داو روميسا لسبيطار و قاع برا يستناو حتى خرجت طبيبة تاعها

طبيبة=سلام نتوما عائلة المريضة

اسلام=وي حنا كيفاه راهي بنتي

طبيبة=حمدالله خرجناها مالخطر بصح الظاهر مرت باكتئاب حاد ننصحكم تدوها لطبيب نفساني 

ابتهال=اوهه حمدالله وينتا نقدرو نشوفها

طبيبة =حتى غدوة انشالله 

نور=معليش نهدر معاك 

طبيبة=تفضلي استاذة(تقولها استاذة خاطر سبيطار تاعهم و نور هي دارتلهم ستاج)

نور=كاش مابيها حاجة اخرى يعني سبب نفسي ولا

طبيبة كانت رايحة تقولها معد تفكرت هدرة روميسا و خافت تدي ذنبها=نو مكان والو استادة

نور=ايا اوك اتهلاي فيها نعرفك متقصريش

طبيبة=شكرا يشرفني نسمع هاذ الكلايم منك 

نور خرجت و بقات الطبيبة تخمم فالسبب لي خلا روميسا تخبي و لي خلاها تسويسيدي زعما المرض ستنات حتى اليل كي كانو عائلتها برا دخلت عندها

طبيبة(رانية )=سلام روميسا

روميسا=سلام نتي سلكتيني علاهه

رانية=كان افضل انك تموتي هكا تستناي اجلك

روميسا=علاه خلاولي حل ربي يسمحلي برك

رانية=احكيلي وشبيك )رانية صحبة روميسا سيام و ليسي مشي بروش مي صحابات

روميسا=بابا شك فيا و ضربني 

رانية=امم باين خاطر كي جيتي كان سايلك دم من وذنك 

روميسا=اهه يا ختي لوكان مشي ماما نهرب و نموت وحدي قاع يكرهوني لكان ريناس ولا نورسين يسقسوهم ميليسا لي صغيرة عليا خير مني

رانية=خلاصص اشش متبكيش مشي مليح يزيدلك سطر

روميسا=مجاوش

رانية=سيي جاو مخليتهومش يدخلو يشوفوك

روميسا=خير ما عملتي 

رانية=روميسا ختي متأكدة مكيش حابة تقوليلهم

روميسا=وي ابداا

رانية=اوك بصح

روميسا=بصح واش

رانية=دوسيي تاعك كاين فسبيطار

روميسا=دبري راسك كيفاه تنحيه 

رانية=اوفف اوك اوك

بقاو البنات يقسرو حتى رقدت روميسا و بقات رانية تخزر فيها

رانية=عندك كلش دراهم زين قراية بصح مشي مهنية فحياتك و وصلتي للموت ايهه يا الدنيا الغدارة

و خرجت لقات يمات روميسا برا

ابتهال=بنتي مازال مافطنتش 

رانية=لالا فطنت و درنالهم كالمو تكون مازالت دايخة مالحادثة خلو غدوة و شوفوها

ابتهال=اوك

رانية=طاطا روحي للدار و غدوة ولي راني معاها

ابتهال=بوهه بنتي هنا و انا راقدة فالدار كيفاه هذي

رانية=معليش يا سيدي ارواحي معايا للبيرو تاعي تريحي فالفوتاي هايا فخاطر روميسا

ابتهال=اوك هاني جيت

داتها معاها و هي خرجت تنحي ملفات روميسا علبالها بلي سبيطار تاع عمتها تفيق تفيق و هي دخلت للبيرو تاع ليدوسيي شافت خيال معد قالت راهي تتخايل و كيما قربت مالقفلة تاع الضو زدمت فواحد و ناضت نعيط حتى شدها سكتها 

منصف=اسكتي بهدلتينا اسكتيييي 

رانية=احم سمحلي شكون حضرتك داخل هنا فظلمة

منصف=حوست على الضو ملقيتهاش

رانية=موراك 

منصف =اا مارسي 

رانية=ايه دوك شكون حضرتك خلعتني 

منصف=انا منصف وليد الدكتورة ماريا

رانية=ااا اوك متشرفين فاش نقدر نساعد

منصف =الصراحة ماما حبت تقلب الملف تاع روميسا بنت عمي

رانية=علاش تقلبو

منصف=خاطر اليوم سيات تسويسيدي تشوف النتائج تاع ليزاناليز مور العملية 

هنا تلبكت رانية خاطر علبالها بلي ماريا كي يدخل اي واحد لسبيطار ملعائلتها تدرس الملف تاعو

رانية=اوك خويا نتا تبقا تقلب هكك برك انا الطبيبة تاعها جيت نديه نشوف حاجة و نمدهولك

منصف=اممم اوك

رانية =تفضل معايا للبيرو تبعها منصف و كي دخل لقا تما ابتهال

منصف=ااا طاطا ابتهال راكي هنا

ابتهال =ايه وليدي كثر خير بنتي رانية قاتلي اقعدي هنا 

منصف=علاه مرحتيش للدار

ابتهال= يا وليدي مقدرتش 

و فهاذ اللحظات رانية استغلت الفرصة نقلت الرقم السري تاع روميسا و نحات ليزاناليز تاع داك نهار و بدلت شوية فليزاناليز تاع اليوم و طبعتها و بدلت 

