" ليتهُ حُلم 💔 "

HanoodaHM
•°•°•°•°~~~~~~~☆

اليوم التالي صباحا :

ناضت سلام تعبانه وراسها بينفجر من البكاء يلي بكاته فالليل ،،،
طلعت من الدار خشت الحمام وتوضت وصلت ورجعت لدارها من جديد ،، وتت روحها وفتحت تلفونها لقت رسائل من اسامه 💔
بدون ما تقرا ولا رساله بعتتله ( تعال بعد نص ساعه في كافي ..... )
سكرت تلفونها وحطاته فالشنطه وطلعت ،،
لقت بوها فالصاله مقعمز : صباح الخير بابا
سالم : صباح النور
سلام : اني طالعه باهي
سالم : وين عالصبح ؟
سلام : مشوار ضروري ونرجع قول لماما لما تنوض
سالم : متطوليش
سلام باست علي راسه : هي بالسلامه

،،،،،،،،،،~~~~~~~•○•○•

طلعت من الحوش خدت تاكسي للكافي وهيا تجهز فالكلام يلي بتقوله 😔
كلام رح يغير حياتها 360° 💔
بس مع هدا كانت مصره علي كل خطوة بتديرها 👌

وصلت الكافي وخشت واستغربت لما لقاته سابقها " اه لو تعلم ليش منادياتك اه 😔 "
حطت شنطتها عالطاوله وقعمزت : صباح الخير
اسامه بكل حب : صباح الورد يا وردتي
سلام طبست راسها بألم
اسامه عرف ان فيها حاجه : سلام خيرك شن في وربي مشغول وامس مترديش وقافله التلفون ليش
سلام رفعت راسها وشبحتله بلمعه فعينها خلاته يسكت 💔
اسامه معش عرف شن يقول وقلبه انقبض : خيرك حبيبتي 💔
سلام واللمعه فعينها وبكل تحدي وقوة وكسرة فقلبها : اني نبي نفسخ
اسامه انصدم : شن ؟؟ شن تقولي انتي ؟
سلام طبست راسها ورفعاته : اي نبي نفسخ
اسامه منصدم : والسبب !! ،، نسيتي حبنا نسيتي احلامنا نسيتي عرسنا يلي خططناله وهوا بعد شهر ؟ تبصري انتي صح
سلام ومبتش تنزل دموع : اسفه اسامه معش نقدر نكمل معاك قدر ضرفي وبنفسخ ✋💔
اسامه صبى وعلا صوته : تي شن تقولي شن فيوم وليله بنفسخ بتطلعيني من عقلي انتي والا شن
سلام ناضت : معش تعلي صوتك عليا ومعش نبيك وبنفسخ اني حرة فاهم والا ☝️
اسامه هدا ونقص صوته : غير قعمزي الله يربحك
سلام قعمزت و شبحتله بوجع : مشحا يكون عرسنا بعد شهر بس اقسم بالله العظيم اقسم بالله العظيم ماني مسامحاتك لو مخطبتش وتزوجت فأقرب وقت 💔
اسامه منصدم وبحزن : سلام باالله عليك معش تقولي هكي ، انتي خطيبتي وحبيبتي ومرتي وام صغاري 💔
سلام دموعها نزلو : اوعدني اسامه اوعدني يا اما اقسم بالله ماني مسامحاتك لا دنيا لا اخرة
اسامه شدلها يدها يلي كانت عالطاوله : انحبك معش تعدبيني ولو كان مقلب والله حرام عليك 😔
سلام دموعها بدو ينزلو وسحبت يدها : لو تحبني دير يلي قتلك عليه ، امانه في رقبتك يا اسامه امانه 👌
اسامه جا بيمسحلها دموعها شدتله يده باعدتها : هنا كلمتين وقلتهم يا اسامه والله ماني مسامحاتك وامانه فرقبتك ماني مسامحاتك لو ما درتها 👌😔

