اليوم العرس ناضو قاع بكري راحو عند نورسين

ميليسا=نهار عرسك و راقدة نوضييييي 

روميسا=بففف لازم انا نروح معاها

ابتهال=روميسا هذو هوما العادات لازم يروحو مع العروسة خواتاتها للحفافة 

نورسين=اخرجو خلوني ندوش و نلبس و نعيطلكم

خرجو البنات و نورسين فتحت تلفونها تشوف فتصويرة إياد

نورسين=اههه يا إياد علاه هكا صرا فينا علاه كنت حابة يكون خير من هكا كنت حابة نتا تنوضني صباح تقولي مازال مانضتيش عمري اليوم تولي حلالي بصح وش نديرو ناضت دوشت و كانت تلبس حتى سمعت تلفونها يصوني 

_____عند إياد________

كان راقد حتى هجم عليه الجيش الانكشاري تاع ولاد خوالو و خوه 

بلال=نوض اووو نوضضض فنيان نوضض 

امير=اواه هذا ماينوضش 

زاكي=يااا إياد اليوم عرسك نوضضض 

رؤوف=منصف جيب قرعة ما باردة 

منصف جابها و فرغوها عليه ناض يجري

إياد=/***)////)) يا ****

منصف=ايي خو عرسك اليوم نوض حاب يماك تقتلنا 

إياد=برا عليا براااااا

خرجو خلاوه يتفكر روحو و وش كاين حتى تفكر نورسين

إياد=زعما تكون فرحان تكون تبكي زعما مازالت تحبني ولا تكون كرهتني اههه يا نوني شحال نحبك الله غالب الظروف هكاك باش نحميك  انشالله تسمحيلي

رفد تلفون رايح يعيط للحفاف بلا مايفيق صاب روحو عيط لنورسين 

إياد=الو 

نورسين=وي إياد صافا

إياد=حمدالله و نتي 

نورسين =حمدالله غير الخير كاش ما كاين

إياد=نو والو عيط نشوف لا نضتي ولا مازال 

نورسين=اااا اوك نو نضت ني رايحة للحفافة

إياد=ايا اوك اتهلاي 

___عند نورسين___

هذا إياد لي عيط ولا راني غالطة زعما يحبني لالاااا وش راني نخلط سور باش مايجرحنيش خاطر العرس على جال عمتو راحت نورسين للحفافة 

و ميليسا جبدت شعرها و بوكلاتو ملتحت نورمال  و روميسا هكا

ولاو للدار مع اسلام لبست الملحفة الشاوية على جال اصلها و استنات حتى سمعت الكورتاج وصل ولا قلبها يخبط و خايفة حتى شافت روميسا  دخلت عندها بعدتلها شوية البرنوس على وجها 

روميسا=راكي تهبلي خمسة و خموس عليك 

نورسين=مارسي اول مرة تقوليها 

روميسا=اممم صح ملي كبرنا و عرفنا الحب تبدلت حياتنا و ولبت نكرهك على جال إياد بصح ربي كتبهولك ليك و مالازمش نكره ختي على جال طفل بعد ما حككالي عمو فارس على معانات عمتو نور بلا خاوتها فهمت بلي مكاش لي يجوملي ملغيركم هاكي هاد الفوتو خليها عندك كي تتوحشيني شوفيها 

نورسين ولات تبكي عنقت ختها و شدت الفوتو دارتها ففاليزتها حتى دخل اسلام

اسلام=هيا بنتي 

هبطت نورسين خرجت تحت جناح باباها تبكي و قاع يبكو معاها و شدت فيد إياد حست رعشة فجسمها قاع و حس بيها إياد راحو لاصال قابلتها عمتها بالحليب و التمر و هي و دخلت العينين قاع عليها و بزاف غايرين منها اما هي مسكينة تخمم كيفاه باش تكون حياتها معاه كيفاش تقدر تعيش معاه فدار وحدة و بعدها لبست قبايلي على راجلها و غوب بلونش موراها محبتش تكثر اللبسة و دخل عليها إياد 

إياد=راكي شابة

نورسين=مارسي مام نتا هو كان محفف اللحية تاعو و لابس كوستيم فالبلونوي يهبل على الكوغ تاعو راح برا قطعو لاتاغت و فوتو سهرة شابة حتى وين جات رتوح صرفوها اهلها بالبكا 

____عند روميسا_____

كانت دور فلاصال و تشوف ايذا كاش ما يخص حتى حكمتها الدوخة و راحت تمشي بسيف لشمبرة العروسة و هي قريب توصل طاحت تغاشات حكمها منصف دخلها و غاس لحظات مع زينها و صدرها لي كان باين ملغوب حتى فاق جاب الما شمخها و دارلها الريحة فطنت حتى تشوف فمنصف و تبسمت معاه و اوب قريب تقيات عليه راحت تجري لصالدوبا معد منصف بدا يدخلو الشك 