رانية=تفضل راني كملت بيه

منصف=شكرا ختي

رانية =لا شكر على واجب

منصف=ايا انا نروحو طاطا كاش ماسحقيتي عيطي 

ابتهال=يكثر خيرك وليدي

خرج منصف و رانية خزرت فابتهال

رانية=تعشيتي 

ابتهال=لالا قالولي محبيتش

رانية=بصح يلزم تاكلي هكا تزعفي روميسا

ابتهال=والله ماقادرة يا بنتي

رانية=هيا طاطا شوفي انا الفطور مفطرتش دوك ياي تاكلي يا مناكلش انا تان

بعد تحلال عظيم راحت معاها لريستو تاع السبيطار كلاو حاجة خفيفة 

رانية=انا نروح ندموندي قهوة نجيبلك

ابتهال=مدابيك بنتي بصح القهوة تفطن و نتي تكوني عييتي 

رانية=ههه لالا نورمال نحب خدمتي لازم نبقا فاطنة 

ابتهال=الله يكثر من مثالك 

رانية=شكرا 

"""""فدار العائلة """"""

نور=نتوما هبلتو صح هبلتو كيفاه تديرو هكك هاي كاش ما صرالها مشي تدو ذنوبها

شهاب=وش كاين فهموني معليش دخلت لقيتها شاعلة

نور=دوك نفهمك دوك نفهمكم

امجد=وي مذابيك

نور=السي اسلام سمع زوج كلايم من صاحبو على روميسا جا بهدلها و رخسها و ضربها شوية و يقتلها و فالتالي كلش كذبة و كانت خارجة مع منصف وليد امجد

شهاب=وشنن و دوك وين راهي

نور=وين راهي راهي فسبيطار طفلة محملتش سيات تسويسيدي لوكان طولنا شوية راهي فرحمة ربي

اسلام=بعيد الشر

نور=ديرها و قول بعيد الشر

ميليسا=اصبرو اصبرو فهموني ختي راهي فسبيطار ياك سمعت مليح

نورسين=قربت عند ختها عنقتها

نور=و نتي ماما و نتي هكك ديريلها باين جاتها قاع رانا ضدها

امير=بلعقل ماما تهدني راكي مريضة

نور=منيش مريضة بعدو خليقتي منيش مريضة 

إياد=يا ما تهدني عندو الحق امير

نور=فتلك منيش مريضة متفهمش راني هايلة بصحتي

ايناس=كيفاه محسوب كذبة كانت

نور=مشي كذبة كن مريضة و بريت

إياد=اصبري اصبري كيفاه بريتي مشي قلتي تموتي

ماريا=قالت بصح لقينا حل و دارت عملية و دوك حمدالله

امير=و مكنتيش معولة تقولينا

نور=علاه خلاني خالكم عقل انا لاه جمعتكم هنا باش نقولو هو جاي 

ماريا=نورر خلاص راكي دايرة عملية 

نور=اوفف اوك اوك و وليدك مزال مجاش

رؤوف=علاه وين راح منصف

ماريا=راح يجيبدوسيي تاع روميسا 

منصف=راكو تهدرو عليا

شهاب =ابتهال وين راهي تكون مقلقة

اسلام=راهي راقدة الفوق

منصف=اوو راك سور هذا وين تلاقيتها فسبيطار مع طبيبة تاع روميسا

اسلام=كيفاه قاتلي دوك نروح

نور= و مكلات والو

اسلام يعيطلها يخرجلو مغلق

اسلام=غالقة تلفون

نور=دوك منين نعيطولها

ريناس=قلت راهي مع رانية نعيطو لرانية 

نور=وين نلقاو نومروها

ريناس=صحبتنا

نور=اا اوك عيطي

عيطت ريناس حتى ريبوندات عليها دارت اوت باغلوغ

ريناس=وي رانية

رانية=وي رينو غير الخير

ريناس=عيطت نسقسيك على طاطا ابتهال تقلقنا عليها تلفونها طافي

رانية=متخافيش راهي مليحة قاتلكم ديشارجالها تلفون 

ريناس=قوليلها نجيبولك كاش ما تاكلي

رانية=لالا هذا وين كنا نتعشاو انا وياها راهي فسانيتاغ دوك كي تخرج تعيطلكم ايذا حبت تبان زعفانة منكم و كوبات

ريناس=سمعتو

نور=هاه بسبتك

ماريا=حمدالله الدوسيي تاعها نقي 

نور=حمدالله بقاو قاع يهدرو هكا مجاهمش رقاد على جال روميسا 

حتى صونا تلفون نور برقم غريب

نور=الو وي

***=سلام زين توحشتيني

نور=وي شكون معايا

***=الغول بب انا تان توحشتك عمري نحبك يا حب حياتي و كوبا 

نور=الو الو الو

فارس=شكون

نور=بلاك غلطو

__________________________________________

زعما شكون عيط لنور فرايكم 

زعما روميسا تسامحهم