خدت سلام شنطتها ومسحت دموعها يلي ينزلو بغزارة ويكترو كل ما تمسحهم وناضت بتطلع ،،
لحقها اسامه والناس تشبحلهم ومستغربه فيهم : بالله عليك متمشيش 💔
سلام تبكي : يلي عندي قلته ومعش في شي بيني وبينك
التفتت بتكمل طريقها لكن وقفت من جديد ،، فرح اسامه يحسابها تراجعت ونظرلها بنظرة شفقه وحزن وامل بس للأسف ولت عشان تعطيه الدبله 💍
حولت سلام الدبله من يدها وكانت كلها دموع وحطتهله فيدها وسكرتله عليها : لبسها للي امنتك عليها 💔
ومشت وكل خطوة كان قلبها ينزف ودموعها يسيلو 💔
خدت تاكسي ولملمت جروحها وروحت للحوش ،،

وأحيانا تصبح الأقدار بارعة جداً في تحطيم الامنيات

💔😔👌

~~~~~~~

اما عند اسامه قعد جامد في مكانه وشاد الدبله ويشبح ليده ومنصدم من كل شي صار ...

طلع بسرعه ركب سيارته وحط الدبله فجيبه وولع السيارة وفات بأقسى سرعه ليه ،،،
يجري ويسترجع فكل كلمه من سلام ويحاول يكمد فقلبه بس الراجل لما يحب يغدرن بيه دموعه وينزلن 😔
بكا اسامه من شده حبه لسلام ومن صدمته بالموضوع ،،
قعد يبكي و يتفكر لما قاللها ان حدد موعد العرس :

اسامه يتصل بسلام 📲
ردت عليه : مش قتلك زعلانه معش تتصل 🤨
اسامه يضحك ويتكلم بصوت عالي : حبيييبتي
سلام : نقص صوتك نسمع اني مش طرشه 🤨
اسامه بصوت عالي : نحبيييييييييككككك
سلام : خيرك بالله شن صايرلك😨
اسامه بصوت عالي وبفرح : قريب تكوني جنبي يا عمري قرييييييب
سلام قعمزت : احلف
اسامه يضحك وفرحاان : اقسم بالله اليوم بنجي لبوك بنحدد العرس فشهر 4 ,, الشهر يلي عرفتك فيه ❤
سلام تنط وفرحانه : واخيرت يا عمري واخيرا بنحققو حلمنا 😍😍
اسامه بفرح : واخيرا يا عمري ،، الحمد لله يارب ❤
سلام بعمق : الحمد لله ❤
اسامه : هي روحي انوضو نصلو ركعتين شكر لله
سلام : حاضر يا عمري هي
وناضو صلو هما الزوز ❤

رجع اسامه من افكاره وقعد يخبط في الدومان متاع السيارة ويبكي : ليش هكي اتديري فيا ليش ليش اني نحبك حرام عليك 💔
ويجري بأقسى سرعه 🚙💔

#اما عند سلام :

روحت طول للحوش وخشت لقتهم كلهم متجمعين و واضح عليها البكا ،،
امها لاحظت وخافت عليها : خيرك سلام
سلام قربت منهم ومطبسه راسها ودموعها ينزلو : اني فسخت من اسامه وهدا قراري وارجوكم منبي حد يناقشني فالموضوع
خواتها وكلهم شهقو : شنووو وليييش
سلام تبكي : محد يقول ليش وارجوكم متضغطوش عليا
ومشت من قدامهم لدارها وكلهم لحقوها لكن هيا خشت دارها وسكرت الباب 💥
هما برا ينادو يدقو وهيا حاطه يدها علي فمها وتبكي بعبرتها 😔💔

سامحني يا حبيبي ،، اني درت هكي عشانك انت 💔
منبيكش تخسر ايامك وسنينك مع وحده مريضه اخرتها ومصيرها فالقبر 😔

~~~~~~~~~~~~

أحيانا لما تكوني تحبي شخص من قلبك ،،
تكوني مستعده اتديري اي شي عشان تخليه هوا سعيد ولو كان هالشيئ مؤلم ليك انتي ✋
انضحو بسعادتنا عشان غيرنا 👌
الحاجه هدي ميديرها الا الشخص يلي حب
من 👈 " ❤ "

•°•°•°•°•°•°•°•°•°

HanoodaHM🖋
☆☆☆☆☆☆☆

متنسوش ال⭐

وعطوني رايكم بصدق ❤

وشكرا ❤