منصف=راكي مليحة روميسا 

روميسا=وي صافا دوك نتكسل تجوز 

منصف=ايا نديك لطبيب

روميسا =نوو مشي جاية نخلي ختي هنا فعرسها و رنوح

منصف =مشي مكنتيش تحبيها و تحبي إياد

روميسا=غلطة و غلطتها الراجل يروح يجي خير منو ختي كي تروح مكاش فبلاصتها و هو مكتوبها 

منصف=هكا نحبك قوية و سيي تحبي وخدوخر خطيك منو 

روميسا=خلاص حبيت و كملت 

منصف حس حاجة فقلبو علبالو تعجبو مي اليوم خاف وش يكون فبالو محبش يجرحها لباطل 

منصف=ههه كي هكا مليح بصح اوعديني غير يخلاص العرس نروحو لطبيب

روميسا=اوك وعد حتى فاقت وش لابسا 

روميسا =ااا اخرج مشفتنيش لابسة هكا 

منصف=ههه مخزرتش متخافيش و خرج هي حست سطر زل حتى دخلت عليها نورسين 

نورسين=روميسا صافا راكي مصفارة 

روميسا=شوية سطر برك و رديت 

نورسين=مازلتي تخلطي الماكلة باين تردي 

روميسا=هيا نعاونك تلبسي لاغوب بلونش 

نورسين=ريحي نتي راكي عيانة دوك تجي ريناس و ميليسا 

___عند إيناس__

كانت تدور حتى جات وحد الطفلة صغيرة عندها 

الطفلة=طاطا نتي إيناس

إيناس=ايه حبيبتي علاه

الطفلة=قالتك باباك ارواحي لجنينة يحتاجك 

إيناس دارت خيمار كانت لابسة هكا

و شعرها

خرجت تحوس على بابا حتى حست واحد جبدها من يدها 

إيناس=اهه رؤوف خلعتني 

رؤوف=علاه انا غول باش نخلعك عمري 

إيناس=اصبر بعد دوك يجي بابا يشوفنا هكا 

رؤوف=اممم صحا هاه بعدت بصح ر** وش هاذ  اللبسة حابة تجهليني 

إيناس=علاه وشبيها لبستي 

رؤوف=تتمسخري بيا بالكي كي يدخلو الرجال فلاغوب لونش نصيبك بيها هاني قتلك

إيناس=مجيتش ندير ديفيلي دموند هادا وش عندي 

فارس=راكي هنا إيناس

إيناس=ويي بابا هنا ايا خليني نروح 

راحت عند باباها 

فارس =تفضلي 

إيناس =وش هذا بابا 

فارس=هذا تاج تاع يماك نساتو 

إيناس=واووو شحال شباب منين جا هذا 

فارس=هذا تاعها تاع عائلتها لازم تدير فعراس فاميلتها هكا عاداتنا اديهولها و قوليلها قالك بابا بالاكي تنسايه و راني زعفان منك 

إيناس=ههه اوك راحت إيناس لقات يماها مع ماريا يمات رؤوف 

إيناس=ماماااا

نور=وشبي جدك تعيطي 

إيناس=باش تسمعي 

نور=وشن 

إيناس=مقلتيليش بلي نتوما عائلة ملكية 

نور=وشن منين جبتي هاذ الهدرة 

إيناس=قالك بابا هاكي قبل مايشوفك جدو

نور=اعععع نسيتو قاعع مديلي و راحت تجري ديرو تفكرت نهار دارتهولها جداتها الله يرحمها ناضت تبكي توحشتها حتى لقاتهم قاع موراها يبكيو 

نور=ياههه علاه رواكو تبكو 

نورسين=عمتو مقوتيليش بلي نتي عائلة ملكية علاه علاههه سما انا اميرة 

نور=هههه ايه هذا تاج رمز عائلتنا و و نمدو للطفلة لي تولي فبلاصتي 

ايناس=اممم وشكون هي هادي 

نور=كي يجي وقتها تعرفو مي بلاصتي مشي ساهلة باش تديها خاطر قادر الموت تشوفو 1000 خطرة 

ميليسا=المهم ني خارجة خاطر علابالها بالحكاية و علابالها بلي هي وريثة عمتها كي كانت خارجة حكمها امير

امير=وش دايرة فشعرك فهميني 

ميليسا=علاه معجبكش وش قلت نديرو خضر يجي شباب لالا