس=ايه باين حبيت تخرج شراكة وحدك

إياد=بابا فهمني منين تجيب هذو الحكايات 

ابتهال=علبالي تبليت بنتي و معول ترجعها ايه نورمال اصلا توقعت

و هنا نورسين ولات تبكي 

ابتهال=ااا حبيبتي مشي قصدي نزعفك علاه تبكي اشششش 

نورسين=كاين اه اه واحد يقول لبنتو هكا

ابتهال=ياا بنتي مضاري نتمسخر معاكم هكا وشبيك اليوم 

اسلام=هذا قاع نتا إياد فششتها زيادة باين و هنا نورسين زادت فبكية شوية و  دخلت فحضن إياد لي تبان نملة قدامو 

روميسا=اووو علاه تبكولي ختي  و بنت ختي خرا لوكان سمعتوهم تفهمو لسانكم فيه 4 مترات 

ريناس=وايت وايت قلتي بنت ختي 

نور=متقوليليش راكي 

إياد=حمدالله سلكتينا روميسا بصح وين علبالك 

نورسين=انا عرفت قبل يماها ههه 

نور=ااا حبيبتي نونو متزعفيش من ماماك هذو غير هرمونات اشششت حبيبي 

قاع فرحو بنورسين  فرحة لا توصف حتى هدرت روميسا

روميسا=هلووو جماعة خلوني نهدر 

ابتهال=وي نسمعو

روميسا=بما انو انا اللولة لي عرفت بلي ختي انوسانت حتى قبلها هي و حسيت ببنت ختي

نور=وين علبالك بلي طفلة نتي

روميسا=ااوو عمتو بيناتنا موجات كهرومغناطيسية

نور=مليح والله مليح

روميسا=المهم هاذ الطفلة بنت ختي لي راح تجي لي راح تكونو شبيهتي مذابيكم تسموها كيما انا ولا والله 

اسلام=ولا وشن 

روميسا=ولا ولا 

نورسين=انا وعدتك خلاص روميسا 

روميسا=احلى اخت 

امير قرب لوذن ميليسا=لعقوبة لينا 

ميليسا=اسكت بهدلتنا جيب الباك تاعك معد اخدم معد اتزوج باش تحوس على ذراري 

نور=اشششت عندي خبر مهممم و يخصكم كلكم مشي واحد ولا زوج 

ريناس=غير الخير ماما 

نور=..............

_____________________

هنا تحبس حكايتنا لأجل غير معروف اعزائي شكرا